ໄດອາຣີ່ຂອງ ໄຊ ບໍລິຄຳໄຊ

ຂຽນເມື່ອ: ສ.ຫ.. 3, 2011 | ມີ 4 ຄຳເຫັນ ແລະ 0 trackback(s)

1. Quantum GIS ແມ່ນຫຍັງ?

Quantum GIS ຫຼື Qgis ເປັນໂປຣແກຣມ Desktop GIS ປະເພດໜຶ່ງທີ່ມີປະສິດທິພາບໃນການນຳມາໃຊ້ໃນວຽງການແຜນທີ່ ເປັນໝວດໂປຣແກຣມລະຫັດເປີດ(Free and Open Source Software: FOSS) ທີ່ນຳໃຊ້ງ່າຍລັກສະນະການໃຊ້ແມ່ນເປັນແບບ Graphic User Interface ເຊິ່ງສະດວກຕໍ່ການນຳໃຊ້ ບໍ່ຈະເປັນເປັນການນຳເຂົ້າຂໍ້ມູນຕາຕາລາງ, ຂໍ້ມູນພາບ, ກຣາຟ ແລະ ສາມາດສຶບຄົ້ນຂໍ້ມູນ, ວິເຄາະຂໍ້ມູນ ແລະ ການສົ່ງອອກຂໍ້ມູນແຜນທີ່

ຮູບທີ 1 ໜ້າຈໍຂອງໂປຣແກຣມ Quantum GIS

2. Graphical User Interface

GUI ປະກອບດ້ວຍ Menu Bar, Tools Bar, Legend, Overview, Map Display, Map Coordinate, Map Scale และ Project Properties ເຊິ່ງທຸກລາຍການນີ້ສາມາດເຄື່ອນຍ້າຍ ປ່ຽນຂະໜາດຕາມຄວາມເໝາະສົມຕໍ່ການນຳໃຊ້ ເພື່ອອຳນວນຄວາມສະດວດໃຫ້ກັບຜູ້ນຳໃຊ້

3. ການຕິດຕັ້ງໂປຣແກຣມ Quantum GIS

1. ຕ້ອງ Download ໂປຣແກຣມ Quantum GIS ຈາກ URL http://qgis.org/

2. Double click ຟາຍ QGIS-1.0.0preview2-Setup.exe ເພື່ອເລີ່ມການຕິດຕັ້ງໂປຣແກຣມ ເຊິ່ງຂັ້ນຕອນໃນການຕິດຕັ້ງແມ່ນສະດວກພຽງແຕ່ກົດປຸ່ມ Next ເພື່ອຕິດຕັ້ງຄືກັນກັບໂປຣແກຣມທີ່ໃຊ້ຟຣີທົ່ວໄປ

3. ທົດລອງເປີດໃຊ້ໂປຣແກຣມ Quantum GIS ໂດຍເຂົ້າທີ່ເມນູ Start -> Program -> Quantum GIS

4. ການນຳໃຊ້ໂປຣແກຣມ (Menu bar)

5. ເຄື່ອງມືທີ່ໃຊ້ໃນການເຮັດວຽກ (Toolbars)

6. ການນຳເຂົ້າຂໍ້ມູນ Shape file

ກົດປຸ່ມເທິງເຄື່ອງມື Toolbars ເພື່ອເລືອກຊັ້ນຂໍ້ມູນທີ່ຕ້ອງການນຳມາສະແດງໃນໜ້າຈໍ Map Display ເຊິ່ງຊື່ຂອງຊັ້ນຂໍ້ມູນທີ່ຕ້ອງການຈະປະກົດຢູ່ໃນຊ່ອງ File Name ຈາກນັ້ນກົດປຸ່ມ Open ເພື່ອນຳຂໍ້ມູນທີ່ຕ້ອງການເຂົ້າສູ່ໜ້າຈໍ Map Display

ຕິດຕາມຕອນຕໍ່ໄປ…

ຈື່ຊາດ ຊາດກ່ອນທ່ານເຮັດຫຍັງໄວ້ແດ່?

ຂຽນເມື່ອ: ທ.ວ.. 12, 2010 | ມີ 2 ຄຳເຫັນ ແລະ 0 trackback(s)

ໜວດໝູ່: ຄວາມຮູ້ທົ່ວໄປ

1. ເພາະເຫດໃດທ່ານຈຶ່ງມີເສື້ອຜ້າອັນງົດງາມໃສ່ຫຼວງຫຼາຍ

+ ເພາະຊາດກ່ອນທ່ານເຄີຍຖວາຍຜ້າແຜແດ່ພຣະສົງ

2. ເພາະເຫດໃດຊາດນີ້ທ່ານຈຶ່ງມີອາຫານດີໆຮັບປະທານຢູ່ສະເໜີ

+ ເພາະໃນຊາດກ່ອນທ່ານເຄີຍໃຫ້ທານອາຫານແກ່ຄົນຍາກຈົນໃນຊາດກ່ອນ
3. ເຫດໃດຊາດນີ້ທ່ານຈຶ່ງອົດຍາດ, ຍາກຈົນ ບໍ່ມີເຄື່ອງນຸ່ງດີໆໃສ່

+ ເພາະໃນຊາດກ່ອນທ່ານເປັນຄົນຂີ່ຖີ່ ບໍ່ເຄີຍໃຫ້ທານແກ່ຄົນຍາກຈົນໃນຊາດກ່ອນ

4. ເຫດໃດຊາດນີ້ທ່ານມີເຮືອນຫຼັງໃຫຍ່

+ ເພາະທ່ານຖວາຍເຂົ້າສານເຂົ້າວັດໃນຊາດກ່ອນ
5. ເຫດໃດຊາດນີ້ທ່ານມີຄວາມຈະເລີນຮຸ່ງເຮືອງ ແລະ ມີຄວາມສຸກ

+ ເພາະທ່ານເຄີຍຖວາຍເງິນສ້າງວັດໃນຊາດກ່ອນ
6. ເຫດໃດຊາດນີ້ທ່ານຈຶ່ງເປັນຄົນງາມ

+ ເພາະທ່ານເຄີຍຖວາຍດອກໄມ້ບູຊາພຣະດ້ວຍຄວາມເຄົາລົບໃນຊາດກ່ອນ
7. ເຫດໃດຊາດນີ້ທ່ານຈຶ່ງເປັນທີ່ຮັກຂອງທຸກໆຄົນ

+ ເພາະໃນຊາດກ່ອນທ່ານເຄີຍສ້າງມະນຸດສຳພັນທີ່ດີຕໍ່ທຸກຄົນໃນຊາດກ່ອນ
8. ເຫດໃດຊາດນີ້ທ່ານມີພໍ່ແມ່ຢູ່ພ້ອມໜ້າ

+ເພາະທ່ານເຄົາລົບ ແລະ ໃຫ້ຄວາມຊ່ວຍເຫຼືອ ບໍ່ດູມິ່ນຄົນຍາກຈົນໃນຊາດກ່ອນ
9. ເຫດໃດຊາດນີ້ທ່ານຈຶ່ງມີອາຍຸຍືນແຂງແຮງ

+ເພາະທ່ານເຄີຍປ່ອຍນົກ ປ່ອຍປາ ສິ່ງທີ່ມີຊີວິດໃນຊາດກ່ອນ

ແຮງດຶງດູດຂອງຜູ້ຊາຍ 10 ປະການ

ຂຽນເມື່ອ: ທ.ວ.. 8, 2010 | ມີ 1 ຄຳເຫັນ ແລະ 0 trackback(s)

ໜວດໝູ່: ຄວາມຮູ້ທົ່ວໄປ

(1) ຄວາມຫມັ້ນໃຈໃນຕົວເອງ

ຈິງຢູ່ຖ້າໜ້າຕາຫະຫລໍ່ ຄວາມຫມັ້ນໃຈໃນຕົວ ເອງຍ່ອມເພີ່ມຫລາຍເປັນທຳມະດາ ແຕ່ຖ້າບໍ່ຫລໍ່ລະ ຈະໝັ່ນໃຈກັບພວກເຂົາບໍ່ໄດ້ ຫລື ຖ້າເຈົ້າເປັນຜູ້ຊາຍ ເຈົ້າຕ້ອງບອກກັບຕົວເອງສະເໝີວ່າ ເຈົ້າກໍເບິ່ງດີ ມີຄວາມຫມັ້ນ ໃຈໃນຕົວເອງສູງ ເຮັດໄດ້ທຸກຢ່າງທີ່ຄົນອື່ນເຮັດກັນ ແລະຕ້ອງພິສູດວ່າເຈົ້າເຮັດໄດ້ແທ້ໆບໍ່ແມ່ນດີແຕ່ປາກ ພໍເອົາເຂົ້າຈິງກັບບໍ່ໄດ້ເລື່ອງ ການສ້າງຄວາມຫມັ້ນໃຈໃນຕົວເອງມີຫລາຍຢ່າງ ເຊັ່ນໝັ່ນຫາຄວາມຮູ້ເສີມພິເສດໃຫ້ຕົວເອງ ຝຶກຍິ້ມກັບ ຕົວເອງໃນແວ່ນເຮັດຫຍັງຫລາຍໆຢ່າງໃຫ້ສຳເລັດໄດ້ແທ້ໆເປັນຮູບເປັນຮ່າງ

(2) ແຮງດຶງດູດທາງເພດ

ພາສາອັງກິດເອີ້ນວ່າ Sex Appeal ຊຶ່ງບໍ່ແມ່ນເລື່ອງທີ່ກ່ຽວຂ້ອງກັບຄວາມຫລໍ່ ມີຜູ້ຊາຍຈຳນວນທີ່ໜ້າຕາຫລໍ່ ແຕ່ບໍ່ມີແຮງດຶງດູດທີ່ວ່ານີ້ເລີຍກໍ່ມີຫລາຍ ແຮງດຶງດູດທາງເພດບໍ່ໄດ້ໝາຍເຖິງເຈົ້າເປັນຄົນລາມົກ ແຕ່ໝາຍຄວາມວ່າເຈົ້າເປັນໜ້າຮັກ ຈົນຄົນຮູ້ສຶກວ່າຫາກ ຢູ່ໃກ້ເຈົ້າຄົງເລົ້າຮ້ອນທົນບໍ່ໄຫວ ຫຍັງທຳນອງນີ້ ຫລືທີ່ໄວລຸ້ນຮຽກວ່າພວກ ບໍ່ຫລໍ່ແຕ່ເລົ້າໃຈ

(3) ຄວນມີເອກະລັກສະເພາະຕົວ

ຄືເຖິງວ່າເຈົ້າຈະເບິ່ງບໍ່ດີຕາມທີ່ເຈົ້າຢາກ ມີຄູ່ເປັນຍິງສາວງາມແລ້ວລະກໍ ເຈົ້າຕ້ອງສ້າງເອກລັກຂອງເຈົ້າມາໃຫ້ ໂດດເດັ່ນ ອາດຈະເປັນເລື່ອງຂອງເສື້ອຜ້າ ອາດຈະເປັນເລື່ອງຂອງນ້ຳຫອມ ຫລືອາດເປັນເລື່ອງຂອງການເປັນຄົນມອງໂລກໃນແງ່ດີ ມີອາລົມຂັນ ທີ່ໃຜພວກເຂົາ ໄດ້ຍິນສຽງຫົວຈະນຶກເຖິງເຈົ້າຂຶ້ນມາທັນທີ ເຮັດຢ່າງໃດທີ່ຈະຍົກລະດັບໃຫ້ຕົວ ເອງເບິ່ງມີເອກລັກສະນະສະເພາະຕົວ ເຖິງວ່າເຈົ້າຈະມີໃບໜ້າຕີ໋ກໍຕາມ

(4) ຕ້ອງມີຄວາມເປັນແມນ

ຄວາມເປັນແມນນີ້ເບິ່ງເໝືອນງ່າຍ ແຕ່ພໍເຮັດແທ້ໆ ມັນຍາກເຫລືອເກີນ ກ່ອນອື່ນຄວາມເປັນແມນບໍ່ໄດ້ໝາຍຄວາມວ່າ ເຈົ້າຕ້ອງ ມີຂົນທີ່ໜ້າອົກທີ່ເບິ່ງເຊັກຊີ ບໍ່ໄດ້ໝາຍຄວາມວ່າເຈົ້າມີກ້າມເປັນມັດໆ ແຕ່ຄວາມ ເປັນແມນໝາຍເຖິງ ເຈົ້າຕ້ອງມີນິໄສເປັນຜູ້ຊາຍ ບໍ່ຄິດນ້ອຍຄິດນ້ອຍກັບຜູ້ຍິງ ບໍ່ແມ່ນຄົນຄິດຈຸກຈິກ ໜ້າເບື່ອ ໜ້າລຳຄານ ເວົ້າງ່າຍຄື ມີຄວາມເປັນຜູ້ນຳ ຢູ່ຫລາຍໃນຕົວເຈົ້າ ຄວາມເປັນແມນສ້າງໄດ້ບໍ່ຍາກ ພຽງແຕ່ຕ້ອງໃຊ້ເວລາແລະຄວາມອົດທົນປັບປຸງຕົວເອງເວົ້າຈາເປັນຜູ້ໃຫຍ່ ພະຍາຍາມສ້າງຂຶ້ນມາຈາກທຳມະຊາດ ທີ່ຢູ່ພາຍໃນ ຖ້າປຽບກັບນັກສະແດງ ກໍຮຽກວ່າອິນເຂົ້າໄປໃນບົດລະຄອນທຳນອງນັ້ນ

(5) ພະຍາຍາມດຳເນີນຊີວິດຢ່າງລຽບງ່າຍ

ຟັງເບິ່ງເຂົ້າທີ ແຕ່ພໍເຮັດ ແທ້ ໆກໍຍາກອີກນັ້ນແຫລະ ຖ້າບໍ່ພະຍາຍາມຫລືມອງແຕ່ວ່າມັນມີຄວາມຍາກ ເກີນກຳລັງແຕ່ແຮກກໍເລີກເຫິ ຄວາມຈິງການເຮັດຊີວິດໃຫ້ລຽບງ່າຍໄດ້ ເຈົ້າ ຈະເບິ່ງເທ່ແລະເກ໋ຫລາຍ ເຈົ້າສັງເກດເບິ່ງຜູ້ຄົນອ້ອມຮອບຕົວເຈົ້າເບິ່ງສິ ທຸກມື້ນີ້ມີຈັກຊີວິດທີ່ ລຽບງ່າຍນຳ ພະຍາຍາມກິນໃຫ້ງ່າຍ ນອນກໍງ່າຍ ແລ້ວເຈົ້າຈະເບິ່ງດີຂຶ້ນທັນທີ ໃຜດ່າຫລືນິນທາເຈົ້າ ເຈົ້າກໍເສີຍ ໆ ເສຍ

(6) ສະຫລັດຄວາມເຫງົາໃຫ້ເປັນ

ມີຜູ້ຊາຍຂີ້ເຫງົາຫລວງຫລາຍເທິງໂລກ ຄວາມເຫງົາ ເຮັດໃຫ້ຈິດໃຈລະສ່ຳບໍ່ເປັນປົກກະຕິຮ້ອນຮົນ ລຸກີ້ລຸກົນບອກບໍ່ຖືກ ຜູ້ຊາຍຕ້ອງເຂັ້ມແຂງຮັບໄດ້ທຸກສະພາບ ບໍ່ວ່າເຫດການນັ້ນຈະໂນ້ມນຳໄປໃນທາງທຸກຫລືສຸກ ກໍຕາມ ບາງ ຄົນທຸກກໍເສຍໃຈ ຟູມຟາຍຕີໂພຍຕີພາຍ ພໍສຸກກໍດີໃຈກະດດໂລດເຕັ້ນຈົນເກີນເຫດ ເຮັດໃຫ້ລະງັບອາລົມບໍ່ຢູ່ ຄົນຮູ້ໄສ້ຮູ້ພຸງໝົດວ່າເຈົ້າກຳລັງ ເປັນຫຍັງ ມີບຸກຄະລິກທີ່ແທ້ຈິງເປັນແບບໃດ ຈະຕ້ອງຮູ້ຈັກກາລົບລໍ້ຍວາງ ແກ້ບັນຫາທີ່ເກິດຂື້ນເທື່ອ-ລະເປາະ

(7) ເປັນຄົນຮັກງານ

ບໍ່-ແມ່ນນຳ [າ] ນ ຄືເຮັດວຽກເປັນລະບຽບແລະມີລະບົບ ໃນການວາງແຜນຈັດການງານທີ່ດີ ສະສາງງານໄປເທື່ອ-ລະຊິ້ນ ມີແຜນການນ໌ລ່ວງໜ້າ ລວມທັງສະໜຸກກັບການ-ເຮັດ-ວຽກງານຢ່າງແທ້ຈິງ ກົງນີ້ເປັນເລື່ອງສຳຄັນ ໝາຍຄວາມ ວ່າເຈົ້າຕ້ອງແບ່ງເວລາເປັນ ເວລາງານເປັນເວລາງານ ບໍ່ຫລິ້ນຫຍໍກໍ້ ນອກເວລາງານກໍຢ່າຄິດໃນເລື່ອງງານອີກ

(8) ຕ້ອງສ້າງຊີວິດໃຫ້ໂລແມນຕິກ

ຊີວິດທີ່ໂລແມນຕິກບໍ່ໄດ້ໝາຍຄວາມວ່າ ມີແຕ່ດອກກຸຫລາບແລະຄຳຫວານຕະຫລອດເວລາ ເພາະຂອງພວກນີ້ຖ້າມີໃຫ້ກັນ ຫລາຍ ໆ ເບິ່ງເໝືອນກາຍເປັນທຳທ່າໄປທັນທີ ຜູ້ຍິງມັກຈະເຄີບເຄີ້ມ ປາບປື້ມກັບຄຳຖາມທີ່ຜູ້ຊາຍສະແດງຄວາມຫ່ວງໃຍສະເໝີ ອາການໂລແມນຕິກ ບໍ່-ແມ່ນການນັ່ງຢູ່ໜ້າແສງທຽນ ເຮັດຕາຫວານລຶກເຂົ້າຫາກັນ ແຄ່ນຶກເຖິງນາງຢ່າງ ຈິງໃຈ ນ້ຳສຽງ ແວວຕາ ແລະການກະທຳຕ່າງຫາກທີ່ຈະເປັນປັດໄຈບອກ-ວ່າເຈົ້າ ເປັນຄົນໂລແມນຕິກຫລືບໍ່

(9) ການສ້າງອາລົມທາງເພດໃນບາງຂະນະ

ຈະຊ່ວຍໃຫ້ຜູ້ຍິງມອງເຈົ້າເປັນຜູ້ຊາຍທີ່ແຂງແກ່ງ ຊຶ່ງບໍ່ໄດ້ໝາຍຄວາມວ່າ ເຈົ້າຕ້ອງໄປຂົ່ມຂືນນາງຫລືຂືນໃຈ ຫລືລວນລາມນາງ ຢ່າໄປເຮັດຢ່ານັ້ນເດັດຂາດ ເພາະນາງຈະຂາດ ຄວາມນັບຖືສັດທາໃນຕົວເຈົ້າທັນທີ ເຈົ້າຕ້ອງໃຊ້ສາຍຕາ ວາຈາ ແລະການແຕະ ກາຍເບົາ ໆ ໂລມເລົ້ານາງແຄ່ມອົງກໍຮູ້ສຶກສະທ້ານ ບໍ່ຕ້ອງປະກົບລິມຝີປາກ ແບບເມົາທ໌ທູເມົາທ໌ຫລອກ

(10) ເຈົ້າຕ້ອງສາມາດສ້າງອາລົມອ່ອນໄຫວຂຶ້ນມາໄດ້ໂດຍທຳມະຊາດ

ທຳມະຊາດຜູ້ຍິງທຸກຄົນຈະມີຄວາມອ່ອນໄຫວລະທວຍລະທົດງ່າຍກວ່າຜູ້ຊາຍ ດ້ວຍເຫດ ແຫ່ງສີລະ ຫລື ຈິດໃຈກໍແລ້ວແຕ່ ແຕ່ຖ້າເຈົ້າຢາກມີສະເນ່ ໝັດຫົວໃຈເຈົ້ານາງລະກໍ ຕ້ອງຈັບາລົມຂອງນາງໃຫ້ຢູ່ເພາະາລົມຂອງນາງປຽບກາຟຕີໂກນມິຕິ ທີ່ມີການປ່ຽນແປງຢ່າງົດລັບຂຶ້ນລົງຢູ່ຕະຫລອດເວລາ ເຈົ້າ ພະຍາຍາມອ່ານໃຈນາງໃຫ້ອອກ ຊຶ່ງເທົ່າກັບວ່າເຈົ້າໄດ້ກຳໄຊຊະນະໄວ້ໃນມືແລ້ວ..... ໝາຍຄວາມວ່າເຈົ້າຕ້ອງມີຄວາມໄວໃນອາລົມຮ່ວມໄວກວ່າເຈົ້ານາງ ຖ້າຈະໃຫ້ດີຕ້ອງເຮັດເປັນແນບນຽນ ແລະບໍ່ໃຫ້ນາງຮູ້ຕົວວ່າເຈົ້າຖືໄພ່ເໜືອກວ່າ

9 ຂັ້ນ ກ່າວຄຳ “ຂໍໂທດ” ຢ່າງມີຟອລ໌ມ

ຂຽນເມື່ອ: ທ.ວ.. 13, 2009 | ມີ 0 ຄຳເຫັນ ແລະ 0 trackback(s)

ໜວດໝູ່: ຄວາມຮູ້ທົ່ວໄປ

ບໍ່ວ່າເຫດການທີ່ເຮັດໃຫ້ເຈົ້າ ແລະ ພວກເຂົາຕ້ອງຍ່າງຫັນຫລັງໃຫ້ກັນນັ້ນຈະຮ້າຍແຮງພຽງໃດກໍຕາມ ຫາກມີຄຳ “ຂໍໂທດ” ເອີ່ຍອອກຈາກປາກຂອງຄົົນທີ່ສຳນຶກຜິດ ຄວາມສຳພັນທີ່ເບິ່ງຄືວ່າຈະຂາດລົງໄປນັ້ນ ຈະຄ່ອຍ ໆ ກັບມາປະສານກັນໃໝ່ໄດ້ອີກເທື່ອ ເພາະຄຳ “ຂໍໂທດ” ປຽບເຫມືອນຄາຖາຢ່າຮອຍຮ້າວຂອງຄູ່ຮັກທຸກຄູ່?

ແຕ່ວ່າ! ຫາກຄົນ ໆ ນັ້ນເປັນເຈົ້າ! ເຈົ້າຈະກ້າຍ່າງເຂົ້າໄປກ່າວຄຳຂໍໂທດຫລືບໍ!!

ກ່າວຄຳ “ຂໍໂທດ” ສັກຄັ້ງ ມັນຕ້ອງມີຟອລ໌ກັນແດ່ລະເນາະ ລອງເອົາຄຳແນະນຳດ້ານລຸມນີ້ໄປໃຊ້ເບິ່ງເດີ ເພາະຖ້າຜິດກັນເທື່ອໜ້າ ເຈົ້າຈະໄດ້ກ້າຕັດສິນໃຈເປັນຝ່າຍເຂົ້າໄປຂໍໂທດໄດ້ບໍ່ຍາກ

1. ລຳດັບເຫດການ ບາງເທື່ອເພາະຄວາມສັບສົນບໍ່ແນ່ໃຈວ່າຕົວເຈົ້າຜິດຫລືບໍ່ຜິດນີ້ແຫລະ ທີ່ເປັນເຫດໃຫ້ເຈົ້າຍັງບໍ່ສາມາດເຮັດໃຈຍອມຮັບວ່າຕົວເອງຄວນຈະເປັນຝ່າຍຍ່າງເຂົ້າໄປ ຂໍໂທດ ການລຳດັບເຫດການໃນຂະນະທີ່ເຈົ້າອາລົມເຢັນລົງແລ້ວ ກັບຄວາມຮັກທີ່ເຈົ້າຍັງຄົງມີຕໍ່ພວກເຂົາ ຈະເຮັດໃຫ້ເຈົ້າເບີ່ງເຫດການຢ່າງເປັນທຳ ເຈົ້າຈະເຫັນເລື່ອງລາວຊັດເຈນຂຶ້ນ ແລະຮູ້ສຶກເຕັມໃຈທີ່ຈະກ່າວຄຳ “ຂໍໂທດ”

2. ບັນທຶກປະເດັນທີ່ເຈົ້າຜິດ ການຈົດບັນທຶກນອກຈາກຈະຊ່ວຍໃຫ້ການລຳດັບເຫດການຂອງເຈົ້າມີຄວາມແນ່ນອນຂຶ້ນແລ້ວ ຍັງຊ່ວຍໃຫ້ເຈົ້າດຶງຈຸດທີ່ເປັນຄວາມຜິດພາດຂອງເຈົ້າອອກມາ ເພື່ອນຳມາເປັນແນວທາງໃນການຕຽມຄຳເວົ້າທີ່ຈະໃຊ້ໃນການກ່າວຂໍໂທດໄດ້ກົງປະເດັນ ອີກດ້ວຍ ທີ່ສຳຄັນໃນລະຫວ່າງນີ້ ເຈົ້າຈະມີໂອກາດໃນການລວບລວມຄວາມຄິດ ແລະລະງັບຄວາມຕື່ນເຕັ້ນ ລວມທັງຄວາມຢ້ານຕ່າງ ໆ ໄດ້

3. ຕຽມຕົວໃຫ້ພ້ອມ ຫາກເຈົ້າຮູ້ສຶກຕື່ນເຕັ້ນຫລາຍ ເຈົ້າອາດຊ້ອມເວົ້າເບິ່ງກ່ອນກໍໄດ້ ໂດຍເວົ້າໃຫ້ໄດ້ຕາມບັນຫາທີ່ໄດ້ຈົດບັນທຶກໄວ້ ການຝຶກຊ້ອມເລື້ອຍ  ໆ ຈະເຮັດໃຫ້ເຈົ້າສາມາດຄວບຄຸມສະຖານະການຈິງໄດ້ບໍ່ຍາກ ແຕ່ຖ້າເຈົ້າບໍ່ກ້າພົບໜ້າກັບພວກເຂົາແທ້  ໆ ກະລອງຂຽນຄວາມຮູ້ສຶກຂອງເຈົ້າລົງເຈ້ຍ ຫຼື ປື້ມບັນທືກແລ້ວຍື່ນໃຫ້ກັບພວກເຂົາກ່ອນຮີບອອກຈາກເຮືອນໃນຕອນເຊົ້າ ນອກຈາກໂລແມນຕິກແລ້ວ ຍັງເປັນການເປີດໃຈພວກເຂົາໃຫ້ພ້ອມຮັບຄຳສານພາບຂອງເຈົ້າໃນຕອນຄ່ຳອີກດ້ວຍ

4. ເວົ້າໃຫ້ຖືກຂໍ້ ການຍອມຮັບຜິດທີ່ກົງຈຸດນອກຈາກຊ່ວຍປະສານຄວາມສຳພັນໄດ້ໄວແລ້ວ ຍັງເປັນການສະແດງຄວາມຢຶດໝັ່ນໃນຄວາມຄິດທີ່ຖືກຕ້ອງຂອງເຈົ້າອີກດ້ວຍ ແຖມບາງທີອາດເຮັດໃຫ້ຄູ່ຂອງເຈົ້າມີການປັບຕົວໃນສ່ວນທີ່ເຈົ້າບໍ່ມີມື້ຍອມຮັບໄດ້ເລີຍອີກ ຕ່າງຫາກ ແຕ່ມີເງື່ອນໄຂວ່າ ເຈົ້າບໍ່ຄວນໄປເວົ້າໃນສ່ວນທີ່ເຈົ້າຍັງຄົງເຫັນວ່າເປັນຄວາມຜິດຂອງພວກເຂົາ ແຕ່ໃຫ້ເວົ້າເນັ້ນໜັກສະເພາະໃນສ່ວນທີ່ເຈົ້າເຮັດຜິດເທົ່ານັ້ນ ເວັ້ນແຕ່ເຈົ້າຈະຮູ້ສຶກວ່າຄວາມຜິດທີ່ເຈົ້າເຮັດນັ້ນ ມີຕົ້ນເຫດມາຈາກສ່ວນທີ່ບໍ່ດີບາງປະການຂອງພວກເຂົາ ຖ້າເປັນແນວນັ້ນກໍຕ້ອງຖືວ່າມີຄວາມຈຳເປັນແທ້  ໆ ທີ່ເຈົ້າຈະຕ້ອງເສີມທັບໃນຕອນທ້າຍ

5. ຢ່າຄິດແກ້ຕົວເດັດຂາດ ເພາະຖ້າເຈົ້າຈະຄິດແກ້ຕົວ ຫລືຫາຂໍ້ອ້າງແນວນັ້ນແນວນີ້ ເຈົ້າກໍບໍ່ຕ້ອງໄປຂໍໂທດພວກເຂົາກໍ່ໄດ້ ຈະກາຍເປັນຕໍ່ຄວາມຍາວໃຫ້ເຂົ້າໃຈຜິດຫຼາຍກ່ວາເກົ່າ

6. ຕ່າງຝ່າຍຕ້ອງເວົ້າກັນດ້ວຍຄວາມຈິງໃຈ ຂະນະທີ່ພວກເຂົາເວົ້າ ເຈົ້າຄວນຢຸດຟັງຢ່າງຕັ້ງໃຈ ແລະຄິດຕາມໃນສິ່ງທີ່ພວກເຂົາເວົ້າ ຈະເຮັດໃຫ້ເຈົ້າເຂົ້າໃຈຄວາມຮູ້ສຶກຂອງພວກເຂົາ ແລະສາມາດທີ່ຈະປັບຄວາມເຂົ້າໃຈກັນໄດ້ງ່າຍຂຶ້ນ

7. ຍອມຮັບຜິດໂດຍດີ ບໍ່ວ່າພວກເຂົາຈະແຮງມາຢ່າງໃດ ຫລືມີປະຕິກິລິຢາບໍ່ພໍໃຈເຈົ້າຢ່າງໃດ ເຈົ້າກໍຕ້ອງຈຳຍອມຮັບ ແລະເປັນຝ່າຍຢຸດໃຫ້ໄດ້ຫລາຍທີ່ສຸດເທົ່າທີ່ຈະເຮັດໄດ້ ການຢຸດນິ່ງຂອງເຈົ້າຈະຊ່ວຍໃຫ້ພວກເຂົາສະຫງົບລົງໄດ້ ຈົນເຈົ້າເລີ່ມມີໂອກາດທີ່ຈະເວົ້າໃນສິ່ງທີ່ເຈົ້າຕຽມມາ

8. ຂໍໂອກາດຊົດເຊຍ ລອງຖາມພວກເຂົາເບິ່ງວ່າ ມີຫົນທາງຫຍັງແດ່ທີ່ເຈົ້າພໍຈະເຮັດເພື່ອເປັນການຊົດເຊີຍໃຫ້ກັບພວກເຂົາໄດ້ ເທົ່າທີ່ເຈົ້າຈະເຮັດໃຫ້ໄດ້ເພື່ອເປັນການປະສານຄວາມສຳພັນ ແລະເຮັດໃຫ້ຄວາມສຳພັນລະຫວ່າງເຈົ້າກັບມາເໝືອນດັ່ງເດີມ ຢ່າງນ້ອຍທີ່ສຸດກໍເພື່ອລູກ

9. ຢ່າເຮັດຜິດຊ້ຳໃນເລື່ອງເກົ່າ ເພາະບໍ່ມີໃຜທີ່ຈະອະໄພໃຫ້ເຈົ້າໃນເລື່ອງເດີມ ໆ ໄດ້ຢູ່ຕະຫລອດເວລາ ທີ່ສຳຄັນ ການຜິດຊ້ຳ ໆ ໃນເລື່ອງເດີມ ໆ ບໍ່ຖືວ່າເປັນເລື່ອງທີ່ເຮັດພາດໄປ ແຕ່ເປັນເລື່ອງທີ່ເຈົ້າຈົ່ງໃຈຈະເຮັດທັງ ໆ ທີ່ຮູ້ຢູ່ວ່າບໍ່ຖືກຕ້ອງ ຖ້າເປັນແນວນີ້ ຮັບຮອງວ່າ “ຄຳຂໍໂທດ” ບໍ່ຊ່ວຍຫຍັງເຈົ້າໄດ້ເລີຍ ມີຫວັງຄົງຕ້ອງເລີກລາກັນແທ້  ໆ ຈັກມື້ແນ່ນອນ

₭(ຯxຶ$ໝ$ (ໂຊກດີ)$=₭

12 ວິທີເພີ່ມຄວາມຫມັ້ນໃຈໃຫ້ຕົນເອງ

ຂຽນເມື່ອ: ທ.ວ.. 8, 2009 | ມີ 1 ຄຳເຫັນ ແລະ 0 trackback(s)

ໜວດໝູ່: ຄວາມຮູ້ທົ່ວໄປ

12 ວິທີເພີ່ມຄວາມຫມັ້ນໃຈໃຫ້ຕົນເອງ

ການມີຄວາມຮັກເປັນສິ່ງດີ ບໍ່ວ່າຈະຮັກພໍ່ແມ່ ພີ່ນ້ອງ ເພື່ອນຮູ້ໃຈ ສັດລ້ຽງແລະ ອື່ນ  ໆ
ເມື່ອມີຄວາມຮັກເຮັດໃຫ້ເຮົາສົດຊື່ນ ມີກຳລັງໃຈແລະມີຄວາມສຸກ ຢ່າງໃດກໍຕາມມີຄວາມຮັກອີກຢ່າງ ທີ່ສຳຄັນບໍ່ພ່າຍແພ້ກັນຄື ຮັກຕົນເອງ ແຕ່ບໍ່ໄດ້ໝາຍເຖິງຫລົງຕົວເອງ ເຫັນແກ່ຕົວ ຖືວ່າຕົນດີກວ່າຄົນອື່ນຫລືເຫຍີ່ຍິ່ງຈົນບໍ່ໜ້າເບິ່ງ ແຕ່ເປັນຄວາມຮັກທີ່ເຮັດໃຫ້ເຮົາຄິດດີຕໍ່ຕົນເອງ ເພີ່ມຄວາມຫມັ້ນໃຈໃຫ້ແກ່ຕົນເອງ ຮູ້ສຶກວ່າຕົນເອງມີຄ່າຫລາຍຂຶ້ນ
ຫລາຍ ໆ ຄົົນທີ່ບໍ່ຮັກຕົນເອງມັກປະສົບກັບບັນຫາພາວະຊຶມເສົ້າ ມີແນວໂນ້ມທີ່ຈະເຮັດຮ້າຍຕົນເອງດ້ວຍການຂ້າຕົວຕາຍ ຫລືຫັນໄປພຶ່ງຢາເສບຕິດ ແລ້ວຫຍັງຄືສາເຫດສຳຄັນ ທີ່ເຮັດໃຫ້ຄົນບໍ່ຮັກຕົນເອງ?

ໂດຍລວມແລ້ວຂຶ້ນຢູ່ກັບປັດໄຈຫລາຍຢ່າງ ເພາະຕັ້ງແຕ່ແຮກຄົນເຮົາບໍ່ໄດ້ເກີດມາ
ພ້ອມກັບຄວາມຮູ້ສຶກໝັ່ນໃຈຕົນເອງ ສະພາບແວດລ້ອມແລະຄົນຮອບຕົວຕ່າງຫາກທີ່ເປັນຕົວກຳນົດ ເຊັ່ນ ການລ້ຽງ-ດູຕັ້ງແຕ່ຍັງນ້ອຍ ຊຶ່ງຫາກເດັກເຕີບໂຕມາພ້ອມກັບພໍ່ແມ່ທີ່ເອົາໃຈຢ່າງດີ ສະແດງຄວາມຮັກຢ່າງເປີດເຜີຍ ເດັກກໍຈະຮູ້ສຶກວ່າຕົນເອງມີຄ່າ ມີຄວາມຫມັ້ນໃຈ ກົງກັນຂ້າມຫາກເດັກໃຫຍ່ມາພ້ອມກັບການຕຳໜິວ່າກ່າວ ພໍ່ແມ່ບໍ່ໃສ່ໃຈ ໂດນຕີເລື້ອຍ  ໆ ຫລືແມ່ນກະທັ່ງ ໂດນເພື່ອນລໍ້ລຽນ ກໍຈະຮູ້ສຶກວ່າຕົນເອງບໍ່ສຳຄັນ
ບໍ່ມີຄວາມຫມັ້ນໃຈໃນຕົນເອງແລະຕິດເປັນນິໄສເມື່ອເປັນຜູ້ໃຫຍ່

ຫາກຈະໃຫ້ແຍກວ່າຄົນໃດໝັ່ນໃຈຕົນເອງ ຄົນໃດບໍ່ໝັ່ນໃຈຕົນເອງ ສັງເກດຈາກພາຍນອກຄົງບໍ່ໄດ້ ເພາະ ບາງຄົນເວລາເຮັດວຽກເບິ່ງເປັນຄົນມຸ້ງມັ່ນ ເດັດດ່ຽວ ແຕ່ພາຍໃນກໍອາດຈະຄິດກັງວົນເປັນທຸກຢູ່ຄົນດຽວ ຊຶ່ງບໍ່ມີໃຜຮູ້ຄວາມຈິງ ໂດຍທົ່ວໄປຄົົນທີ່ຂາດຄວາມຫມັ້ນໃຈໃນຕົນເອງ ບໍ່ຮັກຕົນເອງຈະມີລັກສະນະນິໄສດັ່ງຕໍ່ໄປນີ້

• ປິດບັງຕົວຕົນໄວ້ພາຍໃນ
ເປັນປະເພດສະແດງອໍກວ່າຕົນເອງມີຄວາມຫມັ້ນໃຈໃນຕົນເອງ
ປະສົບຄວາມສຳເລັດ ແຕ່ແທ້  ໆ ຢ້ານຫລາຍ ວ່າສັກມື້ຕົວຕົນທີ່ແທ້ຈິງຂອງຕົນຈະມີຄົນຮູ້
ຄົນປະເພດນີ້ມັກຕິດຢູ່ກັບຄວາມຄິດສົມບູນແບບ ການແຂ່ງຂັນແກ່ງແຍ່ງ ແລະຢ້ານການສູນເສຍ

• ຕໍ່ຕ້ານຜູ້ອື່ນ
ເປັນປະເພດບໍ່ສົນໃຈຄວາມຄິດເຫັນຂອງຄົນອື່ນ ມັກຂັດແຍ້ງ ກັບຜູ້ບໍລິຫານຫລືກົດເກນຕ່າງ ໆ ແຕ່ແທ້  ໆ ແລ້ວເຮັດເພາະຮູ້ສຶກຮ້າຍຕົນເອງ ທີ່ເຮັດຢ່າງໃດກໍຮູ້ສຶກບໍ່ພໍ ບໍ່ມີຄວາມສຸກ

• ຄິດວ່າເປັນຜູ້ພ່າຍແພ້ສະເໝີ
ເອົາຄວາມທຸກ ຫລືຄວາມລຳບາກຂອງຕົນ ມາເປັນເກາະ ຫລືຂໍ້ອ້າງສຳລັບຕົນເອງ
ຄົນປະເພດນີ້ມັກພຶ່ງພາແຕ່ຜູ້ອື່ນ ແລະມັກຈະເຮັດສິ່ງຕ່າງ ໆ ໄດ້ຕ່ຳກວ່າທີ່ຄາດຫວັງໄວ້ເລື່ອຍໄປ

• ຄິດແບບເໝົາລວມ
ຫາກເຄີຍຜິດພາດ ຫລືລົ້ມ-ເຫລວເທື່ອໜຶ່ງແລ້ວ ກໍຄິດວ່າເທື່ອຕໍ່ ໆ ໄປກໍຈະພາດໄປຕະຫລອດ

• ປະເມີນມາດຕະຖານຕົນເອງຕ່ຳເກີນໄປ
ແທນທີ່ຈະເວົ້າເຖິງຄຸນສົມບັດດ້ານດີທີ່ແທ້ຈິງຂອງຕົນ ກໍຍົກຂໍ້ເສຍມາອ້າງ ບັ່ນທອນພາພັກສົນ໌ຕົນເອງເສຍໝົດ

• ຄິດແບບສຸດໂຕ່ງ
ຄົນປະເພດນີ້ຄິດຢູ່ພຽງສອງດ້ານ
ນັ້ນຄື ຖ້າບໍ່ດີສົມບູນພ້ອມ ກໍຂາດຄ່າ
ບໍ່ເຄີຍມີຄວາມຄິດແບບທາງສາຍກາງ

• ໂທດແຕ່ຕົວເອງ
ມັກກ່າວໂທດຕົວເອງົດມ່ຳສະເໝີ ທັງ ໆ ທີ່ບໍ່-ແມ່ນຄວາມຜິດຂອງຕົນເອງ

• ຊ່າງປຽບທຽບ
ມັກເອົາຂໍ້ດ້ອຍຕົນເອງໄປປຽບທຽບ ກັບຂໍ້ດີຂອງຄົນອື່ນ ໆ ເປັນປະຈຳ ເຮັດໃຫ້ຕົນຮູ້ສຶກແຍ່ຫລາຍຂຶ້ນ

• ຄິດໄປເອງຄົນດຽວ
ມັກສະຫລຸບວ່າຄົນນັ້ນ ຄົນນີ້ບໍ່ສົນໃຈ ຮ້າຍ ກຽດຊັງຕົນເອງແລະ ອື່ນ  ໆ ຊຶ່ງບໍ່ມີມູນຈິງເທັດວ່າອີກຝ່າຍໜຶ່ງຈະຄິດແບບນີ້ ຫລືຄາດຫວັງວ່າທຸກສິ່ງທີ່ເຮັດຈະເປັນໄປຢ່າງທີ່ຄິດທຸກປະການ

• ແບກທຸກຢ່າງໄວ້ເທິງບ່າ
ຮູ້ສຶກວ່າຕົນເອງຕ້ອງຮັບຜິດຊອບ ຈັດການທຸກຢ່າງ ເຖິງວ່າຈະເປັນເລື່ອງສຸດວິໄສ ບໍ່ສາມາດຄວບຄຸມໄດ້ ກໍຈະຮູ້ສຶກວ່າຕົນເອງໂດນລົງໂທດ ໂດນແກ້ງ

ຫາກເຈົ້າມີແນວຄິດເຊັ່ນນີ້ ຍິ່ງເຮັດໃຫ້ຮູ້ສຶກຜິດຫວັງ ທໍ້ແທ້ ບໍ່ມີຄວາມຫມັ້ນໃຈແລະຮັກຕົນເອງນ້ອຍລົງທຸກທີ ແຕ່ຈະໃຫ້ປ່ຽນຄວາມຄິດແບບປະຈຸບັນທັນດ່ວນ ຍ່ອມເປັນໄປບໍ່ໄດ້ ເພາະການປ່ຽນແປງຄວາມຄິດ ຕ້ອງໃຊ້ເວລາພໍສົມຄວນ ແລະຄ່ອຍ ໆ ປັບປ່ຽນຈົນດີຂຶ້ນເລື່ອຍ ໆ ໂດຍຫລັກຄວາມຄິດງ່າຍ ໆ ທີ່ຈະຊ່ວຍເພີ່ມຄວາມຫມັ້ນໃຈ
ແລະຮັກຕົນເອງຫລາຍຂຶ້ນ ມີ 12 ວິທີຫລັກ ໆ ດັ່ງນີ້

1. ຢ່າປຽບທຽບຕົນເອງກັບຜູ້ອື່ນ
ເປັນຫລັກການງ່າຍ ໆ ແຕ່ຫລາຍຄົນກໍຍັງເຮັດໃຈແຂງບໍ່ໄດ້ເສຍທີ ວິທີແກ້ຄື ຕ້ອງເຮັດໃຈຍອມຮັບຕົວຕົນຂອງເຮົາ ທີ່ບໍ່ອາດປ່ຽນແປງໄດ້ ເຊັ່ນ ສີຜິວ ຮູບຮ່າງແລະ ອື່ນ  ໆ
ທຸກຄົນເກີດມາຍ່ອມແຕກຕ່າງກັນ ດັ່ງນັ້ນຈົ່ງຮັກຕົນເອງ ພູູມໃຈໃນສິ່ງທີ່ເຮົາເປັນດີທີ່ສຸດ

2. ຈົ່ງປຽບກັບຄົົນທີ່ດ້ອຍກວ່າ
ສຳລັບຄົົນທີ່ກຳລັງທໍ້ແທ້ ຄິດວ່າຕົນເອງແຍ່ທີ່ສຸດແລ້ວ ໃຫ້ຫັນມາມອງຜູ້ທີ່ລຳບາກກວ່າ ຫລືຈະລອງເປັນອາສາສະໝັກ ໄປຢ້ຽມຜູ້ຍາກຂາດຂາດໂອກາດເບິ່ງນຳກໍໄດ້ ເພາະການເຮັດເຊັ່ນນີ້ນອກຈາກຈະສ້າງກຳລັງໃຈ ໃຫ້ຕົນເອງຕໍ່ສູ້ກັບຄວາມຍາກລຳບາກແລ້ວ ຍັງໄດ້ບຸນກຸສົນອີກດ້ວຍ

3. ບໍ່ໄດ້ຢູ່ຄົນດຽວໃນໂລກ
ບໍ່ຄວນຄິດວ່າບໍ່ມີໃຜເຂົ້າໃຈບັນຫາຂອງເຮົາ ຫລືບໍ່ມີໃຜສົນໃຈ ອັນທີ່ຈິງຫາກເຮົາມອງໄປຮອບດ້ານ ກໍຈະເຫັນວ່າຫລາຍຄົນຍິນດີທີ່ຈະຊ່ວຍ-ເຫລືອເຮົາ ພຽງແຕ່ວ່າເຮົາບໍ່ໄດ້ເອີ່ຍປາກຂໍຮ້ອງເທົ່ານັ້ນເອງ ແນ່ນອນວ່າຫາກເຮົາຕົກທີ່ນັ່ງລຳບາກ ແລະສິ່ງທີ່ຂໍໃຫ້ຊ່ວຍກໍບໍ່ໄດ້ເໜືອບ່າກວ່າແຮງນັກ ເຊື່ອວ່າມີຄົນເຕັມໃຈຊ່ວຍແນ່ນອນຄ່ະ

4. ເວົ້າຄຸຍກັບເພື່ອນ
ເມື່ອໃດທີ່ມີບັນຫາໜັກໃຈ ຢ່າລັງເລທີ່ຈະປຶກສາເພື່ອນສະນິດ ຫລືວ່າຫາກເກີດຂັດໃຈກັນຂຶ້ນມາ ຢ່າລັງເລທີ່ຈະເປີດອົກເວົ້າຄຸຍກັນ ຢ່າປ່ອຍຖິ້ມໄວ້ໃຫ້ເປັນບັນຫາຄາໃຈ

5. ປຶກສານັກບຳບັດ
ຫາກພົບວ່າຕົນພະຍາຍາມແກ້ໄຂວິທີຄິດແລ້ວ ແຕ່ບໍ່ສຳເລັດສັກທີ ໃຫ້ນັດເວລາເວົ້າຄຸຍກັບນັກບຳບັດ ຫລືຈິດແພດກໍໄດ້ ບໍ່ຕ້ອງຢ້ານຫລືອາຍວ່າຄົນອື່ນຈະຫາວ່າບ້າ
ເພາະຫາກປ່ອຍໃຫ້ກັງວົນໃຈຢູ່ເຊັ່ນນີ້ສຸກຂະພາບຈິດເສຍແນ່ນອນ

6. ໃຫ້ລາງວັນຕົນເອງ
ຫລັງຈາກທີ່ຜ່ານງານຍາກ ໆ ຫລືອຸປະສັກໜັກ ໆ ເຊັ່ນ ໄປທ່ອງທ່ຽວພັກຜ່ອນ ນັດສັງສັນກັບເພື່ອນຮູ້ໃຈ

7. ເກັບຄວາມພູູມໃຈລົງໃນບັນທຶກ
ໃຫ້ຈົດບັນທຶກຂໍ້ດີ ລັກສະນະເດັ່ນ ຄວາມສາມາດພິເສດ ຫລືຄວາມສຳເລັດທີ່ຕົນເອງ ພາກພູມໃຈລົງເທິງໄດອາລີ່ ຫລືສະໝຸດຈົດ ອາດເຮັດເຄື່ອງໝາຍເນັ້ນຜົນງານທີ່ເຮັດສຳເລັດ
ເພາະເມື່ອໃດທີ່ຫຍິບມາອ່ານຈະໄດ້ຊື່ນໃຈ ເກີດຄວາມພູູມໃຈໃນຄວາມສາມາດຂອງຕົນເອງ ຫລືອາດໃຊ້ວິທີປະເມີນຕົນເອງຢ່າງຍຸດຕິທຳ ໂດຍຈົດສິ່ງທີ່ຕົນເຮັດສຳເລັດໃນແຕ່ລະມື້ ແລ້ວປະເມີນອາທິດລະເທື່ອ ເພື່ອເພີ່ມຄວາມຫມັ້ນໃຈໃຫ້ຕົນເອງ

8. ເສີມຈຸດເດັ່ນລຸດຈຸດດ້ອຍ
ຢ່າລັງເລທີ່ຈະຮຽນ ຫລືເຮັດກິດຈະກຳທີ່ຕົນເອງມັກ ບໍ່ແນ່ເຈົ້າອາດຈະມີພົນສະຫວັນບາງຢ່າງ ຊ່ອນຢູ່ແບບບໍ່ຮູ້ຕົວມາກ່ອນກໍໄດ້

9. ພະຍາຍາມເຮັດກິດຈະກຳທີ່ຕົນຊື່ນມັກ
ບໍ່ຕ້ອງກັງວົນວ່າຕ້ອງໄປຕາມລຳພັງຕາບໃດ ທີ່ຍັງມັກແລະມີຄວາມສຸກກັບກິດຈະກຳນັ້ນ ໆ ເຊັ່ນ ໄປຮຽນວາດຮູບ ຮຽນພາສາຕ່າງປະເທດແລະ ອື່ນ  ໆ ນອກຈາກຈະເຮັດໃຫ້ຈິດໃຈແຈ່ມໃສ ຍັງອາດຈະໄດ້ຮູ້ຈັກເພື່ອນໃໝ່ ເຈີຄົນຫລາກຫລາຍຫລາຍຂຶ້ນ

10. ຢ່າໂທດຕົວເອງໄປເສຍທຸກເລື່ອງ
ປັບວິທີຄິດໃຫ້ມີເຫດແລະຜົນຫລາຍຂຶ້ນກວ່າເດີມ

11. ຜະເຊີນໜ້າກັບການວ່າກ່າວ
ການວ່າກ່າວນັບວ່າເປັນເລື່ອງທຳມະດາທີ່ທຸກຄົນຕ້ອງພົບເຈີ ແຕ່ສຳລັບຄົົນທີ່ຂາດຄວາມຫມັ້ນໃຈ ຈະເກີດອາການສະເທືອນໃຈຫລາຍກວ່າຄົນອື່ນ ເພື່ອຈະລົບຄວາມຮູ້ສຶກນີ້
ກ່ອນອື່ນຕ້ອງພິຈາລະນາວັດຖຸປະສົງຂອງການວ່າກ່າວ ເຊັ່ນ ຕິເພື່ອກໍ່ ຫລືອະຄະຕິ
ຫາກເຂົ້າຂ່າຍປະເດັນຫລັງ ຢ່າເກັບມາໃສ່ໃຈ ເພາະຈະຍິ່ງບັ່ນທອນຄວາມຫມັ້ນໃຈໃຫ້ລຸດນ້ອຍລົງໄປອີກ ແຕ່ຫາກເປັນເຫດຜົນແຮກ ໃຫ້ຍິ້ມສູ້ ຮັບຟັງ ແລະກ່າວຂອບໃຈ ນຳຄຳຕິນັ້ນມາປັບ-ປຸງພັດທະນາຕົນເອງ

12. ເບິ່ງ-ແຍງສຸກຂະພາບຕົນເອງ
ພະຍາຍາມອອກກຳລັງກາຍົດມ່ຳສະເໝີ ກິນອາຫານທີ່ມີປະໂຫຍດ ປິ່ນປົວຄວາມສະອາດ
ນອນຫລັບພັກຜ່ອນໃຫ້ພຽງພໍ ວິທີເບິ່ງ-ແຍງຕົນເອງເຊັ່ນນີ້ນອກຈາກຈະໃຫ້ບຸກຄະລິກກະພາບເບິ່ງດີຂຶ້ນແລ້ວ ຍັງເຮັດໃຫ້ຈິດໃຈແຈ່ມໃສອີກດ້ວຍ ບໍ່ໃຫ້ຈິດໃຈຈົດຈໍ່ ໝົກມຸ່ນຢູ່ກັບຂໍ້ດ້ອຍຂອງຕົນເອງຫລາຍໄປ ການປ່ຽນແປງຄວາມຄິດຕົນເອງເພື່ອເພີ່ມຄວາມຫມັ້ນໃຈ ອາດເບິ່ງຍາກ ແລະໃຊ້ຄວາມອົດທົນພໍສົມຄວນ ແຕ່ຄວາມຫມັ້ນໃຈນີ້ເອງຈະເຮັດໃຫ້ເຈົ້າມີຄວາມສຸກກັບຊີວິດ ກາຍເປັນຄົນໃໝ່ທີ່ຮັກແລະພໍໃຈກັບສິ່ງທີ່ເຈົ້າເປັນ

ເກັດຄວາມຮູ້ ວິທີຈັດການ ຮອຍເປື້ອນ ເທິງເສື້ອຜ້າ

ຂຽນເມື່ອ: ທ.ວ.. 5, 2009 | ມີ 0 ຄຳເຫັນ ແລະ 0 trackback(s)

ໜວດໝູ່: ຄວາມຮູ້ທົ່ວໄປ

ເປື້ອນຢາ ກຳລັງກິນຢາແລ້ວເຮັດຢາຫະກົດເສື້ອ ໃຫ້ໃຊ້ນ້ຳເຢັນ ໆ ລ້າງອອກ ຈາກນັ້ນຊັກຜ້າຕາມປົກກະຕິ
ເປື້ອນບຽລ໌ ກຳລັງຊົດບຽລ໌ຫລືກຳລັງລິນບຽລ໌ໃຫ້ສຸດທີ່ຮັກ ແຕ່ບຽລ໌ເຈົ້າກຳດັນຫົດລົດເສື້ອຜ້າ ໃຫ້ເຈົ້າຮີບໃຊ້ຜ້າຊື້ນຖູອອກໂດຍໄວຫລືໃຊ້ນ້ຳລ້າງອອກ ຈາກນັ້ນຊັກຜ້າຕາກປົກກະຕິ
ເປື້ອນເລືອດ ເນື່ອງຈາກເລືອດມີໂປຕີນ ຈຶ່ງບໍ່ຄວນໃຊ້ນ້ຳຮ້ອນເຊັດລ້າງ ຄວນໃຊ້ນ້ຳເຢັນແລະສະບູ່ລ້າງອອກ ຫາກເປັນຜ້າບໍ ໃຫ້ໃຊ້ແອນກໍຮອລ໌ຄ່ອຍ ໆ ເຊັດຢ່າງລະວັງ ເປື້ອນນ້ຳດຳ ໃຫ້ໃຊ້ຜ້ານຸ່ມກັບນ້ຳສະບູ່ເຊັດຖູອອກຫລືໃຊ້ຜ້າຊື້ນເຊັດ ຈາກນັ້ນຊັກຜ້າຕາມປົກກະຕິ
ເປື້ອນນ້ຳຢາດັບກິ່ນຕົວ ສາວ ໆ ໜຸ່ມ ໆ ມັກມີບັນຫາກັບການທີ່ນ້ຳຢາດັບກິ່ນຕົວເປື້ອນຕິດເສື້ອຜ້າ ໂດຍສະເພາະຮັກແລ້ ວິທີແກ້ໄຂກໍຄື ໃຫ້ໃຊ້ນ້ຳສົ້ມສາຍຊູເຈືອຈາງລ້າງບໍລິເວນທີ່ເປື້ອນອອກໂດຍໃຊ້ມື ຈາກນັ້ນຊັກຜ້າໄດ້ຕາມປົກກະຕິ

ໃຜທີ່ເຈີຮອຍເປື້ອນແບບນີ້ແລ້ວ ຊັກບໍ່ອອກ ລອງໃຊ້ວິທີທີ່ນຳມາຝາກນີ້ເບິ່ງເດີ

ໄຊ ບໍລິຄຳໄຊ

ເບິ່ງທັງໝົດ

ອ່ານຄືນຫຼັງ

2013 (2)
2011 (1)
2010 (4)
2009 (32)

ໝວດໝູ່

ໝາຍເຫດ: ບົດຄວາມ, ຂໍ້ຂຽນ, ຄຳເຫັນຕ່າງ ໆ ທີ່ມີໃນໜ້ານີ້ ຖືກສົ່ງເຂົ້າມາໂດຍສາທາລະນະຊົນ ແລະຖືກເຜີຍແຜ່ໂດຍອັດຕະໂນມັດ ບໍ່ໄດ້ຜ່ານການກວດສອບຈາກທີມງານ ດັ່ງນັ້ນ ຈຶ່ງຂໍໃຫ້ທ່ານຜູ່ອ່ານຈົ່ງໃຊ້ວິຈາລະນະຍານ ແລະຖືຄະຕິ ກາລາມະສູດ : ພິຈາລະນາກ່ອນເຊື່ອ ໃນການຮັບຮູ້ຂໍ້ມູນຕ່າງ ໆ ທີ່ມີໃນໜ້າເວັບນີ້ ຫາກທ່ານພົບວ່າມີຂໍ້ຄວາມໃດທີ່ບໍ່ເໝາະສົມ ຫຼືຜິດຕໍ່ລະບຽບກົດໝາຍ ທ່ານສາມາດແຈ້ງເນື້ອຫາບໍ່ເໝາະສົມໄດ້ ຫຼືຕິດຕໍ່ທີມງານພັນລາວໂດຍກົງ ຂໍຂອບໃຈ.