ໄດອາຣີ່ຂອງ ◕‿◕ຢາກມີແຟນ◕‿◕: [ຄຳຄົມ-ກອນມ່ວນໆ] ເກມແຫ່ງຄວາມຮັກ

ຂຽນເມື່ອ: ມ.ນ.. 25, 2011 | ມີ 2 ຄຳເຫັນ ແລະ 0 trackback(s)

ຄວາມ
ຮັກເປັນທຳມະຊາດຂອງຄົນທີ່ມີຈິດປົກກະຕິຈະຕ້ອງມີດ້ວຍກັນທຸກຄົນ
ແລະດ້ວຍຄວາມຮັກເຮັດໃຫ້ສັງຄົມມະນຸດປະກອບວຽກງານສຳເລັດໄດ້
ຈະ
ເຂົ້າກັບຄຳພັງເພີຍທີ່ວ່າ:ຍາມຮຽນຢ່າຮຽນຮັກ ແຕ່ພໍຄິດຄັກໆຮັກ
ແນ່ຮຽນນຳ ຄົນເຮົາສ່ວນຫລາຍທຳງານດ້ວຍຄວາມຮັກ
ແລະເພື່ອຄົນທີ່ເຮົາຮັກມັກຈະເຮັດໄດ້ແລະບໍ່ຮູ້ຈັກອິດເມື່ອຍ
ຫຼືຈະເຂົ້າກັບຄຳເວົ້າທີ່ວ່າ”ທີ່ໃດມີຮັກທີ່ນັ້ນມີທຸກ ຫຼື
ທີ່ໃດມີຮັກທີ່ນັ້ນບໍ່ມີທຸກ”ເພາະວ່າຄວາມຮັກເປັນຢາຊູກຳລັງ
ປຸກໃຈໃຫ້ຕໍ່ສູ້ ເຖິງວ່າວຽກງານນັ້ນ ຈະລຳບາກພຽງໃດກໍທົນສູ້ໄດ້
ເພາະວ່າເພື່ອ”ຄວາມຮັກ”
ຄວາມຮັກນັ້ນ
ນັກຄິດນັກຂຽນກ່າວໄວ້ວ່າ:ຊີວິດຂອງຄົນເຮົາຈະມີຣົດຊາດດີເປັນຢ່າ
ວິຕາມິນຫຼືມີຄວາມຂົມຂື່ນ ຊີວິດຈືດໆຈາງໆ
ນັ້ນແມ່ນຂື້ນຢູ່ກັບຄວາມຮັກ
ຊີວິດ ປຽບເໝືອນເຮືອນຄົວ
ຖ້າເຮືອນຄົວທີ່ບໍ່ມີນ້ຳຕານ,ເກືອກໍບໍ່ແມ່ນເຮືອນຄົວ
ການປຸງແຕ່ງອາຫານໃຫ້ແຊບນົວ ຕ້ອງໃສ່ນ້ຳຕານແລະເກືອຖ້າຂາດນ້ຳຕານ
ຂາດເກືອແລ້ວອາຫານຈະບໍ່ແຊບນົວ
ດັ່ງນັນ
ນ້ຳຕານ,ເກືອຈິ່ງເປັນສິ່ງສຳຄັນໃນການປຸງອາຫານໃນເວລາດຽວກັນ
ນ້ຳຕານ ແລະ ເກືອກໍໃຫ້ໂທດເປັນພິດເປັນໄພ
ແກ່ຄົນເຮົາຫລາຍເໝືອນກັນໂລກເຈັບປ່ວຍໄຂ້ຂອງຄົນເຮົາມີຫລາຍໂລກ
ອັນທີ່ມີສາເຫດກິນເກືອນ້ຳຕານຫລາຍເກີນໄປ ບາງຄົນກໍບອກວ່າ
ນ້ຳຕານມີແຕ່ໂທດບໍ່ມີປະໂຫຍດເລີຍ
ແຕ່ຮ່າງກາຍຂອງຄົນເຮົາກໍຕ້ອງການນ້ຳຕານໃນປະລິມານທີ່ເໝາະສົມ
ຊີວິດທີ່ປາສະຈາກຄວາມຮັກບໍ່ແມ່ນຊີວິດເໝືອນເຮືອນຄົວ
ທີ່ບໍ່ມີນ້ຳຕານ,ເກືອ ຈະບໍ່ເປັນເຮືອນຄົວ
ສິ່ງສຳຄັນທີ່ສຸດໃນຊີວິດຄືຄວາມຮັກ ຄວາມຮັກຄືຊີວິດ
ຊີວິດຄືຄວາມຮັກແລະຄວາມທຸກຂອງຊີວິດເກີດຈາກຄວາມຮັກເຊັ່ນກັນ
ຈົນບາງຄັ້ງເບິ່ງເໝືອນກັບວ່າ
ຄວາມຮັກຄືຄວາມທຸກບາງຄົນທຸກຫລາຍທຳໃຈບໍ່ໄດ້
ຈົນເຖິງຂ້າກັນຕາຍທຳລາຍຊີວິດຕົນເອງກໍ່ມີຫລາຍທຸກຍຸກທຸກສະໄໝ
ຖ້າເປັນເຊັ່ນນັ້ນກໍເຂົ້າກັບຄຳຄົມທີ່ວ່າ:"ທີ່ໃດມີຮັກ
ທີ່ນັ້ນມີທຸກ"ເພາະຮັກບໍ່ເປັນຈິ່ງເປັນທຸກ ອັນອຳນາດແຫ່ງຄວາມຮັກ
ເຮັດໃຫ້ຄົນຕາບອດໄດ້ຄວາມຮັກນັ້ນ ມີພະລັງແຮງມະຫາສານ
ມີອຳນາດທີ່ຍິ່ງໃຫຍ່ອຳນາດຂອງຄວາມຮັກທຳໃຫ້ຄົນຕາບອດໄດ້
ຖ້າບໍ່ມີສະຕິ
ເໝືອນມີເລື່ອງທີ່ເຂົາເລົ່າກັນວ່າ:ຊາຍຄົນໜຶ່ງຖຶກຈັບເຂົ້າຮ່ວມ
ຫຼິ້ນເກມແຫ່ງຄວາມຮັກ
ໂດຍມີກະຕິກາວ່າໃຫ້ແຕ່ລະຄົນ,ຍິງ-ຊາຍຫຼັບຕາໄຕ່ຂົວໄມ້ລຳດຽວ
ຖ້າໄປຮອດພາກນັ້ນໂດຍບໍ່ຕົກຂົວສະແດງວ່າຄວາມຮັກຂອງທ່ານທີ່ມີ
ຢູ່ໃນປັດຈຸບັນ ແມ່ນເນື້ອຄູ່ກັນແທ້ໆ
ມີຜູ້ໄຕ່ໄປກ່ອນແລ້ວ 20ຄູ່ລ້ວນແຕ່ຕົກຂົວໝົດ
ແຕ່ຊາຍຄົນນັ້ນຜູ້ດຽວທີ່ໄຕ່ຈົນຮອດຝັ່ງນັ້ນໄດ້ຢ່າງປອດໄພ
ຫລາຍຄົນຫຸ້ມມາຖາມລາວ
ວ່າເຮັດຢ່າງໃດຈິ່ງໄຕ່ສຸດຂົວມາຮອດຝັ່ງນີ້ໄດ້
ຊາຍຄົນນັ້ນຕອບວ່າ ຂ້ອຍມືນຕານ້ອຍຍ່າງມາ........
ອັນນີ້ແລະອຳນາດແຫ່ງຄວາມຮັກເຮັດໃຫ້ຄົນຕາບອດໄດ້
ຖ້າເພື່ອຄວາມຮັກ ເຂົາທຳໄດ້ທຸກຢ່າງ
ເໝືອນຄົນຫຼິ້ນເກມແຫ່ງຄວາມຮັກຖ້າບໍ່ມືນຕາເບິ່ງທາງ
ເຮົາອາດຈະຕົກຂົວແລະເຮັດໃຫ້ເກີດບາດເຈັບໄດ້
ເພາະເຮົາບໍ່ຮູ້ວ່າ
ຊິຕົກລົງທ່າໃດແລະກໍບໍ່ເຫັນເບື້ອງລຸ່ມວ່າມີຫຍັງແນ່ຖ້າເຮົາມືນ
ຕາຈະໄດ້ມອງເຫັນແລະຫຼົບຫຼີກທັນຈິ່ງຈະບໍ່ເຈັບໂຕຫລາຍ
ນີ້ປຽບຄວາມຮັກຖ້າເຮົາຮັກເປັນເຮົາຈະເບິ່ງໂລກກວ້າງໆໄວ້
ຖ້າເຮົາຮັກຈິງເມື່ອການເງິນການງານບໍ່ພ້ອມບໍ່ຄວນປ່ອຍໃຫ້ອຳນາດ
ແຫ່ງຄວາມຢາກເຂົ້າມາຄອບງຳຈິດໃຈເຮົາຈົນເຮັດໃຫ້ຕາເຮົາມືດມົວ
ບໍ່ສະຫວ່າງຈົນບໍ່ເຫັນຄວາມດີຄວາມງາມຂອງຜູ້ໃຫຍ່ທີ່ຫວັງດີ
ຄືຖ້າອາຍຸຢູ່ໃນເກນໄວໜຸ່ມ
ກໍບໍ່ຄວນໃຫ້ສຸກກ່ອນເຫີ່ມຄວນລໍຖ້າໃຫ້ຮອດເວລາທີ່ເໝາະສົມ
ຖ້າ
ເຮົາຄິດໄດ້ແບບນີ້ເພີ່ນໝາຍວ່າເຮົາຮັກເປັນ
ແລະເຮັດໃຫ້ຄວາມຮັກເປັນຢາວິຕາມິນC ປຽບເໝືອນຊາຍຄົນນັ້ນທີ່ສະຫລາດເວລາໄຕ່ຂົວແອບມືນຕາເບິ່ງທາງໄປ
ຈິ່ງຍ່າງໄດ້ຢ່າງທຸ່ນທ່ຽງແລະບໍ່ຕົກຖ້າເຮັດໄດ້ແບບນີ້
ມັນຈະເຂົ້າກັບຄຳຄົມທີ່ວ່າ”ທີ່ໃດມີຮັກທີ່ນັ້ນບໍ່ມີທຸກ” ເພາະວ່າຄວາມຮັກຄືຄວາມປາຖະໜາດີຕໍ່ກັນໂດຍບໍ່ມີສານພິດຄືກິເລດ
ມາເຈືອປົນ ຄືບໍ່ໃຫ້ອຳນາດແຫ່ງກາມມະລາຄະມາບັງຕາ
ຈິ່ງເປັນຄວາມຮັກທີ່ບໍລິສຸດ
ສົດໃສເຮັດໃຫ້ທຸກຊີວິດມີຣົດຊາດແລະມີຊີວິດຊີວາ......

ກັບໄປໄດອາຣີ່ຂອງ ◕‿◕ຢາກມີແຟນ◕‿◕

ແຈ້ງເນື້ອຫາບໍ່ເໝາະສົມ

◕‿◕ຢາກມີແຟນ◕‿◕

ເບິ່ງທັງໝົດ

ອ່ານຄືນຫຼັງ

2013 (1)
2012 (2)
2011 (30)

ໝວດໝູ່

ໝາຍເຫດ: ບົດຄວາມ, ຂໍ້ຂຽນ, ຄຳເຫັນຕ່າງ ໆ ທີ່ມີໃນໜ້ານີ້ ຖືກສົ່ງເຂົ້າມາໂດຍສາທາລະນະຊົນ ແລະຖືກເຜີຍແຜ່ໂດຍອັດຕະໂນມັດ ບໍ່ໄດ້ຜ່ານການກວດສອບຈາກທີມງານ ດັ່ງນັ້ນ ຈຶ່ງຂໍໃຫ້ທ່ານຜູ່ອ່ານຈົ່ງໃຊ້ວິຈາລະນະຍານ ແລະຖືຄະຕິ ກາລາມະສູດ : ພິຈາລະນາກ່ອນເຊື່ອ ໃນການຮັບຮູ້ຂໍ້ມູນຕ່າງ ໆ ທີ່ມີໃນໜ້າເວັບນີ້ ຫາກທ່ານພົບວ່າມີຂໍ້ຄວາມໃດທີ່ບໍ່ເໝາະສົມ ຫຼືຜິດຕໍ່ລະບຽບກົດໝາຍ ທ່ານສາມາດແຈ້ງເນື້ອຫາບໍ່ເໝາະສົມໄດ້ ຫຼືຕິດຕໍ່ທີມງານພັນລາວໂດຍກົງ ຂໍຂອບໃຈ.