ມື້ນີ້ເປັນວັນຄ້າຍວັນເກີດຂອງຂອ້ຍແຕ່ຂ້ອຍກະບໍ່ເຄີຍລືມມື້ນັ້ນມື້ທີ່ຂ້ອຍເຈັບປວດທີ່ສຸດ

ເຫດມັນເກີດເມື່ອວັນທີ6/2/2011ເຊິ່ງເປັນວັນຄ້າຍວັນເກີດຂອງຂ້ອຍໃນຕອນປີກາຍນີ້

ເລື່ອງມັນກະມີຢູ່ວ່າ: ຂ້ອຍເຊິ່ງເປັນຄົນຂີ້ລ້າຍໆໆຄົນໜຶ່ງແຕ່ດັນໄປມີແຟນຜູ້ງາມໆຊັ້ນເດະ

ແຟນຂ້ອຍລາວເປັນຄົນຊຽງຂວາງ(ຂໍສະຫງວນຊື່ໄວ້ເດີ)ກະຄືວ່າຫັ້ນລະສາວຊຽງຂວາງກໍ່ທັງງາມທັງເກັ່ງສົມກັບເພງອີ່ຫຼີ

ແຕ່ຂ້ອຍກະບໍ່ເຄີຍຄິດມາກ່ອນວ່າລາວຈະເຮັດໃຫ້ຄົນທີ່ລາວບອກວ່າຮັກສຸດຫົວໃຈໄດ້ເຖິງປານນີ້

ຊວ່ງວັນທີ1-5/2/2011ຂ້ອຍຖືກໄປຝຶກອົບຮົມຢູ່ນະຄອນຫຼວງສວ່ນລາວແມ່ນລົງໄປຫຼິ້ນທ່າແຂກ

ມື້ວັນທີ6/2ຂ້ອຍວ່າຈະລົງມາເຊກອງແຕ່ກະຕ້ອງຢຸດເພາະວ່າລາວໂທຫາຂ້ອຍໃຫ້ໄປແວ່ຫາລາວເພາະວັນສຳຄັນຕ່າງໆຂອງຂ້ອຍລາວຈື່ໄດ້ສະເໝີ

ພໍແຕ່ວ່າເຫັນໜ້າລາວຂ້ອຍກະສຸດທີ່ດີໃຈ ຄິດວ່າສິໄດ້ສະຫຼອງວັນເກີດກັບແຟນສອງຄົນແບບຫງຽບໆ ແຕ່ມັນກັບບໍ່ເປັນດັ່ງທີ່ຄິດ

ລາວບອກກັບຂ້ອຍວ່າ: "ເພິ່ນລືມເຂົາສາເນາະເຂົາມັນກະບໍ່ແມ່ນຜູ້ຍິງທີ່ດີຫຍັງດອກແລ້ວເລື່ອງຂອງເຮົາມັນກະຄົງຈະເປັນໄປບໍ່ໄດ້ດອກ"

ໄດ້ຍິນແບບນີ້ແລ້ວຂ້ອຍເກືອບຈະລົມຈັບກັບມ໋ອງເລີຍ ຖາມໂຕເອງແບບເປັນບ້າວ່ານີ້ເບາະແຟນຂ້ອຍທີ່ຄົບກັນມາຕັ້ງວ່າ5ປີເຕັມໆເສຍເວລາຂ້ອຍບໍ່ວ່າແຕ່ເສຍຄວາມຮູ້ສຶກນີ້ຕີຈັກວ່າສິໄປຊອກຫາມັນຢູ່ໃສ

ລາວຍັງບອກກັບຂ້ອຍອີກວ່າ: "ຫຼັງຈາກອອກພັນສາແລ້ວລາວສິເອົາຜົວຊັ້ນເດະ" ອັນນີ້ແຫຼະທີ່ຂ້ອຍຊັງລາວທີ່ສຸດເລີຍ

ຮັກສານ້ຳໃຈກັນແດ່ຈັກໜ່ອຍກະບໍ່ໄດ້ເນາະມື້ອື່ນກະມີຖົມເຖ່ໄປເປັນຫຍັງບໍ່ບອກແລ້ວສິມາບອກມື້ນີ້ເຮັດສັງຊ່າງເປັນຜູ້ຍິງທີ່ໃຈດຳຫຼາຍ

ແຕ່ຂ້ອຍກະບໍ່ຄຽດໃຫ້ລາວດອກ ຂ້ອຍກະເຄີຍຄິດຢູ່ວ່າເລື່ອງຂອງພວກຂ້ອຍມັນເປັນໄປບໍ່ໄດ້ ໃຜກະຕ້ອງເລືອກທາງທີ່ດີທີ່ສຸດໃຫ້ກັບຊີວິດຂອງຕົນເອງຢູ່ແລ້ວ

ແຕ່ລາວກະເຮັດໂພດຫຼາຍ ວັນຄ້າຍວັນເກີດຂອງຂ້ອຍທຸກປີລາວມັກຈະໃຫ້ຂອງຂວັນຂ້ອຍສະເໝີ ແຕ່ມາປີນີ້ເປັນຂອງຂວັນທີ່ໃຫຍ່ແລະກໍເຈັບປວດຫຼາຍ

ແມ່ນໃຜແນ່ເກາະທີ່ຢູ່ໃນໂລກນີ້ແລ້ວເປັນຄືຂ້ອຍແນ່ນະ. ຄຳຂໍໂທດຈັກຄຳກະບໍ່ມີຈາກຜູ້ຍິງໃຈດຳຄົນນັ້ນຂ້ອຍຈຳເປັນຕ້ອງຈາກລາວໄປແຕ່ຂ້ອຍກະບໍ່ເຄີຍອ່ອນແອໃຫ້ລາວເຫັນ

ລາວບອກວ່າ"ຂ້ອຍເຂັ້ມແຂງແລະຂ້ອຍກໍ່ສະຫຼາດຂ້ອຍຄົງຈະຢູ່ໄດ້ຖ້າຫາກວ່າບໍ່ມີລາວ"(ວ່າຊັ້ນເດະ)

ຂ້ອຍຍອມຮັບວ່າຂ້ອຍໄຫ້ໄລຍະທາງແຕ່ທ່າແຂກຫາເຊກອງກະສິປະມານ500ປາຍກວ່າກິໂລນີ້ແຫຼະຂ້ອຍໄຫ້ມາຕະຫຼອດທາງ ບໍ່ຮູ້ວ່ານ້ຳຕາມັນອອກມາໄດ້ແນວໃດ໋ແຕ່ຮູ້ສຶກວ່າບາດໄດ້ໄຫ້ແລ້ວສະບາຍໃຈກະເລີຍວ່າປ່ອຍໂຕເອງເລີຍສາ. ຄຳເວົ້າຂອງລາວມັນໄດ້ກ້ອງຫູຂ້ອຍຕະລອດວ່າ:"ລືມເຂົາສາ".

ຈາກນັ້ນມາຂ້ອຍກະພະຍາຍາມຢູ່ຫ່າງອອກຈາກເຂົາແຕ່ກະຄືວ່າຫັ້ນລະ ຄົນເຄີຍຮັກກັນເນາະ ມັນສິລືມກັນໄດ້ຊະເບາະ.

ສ່ວນວ່າມື້ນີ້ລາວກະຍັງບໍ່ລືມວັນເກີດຂ້ອຍ ລາວໂທມາຫາຂ້ອຍແຕ່3ໂມງເຊົ້າພຸ້ນລະອວຍພອນວັນເກີດວ່າ"ໃຫ້ຂ້ອຍມີແຕ່ຄວາມສຸກສົມຫວັງທຸກປະການແລະກໍ່ໄດ້ຜົວໄວໆໆເດີ"(ມັນຊ້ຳຊ່ຳໃດ໋)

ບໍ່ເຂົ້າໃຈວ່າລາວສິມາຕອກຢ້ຳອີ່ຫຍັງກັບຂ້ອຍອີກ ຂະໜາດວັນເກີດລາວຂ້ອຍກະຍັງບໍ່ເຄີຍໂທໄປວົນທັງທີ່ວ່າຂ້ອຍກະຈື່ໄດ້ຄືກັນ

ໂອຍເວົ້າມາແລ້ວກະເບື່ອເລີຍລະ

ຫຼາບແລ້ວຢ້ານແລ້ວບໍ່ຮັກໃຜອີກແລ້ວຖ້າຮັກແລ້ວຕ້ອງຊ້ຳໃຈເສຍທັງນ້ຳຕາ.....

ຈົບແລ້ວ

ຂອບໃຈທີ່ວ່າອ່ານຈົນຈົບ

ເມັ້ນແດ່ເດີໃຜອ່ານເປີດອ່ານແລ້ວບໍ່ເມັ້ນຂໍໃຫ້ບໍມີແຟນ