ສບດ ໝູ່ໆພັນລາວໝົດທຸກຄົນ ມື້ນີ້ມີເລື່ອງທີ່ເກີດຂື້ນກັບໂຕເອງມາເລົ່າໃຫ້ໝູ່ໆຟັງ

ຂອ້ຍເປັນຄົນຂີ້ຢ້ານຜີທີ່ສຸດເລີຍລ່ະ

ແຕ່ບໍ່ເຂົ້າໃຈເລີຍວ່າເປັນຫຍັງຜີໂຕນັ້ນຈິ່ງມາປາກົດກາຍໃຫ້ຂອ້ຍເຫັນ

ທັງທີຂອ້ຍກໍ່ບໍ່ເພິ່ງປາດຖະໜາຢາກເຫັນເລີຍ..ມາເຂົ້າເລື່ອງກັນເລີຍເນາະ

ເລື່ອງມີຢູ່ວ່າໃນມື້ນັ້ນກົງກັບວັນເສົາເປັນມື້ທີ່ບ້ານຂອ້ຍບໍ່ຄອ່ຍມັກມີໃຜຢູ່ ແລະ

ການທີ່ຢູ່ຜູ້ດຽວໃນບ້ານມັນເຮັດໃຫ້ຂອ້ຍບໍ່ກ້າຈະນອນເດິກປານໃດ

ກໍ່ເລີຍເຂົ້ານອນໄວກວ່າປົກກະຕິ...

ຂອ້ຍເຂົ້າຫອ້ງ ປິດໄຟແລ້ວເຂົ້ານອນຄືແຕ່ລະມື້...

ພໍແຕ່ເຂົ້ານອນກໍ່ເລີ່ມຟັງເພງແລ້ວກໍ່ຫລັບໄປພອ້ມສຽງເພງຕອນໃດກໍ່ບໍ່ຮູ້,,,

ພໍຫລັບໄປໄດ້ຊົ່ວຂະນະໜື່ງ!!!........

ຂອ້ຍກໍ່ຮູ້ເມື່ອຄີງແລ້ວຮູ້ສຶກ...ວ່າມີໃຜຄົນໜື່ງກຳລັງຈອ້ງຕາມາຫາຂອ້ຍ !! ?

ຂອ້ຍຄິດວ່າແມ່ນເອື້ອຍຂອ້ຍມາ...ຂອ້ຍກໍ່ເລີຍທວ້ງໄປວ່າ ...ອ້າວ ໃຜໄຂຕູໃຫ້???

ເຂົ້າມາໄດ້ຈັ່ງໃດ?? ຂອ້ຍຖາມແລ້ວກໍ່ເບິ່ງໜ້າໄປນຳ ... ຖາມຕັ້ງ 2 ເທື່ອກໍ່ບໍ່ຍອມຕອບ

ທຳອິດທີ່ຂອ້ຍເຫັນນັ້ນ ຂອ້ຍບໍ່ໄດ້ຄິດເລີຍວ່າແມ່ນຜີ

ຫຸ່ນ ແລະ ຜົມຍາວເທົ່າໆເອື້ອຍຂອ້ຍເລີຍແລະກໍ່ຢືນປິ່ນຂ້າງແນມມາເບິ່ງຂອ້ຍ

ດວ້ຍຄວາມທີ່ຂອ້ຍຍັງຟາງຫລັບຟາງຕື່ນຢູ່ນັ້ນແລ້ວມັນກໍ່ມືດແນ່ຂອ້ຍກໍ່ພະຍາຍາມເບິ່ງຄັກໆ

ເບິ່ງດີໆຂອ້ຍລ່ະໃຈຮ້າຍເລີຍລຸກນັ່ງຊິມາຖາມເບິ່ງຄັກໆໃຫ້ຮູ້ເລື່ອງວ່າເຂົ້າເຮືອນມາໄດ້ຈັ່ງໃດ

ຫວະ??

(ເພາະບ້ານຂອ້ຍກຸນແຈເປັນລູກກອນຕອ້ງແມ່ນຄົນໃນບ້ານເປີດໃຫ້ເທົ່ານັ້ນຈິ່ງຈະເຂົ້າບ້ານໄດ້

ພໍແຕ່ລຸກມາເທົ່ານັ້ນລ່ະ ຄວາມໃຈຮ້າຍກໍ່ກັບກາຍມາເປັນຄວາມຢ້ານເລີຍ !!​

ພາບທີ່ເປັນຜູ້ຍິງທີ່ຂອ້ຍຄິດວ່າແມ່ນເອື້ອຍຂອ້ຍນັ້ນຫາຍໄປກັບຕາ!!!

ຂອ້ຍຕົກໃຈແບບເອີ້ນວ່າ ຊ໋ອກ!!ເລີຍກໍ່ວ່າໄດ້!!

ຫາຍໄປໃສຫວະ??ຖືກຜີຫລອກຫວານິ? (ຍັງມີໜ້າອີກ! ຖ້າຜີມັນຕອບວ່າ ເອີ້! ລ່ະຕາຍເລີຍ!)

ຂອ້ຍພະຍາຍາມຊິເໜັງໂຕແຕ່ຄວາມຮູ້ສຶກຕອນນັ້ນບອກໄດ້ເລີຍວ່າໂຕແຂັງ

ຫົວໃຈກໍ່ເຕັ້ນແຮງປານຈະຫລຸດອອກມາ ....!! ຕຶ໋ກໆ ຕຶ໋ກໆ ຕຶ໋ກໆ ຕຶ໋ກໆ !!!!

ຂອ້ຍໄດ້ແຕ່ພາວະນາ ”ພຸດໂທທຳໂມສັງໂຄ”

                ”ພຸດໂທທຳໂມສັງໂຄ”
                               
              ”ພຸດໂທທຳໂມສັງໂຄ” ຢູ່ພໍໃຜພໍລາວເດີ້ ຢ່າມາຫລອກມາຫລອນເທາະ!!!!!!

ແລ້ວໃຈຂອ້ຍກໍ່ຄອ່ຍໆເຕັ້ນຄອ່ຍລົງ...

ຫລັງຈາກນັ້ນຂອ້ຍກໍ່ຕັດສີນໃຈລຸກຈາກບອ່ນນອນຢ່າງໄວວາເພື່ອໄປເປີດໄຟ

ແລ້ວກໍ່ຟ້າວແລ່ນກັບໄປນອນບອ່ນເກົ່າອີກ ....

ຄືນນັ້ນຂອ້ຍຢ້ານຈົນຊິນອນບໍ່ຫລັບແຕ່ສຸດທ້າຍກໍ່ຫລັບ...

ແລະຂອ້ຍກໍ່ຜ່ານຄືນນັ້ນໄປໄດ້ ....ເຫີ້!! ຟ້າແຈ້ງແລ້ວດີໃຈທີ່ສຸດເລີຍ

ຕື່ນເຊົ້າມາຂອ້ຍກໍ່ເລີຍລຸກໃສ່ບາດຕອນເຊົ້າເພື່ອອຸທິດສວ່ນກຸສົນໃຫ້ຜີຜູ້ຍິງຕົນນັ້ນເພາະທີ່ລາວ

ປາກົດກາຍມາໃຫ້ເຫັນນັ້ນລາວຄົງຢາກຈະໃຫ້ເຮັດບຸນເຮັດທານໃຫ້ລາວ...

ຫລັງຈາກນັ້ນຫລາຍມື້ຕໍ່ມາຂອ້ຍກໍ່ໄດ້ເວົ້າຄວາມຝັນໃຫ້ແມ່ຂອ້ຍຟັງ

ປາກົດວ່າແມ່ຂອ້ຍເວົ້າວ່າແມ່ຫັນເຫັນເລື້ອຍໆ

ເພາະລາວແຂນຄໍຕາຍຢູ່ທາງຫລັງບ້ານຂອ້ຍນິລ່ະ ວ່າຊັ້ນ!!!

(ແຖວບ້ານຂອ້ຍເປັນບ້ານຕິດໆກັນຫລາຍໆຫລັງ)

ແມ່ຂອ້ຍບໍ່ຢາກບອກເພາະຮູ້ວ່າຂອ້ຍຂີ້ຢ້ານ ພໍແຕ່ວ່າຂອ້ຍວ່າຂອ້ຍເຫັນ ແມ່ຂອ້ຍລາວກໍ່ວ່າ

ແມ່ວ່າແລ້ວມື້ໃດມື້ໜື່ງລູກຕອ້ງເຫັນ ... ແຕ່ທຸກມື້ນີ້ຂອ້ຍບໍ່ໄດ້ເຫັນລາວແລ້ວລ່ະ

ເຖິງບໍ່ມາໃຫ້ເຫັນຂອ້ຍກໍ່ຍັງຢ້ານປານເຫັນລ່ະເພາະພາບນັ້ນຍັງຕິດຕາຂອ້ຍຢູ່ເລີຍ໋!!

ຄືຊິແມ່ນລາວໄປເກີດລ່ະຕິ (ບໍ່ໄດ້ຖາມຫາເດີ້ຢ່າມາໃຫ້ເຫັນອີກໃດ໋) ຫລາບແລ້ວ !!! ຢ້ານ!!!

ສີວເປັນບັນຫາໜັກໃຈຂອງໄວລຸ້ນ ຄົນສວ່ນຫລາຍມັກກັງວົນ

ຕັ້ງແຕ່ເລີ່ມເປັນແລ້ວກໍ່ຕັ້ງໜ້າຕັ້ງຕາຖ້າວ່າມື້ໃດມັນຈະເຊົາ

ທີ່ຮ້າຍໄປກອ່ນນັ້ນບາງຄົນຊ້ຳພັດໄປບີບ ໄປແກະ ຈົນເຮັດໃຫ້

ເປັນຮ້າຍກວ່າເກົ່າອີກ ຈົນເກີດເປັນຮອຍແຜເປັນກັບໃບໜ້າ

ຂອງເຮົາເປັນຫລາຍໆເດືອນເລີຍລະ. ສະນັ້ນ ໃຜໆທີ່ມີບັນຫາ

ຫລືກຳລັງກຸ້ມໃຈເລື່ອງຮອຍແຜເປັນຈາກສີວ ມື້ນີ້ວຽງມີເຄັດລັບງ່າຍໆ

ມາຝາກກັນ ມາອ່ານແລະ ມາລອງເຮັດກັນເບິ່ງເລີຍເນາະ

>> ສວ່ນປະສົມ:

1,ແອັບເປີ້ນຂຽວ ອຸດົມໄປດວ້ຍວິຕາມີນທີ່ສາມາດບຳລຸງຜີວໜ້າໄດ້ດີ

2, ນ້ຳເຜິ້ງ ເປັນສານທຳມະຊາດທີ່ສາມາດຂ້າເຊື້ອໄດ້ດີ

>>ວິທີເຮັດ: 

ກອ່ນອື່ນໝົດຕອ້ງລ້າງໜ້າໃຫ້ສະອາດດວ້ຍນ້ຳທຳມະດາ

ແລ້ວກໍ່ເຊັດໃຫ້ແຫ້ງ ຫລັງຈາກນັ້ນເຮົາກໍ່ມາເຮັດສວ່ນປະສົມກັນເລີຍ

ນຳໝາກແອັບເປີ້ນຂຽວມາລ້າງນ້ຳໃຫ້ສະອາດ ແລ້ວປາດເປັນເຄິ່ງໜວ່ຍ

ຊອຍໃຫ້ພໍດີບົດໄດ້ ຫລັງຈາກນັ້ນໃຫ້ນຳໄປບົດໃນເຄື່ອງປັ່ນປະສົມກັບນ້ຳເຜິ້ງ

1 ບ່ວງແກງ,ຫລັງຈາກທີ່ບົດລະອຽດແລ້ວໃຫ້ນຳມາທາບໍລິເວນໃບໜ້າໃຫ້ທົ່ວ

ຄອ່ຍໆນວດເນັ້ນບໍລິເວນທີ່ມີຮອຍດ່າງດຳໃຫ້ຫລາຍໆ

ແລ້ວປະໄວ້ປະມານ 20 ນາທີ ແລ້ວລ້າງອອກດວ້ຍນ້ຳສະອາດ.

...>> ໝາຍເຫດ: ສູດນີ້ສາມາດເຮັດໄດ້ທຸກໆມື້

ນອກຈາກຈະຊວ່ຍໃຫ້ຮອຍສີວຄອ່ຍໆຈາງລົງແລ້ວ ຍັງບຳລຸງ

ແລະ ປອ້ງກັນບໍ່ໃຫ້ສີວສາມາດມາລົບກວນໃບໜ້າເຮົາອີກດວ້ຍ.

ໝູ່ໆລອງເອົາສູດນີ້ໄປລອງເຮັດເບິ່ງເດີ້ ບາງທີຈະໄດ້ໜ້າໃສ

ແລະ ມີສຸຂະພາບຜີວທີ່ດີນຳ.

ຂອບໃຈທຸກຄົນທີ່ແວະມາອ່ານເດີ້ ^_^

10 ທີ່ສຸດຂອງໂລກ ກ່ຽວກັບດີນ ແລະ ນ້ຳ ບາງຄົນອາດຈະຮູ້ແນ່ແລ້ວ

ແຕ່ສຳລັບຄົນທີ່ບໍ່ທັນຮູ້ກໍ່ມາອ່ານກັນເລີຍເນາະ ເພາະຈະເປັນການເສີມຄວາມຮູ້ທາງດ້ານພູມີສາດ

ແລະ ຄວາມຮູ້ຮອບຕົວແກ່ຫລາຍໆຄົນ

1, ທະວີບທີ່ໃຫຍ່ທີ່ສຸດໃນໂລກ ແມ່ນທະວີບ ອາຊີ

2, ທະວີບທີ່ນອ້ຍທີ່ສຸດແມ່ນ ທະວີບ ອົດສຕຣາລີ

3, ທະວີບທີ່ຮອ້ນທີ່ສຸດແມ່ນ ທະວີບ ອາຟະລິກກາ

4, ທະເລຊາຍທີ່ໃຫຍ່ທີ່ສຸດແມ່ນ ທະເລຊາຍ ຊາຮາຣາ

5, ພູທີ່ສູງທີ່ສຸດໃນໂລກ ແມ່ນພູເອີເວີເຣັດ

6, ນ້ຳຄົກຕາດທີ່ໃຫຍ່ທີ່ສຸດ ແມ່ນ ນ້ຳແອງເກີ

7, ມະຫາສະໝຸດທີ່ໃຫຍ່ທີ່ສຸດໃນໂລກ ແມ່ນມະຫາສະໝຸດ ປາຊີຟິກ

8, ມະຫາສະໝຸດທີ່ນອ້ຍທີ່ສຸດໃນໂລກ ແມ່ນມະຫາສະໝຸດ ອາກຕິກ

9, ທະເລທີ່ໃຫຍ່ທີ່ສຸດໃນໂລກ ແມ່ນທະຈີນໃຕ້

10, ແມ່ນ້ຳທີ່ຍາວທີ່ສຸດໃນໂລກແມ່ນແມ່ນ້ຳນີນ

ຂອບໃຈທີ່ແວະມາອ່ານເດີ້ ^_^

ການມີສຸຂະພາບແຂງແຮງ ເປັນສິ່ງທີ່ທຸກຄົນປາດຖະໜາ ຄຽງຄູ່ກັນນັ້ນ

ກໍ່ແມ່ນການຢາກມີອາຍຸຍືນຍາວ ປາດສະຈາກໂລກໄພ ເພາະສະນັ້ນ

ຄົນເຮົາຈິ່ງຄວນຝຶກຈິດໃຈໃຫ້ເຂັ້ມແຂງ ບວກກັບການເບິ່ງແຍງສຸຂະພາບ

ທີ່ມີຄວາມກຽມພອ້ມຕະຫລອດເວລາ ສຳລັບໄດອາຮີ່ບັດນີ້ ໝູ່ໆຈະໄດ້ຮູ້ຈັກກັບ

15 ອໍ ເສັ້ນທາງສູ່ການມີອາຍຸຍືນຍາວ ເຊີ່ງຜ່ານການປະຕິບັດໂຕຈິງມາແລ້ວ

ຫລາຍໆຄົນໄດ້ຮັບຜົນດີ ມີປະໂຫຍດຕໍ່ຮ່າງກາຍ ແລະ ຈິດໃຈຂອງຄົນເຮົາແທ້

***ສຳລັບ 15 ອໍ ທີ່ຈະເວົ້າມານີ້ ເຊື່ອວ່າທ່ານ ອາດເຄີຍປະຕິບັດມາແລ້ວ

ໃນບາງ ອໍ ແຕ່ຖ້າຈະໃຫ້ຄົນຖວ້ນແທ້ມີດັ່ງນີ້:

1, ອໍ - ອາກາດ: ອາກາດດີເຮັດໃຫ້ເຮົາມີຄວາມສົດຊື່ນແຈ່ມໃສ

2, ອໍ - ອາຫານ: ອາຫານທີ່ຈຳເປັນໃນຊີວິດປະຈຳວັນ ຄວນຮັບປະທານ

ອາຫານໃຫ້ຄົບໝວດ ເພື່ອເສີມສ້າງພະລັງງານໃນຮ່າງກາຍໃຫ້ພຽງພໍ

3, ອໍ - ອາຈົມ: ລະບົບຂັບຖ່າຍສະດວກ ກໍ່ແມ່ນສິ່ງສຳຄັນສຳລັບຄົນເຮົາ

4, ອໍ - ອາລົມ: ອາລົມດີ ເຮັດໃຫ້ຄົນເຮົາມີຊີວິດຍືນໄດ້ ທັງເສີມສ້າງຄວາມສວຍງາມ

ທາງໃບໜ້າ ແລະ ປີວພັນໃຫ້ຜອ່ງໃສນຳ

5, ອໍ - ອົມຍີ້ມ: ການຍີ້ມຫົວ ນອກຈາກສ້າງສະເໜ່ ໃຫ້ກັບໂຕເອງ

ແລະ ຍັງມີຜົນດີຕໍ່ສຂະພາບຂອງຕົນນຳອີກ

6, ອໍ - ອົດທົນ: ຝຶກຈິດໃຫ້ເຂັ້ມແຂງ ອົດທົນເພື່ອຄວາມສຳເລັດໃນໜ້າທີ່ວຽກງານ

7, ອໍ - ໂອບເອື້ອອາລີ:​ມີນ້ຳໃຈຍີນດີ ຈິງໃຈກັບຄົນອອ້ມຂ້າງ

8, ອໍ - ເອົາໃຈໃສ່ສຸຂະພາບ: ຫລີກລ້ຽງສິ່ງທີ່ເປັນຜົນກະທົບ ຫລື ສິ່ງບໍ່ດີຕໍສຸຂະພາບ

9, ອໍ - ອິຣິຍະບົດ: ການສະແດງອອກ ມີລັກສະນະທ່າທາງສະຫງ່າ ຜ່າເຜີຍ

10,ອໍ - ອອ່ນນອ້ມຖອ່ມຕົນ: ທຳຕົວໃຫ້ເປັນທີ່ຮັກແພງຂອງຄົນອື່ນ

11, ອໍ - ອອກກຳລັງກາຍ: ຂໍ້ນີ້ມີຫລາຍຄົນທີ່ສາມາດເຮັດໄດ້ດີ ໂດຍການຖືເອົາກິລາທີ່ຕົນເອງມັກ

ມາກາຍເປັນກິດຈະກຳປະຈຳວັນຫລືບາງຄົນກໍ່ເອົາວຽກບ້ານການເຮືອນເປັນການອອກກຳລັງກາຍໄປໃນຕົວ

ເຊີ່ງຊວ່ຍໃຫ້ສຸຂະພາບ ທາງກາຍ ແລະ ຈິດໃຈດີຂື້ນ

12, ອໍ - ການໜັງສື: ການອ່ານເປັນການໃຫ້ອາຫານແກ່ມັນສະໝອງ ສະໜອງຄວາມຮູ້ຢ່າງໄຮ້ຂອບເຂດ

13, ອໍ - ອຸເບກຂາ: ມີຈິດໃຈທ່ຽງທຳ ບໍລິສຸດ ວາງຕົວເປັນກາງ

14, ອໍ - ແອພລິກເຄເຊີນ: (Application) ເພິ່ງພໍໃຈໃນສິ່ງທີ່ຕົນມີ

15, ອໍ - ອະນິຈັງ: ເຕືອນຕົວເອງສະເໝີວ່າທຸກສິ່ງທຸກຢ່າງບໍ່ມີຄວາມທ່ຽງແທ່ແນ່ນອນ

ທັງໝົດ 15 ອໍ ນັ້ນ ຖ້າຫາກໝູ່ໆໃດນຳເອົາໄປປະຕິບັດຢ່າງຖີ່ຖວ້ນແລ້ວ ເຊື່ອວ່າຈະເຮັດໃຫ້ໝູ່ໆ

ມີອາຍຸທີ່ຍືນຍາວ ຫ່າງໄກໂລກໄພໄຂ້ເຈັບ ແລະ ມີຈິດໃຈທີ່ແຈ່ມໃສຍາວນານ.ມາລອງປະຕິບັດກັນເນາະ ^_^

ຂອບໃຈທີ່ແວະມາອ່ານ

ເນື້ອໃນມາຈາກ ວາລະສານວັດທະນາທຳ ສະບັບທີ່ 15,

ສະບາຍດີໝູ່ເພື່ອນພັນລາວໝົດທຸກຄົນ ມື້ນີ້ວຽງມີເຄັດລັບໃນການດື່ມນ້ຳໃຫ້ຖືກວິທີມາຝາກ

ເຊິ່ງບາງຄົນກໍ່ອາດຈະຮູ້ ແລະ ບາງຄົນກໍ່ອາດຈະບໍ່ຮູ້

ແນວໃດກໍ່ຕາມທຸກໆຄົນອາດຈະຮູ້ດີແລ້ວວ່າຮ່າງກາຍຂອງຄົນເຮົາຢ່າງໜອ້ຍນັ້ນ

ແມ່ນມີຄວາມຕອ້ງການນ້ຳ 6-8 ຈອກ ຕໍ່ມື້

ແຕ່ໝູ່ໆຮູ້ຫລືບໍ່ວ່າຖ້າດື່ມນ້ຳທີ່ບໍ່ຖືກເວລາ ຫລື 

ຜິດວິທີກໍ່ຈະບໍ່ເກີດປະໂຫຍດໃດໆຕໍ່ຮ່າງກາຍເຮົາເລີຍ

ເອົາເປັນວ່າເຮົາມາດື່ມນ້ຳໃຫ້ຖືກຕາມວິທີ່ທີ່ຖືກຕອ້ງ ແລະ ໄດ້ປະໂຫຍດທີ່ແທ້ຈິງກັນດີກອ່ນ...

1, ດື່ມນ້ຳທຸກໆເທື່ອທີ່ຮ່າງກາຍມີຄວາມຕອ້ງການ ໝາຍຄວາມວ່າເມື່ອຮູ້ສຶກຫີວຕອ້ງໄດ້ດື່ມນ້ຳ

ແຕ່ຢ່າດື່ມຫລາຍເກີນໄປບາດດຽວ ເພາະມັນຈະໄປເພີ່ມພາລະໃຫ້ລະບົບຂັບຖ່າຍຕ່າງໆເຊັ່ນ:

ໝາກໄຂ່ຫລັງ, ປອດ,ມ້າມ ແລະ ລະບົບຂັບຍອ່ຍຕ່າງໆ.

2, ການດື່ມນ້ຳຢ່າງໜອ້ຍ 6-8 ຈອກນັ້ນ

ແມ່ນນັບລວມໄປເຖີງປະລິມານນ້ຳທັງໝົດທີ່ໄດ້ຮັບຈາກການກີນນ້ຳຈາກຜັກໝາກໄມ້

ນ້ຳແກງ ນ້ຳເຂົ້າປຽກ ຫລື ອາຫານຕ່າງໆທີ່ມີສວ່ນປະກອບຂອງນ້ຳ.

3, ອາກາດຮອ້ນໆ ເຮັດໃຫ້ເກືອບທຸກຄົນມັກດື່ມນ້ຳເຢັນໆ ຈົນຕິດເປັນນິດໄສ

ເຖີງແມ່ນວ່າຈະຢູ່ໃນຊວ່ງອາກາດໜາວເຢັນຊື່ງຮ່າງກາຍຕອ້ງປັບອຸນຫະພູມຂອງນ້ຳເຢັນທີ່ເຮົາດື່ມໄປນັ້ນ

ໃຫ້ເທົ່າກັບອຸນຫະພູມຂອງຮ່າງກາຍທຸກຄັ້ງ.

ກອ່ນນຳໄປໃຊ້ຫລໍ່ລ້ຽງຮ່າງກາຍ ຈາກເຫດດັ່ງກ່າວ ມັກເປັນສາເຫດໃຫ້ຮ່າງກາຍອອ່ນແອລົງ

ລະບົບຍອ່ຍອາຫານບໍ່ດີ ຫລື ປວດປະຈຳເດືອນ  ສະນັ້ນ

ເຮົາຄວນໝັ່ນດື່ມນ້ຳອຸ່ນໆເພື່ອໃຫ້ຮ່າງການຂັບເຫື່ອແລະທີ່ສຳຄັນບໍ່ຄວນດື່ມນ້ຳໃນເວລາຮັບປະທານອາຫານ

ເພາະນ້ຳທີ່ດື່ມເຂົ້າໄປນັ້ນໄປເຮັດໃຫ້ນ້ຳຍອ່ຍເຈືອຈາງ ລະບົບອາຫານຈະເຮັດວຽກຊ້າລົງ

ຮ່າງກາຍຈະບໍ່ໄດ້ຮັບສານອາຫານເຕັມທີ່

ວິທິແກ້: ດື່ມນ້ຳອຸນໆໜອ້ຍໜື່ງ ຫລື ກີນນ້ຳແກງກໍ່ໄດ້.

4, ວິທີ່ດື່ມນ້ຳທີ່ຖືກຕອ້ງ ແລະ ເກີດປະໂຫຍດສູງສຸດນັ້ນ ຄ

ວນດື່ມຫລັງຈາກຕື່ນນອນໃໝ່ໆ 1

ຊົ່ວໂມງກອ່ນອາຫານແລະພາຍຫລັງຈາກຮັບປະທານອາຫານອີ່ມແລ້ວເຄິ່ງຊົ່ວໂມງ

ຈະດີຕໍ່ສຸຂະພາບທີ່ສຸດ.

ວິທີທີ່ກ່າວມານີ້ ເປັນວິທີ່ການດື່ມນ້ຳທີ່ຖືກຕອ້ງ ແຕ່ອ່ານແລ້ວກໍ່ອາດຈະຍາກທີ່ຈະປະຕິບັດຕາມ

ໄດ້ເຖີງຢ່າງໃດກໍ່ຕາມວິທີ່ດັ່ງກ່າວນີ້ກໍ່ເປັນວິທີທີ່ດີຕໍ່ສຸຂະພາບຂອງເຮົາເອງ

ຢາກໃຫ້ໝູ່ເພື່ອນພະຍາຍາມປະຕິບັດ ບໍ່ແມ່ນເພື່ອໃຜ

ແຕ່ເພື່ອສຸຂະພາບທີ່ດີຂອງຕົວເຮົາເອງ.

ດວ້ຍຄວາມຫວ່ງໃຍຈາກ ວຽງ

ຂໍຂອບໃຈທີ່ແວະມາອ່ານ ^_^

ມື້ນີ້ວຽງມີການແນະນຳຄຸນປະໂຫຍດໃນການບຳລຸງຜີວດວ້ຍນ້ຳໝາກໄມ້ມາຝາກກັນ

ບັນດານ້ຳໝາກໄມ້ຂ້າງລຸ່ມນີ້ ຂໍໃຫ້ໝູ່ໆລອງເລືອກດື່ມເບິ່ງ

ເພາະມັນຈະຊວ່ຍໃຫ້ເຈົ້າມີສຸຂະພາບ ແລະ ຜີວພັນທີ່ງາມຂື້ນຫລາຍກອ່ນເກົ່າ ...

1, ນ້ຳໝາກກ້ຽງ

ນ້ຳໝາກກ້ຽງ ເປັນນ້ຳໝາກໄມ້ທີ່ອຸດົມໄປດວ້ຍ ວິຕາມີນ ຊີ ແລະ ຍັງມີວິຕາມີນ ເອ

ວິຕາມີນ ບີ1 ແລະ ບີ2,ບັນດາວິຕາມີນເຫລົ່ານີ້ ຈະຊວ່ຍຫລຸດລະດັບ

ຄໍເລັດສະເຕີຣອນ ແລະ ປອ້ງກັນໄຂ້ຫວັດອີກດວ້ຍ.

2, ນ້ຳໝາກນາວ

ອຸດົມໄປດວ້ຍວິຕາມີນ ຊີ ແລະ ວິຕາມີນ ບີ2 ລວມໄປເຖີງແຮ່ທາດຕ່າງໆ

ບັນດາວິຕາມີນເຫລົ່ານີ້ ຈະຊວ່ຍປອ້ງກັນໄຂ້ຫວັດ ແລະ

ຊວ່ຍຮັກສາຜີວພັນໃຫ້ເປັ່ງປັ່ງຂື້ນ.

3, ນ້ຳໝາກຫຸ່ງ ໝາກຫຸ່ງສຸກ

ຈະມີປະລິມານ ວິຕາມີນເອທີ່ສູງພໍສົມຄວນ

ເໝາະສຳລັບຜູ້ທີ່ມີບັນຫາກະເພາະອາຫານ ອາຫານບໍ່ຍອ່ຍ

ເພາະໃນໝາກຫຸ່ງຈະມີສານ ເອນໄຊ ພາພາອີນ

ຊື່ງເປັນສານທີ່ຊວ່ຍຍອ່ຍສານອາຫານປະເພດຊີ້ນ ແລະ

ເປັນຢາລະບາຍອອ່ນໆອີກດວ້ຍ.

4,ນ້ຳແອັບເປີ້ນ

ເໝາະສຳລັບຜູ້ທີ່ມັກເບິ່ງແຍງ ເລັບເປັນພິເສດ ເພາະ ນ້ຳຂອງແອັບເປີ້ນ

ຈະຊວ່ຍເຮັດໃຫ້ເລັບແຂງແຮງ ແລະ ຍັງປະກອບດວ້ຍວິຕາມີນ ເອ ແລະ ຊີ.

5, ນ້ຳໝາກເລັ່ນ

ມີສານໄລໂຄບີນ ທີ່ຊວ່ຍໃນການມີອາຍຸຍືນ ມີວິຕາມີນ ເອ ແລະ ຊີ

ທີ່ມີການປອ້ງກັນໃນການເສື່ອມຂອງຈຸລັງ ແລະ

ທີ່ສຳຄັນໃນໝາກເລັ່ນຍັງມີສານທີ່ຊວ່ຍໃນການຫລຸດອັດຕາການເກີດມະເຮັງຕອ່ມລູກອັນທະອີກດວ້ຍ,

ຮູ້ຈັ່ງຊີ້ແລ້ວ ຜູ້ຊາຍທັງຫລາຍຫັນມາກີນໝາກເລັ່ນກັນເຖາະ ອິອິອິ

6, ນ້ຳໝາກໂມ

ມີສານຊວ່ຍໃນການລ້າງຕັບ ແລະ ຊວ່ຍ ເຮັດໃຫ້ຖ່າຍເບົາໄດ້ດີ,

ບຳລຸງຮັກສາຜີວພັນໄດ້ເປັນຢ່າງດີ ແລະ ມີສວ່ນປະສົມຂອງ ເບຕ້າແຄ ໂຣທີນ ແລະ

ວິຕາມີນ ເອ ອີກດວ້ຍ.

7, ນ້ຳໝາກສີດາ

ເປັນນ້ຳໝາກໄມ້ທີ່ມີວິຕາມີນສູງຫລາຍ  ມັນຊວ່ຍປອ້ງກັນໄຂ້ຫວັດ

ສ້າງພູມຄຸ້ມກັນໃຫ້ຮ່າງກາຍ ແລະ ຊວ່ຍບຳລຸງຜີວພັນ.

8,ນ້ຳໝາກກວ້ຍຫອມ

ຊວ່ຍໃຫ້ລະບົບຂັບຖ່າຍເຮັດວຽກໄດ້ດີ ແລະ

ຊວ່ຍຮັກສາບາດແຜໃນກະເພາະອາຫານ ແລະ ລຳໄສ້ນຳ,

ນອກຈາກນີ້ຍັງຊວ່ຍໃນການຄວບຄຸມອາຫານໄດ້ອີກ

ເພາະນ້ຳໝາກກວ້ຍຫອມຈະຊວ່ຍໃຫ້ຮູ້ສຶກອີ່ມໄວ.

ການທີ່ຈະມີສຸຂະພາບຜີວທີ່ດີໄດ້ນັ້ນ ບໍ່ພຽງແຕ່ຂື້ນກັບການກີນອາຫານ ຫລື

ໝາກໄມ້ພຽງເທົ່ານັ້ນ ແຕ່ເຮົາຄວນຕອ້ງມີການອອກກຳລັງກາຍຄວບຄູ່ກັນໄປນຳ

ຈິ່ງຈະເຫັນຜົນທີ່ແທ້ຈິງ.

ຂອບໃຈທີ່ແວະມາອ່ານ ^_^

ເຈົ້າເປັນຄົນໝວດເລືອດໃດ ໝວດ A.B.AB.O.

ມາອ່ານອາລົມແຕ່ລະໝວດເລືອດກັນດີກວ່າວ່າຈະກົງກັບເຈົ້າຫລືບໍ່

1,ໃນເວລາລົມກັບຄົນອື່ນ

ໝວດ ເອ

ຄົນໝວດນີ້ເປັນຄົນເວົ້າເກັ່ງຫລາຍ ຖືວ່າເປັນຈຸດສູນກາງເວົ້າກໍ່ວ່າໄດ້

 ເວລາຈັບກຸ່ມສົນທະນາ ສາມາດເວົ້າໄດ້ຫລາຍໆຊົ່ວໂມງເລີຍລະ.

ໝວດ ບີ

 ເປັນຄົນສົດໃສ ອາລົມດີ ເວລາເວົ້າ ມັກສະແດງທ່າທາງປະກອບ

 ເຮັດໃຫ້ໝູ່ເພື່ອນເຂົ້າໃຈ ແລະ ດຶງດູດຜູ້ຟັງໄດ້ດີ.

ໝວດ ເອບີ

 ເປັນຄົນມັກຟັງ ຫລາຍກອ່ນເວົ້າ ທຸກຄົນຈິ່ງມັກເລົ່າບັນຫາຕ່າງໆໃຫ້ຟັງເປັນປະຈຳ

 ແຕ່ບາງເທື່ອກໍ່ວິພາກວິຈານຄນອື່ນແບບບໍ່ທຳມະດາ

 ບາງເທື່ອກໍ່ອາດເຮັດໃຫ້ຄົນອື່ນບໍ່ພໍໃຈ ແລະ ບາງເທື່ອກໍ່ເຂົ້າໃຈບັນຫາຍາກ.

ໝວດ ໂອ

 ມັກເປັນຈຸດເດັ່ນ ຖ້າມີຄົນສົນໃຈໃນເວລາທີ່ຕົນເວົ້າ

 ຍິ່ງເຮັດໃຫ້ຕົນເອງເວົ້າອອກມາເລື້ອຍໆ

 ໂດຍບໍ່ສົນໃຈວ່າຈະມີໃຜບໍ່ພໍໃຈໃນການເວົ້າຂອງຕົນຫລືບໍ່.

2, ໃນເວລາມີຄວາມຮັກ

ໝວດ ເອ

 ເປັນຄົນບໍ່ກ້າສະແດງຄວາມຮູ້ສືກໃຫ້ຄົນອື່ນຮູ້ ວ່າຕົນເອງນັ້ນມີໃຈສ່ຳໃດ

 ສະນັ້ນຄົນໝວດເລືອດນີ້ ສວ່ນໃຫຍ່ຈື່ງບໍ່ສາມາດສົມຫວັງ

ໃນຄວາມຮັກໄດ້ຢ່າງໄວວາ

 ເພາະມັກໃຊ້ເວລາໃນການຕັດສີນ.

ໝວດ ບີ

 ຫາກສົນໃຈໃຜຈັກຄົນໜື່ງແລ້ວ ຈະມັກສາມາດຫາວິທີລົມໄດ້ຢ່າງໄວວາ ແຕ່ບາງເທື່ອ

 ການທີ່ບໍ່ຄິດເຖີງສະພາບການຂ້າງໜ້າ ຊື່ງຄົນອອ້ມຂ້າງເບີ່ງຕົນເອງໃນແງ່ລົບ.

ໝວດ ເອບີ

 ມັກເຮັດໃຫ້ຝ່າຍ ກົງກັນຂ້າມເປັນຝ່າຍເຂົ້າມາຫາຕົນເອງກອ່ນຢູ່ສະເໝີ ສະນັ້ນ

 ຈື່ງເປັນທີ່ມັກຂອງເພດກົງກັນຂ້າມຢ່າງຫລວງຫລາຍ.

ໝວດ ໂອ

 ມີນິດໄສກົງໄປກົງມາ ເມື່ອຮັກໃຜກໍ່ຮັກແທ້ ສະແດງອອກມາຢ່າງຊັດເຈນ ແລະ

 ກໍ່ມັກເປັນຄວາມຮັກທີ່ເກີດຂື້ນແບບໄວວາ ໂດຍສວ່ນໃຫຍ່ແລ້ວ ຄົນໝວດເລືອດນີ້

 ບໍ່ຄອ່ຍຄິດເຖີງຈິດໃຈຂອງຝ່າຍກົງກັນຂ້າມວ່າເຂົາຄິດແນວໃດກັນຕົນ.

ສຳລັບມື້ນີ້ແມ່ນຂໍຝາກໃຫ້ໝູ່ໆອ່ານເທົ່ານີ້ກອ່ນເດີ້ ມື້ໜ້າຈະມາຂຽນໃຫ້ອ່ານຕື່ມອີກ

ສວ່ນການທຳນາຍນັ້ນອາດຈະຖືກ ຫລື ບໍ່ຄອ່ຍຖືກ ກໍ່ຂໍອະໄພນຳເດີ້

 ຂອບໃຈທີ່ແວະມາອ່ານ ແລະ ໃຫ້ຄຳເຫັນ

ມື້ນີ້ ວຽງມີວິທີເຮັດໃຫ້ຄວາມຮັກສົດໃສມາຝາກ

ຢາກໃຫ້ຄວາມຮັກສົດໃສຄວນເຮັດແນວໃດ

ທ່ານມີການຖະນຸຖະໜອມຄວາມຮັກທີ່ມີຕໍ່ຄູ່ຮັກຂອງທ່ານແນວໃດ?

ເວລາທ່ານຜິດຖຽງກັນທ່ານມີທາງອອກແນວໃດ?

ຕໍ່ໄປນີ້ວຽງຈະສະເໜີເຕັກນິກເລັກນອ້ຍທີ່ຈະເປັນບັດຮຽນໃຫ້ໝູ່ໆໄປລອງປະຕິບັດກັນເບິ່ງເດີ້...

1, ຢ່າເມີນເສີຍ

ເມື່ອຜິດຖຽງກັນ ຈົ່ງຢ່າເມີນເສີຍ ເພາະການທີ່ຈະເຮັດໃຫ້ກັບມາຄືນດີກັນຍາກຂື້ນ

ຖ້າຍັງບໍ່ພອ້ມທີ່ຈະພົບກັນກໍ່ໃຫ້ຂຽນປະໂຫຍກສັ້ນໆ ແລະ

ສົ່ງທາງໂທລະສັບມືຖືສົ່ງໄປຫາເຂົາເພື່ອບອກວ່າ ເປັນຫວ່ງ ແລະ ຢາກເວົ້ານຳ,

2, ຂໍໂທດ :

ມັນບໍ່ແມ່ນເລື່ອງເສຍປຽບ ແຕ່ເປັນເລື່ອງໃນການຄອງຮັກໃຫ້ຍືນຍາວ

ເມື່ອເຈົ້າເປັນຝ່າຍກ່າວຄຳຊໍໂທດກອ່ນຈະເຮັດໃຫ້ຜູ້ຟັງຮູ້ສືກວ່າຕົນເອງກ່ມີສວ່ນຜິດໃນການເຮັດໃຫ້ເກີດຜິດຖຽງກັນ

ແລະ ຈະເຮັດໃຫ້ອີກຝ່າຍຢຸດການຖຽງ,

3, ຍອມຮັບຄຳຂໍໂທດ:

ເຈົ້າອາດບອກວ່າ ໄດ້ຍີນຈົນເບື່ອແລ້ວ ແຕ່ເຈົ້າກໍ່ຮູ້ສືກໃຈດີຂື້ນບໍ່ແມ່ນຫວາ

ໃນຕອນທີ່ເຈົ້າໄດ້ຍີນຄຳຂໍໂທດຈາກເຂົາ ຈົ່ງພະຍາຍາມຍອມຮັບຄຳຂໍໂທດອີກຝ່າຍ,

4, ເວລາທີ່ມີຄວາມໝາຍ :  

ຄຳຂໍໂທດນັ້ນຊວ່ຍໃຫ້ຄວາມຮັກສົດຊື່ນຂື້ນ

ແຕ່ກໍ່ຄວນສະແດງເຖີງຄວາມຮັກດວ້ຍການໃຊ້ເວລາເຊັ່ນ ໄປກີນເຂົ້າ

ໄປຍ່າງອອກກຳລັງກາຍນຳກັນ ຫລື ຫາກິດຈະກຳຕ່າງໆເຮັດຮວ່ມກັນ

ພຽງເທົ່ານີ້ກໍ່ຈະເຮັດໃຫ້ທ່ານທັງສອງຄົນຮັບຮູ້ຄວາມຮັກຂອງກັນແລະກັນ.

ຄວາມຮັກເປັນສິ່ງທີ່ສວຍງາມ ການສະແດງຄວາມຮັກນັ້ນ

ບໍ່ຈຳເປັນຕອ້ງສະແດງແບບຊູ້ແບບແຟນສະເໝີໄປ ແຕ່ຍັງມີຄວາມຮັກອີກຫລາກຫລາຍເຊັ່ນ

ຄວາມຮັກແບບຄອບຄົວ ແບບໝູ່ເພື່ອນ ແລະ ຄົນອອ້ມຂ້າງ ຄວາມຮັກນັ້ນແມ່ນກຳລັງໃຈທີ່ດີ

ເຮົາສາມາດໃຊ້ຄວາມຮັກທີ່ວຽງແນະນຳມານີ້ໄດ້ກັບທຸກໆຄົນເຮົາທີ່ຢູ່ຮວ່ມກັນ.

ຂອບໃຈທີ່ແວະມາອ່ານ

ໂດຍ ວາລະສານ ອັບເດດ

ຄວາມຮັກຂອງຄົນເຮົາທຸກມື້ນີ້ນັບມື້ນັບປ່ຽນໄປ ສະນັ້ນຈິ່ງມີຄົນເບິ່ງຄວາມຮັກໃນຫລາຍຮູບແບບ

ບົດກອນຕໍ່ໄປນີ້ເປັນບົດກອນທີ່ໜ້າຄິດ ເຊີນອ່ານ

ຮັກແທ້                    ເປັນພຽງຕຳນານ

ຮັກຈົນລົມປານ      ເປັນພຽງບົດປະພັນ

ຮັກບໍ່ແປຜັນ             ເປັນພຽງນິຍາຍ

ຮັກຈົນວັນຕາຍ          ເປັນພຽງນິທານ

ຮັກຕະຫລອດການ     ເປັນພຽງລະຄອນ

ຮັກຢູ່ທຸກຕອນ          ເປັນພຽງລະຄອນນ້ຳເນົ່າ

ຮັກເຈົ້າຄືເກົ່າ          ເປັນຄຳເວົ້າລວງໆ

ຮັກເຈົ້າໝົດຊວງ      ເປັນຄຳເວົ້າຢອດໆ

ຮັກເຈົ້າຕະຫລອດ    ເປັນໄປບໍ່ໄດ້ !!!

ຈາກ ວາລະສານອັບເດດ ປີທີ 8 ສະບັບທີ່ 3/2009

ຜູ້ຍີງກັບຄວາມງາມເປັນສີ່ງທີ່ຄູ່ກັນ ສະນັ້ນມື້ນີ້

ວຽງໄດ້ມີເຄັດລັບງ່າຍໆທີ່ສາມາດງາມຂື້ນໄດ້ໂດຍວິທີເຮັດນັ້ນບໍ່ຮອດ 30 ນາທີ

ແລ້ວຍັງບໍ່ຕອ້ງໄປຊອກຫາສວ່ນປະສົມໃຫ້ຍາກອີກ

ພຽງແຕ່ໝູ່ໆພາກັນເປີດຕູ້ເຢັນໃນເຮືອນເທົ່ານັ້ນ

ວິທີຮັກສາຜີວໜ້າ

ສູດທີ່ 1: ພອກໜ້າດວ້ຍໝາກເລັ່ນ

ວິທີເຮັດ ເລີ່ມດວ້ຍການປາດໝາກເລັ່ນ 1 ປ່ຽງໜາໆ ຖູໃຫ້ທົ່ວໃບໜ້າ ແລະ ລຳຄໍຄອ່ຍໆ

ໂດຍສະເພາະບໍລິເວນທີ່ມີສີວສ້ຽນ ເພາະໝາກເລັ່ນມີວິຕາມີນຊີ ແລະ ກົດ AHA

ຈະຊວ່ຍລອກຜີວໜ້າທີ່ຕາຍແລ້ວຫລຸດອອກມາໄດ້

ຫລັງຈາກນັ້ນຈິ່ງຄອ່ຍໃຊ້ສຳລີຊຸບນ້ຳເຢັນເຊັດໝາກເລັ່ນອອກໃຫ້ສະອາດ.

ສູດທີ່ 2 : ພອກໜ້າດວ້ຍໄຂ່ຂາວ ຈາກປະເທດ ສະວິດເຊີແລນ

ວິທີເຮັດ ຕອກໄຂ່ 1 ຟອງ ແຍກໄຂ່ແດງອອກເທສະເພາະໄຂ່ຂາວຈົນເປັນຟອງພໍສົມຄວນ

ແລ້ວໃຊ້ແປງຂົນນຸ່ມ ຈຸ່ມໄຂ່ຂາວທາໃຫ້ທົ່ວໃບໜ້າ ແລະ ລຳຄໍປະໄວ້ປະມານ 20 ນາທີ

ຈົນໄຂ່ຂາວເລີ່ມແຂັງ ແລ້ວຈິ່ງລ້າງອອກດວ້ຍນ້ຳເຢັນ.

ສູດທີ 3: ພອກໜ້າດວ້ຍນ້ຳເຜີ້ງ ຈາກປະເທດສະເປນ

ວິທີເຮັດ ເລີ່ມຈາກລ້າງໜ້າໃຫ້ສະອາດ ແລ້ວເຊັດໃຫ້ແຫ້ງ

ຈາກນັ້ນໃຊ້ປາຍນີ້ວແຕະນ້ຳເຜີ້ງລູບໃຫ້ທົ່ວໃບໜ້າ ແລະ ລຳຄໍ ແລ້ວນວດໜ້າດວ້ຍປາຍນີ້ວ

ຄອ່ຍໆນວດຈົນຮອດ 5 ນາທີ

ຈະຮູ້ສືກວ່ານ້ຳເຜີ້ງໜຽວແລ້ວນວດຕໍ່ບໍ່ໄດ້ແລ້ວກໍ່ປອ່ຍປະໄວ້ປະມານ 15-20 ນາທີ

ເມື່ອຮອດເວລາແລ້ວກໍ່ໃຊ້ຜ້າຂົນໜູຄອ່ຍໆເຊັດນ້ຳເຜີ້ງອອກໃຫ້ສະອາດ,

ສຳລັບມື້ນີ້ ເອົາ 3 ສູດໄປລອງເຮັດກອ່ນເດີ້

ແລ້ວຈະເອົາສູດດີໆມາຝາກອີກ

ຂອບໃຈທີ່ເສຍສະລະເວລາມາອ່ານໄດອາຮີ່ຂອງຂອ້ຍ