ຖ້າ​ຮູ້​ຕົວ​ວ່າ “ບໍ່​ໂສດ”

ໂປດ​ຢ່າ​ມາ​ໃຫ້ “ຄວາມ​ຫວັງ” ໃຜ
ຖ້າ​ຮູ້​ຕົວ​ວ່າ “ບໍ່​ພ້ອມ​ຈະ​ມີ​ໃຜ”
ຢ່າ​ມາ​ເຮັດໃຫ້ “ຫວັ່ນ​ໄຫວ”
ດ້ວຍ​ການເຮັດ​ເໝືອນ “ຫ່ວງ​ໃຍ”
ທັງ​ທີ່​ບໍ່​ໄດ້​ຄິດ​ຈະ “ຮັກ​ໃຜ” ແບບຈິງໃຈ

ເຈົ້າຜູ້ແນວນາມເຊື້ອ...........ລາຊະນີຜູ້ສູງສົ່ງ
ປຽບດັ່ງຫົງເຫີນຟ້າ...........ກາດໍານ້ອຍຜູ້ສ່ອງນໍາ
ຈຶ່ງທົນຈໍາເອົາໄວ້...............ໃນຫົວໃຈ ມາປັ່ນປ່ວນ
ບໍ່ຄູ່ຄວນດອກນ້ອງ............ສອງເຮົານັ້ນ ຕ່າງຕະກຸນ...ແທ້ນາ
ໃນຫົວໃຈຈຶ່ງເກີດວຸ້ນ..........ເຄີຍມີຮັກມານໍາກັນ
ເຄີຍສໍາພັນກັນມາດົນ.........ຈົນຫມູ່ຄົນເຂົາເວົ້າ
ໄປໃຝ່ຝັນນໍາເຊື້ອເຈົ້າ..........ເຮົາພໍພຽງເປັນນາມໄພ່
ບໍ່ຫວັງຄິດວ່າຊິໄດ້.............ເອົາມາຊ້ອນຮ່ວມຮຽງ....ໄດ້ແລ້ວ
ຄວາມຕັ້ງໃຈເລີຍຫມົດສ້ຽງ...ຈຶ່ງຂໍໂບກມືລາ
ວາດສະໜາກາດໍາ..............ບໍ່ຄູ່ຄວນນໍາຫົງໄດ້
ເຮົາເປັນພຽງນາມໄພ່..........ຊາວໄຮ່ນາຄົນຕ້ອຍຕໍ່າ
ບຸນບໍ່ນໍາສົ່ງໃຫ້.................ຕົວອ້າຍເອື້ອມບໍ່ເຖິງ....ນ້ອງແລ້ວ.