ກະຈົກເງົາ          ສະທ້ອນ              ຄວາມເປັນຈິງ

ເລື່ອງທຸກສິ່ງ      ຊັດເຈນ                ເດັ່ງຕົງໜ້າ

ບໍ່ມີໃຜ               ຫລອກໄດ້            ໃຕ້ແວດຕາ

ເລວຊົ່ວຊ້າ          ຕ່ຳຊາມ                 ຕາມໃຈຕົນ

ຫລອກໃຜ         ຫລອກໄດ້             ຫລອກໄປເຖີດ

ຢ່າຕະເຫລີດ     ຫລອກຕົວ             ມົວໝອງໝົ່ນ

ຫລອກໃຜ         ຫລອກໄດ້             ເວັ້ນໃຈຕົນ

ເກີດເປັນຄົນ       ຊົ່ວດີ                    ຢູ່ທີ່ໃຈ

ການກະທຳ         ປຽບດັ່ງ                ເງົາກະຈົກ

ສາຍສະທ້ອນ      ຄວາມໂງ່              ຂອງເຮົາໄດ້

ຄົນຄິດດີ              ທຳດີ                    ທີຈິດໃຈ

ສະແດງອອກ       ບອກໄດ້              ໃນທ່າທີ

ຄົນຄິດຊົ່ວ             ທຳຊົ່ວ                 ດ້ວຍຕົວເຂົາ

ກະຈົກເງົາ            ສະທ້ອນ               ຕອນວິຖີ

ຄົນທຳດີ              ຕ້ອງຣັບ                ກັບຜົນດີ

ຄົນຊົ່ວ                 ບໍ່ອາດໜີ້               ລີ້ພົ້ນກຳ....ທ່ານເອີຍ.?