ໄດອາຣີ່ຂອງ ບຸນຮຽງ ດາລາສຸກ

ຂຽນເມື່ອ: ມ.ກ.. 29, 2011 | ມີ 11 ຄຳເຫັນ ແລະ 0 trackback(s)

ມີຮ້ານຄ້າແຫ່ງຫນຶ່ງ ປະກາດຂາຍລູກຫມາ 7 ໂຕ ເມື່ອຮູ້ຂ່າວກໍ່ມີເດັກນ້ອຍແວະວຽນມາຫລິ້ນ ປະຈຳ ແຕ່ກໍ່ຍັງບໍ່ມີ ໃຜຕົກລົງໃຈຊື້ຈັກເທື່ອ ເພາະເປັນຫມາພັນດີ ຈິ່ງມີລາຄາແພງ.

ວັນຫນຶ່ງຂະນະທີ່ເຈົ້າຂອງຮ້ານກຳລັງວົນຂາຍຂອງແນວແ່ນຢູ່ນັ້ນ ກໍ່ມີເດັກນ້ອຍຫນ້າຮັກຄົນຫນຶ່ງ ຍ່າງມາດຶງເສື້ອເຈົ້າຂອງຮ້ານ ແລະເຂົາກໍ່ຖາມວ່າມີຫຍັງໃຫ້ຊ່ວຍບໍ່ ເດັກນ້ອຍຈິ່ງກ່າວວ່າ: ‘’ເພື່ອນຂອງຫລານບອກວ່າ ຢູ້ຮ້ານນີ້ມີລູກຫມາຂາຍ ຫລານຢາກລ້ຽງລູກຫມາຈັກໂຕ ແລະພໍ່ແມ່ກໍ່ອະນຸຍາດແລ້ວ ໃຫ້ຫລານເບິ່ງລູກຫມາແນ່ໄດ້ບໍ່’’ ເອີ ! ໄດ້ໆ ມັນກຳລັງນອນຫລິ້ນຢູ່ຫລັງຮ້ານນີ້ ແລ້ວເຈົ້າຂອງຮ້ານກໍ່ຜິວປາກຮ້ອງລູກຫມາອອກມາ. ເດັກນ້ອຍຄົນນັ້ນຍິ້ມດີໃຈທີ່ເຫັນລູກຫມາໂຕຕຸ້ຍນຸ້ຍແລ່ນອອກມາ ເຂົາເລີ່ມນັບ 1. 2. 3. 4. 5. 6. ແລ້ວຖາມວ່າ ອ້າວ! ມັນຄືມີແຕ່ 6 ໂຕເທົ່ານັ້ນ, ເຈົ້າຂອງຮ້ານຕອບວ່າ: ໂອ ໂຕຫນຶ່ງມັນຂາຫລັງບໍ່ຄ່ອຍດີ ມັນກໍ່ເລີຍຄານອອກມາຕາມຫລັງ ລູກຫມານ້ອຍແນມມາທາງເດັກນ້ອຍຄົນນັ້ນ ແລະຄາງ ຫມືກ… ຫມືກ…. ຫາງມັນກະດິກ ດຸ໊ກດິກໆ ດຸ໋ກດິກໆ ມັນຄານໄປເລຍເກີບຂອງເດັກນ້ອຍຄົນນັ້ນ ທ່າທາງຄົງຈະມັກເດັກນ້ອຍຄົນນັ້ນຫລາຍ ເດັກນ້ອຍຍິ້ມ ແລະອູ້ມມັນຂຶ້ນມາ ກ່ອນຈະຖາມເຈົ້າຂອງຮ້ານວ່າ: ຫມາໂຕນີ້ລາຄາເທົ່າໃດ? ປົກກະຕິກໍ່ຂາຍໂຕລະ2000ບາດ ເຈົ້າຂອງຮ້ານຕອບ. ເດັກຊາຍງຽບໄປຄາວຫມຶ່ງ ກ່ອນຈະຈົກເງິນອອກມານັບ ແຕ່ກໍ່ມີພຽງ 400 ບາດເທັ່ານັ້ນ ເດັກນ້ອຍຈິ່ງຕອບຢ່າງເສົ້າໃຈວ່າ ຫລານມີເງິນບໍ່ພໍຊື້ຫມາຊ້ຳ,ເຈົ້າຂອງຮ້ານຈິ່ງຟ້າວຕອບກັບໄປວ່າ: ໂອ! ຖ້າຫລານຢາກໄດ້ຫມາໂຕນີ້ກໍ່ເອົາໄປເລີຍໂລດ ບໍ່ຕ້ອງຈ່າຍເງິນຫລອກ ອາຍົກໃຫ້ຟຣີເລີຍ ເດັກຊາຍຟັງເຈົ້າຂອງຮ້ານແລະຊະງັກໄປ ກ່ອນຈະຖາມກັບໄປແບບບໍ່ພໍໃຈວ່າ ເປັນຫຍັງຊັ້ນ ຄືວ່າບໍ່ຈຳເປັນຕ້ອງຈ່າຍເງິນຖ້າຈູຊື້ຫມາໂຕນີ້, ເຈົ້າຂອງຮ້ານຈິ່ງຕອບວ່າ ກໍ່ຢ່າງທີ່ຫລານເຫັນຫັ້ນລະ ມັນພິການ ອາຈິ່ງບໍ່ຄິດທີ່ຈະຂາຍມັນ, ແລ່ນກະບໍ່ໄດ້, ເຕັ້ນກະບໍ່ໄດ້, ໂດດກະບໍ່ໄດ້. ເດັກຊາຍຈິ່ງຖາມກັບໄປວ່າ: ເອົາ! ຂາຫລານກໍ່ລີບຄືກັນ ໂດດກະບໍ່ໄດ້, ເຕັ້ນກະບໍ່ໄດ້, ແລ່ນກະບໍ່ໄດ້ ຫລານກໍ່ເປັນຄົນບໍ່ມີຄ່າຕິຊັ້ນ? ເຈົ້າຂອງຮ້ານມິດ ເຂົ້າແລ່ນເຂົ້າມາກອດເດັກນ້ອຍດ້ວຍຄວາມຮູ້ສຶກຜິດ ແລ້ວເດັກນ້ອຍກໍ່ວາງຂາໂສ້ງລົງ ແລະເວົ້າວ່າ: ຫລານຈະຊື້ຫມາໂຕນີ້ໃນລາຄາ 2000 ບາດ ເທົ່າກັບໂຕອື່ນໆ ແຕ່ຫລານມີເງິນບໍ່ພໍ ຖ້າຫລານຈະຂໍຜ່ອນອາ ເດືອນລະ 100 ຈົນຄົບ 2000 ພັນບາດໄດ້ບໍ່.

ເຈົ້າຂອງຮ້ານ້ຳຕາໄຫລລິນ ຊຸດໂຕລົງ ແລະກອດເດັຍຄົນນັ້ນດ້ວຍຄວາມປະທັບໃຈ ພ້ອມກັບກ່າວຄຳຂໍໂທດທີ່ເຮັດຜິດພາດໄປ ແລ້ວບອກເດັນນ້ອຍວ່າບໍ່ຂັດຂ້ອງ ພ້ອມກັບກ່າວ່າ ຖ້າຫມາທຸກໂຕມີເຈົ້າຂອງທີ່ດີແບບນີ້ ພວກມັນກໍ່ຄົງມີຊີວິດທີ່ມີແຕ່ຄວາມສຸກ.

“ນິທານເລື້ອງນີ້ສອນໃຫ້ຮູ້ວ່າ: ຢ່າວັດຄຸນຄ່າສິ່ງອື່ນ ດ້ວຍຮູບຮ່າງພາຍນອກ”

ບຸນຮຽງ ດາລາສຸກ

ເບິ່ງທັງໝົດ

ອ່ານຄືນຫຼັງ

2011 (2)

ໝວດໝູ່

ຄວາມຮູ້ທົ່ວໄປ (1)
ກະວີ (1)

ໝາຍເຫດ: ບົດຄວາມ, ຂໍ້ຂຽນ, ຄຳເຫັນຕ່າງ ໆ ທີ່ມີໃນໜ້ານີ້ ຖືກສົ່ງເຂົ້າມາໂດຍສາທາລະນະຊົນ ແລະຖືກເຜີຍແຜ່ໂດຍອັດຕະໂນມັດ ບໍ່ໄດ້ຜ່ານການກວດສອບຈາກທີມງານ ດັ່ງນັ້ນ ຈຶ່ງຂໍໃຫ້ທ່ານຜູ່ອ່ານຈົ່ງໃຊ້ວິຈາລະນະຍານ ແລະຖືຄະຕິ ກາລາມະສູດ : ພິຈາລະນາກ່ອນເຊື່ອ ໃນການຮັບຮູ້ຂໍ້ມູນຕ່າງ ໆ ທີ່ມີໃນໜ້າເວັບນີ້ ຫາກທ່ານພົບວ່າມີຂໍ້ຄວາມໃດທີ່ບໍ່ເໝາະສົມ ຫຼືຜິດຕໍ່ລະບຽບກົດໝາຍ ທ່ານສາມາດແຈ້ງເນື້ອຫາບໍ່ເໝາະສົມໄດ້ ຫຼືຕິດຕໍ່ທີມງານພັນລາວໂດຍກົງ ຂໍຂອບໃຈ.