ຕຳຫລວດ ຈັບໂຈນ ຈີ້ ເອົາລົດຈັກໄດ້

ແລງວັນ ສຸກທີ 27 ມັງກອນ 2012 ລຸງ ທົງ ແລະ ລູກຊາຍ ທັງໝົດ 5 ຄົນ ກຳລັງນັ່ງ ກິນເຂົ້າ ແລງນຳກັນ

ມີ ຊາຍ ອາຍຸ ປະ ມານ 20 ປີ ຂີ່ ລົດຈັກ ເຂົ້າ ມາ ທ່າ ທາງ ລຸກລີ້ລຸກລົນ ຕົກ ອົກ ຕົກໃຈ ຄື ຢ້ານ ອີ່ຫັຍງ ກະບໍ່ ຮູ້ ລາວ ເວົ້າ ວ່າ ຊ່ວຍຂ້ອຍ ແນ່ ຕຳຫລວດ ໄລ່ ຂ້ອຍ.

ລຸງ ທົງ ຄິດວ່າ ເປັນ ຄົນລູກຊາຍ ຮູ້ ຈັກຫລື ອາດ ຈະເປັນ ໝູ່ ກັບ ລູກຊາຍ ຈິ່ງເອີ້ນ ວ່າ ມາ ກິນເຂົ້າ ເດີ

ຊາຍ ແປກໜ້າ ຕອບ ວ່າ ບໍ່ເປັນຫັຍງ ຂອບໃຈ

 ຢູ່ ໜ້າເຮືອນ ຂອງລຸງທົງ ມີ ລົດ ລູກຊາຍ ຈອດ ລຽນ ກັນ ເປັນ ແຖວ ທັງໝົດ 4 ຄັນ ມີຄັນ ໜື່ງ ເປັນລົດ ຈັກ ໂຄລາວ ບໍ່ ໄດ້ ຖອກກະແຈ ອອກ ທັນໃດ ນັ້ນ ຊາຍ ແປກໜ້າ ກໍ່ຮີບ ລົງ ຈາກລົດ ຈັກ ຫ້າ ສິບ ຮ້າງໆ ຂອງຕົນ ແລ້ວ ໂດດ ຂື້ນ ໄປ ຂີ່ ເອົາ ລົດ ໂຄລາວ ທີ່ ມີ ກະ ແຈ ສຽບ ປະໄວ້ ແລ້ວ ຕິດຈັກ ອອກໄປ ເຈົ້າ ຂອງເຮືອນ ກະ ຮ້ອງໃສ່ ວ່າ ສິເອົາ ໄປ ໃສ ຊາຍຄົນນັ້ນ ຫັນ ມາ ພ້ອມ ກັບ ມີດໃນ ມື ລາວ ຮ້ອງວ່າ: ຢຸດ ຢ່ານຳມາ ໃດ!!

ລຸງ ທົງ ກັບລູກຊາຍ ຟ້າວ ຂີ່ລົດ ໄລ່ ນຳ ໂຈນ ແລະ ກໍ່ ໄປ ແຈ້ງ ພໍ່ ບ້ານ ກອງຫລອນ ແລະ ອຳນາດ ການປົກຄອງ ແລະ ທີ່ ຂາດ ບໍ່ໄດ້ ແມ່ນ ເຈົ້າໜ້າທີ່ຕຳຫລວດ

ລຸງ ທົງ ແລະ ລູກຊາຍ ຂີ່ລົດໄລ່ ໂຈນ ຈົນຮອດ 2 ໂມງ ເຊົ້າ ແຕ່ວ່າບໍທັນ

ຜ່ານ ມາຈົນ ຮອດ ວັນທີ່ 30 ມັງກອນ ເຈົ້າໜ້າທີ່ ຕຳຫລວດ ສາມາດ ສະກັດ ຈັບ ໂຈນໄດ້ ພ້ອມຂອງກາງ ທັງຄົນທັງລົດ (ຕຳຫລວດ ເມືອງ ໄກສອນ ກະເກງ ເນາະ)

ເມືອ່ ຕຳຫລວດ ແຈ້ງຂ່າວ ບອກໃຫ້ ລຸງ ທົງ ລາວ ກໍ່ ພ້າວ ໄປເອົາ ລົດ ຄືນ ແຕ່ ຕຳຫລວດ ບອກວ່າ ຕ້ອງຈ່າຍ ຄ່າຕິດຕາມ ໃຫ້ ເຈົ້າໜ້າ ທີ່ ຕຳຫລວດ ໜຶ່ງລ້ານ ກີບ( 1.000.000 ກີບ )

ຕຳຫລວດເວົ້າ : ຖ້າຢາກໄດ້ ລົດ ກະ ເອົາ ມາ ລ້ານໜຶ່ງ

ລຸງ ທົງ : ຄ່າ ຫັຍງ ລ້ານ ໜຶ່ງ?

ຕຳຫລວດ : ຄ່າ ພວກຂ້ອຍ ນຳຈັບ ຫັ້ນ ເດ

ລວມ ແລ້ວ ລຸງທົງ ຕ້ອງຈ່າຍເງິນ ຊື້ລົດ ຕົນ ເອງ ນຳ ຕຳຫລວດ ໜຶ່ງ ລ້ານ

ລຸງ ທົງ ໃຫ້ ກອງຫລອງ ບ້ານ ແລະ ພໍ່ ບ້ານ ປະ ມານ ຫ້າ ແສນ ອັນນີ້ ຖືວ່າເປັນ ການຊວ່ຍ ເຫລືອ ທາງບ້ານ ເພີ່ນ

ແຕ່ທີ່ ຂພຈ ແປກໃຈກະຄື ເປັນ ຫັຍງຕ້ອງໃຫ້ ເງິນ ຕຳຫລວດ ມີ ໃນລະບຽບ ການປະຕິບັດງານເບາະ?

ຄືວ່າ ຕຳຫລວດ ກະໄດ້ ເງີນເດືອນ ຈາກການປະຕິບັດໜ້າທີ່ ຢູ່ ແລ້ວ ລັດຖະບານ ຈ້າງເຈົ້າ ໜ້າທີ່ ຕຳຫລວດ ມາກິນ ເງີນ ພາສີ ປະຊາຊົນຊື່ໆ ເບາະ ?  ບາດວ່າ ປະຊາຊົນ ມາ ຮ້ອງທຸກ ແລ້ວຕ້ອງ ຈ່າຍ ຄ່າຈ້າງຕ່າງ ຫາກອີກເບາະ?