ພໍ່ເຖົ້າອອກອຸບາຍໄວ້ ..... ແກ້ງເຂີຍໃຫມ່ໃຫ້ອຽມອາຍ
ບອກເມັຍຕົນຕົ້ມໄຂ່ເປັດ ... ເຮັດກິນແລງຢ່າລວນລ້າວ
ບິໄຂ່ເປັດໃສ່ໃນຖ້ວຍ ....... ແຖມຈາເຕືອນຕ້ານກ່າວ
ຄຳເຂົ້າໃຜຕ້ອງຈຸ່ມຈ້ຳ .....ຂອງກິນຫນ້ອຍຢ້ານບໍ່ພໍ ວານາ

ເຂີຍເອົາຄຳເຂົ້າຈ້ຳ ........ຕາມຄຳພໍ່ໄຂຂານ
ພໍ່ເຖົ້າຫານຜິດຄຳ ......... ຄຸ້ຍກິນເອົາເຊິງເລິງລໍ້
ເຂີຍບໍ່ພໍໃຈທ້ວງ ........... ບໍ່ເຫັນຈ້ຳເອົານໍອີ່ພໍ່ ເຈົ້ານັ້ນ!
ພໍ່ເຖົ້າຕອບ ພໍ່ມັນຊອບມັກຄຸ້ຍ .... ເຂີຍເຈົ້າຢ່າກ່າວຈາ

ເຂີຍຄຸ້ນຄິດຢາກຮ້າຍ ....... ອອກເດດທັນຄວັນ
ຈົກເຂົ້າອອກຈາກຕິບ ....... ບ່າຍໃສ່ມືເຕັມງ້າງ
ເທໄຂ່ລົງເທິງເຂົ້າ .......... ບໍ່ເຫລືອຮອດເງົາປະຖ້ວຍເປົ່າ
ພໍ່ເຖົ້າເຫັນແຜດເວົ້າ........ ສິກິນແຕ່ເຈົ້າອີ່ມຜູ້ດຽວ ເປັນບໍ?

ລູກເຂີຍກ່າວຕອບຕ້ານ ....... ດອມພໍ່ພາງຫົວ
ເຮົານີ້ ບໍ່ແມ່ນແນວນາມມັກ ....ໃຫ້ຈ້ຳກິນເອົາຄຳຄຸ້ຍ
ແຕ່ໃດ ພໍເຖິງຍາມກິນເຂົ້າ .. ເຮົາກິນແສນລຽບງ່າຍ ແທ້ເດ໋
ຄັນວ່າ ຄັນບໍ່ໄດ້ບ່າຍເຂົ້າ .... ເຮົານີ້ອີ່ມບໍ່ເປັນ ພໍ່ເອີຍ !!