ຄົບກັນມາຕັ້ງນານຫລາຍວັນເດືອນ ແຕ່ສຸດທ້າຍຕ້ອງຄາດເຄື່ອນເລິກລາຈາກກັນໄປ...

ຄົນເຮົາກະແບບນີ້ແຫລະ ມາກະບໍ່ຮູ້ໂຕ ຈະໄປກະບໍ່ຮູ້ໂຕ

ຄັ້ງໜ້າຖ້າຫາກວ່າເຮົາໄດ້ພົບກັນອີກ ຈະຢູ່ໃນສະພາບແບບໃດ

ອາດຈະເປັນຄົນແປກໜ້າກໍ່ໄດ້ ເພາະແຕ່ລະຄົນຕ່າງກໍ່ມີຄວາມຕາຍເປັນຂອງໂຕເອງ

ຊີວິດຂອງຄົນເຮົາບໍ່ເຖິງຮ້ອຍ ນົກນ້ອຍຍັງຮູ້ສ້າງກຸສົນ

ພົບກັນແລ້ວຈາກໄປ ໃຈໝອງໝົ່ນ

ອາດູນເຫລືອລົ້ນ ຍາມພາກຈາກກັນ....ໄປ

ຮັກແທ້ນີ້ ມີແຕ່ໃຫ້ ບໍ່ຫມາຍຫວັງ

ຮັກບໍ່ຈາງ ເຖິງນາງຫນີ ມີຮັກໃຫມ່

ຂໍນາງໃຫ້ ພົບຄົນດີ ທີ່ຈິງໃຈ

ສຸກສົມຫວັງ ຕະຫລອດໄປ ໃນຊີວາ

ຮັກແທ້ນີ້ ເສຍສະຫລະ ຈະບໍ່ຫວງ

ຈະບໍ່ທວງ ຖາມເປັນຫຍັງ ເຈົ້າຈຶ່ງຫນີ

ເຈົ້າປ່ຽນໃຈ ຮັກໃຜນັ້ນ ຂ້ອຍຍິນດີ

ຂໍໃຫ້ມີ ຄວາມສຸກສັນ ຮັກຫມັ້ນຄົງ

ຮັກແທ້ນີ້ ອາໄພໄດ້ ບໍ່ຫມາຍແຄ້ນ

ບໍ່ເຄືອງແຄນ ໂກດຄຽດໃຫ້ ໃນວັນນີ້

ບໍ່ຍຶດຫມັ້ນ ບໍ່ຖືຫມັ້ນ ໃນຊີວີ

ໃຫ້ນາງມີ ສຸກກວ່າເກົ່າ ທີ່ເຮົາ(ເຄີຍ)ມີ

ຮັກແທ້ນີ້ ບໍ່ເສຍໃຈ ວ່າຜ້າຍແພ້

ຮັກແນ່ວແນ່ ບໍ່ເສົ້າຫມອງ ບໍ່ຮ້ອງໄຫ້

ຄວາມຮັກເຈົ້າ ມອບໃຫ້ນັ້ນ ຂ້ອຍຊຶ້ງໃຈ

(ຂໍ)ອວຍພອນໃຫ້ ເຈົ້າສຸກສັນ ນິຣັນກາລ

ຫາກເຈົ້າມີທາງເດີນໃໝ່ທີດີກວ່າ ເຈົ້າຈົ່ງເດີນໄປຕາມທາງຂອງເຈົ້າ

ສ່ວນຂ້ອຍຈະຄອຍສົ່ງຍິ້ມຢູ່ເບື້ອງຫລັງຂອງເຈົ້າ ຈົນກ່ວາເຈົ້າຈະເດີນໄປຈົນລັບຕາ

ເຖິງແມ່ນວ່າຈະຍັງຄຶດເຖິງກັນ ແຕ່ກັບຕ້ອງເດີນຖອຍຫ່າງຈາກກັນໄປ

ເຈົ້າບອກໃຫ້ຂ້ອຍລືມວັນເວລາເກົ່າໆຂອງເຮົາທີ່ຜ່ານມາ ຄວາມຊົງຈຳທີ່ແສນລ້ຳຄ່າ

ຂ້ອຍທຳໄດ້ພຽງເກັບມັນໄວ້ພາຍໃນໃຈ ເຊື່ອງໄວ້ໃຫ້ເລິກທີ່ສຸດ ບໍ່ໃຫ້ໃຜມອງເຫັນໄດ້ ແລະຫວັງວ່າໃນວັນໃດວັນໜຶ່ງແມ່ນແຕ່ຕົວຂ້ອຍເອງກະຫາມັນບໍ່ພົບ

ເສັ້ນທາງເດີນຂອງເຮົາຄົງເດີນມາຈົນສຸດທາງແລ້ວ

ແລະບາງທີຄວາມຄຶດເຖິງນີ້ອາດເປັນເລື່ອງໜຶ່ງໃນຊີວິດຂອງຂ້ອຍທີ່ແສນຈະເຈັບປວດແລະແສນຈະຫອມຫວານ