ຂຽນເມື່ອ: ມ.ນ.. 14, 2010
| ມີ
20 ຄຳເຫັນ
ແລະ
0 trackback(s)
ເພື່ອນໃນໄວເດັກ
ເລື່ອງນີ້ເປັນເລື່ອງເມື່ອ 17 ປີກ່ອນ ຕອນສະໄໝທີ່ຂ້າພະເຈົ້າຍັງນ້ອຍ ຂິຂຸ ແລະ ໄຮ້ດຽງສາວ ມີອາຍຸໄດ້ປະມານ 2 ຫາ 3 ປີ ພໍແມ່ໄດ້ພາໄປເຂົ້າໂຮງຮຽນອະນຸບານ ແຫ່ງໜື່ງຢູ່ບ້ານປ່ອງຄຳ ເມື່ອງຫຼວງພະບາງ ແຂວງຫຼວງພະບາງ ມີຊື່ວ່າ ໂຮງຮຽນອານຸບານປ່ອງຄຳ ປູ່ຂອງຂ້າພະເຈົ້າຈະມັກເປັນຄົນສົ່ງໄປໂຮງຮຽນ ເກືອບທຸກມື້
“ວ່າແລ້ວກະຄິດຮອດປູ່ທີລ່ວງລັບໄປແລ້ວ(T-T)” ເປັນໂຮງຮຽນທີ່ອຸດົມໄປດ້ວຍອຸປະກອນການຫຼີ້ນ ຕ່າງໆນາໆ ສຳລັບເດັກນ້ອຍ ໄຮ້ດຽງສາວແບບຂ້າພະເຈົ້າ ແຕ່ແລ້ວເລື່ອງມັນເກີດຂື້ນໃນແລງມື້ນື່ງ ໄດ້ປາກົດມີໝູ່ໃໝ່ຜູ້ນື່ງເຂົ້າມາຫຼີ້ນນຳແລ້ວໂຕເຮົາເອງເມື່ອໄດ້ຫຼີ້ນນຳລາວແລ້ວຮູ້ສຶກວ່າຕິດລາວ ເພາະເວລາໄດ້ຫຼີ້ນກັບລາວແລ້ວຮູ້ສຶກມ່ວນແບບບໍ່ເຄີຍມີໝູ່ຜູ້ໃດຢູ່ໃນໂຮງຮຽນນັ້ນທຽບເທົ່າ ແລ້ວໄດ້ຫຼີ້ນນຳລາວຈົນນາທີສຸດທ້າຍທີ່ເລີກຮຽນ ຈົນຮູ້ສຶກບໍ່ຢາກກັບບ້ານຢາກຫຼີ້ນນຳລາວຕໍ່ ເພາະມັນມ່ວນອີ່ຫຼີ່ ແຕ່ງານລຽງກໍ່ຕ້ອງມີເລີກເຊັ່ນກັນ “ຈື່ມາຈາກໜັງຈີນ” ອົດໃຈໄວ້ມາຫຼີ້ນນຳລາວໃນມື້ອື່ນ.
ພໍມື້ຕໍ່ມາຫຼັງຈາກທີ່ມາຮອດໂຮງຮຽນປຸບກໍ່ໄປຊອກຫາລາວ ແຕ່ບໍ່ເຫັນໄປຖາມໝູ່ຄົນອື່ນເຂົາເຈົ້າກໍ່ບໍ່ຮູ້ຈັກ ເລີຍສົງໄສລາວອາດຈະບໍ່ສະບາຍເລີຍບໍ່ມາຮຽນ ແຕ່ແລ້ວຈົນຮອດໂມງທີ່ສາວຄູຕ້ອງໃຫ້ນອນໃນຕອນບ່າຍ “ໂຮງຮຽນອານຸບານໃນຕອນບ່າຍ 1 ຫາ 2 ໂມງ ສາວຄູຊິໃຫ້ນັກຮຽນນອນ” ຂ້ອຍເລີຍຖາມສາວຄູວ່າ “ສາວຄູເຫັນ ທ້າວ ກ ມາຮຽນບໍ່” (ບໍ່ຈື່ຊື່ລາວແລ້ວເລີຍໃສ ທ້າວ ກ ນາມສົມມຸດ) ສາວຄູຕອບວ່າ “ບໍ່ມີ ທ້າວ ກ ໃນໂຮງຮຽນ” ຫຼັງຈາກນັ້ນເຮົາກໍ່ບໍ່ໄດ້ສົນໃຈຫຍັງທີກ່ຽວກັບ ທ້າວ ກ ອີກເລີຍ
ມາຄຶດຄືນດຽວນີ້ກໍ່ຍັງສົງໄສວ່າ ລາວແມ່ນໃຜ ເລິຍເຮັດໃຫ້ຂົນໜາວແຕກຢູ່ບ່ອນວ່າ ໃນໂຮງຮຽນນັ້ນໝູ່ຄົນອື່ນກໍ່ບໍ່ຮູ້ຈັກລາວ ສາວຄູກໍ່ບໍ່ຮູ້ຈັກ ທັ້ງທີ່ຫ້ອງຮຽນກໍ່ມີຫ້ອງດຽວໃນສະໄໝນັ້ນ ແລ້ວນັກຮຽນກໍ່ບໍ່ຫຼາຍ ສາວຄູເອງກໍ່ຈື່ຊື່ນັກຮຽນທຸກຄົນໄດ້
ຖ້າຈັງຊີ້ແລ້ວມື້ນັ້ນຄົນທີ່ເຮົາຫຼີ້ນນຳແລະຮູ້ຈັກນັ້ນແມ່ນໃຜ
ເພື່ອນໃນໄວເດັກ ນັ້ນ ເປັນຄວາມຈິງ ຫຼື ຄວາມຝັນ
ຖ້າເປັນຄວາມຈິງ ລາວ ເປັນຄົນ ຫຼື ຜີ
ໜວດໝູ່:
