ສູຕ ເປັນນາມຮຽກໃຊ້ບົດ ຫຼືຫົວຂໍ້ຂອງວິຊຊາຕ່າງໆ ເຊັ່ນ ບັ້ງສູຕ ຄື ສູຕຄິດເລກ, ສູຕຈຶ່ງແປວ່າຕຳລາ ຫາກເຮົາຈະຮຽກຕຳລາຫຍັງ ເຮົາມັກຈະໃຊ້ສູຕຂຶ້ນໜ້າສະເໝີ ເຊັ່ນ ສູຕອາຫານ ແປວ່າຕຳຣາແຕ່ງອາຫານ, ສູຕ ເປັນພາສາປາລີ ມາຈາກ ສຸຕະ ຫາກມາຈາກພາສາສັນສະກິດ ຄື ສູຕະຣະ.

- ໃນພາສາລາວ ຄຳທີ່ໃຊ້ຮຽກຕຳລາ ມັກຈະໃຊ້ສູຕທັງໝົດ ເຊັ່ນ ສູຕຄູນ (ຕຳຣາຄູນທາງຄະນິດສາດ) ສູຕເຄມີ ຕຳຣາເຄມີ, ໃນພຸດທະສາສນາ ຄຳວ່າສູຕ ຖືກຮຽກໃຊ້ຫຼາຍ ເຊັ່ນ ຫົວບົດ ຫຼືຕຳຣາຕ່າງໆ ເຊັ່ນ ມະຫາມຸລະນິພານສູດ, ເວຣະຊະພຣາມສູຕ, ກາລາມະສູຕ ແລະອື່ນໆ ໝາຍຄວາມວ່າ ຕຳຣາ ຫຼືຫົວບົດຂອງຄວາມຮູ້ເລື່ອງນັ້ນໆ, ການໄຫວ້ພຣະ ມີບົດສູຕຫຼາຍຫົວບົດ ບົດສູຕນັ້ນຮຽກວ່າ ສູຕ, ເວລາສູຕ ເພິ່ນຈະຮກໍຮຽກວ່າ ສູດມົນຕ໌, ໃນວັດທະນະທັມ ທາງພຸດທະສາສນານັ້ນ ເມື່ອເຮັດບຸນເຮືອນຈະເອົາບົດສູຕເຫຼົ່ານັ້ນ ຈະມີພຣະປະຣິຕ ຈຶ່ງຮຽກວ່າສູຕປະຣິຕະມຸງຄຸນ, ການສູຕພຣະປະຣິຕໃນເຮືອນ ມັກຈະຮຽກອີກຢ່າງໜຶ່ງວ່າສູຕມຸງຄຸນ ຫຼືສູຕມົນຕ໌, ຍັງມີຄຳໜຶ່ງອີກຢາງໜຶ່ງວ່າ ສູຕມົນຕ໌ເຢັນ ຄຳວ່າສູຕ໌ມົນເຢັນ ນັ້ນມັກຈະໃຊ້ຮຽກໃນງານອະວະມຸງຄຸນ ເຊັ່ນງານສົບ ເພາະງານສົບເປັນງານຮ້ອນ ຈະນິມົນຕ໌ພຣະສົງໄປສູດພຣະປະຣິດ ເພື່ອໃຫ້ຮ້ອນກາຍເປັນເຢັນ ຄຳວ່າສູຕມົນເຢັນຍັງມີຄວາມໝາຍ ເຖິງການສູຕໃນເວລາແລງອີກ ເພາະແລງໄປແລ້ວອາກາດຈະເຢັນລົງ.

- ທັງໝົດທັງປວງນີ້ ຫາກມີການໃຊ້ຄຳວ່າ "ສວດ" ນັບວ່າໃຊ້ຄຳຜິດ, "ສວດມົນຕ໌" ໃນພາສາລາວບໍ່ມັກໃຊ້ ແລະບໍ່ເຄີຍມີໃຊ້ໃນອະດີດກະການ ແຕ່ມີຄົນບາງຄົນນຳມາໃຊ້ໃນໄລຍະ ໃໝ່ໆນີ້ ຜູ້ທີ່ໃຊ້ແມ່ນເອົາສຳນວນໄທຍ໌ມາເວົ້າ ເຊັ່ນ "ທຳວັດ ສວດມົນຕ໌" ເປັນສຳນວນໃນພາສາໄທຍ໌ ຫາກເປັນສຳນວນໃນພາສາລາວ ກໍວ່າ "ໄຫວ້ພຣະ ສູຕມົນຕ໌". ເພາະສວດໃນພາສາລາວ ໝາຍວ່າ ສິ່ງທີ່ສູງກວ່າປົກກະຕິ ຮຽກວ່າ ສວດ ເຊັ່ນ "ສວດຈຸ້ມກຸ້ມມືງຸ້ມບໍ່ເຖິງ"