 ຂຽນເມື່ອ: ທ.ວ.. 30, 2011
| ມີ
8 ຄຳເຫັນ
ແລະ
0 trackback(s)
ຕົວອັກສອນລາວຟອນເພັດຊະ ລາດ ມີຄວາມທັນສະໄຫມ ແລະ ສະດວກຫລາຍຢ່າງຕໍ່ການໃຊ້ງານ
ດ້ານສື່ສານຈະໄດ້ປາກົດສູ່ສັງຄົມ ລາວໃນລະບົບຄອມພິມເຕີ ແລະ ມືຖື, ຫລັງທີ່ກະຊວງໄປສະນີ,
ໂທລະຄົມມະນາຄົມ ແລະ ການສື່ສານໄດ້ຈັດງານເປີດການນຳໃຊ້ຕົວອັກສອນດັ່ງກ່າວໃນຕອນ ເຊົ້າຂອງມື້ວານນີ້. ໄລຍະຜ່ານມາການນຳໃຊ້ ແລະ ການພັດທະນາເຕັກໂນໂລຊີສື່ສານຂໍ້ມູນຂ່າວຢູ່ລາວເຖິງຈະມີການ ຂະຫຍາຍ ຕົວຢ່າງຕໍ່ເນື່ອງກໍ່ຕາມ, ແຕ່ປະຊາຊົນລາວ ສ່ວນຫລາຍຍັງມີຂໍ້ຈຳກັດ ເພາະເຄື່ອງອຸປະກອນເອເລັກໂຕນິກແມ່ນຍັງ ມີລາຄາແພງເມື່ອທຽບໃສ່ ກັບລາຍຮັບຂອງປະຊາຊົນ ແລະ ການນຳໃຊ້ເພື່ອໃຫ້ໄດ້ຜົນສູງນັ້ນຕ້ອງໄດ້ຜ່ານການຝຶກ ອົບຮົມທີ່ ຈຳເປັນ, ແຕ່ວ່າຂໍ້ຈຳກັດທີ່ສຳຄັນໃນອຸປະກອນເຫລົ່ານັ້ນບໍ່ມີພາສາລາວ. ຕໍ່ກັບບັນຫາດັ່ງກ່າວກະຊວງໄປສະນີ, ໂທລະຄົມມະນາຄົມ ແລະການສື່ສານໄດ້ພະຍາຍາມຢ່າງຕັ້ງຫນ້າໃນການຄົ້ນຄົ້ວ ເພື່ອນຳໃຊ້ເຕັກໂນໂລຊີຂໍ້ມູນຂ່າວສານເຂົ້າໃນການບໍລິຫານ, ບໍລິການ ແລະ ສື່ສານໃຫ້ທັນສະໄຫມ, ວ່ອງໄວ ແລະ ກວ້າງຂວາງ, ເມື່ອໄລຍະສອງເດືອນຜ່ານມາກະຊວງໄດ້ຮ່ວມກັບວິຊາການລາວດ້ານຄອມ ພິວເຕີ ທີ່ສຳເລັດການສືກ ສາມາຈາກ ຫລາຍປະເທດ ເພື່ອພັດທະນາອັກສອນລາວຟອນເພັດສະລາດ ໃຫ້ສົມບູນຕາມມາດຕະຖານສາກົນ ແລະ ໃຫ້ສາມາດບັນຈຸຢູ່ໃນລະບົບຄອມພິມເຕີ ແລະ ມືຖືຄືກັບພາສາອື່ນໆ. ທ່ານ ຫຽມ ພົມມະຈັນ ລາຍງານໃຫ້ຮູ້ຕື່ມວ່າ: ປະຈຸບັນໄດ້ສຳເລັດຂັ້ນພື້ນຖານຄື: ອັກສອນລາວຟອນເພັດຊະລາດ ສາມາດບັນຈຸເຂົ້າໃນລະບົບຄອມພິວເຕີ ແລະ ມືຖື, ເຊິ່ງຟອນດັ່ງ ກ່າວຍັງສາມາດປ່ຽນຟອນອັກສອນລາວອື່ນໆ ໃຫ້ເປັນອັນດຽວໄດ້, ໄດ້ສຳເລັດທາງດ້ານເຕັກນິກຕໍ່ໄປຈະໄດ້ດຳເນີນບາງລະບຽບການສາ ກົນໃຫ້ສົມບູນທຸກຢ່າງ ເພື່ອໃຫ້ຄົນລາວ ແລະ ກໍ່ຄືຕ່າງປະເທດທີ່ຮູ້ຈັກພາສາລາວສາມາດຕິດຕໍ່ພົວພັນຜ່ານ ລະບົບຄອມພິມເຕີ ແລະ ມືຖືດ້ວຍອັກສອນລາວ.
|
ຂຽນເມື່ອ: ທ.ວ.. 20, 2011
| ມີ
6 ຄຳເຫັນ
ແລະ
0 trackback(s)
 ໜວດໝູ່:
ອື່ນ ໆ
|
ຂຽນເມື່ອ: ທ.ວ.. 13, 2011
| ມີ
8 ຄຳເຫັນ
ແລະ
0 trackback(s)
ໃຜທີ່ມັກຫຍ້ຳຊີງອົ້ມເມື່ອຫຍ້ຳໄປແລ້ວກໍ່ມັກເປົ່າເປັນປຸມເປົ້າໂຊໃຫ້ຄົນອື່ນເຫັນວ່າຕົນເອງມີຄວາມສາມາດ, ແຕ່ຖ້າຖາມຜູ້ເຖົ້າ ຫລື ພໍ່ແມ່ແລ້ວ ວ່າການເຮັດພຶດຕິກຳແບບນີ້ເພິ່ນຈະມັກບໍ່ເພາະຖືວ່າເປັນພຶດຕິກຳທີ່ບໍ່ ເຫມາະສົມປານໃດ, ແຕ່ສຳລັບເຍົາວະຊົນຫລືໄວຫນຸ່ມແລ້ວພວກເຂົາຈະຄິດທັນທີວ່າໃຜທີ່ມັກເວົ້າແລະ ມັກຫ້າມການຫຍ້ຳຊີງອົ້ມໃນທີ່ສາທາລະນະຫລືສະຖານທີ່ຕ່າງໆກໍ່ຕາມນັ້ນຖືວ່າເປັນເລື່ອງຫນ້າເບື່ອຫນ່າຍ ຫລາຍສ ຳລັບພວກເຂົາ. ດຣ. ໂຈເອລຊະເກລຊິງເກີ ແພດດ້ານສັນຍະກຳໃນໂອມາຮາເປີດເຜີຍວ່າ: ສັງເກດເຫັນລູກຄ້າຫລືຄົນປ່ວຍທີ່ມາຍົກ ຫນັງຫນ້າໃຫ້ເຄັ່ງຕຶງນັ້ນ ສ່ວນຫລາຍແລ້ວມີນິດໄສມັກຫຍ້ຳຊີງອົ້ມເປັນຊິວິດຈິດໃຈແລະສາວໆເຫລົ່ານີ້ກໍ່ຈະມີຮອຍ ແຫ່ວຍານໃຫ້ເຫັນຢ່າງຊັດເຈນເທິງໃບຫນ້າບໍລິເວນປາກ ດັ່ງນັ້ນຂໍແນະນຳວ່າການຫຍ້ຳຊີງອົ້ມຕິດຕໍ່ກັນຕັ້ງແຕ່ 5-20 ນາທີເປັນປະຈຳທຸກມື້ຈະເປັນອັນຕະລາຍຕໍ່ຄວາມງາມແລະຄວາມເຄັ່ງຕຶງເທິງໃບຫນ້າ ຫລາຍ. ຢ່າງໃດກໍ່ຕາມຂໍ້ມູນບໍ່ໄດ້ໃຫ້ຮູ້ເຖິງຄົນທີ່ຢ້ຳຊີງອົ້ມໃນບາງໂອກາດຫລືຄົນທີ່ຫຍ້ຳຊີງອົ້ມເພື່ອດັບກິ່ນປາກໃນບາງເວລາ, ແຕ່ກ່າວເຖິງກຸ່ມ ຄົນທີ່ຕື່ນນອນມາກໍ່ຕ້ອງຫຍ້ຳໃນປາກແລະຕະຫລອດເວລາບໍ່ວ່າຈະຢູ່ໃນສະຖານທີ່ໃດກໍ່ຕາມລະວັງ ທ່ານຈະໄດ້ເສຍເງິນເພື່ອປິ່ນປົວຄວາມແຫ່ວຍານເ ທິງໃບຫນ້າຫລາຍກວ່າຄົນປົກກະຕິທົ່ວໄປ.
|
ຂຽນເມື່ອ: ທ.ວ.. 13, 2011
| ມີ
6 ຄຳເຫັນ
ແລະ
0 trackback(s)
ມື້ນີ້ຈະມາເວົ້າເຖິງພິດໄພຂອງການຮັບປະທານຊີ້ນຫລາຍຈົນເກີນໄປເພາະຈະເປັນອັນ ຕະລາຍຕໍ່ສຸຂະພາບແບບທີ່ທ່ານຄາດບໍ່ເຖິງ. 
ຊີ້ນສັດທີ່ອຸດົມໄປດ້ວຍໂປຣຕີນເຊິ່ງໃຫ້ພະລັງງານແກ່ຮ່າງກາຍຖ້າຮັບປະທານໃນປະລິມານຫລາຍເກີນ ຄວາມຈຳເປັນໂປຣຕີນສ່ວນເກີນຈະຖືກປ່ຽນເປັນໄຂມັນສະສົມຕາມຮ່າງກາຍຈົນເຮັດໃຫ້ນ້ຳຫນັກເພີ່ມຂຶ້ນ ຢ່າງວ່ອງໄວທີ່ສຳຄັນຖ້າຮ່າງກາຍມີປະລິມານໂປຣຕີນຫລາຍຕັບແລະຫມາກໄຂ່ຫລັງຕ້ອງໄດ້ເຮັດວຽກຫນັກ ຈົນອະໄວຍະວະດັ່ງກ່າວເກີດຄວາມເຄັ່ງຄຽດສົ່ງສັນຍານທີ່ສັງເ ກດໄດ້ຄືອ່ອນເພຍງ່າຍ,ຂາດຄວາມສົດ ຊື່ນເນື່ອງຈາກຕັບຈະສ້າງເກືອແອມໂມເນຍກ່ອນຈະປ່ຽນເປັນຢູເຣຍສົ່ງໃຫ້ຫມາກໄຂ່ຫລັງຂັບອອກເປັນ ຍ່ຽວ ຖ້າທຽວຍ່ຽວຫລາຍເທື່ອອາດເຮັດໃຫ້ຮ່າງ ກາຍຂາດນ້ຳ. ການກຳຈັດໂປຣຕີນສ່ວນເກີນໃນຂັ້ນຕອນຂອງຫມາກໄຂ່ຫລັງການຂັບຍ່ຽວນັ້ນຈະເຮັດໃຫ້ແຄລຊຽມຊຶມ ອອກມາປົນກັບຍ່ຽວ ແລະ ເປັນສາເຫດຫນຶ່ງທີ່ກໍ່ໃຫ້ເກີດພະຍາດກະດູກຜ່ອຍ. ນອກຈາກນີ້ຊີ້ນສັດ ຍັງມີຟອສຟໍຣັສມີຜົນກະຕຸ້ນຕ່ອມພາຣາໄທຣອຍໃຫ້ຫລັ່ງຮໍໂມນລະລາຍແຄລຊຽມໃຫ້ລອຍໃນກະແສ ເລືອດກ່ອນຈະໄປຈັບຕົວຕາມຂໍ້ຕີນ, ສະໂພກ, ຂໍ້ສັນຫລັງເປັນທີ່ມາ ຂອງພະຍາດຂໍ້ກະດູກເສື່ອມ. ອາຫານການກິນຖ້າຮັບປະທານແຕ່ຊີ້ນຫລາຍ, ອົງການອະນາໄມໂລກ (WHO) ໃຫ້ຮູ້ວ່າ: ເປັນການເພີ່ມຄວາມສ່ຽງເຈັບດ້ວຍພະຍາດຫົວໃຈ ແລະ ມະເຮັງທັງເຮັດໃຫ້ອາຍຸສັ້ນ. ເຊິ່ງສອດຄ່ອງກັບລັກສະນະການກິນຂອງຊາວເອສກິໂມທີ່ເນັ້ນຮັບປະທານແຕ່ຊີ້ນກັບໄຂມັນຈິ່ງເຮັດໃຫ້ຮ່າງ ກາຍເສື່ອມໂຊມ, ເຖົ້າໄວ, ອາຍຸໄຂສະເລ່ຍຢູ່ທີ່ 27 ປີ. ຂະນະທີ່ຜູ້ຄົນທີ່ຮັບປະທານ ພວກພືດຜັກກັບມີອາຍຸຍືນ. ສິ່ງທີ່ຫລາຍຄົນຄວນຮູ້ຄືຄົນເຮົາເກີດມາມີເຊລຢູ່ທົ່ວຮ່າງກາຍ 50 ລ້ານລ້ານເຊລ, ແຕ່ລະເຊລສາມາດແບ່ງຕົວ ໄດ້ 50 ເທື່ອ(ເທື່ອຫນຶ່ງມີອາຍຸ 2 ປີ) ສະເພາະຮ່າງກາຍນັ້ນອາຍຸໄຂຂອງຄົນເຮົາ ສາມາດຢູ່ໄດ້ເຖິງ 100 ປີແຕ່ທຸກມື້ນີ້ພຶດຕິກຳການກິນ, ການຢູ່ທີ່ບໍ່ເຫມາະສົມໄດ້ທຳລາຍເຊລນັ້ນຈິ່ງເຮັດໃຫ້ຄົນມີອາຍຸໄຂສັ້ນລົງເລື້ອຍໆ. ດັ່ງນັ້ນນັບແຕ່ມື້ນີ້ໄປໃນແຕ່ລະຄາບເຂົ້າຄວນຈະມີຜັກເປັນສ່ວນປະກອບຫລາຍກວ່າຊີ້ນຖ້າໃຜບໍ່ມັກຮັບປະທານ ຜັກກໍ່ສາມາດຮັບປະທານຫມາກໄມ້ໃຫ້ຫລາຍໆແທນຜັກກໍ່ໄດ້ເພື່ອເປັນການ ລະບາຍຂັບຖ່າຍສະດວກ..
|
ຂຽນເມື່ອ: ທ.ວ.. 11, 2011
| ມີ
3 ຄຳເຫັນ
ແລະ
0 trackback(s)
ໜວດໝູ່:
ກາບກອນ
# ວິຊາດີ ເປັນສະຫາຍ ລ້ຽງຊີວິດ ພັນຍາສະໜິດ ຍ່ອມເປັນມິດ ໃນເຄຫາ 
# ມີຄູ່ຄອງ ຕ້ອງບໍ່ທຳ ໃຫ້ຊ້ຳຈິດ ຈະພາຜິດ ໄປຂ້າງ ທາງຜຸຍຜົງ ຕ້ອງສົງເຄາະ ແກ່ກັນ ໃຫ້ໝັ້ນຄົງ ຮັກຢືນຍົງ ດ້ວຍກັນ ເຖິງວັນຕາຍ.
|
ຂຽນເມື່ອ: ພ.ຈ.. 11, 2011
| ມີ
7 ຄຳເຫັນ
ແລະ
0 trackback(s)
ອາດຈະມີຫລາຍຄວາມຄິດສຳລັບການກິນ ຫມາກໄມ້ ແຕ່ກໍ່ຍັງບໍທັນມີການ ວິໄຈທີ່ສາມາດສະ ຫນັບສະຫນູນແນວຄິດກ່ຽວກັບເວລາທີ່ເຫມາະສົມ ແກ່ການກິນຫມາກໄມ້ ແຕ່ຖ້າຈະວິເຄາະຕາມລະບົບ ການຍ່ອຍອາຫານ ຂອງຮ່າງກາຍແລ້ວການກິນຫມາກໄມ້ສາມາດກິນໄດ້ທັງຕອນຢາກເຂົ້າ ແລະ ຫລັງຈາກ ອີ່ມເຂົ້າເນື່ອງຈາກວ່າຫມາກໄມ້ມີນ້ຳຕານ ແລະ ວິຕາມິນສູງດັ່ງນັ້ນ ເມື່ອເຮົາຢາກກິນເຂົ້າກໍ່ສະແດງ ວ່າຮ່າງກາຍຕ້ອງການນ້ຳຕານເມື່ອເຮົາໄດ້ນ້ຳຕານ ຈາກຫມາກໄມ້ກໍ່ຈະເຮັດໃຫ້ຮ່າງກາຍສົດຊື່ນຂຶ້ນ ແລະ ເຊົາຢາກເຂ້ົາພ້ອມກັບເຮັດ ໃຫ້ຄວາມຕ້ອງການ ກິນອາຫານປະເພດອື່ນຫລຸດລົງເຊັ່ນກັນ.
ສ່ວນການກິນຫມາກໄມ້ຫລັງ ກິນເຂ້ົາອີ່ມກໍມີຂໍ້ດີ ຄື: ຫມາກໄມ້ປະກອບດ້ວຍ ວິຕາມິນຫລາຍຊະນິດ, ວິຕາມິນບາງຊະນິດຕ້ອງການໄຂມັນໃນການຊ່ວຍ ດູດຊຶມໄດ້ແກ່ວິຕາມິນອາ, ວິຕາມິນເດ, ວິຕາມິນອີ ແລະ ວິຕາມິນກາ ດັ່ງນັ້ນເມື່ອເຮົາກິນຫມາກໄມ້ຫລັງ ຈາກອີ່ມເຂົ້າຈະຊ່ວຍໃຫ້ຮ່າງກາຍໄດ້ຮັບວິຕາມິນ ເຫລົ່ານີ້ໄດ້ດີກ່ວາການກິນຫມາກໄມ້ຢ່າງດຽວໃນ ເວລາທ້ອງວ່າງ.
|
ຂຽນເມື່ອ: ຕ.ລ.. 26, 2011
| ມີ
8 ຄຳເຫັນ
ແລະ
0 trackback(s)
ໜວດໝູ່:
ອື່ນ ໆ
Lytro ກ້ອງຕົວທຳອິດທີ່ບັນທຶກພາບ ດ້ວຍເຕັກນິກ Light-field ເຊິ່ງເປີດຕົວເມື່ອວານນີ້ໃນ San Francisco ໂດຍຈຸດເດັ່ນຂອງການເຮັດວຽກຄືມັນຈະສາມາດບັນທຶກອານາເຂດຂອງແສງ (field of light) ແທນພິກເຊລ (pixel) ເຊິ່ງຈະເຮັດໃຫ້ຜູ້ໃຊ້ສາມາດໂຟກັສພາບຫລັງຈາກຖ່າຍແລ້ວໄດ້. 
ໃນຂະນະທີ່ກ້ອງດິຈິຕອລທົ່ວ ໄປຈະໃຊ້ການລວບລວມຂໍ້ມູນ ແສງເຂົ້າໄປເກັບໃນອົງປະກອບຂອງພາບທີ່ເປັນພິກເຊລ ສ່ວນ Lytro ຈະເກັບຂໍ້ມູນທັງຫມົດແຍກກັນ ໂດຍເຊັນເຊີຈະບັນທຶກສີ, ຄວາມເຂັ້ມ ແລະ ທິດທາງລັງສີຂອງແສງກ່ອນທີ່ຈະ ນຳຂໍ້ມູນທັງຫມົດມາສ້າງຂຶ້ນ ເປັນພາບໃຫມ່ພາຍຫລັງດ້ວຍເຕັກໂນໂລຊີນີ້ ຜູ້ໃຊ້ບໍ່ຈຳເປັນຕ້ອງໂຟກັສເວລາຖ່າຍພາບເນື່ອງ ຈາກເຮົາສາມາດໂຟກັສສ່ວນຕ່າງໆຂອງພາບໃນພາຍຫລັງໄດ້ ແລະ ຜົນຈາກການທີ່ມັນບໍ່ຕ້ອງມີຂະບວນການໃນລະຫວ່າງ ບັນທຶກແຕ່ລະພາບ ເຮັດໃຫ້ບໍ່ຕ້ອງພົບກັບບັນຫາຄວາມຫລ້າຊ້າຂອງຊັດເຕີ (Shutter Lag) ອີກທັງຍັງສາມາດເປີດກ້ອງ ໃຫ້ພ້ອມຖ່າຍພາບທີ່ຕ້ອງການໄດ້ພາຍໃນບໍ່ ເຖິງວິນາທີຊ້ຳ. Lytro ຈະມີການອອກແບບທີ່ແຕກຕ່າງຈາກກ້ອງຖ່າຍຮູບທົ່ວໄປ ໂດຍຈະມີລັກສະນະເປັນທ່ອນຊົງກະບອກຂະຫນາດ ນ້ອຍພົກພາສະດວກ (ເບິ່ງໄປເບິ່ງມາຄ້າຍຄືລິບສະຕິກຂອງ ແມ່ຍິງ ແຕ່ມີຂະຫນາດທີ່ໃຫຍ່ກວ່າ) ຕົວກ້ອງຈະຍາວ 4,4ນິ້ວ ຫນັກພຽງແຕ່ 227ກຣາມ, ດ້ານຫນ້າເປັນເລນສ໌ ສ່ວນດ້ານກົງກັນຂ້າມຈະເປັນຈໍສຳຜັດ LCD ຂະຫນາດ 1,46ນິ້ວ ຜູ້ໃຊ້ ສາມາດກຳນົດຂອບ (frame) ຂອງພາບທີ່ຕ້ອງການຖ່າຍໄດ້ ຫລື ໃຊ້ວິວພາບທີ່ຖ່າຍກ່ອນຫນ້າ ນີ້ໄດ້ອີກ, ຕົວກ້ອງຈະມາ ພ້ອມ ກັບສະວິສເລື່ອນ (slider) ສຳລັບຊູມ ແລະ ມີປຸ່ມເຮັດວຽກພຽງແຕ່ 2ປຸ່ມເທົ່ານັ້ນຄືປຸ່ມເປີດ-ມອດກັບປຸ່ມຊັດເຕີ. ຢ່າງໃດກໍ່ ຕາມ ໃນເບື້ອງຕົ້ນມັນຂ້ອນຂ້າງຍາກທີ່ຈະປຽບທຽບເຕັກນິກຂອງ Lytro ກັບກ້ອງດິຈິຕອລທົ່ວໄປ ເນື່ອງຈາກ ມັນບໍ່ໄດ້ວັດແທກຄວາມລະອຽດເປັນພິກເຊລ ແຕ່ໃຊ້ຫນ່ວຍການບັນທຶກ ພາບແບບໃຫມ່ເປັນ 11 mega-rays, ສ່ວນເລນສ໌ ທີ່ໃຊ້ຈະມີຮູຮັບແສງ f/2ແລະສາມາດ ຊູມໄດ້ 8ເທົ່າ ແຕ່ບໍ່ໄດ້ລະບຸທາງ ຍາວໂຟກັສ (focal length). Lytro ເປີດໃຫ້ຈອງແລ້ວ ໂດຍມີລາຄາເລີ່ມຕົ້ນຢູ່ທີ່ 399 ໂດລາສະຫະລັດ ຫນ່ວຍຄວາມຈຳ 8GB ມີໃຫ້ເລືອກ 2
ສີຄືຟ້າ ແລະ ເທົາ, ສາມາດບັນທຶກພາບໄດ້ 350ພາບ, ສ່ວນຮຸ່ນ 16GB ລາຄາຢູ່ທີ່ 499ໂດລາສະຫະລັດ ຈະມີສີ
ແດງສາມາດ ບັນທຶກພາບໄດ້ 700 ພາບ ໂດຍຕົວກ້ອງຈະສົ່ງມອບໃຫ້ກັບລູກຄ້າໄດ້ໃນໄລຍະຕົ້ນປີ 2012ສຳລັບ
ພາບທີ່ຖ່າຍແລ້ວຈະໂຫລດ ຜ່ານທາງຜອດ USB.
|
ຂຽນເມື່ອ: ຕ.ລ.. 26, 2011
| ມີ
5 ຄຳເຫັນ
ແລະ
0 trackback(s)
ໜວດໝູ່:
ອື່ນ ໆ
ກົມມໍລະດົກ ກະຊວງຖະແຫລງຂ່າວ-ວັດທະນະທຳ ແລະ ທ່ອງທ່ຽວມີແຜນກຽມສະເຫນີ ທົ່ງໄຫຫີນ ແຂວງຊຽງຂວາງ ເຂົ້າເປັນມໍລະດົກໂລກແຫ່ງທີ 3 ຂອງລາວ ຂະນະທີ່ຕ້ອງການ ງົບປະມານມາພັດທະນາແຜນແມ່ ບົດບໍ່ຕ່ຳກວ່າ 1 ແສນໂດລາສະຫະລັດ ທ່ານວ່າການຫົວ ຫນ້າກອງບູຮານວິທະຍາກົມມໍລະດົກເຜີຍສຳເລັດແລ້ວ 70%. ທ່ານ ສຳລານ ຫລວງອາໄພ ວ່າການກອງບູຮານວິທະຍາກົມ ມໍລະດົກກະຊວງຖະແຫລງຂ່າວ-ວັດທະນະທຳ ແລະ ທ່ອງທ່ຽວ ກ່າວຕໍ່ສື່ເສດຖະກິດສັງຄົມໃນມື້ວານນີ້ວ່າ: ປະຈຸບັນ ສປປ ລາວ ກໍ່ຄືກົມມໍລະດົກກະຊວງຖະແຫລງ ຂ່າວ-ວັດທະນະທຳ ແລະ ທ່ອງທ່ຽວກຳລັງມີແຜນກະກຽມສະເຫນີທົ່ງໄຫຫີນແຂວງຊຽງຂວາງ ເຂົ້າເປັນມໍລະດົກ ໂລກແຫ່ງທີ 3 ຂອງລາວຕໍ່ອົງການຢູເນັດສະໂກຂະນະທີ່ຄວາມພ້ອມຂອງແຜນການຄຸ້ມຄອງ ມໍລະດົກພູມິທັດສະ ຖານບູຮານວິທະຍາທົ່ງໄຫຫີນໄດ້ 70% ແລ້ວ ໂດຍສະເພາະທີ່ຕັ້ງພູມສັນຖານ, ໂຄງການປົກປັກຮັກສາທົ່ງໄຫ ຫີນ, ໂຄງການຄຸ້ມຄອງການມີສ່ວນຮ່ວມຂອງຊຸມຊົນ, ການຄຸ້ມຄອງມໍລະດົກແບບຍືນຍົງ, ແຜນການບົວລະບັດປົກປັກ ຮັກສາ ແລະ ແຜນການຄຸ້ມຄອງມໍລະດົກພູມິທັດສະ ຖານບູຮານວິທະຍາທົ່ງໄຫຫີນ. ຢ່າງໃດກໍ່ດີ ຕາມແຜນການຂອງກົມມໍລະດົກກະຊວງຖະແຫລງຂ່າວ-ວັດທະນະທຳ ແລະ ທ່ອງທ່ຽວຄາດວ່າຊ້າ ສຸດທົ່ງໄຫຫີນແຂວງຊຽງຂວາງຈະເຂົ້າ ເປັນມໍລະດົກໂລກແຫ່ງທີ 3 ຂອງລາວຖັດຈາກແຂວງຫລວງພະບາງ, ແຂວງຈຳປາສັກ ບໍ່ເກີນ ປີ 2015 ແນ່ນອນ. ທ່ານ ສຳລານ ຫລວງອາໄພ ວ່າການຫົວຫນ້າກອງບູຮານວິທະຍາກົມມໍລະດົກກ່າວຕື່ມອີກວ່າ: ຄວາມຄືບ ຫນ້າຂອງແຜນການຄຸ້ມຄອງມໍລະດົກພູມິທັດສະຖານບູຮານ ວິທະຍາທົ່ງໄຫຫີນ ສະບັບທີ 2 ສຳເລັດແລ້ວ 70% ເຫລືອພຽງແຕ່ ແຜນການພັດທະນາການຄຸ້ມຄອງຕໍ່ໄປ ຈິ່ງສະເຫນີໄປຍັງລັດຖະບານຫລັງຈາກນັ້ນ ຈິ່ງສະເຫນີ ຕໍ່ອົງການຢູເນັດສະໂກ ເພື່ອຮັບ ຮອງເອົາທົ່ງໄຫຫີນ ແຂວງຊຽງຂວາງເຂົ້າເປັນມໍລະດົກໂລກແຫ່ງທີ 3 ຂອງລາວ ແຕ່ຂະນະດຽວກັນນີ້ ຄວາມຕ້ອງການດ້ານງົບປະມານທີ່ຈະມາພັດທະນາແຜນແມ່ບົດຕໍ່ໄປນັ້ນ ມີສູງເຖິງ 1 ແສນກວ່າໂດລາສະຫະລັດ. ຢ່າງໃດກໍ່ຕາມ ເຊື່ອວ່າ ຖ້າທົ່ງໄຫຫີນຖືກຮ້ອງຮັບເປັນມໍລະດົກໂລກແຫ່ງທີ 3 ຂອງລາວນັກທ່ອງທ່ຽວຈະ
ເດີນທາງເຂົ້າໄປທ່ຽວຊົມທົ່ງໄຫຫີນນັບມື້ ນັບເພີ່ມຂຶ້ນແນ່ນອນ.
|
ຂຽນເມື່ອ: ຕ.ລ.. 13, 2011
| ມີ
10 ຄຳເຫັນ
ແລະ
0 trackback(s)
ແມ່ຍິງຫລາຍຄົນທີ່ທົນໃສ່ ເກີບທີ່ມັນກັດຕີນເປັນຫຍັງແມ່ຍິງເຫລົ່ານັ້ນຈິ່ງຍອມທົນໃສ່ ເກີບແບບນັ້ນຢູ່ຈົນເກີດເປັນບາດ ທີ່ຕີນຂະຫນາດມັນກັດຕີນປານນັ້ນແລ້ວ ຍັງທົນໃສ່ເກີບຄູ່ນັ້ນຕໍ່ໄປສາເຫດທີ່ແມ່ຍິງຫລາຍຄົນທົນໃສ່ເກີບ ຄູ່ນັ້ນແມ່ນມີດັ່ງນີ້: 
1ຄວາມງາມ, 2ກໍ່ຊື້ມາແລ້ວແນວໃດກໍ່ຕ້ອງໃສ່, 3ເຖິງເກີບຈະກັດຕີນຈົນເກີດເປັນບາດ ແຕ່ຫລາຍຄົນຄິດວ່າມື້ຫນຶ່ງມັນ ຈະເຊົາກັດເອງ, 4ມີວິທີປ້ອງກັນບໍ່ໃຫ້ເກີບກັດຕີນເຖິງ ແມ່ນວ່າຈະບໍ່ໄດ້ຜົນຫລາຍ ກໍ່ຕາມ ຖ້າເປັນບາດກໍ່ເອົາພລາສເຕີມາຕິດດຽວມັນກໍ່ເຊົາ, 5ບໍ່ຍອມເອົາເກີບຄູ່ນີ້ໃຫ້ໃຜດອກເພາະຊື້ເສຍເງິນແລ້ວເລື່ອງຫຍັງຈະ ຍອມໃຫ້ຄົນອື່ນ ເອົາໄປໃສ່ລ້າ, 6ບໍ່ສົນໃຈວ່າຄົນອື່ນຈະເບິ່ງທ່ານເປັນຄົນແບບໃດ ຖ້າໃສ່ເກີບຄູ່ນີ້ແລ້ວ ມີຄວາມຫມັ້ນໃຈວ່າງາມກໍ່ພໍໃຈແລ້ວ, 7ມີເກີບຫລາຍຄູ່ທີ່ຊື້ມາໃສ່ແລ້ວກັດຕີນ ແຕ່ເຮົາ ກໍ່ພະຍາຍາມຈະໃສ່ໃຫ້ຄົບທຸກຄູ່ ຖ້າເຮົາເຮັດໃຫ້ມັນເຊົາກັດຕີນບໍ່ໄດ້ເຮົາຕ້ອງມາເບິ່ງ ແຍງຕົນເອງ ແທນ, 8ພະຍາຍາມຊອກຫາຄູ່ໃຫມ່ແລ້ວ ແຕ່ບໍ່ຢາກຊື້ເກີບລາຄາແພງກໍ່ ເລີຍຊື້ເກີບທີ່ມີລາຄາທຳມະດາມາ ໃສ່ເກີບທີ່ມີຄຸນນະພາບບໍ່ດີ ເມື່ອໃສ່ແລ້ວກໍ່ມັກຈະ ກັດຕີນສະເຫມີ, 9ຖ້າເກີບກັດເຮົາຫລາຍໆເຮົາຈະບໍ່ໃສ່ມັນ ແຕ່ເຮົາຈະບໍ່ເອົາເກີບຖິ້ມ ຈະຍັງເກັບມັນໄວ້ຄືເກົ່າບໍ່ຍອມເອົາ ໃຫ້ໃຜລ້າໆ. ແຕ່ແມ່ຍິງສ່ວນຫລາຍມັກຈະເອົາໄປຂາຍຕໍ່ໃຫ້ກັບຫມູ່ແຕ່ກໍ່ບໍ່ໄດ້ ຫມາຍຄວາມວ່າຫມູ່ຈະ ມັກເກີບແບບດຽວກັບເຮົາສະເຫມີໄປຈົນບາງຄັ້ງ ກໍ່ຕ້ອງເກັບໄວ້ຄືເກົ່າເພາະຂາຍບໍ່ໄດ້ໃສ່ກໍ່ ເຈັບຕີນເກັບໄວ້ດີ ກວ່າດົນໆຈິ່ງເອົາມາໃສ່. ນິດໄສແມ່ຍິງຫລາຍຄົນມັກ ຈະຊື້ເກີບມາໄວ້ຫລາຍບາງຄົນ ຊື້ມາໃສ່ 4-5 ເທື່ອກໍ່ບໍ່ໃສ່ແລ້ວ ບາງຄົນຊື້ມາຫລາຍຈົນໃສ່ບໍ່ຄົບກໍ່ມີ ຫລື ບາງຄົນຕອນຢູ່ໃນຮ້ານມັກ ແຕ່ເມື່ອກັບມາຮອດເຮືອນ ກັບຮູ້ສຶກວ່າເກີບທີ່ຊື້ມານັ້ນໃສ່ ບໍ່ສະບາຍຕີນເລີຍບໍ່ມັກແບບນີ້ກໍ່ມີ. ຖ້າທ່ານຮູ້ສຶກວ່າໃສ່ເກີບ ແລ້ວບໍ່ສະບາຍຕີນກໍ່ບໍ່ຄວນຈະຝືນໃຈໃສ່ຕໍ່ໄປ ເພາະຖ້າໃສ່ໄປດົນໆ ຈະເຮັດໃຫ້ຕີນເປັນບາດ ຖ້າເກີດການອັກເສບຂຶ້ນມາຈະເຮັດໃຫ້ບາດນ້ອຍໆນັ້ນແຜ່ຂະຫຍາຍລາມ ອອກໄປເປັນບາດໃຫຍ່ ເຊິ່ງຈະເຮັດໃຫ້ຫຍຸ້ງຍາກໃນການປິ່ນປົວຕື່ມອີກວິທີທີ່ດີຖ້າໃສ່ ເກີບ ແລ້ວມັນກັດຕີນຄວນເຊົາໃສ່ເກີບຄູ່ນັ້ນ ຢ່າໄປເສຍດາຍເລີຍດຽວຈະເສຍໃຈ ແລະ ເສຍເງິນເພີ່ມພາຍຫລັງ.
|
ຂຽນເມື່ອ: ກ.ຍ.. 25, 2011
| ມີ
11 ຄຳເຫັນ
ແລະ
0 trackback(s)
ໜວດໝູ່:
ອື່ນ ໆ
* ນັກໂພຊະນາການຢືນຢັນວ່າ ຫມາກເຜັດ ເປັນພືດທີ່ມີປະໂຫຍດຈິງແທ້ ເພາະວ່າ ຄວາມເຜັດຂອງມັນ ມາຈາກສານ ແຄັບໄຊຊິນ ແລະ ແກ່ນຂອງ ມັນກໍ່ມີ ວິຕາມີນ ເອ, ຊີ, ແຄວຊຽມ ແລະ ທາດເຫລັກອີກດ້ວຍ. ຫມາກເຜັດ ຊຶ່ງມີຖິ່ນກຳເນີດ ໃນ ທະ ວີບ ອາເມລິກາໃຕ້ ຊຶ່ງ ມີຄົນຕ່າງປະເທດນຳເຂົ້າ ມາໃນຂົງເຂດອາຊີ ມາແຕ່ດົນນານ ແລ້ວ.
ຫມາກເຜັດ ນັບທັງຫມາກເຜັດຂີ້ຫນູ, ເມື່ອກິນແລ້ວເຜັດຫລາຍນັ້ນ ພວກມັນມີປະໂຫຍດ ຫລາຍທີ່ ສຸດ ຊຶ່ງບໍ່ພຽງແຕ່ໃຫ້ຄວາມເຜັດແຕ່ຢ່າງດຽວ, ແຕ່ຍັງ ເພີ່ມສານ ແຫ່ງຄວາມສຸກ “ເອັນໂດຣຟີນ” ໃຫ້ ແກ່ ຜູ້ທີ່ມັກກິນເຜັດ. ນອກນັ້ນຍັງ ບັນເທົາອາການເຈັບປວດ, ໄຂ້ ຫວັດ, ຫລຸດຜ່ອນການມີນ້ຳມູກ. ຂະນະດຽວກັນຍັງສາມາດລະລາຍຂີ້ກະເທີ່ ນຳອີກ. ສຳ ລັບຄົນທີ່ ມີອາການ ຫອບຫືດ, ກິນຫມາກເຜັດແລ້ວຈະດີຫລາຍ ເພາະຈະເຮັດໃຫ້ຫ ລອດ ລົມຂະ ຫຍາຍຕົວໄດ້ດີ ແລະ ບໍ່ຫົດ-ເຄັ່ງ. ດັ່ງນັ້ນ, ຜູ້ໃດເປັນພະຍາດຫອບຫືດ, ມີອາການ ພູມ ແພ້ ຕ້ອງ ກິນຫມາກເຜັດເປັນປະຈຳຈະດີຂຶ້ນ.
ຫມາກເຜັດ ຍັງສາມາດຫລຸດຜ່ອນປະລິມານ ຄໍເຣດສະເຕີຣອນ ໄດ້ອີກ ຊຶ່ງຈາກການ ວິໄຈ ຂອງນັກ ວິທະຍາສາດເຫັນວ່າ ຫມາກເຜັດ ສາມາດເພີ່ມອຸນຫະພູມໃນຮ່າງ ກາຍຂອງຄົນເຮົາ, ມີປະໂຫຍດໃນ ການຄວບຄຸມນ້ຳຫນັກ. ເມື່ອກິນຫມາກ ເຜັດ ຈະບໍ່ເຮັດໃຫ້ຄົນເຮົາຮູ້ສຶກ ຢາກເຄື່ອງຫວານ, ຂະນະດຽວກັນກໍຍັງສາມາດ ຫລຸດຜ່ອນຄວາມ ສ່ຽງໃນການ ເກີດ ພະຍາດມະເຮັງອີກດ້ວຍ./.
|
ຂຽນເມື່ອ: ກ.ຍ.. 25, 2011
| ມີ
10 ຄຳເຫັນ
ແລະ
0 trackback(s)
ໜວດໝູ່:
ອື່ນ ໆ
ຮູ້ບໍ່? ການທໍາທ່າຍິ້ມນັ້ນສ້າງຄວາມທຸກຫລາຍ ເວລາເຫັນຄົນກໍາລັງຍິ້ມ ຢ່າຟ້າວຄິດໄປເອງວ່າຄົນໆນັ້ນ ກໍາລັງອາລົມດີເດີ້ ຄົນທີ່ກໍາລັງຍິ້ມຢ່າງເບີກເບີນມ່ວນຊື່ນຄວາມຈິງແລ້ວໃນໃຈຂອງລາວ ອາດ ກົງກັນຂ້າມກັບ ສິ່ງທີ່ສະແດງອອກມາ. 
ເວັບໄຊຫນັງສືພິມຂອງອັງກິດ ເດິ ເທເລກຣາຟ ເຜີຍຜົນການວິໄຈຈາກວາລະສານ ພາກການບໍລິຫານຈັດການມະຫາ ວິທະຍາໄລມິຊິແກນສະບັບເດືອນກຸມພາ ເມື່ອທີມ ນັກວິໄຈຄົ້ນ ພົບວ່າ "ການເຮັດທຳທ່າຍິ້ມ ຫລື ຍິ້ມແບບບໍ່ເຕັມໃຈເຮັດຄືວ່າມີຄວາມ ສຸກສິ່ງນັ້ນຜັດໃຫ້ທຸກຫລາຍ ກວ່າ ແລະ ມັນສົ່ງຜົນຕໍ່ແມ່ຍິງຫລາຍກວ່າຜູ້ຊາຍ". ການທີ່ຄົນເຮົາເຮັດທໍາທ່າຍິ້ມເພື່ອໃຊ້ປະໂຫຍດຈາກໃບຫນ້າສົ່ງຜົນ ໃຫ້ເກີດ ຄວາມອິດເມື່ອຍ ແລະ ເຄັ່ງຕຶງທາງອາລົມ. ຜົນຈາກການສຳຫລວດພະນັກງານທີ່ ເຮັດຫນ້າທີ່ດູແລລູກຄ້າ ເຊິ່ງຕ້ອງເຮັດຫນ້າຍິ້ມຫມົດມື້ ເຊິ່ງຄົນກຸ່ມນີ້ມັກມີອາລົມ ໂມໂຫໄດ້ງ່າຍກວ່າ ຄົນອາຊີບອື່ນໆ ແລະ ສົ່ງຜົນໃຫ້ຄຸນນະພາບການເຮັດວຽກຫລຸດ ຕ່ຳລົງບັນດາຫົວຫນ້າມັກຄິດ ວ່າການຍິ້ມແຍ້ມແຈ່ມໃສຈະສົ່ງຜົນດີຕໍ່ວຽກແຕ່ຄວາມ ຈິງແລ້ວ ບໍ່ໄດ້ເປັນແບບນັ້ນສະເຫມີໄປ. ຈາກການສັງເກດກຸ່ມພະນັກງານຂັບລົດປະຈໍາທາງລວມເຖິງ ປຽບທຽບຜົນກະທົບ ທີ່ແຕກຕ່າງກັນລະຫວ່າງແມ່ຍິງກັບຜູ້ຊາຍຜົນການ ວິໄຈຊີ້ໃຫ້ເຫັນວ່າ ການຍິ້ມແບບບໍ່ ເຕັມໃຈເຮັດໃຫ້ເກີດຄວາມເຄັ່ງຄຽດດ້ານການສະແດງອອກ ທາງອາລົມ ແລະ ຈະດີຂຶ້ນ ຫລາຍ ຖ້າບໍ່ເຮັດທໍາທ່າຍິ້ມ ແຕ່ເປັນການຍິ້ມໂດຍການພະຍາຍາມຄິດບວກ ຫລື ຄິດຮອດເລື່ອງດີໆ ເຊິ່ງຈະເຮັດໃຫ້ອາລົມ ແລະ ຄວາມຄຽດຫນ້ອຍລົງ. ແມ່ຍິງມັກຈະໄດ້ຮັບຜົນກະທົບຫລາຍກວ່າຜູ້ຊາຍເພາະວ່າ ແມ່ຍິງອ່ອນໄຫວ ຫລາຍສະກວ່າ, ແມ່ຍິງສາມາດສະແດງອອກອາຍລົມໄດ້ຊັດ ເຈນກວ່າ ຜູ້ຊາຍການທີ່ຕ້ອງເຊື່ອງອາລົມທີ່ ແທ້ຈິງ ແລະ ເຮັດທໍາທ່າຍິ້ມນັ້ນ ຈິ່ງເຮັດໃຫ້ແມ່ ຍິງເກີດຄວາມຄຽດ ແລະ ເປັນທຸກໃຈໄດ້ຫລາຍກວ່າຜູ້ຊາຍ. ການຍິ້ມໂດຍການພະ ຍາຍາມຄິດບວກກໍ່ບໍ່ແມ່ນທາງອອກທີ່ຖືກຕ້ອງປານໃດ ພະນັກງານຄົນ ຫນຶ່ງອາດຍິ້ມໄດ້ຫມົດມື້ໂດຍການພະຍາຍາມຄິດເຖິງເລື່ອງດີໆ ແຕ່ສຸດທ້າຍເມື່ອຫມົດຊົ່ວ ໂມງເຮັດວຽກລາວຜັດຮູ້ສຶກວ່ານີ້ບໍ່ແມ່ນຕົວເອງອີກແລ້ວ. ດັ່ງນັ້ນ ຈົ່ງຍິ້ມອອກມາຈາກຄວາມຮູ້ສຶກທີ່ແທ້ຈິງຂອງທ່ານແລ້ວຮອຍຍິ້ມນັ້ນ ຈະເປັນຮອຍຍິ້ມທີ່ງາມທີ່ສຸດໃນໂລກ.
|
ຂຽນເມື່ອ: ກ.ຍ.. 21, 2011
| ມີ
10 ຄຳເຫັນ
ແລະ
0 trackback(s)
ໜວດໝູ່:
ອື່ນ ໆ
ໃຜທີ່ມັກເປີດໄຟປະໄວ້ ຂະນະທີ່ນອນຫລັບທ່ານຮູ້ ຫລື ບໍ່ວ່າ ກໍ່ໃຫ້ເກີດຜົນເສຍຕໍ່ສະຫມອງ ແລະ ເຮັດໃຫ້ຄວາມງາມຫລຸດລົງນຳອີກ.  ອາດຟັງເບິ່ງບໍ່ເປັນຕາເຊື່ອ ແຕ່ມັນມີຄວາມກ່ຽວຂ້ອງກັນ ເພາະວ່າ ເຣຕິນາ ໃນດວງຕາທີ່ມີຄວາມໄວຕໍ່ແສງຍັງສົ່ງສັນຍານໄປສູ່ສະຫມອງຢູ່ ຈິ່ງບໍ່ມີການ ຫລັ່ງຮໍໂມນເມລາໂທນິນ (ທີ່ ເຮັດໃຫ້ຮູ້ສຶກຢາກນອນ) ດັ່ງນັ້ນ ເຖິງຈະນອນ ຫລັບກໍ່ຫລັບບໍ່ສະຫນິດດີ ຈະສັງເກດພົບວ່າເມື່ອຕື່ນນອນຂຶ້ນມາຈິ່ງ ບໍ່ຮູ້ສຶກສົດຊື່ນ, ອາລົມບໍ່ແຈ່ມໃສ ແລະ ປະສິດທິພາບ ໃນການຈັດການ ຄວາມຈຳສະຫມອງກໍ່ບໍ່ດີ. ຜົນການສຶກສາໃນຕ່າງປະເທດພົບວ່າ ການຫລັ່ງຮໍໂມນເມລາໂທນິນ ຍັງມີຜົນກ່ຽວຂ້ອງກັບຄວາມດັນເລືອດລວມເຖິງອຸນຫະພູມຂອງຮ່າງກາຍ ນຳ. ການຄວບຄຸມເລື່ອງແສງສະຫວ່າງບໍ່ໃຫ້ມາລົບກວນຍາມນອນຫລັບ ລວມເຖິງການຈັດຫ້ອງນອນໃຫ້ປອດໂປ່ງ ຈະເຮັດໃຫ້ການນອນມີຄຸນ ນະພາບສາມາດປ້ອງກັນ ແລະ ຫລຸດພາວະການເຮັດວຽກຂອງສະ ຫມອງບໍ່ໃຫ້ເສື່ອມໄວ.
|
ຂຽນເມື່ອ: ກ.ຍ.. 21, 2011
| ມີ
9 ຄຳເຫັນ
ແລະ
0 trackback(s)
ໜວດໝູ່:
ອື່ນ ໆ
ການສຶກສາພົບວ່າ ການດື່ມກາເຟຊ່ວຍເພີ່ມພະລັງສະຫມອງໃນພາວະ ເຄັ່ງຄຽດຂອງແມ່ຍິງ ແຕ່ສຳລັບຜູ້ຊາຍຜັດເປັນສິ່ງທີ່ກົງກັນຂ້າມກັນ. ການດື່ມກະເຟຈະຊ່ວຍສົ່ງເສີມປະສິດທິ ພາບໃນການເຮັດວຽກ ແຕ່ກັບ ຜູ້ຊາຍຜັດຫລຸດຄວາມຈື່ຈຳ ແລະ ເຮັດໃຫ້ການຕັດສິນໃຈຊ້າລົງຊາວອັງກິດ ດື່ມກາເຟໂດຍປະມານ 70 ລ້ານຈອກຕໍ່ມື້.  ນັກວິໄຈຈາກມະຫາວິທະຍາໄລບຣີສຕໍ ໄດ້ກວດສອບສິ່ງທີ່ກາເຟສົ່ງຜົນຕໍ່ຮ່າງກາຍ ເມື່ອຢູ່ໃນພາວະການເຄັ່ງຄຽດທີມວິໄຈໄດ້ຄັດເລືອກຊາຍຍິງ ຈຳນວນ 64 ຄົນ ໂດຍຈະ ຈັບເປັນຄູ່ຄືຄູ່ຍິງກັບຍິງ ແລະ ຄູ່ຊາຍກັບຊາຍ. ໂດຍໃຫ້ແຕ່ລະຄູ່ອອກໄປເຈລະຈາຕໍ່ລອງ ແລະ ທົດສອບຄວາມຈຳຕໍ່ມາໄດ້ບອກ ພາຍຫລັງວ່າ ໃຫ້ນຳສະເຫນີງານກັບມວນຊົນເຄິ່ງຫນຶ່ງຂອງຈຳນວນຄູ່ຈະໄດ້ຮັບກາເຟ ບໍ່ມີຄາເຟອິນ ແລະ ຈຳນວນທີ່ເຫລືອໄດ້ຮັບກາເຟທີ່ມີຄາເຟອິນ. ຜົນການວິໄຈອອກມາວ່າ ຜູ້ຊາຍທີ່ໄດ້ດື່ມກາເຟທີ່ມີຄາເຟອິນຈະມີຄວາມຈຳຫລຸດລົງ ແຕ່ແມ່ຍິງທີ່ໄດ້ຮັບກາແຟບໍ່ມີເຄເຟອິນຈະໃຊ້ເວລາໃນການແກ້ໄຂ ບັນຫາດົນກວ່າ ປະມານ 20 ວິ ນາທີເມື່ອທຽບກັບແມ່ຍິງທີ່ໄດ້ຮັບຄາເຟອິນຈະແກ້ໄຂບັນຫາໄດ້ໄວ ກວ່າ 100 ວິນາທີ. ການສຶກສາກ່ອນຫນ້ານີ້ ໄດ້ຊີ້ໃຫ້ເຫັນວ່າ ກາເຟສາມາດປ້ອງກັນການເກີດ ພະຍາດເບົາຫວານ, ສະຫມອງເສື່ອມ ແລະ ຕັບໄດ້ ຖ້າຮັບປະທານໃນປະລິມານທີ່ຮ່າງກາຍຕ້ອງການ. ເຄື່ອງທຸກຊະນິດ ຈະມີປະສິດທິພາບໃນຕົວຢູ່ແລ້ວ ແຕ່ຂຶ້ນຢູ່ກັບວ່າເຮົາຈະດື່ມແບບໃດ / ຈິ່ງຈະໄດ້ຮັບຄຸນປະໂຫຍດຫລາຍກວ່າໂທດ ເຖິງແມ່ນວ່າການດື່ມກາເຟຈະໃຫ້ຜົນດີຕໍ່ແມ່ ຍິງກໍ່ບໍ່ໄດ້ ຫມາຍຄວາມວ່າໃຫ້ແມ່ຍິງດື່ມກາເຟ ຫລາຍການດື່ມໃນທີ່ນີ້ເປັນພຽງ ການດື່ມໃນປະລິມານຫນ້ອຍດຽວເທົ່ານັ້ນໃນແຕ່ລະມື້ ອາດຈະດື່ມມື້ລະ 1 ຈອກ ຫລື 2 ຈອກກໍ່ພໍແລ້ວ.
|
ຂຽນເມື່ອ: ກ.ຍ.. 20, 2011
| ມີ
6 ຄຳເຫັນ
ແລະ
0 trackback(s)
ໜວດໝູ່:
ອື່ນ ໆ
ໂຄງການປະກວດ ນາງສາວລາວ ປະຈຳປີ 2011 ເປີດຮັບສະຫມັກ ຢ່າງເປັນທາງການແລ້ວ ນັບແຕ່ວັນທີ 19 ກັນຍາ ຈົນເຖິງວັນທີ 8 ຕຸລາ 2011 ບັນດາສາວງາມກໍ່ກຽມຈິດກຽມໃຈໄປສະຫມັກໄດ້ແລ້ວ ເພື່ອສະແດງ ຄວາມຮູ້ຄວາມສາມາດ ແລະ ພ້ອມທີ່ຈະເປັນຕົວແທນໃຫ້ແກ່ແມ່ຍິງລາວໃນທົ່ວປະເທດ. ສຳລັບຢູ່ທີ່ນະຄອນຫລວງວຽງຈັນ ຈະເລີ່ມເປີດຮັບສະຫມັກນັບແຕ່ວັນທີ 19-23 ກັນຍາ 2011 ທີ່ ບໍລິສັດເຄແອນຊີ ຈຳກັດ ບໍລິສັດສາມາດອີເວັ້ນອໍແກນນາຍເຊີ້ ຈຳກັດ ສ່ວນທາງ ພາກເຫນືອຂອງລາວ ທີ່ແຂວງຫລວງພະບາງທີ່ໂຮງແຮມວິນດາສັນຕິນັບແຕ່ ວັນທີ 25-28 ກັນຍາ 2011, ແຂວງສະຫວັນນະເຂດ ໃນວັນທີ 3-5 ຕຸລາທີ່ໂຮງແຮມດາວສະຫວັນ, ແຂວງ ຈຳປາສັກ ນັບແຕ່ວັນທີ 6-8 ຕຸລາ 2011 ທີ່ໂຮງແຮມຈຳປາສັກແກຣນ. ດັ່ງນັ້ນ ບັນດາສາວງາມທັງຫລາຍກໍ່ເຖິງເວລາໂອກາດທີ່ຈະສະແດງຄວາມສາມາດ ໄດ້ແລ້ວ ສ່ວນ ທ່ານ ສີແພງ ວົງປັນຍາ ຫົວຫນ້າກົມວັດທະນະທຳມະຫາຊົນ ກະຊວງ ຖະແຫລງຂ່າວ-ວັດທະນະທຳ ແລະ ທ່ອງທ່ຽວ ຫົວຫນ້າຄະນະຮັບຜິດຊອບໂຄງການ ປະກວດນາງສາວລາວ ປະຈຳປີ 2011 ກ່າວ ໃນພິທີຖະແຫລງຂ່າວ ກຽມຈັດປະກວດ ນາງສາວລາວປີ 2011 ທີ່ຈັດຂຶ້ນ ເມື່ອວັນທີ 12 ກັນຍາຜ່ານມາ ທີ່ໂຮງແຮມວຽງຈັນ ພຣາຊາ ນະຄອນ ຫລວງວຽງຈັນ ໃຫ້ຮູ້ວ່າ: ສຳລັບໂຄງການປະກວດນາງສາວລາວ ປີນີ້ເປັນປີທີ 3 ແລ້ວເປັນການຮ່ວມມືຈັດ ຂຶ້ນລະຫວ່າງກະຊວງຖະແຫລງຂ່າວ-ວັດ ທະນະທຳ ແລະ ທ່ອງທ່ຽວ ກັບ ບໍລິສັດ ເຄແອນຊີ ຈຳກັດ ແຕ່ປີນີ້ຈະເອົາພຽງແຕ່ 20 ນ້ອງນາງສາວເທົ່ານັ້ນ ຈະຂຶ້ນເວທີປະກວດເພື່ອຊອກຫາສາວງາມແຫ່ງດິນແດນຈຳປາຄົນປີທີ 3 ໃນທ້າຍເດືອນພະຈິກ ທີ່ຈະມາເຖິງນີ້. ທ່ານຫົວຫນ້າຄະນະຮັບຜິດຊອບໂຄການປະກວດນາງສາວລາວປະຈຳປີ 2011 ກ່າວຕື່ມອີກວ່າ: ເຫດຜົນທີ່ຈຳເປັນຕ້ອງຄັດເອົາ 20 ຄົນ ຂຶ້ນເວທີປະກວດໃນຮອບສຸດທ້າຍ ເນື່ອງຈາກວ່າ ເພື່ອເປັນການຮັບປະກັນຄຸນນະພາບຂອງນາງສາວລາວທັງເປັນຄັດເລືອກ ເອົາບັນດາ ນ້ອງນາງສາວທີ່ມີຮູບຮ່າງບຸກຄະລິກກະພາບສະຫງ່າງາມ ອີກຢ່າງຫນຶ່ງເພື່ອເປັນການ ຫລີກລ່ຽງບັນຫາການເຄື່ອນໄຫວທີ່ ບໍດີຕ່າງໆມີສຽງຕຳຫນິວິຈານຈາກສັງຄົມ. ທ່ານໃດສົນຢາກຈະສອບຖາມລາຍລະອຽດກ່ຽວກັບການສະຫມັກຕິດຕໍ່ໄດ້ທີ່ເບີ: 021 254 114 ຫລື 020 56330000.
|
ຂຽນເມື່ອ: ກ.ຍ.. 20, 2011
| ມີ
7 ຄຳເຫັນ
ແລະ
0 trackback(s)
ໜວດໝູ່:
ອື່ນ ໆ
ລັດຖະບານລາຊະອານາຈັກໄທ ມອບເງິນຈຳນວນ 4,5 ລ້ານບາດແກ່ລັດຖະບານລາວ ເພື່ອປະກອບສ່ວນຊ່ວຍເຫລືອປະຊາຊົນຜູ້ປະສົບໄພນ້ຳຖ້ວມ ແລະ ສ້າງອາຄານຮຽນທີ່ເມືອງວຽງໄຊແຂວງຫົວພັນ. ໂດຍຕອບສະຫນອງຕາມ ການເຊື້ອເຊີນຂອງທ່ານນາຍົກ ລັດຖະມົນຕີແຫ່ງ ສປປ ລາວ ທ່ານ ນາງ ຍິ່ງລັກ ຊິນນະວັດ ນາຍົກລັດຖະມົນຕີແຫ່ງລາຊະອານາ ຈັກໄທແລະ ຄະນະໄດ້ເດີນທາງມາຢ້ຽມຢາມ ສປປ ລາວ ຢ່າງເປັນທາງ ການໃນວັນທີ 16 ກັນຍາຜ່ານມາ ໂດຍໄດ້ຮັບການຕ້ອນຮັບຢ່າງສົມກຽດ ທີ່ຫ້ອງວ່າການ ລັດຖະບານ ໂດຍທ່ານ ທອງສິງ ທຳມະວົງ ນາຍົກລັດຖະ ມົນຕີແຫ່ງ ສປປ ລາວ. ໃນໂອກາດດັ່ງກ່າວໄດ້ມີ ການພົບປະສອງຝ່າຍຢ່າງເປັນທາງການ ເຊິ່ງນາຍົກທັງສອງປະເທດໄດ້ປຶກສາຫາລືກັນໃນດ້ານບັນຫາການ ຄົມມະນາຄົມ, ພະລັງງານໄຟຟ້າ, ການຄ້າ, ລົງ ທຶນ, ແຮງງານ, ຊາຍແດນ ແລະ ບັນຫາອື່ນໆຮ່ວມກັນຂະນະທີ່ນາຍົກໄທຢືນຢັນ ຈະຊຸກຍູ້ສົ່ງເສີມການ ພົວພັນດ້ານການຄ້າ, ລົງທຶນ ແລະ ການທ່ອງທ່ຽວ ກັບລາວໃຫ້ນັບມື້ຫລາຍຂຶ້ນສະ ເພາະການຮ່ວມມືດ້ານພະລັງງານແມ່ນ ຈະຮັບຊື້ກະແສໄຟຟ້າຈາກລາວຕາມ ທີ່ສອງລັດຖະບານໄດ້ຕົກລົງກັນແລ້ວ ພ້ອມໃຫ້ການຊ່ວຍເຫລືອລາວຕໍ່ໄປໃນອະນາຄົດ. ຫລັງຈາກສຳເລັດການພົບປະສອງຝ່າຍທ່ານ ນາງ ຍິ່ງລັກ ຊິນນະວັດ ນາຍົກລັດຖະມົນຕີແຫ່ງລາຊະອານາຈັກໄທ ກໍ່ໄດ້ມອບເງິນຊ່ວຍເຫລືອຕາມ ໂຄງການໂຮງຮຽນເພື່ອນມິດຈຳ ນວນ 2 ລ້ານບາດ ເພື່ອນຳໄປປັບປຸງກໍ່ສ້າງ ໂຮງຮຽນມັດທະຍົມ ເມືອງວຽງໄຊແຂວງຫົວພັນ ແລະ ມອບເງິນຊ່ວຍເຫລືອ ບັນເທົາທຸກຜູ້ປະສົບໄພນ້ຳຖ້ວມຈາກພາຍຸຮາຍມາ ແລະນົກເຕັນ ໃນທ້າຍ ເດືອນກໍລະກົດ ແລະ ຕົ້ນເດືອນສິງຫາຜ່ານມາຈຳນວນ 2,5 ລ້ານບາດ ໃຫ້ກຽດຮັບ ໂດຍ ທ່ານ ທອງສິງ ທຳມະວົງ ນາຍົກລັດຖະມົນຕີແຫ່ງ ສປປ ລາວ. ນອກຈາກນັ້ນໃນວັນດຽວກັນທ່ານ ນາງ ຍິ່ງລັກ ຊິນນະວັດ ນາຍົກລັດຖະ ມົນຕີແຫ່ງລາຊະອານາຈັກໄທ ພ້ອມຄະນະຍັງໄດ້ເຂົ້າຢ້ຽມຂ່ຳນັບທ່ານ ຈູມມາລີ ໄຊຍະສອນ ປະທານປະ ເທດແຫ່ງ ສປປ ລາວທີ່ຫໍຄຳ ແລະ ຢ້ຽມຂ່ຳນັບທ່ານນາງ ປານີ ຢາທໍ່ຕູ້ ປະທານສະພາແຫ່ງຊາດ ເຊິ່ງລັດຖະບານລາວ ກໍ່ໄດ້ສະແດງຄວາມຍິນດີຕໍ່ນາຍົກລັດຖະມົນຕີ ຍິງຄົນທຳອິດຂອງໄທ ແລະ ຊົມເຊີຍຕໍ່ການຢ້ຽມຢາມ ສປປ ລາວ ຢ່າງເປັນທາງການໃນຄັ້ງນີ້.
|
ຂຽນເມື່ອ: ກ.ຍ.. 10, 2011
| ມີ
4 ຄຳເຫັນ
ແລະ
0 trackback(s)
ໜວດໝູ່:
ອື່ນ ໆ
ລາຍງານຂ່າວຫລ້າສຸດ ເອເຊີ (acer) ປະກາດບຸກຕະຫລາດ (Ultrabook) “ອັລຕຣາບຸກ” ດ້ວຍການເປີດຕົວຜະລິດຕະພັນໃຫມ່ໃນງານ IFA 2011 ໂດຍ Acer Aspire S3 ເປັນອັລຕຣາບຸກທີ່ໄດ້ຂະຫນານນາມວ່າບາງທີ່ສຸດ ໃນທ້ອງຕະຫລາດປະຈຸບັນນີ້ ເຊິ່ງ ແຮງບັນດາໃຈໃນການອອກແບບຂອງຜະລິດຕະພັນມາຈາກ MacBook Airທີ່ປະສົບ ຄວາມສຳເລັດເປັນທີ່ນິຍົມຂອງຜູ້ຊົມໃຊ້ທົ່ວໂລກຢູ່ໃນ ຂະນະນີ້. 
Acer Aspire S3 ຈະມາພ້ອມກັບໂພຣເຊັດເຊີ ແລະ ມີສະຕໍເຣດໃຫ້ເລືອກສອງແບບຄື SSD ຫລື ຮາດດິສແບບໄຮບຣິດ ເຊິ່ງແນ່ນອນວ່າ ປະຢັດພະລັງງານແບັດເຕີຣີເປັນເລີດ ຫາກພິຈາລະນາຈາກພາຍນອກເຄື່ອງກ່ອນ Acer Aspire S3ຈະໃຊ້ເຄສ (Case) ທີ່ເຮັດຈາກໂລຫະຜະສົມອັລລອຍ, ອະລູມີນຽມ-ແມັກເນຊຽມ ເຮັດໃຫ້ມີນ້ຳຫນັກເບາ ແລະ ບໍ່ຕິດຮອຍນິ້ວມືໄດ້ງ່າຍ, ລຽບງ່າຍແຕ່ງາມຕາ ດ້ວຍຕົວເຄື່ອງທີ່ບາງພຽງແຕ່ 0,15 ນິ້ວເທົ່ານັ້ນ (ບາງເທົ່າໆກັບ MacBook Air) ນໍ້າຫນັກພຽງແຕ່ 3 ປອນ ຫລື ປະມານ 1,4 ກິໂລກຣາມ. Acer Aspire S3 ຈະມີຫນ້າຈໍເອລອີດີຂະຫນາດ 13,3 ນິ້ວ ສະແດງຜົນລະດັບຮາຍເດບ (HD )ແລະ ໂປຣເຊັດເຊີໃຫ້ເລືອກໄດ້ຕັ້ງແຕ່ Intel Core i3/i5/i7 ສະຕໍເຣດຈະມີ SSD 240GB ຫລື 320GB/500GB HDD+SSD(ຊ່ວຍໃຫ້ຕອນເປີດເຄື່ອງໄວຂຶ້ນ) ທີ່ຫນ້າສົນໃຈອີກຄື Acer Aspire S3 ສາມາດເປີດເຄື່ອງໄວ້ (Standby) ໄດ້ດົນເຖິງ 50 ວັນ ໃນຂະນະທີ່ ເຕັກໂນໂລຊີ Instant On ທີ່ມາກັບ Acer Aspire S3 ຈະເຮັດໃຫ້ສາມາດເປີດເຄື່ອງຂຶ້ນ ເຮັດວຽກໄດ້ພາຍໃນ 1,5 ວິນາທີ ນອກຈາກຈະເປີດໄວແລ້ວ ຍັງສາມາດເຊື່ອມຕໍ່ເຂົ້າສູ່ເຄືອ ຂ່າຍອິນເຕີເນັດໄດ້ໄວອີກ ດ້ວຍເຕັກໂນໂລຊີ Instant Connect ຜູ້ໃຊ້ສາມາດຕໍ່ອິນເຕີເນັດ ໄດ້ພາຍໃນ 2,5 ວິນາທີ ແບັດເຕີຣີໃຊ້ຕໍ່ເນື່ອງໄດ້ດົນເຖິງ 7 ຊົ່ວໂມງ. 
ນອກຈາກ Acer Aspire S3 ຈະເນັ້ນການອອກແບບທີ່ງາມສະບາຍຕາ ພ້ອມດ້ວຍ ສະມັດຖະນະການເຮັດວຽກທີ່ຫນ້າສົນໃຈຫລາຍແລ້ວ ທາງຜູ້ອອກແບບຍັງໃສ່ໃຈເລື່ອງ ຂອງການຫມຸນວຽນຂອງອາກາດ ໂດຍພັດລົມທີ່ຢູ່ພາຍໃນຈະສາມາດລະບາຍຄວາມຮ້ອນ ອອກທາງດ້ານຫລັງ ເຄື່ອງເຊິ່ງ Acer ກ່າວວ່າ ຜູ້ໃຊ້ຈະບໍ່ຮູ້ສຶກເຖິງຄວາມຮ້ອນທີ່ເກີດ ຂຶ້ນເລີຍ ສຳລັບຄຸນສົມບັດໃນສ່ວນອື່ນໆກໍ່ຈະມີລະບົບສຽງ ເວັບແຄມ 1,3 ລ້ານພິກເຊລ, ເຊື່ອມຕໍ່ບໍ່ມີສາຍ Wi-Fi 802.11b/g/n ແລະ Bluetooth 4.0ອີກທັງຍັງມີຊ່ອງອ່ານ ກ໊າດຫນ່ວຍຄວາມຈໍາ 2-in-1ພ້ອມຜອດ HDMI ແລະ USB ຄົບຖ້ວນ Acer Aspire S3 ມີລາຄາເລີ່ມຕົ້ນຢູ່ທີ່ 799 ເອີໂຣ. www.youtube.com/watch
|
ຂຽນເມື່ອ: ກ.ຍ.. 3, 2011
| ມີ
7 ຄຳເຫັນ
ແລະ
0 trackback(s)
ໜວດໝູ່:
ອື່ນ ໆ
ການໄອຫລືຈາມ ຈະເປັນອັນຕະລາຍເຖິງຊີວິດ ຖ້າທ່ານສຸພາບບຸລຸດທັງຫລາຍ ໄອຫລືຈາມຢູ່ໃຕ້ຕຽງເມຍຂອງຄົນອື່ນ ນ້ອງເມຍເປັນຊັບພະຍາກອນອັນມີຄ່າຂອງອ້າຍເຂີຍ ແມ່ນໃຜບັງອາດມາຈີບນ້ອງເມຍ ຖືວ່າເປັນຜູ້ທີ່ທໍາລາຍຄວາມຫວັງ…ອັນມີຄ່າຂອງອ້າຍເຂີຍ
|
ຂຽນເມື່ອ: ກ.ຍ.. 2, 2011
| ມີ
8 ຄຳເຫັນ
ແລະ
0 trackback(s)
ໜວດໝູ່:
ອື່ນ ໆ
ນອນຮ່ວມກັນກັບໝາຄົນເຮົາອາດຕິດເຊື້ອໂຣກຈາກມັນໄດ້.
ຈາກການສຶກສາຈາກນັກວິຊາການທາງການແພດໃນປະເທດເຢຍລະມັນພົບວ່າ:
ຫາກໃຫ້ໝາຢູ່ເທິງຕຽງດຽວກັບເດັກ ຈະເຮັດໃຫ້ເດັກປ່ວຍດ້ວຍໂຣກລະບົບທາງ
ເດີນຫາຍໃຈເຊັ່ນ: ນອນກົນ.ຄາລ ຟຣັງຄຣິນ ຈາກມະຫາວິທະຍາໄລແພດສາດອຸຍເມອາ (Umea)
ແລະ ຜູ້ຮ່ວມງານໄດ້ເຮັດການກວດສອບຖາມຊາວສະແກນດີເນເວຍທີ່ເປັນໂຣກນອນກົນພົບວ່າ:
18% ຂອງພວກເຮົານອນກົນຢ່າງໜ້ອຍທີ່ສຸດອາທິດລະ 3 ຄືນ ໂດຍພວກເຂົາບອກວ່າ:
ເຄີຍມີສັດລ້ຽງໃນຫ້ອງນອນໃນໄລຍະໄວເດັກແລະ ພວກເຂົາເຄີຍເປັນໂຣກຕິດເຊື້ອກ່ອນ
ອາຍຸ 2 ປີ ຫລື ເປັນໂຣກຕິດເຊື້ອໃນຫູ ເຊິ່ງທ່ານໝໍຄາດວ່າສາເຫດຈະເປັນເພາະເຊື້ອໂຣກຈາກ
ສັດລ້ຽງ ເຮັດໃຫ້ລະບົບທາງເດີນຫາຍໃຈຂອງຄົນອັກເສບ ແລະຜັນແປປ່ຽນເປັນໂຣກນອນກົນ.
ນອກນີ້, ນັກວິໄຈດ້ານການນອນລັບຍັງກ່າວວ່າ: ຜູ້ໃຫຍ່ນອນຮ່ວມຕຽງດຽວກັບສັດລ້ຽງກໍ່ມີຜົນກະທົບ
ຕໍ່ການນອນຫລັບ ເພາະຄວາມຕ້ອງການໃນການຫລັບຂອງຄົນ ແລະ ສັດບໍ່ປະສານກັນນັ້ນຄື: ແມວ
ມັກຕື່ນໃນຕອນກາງຄືນ ແລະ ມັນໄປນອນທາງເທິງຫົວຂອງຄົນ.
ສ່ວນໝາມັກຍ້າຍທີ່ນອນໃນກາງຄື້ນເລື້ອຍໆກິນນ້ຳ ແລະ ຍ່າງໄປມາ ແລະ 20% ຂອງໝາມັກນອນ
ກົນ ແລະ 10% ຂອງໝາກໍ່ນອນກົນເຊັ່ນດຽວກັນ ຫລື ຫາກເປັນສັດລ້ຽງທີ່ມີຄູ່ຂອງມັນ ກໍ່ຍິ່ງຈະມີ
ການລົບກວນເນື່ອງນັນຈົນເຮັດໃຫ້ເຈົ້າຂອງພວກມັນນອນບໍ່ຫລັບ.
ຈາກໜັງສືພິມປະຊາຊົນ
|
ຂຽນເມື່ອ: ກ.ຍ.. 2, 2011
| ມີ
3 ຄຳເຫັນ
ແລະ
0 trackback(s)
ໜວດໝູ່:
ອື່ນ ໆ
ກະຈົກເງົາ ສະທ້ອນ ຄວາມເປັນຈິງ
ເລື່ອງທຸກສິ່ງ ຊັດເຈນ ເດັ່ງຕົງໜ້າ
ບໍ່ມີໃຜ ຫລອກໄດ້ ໃຕ້ແວດຕາ
ເລວຊົ່ວຊ້າ ຕ່ຳຊາມ ຕາມໃຈຕົນ
ຫລອກໃຜ ຫລອກໄດ້ ຫລອກໄປເຖີດ
ຢ່າຕະເຫລີດ ຫລອກຕົວ ມົວໝອງໝົ່ນ
ຫລອກໃຜ ຫລອກໄດ້ ເວັ້ນໃຈຕົນ
ເກີດເປັນຄົນ ຊົ່ວດີ ຢູ່ທີ່ໃຈ
ການກະທຳ ປຽບດັ່ງ ເງົາກະຈົກ
ສາຍສະທ້ອນ ຄວາມໂງ່ ຂອງເຮົາໄດ້
ຄົນຄິດດີ ທຳດີ ທີຈິດໃຈ
ສະແດງອອກ ບອກໄດ້ ໃນທ່າທີ
ຄົນຄິດຊົ່ວ ທຳຊົ່ວ ດ້ວຍຕົວເຂົາ
ກະຈົກເງົາ ສະທ້ອນ ຕອນວິຖີ
ຄົນທຳດີ ຕ້ອງຣັບ ກັບຜົນດີ
ຄົນຊົ່ວ ບໍ່ອາດໜີ້ ລີ້ພົ້ນກຳ....ທ່ານເອີຍ.?
|
ຂຽນເມື່ອ: ສ.ຫ.. 30, 2011
| ມີ
11 ຄຳເຫັນ
ແລະ
0 trackback(s)
ໜວດໝູ່:
ອື່ນ ໆ
ອາຍຄູບໍ່ໄດ້ວິຊາ ອາຍພັນລະຍາບໍ່ໄດ້ບຸດ ແຕ່ຖ້າໄດ້ຄູເປັນພັນລະຍາ ຈະໄດ້ທັງວິຊາແລະບຸດ ຮັກເມຍເສຍເພື່ອນ ຮັກເພື່ອນເສຍເມຍ ແຕ່ຖ້າຣັກເມຍເພື່ອນ ຈະເສຍທັງເພື່ອນແລະເມຍ ມີຄວາມພະຍາຍາມຢູ່ບ່ອນໃດ ມີຄວາມສຳເລັດຢູ່ບ່ອນນັ້ນ ແຕ່ເຖົ້າຫົວງູກັບບອກວ່າ ມີຕັນຫາຢູ່ບ່ອນໃດ ມີຄວາມພະຍາຍາມຢູ່ບ່ອນນັ້ນ
|
ຂຽນເມື່ອ: ສ.ຫ.. 12, 2011
| ມີ
5 ຄຳເຫັນ
ແລະ
0 trackback(s)
ໜວດໝູ່:
ອື່ນ ໆ
1. ແກ້ຫວັດ ເນື່ອງມາຈາກວິຕາມິນຊີ ຫຼືສານແທນນິນ ອາການເປັນຫວັດ
ໄອ ເຈັບຄໍ ປາກຄໍແຫ້ງ ໃຫ້ຄັ້ນເອົານ້ຳ ຫຼືຕົ້ນກິນແທນນ້ຳເປັນຄັ້ງຄາວ. 2. ບຳລຸງຜົມ ວິທີເຮັດງ່າຍໆ ດັ່ງນີ້: (ໝາກຂາມປ້ອມຕ້ອງຕາກແຫ້ງກ່ອນ)
ໝາກຂາມປ້ອມແຫ້ງ 1 ກຳມື ແຊໃນນ້ຳ 1 ໂອ ແຊໄວ 1 ຄືນ ເມື່ອເວລາ
ສະຜົມເສັດແລ້ວ ໃຫ້ເອົານ້ຳແຊໝາກຂາມປ້ອມລ້າງເປັນນ້ຳສຸດທ້າຍ. ມີການສຶກສາພົບວ່າສານໃນໜາກຂາມປ້ອມຊ່ວຍກະຕຸ້ນການປົ່ງຂອງຜົມ. 3. ແກ້ຢາກນ້ຳ ເວລາທີ່ຢາກນ້ຳ ແລະຄໍແຫ້ງກິນໜາກຂາມປ້ອມຈະຮູ້ສຶກດີຂຶ້ນທັນທີ. 4. ທ້ອງຜູກ ຄົນທີ່ທ້ອງຜູກປະຈຳບໍ່ວ່າຈາກສາເຫດໃດກໍ່ຕາມຖ້າໄດ້ກິນໜາກ
ຂາມປ້ອມແລ້ວອາການທ້ອງ ຜູກຈະຫາຍໄປ. ສັບພະຄຸນຍັງມີອີກຫຼາຍໆທີ່ບໍ່ໄດ້ກ່າວມາ ທີ່ກາວມານີ້ເປັນພຽງສຽ້ວໜຶ່ງເທົ່ານັ້ນ….. ຖ້າບໍ່ໄດ້ຜົນຂໍໂທດດ້ວຍເດີ,.
|
ຂຽນເມື່ອ: ສ.ຫ.. 11, 2011
| ມີ
10 ຄຳເຫັນ
ແລະ
0 trackback(s)
ໜວດໝູ່:
ອື່ນ ໆ
1 ດົນຕີກ່ອມສະຫມອງ:ສະ ຖາບັນວິທະຍາສາດແຫ່ງນິວຢອກ ພົບວ່າ:
ການຟັງດົນຕີທີ່ທ່ານມັກບໍ່ວ່າຈະເປັນແນວໃດ ລ້ວນແຕ່ສົ່ງຜົນດ້ານ
ບວກຕໍ່ການຮັບຮູ້ ຂະນະທີ່ ວາລະສານ Nature ລາຍງານວ່າ ຖ້າໃຫ້
ຜູ້ທົດລອງຟັງເພງ 10 ນາທີ ກ່ອນຈະຕອບແບບສອບຖາມ ພວກເຂົາຈະ ເຮັດຄະແນນໄດ້ດີຂຶ້ນ ເຫັນໄດ້ວ່າ ດົນຕີມີສ່ວນຫລາຍຕໍ່ການເພີ່ມລະດັບໄອຄິວ. 2 ນັ່ງໃຫ້ປອດໂປ່ງ:ຜົນ ການສຶກສາເທື່ອຫລ້າສຸດພົບວ່າ: ຕັ່ງທີ່ນັ່ງແລ້ວບໍ່
ສະບາຍ ຈະເຮັດໃຫ້ຄວາມຄິດຂອງທ່ານຖືກປິດກັ້ນໄປນຳ ຄົນສ່ວນຫລາຍ
ຕ້ອງພົບບັນຫາເລືອດໄປລ້ຽງສະຫມອງບໍ່ພຽງພໍ ຍ້ອນເກີດຈາກການນັ່ງຜິດ
ທ່າ ການບີບອັດກະດູກສັນຫລັງ ດ້ວຍການນັ່ງຫລັງກົ່ງ ຂະນະກຳລັງນັ່ງພິມ
ເອກະສານຈະເຮັດໃຫ້ເສັ້ນເລືອດທີ່ໄປລ້ຽງສະຫມອງ ຫົດຕົວ ສົ່ງຜົນໃຫ້ສະ
ຫມອງຂາດອົກຊີແຊນ ດັ່ງນັ້ນ ການເລືອກຕັ່ງນັ່ງເຮັດວຽກດີໆ ທີ່ສາມາດເຮັດ
ໃຫ້ທ່ານນັ່ງຢຽດຫລັງຊື່ໄດ້ຂະນະເຮັດວຽກ ນັ່ງແລ້ວຮູ້ສຶກສະບາຍຕົວ ຈິ່ງເປັນ
ເລື່ອງທີ່ສຳຄັນພໍສົມຄວນ. ນອນຫລັບເພື່ອຟື້ນຄວາມຈຳ: ການນອນຫລັບພັກຜ່ອນພຽງແຕ່ຊ່ວຍປົກປ້ອງ
ຄວາມຈື່ຈຳ ແລະ ຍັງມີບົດບາດສຳຄັນໃນການເກັບລວບລວມຄວາມຊົງຈຳ
ເຂົ້ານຳກັນ ເວົ້າອີກຢ່າງຫນຶ່ງຄືຄວາມຊົງຈຳໃນສະຫມອງບໍ່ໃຫ້ແຕກແຖວນັ້ນເອງ. ນັກວິທະຍາສາດຈາກມະຫາວິທະຍາໄລສະແຕນຟອດ ສຶກສາພົບວ່າ:
ຫມອນກໍ່ມີຜົນຕໍ່ການນອນເຊັ່ນກັນ ຫມອນທີ່ຮອງຮັບກັບຮ່າງກາຍໃນຂະ
ນະຫລັບໄດ້ດີ ຈະຊ່ວຍຫລຸດບັນຫາການຫາຍໃຈ ເຊິ່ງເປັນອຸປະສັກຕໍ່ການ
ນອນຫລັບທີ່ຕໍ່ເນື່ອງຍາວນານໃຜທີ່ຢາກນອນ ຫລັບດີ ແລະ ຕື່ນຂຶ້ນ
ມາຢ່າງສົດໄສ ຕ້ອງເລືອກຫມອນຫມູນທີ່ນຸ້ມ ຈະເຮັດໃຫ້ນອນຫລັບສະບາຍ. ນອກຈາກນີ້ ຍັງຕ້ອງຮັບປະທານຜັກ ແລະ ຊີ້ນສັດ ພ້ອມກັບຮັບປະທານ
ອາຫານເສີມ ພວກວິຕາມິນທີ່ຮ່າງກາຍຕ້ອງການເສີມເຂົ້າໄປນຳ ແຕ່ຕ້ອງ
ໄດ້ຮັບຄຳແນະນນຳຈາກແພດກ່ອນ ຈິ່ງຈະຮັບປະທານອາຫານເສີມແບບ
ຖືກວິທີໄດ້ ເພື່ອຄວາມປອດໄພ. ຈາກເສດຖະກິດ-ສັງຄົມ.
|
ຂຽນເມື່ອ: ສ.ຫ.. 8, 2011
| ມີ
13 ຄຳເຫັນ
ແລະ
0 trackback(s)
ໜວດໝູ່:
ອື່ນ ໆ
ເພື່ອນຄົນໃດໃຊ້ມືຖື ຕັ້ງໃຈອ່ານໃຫ້ດີ ອ່ານຈົບແລ້ວຈະໄດ້ຮູ້ວ່າ
ມືຖືບໍ່ໄດ້ມີໄວ້ສຳລັບໂທອອກ-ໂທເຂົ້າເທົ່ານັ້ນ 1. 1. ໝາຍເລກາກົນສຸກເສີນ 112 ໃຊ້ໄດ້ທົ່ວໂລກ ຖ້າເກີດເຮົາຫຼົງໄປຢູ່ໃນເຂດ
ທີ່ບໍ່ມີສັນຍານແຕ່ມີເຫດ ດ່ວນເຫດຮ້າຍໃຫ້ກົດ 112 ແລ້ວມັນຈະຫາເບີໃຫ້ເອງ
ອັດຕະໂນມັດແມ່ນແຕ່ເຮົາລ໋ອກປຸ່ມກໍ່ຍັງກົດ ເບີນີ້ໄດ້. 2. 2. ໃຊ້ໃນກໍລະນີທີ່ລືມກຸນແຈໄວ້ໃນລົດ. ສໍາລັບລົດທີ່ໃຊ້ Remote Ke ຖ້າລ໋ອກໄປ
ແລ້ວແຕ່ເຮົາມີກຸນແຈສຳຮອງຢູ່ທີ່ບ້ານ ໃຫ້ໂທໄປຫາຄົນທີ່ຢູ່ບ້ານດ້ວຍມືຖື
(ເຮົາຕ້ອງໂທໄປເບີມືຖື ເຂົາເດີ) ເມື່ອເຂົາຮັບແລ້ວເຮົາບອກໃຫ້ເຂົາກົດປຸ່ມ
unlock ທີ່ກຸນແຈສຳຮອງ ໃນຂະນະທີ່ເຮົາລົມມືຖືຢູ່ນັ້ນໃຫ້ຫ່າງຈາກປະຕູລົດ
ປະມານ 1 ຟຸດ (ສ່ວນຜູ້ທີ່ກົດປຸ່ມປົດລ໋ອດນັ້ນໃຫ້ເອົາ Remote Key ມາຕິດກັບມື້ຖື)
ເທົ່ານີ້ກໍ່ປົດລ໋ອດໄດ້ແລ້ວ 3. 3. ກໍລະນີແບ໋ດໝົດ *3370# ລຳຫຼັບມືຖື Nokia ຖ້າເກີດຖ່ານເຫຼືອນ້ອຍເຕັມທີ
ຈົນໃກ້ດັບແຕ່ຈຳເປັນຕ້ອງໂທໃຫ້ກົດອ*3370# ມັນຈະລີດພະລັງງານສຳຮອງ
ອອກມາໃຊ້ ເພີ່ມພະລັງຖ່ານໃຫ້ຂື້ນມາອີກ 50% ແລະມັນຈະຊົດເຊີຍສ່ວນສຳ
ຮອງນີ້ໃນການສາກແບັດຄັ້ງຕໍ່ໄປ ລອງປະຕິບັດເບິ່ງເອົາເອງວ່າຊີໄດ້ຜົນຫຼືບໍ ຂພຈ ກໍ່ຍັງບໍ່ທັນລອງເບີ່ງຄືກັນ ອ່ານເຫັນແລ້ວເລີຍເອົາມາໃຫ້ອ່ານ.........
|
ຂຽນເມື່ອ: ສ.ຫ.. 7, 2011
| ມີ
5 ຄຳເຫັນ
ແລະ
0 trackback(s)
ໜວດໝູ່:
ອື່ນ ໆ
1. 1. ສັດທາ ຄືຄວາມເຊື່ອ ໃນສິ່ງທີ່ດີງາມຮ່ວມກັນ ຖ້າເຮົາມີສັດທາ
ຊຶ່ງບໍ່ຈຳເປັນຕ້ອງເປັນສັດທາໃນສາສະໜາ ແຕ່ເປັນສັດທາ
ໃນຄວາມຮັກທີ່ຕົງກັນ ແລະນັ້ນເປັນສິ່ງທີ່ສຳຄັນໃນການໃຊ້
ຊີດວິດຄູ່ ຖ້າຂາດສັດທາໃນ ຄວາມຮັກຊີວິດຄູ່ກໍ່ບໍສາມາດດຳເນີນໄປຕໍ່ໄດ້. 2. 2. ສີນ ຄືຂໍ້ຫ້າມ ການລະເວັ້ນຫຼືການບໍ່ນອກໃຈຄູ່ຊີວິດຂອງຕົວເອງ
ມີຄວາມຊື່ສັດຕໍ່ກັນ ຖ້າຫາກເຮົາຍັງມີໃຈ ທີ່ສະຊັບກະສ່າຍ
ແຕ່ອີກຄົນກັບມີໃຈຊື່ສັດຕໍ່ຄົນຮັກ ມັນກໍ່ບໍສາມາດຢູ່ຮ່ວມກັນໄດ້ 3. 3. ຈາຄະ ຄືຄວາມເສຍສະລະ ຄວາມມີນ້ຳໃຈໃຫ້ແກ່ກັນ ການຢູ່ຮ່ວມກັນລະຫວ່າງຄູ່ສາມີພັນລະຍາຈະຕ້ອງມີ ນ້ຳໃຈໃຫ້ແກ່ກັນ ສະລະຄວາມສຸກສ່ວນຕົວ ເມື່ອອີກຄົນເຈັບໄຂ້ໄດ້ປ່ວຍ 4. 4. ປັນຍາ ຄືຄວາມຮອບຮູ້ (ອະທິບາຍເອົາເອງ) ສິ່ງສຳຄັນຄືຢ່າລືມຕື່ມຄວາມຮັກໃຫ້ແກ່ກັນແລະກັນ. ຖ້າຜິດຂໍໂທດເດີເພາະວ່າຈຳເອົາເຂົາມາເລົ່າໃຫ້ຟັງ!
|
ຂຽນເມື່ອ: ສ.ຫ.. 2, 2011
| ມີ
5 ຄຳເຫັນ
ແລະ
0 trackback(s)
ໜວດໝູ່:
ອື່ນ ໆ
ຂ້ອຍ ເປັນ ຄົນ ທີ່ ມັກ ຫຼິ້ນ ພັນ ລາວ ເປັນ ຊີ ວິດ ຈິດ ໃຈ
ຖ້າ ບໍ່ ເຊື່ອ ລອງ ມາ ເບິ່ງ ພາບ ນີ້ ເອົາ ເອງ ເດີ!! 
|
ຂຽນເມື່ອ: ກ.ລ.. 31, 2011
| ມີ
3 ຄຳເຫັນ
ແລະ
0 trackback(s)
ໜວດໝູ່:
ອື່ນ ໆ
ສະມາທິ ແປວ່າ ຄວາມຕັ້ງໃຈໝັ້ນ
1. ສ້າງນິໃສ ລົງມືເຮັດທັນທີ
2. ສ້າງນິໃສ ມຸ້ງໝັ້ນວ່າ ຖ້າບໍ່ແລ້ວຈະບໍ່ໃສ່ໃຈເລື່ອງອື່ນ
3. ຈັດລຽງລຳດັບວຽກກ່ອນຈະລົງມື
4. ຫັດຄິດທີ່ລະເລື່ອງ ໂດຍໃຫ້ເຈາະລຶກເລື່ອງນັ້ນ ຢ່າຜິວເຜີນ
5. ສ້າງສິງແວດລ້ອມໃຫ້ເໝາະແກ່ການມີສະມາທິ
6. ຮູ້ຈັກພັກຜ່ອນເປັນຊ້ວງໆ
7. ສ້າງຄວາມຈິງໃຈ ແລະເຕັມໃຈໃນສິ່ງທີ່ທຳ
8. ພະຍາຍາມຫັດຄິດໃນເລື່ອງທີ່ສ້າງສັນ
9.ເລີກນິໃສມາກເລື່ອງໃນການກະທຳສິ່ງໃດໜຶ່ງ
10.....................................................
|
ຂຽນເມື່ອ: ກ.ລ.. 26, 2011
| ມີ
12 ຄຳເຫັນ
ແລະ
0 trackback(s)
ໜວດໝູ່:
ອື່ນ ໆ
ບໍ່ມີໃຜເກີດມາໄຮ້ຄ່າ ແມ່ນແຕ່ຄົນໂງ່ທີ່ສຸດຍັງສະຫຼາດບາງເວລາ
ແລະຄົນສະຫຼາດທີ່ສຸດກໍ່ຍັງໂງ່ໃນບາງເລື່ອງ ບໍ່ມີຫຍັງເສຍເວລາໄປກວ່າ ການຄິດທີ່ຈະຍ້ອນກັບໄປແກ້ໄຂອະດີດ ບໍ່ມີສິ່ງໃດສາຍເກີນໄປ ທີ່ຈະເຮັດໃນສິ່ງທີ່ຕົນເອງຝັນ ຄົນທີ່ບໍ່ເຄີຍຫິວ ຍ່ອຍບໍ່ຊາບຊຶ້ງຣົດຂອງຄວາມອີ່ມ ຄວາມສຳເລັດທີ່ຜ່ານຄວາມຫຼົ້ມແຫຼວ ຍ່ອມຫອມຫວານກວ່າເດີມ ອັນຕະລາຍທີ່ສຸດຂອງຊີວິດຄືການຄາດຫວັງ
ຢ່າຍອມແພ້ຖ້າຍັງບໍ່ພະຍາຍາມຢ່າງເຕັມທີ່ ເຫດຜົນຂອງຄົນໆໜຶ່ງອາດບໍ່ແມ່ນເຫດຜົນຂອງຄົນອີກຄົນໜຶ່ງ ຖ້າເຮົາບໍ່ລອງຢ່າງ ເຮົາຈະບໍ່ມີທາງຮູ້ເລີຍວ່າທາງຂ້າງໜ້າເປັນຢ່າງໃດ
ບັນຫາທຸກຢ່າງລ້ວນຢູ່ທີ່ຕົວເຮົາທັງສິ້ນ ຍິນດີກັບສິ່ງທີໄດ້ມາ ແລະຍ້ອມຮັບກັບສິ່ງທີ່ເສຍໄປ ຫຼັງພາຍຸຜ່ານໄປ ຟ້າຍ່ອມສົດໃສສະເໝີ ຖ້າບໍ່ຖືດໂທດດ້ວຍເດີ...
|
ຂຽນເມື່ອ: ກ.ລ.. 16, 2011
| ມີ
7 ຄຳເຫັນ
ແລະ
0 trackback(s)
ໜວດໝູ່:
ອື່ນ ໆ
ກາລະຄັ້ງໜຶ່ງນານມາແລ້ວໄດ້ມີວັດແຫ່ງໜຶ່ງຢູ່ນອກເທດສະບານຕົວເມືອງ
ໄດ້ມີຫຼວງພໍ່ ແລະເນນນ້ອຍໜຶ່ງຮູບ ອາໃສຢູ່ຮ່ວມກັນເປັນເວລາຫຼາຍພັນສາ
ສົມຄວນ ເລື່ອງອາຫານນັ້ນແມ່ນຂາດ2ເຂີນ2 ພໍ່ອອກ-ແມ່ອອກ ກໍ່ມື້ມາມື້ບໍ່
ບາງວັນກໍ່ຕ້ອງໄດ້ແຕ່ງຢູ່ຄົວກິນເອງ ຢູ່ມາວັນໜຶ່ງໄດ້ມີແມ່ອອກເອົາ ໜັງເຄັມ
ໄປເຄນຫຼວງພໍ່ ແລະຫຼວງພໍ່ກໍ່ເອົາໜັງ 2 ເສັ້ນ (ເສັ້ນໜຶ່ງປະມານ 1 ຄືບ)
ໃຫ້ເນນເອົາໄປຈີ້, ເນນກໍ່ເອົາໄປຈີ້ ແລ້ວ2ເລື່ອງບໍ່ຄາດຄິດກໍ່ເກີດຂຶ້ນ ໜັງ
ທີ່ເນນນ້ອຍເອົາໄປຈີ້ນັ້ນມັນໄດ້ຫົດເຂົ້າປະມານເຄິ່ງຄືບນີ້ແຫຼະສ່ວນເນນນ້ອຍ
ເມື່ອເຫັນແນວນັ້ນກໍບໍ່ຮູ້ຈະເຮັດແນວໃດດີເພາະຢ້ານຫຼວງພໍ່ຮ້າຍທີ່ເຮັດໃຫ້ໜັງ
ຫົດເຂົ້າບໍ່ຮູ້ຈະເຮັດແນວໃດດີເນນນ້ອຍກໍເລີຍຮ້ອງໃຫ້ຕາມພາສາເດັກນ້ອຍ,
ຮ້ອງໃຫ້ດົນເຕີບຫຼວງພໍ່ເລີຍໄດ້ຍິນແລ້ວກໍ່ມາເບິ່ງ ແລ້ວຖາມເນນວ່າເປັນຫຍັງ?
ເນນຕອບວ່າໜັງທີ່ຫຼວງພໍ່ໃຫ້ມາຈີ້ນັ້ນມັນຫົດເຂົ້າຍັງນ້ອຍດຽວ.
ຫຼວງພໍ່ເລີຍບອກວ່າໂອ່ຍເນນນ້ອຍເອີຍນີ້ລະເຂົາວ່າວັດຖຸມີການຫົດຢືດ...
- ມື້ຕໍ່ມາອີກແມ່ອອກຄົນເກົ່ານັ້ນລະໄດ້ເອົາໄຂ່ມາເຄນຫຼວງພໍ່ອີກ 1 ແຕະ..
ຫຼວງພໍ່ກໍ່ເອົາໄຂ່ໃຫ້ໃຫ້ເນນນ້ອຍໄປຕົ້ມ 2 ໜ່ວຍ..ເນນນ້ອຍກໍ່ເອົາໄປຕົ້ມຕາມຫຼວງພໍ່ສັ່ງ...
ເມື່ອຕົ້ມແລ້ວເນນນ້ອຍກໍ່ໄດ້ລັກກິນ 1 ໜ່ວຍກ່ອນທີ່ຈະເອົາໄປໃຫ້ຫຼວງພໍ່
ແຫຼະແລ້ວເຫດການກໍ່ເກີດຂຶ້ນອີກຄັ້ງໜຶ່ງເມື່ອເນນນ້ອຍເອົາໄຂ່ມາໃຫ້ຫຼວງພໍ່...
ຫຼວງພໍ່ຖາມວ່າເນນນ້ອຍໄຂ່ທີ່ຫຼວງພໍ່ເອົາໃຫ້ໄປຕົ້ມ 2 ໜ່ວຍ ຄືຍັງເຫຼືອແຕ່ 1 ໜ່ວຍ.......
ເນນນ້ອຍຕອບວ່າ:..........................................? ເຈົ້າຄິດວ່າເນນນ້ອຍຕອບແນວໃດ ?
|
ຂຽນເມື່ອ: ກ.ລ.. 10, 2011
| ມີ
7 ຄຳເຫັນ
ແລະ
0 trackback(s)
ໜວດໝູ່:
ອື່ນ ໆ
ຈະຈໍາ...ທຸກຊີກຂອງກີບດອກ ຈະຈໍາ...ຄຳບອກທີ່ຕອກຝັນ ຈະຈໍາ...ທຸກແຮງແສງຕະວັນ ຈະຈໍາ...ຄຳໝັ້ນທີ່ສັນຍາ
ຈະລືມ...ຄວາມຫຼັງທີ່ຝັ່ງທຸກ
ຈະລືມ...ເພື່ອລຸກໃຫ້ສຸກຂີ ຈະລືມ...ຄວາມເສົ້າເຜົາຊີວີ ຈະລືມ...ຄົນທີ່........
ຈະເລີ່ມ...ຕົນໃໝ່ດ້ວຍໃຈແກ່ງ ຈະເລີ່ມ...ຈັດແບ່ງການງານບໍ່ແໜ່ງໜ່າຍ ຈະເລີ່ມ...ລ້າງໃຈໃສທັງດວງ ຈະເລີ່ມ...ເດີນລ່ວງຈາກບ່ວງມານ....
|
ຂຽນເມື່ອ: ກ.ລ.. 8, 2011
| ມີ
9 ຄຳເຫັນ
ແລະ
0 trackback(s)
ໜວດໝູ່:
ອື່ນ ໆ
ຈົດແລ້ວຈໍາ ທໍາແລ້ວຈົດ ໃຫ້ຈົດຈໍາ ໝັ່ນຂຽນຍ້ໍາ ຈໍາເອົາໄວ້ ໃຫ້ໝັ່ນຂຽນ ພຽນສູ້ທົນ ເກີດເປັນຄົນ ທົນ-ສູ້-ພຽນ ຕັ້ງຕາຮຽນ ພຽນເຂົ້າໄວ້ ໃສ່ໃຈຈໍາ ຄ່ອຍຄ່ອຍທໍາ ຄ່ອຍຄ່ອຍຄິດ ຍາມຕິດຂັດ ຄ່ອຍຄ່ອຍຈັດ ຄ່ອຍຄ່ອຍຮຽນ ພຽນເລີ່ມໃໝ່ ຄ່ອຍຄ່ອຍສານ ຄ່ອຍຄ່ອຍຕໍ່ ຢ່າ້ທໍ້ໃຈ ເລີ່ມຕົ້ນໃໝ່ ໄດ້ດ້ວຍແຮງ ແຫ່ງແສງທໍາ
|
ຂຽນເມື່ອ: ກ.ລ.. 6, 2011
| ມີ
5 ຄຳເຫັນ
ແລະ
0 trackback(s)
ໜວດໝູ່:
ອື່ນ ໆ
ເພື່ອນທີ່ຮັກເອີຍ............ ບໍ່ມີໃຜເກັ່ງມາຕັ້ງແຕ່ເກີດຫຼອກ ທຸກສິ່ງຢ່າງລ້ວນເກີດຈາກການສະແຫວ່ງຫາທັ້ງນັ້ນ ບໍ່ມີໃຜຫົວໄດ້ຕັ້ງແຕ່ເກີດ ຈະມີກໍ່ແຕ່ສຽງຮ້ອງໃຫ້ກັບນໍ້າຕາເທົ່ານັ້ນ ຄວາມບັງເອີນບໍ່ມີຈິງຫຼອກ ຈະມີກໍ່ແຕ່ພົມລິຄິດເທົ່ານັ້ນ ຄວາມຮັກທີ່ແສນທໍາມະດາ...ແຕ່ຫາສິ່ງທຽບຄ່າບໍ່ໄດ້ ບໍ່ມີໃຜໃຫ້ເຮົາໄດ້ນອກສະຈາກບຸບພະກາຣີ ເພື່ອນກິນຫາໄດ້ທົ່ວໆໄປ...ແຕ່ເພື່ອນຕາຍຕ້ອງໃຊ້ເວລາ ບໍ່ມີສິ່ງໃດທີຈະສາມາດບອກເຮົາວ່າມື້ໜ້າຈະເກີດຫຍັງຂຶ້ນ ເຮົາມີພຽງຊີວິດດຽວ....ຈົ່ງຢ່າຖິ້ມໂອກາດດີໆ ເມື່ອເຮົາຮັກໃຜຄົນໜຶ່ງຢ່າເອີ່ຍພຽງຄໍາວ່າຮັກ ຈົ່ງໃຊ້ລົມຫາຍໃຈ ແລະຊີວິດການກະທໍາໃຫ້ເຂົາເຫັນ ຄວາມຮັກບໍ່ເຄີຍເຮັດໃຫ້ຄົນເຈັບປວດ.... ຄົນີ່ກໍາລັງເຈັບປວດເພາະຄວາມຮັກ ຄືຄົນີ່ຍັງບໍ່ເຄີຍສໍາຜັດເຖິງຄວາມຮັກອັນແທ້ຈິງ ບາງຄັ້ງນໍ້າຕາ...ກໍ່ເປັນການປອບປະໂລມທີ່ດີ ດັ່ງນັ້ນ....ຈົ່ງຮ້ອງອອກມາຢ່າໄດ້ອາຍໃຜ
ຊີວິດຄົນເຮົາແສຍສັ້ນ.....ຈົ່ງມີຄວາມສຸກກັບສິ່ງທີ່ເຮົາກະທຳຢູ່ນະປະຈຸບັນນີ້ ແດ່ເພື່ອນຮັກ.................
|
ຂຽນເມື່ອ: ມິ.ຖ.. 27, 2011
| ມີ
12 ຄຳເຫັນ
ແລະ
0 trackback(s)
ໜວດໝູ່:
ອື່ນ ໆ
- ຄົບຄົນພານຖ້າຈິງໃຈກໍ່ບໍ່ຜິດ ຄົບບັນດິດບໍ່ຈິງໃຈກໍ່ໄຮ້ຜົນ - ຄວາມດີເໝືອນ ກກນ ຕ້ອງມີຕິດຕົວໄວ້ ແຕ່ບໍ່ຕ້ອງໂຊ - ເຫຼົ້າເບຍບໍ່ໄດ້ສ້າງວິລະບຸລຸດ ແຕ່ວິລະບຸລຸດກໍ່ຂາດມັນບໍ່ໄດ້ - ຄວາມພະຍາຍາມຄັ້ງທີ່ 100 ດີກວ່າຄິດທໍ້ຖ່ອນກ່ອນທຳ - ສຸກໃດກໍບໍ່ເທົ່າ ຈົກກະເປົາແລ້ວມີເງິນ - ເພື່ອນກິນ ເພື່ອນກັນ ເພື່ອນກິນບໍ່ທັນ ເພື່ອນກັນເອົາໄປກິນ - ຊະຕາຟ້າລິລິດ ແຕ່ຊີວິດນັ້ນຂອງເຮົາ - ກໍາຂີ້ດີກວ່າກໍາຕົດ ແຕ່ຖ້າກໍາສົດໆກໍາຕົດດີກວ່າກໍາຂີ້ - ຈຸດຢືນຂອງເຮົາທຸກຄົນ ຢູ່ທີ່ສົ້ນຕີນ ( ຖຽງບໍ ) -ເຫັນງານເປັນລົມ ເຫັນນົມສູ້ຕາຍ....( ສູ້ໂວຍ...) (ດີ-ຊົ່ວ ບໍ່ໄດ້ເປັນຈາກກຳມະພັນ ແຕ່ເປັນການກະທຳຂອງ......ເຮົາ) ຄິດວ່າແນວໃດທ່ານ.............
|
ຂຽນເມື່ອ: ມິ.ຖ.. 26, 2011
| ມີ
10 ຄຳເຫັນ
ແລະ
0 trackback(s)
ໜວດໝູ່:
ອື່ນ ໆ
ຄວາມຮັກ ຄືການໃຫ້...ໃຫ້ທຸກສິ່ງທຸກຢ່າງກັບຄົນທີ່ເຮົາຮັກ ຄວາມຮັກ ຄືຄວາມກຽດ...ກຽດທຸກສິ່ງທຸກຢ່າງທີ່ມາຍຸ້ງກັບຄົນທີ່ເຮົາຮັກ ຄວາມຮັກ ຄືຄວາມຢ້ານ...ຢ້ານທີ່ຈະເປັນທຸກເພາະຄວາມຮັກ ຄວາມຮັກ ຄືຄວາມຢາກ...ຢາກທີ່ຈະໃຫ້ຄົນຮັກ ຮັກເຮົາເໝືອນກັບເຮົາຮັກເຂົາ ຄວາມຮັກ ຄືສິ່ງທີ່ເຮັດໃຫ້ໂລກສົດໃສສວຍງາມ ບາງຄັ້ງ...ຮັກກໍ່ເຮັດໃຫ້ໂລກໝົ່ນໝອງມືດມົນ ຄວາມຮັກ ຄືກັມ...ກັມທີ່ຕ້ອງເກີດມາຮັກຄົນທີ່ເຂົາບໍ່ຮັກເຮົາ ຄວາມຮັກ ຄືກັບຄວາມເຈັບ...ເມື່ອຕ້ອງຮັກຄົນທີ່ບໍ່ເຫັນຄຸນຄ່າຂອງຄວາມຮັກ ຄວາມຮັກ ຄືຄວາມອິດສາ...ອິດສາໃນສິ່ງອື່ນທີ່ເຂົາເຫັນວ່າມີຄ່າຫຼາຍກວ່າເຮົາ 
ແລ້ວ “ຄວາມຮັກ” ຂອງເຈົ້າລະ ຄືຫຍັງ ??
|
ຂຽນເມື່ອ: ມິ.ຖ.. 21, 2011
| ມີ
9 ຄຳເຫັນ
ແລະ
0 trackback(s)
ໜວດໝູ່:
ອື່ນ ໆ
ຢ່າຕັ້ງໃຈກັບຄົນ 1 ຄົນຫຼາຍເກີນໄປ ເພາະບໍ່ມີໃຜຢາກເປັນຕົ້ນເຫດຂອງຄວາມຫຼົ້ມແຫຼວ ຢ່າຄາດຫວັງກັບຄົນ 1 ຄົນຫຼາຍເກີນໄປ ເພາະບໍ່ມີໃຜສາມາດເປັນທຸກຢ່າງທີ່ທຸກຄົນຢາກໃຫ້ເປັນ ຢ່າໃຫ້ເວລາກັບຄົນ 1 ຄົນຫຼາຍເກີນໄປ ເພາະບໍ່ວ່າໃຜກໍ່ຍ່ອມຢາກມີເວລາເປັນສ່ວນຕົວ ຢ່າພະຍາຍາມປຽນແປງຄົນ 1 ຄົນຫຼາຍເກີນໄປ ເພາະນັ້ນຈະເຮັດໃຫ້ເຂົາບໍ່ຫຼົງເຫຼືອຄວາມເປັນຕົວຂອງຕົວເອງ ຢ່າຄວບຄຸ້ມຊີວິດຄົນ 1 ຄົນຫຼາຍເກີນໄປ ເພາະມະນຸດມັກຈະຫາວິທີແຫກຕົວ ເພື່ອອອກຈາກກົດທີ່ຖືກກໍານົດ ຢ່າບີບບັງຄັນຄົນ 1 ຄົນຫຼາຍເກີນໄປ ເພາະຖ້າຄົນໆນັ້ນຫຼຸດຈາກພາວະບີບບັງຄັບມາໄດ້ ເຮົາຈະກາຍເປັນ
ຄົນທີ່ຖືກຫັນຫຼັງໃຫ້ໃນທັນທີ ລອງຄິດເບິ່ງດີໆວ່າ........ທຸກຄົນມີລົມຫາຍໃຈບໍ່ແມ່ນພາບວາດ
ທີ່່ຈິສວຍງາມຢູ່ຕະຫຼອດເວລາ... ທຸກຄົນເປົນສິ່ງທີ່ມຮຊີວິດ
ທີ່ມີ 2 ດ້ານເຊັ່ນກັນໝົດທຸກຄົນ. ...ຖ້າຢາກຮູ້ຈັກໃຜຈັກຄົນໜຶ່ງ ຕ້ອງຫັດຮຽນຮູ້ ບໍ່ແມ່ນໃຊ້ການປຽນແປງ... ໃນແງ່ຄວາມຄິດຂອງເຈົ້າຄິດວ່າແນວໃດ? ຂອບໃຈທີ່ອ່ານ!!
|
ຂຽນເມື່ອ: ມິ.ຖ.. 20, 2011
| ມີ
8 ຄຳເຫັນ
ແລະ
0 trackback(s)
ໜວດໝູ່:
ອື່ນ ໆ
ບໍ່ຈໍາເປັນວ່າ...ຕ້ອງເດີນໄປໃນເສັ້ນທາງອັນດຽວກັນ ບໍ່ຈໍາເປັນວ່າ...ຕ້ອງເຫັນດີເຫັນງາມໄປດ້ວຍກັນທຸກຢ່າງ ບໍ່ຈໍາເປັນວ່າ...ຕ້ອງມີສ່ວນຮ່ວມໃນຄວາມຝັນຂອງເຮົາ ບໍ່ຈໍາເປັນວ່າ...ຕ້ອງເສຍສະລະຕົນເອງສົ່ງເຂົາໃຫ້ເຖິງຝັງ ແລະບໍ່ຈໍາເປັນເລີຍ...ທີ່ເຮົາຕ້ອງເຮັດທຸກຢ່າງເພື່ອເຂົາ 
ແຕ່ມັນຈໍາເປັນຢ່າງຍິ່ງທີ່ເຮົາຕ້ອງ..... ຄິດຖຶງເຂົາສະເໝີໃນທຸກໆວັນ ໂອບກອດເບົ່າໆ ໃຫ້ເຂົາຮູ້ວ່າຍັງມີຄຸນຄ່າຢູ່ຂ້າງໆ ບອກຮັກແທນຄວາມໝາຍທັງໝົດໃນໃຈທີ່ມີ ແລະເຕີມເຕັມຊຶ່ງກັນ ແລະກັນ  ຮັກແທ້...ມີອິດສະລະດັ່ງນົກໂບຍບິນ ຮັກແທ້...ບໍ່ຕ້ອງການນິຍາມໃດໆ ຮັກແທ້...ຈະຄ່ອຍໆ ເຕີບໂຕຢ່າງງົດງາມ ຮັກແທ້...ສາມາດດູແລຕົວເອງໄດ້ ຮັກແທ້...ບໍ່ມີວັດໝົດໄປ ແມ່ນພຽງແຕ່ປຽນໄປຕາມສະຖານະທີ່ຄວນຈະເປັນ..  ຢ່າເວົ້າວ່າ....ຂ້ອຍບໍ່ຮັກອີກແລ້ວ ຖ້າຫາກຍັງທຳໃຈບໍ່ໄດ້ ຢ່າຖອດໃຈ...ຖ້າເຮົາຍັງຮູ້ສຶກທົນໄດ້ ຢ່າບອກວ່າ..ຖ້າເຮົາຍັງມອງເຫັນທາງທີ່ສາມາດເດີນຕໍ່ໄປດ້ວຍກັນ ຢ່າບອກວ່າຄິດຮອດ...ຖ້າເຮົາບໍ່ຄິດຮອດ ຢ່າບອກວ່າຮັກ...ຖ້າເຮົາບໍ່ຮູ້ສຶກຮັກ ຢ່າບອກວ່າຫ່ວງໃຍ...ຖ້າເພາະຕ້ອງບອກໄປເພາະຄວາມເຄີຍຊິນ. ແລະສຸດທ້າຍ........ ຢ່າເສຍໃຈ....ຖ້າເຮົາໄດ້ຕັດສິນໃຈດີແລ້ວ, ທຸກຄົນຄິດວ່າແນວໃດ........???
|
ຂຽນເມື່ອ: ມິ.ຖ.. 20, 2011
| ມີ
6 ຄຳເຫັນ
ແລະ
0 trackback(s)
ໜວດໝູ່:
ອື່ນ ໆ
ຂຽນຄໍາວ່າ....ຮັກເປັນຮ້ອຍຄຳ ຂຽນໃຫ້ວັນ...ທີ່ເຄີຍຜູກພັນ......ຈຳໄດ້ບໍ? ວັນນີ້...........ຂ້ອຍຢູ້ຄົນດຽວ.....ບໍ່ມີໃຜ ຂຽນຄໍາວ່າ....ເຫງົາເກັບໄວ້.......ໄດ້ເປັນພັນ ແລ້ວຄົນດຽວໃນຊີວິດ...............ກໍ່ຈາກໄປ ຈະໃຫ້ຫັນໄປທາງໃດ................ຕໍ່ຈາກນີ້ ທາງຂ້າງໜ້າ...........................ອີກຍາວໄກ ຂ້ອຍຈະຫາກໍາລັງໃຈດີໆ...........ໄດ້ຈາກໃຜ  ເໝືອນ................................ປີ້ລົດທີ່ຂາດ ເສດກະດາບ.........................ອີກກ໋ອງໃຫຍ່ ເລື່ອງຂອງເຮົາ.......................ຢູ່ໃນຂອງທີ່ບໍ່ສຳຄັນ ເຫັນແລ້ວເຫງົາ......................ຈົນຮ້ອງໃຫ້ທຸກທີ່... ໂອ໋ຍ,,,,,ອ່ານແລ້ວເສົ້າ,,,,,,,,,,,,ເຫງົາແທ້ໆ ບໍ່ຮູ້ວ່າ,,,ຄົນອ່ານຈະເຫງົາຄືກັນບໍ? 
|
ຂຽນເມື່ອ: ມິ.ຖ.. 19, 2011
| ມີ
10 ຄຳເຫັນ
ແລະ
0 trackback(s)
ໜວດໝູ່:
ອື່ນ ໆ
ຄົນເຮົາ...ຢ່າພະຍາຍາມກັກເກັບນ້ໍາຕາ ຖ້າຮູ້ວ່າ...ມັນເີນຈະກັ້ນໄວ້ໄດ້ ບໍ່ມີໃຜເກີດມາ ແລ້ວບໍ່ເຄີຍຮ້ອງໃຫ້ ແມ່ນແຕ່...ວັນແລກທີ່ເຮົາມືນຕາເບິ່ງໂລກ ທຸກຄົນກໍ່ຕ້ອງຮ້ອງໃຫ້ດ້ວຍກັນທັງນັ້ນ... ເມື່ອມີ....ນໍ້າຕາ ນັ້ນບໍ່ໄດ້ໝາຍຄວາມວ່າ....ອ່ອນແອ ແຕ່ບາງທີ ບາງສິ່ງທີ່ມັນຫຼາຍເກີນໄປ ເກີນກວ່າທີ່ຈະຮັບໄວ້ ກໍ່ຈໍາເປັນຕ້ອງລະບາຍອອກມາແນ່.... ພຽງແຕ່....ຢ່າຟືນຕົວເອງ ຕ້ອງຍ້ອມຮັບຄວາມຮູ້ສຶກຂອງຕົວເອງ ຢ່າປິດກັ້ນຄວາມອ່ອນແອ....ຂອງຕົວເອງ ຖ້າຢາກຮ້ອງໃຫ້ ກໍ່ຮ້ອງໃຫ້ຫາຍອຶດອັດ.... ຮ້ອງໃຫ້....ບໍ່ແມ່ນເລື່ອງໜ້າອາຍ ຄົນໃດກ້າຮ້ອງໃຫ້ ຄືຄົນທີ່ເຂົ້າໃຈຄວາມຮູ້ສຶກຂອງຕົນເອງ ຍ້ອມຮັບໃນສິ່ງທີ່ຕົນເອງກໍາລັງເປັນ..... ເພາະຄົນທີ່ເສຍໃຈແລ້ວບໍ່ຮ້ອງໃຫ້ ບໍ່ລະບາຍອອກມາ ນານໆໄປ ອາດຈະເຮັດໃຫ້ມີຄວາມເສົ້າຢູ່ລຶກໆ ໃຫ້ເລືອກທີ່ຈະລະບາຍອອກມາຈະດີກວ່າ ຢ່າພະຍາຍາມທີ່ຈະອົດກັ້ນ ທີ່ຈະຮ້ອງໃຫ້ ປ່ອຍໃຫ້ນໍ້າຕາມັນໄຫຼອອກມາ ຈົນກວ່າຈະສະບາຍໃຈ  ແລະເມື່ອ......ນໍ້າຕາເຫືອດແຫ້ງໄປ ເຮົາຈະໄດ້ຄວາມເຂັ້ມແຂງ ກັບມາໃຫ້ຕົວເຮົາ ຫຼາຍກວ່າເກົ່າເຖິງ 100 ເທົ້າ... ຂອບໃຈທີ່ອ່ານ
|
ຂຽນເມື່ອ: ມິ.ຖ.. 18, 2011
| ມີ
10 ຄຳເຫັນ
ແລະ
0 trackback(s)
ໜວດໝູ່:
ອື່ນ ໆ
ທີ່ມາຂອງຮູບຫົວໃຈ
ທ່ານທັງຫຼາຍເຄີຍສົງໃສບໍວ່າ ຮູບຫົວໃຈຕ້ອງມີລັກສະນະເປັນແບບນີ້ ນັ້ນກໍ່ເປັນເພາະວ່າ
ຮູບລັກທີ່ເຮົາຄຸ້ຍຕານີ້ ເປັນຮູບລັກທີ່ຮຽນແບບມາຈາກໃບໄອວີ່ ທີ່ມີຮູບຮ່າງຄ້າຍພາບຫົວ
ໃຈທີ່ເຮົາເຫັນກັນໃນປັດຈຸບັນນີ້. 
ຕັ້ງແຕ່ຍົກກຣິກ ແລະໂຣມັນມາແລ້ວ ທີ່ໃບ ໄອວີ່ ເປັນສັນຍາລັກຂອງຄວາມເປັນອໍາມະຕະ
ເພາະໃບໄອວີ່ມີສີຂຽວຕະຫຼອດປີ ບໍ່ວ່າອາກາດຈະເປັນຢ່າງໃດ ແຕ່ໃບໄອວີ່ຍັງຄົງມີສີຂຽວສົດ
ແລະຖືກຜູກເຂົ້າກັບຄວາມຮັກ ຄວາມຊື່ສັດ ນອກຈາກນີ້ ການທີ່ໄອວີ່ເປັນໄມ້ເຖົາທີ່ມັກຈະເລື່ອນ
ໄປເກາະສິ່ງນັ້ນສິ່ງນີ້ ເຮັດໃຫ້ໄອວີ່ຖືກມອງວ່າ ບໍ່ວ່າຈະເລື້ອຍໄປເກາະກ້ຽວກັບສິ່ງໃດ
ໄອວີ່ ກໍຜູກພັນ ມັນຈິ່ງເປັນສັນຍາລັກທີ່ຊື່ອອກມາໄດ້ ຫຼາຍຢ່າງ ບໍ່ວ່າຈະເປັນຄວາມຮັກ
ຄວາມຊື່ສັດພັກດີ ຄວາມຜູກພັນທີ່ບໍ່ມີວັນເສື່ອມສະຫຼາຍ ຄວາມເປັນອໍາມະຕະ
ແລະເມື່ອເອົາມາລວມກັນທັງໝົດແລ້ວ ໄອວີ່ຄື “ຮັກນິລັນດອນ’’ ນັ້ນເອງ. ສີລະປິນໃນຍຸກໄໝ່ກໍ່ໄດ້ປະຍຸກຄວາມເຊື່ອເລື່ອໃບໄອວີ່ນີ້ ແລະນໍາຮູບລັກຂອງໃບໄອວີ່ມາໃຊ້
ແຕ່ປຽນຈາກສີຂຽວສົອໃສ ມາເປັນສີແດງ ຈົນໃນໄລຍະຫຼັງນີ້ເຮົາຖຶ່ງໄດ້ເຫັນພາບຫົວໃຈເປັນສີແດງ
ທີ່ເຮົາຄຸ້ຍຕາກັນ ນັ້ນເປັນເພາະເກີດຈາກສັນຍາລັກແຫ່ງຄວາມນິລັນ ແລະສີແດງ ອັນສີທີ່ມັກຊື່ເຖິງຄວາມຮັກ
ເພາະເປັນສີຂອງເລືອດມາລວມກັນ ແລະກາຍເປັນໜຶ່ງໃນສັນລາລັກທີ່ຄົນຮູ້ຫຼາຍທີ່ສຸດໃນໂລກ...
ດັ່ງນັ້ນການໃຫ້ພາບ ຫຼືກາດອວຍພອນຮູບຫົວໃຈ ກໍ່ເປັນການສື່ງ່າຍໆເຖິງຄວາມຮັກ. ຜິດພາດປະການໃດຂໍໂທດດ້ວຍ ຮັບຟັງຄໍາຄິດເຫັນຂອງທຸກຄົນ ຂອບໃຈເປັນຢ່າງສູງທີ່ອ່ານຈົບ
|
ຂຽນເມື່ອ: ມິ.ຖ.. 17, 2011
| ມີ
6 ຄຳເຫັນ
ແລະ
0 trackback(s)
ໜວດໝູ່:
ອື່ນ ໆ
ເຫດເກີດຂຶ້ນເພາະຄົນໃນສະໄໜບູຮານເຊື່ອກັນວ່ານິ້ວນາງຂ້າງຊາຍ
ເປັນທີ່ຕັ້ງຂອງເສັ້ນເລືອດແຫ່ງຄວາມຮັກ ກ່ອນນັກວິທະຍາສາດຈະໃຫ້
ມະນຸດຊາບລະບົບການທໍາງານຂອງລະບົບໄຫຼວຽນໂລຫິດ ຄົນບູນຮານ
ເຊື່ອກັນວ່າເລືອດບົນນິ້ວນາງເຊື່ອຕໍ່ໄປຍັງຫົວໃຈ ໂດຍຄວາມເຊື່ອດັ່ງກ່າວ
ມີການອ້າງວ່າເປັນຄວາມເຊື່ອທີ່ເກີດຂຶ້ນໃນອານາຈັກກຣິກໂບຮານ
ເມື່ອປະມານ 3 ປີກ່ອນຄຣິດຕະການ. ເຊື່ອວ່າດ້ວຍການເຊື່ອໂຍງດັ່ງກ່າວນີ້ຈິ່ງມີການຕັ້ງຊື່ເສັ້ນເລືອດ
ດັ່ງກ່າວວ່າ vena amori ອັນນີ້ເປນພາສາລາຕິນ ຊື່ງມີຄວາມໝາຍວ່າ
“ເສັ້ນເລືອດແຫ່ງຄສາມຮັກ’’(vein of love) ຕາມຄວາມເຊື່ອດັ່ງກ່າວນີ້
ຜູ່ຄົນຈຶ່ງຍອມຮັບໃຫ້ສວມແຫວນແຕ່ງງານໃນນິ້ວນາງ ຈົນເປັນປະເພນີ
ມາຈົນເຖິງທຸກວັນນີ້. ໃນສະໄໝກາງໃນຍຸໂລບ ພິທີແຕ່ງງານຂອງຊາວຄຣິດຈະມີການສວມ
ແຫວນແຕ່ງງານລຽງກັນມາຕັ້ງແຕ່: ນິ້ວຊີ້, ນິ້ວກາງ ແລະນິ້ວນາງຂອງມືຊາຍ
ເພື່ອສະແດງເຖິງຫຼັກຕຣີເອການຸພາບຂອງສາສະໜາອັນໄດ້ແກ່: ພຣະບິດາ,
ພຣະບຸດ ແລະພຣະຈິດ ກ່ອນທີ່ມນເວລາຕໍ່ມາຄູ່ສົມຣົດຈະສວມພຽງນິ້ວນາງ
ຂ້າງຊາຍພຽງນິ້ວດຽວ. 
ໃນປະເທດຕະເວັ້ນຕົກສ່ວນໃຫຍ່ແຫວນແຕ່ງງານຈະສວມນິ້ວນາງຂ້າງຊາຍ...
ຍັງມີບາງປະເທດທີ່ສວມແຫວນນິ້ວນາງຂ້າງຂວາເຊັ່ນ:: ເຢີລະມັນ ແລະຊີລີ.
ຊາວຄຣິດນິກາຍອໍທໍຄອກຊ໌ ພວກຍຸໂລບຕະເວັ້ນອອກ ແລະຊາວຍິວມີທໍານຽມ
ການສວມແຫວນແຕ່ງງານຂ້າງຂວາເຊັ່ນກັນ, ຂະນະໃນເນເທີຣ໌ແລນ ແລະ
ກຸມຊາວຄຣິດນິກາຍຄາລິກຈະສວມແຫວນແຫ່ງຄວາມຮັກນິ້ວນາງຂ້າງຊາຍ.
ຖ້າບໍ່ຖືກ ຫຼືຜິດພາດໄປຂໍໂທດດ້ວຍເດີ,,,,ຍິນດີຮັບຄຳແນະນຳຂອງທຸກຄົນ.
ຂອບໃຈ
|
ຂຽນເມື່ອ: ມິ.ຖ.. 16, 2011
| ມີ
10 ຄຳເຫັນ
ແລະ
0 trackback(s)
ໜວດໝູ່:
ອື່ນ ໆ
ມີໃຜເຄີຍຄິດສົງໃສແນ່ວ່າເປັນຫຍັງ ເວລາໝັ້ນ ຫຼືແຕ່ງງານເຮົາຈິງຕ້ອງໃສ່ແຫຼວນ
(ສວາມແຫວນ) ນິ້ວນາງ ໃນມື້ນີ້ເຮົາມາລອງອ່ານເບິ່ງນຳກັນ ແລ້ວລອງປະຕິບັດ
ຕາມລອງເບິ່ງ ແລ້ວໄຕ່ຕອງເບິ່ງດີໆ ວ່າມັນແມ່ນແທ້ບໍ? ລອງແບມື 2 ຂ້າງປະກອບເຂົ້າກັນ (ນົບມື) ແລ້ວງໍນິ້ວກາງລົງຂ້າງໃນ
ເອົງຫຼັງນິ້ວກາງທັງ 2 ຂ້າງມາຊົນກັນທີ່ນີ້ນິ້ນເຫຼືອກໍ່ຄື ໂປ້,ຊິ້,ນາງ,ກ້ອຍ
ໃຫ້ເອົາປາຍນິ້ວຊົນກັນ ລອງປ່ອຍນິ້ວ ທີ່ເອົາປາຍຊົນກັນ ໃຫ້ອອກຈາກກັນທີ່ລະນິ້ວ
ໂດຍທີ່ນິ້ວກາງຍັງຄົງແຕະກັນຢູ່ຈະພົບວ່າ: ---ນິ້ວຊີ້ກໍ່ປ່ອຍອອກຈາກກັນ ---ນິ້ວໂປ້ກໍ່ປ່ອຍອອກຈາກກັນ ---ນິ້ວກ້ອຍກໍ່ປ່ອຍອອກຈາກກັນໄດ້ຢ່າງສະບາຍ ---ແຕ່ ນິ້ວນາງ ກັບປ່ອຍອອກຈາກກັນບໍ່ໄດ້ ນັ້ນເປັນເພາະ --ນິ້ວກາງແມ່ນແທນຕົວເອງ --ນິ້ວໂປ້ແມ່ນແທນພໍ່-ແມ່ ຊຶ່ງວັນໜຶ່ງທ່ານກໍ່ຕ້ອງຈາກເຮົາໄປ --ນິ້ວຊີ້ແມ່ນແທນພີ່ນ້ອງຊຶ່ງເຂົາກໍ່ຕ້ອງໄປມີຊີວິດຂອງເຂົາເອງ --ນິ້ວກ້ອຍແມ່ນແທນລູກຜູ່ໃຫຍ່ຂື້ນ ລູກກໍ່ຕ້ອງໄປມີຊີວິດຂອງເຂົາເອງ --ນິ້ວນາງແມ່ນແທນຄູ່ຊີວິດ ທີ່ນີ້ກໍ່ເຫຼືອພຽງຄູ່ຊີວິດເທົ່ານັ້ນທີ່ຈະຢູ່ກັບເຮົາໄປຈົນແກ່..... ຖ້າຜິດພາດ ຫຼືບໍຖຶກຕາມ ຕໍາລັບ ຕໍາລາ ກໍ່ຂໍອາໄພນໍາດ້ວຍ
ຖ້າມີຂໍເພີ່ມເຕີ້ມ ແນະນໍາແນ່ເດ!!!
|
ຂຽນເມື່ອ: ມິ.ຖ.. 14, 2011
| ມີ
4 ຄຳເຫັນ
ແລະ
0 trackback(s)
ໜວດໝູ່:
ອື່ນ ໆ
ນັ້ນ ແນ່! ຄິດຫັຍງຫັ້ນ..... 
ຕອນນີ້ ບໍ່ສົນແລ້ວ..... 
ໂອ! ສຸດຍອດ..... 
ແມ່ນຫຍັງຢູ່ໃນຫັນ ມາອ້າຍຊິເບິ່ງໃຫ້..... ຖ້າບໍ່ຖືກຕາ ຂໍອະໄພນຳເດີ !!!!! ຂອບໃຈ...
|
ຂຽນເມື່ອ: ມິ.ຖ.. 13, 2011
| ມີ
10 ຄຳເຫັນ
ແລະ
0 trackback(s)
ໜວດໝູ່:
ອື່ນ ໆ
ບໍ່ຕ້ອງຄິດຫຼາຍເດີມັນເປັນພຽງພາບ! ຂໍອາໄພອາດຈະບໍ່ດີບໍ່ງາມໄປແນ່ ຂອບໃຈ
|
ຂຽນເມື່ອ: ມິ.ຖ.. 11, 2011
| ມີ
9 ຄຳເຫັນ
ແລະ
0 trackback(s)
ໜວດໝູ່:
ອື່ນ ໆ
ກາລະຄັ້ງໜຶ່ງນານມາແລ້ວ ມີພະລາຊາອົງໜຶ່ງ ແລະໄດ້ມີບຸດຍິງ ເລື່ອງມີຢູ່ວ່າບຸດຂອງພະລາຊາໄດ້ຖືກສາບ ເຊິ່ງເລື່ອງທີ່ຖືກສາບ ກໍ່ຄືເມື່ອນາງຈັບບາຍສິ່ງຂອງຕ່າງໆ ກໍຈະລະລາຍເປັນອາຍນໍ້າ ພະລາຊາເປັນຫ່ວງບຸດຫຼາຍ ໄດ້ຫາທຸກວິທີທາງເພື່ອຈະຖອນຄໍາສາບ ແຕ່ກໍຖອນບໍ່ໄດ້ ຈົນມາມື້ໜຶ່ງໄດ້ມີນາງຟ້າແປງກາຍຂຶ້ນມາ ແລະໄດ້ເປັ່ງວາຈາວ່າ ຍັງມີຊາຍຄົນໜຶ່ງ ທີ່ມີຂອງວິເສດ ທີ່ບຸດຂອງທ່ານຈັບແລ້ວບໍລະລາຍ ແລະຈະຫາຍຈາກຄໍາສາບ ທັນໃດນັ້ນພະລາຊາກໍ່ໄດ້ປະກາດຫາບຸກຄົນນີ້ ແລະບໍ່ພໍເທົ່າໃດມື້ ກໍໄດ້ມີຊາຍ 3 ຄົນມາສະແດງຕົນວ່າເປັນຄົນທີ່ມີຂອງສິ່ງຂອງວິເສດ ຊາຍຜູ່ທີ່ 1 ແມ່ນມີເພັດເມັດໃຫຍ່ ເມື່ອລູກສາວຂອງພະລາຊາຈັບກໍຍັງລະລາຍຄືເກ່ົາ ຊາຍຜູ່ທີ່ 2 ແມ່ນມີຫຼາບຄຳ ເມື່ອລູກສາວຂອງພະລາຊາຈັບກໍຍັງລະລາຍຄືກັນ ຊາຍຜູ່ທີ່ 3 ແມ່ນຢ່າງມາຕົວເປົ່າ ແລ້ວບອກໃຫ້ເຈົ້າຫຍິງຈົ່ງເອົາມື້ຈົກລົງໄປຖົງໂສ້ງ ແລ້ວເຈົ້າຫຍິງກໍ່ປະຕຶບັດຕາມ ໜ້າເຈົ້າຫຍິງເລີ່ມແດງ ເພາະເກີດຄວາມເຂີນອາຍ ແລ້ວຈິງຮີບດຶງມືອອກມາ ແລ້ວຫັນມາບອກພໍ່ວ່າ..ພໍ່ມັນຍັງແຂງຢູ່ຄືເກ່ົາ ມັນບໍ່ລະລາຍ ພະລາຊາສົງໃສຈິງຖາມຊາຍຄົນນັ້ນວ່າແມ່ນຫຍັງຢູ່ໃນຖົງໂສ້ງນັ້ນ ຊາຍຄົນທີ່ 3 ບໍ່ຍອມຕອບໄດ້ແຕ່ຍິ້ມ ໃນທີ່ສຸດຊາຍຄົນນັ້ນຂັດພະລາຊາບໍ່ໄດ້ ເລີຍເອົາມືຈົກເຂົ້າໄປໃນຖົງໂສ້ງ ແລ້ວກໍ່ຈັບມັນອອກມາ. ມັນຄື........? ຂອບໃຈທີ່ອ່ານ
|
ຂຽນເມື່ອ: ມິ.ຖ.. 9, 2011
| ມີ
6 ຄຳເຫັນ
ແລະ
0 trackback(s)
ໜວດໝູ່:
ທັມມະ
ນານມາແລ້ວມີຕົ້ນໝາກແອັບເປີ້ນຕົ້ນໜຶ່ງ ລະກໍ່ມີເດັກນ້ອຍຊາຍຄົນໜຶ່ງ ມັກມາຫຼິ້ນ
ຢູ່ຕົ້ນໝາກແອັບເປິ້ນທຸກໆວັນ ເຂົາປິ້ນຂຶ້ນຕົ້ນໝາກແອັບເປິ້ນ ແລະກິນໝາກມັກ
ແລະກໍນອກຫຼັບໄປໃນຮົ່ມເງົາຂອງຕົ້ນແອັບເປິ້ນ ເດັກຊາຍຄົນນັ້ນຮັກຕົ້ນໄມ້ ແລະ
ຕົ້ນໄມ້ກໍຮັກເຂົາ ເວລາຜ່ານໄປຫຼາຍປີ ເດັກຊາຍຄົນນັ້ນກໍ່ໃຫຍ່ ແລະ
ເຂົາກໍບໍ່ມາຫຼິ້ນທີ່ຕົ້ນໝາກແອັບເປິ້ນອີກແລ້ວ …ມີວັນໜຶ່ງເຂົາໄດ້ກັບມາຫາຕົ້ນໝາກແອັບເປິ້ນເຂົາໜ້າຕາເສົ້າ ຕົ້ນແອັບເປິ້ນ: ເຈົ້າມາຫາຂ້ອຍມາຫຼີ້ນກັບຂ້ອຍບໍ? ເດັກຊາຍ: ຂ້ອຍບໍ່ແມ່ນເດັກນ້ອຍຂ້ອຍບໍ່ຢາກຫຼິ້ນກັບເຈົ້າແລ້ວ ຂ້ອຍຢາກໄດ້ຂອງຫຼິ້ນ
ຂ້ອຍຢາກໄດ້ເງິນໄປຊື້ຂອງຫຼິ້ນ ຕົ້ນແອັບເປິ້ນ: ຂ້ອຍບໍ່ມີເງິນໃຫ້ເຈົ້າດອກ ຖ້າເຈົ້າຢາກໄດ້ເງິນເຈົ້າຈະເກັບໝາກຂອງຂ້ອຍເດໄປຂາຍ ເດັກຊາຍ: ຕື່ເຕັ້ນຫຼາຍ ເຂົາກໍເກັບໝາກແອັບເປິ້ນໄປຈົນໝົດ ແລະຈາກໄປຢ່າງມີຄວາມສຸກ
ແລະບໍ່ກັບມາອີກຕົ້ນແອັບເປິ້ນເສົ້າຫາຍ!!! ….ວັນໜຶ່ງເດັກຊາຍຄົນນັ້ນກໍ່ກັບມາອີກ ຕົ້ນໄມ້ດີໃຈຫຼາຍ ຕົ້ນແອັບເປິ້ນ: ເຈົ້າມາຫາຂ້ອຍມາຫຼີ້ນກັບຂ້ອຍບໍ? ເດັກຊາຍ: ຂ້ອຍບໍ່ມີເວລາຫຼິ້ນຫຼອກ ຂ້ອຍມີຄອບຄົວແລ້ວ ຂ້ອຍຕ້ອງເຮັດວຽກ
ເພື່ອຄອບຄົວຂອງຂ້ອຍ ຂ້ອຍຢາກໄດ້ບ້ານຊ່ວຍຂ້ອຍໄດ້ບໍ? ຕົ້ນແອັບເປິ້ນ: ຂ້ອຍບໍ່ມີບ້ານໃຫ້ເຈົ້າ…ເຈົ້າກະຕັດກິ່ງຂອງຂ້ອຍໄປສ້າງບ້ານ…ຂອງເຈົ້າກໍໄດ້ ເດັກຊາຍ: ໄດ້ຕັດກິ່ງກ້ານຂອງຕົ້ນແອັບເປິ້ນໄປຈົນໝົດ ແລະຈາກໄປຢ່າງມີຄວາມສຸກ,
ອີກຄັ້ງທີ່ຕົ້ນໄມ້ຖືກຖິ້ມ ແລະດຽງດ່າຍ ເສົ້າໂສກ.. ……ວັນໜຶ່ໃນລະດູຮ້ອຍເດັກຊາຍຄົນນັ້ນກັບມາຕົ້ນແອັບເປິ້ນດີໃຈຫຼາຍ ຕົ້ນແອັບເປິ້ນ: ເຈົ້າມາຫາຂ້ອຍມາຫຼີ້ນກັບຂ້ອຍບໍ? ເດັກຊາຍ: ບໍ່ຂ້ອຍຜິດຫວັງກັບຊີວິດ ແລະເລີ່ມແກ່ຂຶ້ນ ຂ້ອຍຢາກແລ່ນເຮື່ອໄປໄກໆ
ເພື່ອພັກຜ່ອນ ໃຫ້ເຮືອຂ້ອຍໄດ້ບໍ? ຕົ້ນແອັບເປິ້ນ: ຊັນເຈົ້າໃຊ້ລໍາຕົ້ນຂອງຂ້ອຍ ເພື່ອເອົາໄປສ້າງເຮືອ
ເດັກຊາຍ: ໄດ້ຕັດຕົ້ນແອັບເປິ້ນເພື່ອໄປສ້າງເຮືອ ແລະເຂົາກໍລ່ອງເຮືອງໄປຢ່າງບໍ່ມີວັນກັບມາອີກເລີຍ …..ຫຼາຍປີຜ່ານໄປໃນທີ່ສຸດເຂົາກໍກັບມາ ເຂົາດູແກ່ກວ່າເກົ່າຫຼາຍ ຕົ້ນແອັບເປິ້ນ: ຂ້ອຍເສຍໃຈ ຂ້ອຍບໍ່ມີຫຍັງເຫຼືອໃຫ້ອີກແລ້ວ ບໍ່ມີໝາກໃຫ້ເຈົ້າກິນ
ບໍ່ມີລໍາຕົ້ນໃຫ້ເຈົ້າປິ້ນອີກແລ້ວ ສິ່ງດຽວທີ່ເຫຼືອມີພຽງຮາກທີ່ກໍາລັງຈະຕາຍ ເດັກຊາຍ: ຂ້ອຍບໍ່ມີແຂ້ວຈະກິນແລ້ວ ຂ້ອຍປິ້ນບໍ່ໄດ້ ແລະຂ້ອຍກໍ່ແກ່ແລ້ວ
ຕອນນີ້ຂ້ອຍບໍ່ຕ້ອງການຫຍັງ ພຽງແຕ່ຢາກໄດ້ທີ່ພັກພິງ ຂ້ອຍເໝື່ອຍມາຫຼາຍປີແລ້ວ ຕົ້ນແອັບເປິ້ນ: ມາຕິ ມານັ່ງຂ້າງໆຂ້ອຍ..ແລ້ວຫຼັບໃຫ້ສະບາຍ ເດັກຊາຍ: ກໍມານັ່ງຂ້າງໆ ຕົ້ນແອັບເປິ້ນ: ດີໃຈຫຼາຍທັງຍິ້ມ ແລະນ້ໍາຕາໄຫຼ………. ນີ້ເປັນເລື່ອງລໍາລັບທຸກໆຄົນ ຕົ້ນໄມ້ໃນເລ່ືອງກໍຄືພໍ່-ແມ່ ເມື່ອເຮົາຍັງເປັນເດັກຕົວນ້ອຍໆ
ເຮົາຮັກທີ່ຈະຫຼິ້ນກັບພໍ່-ແມ່ ເມື່ອເຮົາໃຫຍ່ຂຶ້ນມາເຮົາກັບທອດຖິ້ມພໍ່-ແມ່ ແລະເຮົາກໍ່ກັບມາຫາທ່ານ
ເມື່ອເຮົາຕ້ອງການບາງສິ່ງບາງຢ່າງ ຫຼືເມື່ອມີບັນຫາ ບໍ່ວ່າຢ່າງໃດ…ພໍ່ ແລະແມ່ຂອງເຮົາກໍ່ຈະຢູ່ຄຽງຂ້າງ
ແລະໃຫ້ທຸກສິ່ງທຸກຢ່າງທີ່ທ່ານເຮັດໄດ້ ຫວັງພຽງເຮົາມີຄວາມສຸກ. ບາງຄົນອາດຄິດວ່າເດັກນ້ອຍໃນເລື່ອງນີ້ໂຫດຮ້າຍ
ແຕ່ນັ້ນຄືຄວາມຈິງທີ່ສະທ້ອນໃຫ້ເຫັນວ່າພວກເຮົາກະທໍາກັບຜູ້ມີພະຄຸນຢ່າງໃດ. ແລ້ວຕົ້ນໄມ້ຂອງເຈົ້າລະ……………..ບົວລະບັດດີ ຫຼືຍັງ?
|
ຂຽນເມື່ອ: ມ.ສ.. 10, 2011
| ມີ
11 ຄຳເຫັນ
ແລະ
0 trackback(s)
ໜວດໝູ່:
ຄວາມຮັກ
.............................................................................................................................................. 
ຮັກຄົນທີ່ເຂົາບໍ່ຮັກ ຮັກຄົນທີ່ເຂົາບໍ່ແຄ ຂ້ອຍເຄີຍຮັກຄົນ ຄົນໜຶ່ງ ເຂົາບໍ່ເຄີຍຫຼຽວແລຂ້ອຍເລີຍ. ທຸກຄົນຄິດວ່າເຂົາຄົນນີ້ມີນິດໃສແນວໃດ.?
ທັງທາງບວກ ແລະທາງລົບ. ຊ່ວຍບອກຂ້ອຍແນ່ (ຄຳຖາມນີ້ຄວນ ຫຼືບໍ່ຄວນກໍຂໍໂທດ) ຂອບໃຈ 
|
ຂຽນເມື່ອ: ມ.ສ.. 8, 2011
| ມີ
6 ຄຳເຫັນ
ແລະ
0 trackback(s)
ໜວດໝູ່:
ອື່ນ ໆ
ຊີວິດ.....ຜ່ານວັນເດີືອນປີ ວັນນີ້ເຮົາອາດມ່ວນຊື່ນມີຄວາມສຸກ
ສຽງດັງຂອງຄວາມມ່ວນຊື່ນນີ້ໄດ້ດັ່ງກ້ອງໄປທົ່ວໂລກ
ສະແດງໃຫ້ເຫັນເຖິງຄວາມສຸກອັນຫຼວງຫຼາຍ ພໍເຖິງເຊົ້າວັນໃໝ່ຄວາມມ່ວມຊື່ນອາດງຽບຫາຍໄປ
ສຽງຮ້ອງໃຫ້ອາດເຂົ້າມາແທນ ຄວາມຊອກຊ້ໍາຫົວໃຈເຫຼືອທົນ
ຢາດນ້ໍາຕາອາດລົ່ນ ຄວາມເສຍໃຈຮ້ອງໃຫ້ປວດລ້າວລະທົມ
ນັ່ງຊົບໜ້າກອດເຂົ່າຂອງຕົວເອງ ແລຫາຜູ້ໃດບໍ່ມີຂ້າງກາຍ ຊີວິດໝູນວຽນປຽນໄປເປັນເຊັນນີ້ ພົບພານທັງຄວາມສຸກ
ແລະຄວາມເສົ້າ, ມີຄວາມມ່ວນຊື່ນ ແລະພົບຢາດນໍ້າຕາ ຄວາມສຸກຈະບໍ່ຄົງທີ່ ຄວາມທຸກຈະບໍ່ຖາວອນ ຊີວິດ.........ໃຜລິຂິດ. ຄວນ ຫຼືບໍ່ຄວນ ຖືກ ຫຼືຜິດ ກໍ່ຂໍໂທດເດີ ແລ້ວທ່ານຄິດວ່າເປັນແນວໃດ
|
ຂຽນເມື່ອ: ມ.ສ.. 7, 2011
| ມີ
6 ຄຳເຫັນ
ແລະ
0 trackback(s)
ໜວດໝູ່:
ຄວາມຮັກ
ໃນກາລະຄັ້ງໜຶ່ງນານມາແລ້ວ....ມີຄູກັບລູກສິດນັ່ງຢູ່ກ້ອງຮົ່ມໄມ້ໃຫຍ່ຊຶ່ງຢູ່ໃກ້ສະຫນາມ
ຫຍ້າອັນກວ້າງໃຫຍ່ທັນໃດນັ້ນລູກສິດຄົນໜຶ່ງກໍ່ຖາມຂື້ນມາວ່າ: ລູກສິດ: ນາຍຄູຂອງຖາມແນ່ໄດ້ບໍ່? ເປັນຫຍັງຄົນເຮົາບາງຄົນຈິງບໍ່ພົບຄົນຮັກ. ນາຍຄູ: ນາຍຄູງຽບໄປພັກໜຶ່ງກ່ອນທີ່ຈະຕອບ....ອື່...ມັນເປັນຄຳຖາມທີ່ຍາກ
ໃນຂະນະດຽວກັນມັນກໍ່ເປັນຄໍາຖາມທີ່ງ່າຍເໝືອນກັນ..... ລູກສິດ: (ນັ່ງຄິດຢ່າງໜັກ) ງົງໆບໍ່ເຂົ້າໃຈ. ນາຍຄູ: ໂອເຄ ຊັ້ນນະເຈົ້າລອງແນມໄປທາງນັ້ນເບິງ ຢູ່ທາງນັ້ນມີຫຍ້າຢ່າງຫຼວງຫຼາຍແມ່ນບໍ່? ໃຫ້ເຈົ້າຢ່າງໄປຫ້າຕົ້ນຫຍ້າທີ່ງາມທີ່ສຸດແລ້ວເດັດມັນມາໃຫ້ຄູເບິ່ງ ໃຫ້ເອົາຕົ້ນດຽວເທົ່ານັ້ນ. ມີຂໍ້ຫ້າມຢູ່ວ່າໃຫ້ເຈົ້າຢ່າງໄປຂ້າງໜ້າເລື່ອຍໆຫ້າມຖ່ອຍຫຼັງຈົນກວ່າຈະຳໍໄດ້ຕົ້ນຫຍ້າທີ່ຕ້ອງການເຂົ້າໃຈບໍ່? ລູກສິດ: ໄດ້ເລີຍນາຍຄູ ລູກສິດຄົນນັ້ນກໍ່ຢ່າງໄປ ບໍ່ພໍເທົ່າໃດເຂົາກໍ່ກັບມາ. ນາຍຄູ: ອື່...ຕົ້ນຫຍ້າເດນາຍຄູຖາມ...ເຈົ້າຄືບໍ່ເດັດຫຍ້າມາ..... ລູກສິດ: ອໍ...ຄືວ່າ..ຕອນທີ່ຫຼານຢ່າງໄປນັ້ນແລ້ວໄດ້ພໍຕົ້ນຫຍ້າງາມໆ..ກໍ່ເລີຍຄິດວ່າດຽວກໍ່
ພໍຕົ້ນທີ່ງາມກວ່ານີ້....ກໍ່ເລີຍເດັດແລ້ວກໍ່ຖິ້ມ ແລະຢ່າງໄປເລື່ອຍໆເພື່ອຈະເດັດຕົ້ນໃໝ່....
ຢ່າງໄປເລື້ອຍໆພໍຮູ້ຕົວອີກເທື່ອໜຶ່ງມັນກໍ່ສຸດສະຫນາມຫຍ້າແລ້ວ ຈະກັບມາເອົາຕົວເກົ່າກໍບໍ່ໄດ້ເພາະວ່າຄູບໍ່ໃຫ້ກັບຫັ້ນເດ. ນາຍຄູ: ນັ້ນແຫຼະຄືສິ່ງທີ່ເກີດຂຶ້ນໃນຊີວິດຈິງ....ເລື່ອງນີ້ສື່ໃຫ້ເຫັນວ່າຕົ້ນຫຍ້າກໍ່ຄືຄົນທີ່ຢູ່ຮອບໆຕົວເຮົາ ຕົ້ນຫຍ້າທີ່ສວຍງາມ ກໍ່ຄືຄົນທີ່ເຮົາມັກ...ສ່ວນທົ່ງຫຍ້າກໍຄືເວລາ...ເວລາທີ່ຈະຫາຄູ່ແທ້ຂອງເຮົາ...ຢ່າມົວແຕ່ປຽບທຽບ ແລະຄິດວ່າຈະມີດີກວ່ານີ້ ເພາະຖ້າເຮົາມົວແຕ່ປຽບທຽບ..ເຮົາຈະເສຍເວລາໄປໂດຍປ່າວປະໂຫຍດ..ຢ່າລືມວ່າ “ເວລາບໍ່ເຄືຍຍ້ອນກັບໄດ້” (ຈົ່ງຮັກ ແລະໄຂວ່ຄວ້າໂອກາດທີ່ເຮົາມີໃນຂະນະນີ້ຢ່າມົວແຕ່ເສຍເວລາ,
ບາງຄັ້ງຄົນເຮົາມີໂອກາດເລືອກພຽງຄັ້ງດຽວເທົ່ານັ້ນ) ແມ່ນຫຼືບໍ່ແມ່ນ ຖືກຫຼືບໍ່ຖຶກ ຂໍໂທດເດີ.
|
ຂຽນເມື່ອ: ມ.ສ.. 4, 2011
| ມີ
6 ຄຳເຫັນ
ແລະ
0 trackback(s)
ໜວດໝູ່:
ຄວາມຮັກ
ເພື່ອນ ເຕີມເຕັມບາງສິ່ງໃນຊີວິດທີ່ຂາດຫາຍ ເພື່ອນ ເຮັດໃຫ້ເຮົາຮູ້ຈັກການໃຫ້ ການຮັບ ແລະການໃຫ້ອະໄພ ເພື່ອນ ຍ້ອມຮັບໄດ້ໃນຄວາມເປັນຕົວເຮົາເອງ ເພື່ອນ ບໍ່ອິດສາ ຣິດສະຍາ ແລະວ່າຮ້າຍເຮົາລັບຫຼັງ 
ເພື່ອນ ເກັບຄວາມລັບຂອງເຮົາ ແລະບໍ່ເອົາໄປເລ່ົາຕໍ່ ເພື່ອນ ຄ່ອຍຮັບຟັງຄວາມເປັນໄປ ແລະເລື່ອງລາວຂອງເຮົາ ເພື່ອນ ຄ່ອຍເປັນກໍາລັງໃຈ ຄ່ອຍໃຫ້ຄໍາແນະນໍາທີ່ດີ ເພື່ອນ ຄ່ອຍຊື່ນຊົມຍິນດີກັບຄວາມສໍາເລັດຂອງເຮົາ 
ເພື່ອນ ບໍ່ເຄີຍຕັ້ງໃຈເຮັດໃຫ້ເຮົາເສຍໃຈ ເພື່ອນ ຈະຮ່ວມແບ່ງປັນຄວາມທຸກ ສຸກດ້ວຍກັນ ເພື່ອນ ຈະຄ່ອຍຕັກເຕືອນ ແລະເປັນກະຈົກເງົາໃຫ້ເຮົາສະເໝີ ເພື່ອນ ເຮັດໃຫ້ເຮົາຮູ້ສຶກດີໄດ້ສະເໝີ
ເພື່ອນ ຄືຄົນທີ່ຢູ່ຄຽງຂ້າງທຸກຄັ້ງທີ່ເຮົາມີປັນຫາ ເພື່ອນ ເຖິງເວລາດົນພຽງໃດທີ່ບໍ່ໄດ້ພົບ ແຕ່ເມື່ອພົບກັນແລ້ວຄວາມຮູ້ສຶກຍັງເໝືອນເດີມ 
ຊີວິດຄົນເຮົາແທ້ຈິງແລ້ວ ກໍ່ຕ້ອງການພຽງແຕ່ເພື່ອນແທ້ໆ ຈັກຄົນໜຶ່ງ
ໄວ້ຄ່ອຍໂອ້ລົມ ປຶກສາ ໄວ້ຄ່ອຍຫວງໄຍ ເອື້ອອາທອນ ຮ່ວມທຸກ ຮ່ວມສຸກ.....
ຫາກທ່ານໃດທີ່ມີເພື່ອນແທ້ແລ້ວ ທ່ານຈົງຮັກສາຄວາມເປັນເພື່ອນນັ້ນໄວ້ ໃຫ້ດີທີ່ສຸດ
ແລະຈົ່ງຮູ້ໄວ້ເຖີດວ່າທ່ານເປັນຜູ້ໜຶ່ງແລ້ວທີ່ໂຊກດີ....ທີ່ມີເພື່ອນແທ້.
ນີ້ເປັນພຽງຊ້ຽວໜຶ່ງເທົ່ານັ້ນຂອງຄໍາວ່າເພື່ອນ ແລະຍັງມີອີກຫຼາຍໆນາໆປະການ
ຄວນ ຫຼືບໍ່ຄວນ ແລ້ວແຕ່ຈະພິຈາລະນາ. ແດ່ເພື່ອນທີ່ຮັກທຸກຄົນ.
|
ຂຽນເມື່ອ: ມ.ສ.. 3, 2011
| ມີ
5 ຄຳເຫັນ
ແລະ
0 trackback(s)
ຊີວິດກໍ່ເໝືອນອາຫານ ບາງຊ້ວງຈືດ ບາງຊ້ວງຫວານ ບາງຄັ້ງກໍ່ເຄັມ, ເຜັດ
ທຸກລົດມີຄວາມໝາຍຂອງມັນ ເຮົາບໍ່ສາມາດທີ່ໃຊ້ຊີວິດທຸກຣົດໃນເວລາດຽວກັນໄດ້
ບາງຄັ້ງສຸກດ້ວຍຣົດຫວານຂອງຄວາມຮັກ ບາງທີ່ຂົມດ້ວຍຄວາມຜິດຫວັງ
ເຄັມດ້ວຍຢາດເຫື່ອຂອງຄວາມອົດທົນ ເຜັດດ້ວຍການທົດລອງເຮັດໃນສິ່ງທີ່ບໍ່ກ້າເຮັດມາກ່ອນ. ຊີວິດເປັນການປັບຕົວໄປຕາມສະຖານະການ ຄວາມສຸກທີ່ເຮົາບໍ່ຮູ້ວ່າມີຫຍັງລໍເຮົາຢູ່ ການປຸງຣົດຊີວິດກ່ອນກໍເໝືອນບໍ່ທັນກິນອາຫານ ກໍ່ປຸງຣົດເປັນການໃຫຍ່ ຈະເຮັດຫຍັງກໍ່ວາງແຜນຢ່າງນັ້ນຢ່າງນີ້ລ່ວງໜ້ານານເປັນປີໆ ຈະຕ້ອງເປັນເສດຖີກ່ອນໄວ
ຈະມີແຟນເປັນຄົນແບບນັ້ນແບບນີ້. ແຕ່ຄວາມຈິງແລ້ວຊີວິດບໍ່ເຄີຍສັ່ງການ ເມນູຊີວິດເປັນໜ້າກະດາດວ່າງເປົ່າທີ່ໃຫ້ເຮົາຂຽນເອງ
ບາງທີ່ຊີວິດອາດຈະໜ້າສະໜຸກສະໜານ ຫາກເຮົາລອງຊິມຣົດຂອງມັນໃຫ້ຄົບຣົດ
ເຂົ້າໃຈສະພາວະ ແລະຄຸນຄ່າຂອງແຕ່ລະຊ້ວງຊີວິດ. ຈະຖຶກ ຫຼືຜິດນັ້ນ ແລ້ວແຕ່ຈະພິຈາລະນາ
|
ຂຽນເມື່ອ: ມ.ສ.. 2, 2011
| ມີ
5 ຄຳເຫັນ
ແລະ
0 trackback(s)
ໜວດໝູ່:
ຄວາມຮັກ
--------------000--------------- ຮັກຂອງພໍ່-ແມ່....ຍິງໃຫຍ່....ຮັກ ແລະໃຫ້ໂດຍຄວາມບໍລິສຸດ. ຮັກທີ່ຍິ່ງໃຫຍ່ຂອງມວນມະນຸດຄືການປາຖະໜາໃຫ້ຄົນອື່ນເປັນສຸກ ຮັກທີ່ສວຍງາມໃນໄວໜຸ່ມສາວ....ສົມຫວັງກໍ່ສຸກ....ງາມ....ມີພະລັງ. ຖ້າຜິດຫວັງກໍ່ເປັນທຸກ....ເຈັບຊ້ຳໃຈ. ໃຜຈະສູງ ຈະຕ່ໍາ ຂ້ອຍບໍ່ຮູ້ ໃຜຈະຢູ່ ຈະໄປ ຂ້ອຍບໍ່ສົນ ໃຜຈະລວຍ ລົ້ນຟ້າ ຫຼືຍາກຈົນ ໃຜທຸກຄົນ ກໍ່ຕ້ອງທົນ ບົນຊະຕາ ທ່ານຄິດວ່າເປັນແນວໃດນິຍາມຂ້າງເທິງນັ້ນເປັນຄໍາເວົ້າທີ່ຖືກ ຫຼືຜິດ ກໍ່ຂໍໂທດດ້ວຍເດີ..!!!!
|
|
|
