ໄດອາຣີ່ຂອງ ໄຊ ບໍລິຄຳໄຊ: ຖ້າຄວາມຮັກ ເຮັດໃຫ້ເຮົາຮ້ອງໄຫ້

ຂຽນເມື່ອ: ທ.ວ.. 5, 2009 | ມີ 2 ຄຳເຫັນ ແລະ 0 trackback(s)

ຄວາມ ຊົງຈຳເປັນສິ່ງທີ່ມີຄ່າຫລາຍສຳລັບຄົນບາງຄົນ ໂດຍສະເພາະຄົົນທີ່ມີເວລາດີໆ ທີ່ໃຊ້ກັບຄົນຮັກ ຍິ່ງເປັນຊ່ວງເວລາທີ່ຫລາຍຄົນອິດສາ ຕ້ອງເກັບໄວ້ໃນຄວາມຊົງຈຳ ຕ້ອງຖະນອມເບິ່ງແຍງໃຫ້ດີ ຫລາຍຄົນຈຶ່ງບໍ່ອາດຕັດໃຈຈາກວັນເກົ່າໆໄດ້ ເພາະວ່າມີຄວາມສຸກກັບການໄດ້ຄິດເຖິງສີ່ງດີໆທີ່ຜ່ານໄປ ໂດຍລືມນຶກໄປວ່າສິ່ງທີ່ຜ່ານໄປແລ້ວຈະບໍ່ມີວັນຍ້ອນກັບຄືນມາໄດ້ອີກ ຫາກຈະຕ້ອງຕັດໃຈລືມ ຫລື ຍ່າງຈາກອະດີດມາກໍບໍ່ໄດ້ອີກ ເພາະເຫດຜົນທີ່ວ່າ “ເສຍດາຍເວລາ” ທີ່ຄົບກັນມາ

ບາງຄົນຄົບກັນມາດົນຈົນຈຳບໍ່ໄດ້ວ່າ ເຄີຍຍິ້ມໃຫ້ກັບຄວາມຮັກເທື່ອສຸດທ້າຍມື້ໃດ ເພາະພາຍຫລັງມາກໍຢູ່ແຕ່ກັບຄວາມທຸກ ຈົນນຶກພາບຄວາມສຸກບໍ່ອອກແຕ່ທີ່ບໍ່ກ້າເລີກເພາະຍັງຄິດເຖິງວັນເກົ່າ ໆ ແຕ່ເສຍດາຍເວລາທີ່ຄົບກັນມາດົນ ໂດຍບໍ່ຄິດເລີຍວ່າ ທຸກໆມື້ຂອງມື້ນີ້ ມື້ອື່ນ ແລະມື້ຕໍ່ ໆໄປ ກໍຈະກາຍເປັນພຽງວັນເກົ່າ ໆ ທີ່ໜ້າເສຍດາຍ ແລະ…ເວລາທີ່ໜ້າເສຍດາຍກໍຈະເພີ່ມຂຶ້ນ ໆ

ຄວາມຈິງແລ້ວ ວັນຄືນໃນອະດີດ ບໍ່ໄດ້ສ້າງປະໂຫຍດຫຍັງໃຫ້ກັບເຮົາເລີຍ ນອກຈາກມີໄວ້ໃຫ້ ນຶກເຖິງອາດຈະເຮັດໃຫ້ເຮົາຍິ້ມໄດ້ນຳ ແຕ່ເຮັດໃຫ້ເຮົາຄາດຫວັງບໍ່ໄດ້
ເຮົາຈະໄປຫວັງວ່າມື້ໜຶ່ງ ມື້ເຫລົ່ານັ້ນຈະກັມາຫລືຈະໄປເຝົ້າຝັນວ່າຄວາມສຸກເຫລົ່ານັ້ນຍັງຄົງເປັນປະຈຸບັນ ຫລື ຕົວະຕົວເອງວ່າຕອນນີ້ທຸກຢ່າງຍັງຄົງເປັນເໝືອນເດີມ ຈະແນວໃດກໍແລ້ວແຕ່ຄືການຕົວະຕົວເອງທັງນັ້ນ ຍອມຮັບໄດ້ແລ້ວວ່າທຸກຢ່າງໄດ້ຜ່ານໄປແລ້ວ ແລະຈົບໄປແລ້ວ ຄວາມຊົງຈຳເປັນພຽງພາບພວງຕາເທົ່ານັ້ນ ເວລາທີ່ຜ່ານມາບໍ່ວ່າຈະ 1 ປີ 5 ປີ ຫລືສິບປີ ກໍບໍ່ໄດ້ມີຄວາມຫມາຍຫລາຍໄປກວ່າ.. ໜຶ່ງວັນຂ້າງຫນ້າທີ່ເຮົາຈະຕ້ອງມີຊີວິດໃຫມ່ ທີ່ເຮົາຈະຕ້ອງເລີ່ມຕົ້ນໃໝ່

ເມື່ອຄົນເຮົາຕ້ອງຢູ່ກັບປະຈຸບັນ ເພື່ອທີ່ຈະສ້າງອະນາຄົດໃຫ້ຕົວເອງໄດ້ຢູ່ໃນອະນາຄົດທີ່ດີ ເວລາ 10 ປີ ກັບວັນຄືນທີ່ເຄີຍຫວານຊື່ນ ບໍ່ໄດ້ຍິ່ງໃຫຍ່ໄປກວ່າ 1 ມື້ແຫ່ງການເລີ່ມຕົ້ນ 1 ມື້ແຫ່ງການແປປ່ຽນຊີວິດຂອງເຮົາທັງຊີວິດໃຫ້ດີກວ່າທີ່ເປັນ

“ຫາກຈະເສຍດາຍເວລານະ ບໍ່ຕ້ອງເສຍດາຍເວລາທີ່ຄົບກັນມາ ໃຫ້ເສຍດາຍເວລາໃນມື້ຂ້າງໜ້າ ທີ່ຈະອົດທົນຄົບໄປທັງທີ່ບໍ່ມີຫຍັງແລ້ວຈະດີກວ່າ
ແລ້ວຍັງຈະມາເສຍດາຍກັບອະດີດ.. ຄິດເບິ່ງດີ ໆ ວ່າເສຍດາຍອະນາຄົດ ດີກວ່າບໍ”

ກັບໄປໄດອາຣີ່ຂອງ ໄຊ ບໍລິຄຳໄຊ

ແຈ້ງເນື້ອຫາບໍ່ເໝາະສົມ

ໄຊ ບໍລິຄຳໄຊ

ເບິ່ງທັງໝົດ

ອ່ານຄືນຫຼັງ

2013 (2)
2011 (1)
2010 (4)
2009 (32)

ໝວດໝູ່

ໝາຍເຫດ: ບົດຄວາມ, ຂໍ້ຂຽນ, ຄຳເຫັນຕ່າງ ໆ ທີ່ມີໃນໜ້ານີ້ ຖືກສົ່ງເຂົ້າມາໂດຍສາທາລະນະຊົນ ແລະຖືກເຜີຍແຜ່ໂດຍອັດຕະໂນມັດ ບໍ່ໄດ້ຜ່ານການກວດສອບຈາກທີມງານ ດັ່ງນັ້ນ ຈຶ່ງຂໍໃຫ້ທ່ານຜູ່ອ່ານຈົ່ງໃຊ້ວິຈາລະນະຍານ ແລະຖືຄະຕິ ກາລາມະສູດ : ພິຈາລະນາກ່ອນເຊື່ອ ໃນການຮັບຮູ້ຂໍ້ມູນຕ່າງ ໆ ທີ່ມີໃນໜ້າເວັບນີ້ ຫາກທ່ານພົບວ່າມີຂໍ້ຄວາມໃດທີ່ບໍ່ເໝາະສົມ ຫຼືຜິດຕໍ່ລະບຽບກົດໝາຍ ທ່ານສາມາດແຈ້ງເນື້ອຫາບໍ່ເໝາະສົມໄດ້ ຫຼືຕິດຕໍ່ທີມງານພັນລາວໂດຍກົງ ຂໍຂອບໃຈ.