ເນື້ອງຈາກປະຈຸບັນ ເຫດການທາງດ້ານໄພທຳມະຊາດໄດ້ເກີດຂຶ້ນຫຼາຍກ່ວາປົກກະຕິ ເຊັ່ນແຜ່ນດິນໃຫວ ພະຍຸ ນ້ຳຖວ້ມ ແລະ ອື່ນໆ ລວມໄປເຖິງຂ່າວລືວ່າໂລກຊິແຕກໃນປີ 2012. ໃນປະເທດໄກ້ຄຽງລາວ ແລະ ປະເທດເຮົາກໍ່ໄດ້ເກີດແຜ່ນດິນໃຫວຂ້ອນຂ້າງຖີ່ຂື້ນ  ດັ່ງນັ້ນ ຫຼາຍທ່ານກໍອາດຈະວິຕົກກັງວົນ ວ່າອາດຈະເກີດແຜ່ນດິນໃຫວຂະໜາດໃຫຍ່ ຫຼື ມີຄວາມອັນຕະລາຍຮ້າຍແຮງໄປຕ່າງໆນາໆ. ໃນຖານະທີ່ຂ້າພະເຈົ້າໄດ້ສຶກສາໃນດ້ານນີ້ ແລະ ເຂົ້າໃຈກ່ຽວກັບເລື່ອງແຜ່ນດິນໃຫວພໍສົມຄວນ ດັ່ງນັ້ນ ຈຶ່ງຢາກຈະຊີ້ແຈງໃຫ້ບັນດາທ່ານ ຢ່າຢ້ານກົວ ວ່າຈະມີແຜ່ນດິນໃຫວຂະໜາດໃຫຍ່ຢູ່ລາວ ເພາະວ່າ ບໍ່ມີໂອກາດເກີດຮູນແຮງກວ່າ 7 ຣິກເຕີ.

ຈາກແຜນທີ່ (Seismic harzard map) ຂອງກົມສຳຫຼວດທາງທໍລະນີ ສະຫະລັດ (USGS) ໃນເຂດພາກເໜືອຂອງລາວ ໃນຊ່ວງເວລາ 50 ປີ (ຮູບລຸ່ມນີ້) ສະແດງໃຫ້ເຫັນວ່າ peak ground acceleration (m/s^2) ບໍລິເວນພາກຕາເວັນຕົກສ່ຽງເໜືອຂອງລາວ (ບໍ່ແກ້ວ, ອຸດົມໃຊ ຫຼວງນ້ຳທາ ໄຊຍະ) ເປັນສີສົ້ມ (ຄ່າ1.6-2.4) ໝາຍເຖິງໂອກາດເກີດຢູ່ໃນລະດັບກາງລົງມາ ຫຼື ບໍ່ເກີນ  7. ສ່ວນພາກເໜືອລາວສ່ວນໃຫຍ່ເປັນສີເຫຼືອງ (0.8-1.6) ສະແດງວ່າໂອກາດເກີດແຜ່ນດິນໃຫວທີ່ມີຄວາມແຮງຕຳລົງມາ.

ໝາຍເຫດ: ສີແດງ ຫຼາຍສຸດ ແລະ ສີຂາວໜ້ອຍສຸດ

ສະຫຼຸບ: ຖ້າຈະເກີດແຜ່ນດິນໃຫວຈະບໍ່ເກີນປະມານ 7 ຣິກເຕີ ທີ່ບໍ່ລິເວນພາກຕາເວັນຕົກສ່ຽງເໝືອຂອງລາວ ບໍລິເວນ 3-4 ແຂວງທີ່ກ່າວມາ ສ່ວນແຂວງອື່ນທາງພາກເໝືອໂອກາດເກີດລະດັບຕຳ່ກວ່າ. ດັ່ງນັ້ນ ບໍ່ຄວນຈະຢ້ານກວົເກີນເຫດ ຕັ້ງໃຈທຳມາຫາກິນ ດີກວ່າ.

ວັນທີ່ 26/3/2011 ເວລາ 12:57:31 pm  ໄດ້ ເກີດແຜ່ນດິນໃຫວຢູ່ພາກຕາເວັນຕົກສ່ຽງເໜືອຂອງລາວ ບໍລິເວນຊາຍແດນລາວ ພະມ້າ ຂະໜາດ 4.8 ຣິກເຕີ ຢູ່ເລິກປະມານ 10.2 km ຊຶ່ງມີຄວາມເລິກໄກ້ຄຽງກັບແຜ່ນດິນໃຫວທີ່ພະມ້າ (10.0 km).

ລາຍລະອຽດເພີ່ມເຕີມ:

http://earthquake.usgs.gov/earthquakes/recenteqsww/Quakes/quakes_all.php

http://earthquake.usgs.gov/earthquakes/recenteqsww/Quakes/usc0002byw.php

ຄວາມແຕກຕ່າງລະຫວ່າງຄົນເອີຣົບ ແລະ ຄົນອາຊີ

ການສະແດງຄວາມຄິດເຫັນ

ຄົນເອີຣົບ ສະແດງຄວາມຄິດເຫັນໂດຍກົງ ສ່ວນຄົນອາຊີສະແດງຄວາມຄິດເຫັນແບບອ້ອມຄ້ອມ

ແບບແຜນການດຳລົງຊີວິດ

ຄົນເອີຣົບ ໄປຕົວໃຜຕົວມັນ ສ່ວນຄົນອາຊີໄປເປັນກຸ່ມ

ການຕົງຕໍ່ເວລາ

ຄົນເອີຣົບ ຕົງເປະໆ ສ່ວນຄົນອາຊີຂໍຍືດເລັກນ້ອຍ (ຈັ່ງຊີ້ ຄົງຈະບໍ່ໜ້ອຍ!!!!)

ການສື່ສານ

ຄົນເອີຣົບ ຮູ້ສະເພາະກຸ່ມໃຜກູຸມມັນ ສ່ວນຄົນອາຊີຮູ້ກັນທັງບ້ານ ທັງເມືອງ

ການສະແດງຄວາມບໍ່ພໍໃຈ

ສັງເກດເບິ່ງຮູບ

ການເຂົ້າຄິວ

ຄວາມໜັ້ນໃຈໃນຕົວເອງ

ຄົນເອີຣົບ ສຸດໆ ສ່ວນຄົນອາຊີກະຈອຍຫຼອຍ

ບັນຍາກາດຖະໜົນໃນເມືອງໃນວັນພັກ

ບັນຍາກາດງານລ້ຽງ

ຄົນເອີຣົບ ກະຈາຍກຸ່ມໃຜກຸ່ມມັນ ສ່ວນຄົນອາຊີນັ່ງຮອບວົງ

ການທ່ອງທ່ຽວ

ຄົນເອີຣົບບັນທຶກເລື່ອງລາວດ້ວຍຄວາມຊົງຈຳ ສ່ວນຄົນອາຊີໃຊ້ກ້ອງ

ນິຍາມແຫ່ງຄວາມງາມ

ຄົນເອີຣົບມັກຜິວສີ ສ່ວນຄົນອາຊີຂໍຂາວໄວ້ກ່ອນຖືວ່າສຸດຍອດ

ການຈັດການກັບບັນຫາ

ຄົນເອີຣົບພຸ້ງເຂົ້າໃສ່ບັນຫາ ສ່ວນຄົນອາຊີຂໍຫຼີກລຽງບັນຫາໄວ້ກ່ອນ

ການຄົມະນາຄົມ

ຄົນເອີຣົບປ່ຽນຈາກລົດຍົນ ມາຂີ່ລົບຖີບແທນ ສ່ວນຄົນອາຊີກົງກັນຂ້າມ

ການວິຖີຊີວິດຍາມແກ່ສະລາ

ຄົນເອີຣົບໂດດດ່ຽວຢູ່ກັບໝາ ສ່ວນຄົນອາຊີອົບອຸ່ນຢູ່ກັບລູກຫຼານ

ຫົວໜ້າກັບລູກນ້ອງ

ຄົນເອີຣົບ ຕ່າງກັນເລັກນ້ອຍ ສ່ວນຄົນອາຊີຕ່າງກັນຢ່າງຂາດຂັ້ນ ມີອຳນາດລົ້ນຟ້າ

ເດັກນ໊ອຍກັບຜູ້ໃຫຍ່

ຄົນເອີຣົບ ມີສິດສະເໜີພາບ ສ່ວນຄົນອາຊີ ຄວບຄຸມໄວ້ກ່ອນ

ຄ່ານິຍົມ

ຄົນເອີຣົບ ກຳລັງນິຍົມວັດທະນະທຳຂອງອາຊີ ສ່ວນຄົນອາຊີ ກຳລັງນິຍົມວັດທະນະທຳຂອງເອີຣົບ

ລະດັບສຽງເມື່ອຢູໃນການລ໊ຽງ

ເມື່ອທ່ານຕິດຕາມຂ່າວທາງທໍລະພາບບ້ານເຮົາ ທ່ານອາດຈະເຫັນລາຍການແຈ້ງຂ່າວມໍລະນະກຳ ຊຶ່ງຈະກ່າວເຖິງສາຍເຫດຂອງການເສຍຊີວິດ ເຊັ່ນ: ຍ້ອນໂລກສະລາ, ຍ້ອນອຸປະຕິເຫດ ໂລກກະທັນຫັນ ແລະ ພະຍາດຂອງຜຸ້ກ່ຽວເອງ. ສາຍເຫດສຸດທ້າຍນີ້ ເປັນໜ້າສົນໃຈ ເພາະວ່າ ສ່ວນໃຫຍ່ທີ່ເຫັນໃນຂ່າວແມ່ນອັນສຸດທ້າຍນີ້  ຂ້າພະເຈົ້າຍັງຂ້ອງໃຈຢູ່ ເປັນຫັຍງຈິ່ງໃສ່ວ່າ ພະຍາດຂອງຜູ້ກ່ຽວເອງ ມັນກວມລວມເກີນໄປ ຄ້າຍກັບເອົາກຳປັ້ນຊັດດິນ ມັນຖືກຢູ່ແລ້ວ ບໍ່ມີໃຜຊິໄປເສຍຊີວິດຍ້ອນພະຍາດຂອງຜູ້ອື່ນ ລະບຸຊື່ພະຍາດ ຫຼື ຊື່ໂລກໄປເລີຍບໍ່ໄດ້ບໍ? ເຊັ່ນ: ໂລກມະເຮັງ, ໂລກຕັບແຂງ, ໄຂ້ເລືອດອອກ ......ອື່ນໆ.

ຍັງງົງຢູ່!!!!!

ເນື່ອງຈາກ ໄລຍະນີ້ ກະແສຂ່າວເລື່ອງການເກີດໄພທຳມະຊາດ ເກີດຂຶ້ນຢ່າງຕໍ່ເນື່ອງ ເຊັ່ນ: ແຜ່ນດິນໃຫວ, ຄື້ນຊິນາມິ, ນຳຖ້ວມ, ພະຍຸ, ....ໃນຫຼາຍພື້ນທີ່ທົ່ວໂລກ ແລະດັ່ງນັ້ນ ຜູ້ຄົນຈຶ່ງມາຫັນມາສົນໃຈຕິດຕາມຂ່າວສານເລື່ອງນີ້ຫຼາຍຂຶ້້ນກວ່າເກົ່າ. ບັນດານັກວິທະຍາສາດແລະ ໂຫລະສາດກໍ່ອອກມາວິພາກວິຈານກັນຕ່າງໆນາໆ ຈົນກ້າວໄປເຖິງວ່າ ໂລກຈະຈົບຊິ້ນໃນປີ 2012 ເຮັດໃຫ້ບາງຄົນແຕກຕື່ນ ກິນເຂົ້າບໍ່ແຊບ ນອນບໍ່ຫຼັບ ຈົນກະທັ້ງບາງຄົນກໍ່ຟ້າງສ້າງຄອບຄົວ ເພື່ອຈະໄດ້ລອງລົດຊາດ... ກ່ອນທີ່ໂລກຈະແຕກ.

ໃນຄວາມເຊື່ອທາງວິທະຍາສາດຂ້າພະເຈົ້າວ່າ ໂລກຈະບໍ່ແຕກແນ່ນອນ ແຕ່ມັນອາດຈະມີໄພທຳມະຊາດ ຫຼາຍກວ່າເກົ່າ. ເນື່ອງຈາກໄພທຳມະຊາດກໍເກີດຂຶ້ນມາຕະຫຼອດ ເຊັ່ນ:

1. ໄພທຳມະຊາດເມື່ອຫຼາຍລ້ານປີກ່ອນ ກໍ່ເຮັດໃຫ້ໄດໂນເສົາ ຫຼື ພຶດບາງຊະນິດ ສູນພັນ. ສະໃໝນັ້ນ ໄດໂນເສົາກະບໍ່ເຫັນຈະໄດ້ສ້າງໂຮງງານອຸດສະຫະກຳ ຫຼື ກິດຈະກຳອື່ນ ທີ່ເຮັດໃຫ້ໂລກເກີດໄພພິບັດ ແຕ່ໄພທຳມະຊາດກໍທຳລາຍພວກເຂົາ

2. ໃນປະເທດລາວ ເມື່ອປະມານລ້ານກວ່າປີກ່ອນ ຢູ່ພາກໃຕ້ຂອງລາວ ເຂດພູພຽງບໍລະເວນ(ຈຳປາສັກ, ສາລະວັນ ແລະ ເຊກອງ) ແລະ ພູພຽງສານໄຊ (ອັດຕະປື) ພູໄຟກໍລະເບີດຫຼາຍໆໆ ລູກກະຈາຍໄປທົ່ວ. ຖ້າລະເບີດຂຶ້ນໃນປະຈຸບັນກໍຄົງຈະໂທດມະນຸດດັ່ງທີ່ເປັນຢູ່

ຖ້າໂລກຈະແຕກຈິງໆ ອາດຈະມາຈາກ:

1. ມີດາວອື່ນ ຫຼື ລູກອູກາບາດ ທີ່ເຄື່ອນທີ່ຜິດວົງໂຄຈອນ ມາຕຳໃສ່ໂລກ (ໂອກາດກໍມີນ້ອຍ)

2. ມີແຜ່ນດິນໃຫວ ຫຼື ພູໄພ ລະເບີດທົ່ວໂລກ (ເປັນໄປບໍ່ໄດ້ ແຜ່ນດິນໃຫວມັກເກີດບ່ອນທີ່ມີຮອຍເລື່ອນ ຫຼື ຮອຍຕໍ່ຂອງແຜ່ນເປືອກໂລກເທົ່ານັ້ນ)

3.ນ້ຳຖວ້ມໂລກ ເນື່ອງຈາກໂລກຮ້ອນເຮັດໃຫ້ນ້ຳແຂງຢູ່ຂົ້ວໂລກເປື່ອຍ ( ກໍ່ເປັນໄປບໍ່ໄດ້. ຈະເອົານ້ຳມາແຕ່ໃສ ນ້ຳອາດຈະຖ້ວມບາງແຫ່ງທີ່ຕຳ ແຕ່ບໍ່ສາມາດຖ້ວມໝົດ ເພາະວ່ານ້ຳແຂງທີ່ຢູ່ຂົ້ວໂລກມີປະລິມານໜ້ອຍຫຼາຍເມື່ອທຽບໃສ່ນ້ຳໃນມະຫາສະໝຸດ)

4.ສານກຳມັນຕະພາບລັງສີທີ່ເກີດຈາກສົງຄາມທີ່ໃຊ້ລະເບີດນິວເຄຍ ຫຼື ຈາກໂຮງງານນິວເຄລຍລະເບີດ (ກໍອາດຈະມີບາງແຫ່ງ ອາດຈະບໍ່ສາມາດເກີດຂຶ້ນທົ່ວໂລກ)

ແຕ່ເຖິງຢ່າງໃດກໍຕາມ ພາວະໂລກຮ້ອນທີ່ເກີດຈາກການປ່ອຍ CO2 (ຊີໂອທູ) ກໍອາດຈະມີຜົນກະທົບຕໍ່ໂລກ ເຊັ່ນ: ເມື່ອນ້ຳແຂງໃນຂົ້ວໂລກເປື່ອຍ ມັນກໍໃຫຼ ລົງສູມະຫາສະໝຸດ ເຮັດໃຫ້ມວນສານຂອງແຜ່ນເປືອກໂລກ (TECTONIC PLATE)ບາງບ່ອນຂາດການດຸ່ນດ່ຽງ ດັ່ງນັ້ນ ມັນຈຶ່ງພະຍາຍາມປັບຕົວໃຫ້ເກີດການດຸ່ນດ່ຽງ ຄ້າຍກັບເອົານ້ຳ ໄປເຕີມໃສ່ຖາດ ຫຼື ວັດຖຸທີ່ສາມາດຂັງນຳໄວ້ບໍ່ເທົ່າກັນ ເຮັດຂາດການດ່ຽນດ່ຽງ ຫຼື ອີກຕົວຢ່າງ ເຊັ່ນ ແມ່ຍິງຖືພາໄກ້ຈະຄອດ ເວລາຍ່າງກະຕ້ອງຫຼັງເອ່ນ ນັ້ນເປັນການປັບຄວາມດຸ່ນດ່ຽງຂອງຮ່າງກາຍ ເພື່ອໃຫ້ຍ່າງໄດ້ສະດວກ.  ດັ່ງນັ້ນ ເປືອກໂລກກໍເໝືອນກັນ ເມື່ອມວນສານຂອງແຜ່ນເປືອກໂລກປ່ຽນແປ  ມັນກໍຕ້ອງການຄວາມດຸ່ນດຽ່ງດັ່ງນັ້ນ ມັນຈິ່ງຍ້າຍທີ່ ເມືອມັນຍ້າຍທີ່ ໂອກາດທີ່ເກີດແຜ່ນດິນໃຫວກໍມີຫຼາຍຂຶ້ນກວ່າປົກກະຕິ.

ໂດຍປົກກະຕິ ສາຍເຫດທີ່ພາໃຫ້ແຜ່ນເປືອກໂລກເຄື່ອນທີ່ ແມ່ນການນຳພາຂອງຄວາມຮ້ອນ (CONVECTION) ຢູ່ຊັນໃນຂອງໂລກ ຫຼື ຊັ້ນແມນເທິນ (MANTLE) ຊຶ່ງເປັນຊັ້ນທີ່ເປັນທາດແຫຼວ ປະກົດການນີ້ໄດ້ດຶງໃຫ້ແຜ່ນທະວີບເລື່ອນໄປ ດັ່ງຮູບ. ເມື່ອປະມານ 500 ລ້ານປີທຸກທະວີບເປັນແຜ່ນດຽວກັນ ປະຈຸບັນແຍກກັນດັ່ງທີ່ເຫັນ ກະຍ້ອນປະກົດການນີ້ແລ້ວ.

Tsunami (ຊຶນະມິ) ມາຈາກພາສາຍີ່ປຸ່ນ ມີຄວາມໝາຍວ່າຄື້ນຂະໜາດໃຫຍ່ ຫຼື ຄື້ນຍັກ

ຊຶນະມິ ເກີດຂຶ້ນໄດ້ຈັ່ງໃດ? ຄົງອາດຈະຍັງເປັນຂໍ້ກັງຂາຂອງຫຼາຍທ່ານ. ຂະພະເຈົ້າຈະສະຫຼຸບໂດຍຫຍໍ້ ດັ່ງນີ້:

ສາຍເຫດທີ່ພາໃຫ້ເກີດຄື້ນຊຶນະມິ ມີດັ່ງນີ້:

1. ເກີດຈາກແຜ່ນດິນໃຫວ ໃນທະເລຫຼື ມະຫາສະໝຸດ (ສາຍເຫດຕົ້ນຕໍ)

ຖ້າເກີດແຜ່ນດິນໃຫວບໍລິເວນທີ່ເປັນແຜ່ນທະວີບຈະບໍ່ເກີດຄື້ນຊຶນະມິ

1. ເກີດຈາກແຜ່ນດິນຖະຫຫຼົ່ມລົງໃນທະເລ ຫຼື ມະຫາສະໝຸດ (ມີໜ້ອຍ)
2. ເກີດຈາກການທົດລອງລະເບີດນິວເຄລຍໃນທະເລ ຫຼື ມະຫາສະໝຸດ (ມີໜ້ອຍ)
3. ມີລູກອຸກາບາດທີ່ມາຈາກນອກໂລກ ຕົກລົງໃນທະເລ ຫຼື ມະຫາສະໝຸດ (ມີໜ້ອຍ ເກືອບບໍ່ມີ)

ແຜ່ນດິນໃຫວໃນທະເລແບບໃດ? ຈິ່ງພາເກີດຄື້ນຊຶນະມິ:

ເປັນແຜ່ນດິນໃຫວທີເກີດການເຄື່ອນຕົວຂອງເປືອກໂລກ ທີ່ເຄື່ອນທີ່ຕາມລວງຕັ້ງ ດັ່ງຮູບ1 ( ຖ້າແຜ່ນເປືອກໂລກເຄືອນທີ່ຕາມລວງນອນຈະບໍ່ເກີດຄື້ນຊຶນະມິ). ເລື່ອງແຜ່ນດິນໃຫວຂະພະເຈົ້າໄດ້ຂຽນໃນໄດອະຣີກ່ອນໜ້ານີ້ແລ້ວ

ຮູບ1

ຄວາມສູງຂອງຄື້ນຊຶນະມິ ຫຼື ພະລັງງານທີ່ກະທົບໃສ່ຝັ່ງ ຂຶ້ນກັບ:

1. ຂະໜາດຂອງແຜ່ນດິນໃຫວ
2. ຄວາມຊັນຂອງການເຄື່ອນຕົວຂອງເປືອກໂລກ ຖ້າມັນເຄື່ອນທີ່ຕາມລວງຕັ້ງ ຈະເກີດຄື້ນຂະ ໜາດແຮງກວ່າ ມັນເຄື່ອນຕາມລວງເນີ້ງ
3. ໄລຍະຫ່າງແຕ່ຈຸດເກີດຄື້ນຫາແຄມຝັ່ງ  ຖ້າເກີດຢູ່ໄກຝັ່ງພະລັງງານຂອງຄື້ນກໍຫຼຸດລົງ ກໍຄືຄື້ນນ້ຳທົວໄປ (ຄວາມຈິງມີສູດຄິດໄລ່) ຖ້າເກີດຢູ່ໄກ້ຝັ່ງມັນຈະສ້າງຄວາມເສຍຫາຍຫຼາຍກວ່າ
4. ຄື້ນສິນະມິຂຶ້ນຝັ່ງໄດ້ໄກສຸດປະມານ 2 ກິໂລແມັດ ເພາະສະນັ້ນ ຖ້າຜູ້ໃດມີເຮືອນໄກແຄມຝັ່ງເກີນສອງກິໂລແມັດ ຍູທ່າງນອນກອດເມຍໂດຍບໍ່ຕ້ອງກັງວົນ

ລັກສະນະຂອງຄື້ນທີ່ເຄືອນທີ່ບໍລິເວນໄກ້ຝັ່ງ

ບໍລິເວນນ້ຳເລິກ ຄື້ນມີຄວາມສູງໜ້ອຍກວ່າ ຄື້ນທີ່ບໍລິເວນນ້ຳຕື້ນ ດັ່ງຮູບ 2   . ສູດການພົວພັນລະຫວ່າງ ຄວາມຍາວຄື້ນແລະຄວາມສູງຂອງຄື້ນ. ຄວາມຍາວຄື້ນຫລາຍ ແລະ ລວງສູງໜ້ອຍ (ຢູ່ບໍລິເວນນ້ຳເລິກ) ສວ່ນ ຄວາມຍາວຄື້ນໜ້ອຍ ແລະຄວາມສູງຂອງຄື້ນຫຼາຍ (ຢູ່ບໍລິເວນນ້ຳຕຶ້ນ) ດັ່ງຮູບ 2 ເຊິ່ງກໍອີງຕາມກົດເກນຮັກສາພະລັງງານນັ້ນເອງ. ຕົວຢ່າງ ເມື່່ອເກີດຄື້ນຊຶນະມິ ທີ່ບໍລິເວນໝູ່ ເກາະສຸມາດຕາ, ທະເລອັນດາມັນ ປີ 2004 ບັນດາເຮືອລົບຂອງອະເມລິກາທີ່ຈອດຢູ່ກາງມະຫາສະໝຸດປອດໄພ ແຕ່ລຳທີ່ຈອດຢູ່ແຄມຝັ່ງຖືກຄື້ນຊັດເຂົ້າຝັ່ງ ແລະ ເສຍຫາຍຢ່າງໜັກ

ຮູບ2

ຢູ່ລາວມີໂອກາດເກີດຊຶນະມິບໍ?

ບໍ່ເກີດແນ່ນອນ ເພາະວ່າ ລາວບໍ່ຕິດທະເລ ຖ້າສົມມຸດມັນເກີດຝັ່ງທະເລຫວຽດນາມ ມັນຄົງບໍ່ສາມາດຂ້າມສາຍພູຫຼວງໄດ້ຢ່າງແນ່ນອນ

ວັນທີ 11 /3/2011 ໄດ້ເກີດແຜ່ນດິນໃຫວຂະໜາດ 8,9 ຣິກເຕີ ກໍໃຫ້ເກີດຄື້ນຊິນະມິຂະໜາດໃຫຍ່ກະທົບຊາຍຝັ່ງຂອງປະເທດຍີ່ປຸ່ນ (NEAR THE EAST COAST OF HONSHU, JAPAN) ສ້າງຄວາມເສຍຫາຍຢ່າງໜັກ ເຫດຜົນ ດັ່ງຂໍ້ 1-3 ຂ້າງເທິງ  ແຕ່ສິ່ງສຳຄັນຄືເກີດໄກ້ໆ ກັບແຄມຝັ່ງດັ່ງນັ້ນມັນຈຶ່ງມີພະລັງມະຫາສານ ແລະ ເຂົ້າຈູ່ໂຈມຢ່າງໄວ ເຖິງແມ່ນວ່າປະເທດຍີ່ປຸ່ນມີລະບົບເຕືອນໄພທີ່ທັນສະໃໝ ລະດັບຕົ້ນໆຂອງໂລກກໍຕາມ.

ລາຍລະອຽດທ່ານສາມາດຕິດຕາມເລື່ອງແຜ່ນດິນໃຫວໄດ້ຈາກເວັບໄຊhttp://earthquake.usgs.gov/earthquakes/recenteqsww/Quakes/quakes_all.php

ຈາກຂໍ້ມູນນີ້ທ່ານສັງເກດເຫັນບໍ່ ວ່າມີຄື້ນແຜ່ນດິນໃຫວທີ່ເກີດຕາມມາ (After Shock) ຫຼາຍໆໆຄັ້ງ ປະມານ 15 ຄັ້ງ ທັງໃນທະເລ ແລະ ເທິງໜ້າດິນ

"ສາວບ້ານເພິ່ນຕາຍເປັນເຂົ້າ  ຂຽວຄືເທົາອ້າຍບໍ່ຂໍກ່ຽວ

ສາວບ້ານໂຕຕາຍເປັນເຂົ້າໝາກກ້າ  ແກມຫຍ້າກະຊິເລັມ

ຄັນແມ່ນເລັມບໍ່ໄດ້ ຊິເອົາກະບຸງມາຮູດໃສ່

ຄັນແມ່ນຮູດບໍ່ໄດ້ ຊິນອນກິ້ງເກືອກເອົາ  ນາງເອີຍ"

 "ບໍ່ມີຊົນຊາດໃດ ຟ້ອນລຳວົງລາວ ອ່ອນຊ້ອຍເທົ່າກັບຄົນລາວຟ້ອນ

ບໍ່ຊົນຊາດໃດຈະຮັກຄົນລາວ ເທົ່າກັບຄົນລາວຮັກຄົນລາວ

ບໍ່ຊົນຊາດໃດຈະຮັກຊາດລາວ ເທົ່າກັບຄົນລາວຮັກຊາດລາວ"

ສຸພາສິດບູຮານບົດໜຶ່ງກ່າວວ່າ: "ເລືອດຍ່ອມຂຸ້ນກວ່ານ້ຳ"

 "ຢ່າຊິໄລລາຖິ້ມຜັກກະໂດນຕົ້ນເກົ່າ ຢ່າຊິລະໂຄດເຊື້ອໜີໄປຍ້ອງຜູ້ອື່ນດີ ເດີພີ່ນ້ອງ"

"ໃຫ້ຮັກແພງກັນໄວ້ຄືເຂົ້າໜຽວເດີພີ່ນ້ອງ ຢ່າໄດ້ເພແຕກມ້າງຄືນ້ຳຖືກເຂົ້າໜຽວ"

ຄຳເວົ້າເຫລົ່ານີ້ ເບິ່ງຄືວ່າ ເປັນຄຳເວົ້າທີ່ທຳມະດາ ແຕ່ບົ່ມຊ້ອນດ້ວຍຄວາມໝາຍທີ່ປະເສີດ. ຖ້າບັນດາທ່ານສຶກສາປະຫວັດສາດຢ່າງລະອຽດ ແລ້ວພົບວ່າ ສາຍເຫດທີ່ລາວເສຍດິນແດນໃຫ້ຊາດອື່ນ ເນື່ອງຈາກການເຫັນແກ່ ຜົນປະໂຫຍດສ່ວນຕົວຂອງບາງກະສັດ ໄປຍົກຍ້ອງ ແລະເພິ່ງພາຊາດອື່ນເພື່ອຫວັງເອົາຄວາມດີຄວາມຊອບຈາກຜູ້ອື່ນ

ຄຳວ່າ "ຈົກ"

1. ຈົກ (ນ)  ແມ່ນອຸປະກອນຊະນິດໜຶ່ງທີ່ໃຊ້ຂຸດດິນ

2. ຈົກ (ກິລິຍາ) ແມ່ນການໃຊ້ມື ແຍ່ເຂົ້າໄປ ຫຼື ເດ່ເຂົ້າໄປ ຫຼື  ສອດເຂົ້າໄປໃນບໍລິເວນທີ່ເບິ່ງບໍ່ເຫັນ ເຊັ່ນ: ຈົກປາແດກ, ຈົກຖົງສົ້ງ, ຈົກເຂົ້າເຢັນໃສ່ຫວດ, ຈົກຮູກະປູ,...

ຕົວຢ່າງ: ອີ່ຫຼ້າເອີຍ ຢ່າລືມຈົກເຂົ້າເຢັນໃສ່ຫວດເດີ ແລະ ໄປຈົກປາແດກຕ່ອນຢູ່ໃຫ ກ້ອງຕະລ່າງມາໃຫ້ພໍ່ແນ່ ພໍ່ຊິໃສ່ຕຳໝາກຫຸ່ງເຮີ່ມ. ຫຼັງຈາກກິນເຂົ້າແລ້ວ ໃຫ້ພານ້ອງໄປຫຼຶ້ນ ຢ່າໃຫ້ນ້ອງໄປຈົກຮູເດີ ຢ້ານງູຂົບ ສ່ວນວ່າພໍ່ຊິເອົາຈົກໄປປ້ານຄັນແທນາ.

ຕົວຢ່າງ: ທ້າວມີ ໄປກິນເບຍຢູ່ຮ້ານກັບໝູ່ຂອງລາວ ບາດຊິເມືອຈົກເບິ່ງເງິນໃນກະເປົາໂລດບໍ່ມີຈັກກີບ.....

ຈົກຍັງໃຊ້ໃນການຈົກຜູ້ສາວນຳອີກ!!!

ຕົວຢ່າງ: ສຽງຜູ້ສາວຮ້ອງຂຶ້ນວ່າ "ໂອຍ!!! ອ້າຍອັນນີ້ຈັ່ງແມ່ນມືໄວກະດໍ້"  ສະແດງວ່າຜູ້ສາວຖືກຜູ້ບ່າວ..???.....

ຖ້າວ່າ ບັນດາທ່ານເຫັນວ່າມີຄວາມໝາຍອື່ນໆ ອີກກະລຸນາເພີ່ມເຕີມແນ່ ພ້ອມທັງຍົກຕົວຢ່າງ ຂອບໃຈ!!!

ຕົກກະເທີນວ່າເປັນເສືອແລ້ວ  ບໍ່ມີລາຍເຂົາກະຕູ່

ແໜງສູ້ເອົາໝິ່ນໝໍ້ ມາແຕ້ມໃຫ້ຕື່ມລາຍ

ຕົ້ນໄມ້ໃຫຍ່ບໍ່ມີຜີ  ສາວຜູ້ດີບໍ່ດີບໍ່ມີຊູ້  ທໍລະນີຊິບໍ່ແຕກ ບໍນໍ

ຄັນວ່າຜີຕາແຮກເປີດໄກ່ຕົ້ມ  ດິນຊິບໍ່ແຫ້ງໄງ່ຜົງ ສາບໍ  

(ຜີຕາແຮກ ແມ່ນຜີຢູ່ຫົວໄຮ່ປາຍນາ ເມື່ອເຖິງລະດູການປັກດຳນາ ຕ້ອງມີເຫຼົ້າ ມີຕົ້ມໄກ່ໄປເສັ້ນ ຫຼື ໄປຖວາຍ)

ຫຼືວ່າຊາດກ່ອນກີ້         ອ້າຍຖະຫວາຍດອກໄມ່ຫ່ຽວ ບໍ່ນໍ

ເວນຈິ່ງທຽວມາໃຊ້        ໃຫ້ພົບນ້ອງຍາມເມື່ອສາຍ

ອັນວ່າຄວາມຮັກອ້າຍ      ແມ່ນຮັກຫຼາຍກະພຽງໝູ່

ບໍ່ຄາດຫັວງເປັນແຟນ      ຍ້ອນສາຍແນນບໍ່ເຖິງນ້ອງ

ໄດ້ແຕ່ມອງແລະໜອງເສົ້າ   ບາດຍາມເຂົາພານ້ອງຜ່ານ

ມືປະສານກ່ຽວກ້ອຍ       ເອົານ້ອງເຂົ້າບ່ອນນອນ

ໄດ້ແຕ່ຫັນເມີນໜ້າ        ຫຼົບສາຍຕາຢູ່ມູມປ່ຽວ

ບໍ່ອາດຫຼຽວໄປເບິ່ງນ້ອງ    ຢ້ານຫຼົງຮ້ອງໃຫ້ ໃຫ້ເພິ່ນເຫັນ

ແຕ່ກ່ອນນັ້ນໜາ  ຍາມຢູ່ໄກ້ໃຈເຕັ້ນ    ເປັນງົງໆຄືຊິປ່ວຍ

ວ່າຊິເອີ່ຍປາກເວົ້າ       ວ່າຮັກ ເຈົ້າກະບໍ່ຫານ

ຢ້ານເຈົ້າຫວັ່ນໃຈນຳອ້າຍ  ຊິທຳໃຈລຳບາກ

ເວົ້າອອກໄປກະບໍໄດ້     ເກັບໄວ້ໃນໃຈກະອຸກອັ່ງ

ບໍ່ຈັກຊິເຮັດ ເບິດປັນຍາ  ຂໍເກັບໄວ້ ໃຫ້ທຸກໃຈພຽງຜູ້ດຽວ 

ຊ່າງຫົວມັນ!!! (ເວົ້າແລ້ວຊິຍົກຈອກເຫຼົ້າບອງຍາ ດື່ມໃຫ້ຫາຍກຸ້ມ ສາກ່ອນ!!!)

•    ຜູ້ນຳມີສິ່ງໃດທີ່ເຮັດໃຫ້ຜູ້ຄົນປາດຖະໜາຢາກທີ່ຈະຕິດຕາມ?

·         ເປັນຫຍັງຜູ້ນຳບາງຄົນຈຶ່ງບໍ່ຄ່ອຍຢາກຈະມີຜູ້ຕິດຕາມ? ແຕ່ກັບນຳບາງຄົນໃຜໆ ກັບຍອມທຸ່ມເທຊີວິດທີ່ຈະຕິດຕາມ?

·         ຄວາມແຕກຕ່າງລະຫວ່າງຜູ້ນຳເກັ່ງແຕ່ທິດສະດີ ເກັ່ງແຕ່ເວົ້າ ກັບຜູ້ນຳທີ່ປະສົບຜົນສຳເລັດຢ່າງແທ້ຈິງ ນັ້ນແມ່ນຫຍັງ?

ຄຳຕອບ ກໍຄືຂຶ້ນຢູ່ກັບຄຸນສົມບັດຂອງ ຜູ້ນຳແຕ່ລະຄົນນັ້ນເອງ

ບາງຄົນອາດຈະຄິດວ່າ ຜູ້ທີ່ເປັນຫົວໜ້າ ຫຼື ມີຕຳແໜ່ງທາງການ ຈຶ່ງຖືວ່າເປັນຜູ້ນຳ, ແຕ່ຄວາມຈິງແລ້ວທຸກຄົນຍ່ອມເປັນຜູ້ນຳ ເຊັ່ນ: ໃນສະຖາບັນຄອບຄົວ, ອົງການຈັດຕັ້ງຂັ້ນນ້ອຍ, ຕະຫຼອດຮອດເປັນນາຍົກລັດຖະມຸນຕີ

ຕົວຢ່າງ: ບາງຄົນເປັນຜູ້ນຳຄອບຄົວ, ເປັນຄະນະຫ້ອງ,...ລວມໄປເຖິງເປັນຜູ້ນຳຕົວທ່ານເອງ

 ບັນດາທ່ານເດ ຈະສາມາດເປັນຜູ້ນຳທີ່ມີຄຸນນະພາບໄດ້ບໍ່?

ຄຳຕອບ ກໍຄື ສາມາດເປັນໄດ້ ແຕ່ວ່າທ່ານຕ້ອງມີຄຸນສົມບັດແຫ່ງການເປັນຜູ້ນຳໃນຕົວທ່ານ ຊຶ່ງການເປັນຜູ້ນຳ ທ່ານຕ້ອງຝຶກຝົນຢູ່ຕະຫຼອດເວລາ ບໍ່ແມ່ນຈະເກີດຂຶ້ນໃນວັນດຽວ.

ຄຸນສົມບັດຂອງຜູ້ນຳທີ່ດີຕ້ອງມີດັ່ງນີ້:

1.   ຄຸນນະທັມ: ຄຸນນະທັມຈົ່ງແຂງແກ່ນດັ່ງຫີນຜາ . ຄົນທີ່ມີຄວາມສາມາດ ແຕ່ຖ້າຂາດຄຸນນະທັມ ຈະນຳໄປສູ່ຄວາມຫາຍະນະ ບັ້ນປາຍຂອງຄົນເຫຼົ່ານີ້ ຈະມີຢ່າງໜ້ອຍໜຶ່ງໃນສີ່ ຄື: ຄວາມຍິ່ງຍະໂສ, ຄວາມຮູ້ສຶກເຈັບປວດເນື່ອງມາຈາກຄວາມໂດດດ່ຽວ, ການສະແຫວງຫາສິ່ງແປກໃໝ່ທີ່ເປັນໄພ ແລະ ການຜິດປະເພນີ. 

2.   ສະເໜ່: ປະທັບໃຈໃນຄັ້ງທຳອິດທີ່ພົບອາດຈະປະສົບຜົນສຳເລັດ

3.   ທຸ່ມເທ: ຄົນຈະບໍ່ຕາມຜູ້ນຳທີ່ປະສະຈາກຄວາມທຸ້ມເທ

4.   ສື່ຄວາມເຂົ້າໃຈ: ຖ້າປາສະຈາກສິ່ງນີ້ ກໍຕ້ອງເດີນທາງໂດຍລຳພັງ. “ນັກວິໄຈ ເຮັດໃຫ້ເລື່ອງງ່າຍເປັນເລື່ອງທີ່ສະລັບສັບຊ້ອນ ແຕ່ຜູ້ນຳເລື່ອງສະລັບສັບຊ້ອນ ໃຫ້ເປັນເລື່ອງງ່າຍ”

5.   ປະສິດທິພາບ: ຫາກມີສິ່ງນີ້ໃຜໆກໍຢາກຕິດຕາມທ່ານ

6.   ກ້າຫານ: ຄົນດຽວທີ່ກ້າຫານກໍ່ເທົ່າກັບສຽງສ່ວນຫຼາຍ

7.   ວິຈາລະຍານ: “ຜູ້ນຳທີ່ສະຫຼາດເຊື່ອພຽງເຄິ່ງໜຶ່ງທີ່ໄດ້ຍິນ ຜູ້ນຳທີ່ມິວິຈາລະຍານຮູ້ວ່າເຄິ່ງໃດຄວນເຊື່ອ”

8.   ມີຈຸດສຸມ: “ຖ້າທ່ານໄລ່ຈັບກະຕ່າຍສອງໂຕພ້ອມກັນ ກະຕ່າຍທັງສອງຈະໜີໄປໄດ້”

9.   ມີນ້ຳໃຈ: “ບໍ່ມີໃຜໄດ້ຮັບກຽດຈາກການເປັນຜູ້ຮັບ ແຕ່ກຽດຕິຍົດນັ້ນເປັນລາງວັນສຳລັບຜູ້ໃຫ້”

10. ລິເລີ່ມ: “ໃນບັນດາຜູ້ນຳທີ່ຄວນຈະຢ້ານກົວ ຄືຄວາມອືດອາດ ຊັກຊ້າ ລັ່ງເລ ເປັນອັນດັບໜຶ່ງ”

11. ຟັງຢ່າງຕັ້ງໃຈ: “ຫູຂອງຜູ້ນຳຕ້ອງເຕັມໄປດ້ວຍສຽງຂອງຜູ້ຄົນ”.

“ຜູ້ນຳທີ່ດີ ສະໜັບສະໜູນໃຫ້ຜູ້ຕາມບອກເຂົາ ໃນສິ່ງທີ່ຄວນຈະຮູ້ ບໍ່ແມ່ນສິ່ງທີ່ເຂົາຕ້ອງການໄດ້ຍິນ”

12. ມີໃຈຮັກ: “ເມື່ອຜູ້ນຳຍື່ນມືອອກໄປດ້ວຍໃຈຮັກ ເຂົາກໍຈະໄດ້ຮັບການຕອບສະໜອງດ້ວຍໃຈຮັກເຊັ່ນກັນ”

13. ທັດສະນະຄະຕິທີ່ດີ: “ການຄົ້ນພົບທີ່ຍິ່ງໃຫຍ່ທີ່ສຸດ ຄືການທີ່ມະນຸດສາມາດປ່ຽນແປງຊີວິດຂອງຕົນເອງ ໂດຍການປັບປ່ຽນທັດສະນະຄະຕິຂອງຕົວເອງ”

14. ຮູ້ຈັກແກ້ບັນຫາ: “ຢ່າໃຫ້ບັນຫາ ກາຍເປັນບັນຫາ”

15. ມະນຸດສຳພັນ: “ສ່ວນປະສົມທີ່ສຳຄັນທີ່ສຸດ ໃນສູດແຫ່ງຄວາມສຳເລັດ ຄືການຮູ້ຈັດເຂົ້າກັບຄົນອື່ນ”

16. ຮັບຜິດຊອບ: “ຜູ້ນຳສາມາດເສຍສະຫຼະສິ່ງໄດກໍໄດ້ ຍົກເວັ້ນຄວາມຮັບຜິດຊອບຂອງເຂົາ”

17. ໝັ້ນຄົງ: “ທ່ານບໍ່ສາມາດເປັນຜູ້ນຳໄດ້ ຖ້າທ່ານຍັງເພີ່ງພາພວກເຂົາ”

18. ລະບຽບໃນຕົວເອງ: “ບຸກຄົນທຳອິດທີ່ທ່ານຕ້ອງນຳພາ ຄືຕົວທ່ານເອງ”

“ໄຊຊະນະທີ່ຍິ່ງໃຫຍ່ທີ່ສຸດ ຄືຕ້ອງເອົາຊະນະຕົວທ່ານເອງ”

19. ເປັນຜູ້ຮັບໃຊ້: “ຖ້າຢາກນຳໜ້າ ຕ້ອງໃຫ້ຜູ້ອື່ນອອກມາກ່ອນ”

“ທ່ານຕ້ອງຮັກຄົນຂອງທ່ານ ຫຼາຍກວ່າຕຳແໜ່ງຂອງທ່ານ”

20. ໃຝ່ຮູ້: “ສິ່ງທີ່ສຳຄັນຄື ການທີ່ທ່ານຮຽນຮູ້ ຫຼັງຈາກທີ່ທ່ານຮູ້ໝົດແລ້ວ”

21. ວິໃສທັດ: “ອະນາຄົດຂອງຜູ້ທີ່ມອງເຫັນສິ່ງທີ່ເປັນໄປໄດ້ ກ່ອນທີ່ສິ່ງນັ້ນຈະປະກົດໃຫ້ເຫັນເດັ່ນຊັດເສຍອີກ”

 ບົດຂຽນນີ້ອາດຈະມີປະໂຫຍດສຳລັບທ່ານ  ແລະ ຜູ້ນຳຂອງທ່ານມີຄຸນສົມບັດຢ່າງນີ້ຫຼືບໍ່???

ອາດຈະບໍເປັນເລື່ອງແປກວ່າມີແຜ່ນດິນໃຫວໃນລາວ. ໂດຍປົກກະຕິແຜ່ນດິນໃຫວໃນທົ່ວໂລກ
ເກີດມັນເກີດຂຶ້ນທຸກໆ ຊົ່ວໂມງຢູ່ແລ້ວ ແຕ່ເຂົາບໍ່ລາຍງງານເນື່ອງຈາກມີຂະໜາດນ້ອຍ ມັນບໍ່ສົ່ງຜົນກະທົບແກ່ຄົນເຮົາ. ຖ້າຂະໜາດໃຫຍ່ຈຶ່ງລາຍງານ. ລາຍລະອຽດເບິ່ງຂໍ້ມູນຈາກເວັບໄຊ ຂອງກົມສຳຫຼວດທາງທໍລະນີຂອງສະຫະລັດອາເມລິກາ ຫຼື USGS . http://earthquake.usgs.gov/earthquakes/
ເຂົາຈະລາຍງານເປັນລາຍວັນ, ລາຍອາທິດ, ລາຍເດືອນ, ລາຍປີ ແລະ ອື່ນໆ ຂຶ້ນກັບເຮົາຕ້ອງການເບິ່ງ. ທ່ານອາດຈະຕົກຕະລຶງວ່າມີຫຼາຍຂະໜາດໃດ?

ຂ້າພະເຈົ້າກວດສອບຂໍ້ມູນ ຈາກ USGS ໃນຊວ່ງ 7 ວັນທີ່ຜ່ານມາ Update time = Fri Feb 25 15:00:03 UTC 2011

http://earthquake.usgs.gov/earthquakes/recenteqsww/Quakes/quakes_all.php (Acces 25Feb2011)

ສາມາດສະຫຼຸບໄດ້ ດັ່ງນີ້: ໃນຊ່ວງ 7 ວັນທີ່ຜ່ານມາ ມີເແຜ່ນດິນໃຫວຄວາມແຮງ (2.5 ຫາ 6.4 ຣີກເຕີ)ໃນທົ່ວໂລກ ຈຳນວນ 231 ຄັ້ງ (ໂດຍສະເລ່ຍ 1 ຊົ່ວໂມງມີແຜ່ນດິນໃຫວ 1.3 ຄັ້ງ)

ຄວາມແຮງແຕ່ 2.5-2.9 ຣິກເຕີ  ມີຈຳນວນ 100 ຄັ້ງ

ຄວາມແຮງແຕ່ 3.0-3.9 ຣິກເຕີ  ມີຈຳນວນ 44 ຄັ້ງ

ຄວາມແຮງແຕ່ 4.0-4.9 ຣິກເຕີ  ມີຈຳນວນ 56 ຄັ້ງ

ຄວາມແຮງແຕ່ 5.0-5.9 ຣິກເຕີ  ມີຈຳນວນ 29 ຄັ້ງ

ຄວາມແຮງ>6.0 ມີຈຳນວນ 2 ຄັ້ງ SOUTH ISLAND OF NEW ZEALAND (6.3) ແລະ SOUTH OF THE FIJI ISLANDS (6.4)

ແຜ່ນດິນໃຫວໃນລາວກໍມີໂອກາດເກີດຂຶ້ນເໝືອນກັນ ໃນເຂດພາກເໜືອຂອງລາວ ເນື່ອງຈາກມັນມີຮອຍເລື່ອນທີ່ຍັງມີພະລັງຢູ່ (Active fault). ຊຶ່ງແຜ່ນດິນໃຫວສ່ວນໃຫຍ່ຈະເກີດຢູ່ບໍລິເວນດັ່ງກ່າວ ເຊັ່ນໃນປີ 2007 (6.1 Richter) ກໍເກີດໃນບໍເວນດັ່ງກ່າວ. ຈາກແຜນທີ່ຄວາມສ່ຽງດ້ານແຜ່ນດິນໃຫວ (Seismic Harzard map) ເຂດດັ່ງກ່າວ ຖ້າເກີດກໍອາດຈະບໍ່ເກີນ 7 Richter

ຖ້າເວົ້າເຖິງໃນອະດີດ ບ້ານເຮົາກໍເກີດແຜ່ນດິນໃຫວ ພູໄຟຢູ່ແລ້ວເຊັ່ນ:
1. ພູພຽງບໍລະເວນ ຊຶ່ງກວມເອົາແຂວງຈຳປາສັກ ສາລະວັນ ແລະ ເຊກອງ ປະມານຍຸກເຊໂນໂຊອິກ (Cenozoic)ກໍມີພູໄຟລະເບີດ ຫຼາຍລູກກະຈາຍທົ່ວພູພຽງບໍລະເວນ ກາຍເປັນຫີນພູໄຟ (ເອີ້ນວ່າ: ຫີນບາຊາລ basalt) ແລະ ແຂວງອັດຕະປືກໍເກີດມີຄືກັນ ຊຶ່ງກໍ່ໃຫ້ເກີດພູພຽງສານໄຊ.

2. ຢູ່ທາງພາກກາງ ເຊັ່ນແຂວງຄຳມ່ວນກໍມີຫີນບາຊາລ basalt ຊຶ່ງເປັນພຸໄຟມາຈາກພຶ້້ນທະເລທີ່ມີອາຍຸເກົ່າກວ່າ
3. ສ່ວນຢູ່ພາກເໜືອກໍມີ ເຊັ່ນຢູ່ແຂວງຫຼວງພະບາງ (ຫີນບາຊາລ ບ້ານຫາດງາ, ບ້ານດອນເງິນ) ເປັນຊຶ່ງເປັນພຸໄຟມາຈາກພຶ້້ນທະເລທີ່ມີອາຍຸເກົ່າ ປະມານ Mesozoic.

ພຽງແຕ່ຊວງຮ້ອຍປີ ຫຼື ພັນປີທີ່ຜ່ານມານີ້ຍັງບໍ່ຄ່ອຍມີ ບ້ານເຮົາຈິ່ງມັກເວົ້າວ່າ ປະເທດລາວບໍ່ມີແຜ່ນດິນໃຫວ ພູໄຟລະເບີດ ແຕ່ອະນາຄົດມັນກໍອາດຈະເກີດເໝືອນດັ່ງທີ່ເຄີຍເກີດມາໃນອະດີດ ຕ້ອງສຶກສາທາງດ້ານ (seismic harzard) ໃນພາກພື້ນ ຫຼື ໃນລາວ

ແຜ່ນດິນໄຫວເກີດຂຶ້ນເມື່ອແຜ່ນເປືອກໂລກມີການປົດປ່ອຍພະລັງງານເຮັດໃຫ້ ພື້ນໂລກ (ພື້ນດິນ) ສັ່ນສະເທືອນ. ສ່ວນໃຫຍ່ຈະເກີດຂຶ້ນຢູ່ບໍລິເວນ ຮອຍຕໍ່ຂອງແຜ່ນເປືອກໂລກ (Plate boundary) ຫຼື ຮອຍເລື່ອນ (Fault). ເມື່ອເກີດແຜ່ນດິນໃຫວມັນຈະສົ່ງ ຄື້ນສັ່ນສະເທືອນ (Seismic wave) ອອກໄປຕາມຊັ້ນດິນ ຫຼື ຫີນ ແລະ ເກີດມີການສະທ້ອນ ແລະ ການຫັກ (ຖ້າຮຽນວິຊາຟີຊິກ ກໍຄົງຮູ້ຄຸນລັກສະນະຂອງຄື້້ນ ຄື: ມີການສະທ້ອນ, ຫັກ, ສອດສະຫຼັບ ແລະ ສົນລະວົນ). ເມື່ອເກີດແຜ່ນດິນໃຫວກໍຈະມີການລາຍງານເຖິງ ຂະໜາດ, ຕຳແໜ່ງ  (focus ແລະ epicenter ພາສາລາວ ຈັກຊິແປວ່າຈັ່ງໃດ ເບິ່ງຕາມຮູບ) ແລະ ເວລາ ຂອງການເກີດ. ສາຍເຫດຕົ້ນຕໍທີ່ພາໃຫ້ເກີດແຜ່ນດິນໃຫວ ແມ່ນຍ້ອນ ການເຄື່ອຕົວຂອງເປືອກໂລກ

  ວິຊາທີ່ສຶກສາກ່ຽວກັບແຜ່ນດິນໃຫວ ເອີນວ່າ Seismology ວິຊາແຜ່ນດິນໃຫວ

ຄົນທີ່ສຶກສາກ່ຽວກັບແຜ່ນດິນໃຫວ ເອີນວ່າ Seismologist ນັກແຜ່ນດິນໃຫວວິທະຍາ

  ການວັດຂະໜາດຂອງແຜ່ນດິນໃຫວ ຕ້ອງມີເຄື່ອງວັດແທກເອີ້ນວ່າ: Seismograph ຊຶ່ງມີມາແຕ່ສະໃໝຈີນບູຮານ ດັ່ງຮູບ ມີໂອ່ງມີມັງກອນຄາບແກ້ວຢູ່ ແລະ ມີກົບງອຍຢູ່ອອ້ມ ເມື່ອມີການເກີດແຜ່ນດິນໃຫວ ແກ້ວກໍຈະຕົກລົງມາໃສ່ປາກກົບ. ເຄື່ອມືຍຸກໃໝ່ກໍມີສະປິງຕິດຢູ່ ແລະ ມີເຄື່ອງຂີດຄ້າຍຄືສໍ ເມື່ອເກີດແຜ່ນດິນໃຫວເຄື່ອງຂີດກໍຂີດເປັນຮອຍຮູບຄື້ນ ຖ້າແຜ່ນດິນໃຫວແຮງມັນກໍຂີດກວ້າງອອກ (ໄລຍະດັ່ງກ່າວເອີ້ນວ່າ Amplitude)

 ມາດຕາສ່ວນທີ່ວັດແທກຂະໜາດຂອງແຜ່ນດິນໃຫວ ມີຫຼາຍແບບ ແຕ່ສ່ວນໃຫຍ່ ແມ່ນໃຊ້ມາດຕາສ່ວນ ຣິກເຕີ (Richter scale) ຊຶ່ງແມ່ນທ່ານ F.C Richter 1935 ນັກຊ່ຽວຊານແຜ່ນດິນໃຫວ ສະຖາບັນເທັກໂນໂລຍີ ຄາຣີຟໍເນຍ. ຊຶ່ງເປັນການວັດແທກແຜ່ນດິນໃຫວໃນລະດັບທ້ອງຖິ່ນ (local eathquake). ສູດການຄິດໄລ່ ແມ່ນກ່ຽວຂ້ອງກັບໂລກາລິດພື້ນສິບ (log) ຂອງແອມປິຈູດ (amplitude). Note: ແຜ່ນດິນໃຫວທີ່ມີຄວາມແຮງ 7 ແລະ 8 Richter ແຕກຕ່າງກັນພຽງຫົວໜ່ວຍດຽວ ແຕ່ພະລັງງານຂອງການເກີດຕ່າງກັນຢ່າງມະຫາສານ 

ບັນຫາກໍຄື ຖ້າມີສະຖານີດຽວກໍບໍ່ສາມາດກຳນົດທີ່ຕັ້ງຂອງແຜ່ນດິນໃຫວໄດ້. ຕົວຢ່າງ: ສົມມຸດວ່າ ມີສະຖານີວັດແທກແຜ່ນດິນໃຫວຢູ່ວຽງຈັນ ກຳນົດໄລຍະທາງແຕ່ບ່ອນເກີດແຜ່ນດິນໃຫວມາຫາສະຖານີໄດ້ 200km (ແທກມາແຕ່ໃສກະບໍ່ຮູ້). ດັ່ງນັ້ນ ຖ້າຢາກກຳນົດທີ່ຕັ້ງຂອງແຜ່ນດິນໃຫວໄດ້ ຕ້ອງມີຢ່າງໜ້ອຍ 3 ສະຖານີວັດແທກ. ໂດຍການຂີີດໄລຍະທາງຂອງແຕ່ລະສະຖານີເປັນວົງມົນ ເມືອທັງສາມຕັດກັນກໍສາມາດກຳນົດທີ່ຕັ້ງຂອງແຜ່ນດິນໃຫວໄດ້ ດັ່ງຮູບ

ຈາກຜົນການສຳຫຼວດ ເລື່ອງ ຄວາມງາມຂອງແມ່ຍິງ ແລະ ຊ່ວງອາຍຸຂອງແມ່ທີ່ຜູ້ຊາຍຢາກແຕ່ງງານນຳ. ຜົນຂອງການສຳຫຼວດອາດຈະຊ່ວຍໃຫ້ບາງທ່ານ ວາງແຜນທີ່ຈະ ລົບລ້າງກືກຜົວໄດ້.

ຜົນການສຳຫຼວດໄດ້ສະແດງດັ່ງແຜນວາດໃນຮູບລຸ່ມນີ້. ດັ່ງນັ້ນ ຈຶ່ງສາມາດແປຄວາມໝາຍ (interprete) ໄດ້ດັ່ງນີ້:

 ແມ່ຍິງທີ່ງາມທີ່ສຸດ  ແມ່ນໃນຊ່ວງອາຍຸ 15-24ປີ . ແຕ່ວ່າມີ ຈຳນວນໂຫວດ 6 % ໃນຊວ່ງ 30-34 ປີ ອາດຈະເປັນຜູ້ທີ່ມີອາຍຸຊ່ວງນີ້ ຈຶ່ງເຂົ້າຂ້າງຕົວເອງໄວ້ກອ່ນ.

ແຕ່ວ່າ ຄວາມປາດຖະໜາຂອງຜູ້ຊາຍຢາກຈະແຕ່ງງານກັບແມ່ຍິງ   ທີ່ມີອາຍຸ 20-24 ປີ ຫຼາຍທີ່ສຸດ  ເຫດຜົນ ອາດຈະແມ່ນແມ່ຍິງຊວ່ງນີ້ຍັງງາມຢູ່ ພ້ອມທັງມີໜ້າທີ່ການງງານແລ້ວ. ຮອງລົງມາແມ່ນ 25-30 ແລະ 18-20 ປີ ຕາມລຳດັບ. ດັ່ງນັ້ນ ແມ່ຍິງທີ່ອາຍຸເກີນ 30 ໂອກາດເກືອບບໍ່ມີເດີ ໃຫ້ຮີບຫາໂອກາດກ່ອນທີ່ຈະສາຍເກີນໄປ. ຖ້າມີຜູ້ຊາຍມາລົມ ຫຼື ສົນໃຈໃນຊ່ວງທີ່ອາຍຸຍ່າງເຂົ້າ 30 ຫຼື ເກີນ ກໍ່ຄວນຈະຮີບພິຈາລະນາເປັນພິເສດກອ່ນທີ່ຈະສາຍ. ຄົນເຮົາມີແຕ່ນັບມື້ຈະແກ່ເຖົ້າ  ເໝືອນກັບເວລາບໍ່ສາມາດຢ້ອນກັບໄດ້.  

 ແຕ່ເຖິງຢ່າງໃດກໍຕາມ ມີບາງຄົນບໍ່ສົນໃຈກັບຄວາມງາມ ຢາກແຕ່ງງານເພື່ອເອົາມໍລະດົກຢ່າງດຽວ ຄືຢາກແຕ່ງງານກັບແມ່ຍິງທີ່ອາຍຸຫຼາຍກວ່າ 60 ປີ. 

ຄຳເຕືອນ: ລະວັງໄດ້ກິນນົມບູດແລ້ວຊິຕາຍກ່ອນໄດ້ຮັບມໍລະດົກເດີ

ເຖິງບັນດານັກສຶກສາ ຫຼື ຊາວຜູ້ອອກແຮງງານທີ່ໄກບ້ານ ທຸກທ່ານ

ຈົດໝາຍຈາກຄົນຢູ່ເບື້ອງຫຼັງ

ເປັນແນວໃດ ລູກຢູ່ໃນເມືອງພີ້  ຄືຊິມີໄຟຟ້າ ນ້ຳປະປາໄຊ້ ຢ່າງສະດວກສະບາຍນໍ  ການຮ່ຳຮຽນເດ ພໍໄປພໍມາຢູ່ບໍ?  ແນວໃດຊິດີ ກະແລ້ວແຕ່ລູກ ເດີລູກຫຼ້າ  ພໍ່ແມ່ຄິດຮອດເຈົ້າຫຼາຍໆ ແຕ່ບໍ່ໃຫ້ເຈົ້າເປັນຫວ່ງພໍ່ແມ່ດອກ ລູກຢູສະບາຍພໍ່ ກັບແມ່ກະດີໃຈແລ້ວ

ສ່ວນພໍ່ແມ່ຢູ່ທາງພຸ້ນ ລຳບາກຫຼາຍ ປີນີ້ຝົນຟ້າບໍ່ດີ ເຂົ້ານາໂພນກໍຕາຍໝົດ ເຫຼືອແຕ່ນາທາມ

ລູກມີເງິນຄ່າເທີມຢູ່ບໍ? ດຽວນີ້ ພໍ່ແມ່ ກະບໍ່ມີເງິນຍັງຕິດໜີ້ເຂົາຢູ່  ຖ້າວ່າລູກຕ້ອງການ ພໍ່ແມ່ ກະຊິຂາຍຄວາຍຕູ້ໃຫ້  ແລະ ເງິນຂາຍຜັກ ຂາຍໝາກພິກ ໜາກເຂືອ ຊິທ້ອນໃຫ້ລູກເສຍຄ່າເທີມ.

ປີໃໝ່ລາວກັບມາຢາມພໍ່ແມ່ ແນ່ ບໍ່ມີຫຍັງມາຝາກກະຕາມ ຂໍແຕ່ໄດ້ເຫັນຫນ້າລູກກະດີໃຈ ແມ່ຊິເຮັດເຂົ້າປຸ້ນໄວ້ຖ້າ 

               ຈາກ: ພໍ່ ແລະ ແມ່

                  ວິຖີຊີວິດຂອງຊາວນາ

                         ວິຖີຊີວິດຂອງຊາວນາ

                  ແມ່ຊິເຮັດຊິເຂົ້າປຸ້ນໄວ້ຖ້າ (ການຕຳເຂົ້າປຸ້ນ)

                   "ເມື່ອທ່ານກິນນ້ຳ ໃຫ້ລະນຶກເຖິງຕົ້ນນ້ຳລຳທານ"

 "ໄຟແສງສີໃນເມືອງໃຫຍ່ອາດຈະເປັນແສງປະກາຍຊົ່ວຄັ້ງຄາວ 

   ແຕ່ແສງກະຈຽງ ຫຼືກະບອງຂອງພໍ່ແມ່ທີ່ຢູ່ເບື່ອງຫຼັງນັ້ນ   ອາດຈະນຳພາທ່ານປະສົບຜົນສຳເລັດໄດ້ຫຼາຍກວ່າ"

                               ແດ່....ເພື່ອນພັນລາວທີ່ໜ້າຮັກ ທຸກທ່ານ

                             ເນື່ອງໃນວັນວາເລັນທາຍນີ້        ຂໍອວຍພອນໃຫ້ທ່ານມີແຕ່ຄວາມຮັກທີ່ດີງາມ

                             ມີຄວາມຮັກທີ່ເປັນອຳມະຕະ      ມີຄວາມສຸກສົມຫວັງກັບຄວາມຮັກຕະຫຼອດໄປ

      ຖ້າທ່ານຄົນຮັກຄົນໃດ ຂໍໃຫ້ຄຸນພະສີຣັດຕະນະໄຕ ຈົ່ງບັນດານແກ່ຄົນນັ້ນກັບມາຮັກທ່ານເໝືອນທີ່ທ່ານຮັກ

 ຈາກໃຈ ຄົນໂງ່                     

ເຫຼົ່າປ່າໂກ (Lao Pako) ມາຈາກຄຳວ່າ: ເຫຼົ່າ (ປ່າເຫຼົ່າ )+ປ່າ ໂກ (ປ່າຕົ້ນໄມ້ຊະນິດໝຶ່ງ ຊື່ວ່າ: ຕົ້ນໂກ). ປະຈຸບັນເປັນແຫຼ່ງທ່ອງທ່ຽວທາງທຳມະຊາດ ແລະ ວັດທະນະທຳທີ່ຊົງຄຸນຄ່າ.

ເຫຼົ່າປ່າໂກແຫຼ່ງວັດຖຸບູຮານ ຕັ້ງຢູ່ແຄມແມ່ນ້ຳງຶ່ມ ຂຶ້ນກັບເມືອງປາກງຶ່ມ ນະຄອນຫຼວງວຽງຈັນ. ສະຖານທີ່ແຫ່ງນີ້ ເປັນທີ່ຕັ້ງຂອງຊຸມຊົນໃນສະໃໝບູຮານ ປະມານ 1500 ປີ. ເລີ່ມແຕ່ປີ 1995 ໄດ້ມີການຂຸດຄົ້ນ ແລະ ສຶກສາທາງດ້ານວັດຖຸຸບູຮານ ໂດຍ Dr. Anna Kallen ຈາກມະຫາວິທະຍໄລອຸບຊາລາ (Uppsala Unversity) ປະເທດສະວິເດັນ  ໂດຍການສຶກສາຫຼັກຖານ ແລະ ຫວັດຄວາມເປັນມາ ແລະ ເຊື່ອມໂຍງໄປເຖິງແຫຼ່ງວັດຖຸບູຮານອື່ນໆ ໃນລາວ ແລະ ອາຊີຕາເວັນອອກສ່ຽງໃຕ້ ເຊັ່ນ: ທົ່ງໃຫຫີນ, ແຫ່ລງວັດຖຸບູຮານບ້ານຊ່ຽງ, ບ້ານນາດີ ຂອງປະເທດໄທ  ແລະ ອື່ນໆ ເພື່ອໄປຂຽນບົດວິທະຍານິພົນປະລິນຍາເອກຂອງລາວ. ປະຈຸບັນລາວເປັນ ອາຈານສອນດ້ານວັດຖຸບູຮານທີ່ນັ້ນ.

ສິ່ງທີ່ຄົ້ນພົບປະກອບມີ: ເຄື່ອງປັ້ນດິນເຜົາຫຼາຍຂະໜາດ, ເຄື່ອງປະດັບ ເຊັ່ນ: ກ້ອງແຂນ, ລູກປັດ, ອຸປະກອນທີ່ຮັບໃຊ້ການອອກແຮງງານ ແລະ ກະດູກຂອງຄົນ ເຊິ່ງສະແດງໃຫ້ເຫັນເຖິງຄວາມຮຸ່ງເຮຶອງທາງດ້ານວັດທະນະທຳ ໃນອະດີດ ແລະ ສະແດງເຖິງຄວາມສະຫຼາດໃນການຕັ້ງຖິ່ນຖານຂອງຄົນບູຮານ ເຊິ່ງ ສ່ວນໃຫຍ່ທີ່ຕັ້ງຂອງຄົນບູຮານຈະກ່ຽວຂ້ອງກັບແມ່ນ້ຳ (ຢູ່ໄກ້ແມ່ນ້ຳ)  ເພື່ອສະດວກໃນການເດີນທາງ ແລະ ການທຳມາຫາກິນ  

ຂໍ້ມູນດັ່ງກ່າວໄດ້ມີການຕີພິມໃນວະລະສານວິທະຍາສາດ ລະດັບສາກົນ ທ່ານອາດຈະຫາອ່ານລາຍລະອຽດໄດ້ໃນອິນເຕີເນັດ ຫຼື ທ່ານອາດຈະໄປເບິ່ງຮູບພາບຈຳລອງ ທີ່ຫໍພິພິດທະພັນກ່ຽວກັບວັດຖຸບູຮານ ຂອງກະຊວງແຫຼງຂ່າວແລະວັດທະນະທຳ.

ເອກສານ: Lao Pako in the Late Prehistory of Mailand Southeast  Asia

         ແຜນທີ່ ທີ່ຕັ້ງຂອງເຫຼົ່າປ່າໂກ ແລະ ແຫຼ່ງວັດຖຸບູຮານໃນ ອາຊີຕາເວັນອອກສ່ຽງໃຕ້ (Kollen, 2000)

                                                        ສະຖານທີ່ພັກຜ່ອນ ທີ່ເຫຼົ່າປ່າໂກ (ຖ່າຍເອງ)

                                                                           ແຄມທ່ານ້າ ທີ່ເຫຼົ່າປ່າໂກ  (ຖ່າຍເອງ)

ຫີນກາວ ພາສາອັງກິດເອີ້ນວ່າ: Gypsum ເຊິ່ງມາຈາກພາສາ Greek ຊຶ່ງກ່ຽວກັບປູນກໍຄືມີສ່ວນປະກອບຂອງ Ca ນັ້ນເອງ . ຫີນກາວເປັນແຮ່ເສດທະກິດປະເພດໜຶ່ງຂອງລາວ. 

ຄວາມຈິງໃຊ້ຄຳສັບວ່າພາສາລາວທີ່ເອີ້ນວ່າ ຫີນກາວ ນັ້ນບໍ່ຄ່ອຍຖືກປານໃດ ເພາະວ່າມັນບໍ່ແມ່ນຫີນ  (rock) ມັນແມ່ນແຮ່ (mineral) ຊຶ່ງບັນດາທ່ານອາດຈະເຂົ້າໃຈແລ້ວນໍ ເຖິງຄວາມແຕກຕ່າງລະຫວ່າງ ຫີນ ແລະ ແຮ່ທາດ. ແຕ່ເຖິງຢ່າງໃດກໍຕາມ ຄຳສັບນີ້ໄດ້ໄຊ້ຢ່າງເປັນທາງການ

ຂະບວນການເກີດ: ເກີດຈາກການລະເຫີຍອາຍ (evaporation) ຂອງນ້ຳ ທີ່ມີອັດຕາການລະເຫີຍອາຍ ຂ້ອນຂ້າງສູງ ແລ້ວຕົກຕະກອນກາຍເປັນແຮ່ຢິບຊຳ ເຊິ່ງຄ້າຍຄືຂະບວນການເກີດບໍ່່ເກືອ (rock salt) ນັ້ນເອງ ເຊິງສ່ວນໃຫຍ່ເກີດໃນບໍລິເວນທີ່ເປັນແອ່ງຕະກອນ ຊຶ່ງຢູ່ບ້ານເຮົາ ກໍມີໃນເຂດພາກກາງ ເຊັ່ນ: ແຂວງຄຳມ່ວນ ມີສອງສາມແຫ່ງ ແລະ ສະຫວັນນະເຂດ  ບໍ່ຫີກາວດົງເຫັນ ( ນອນໃນແອ່ງຕະກອນສະຫວັນນະເຂດ ຫຼື Savannakhet Basin) ສ່ວນທາງພາກເໜືອບໂອກາດມີໜ້ອຍເນື່ອງຈາກເປັນພູ. ສູດເຄມີ (CaSO4.2H2O) ສີຂາວຂຸ່ນ ພລຶກເປັນຊັ້ນໆ.

ປະໂຫຍດ: ໃຊ້ເປັນສ່ວນປະສົມຂອງປູນຊີເມັນ, ກະບຶ້ອງໃຊ້ເຮັດເພດານ, ໃຊ້ເຮັດປຸຍ, ປັບປຸງດິນເຄັມ,

                     ແຮ່ຢິບຊຳ

ໂລກເປັນເໝືອນແທ່ງແມ່ເຫຼັກຂະໜາດໃຫຍ່  ທີ່ສ້າງທົ່ງແມ່ເຫຼັກອອ້ມຮອບໂລກ  ເຊິ່ງມີປະໂຫຍດຫຼາຍຢ່າງ ເຊັ່ນ: ເຂັມທິດ (ຖ້າບໍ່ທົ່ງແມ່ເຫຼັກໂລກ ເຂັມທິດກໍບໍ່ມີຄວາມໝາຍ) ນອກຈາກນັ້ນຍັງປົກປ້ອງ ບັນດາອະນຸພາກທີ່ມີໄຟຟ້າບັນຈຸ ຈາກລົມສຸລິຍາ (solar wind) ທີຈະຈູ່ໂຈມໂລກ ເຊິ່ງ ຈະເຮັດໃຫ້ບັນດາອານຸພາກເຫຼົ່ານັ້ນເຄື່ອນທີ່ໄປລົງຂົ້ວໂລກເປັນສ່ວນໃຫຍ່ ແລະ ອອ່ນກຳລັງລົງ.

ທົ່ງແມ່ເຫຼັກໂລກປະຈຸບັນເປັນແບບປົກກະຕິ (Normal Field) ຊິ່ງທົ່ງແມ່ເຫຼັກຊີ້ຈາກຂົ້ວໂລກໃຕ້ ຫາຂົ້ວໂລກເໜືອດັ່ງຮຸບ (ຂົ້ວແມ່ເຫຼັກໂລກປະຈຸບັນຈະອຽງໄປຈາກຂົ້ວໂລກ ທາງພູມສາດ ປະມານ 11.5 ອົງສາ). ແຕ່ເຖິງຢ່າງໃດກໍຕາມ ທົ່ງແມ່ເຫຼັກຂອງໂລກມີການກັບຂົ້ວ (Reversed Field) ມາຫຼາຍຄັ້ງແລ້ວນັບແຕ່ໂລກ ເກີດມາ.  ນອກຈາກນັ້ນຂົ້ວຂອງແມ່ເຫຼັກໂລກຍັງ ຍ້າຍບ່ອນໄປເລື້ອຍໆ (polar wandering).

ທົ່ງແມ່ເຫຼັກໂລກແບບປົກກະຕິ (Normal Field)ນີ້ມີອາຍຸມາປະມານ 7 ແສນປີແລ້ວ ມັນອາດຈະກັບຂົ້ວໃນໄວໆນີ້ກໍໄດ້.

ນັກວິທະຍາສາດສັນນິຖານວ່າ ເມື່ອທົ່ງແມ່ເຫຼັກກັບຂົ້ວອາດຈະເຮັດໃຫ້ບັນດາເມັດອະນຸພາກທີ່ມີໄຟຟ້າບັນຈຸຈູ່ໂຈມໂລກເຮົາ  ເຮັດໃຫ້ລະບົບໄຟຟ້າ (ອາດຈະຊອດ) ແລະ ລະບົບການສື່ສານອາດຈະມີບັນຫາ.

                         ທົ່ງແມ່ເຫຼັກໂລກປະຈຸບັນ

      ທົ່ງແມ່ເຫຼັກໂລກປົກກະຕິ                                      ທົ່ງແມ່ເຫຼັກໂລກກັບຂົ້ວ

           ທົ່ງແມ່ເຫຼັກໂລກປົກປອ້ງອະນຸພາກຈາກລົມສຸລິຍະທີ່ມາຈາກດວງອາທິດ

ຄວາມອາດຈະປະເມີນດ້ວຍສູດ:

ຄວາມສຸກ = ສິ່ງທີ່ມີ/ຄວາມຕ້ອງການ

ສິ່ງທີ່ມີ = ຫຼື >ຄວາມຕ້ອງການ    ສະແດງວ່າ  ມີຄວາມສຸກຫຼາຍ
ສິ່ງທີ່ມີ  <    ຄວາມຕ້ອງການ    ສະແດງວ່າ  ມີຄວາມສຸກໜ້ອຍ (ຄວາມທຸກຫຼາຍ)
ສິ່ງທີ່ມີ  <<<ຄວາມຕ້ອງການ    ສະແດງວ່າ  ມີຄວາມສຸກໜ້ອຍໆໆໆ (ຄົນທີ່ແບກໂລກໄວ້)

ຕົວຢ່າງ: ນັກທຸລະກິດຜູ້ໜຶ່ງສະຫຼຸບລາຍຮັບເດືນນີ້ໄດ້ ຮ້ອຍລ້ານກີບ ແຕ່ລາວຍັງລາວນັ່ງເສົ້າໃຈ ເພາະວ່າ ເປົ້າໝາຍທີ່ລາວຢາກໄດ້ ສອງຮ້ອຍລ້ານ.   

           ຄົນຂໍທານຄົນໜຶ່ງໄດ້ຮັບຂອງທານເປັນເຂົ້າຫໍ່ໜຶ່ງ ແລະ ປີ້ງໄກ່ຂາໜຶ່ງ   ລາວດີໃຈຢ່າງແຮງເພາະ ວ່າລາວຕັ້ງໃຈຈະໄປຂໍເຂົ້າພຽງຫໍ່ດຽວ.

ແລະ ແລ້ວບັນດາທ່ານມີຄວາມສຸກເທົ່າໃດ?

  ຕົວຢ່າງ: ຂຶ້ນກັບຄວາມໜາແໜ້ນ (ຖ້າຄວາມໜາແໜ້ນສູງ ຄວາມແຮງຍູ້ກໍສູງ)

1.   ເມື່ອຕື່ມເກືອໃສ່ໃນນ້ຳ ເຮັດໃຫ້ໜາແໜ້ນສູງຂຶ້ນ ສົ່ງຜົນໃຫ້ແຮງຍູ້ຫຼາຍຂຶ້ນ ດັ່ງນັ້ນ ໄຂ່ຈຶ່ງຟູ

2.   ທະເລທີ່ເຄັມທີ່ສຸດຊື່ວ່າ ເດດຊີ (Dead Sea) ຄົນເຮົາສາມາດນອນອ່ານໜັງສືພິມໄດ້ ເນື່ອງຈາກຄວາມໜາແໜ້ນສູງ

3.   ເມື່ອໄປລອຍໃນນ້ຳຂີ້ຕົມບໍ່ຈົມແນ່ນອນ ເນື່ອງຈາກຄວາມໜາແໜ້ນສູງ

ຕົວຢ່າງ: ຂຶ້ນກັບບໍລິມາດທີ່ໄປແທນທີ່ (ຖ້າບໍລິມາດທີ່ໄປແທນທີ່ ສູງ ຄວາມແຮງຍູ້ກໍສູງ)

1.   ເມື່ອເອົາເຫຼັກກອ້ນໜຶ່ງໄປວາງໃນນ້ຳຈະຈົມເນື່ອງຈາກບໍລິມາດຂອງເຫຼັກທີ່ໄປແທນທີ່ນ້ຳມີໜ້ອຍ  ແຕ່ເມື່ອເອົາເຫຼັກກອ້ນນັ້ນໄປເຮັດເຮືອພັດຟູ ເນື່ອງຈາກບໍລິມາດທີ່ໄປແທນທີ່ນ້ຳນັ້ນແມ່ນຜົ້ງເຮືອ (ເຊິ່ງມີຂະໜາດໃຫຍ່ ເຮັດໃຫ້ແຮງຍູ້ມີຫຼາຍ)

2.   ຄົນຕົກນ້ຳຕາຍ ມື້ທຳອິດຈົມ ແຕ່ເມື່ອເວລາຜ່ານໄປສອງ ສາມວັນພັດຟູ ຍ້ອນວ່າສົບໃຄ່ ຄືມີບໍລິມາດຫຼາຍຂຶ້ນ ເຮັດໃຫ້ແຮງຍູ້ຫຼາຍຂຶ້ນ

  ນັກທ່ອງທ່ຽວອ່ານໜັງສືພິມຢູ່ທີ່ທະເລ Dead Sea ຢູ່ລະຫວ່າງອິດສະລະເອລ ແລະ ຈໍແດນ

     ນັກທ່ອງທ່ຽວລອຍຕົວຢູທະເລ Dead Sea ຊຶ່ງຢູ່ລະຫວ່າງອິດສະລະເອລ ແລະ ຈໍແດນ 

ຄົນເກີດມາອາດຈະຕ່າງກັນ ໄດ້ຮັບຄວາມຮັກ ຄວາມອົບອຸ່ນຕ່າງກັນ ແລ້ວແຕ່ຊາຕາກຳ ອາດຈະເປັນເພາະຟ້າລິຄິດ

                                      ເດັນນ້ອຍທີ່ຂາດຄວາມອົບອຸ່ນ  ຢູ່ຢ່າງໂດດດ່ຽວ

                                         ສາວອັນນີ້  ອົບອຸ່ນເຫຼືອເກີນ

ທ່ານ ມັກຂີ່ລົດແບບໃດ?  ສຳລັບຜູ້ຂຽນແລ້ວມັກອັນສຸດທ້າຍ ນີ້ແຫຼວ

ເອົາຮູບມາຝາກ

  ເວລາທໍ້ແທ້ຢາກຂ້າຕົວຕາຍ    ແຕ່ສ່ວນລຶກຂອງຫົວໃຈ  ຍັງຢາກມີຊີວິດຢູ່

       ທຸກຢ່າງ ຍ່ອມມີຂອບເຂດ

   ຄົນເຮົາປຽບເໝືອນນົກທີ່ບິນໄດ້ຢ່າງມີອິດສະຫຼະ   ແຕ່ເມື່ອຂີດເສັ້ນກໍເໝືອນກັບເປັນລວດໜາມ

ມຸ້ງໝັ້ນເຮັດບາງຢ່າງ ໂດຍບໍ່ເບິ່ງສິ່ງອອ້ມຂ້າງ

ທ່ານເປັນຜູ້ນຳທີ່ເສຍສະຫຼະ ຫຼື ບໍ່?

ເນື່ອງຈາກເຊື້ອເພີງຈາກຟອສຊິລ (fossil fuel) ຊຶ່ງໄດ້ມາຈາກໄຮໂດຄາບອນ ເຊັ່ນ: ຖ່ານຫີນ ແລະ ປິໂຕລຽມ ອາດຈະໝົດໄປປະມານ 40-50 ປີຂ້າງໜ້າ. ດັ່ງນັ້ນ ມະນຸດເຮົາຈຶ່ງ ຕ້ອງຫາພະລັງງານ ທີ່ຈະມາທົດແທນເຊັ່ນ: ພະລັງງານນ້ຳ, ລົມ, ແສງຕາເວັນ, ພະລັງງານນິວເຄລຍ ແລະ ອື່ນໆ ໃນນັ້ນ ພະລັງງານນິວເຄລຍອາດຈະເປັນທາງເລືອກໜຶ່ງຂອງມະນຸດ

ໂຮງງານໄຟຟ້ານິວເຄລຍ (Nuclear Power Plant) 

ການເຮັດວຽກ: ນຳແຫຼ່ງເຊື້ອເພີງຢູເຣນຽມ ເຂົ້າໃນແກນປະຕິກິລິຍາ (Uranuim Reactor Core) ເຮັດໃຫ້ເກີດປະຕິກິລິຍານິວເຄລຍ ໂດຍການຍິງນິວຕຣອນເຂົ້າໃສ່ນິວເຄລສຂອງອາຕອມ U-235 ໃນແກນ ແລະ ມັນຈະສົ່ງຄວາມຮ້ອນອອກມາ ຊິ່ງຄວາມຮ້ອນນີ້ສາມາດຄວບຄຸມໄດ້ຕາມທີ່ຕ້ອງການ. ຄວາມຮ້ອນນີ້ຈະໃຊ້ຕົ້ມນ້ຳ ເຊິ່ງນ້ຳຮ້ອນນີ້ຈະສົ່ງໄປໃນເຄື່ອງກຳເນີດອາຍນ້ຳ ແລ້ວອາຍນ້ຳຈະສົ່ງຜ່ານໃບພັດ (Turbine) ເຮັດໃຫ້ໃບພັດນັ້ນປິ່ນ ເພື່ອໃຫ້ເກີດພະລັງງານໄຟຟ້າໃນ Generator

 ກາກຂອງສານກຳມັນຕະພາບທີ່ໄຊ້ແລ້ວ: ສະກັດເປັນ Plutonium ໃຊ້ເຮັດລະເບີດ ແລະ ສ່ວນອື່ນໆກໍ່ນຳເອົາໄປຖິ້ມ ນີ້ຍັງມີຄຳຕອບບໍ່ຊັດເຈນ ຫຼາຍປະເທດຍັງມີຂໍ້ກັງຂາ ໃນເລື່ອງນີ້ຢູ່

Water  - The Gift of Life ......

• ເມື່ອຝົນຕົກລົງມາສູ່ໜ້າດິນ  ນ້ຳສ່ວນໜຶ່ງຈະໄຫຼລົງສູ່ແມ່ນ້ຳ ທະເລສາບ ທະເລ ຫຼື ມະຫາສະໝຸດ  ແລະ ອີກສ່ວໜຶ່ງຈະຊຶມລົງໄປໃນດິນ ກາຍເປັນນ້ຳບາດານ ເຊິ່ງນ້ຳບາດານກໍ່ໄຫຼແມ່ນ້ຳ ທະເລສາບ ທະເລ ຫຼື ມະຫາສະໝຸດ ອີກ
• ເມື່ອນ້ຳໃນ  ແມ່ນ້ຳ ທະເລສາບ ຫຼື ມະຫາສະໝຸດ ເກີດລະເຫີຍອາຍ ກໍຈະກາຍເປັນເມກ ແລະ ແລ້ວກໍກັບກາຍມາເປັນນ້ຳອີກ

river:ແມ່ນ້ຳ    lake: ທະເລສາບ      Ocean:ມະຫາສະໝຸດ    runoff: ນຳໄຫຼຜ່ານ     evaporation: ການລະເຫີຍອາຍ

 infiltration: ການຊຶມ        groundwater: ນ້ຳໃຕ້ດິນ ຫຼື ນ້ຳບາດານ         bedrock:  ຫີຖານ

http://www.sperchemical.com/html/minerals_in_water.html

ບັນດາທ່ານທີ່ກຳລັງຫິວ    ເຊີນມາທາງນີ້ເດີ  ມາກິນອາຫານບ້ານເຮົາ

 ທ່ານສົນໃຈອາຫານຈານໃດ? 

ຊາວນາ ລຳບາກກາກກຳທຳນາ         ແຕ່ຂາດແຄນເຂົ້າທີ່ຈະກິນ

ຄົນຕ່ຳຜ້າ ວັນແລ້ວວັນເລົ່າ              ແຕ່ທົນໜາວແທບຕາຍ ເພາະບໍ່ມີເສື້ອຜ້າສວມໃສ່

"ເຂົ້າທຸກຄຳ            ຄືພະຄຸນຂອງຊາວນາ

ອາພອນທີ່ສວຍງາມ  ຄືຢາດເຫື່ອຂອງຜູ້ປັກແສ່ວ"

ທ່ານບໍລິໂພກອາຫານທີ່ເລີດລົດຈາກໂຮງແຮມທີ່ຫຼູຫຼາ  ທ່ານມີເສື້ອຜ້າອາພອນທີ່ສວຍງາມສວມໃສ່  ທ່ານມີຄວາມສຸກທີ່ໄດ້ໄປທ່ອງທ່ຽວສະຖານທີ່ຕ່າງໆ ເຊັ່ນ: ວັດພູຈຳປາສັກ,ອັງກໍວັດ, ກຳແພງເມືອງຈີນ, ປີລະມິດ

ເບື້ອງຫຼັງສິ່ງເຫຼົ່ານີ້ ໄດ້ມາຈາກ ຫຍາດເຫື່ອ, ເລືອດ ທີ່ເຕັມໄປດ້ວຍຄວາມລຳບາກ ແລະ ທໍລະມານຂອງ ຂອງຊົນຊັ້ນກຳມະກອນ ຊາວໄຮ່ ຊາວນາ

ແລ້ວທ່ານເດ ມີຫຍັງແນ່ທີ່ຈະໃຫ້ແກ່ສັງຄົມ?

ນ້ຳຕົກຜາສ້ວມ ແມ່ນແຫຼ່ງທ່ອງທ່ຽວທຳມະຊາດທີ່ສວຍງາມ ຕັ້ງຢູ່ແຂວງຈຳປາສັກ

ເມື່ອເບິ່ງຢ່າງລະອຽດກໍ່ຈະເຫັນຫີນເປັນແທ່ງຄືເສົາເຮືອນ ເອີ້ນວ່າ Columnar Basalt ເຊິ່ງແມ່ນຫີນພູໄຟເກົ່າ   ເຊິ່ງຈະພົບໃນເຂດພູພຽງບໍລະເວນ (ຈຳປາສັກ ບາງສ່ວນຂອງແຂວງສະລະວັນ ແລະ ເຊກອງ)  ແລະ ພູພຽງສານໄຊ (ອັດຕະປື)  ມີອາຍຸໃນຊວ່ງ Cenozoic era ປະມານ  (65-0 ລ້ານປີ)

ຫີນບາຊາລ (basalt)  ເມື່ອມັນຜຸພັງ (weathering) ຈະກາຍເປັນດິນທີ່ອຸດົມສົມບູນທີ່ສຸດ

ຫີນບາຊາລ (basalt) ຍັງມີປະໂຫຍດໃນການສຶກສາ ດ້ານ Palaeomagnetic research ອີກດ້ວຍ ເຊັ່ນ: ການຫາອາຍຸ (Palaeomagnetic dating) ແລະ ການເຄື່ອນຕົວຂອງແຜ່ນເປືອກໂລກ (movement of the plate tectonics or blocks)

ຫີນບາຊາລ (basalt) ຍັງມີຢູ່ບ່ອນອື່ນອີກ: ເຊັ່ນ ຢູ່ແຂວງບໍ່ແກ້ວ Cenozoic era   ແຂວງຫຼວງພະບາງ (ຫີນບາຊາລທີ່ເກີດຈາກແມກມາ ທີ່ມາຈາກພຶ້ນທະເລ ອາຍຸເກົ່າກວ່າ ຄື  Mesozoic era) ແຂວງສະຫັວນນະເຂດ ແລະ ແຂວງອື່ນໆ

ລ໊ອກຈອ໊ກ (ຄຳກິລິຍາວິເສດ) ການສະແດງຄວາມມີອຳນາດ ຫຼື ທ່າທາງຂົ່ມຂູ່

ຕົວຢ່າງ: ລູງສີ ໄປກິນເຫຼົ້າເລີຍກັບເຮືອນເດິກແດ່ ເປັນສາຍເຫດໃຫ້ເມຍລາວບໍ່ພໍໃຈ ເມຍລາວຈິ່ງຢອອກມາຢຶນຢູ່ໜ້າປະຕູເຮືອນ ແລະ ຄ້ຳແອວລ໊ອກຈອ໊ກ ພ້ອມທັງຊີ້ໜ້າ ແລ້ວຖາມວ່າ: ໄປກິນເຫຼົ້າກັບຜູ້ສາວທາງໃດມາ?. ລູງສີເຫັນເມຍຊີ້ໜ້າສອງນິ້ວ ລາວກະບໍ່ຍອມ ເພື່ອຢາກເອົາຊະນະ ລາວເລີຍຊີ້ໜ້າເມຍຄືນດ້ວຍມືສິບນິ້ວ (ປະກົດວ່າຊິ້ສິບນິ້ວນີ້ໄດຜົນ ບັນດາທ່ານອາດຈະນຳໄປໄຊ້ໄດ້ບາງຄັ້ງຄາວ)

ໝາຍເຫດ: ເປັນພາສາຊາວບ້ານ ບໍ່ຄວນເອົາໄປອ້າງອີງທາງວິຊາການ

ຂໍ້ມູນຈາກ  http://www.vientianetimes.org.la/  Access on January 25,2011

First ever radio controlled aeroplane competition held in Laos

ການແຂ່ງຂັນເຮືອບິນທີ່່ຄວບຄຸມດ້ວຍວິທະຍຸຄັງປະຖົມມະເລີກ (ທຳອິດ) ໄດ້ຖືກຈັດຂຶ້້້ນທີ່ປະເທດລາວ

ດັ່ງທີ່ເຄີຍເວົ້າມາ ໃນຫົວຂໍ້ຂ່າວ ມັກຈະຕັດເວີບ be ອອກສະເໝີ. ຖ້າຂຽນໃຫ້ເຕັມ First ever radio controlled aeroplane competition was held in Laos (ເປັນປະໂຫຍກ Passive voice ມີຄວາມໝາຍວ່າ ການແຂ່ງຂັນໄດ້ຖືກຈັດຂຶ້ນໂດຍຄົນເຮົາ)

Hundreds of people turned out to watch a radio controlled model aeroplane competition on Saturday in Nongbuangthong village, Sikhottabong district, Vientiane.

ຜູ້ຄົນຫຼາຍຮ້ອຍໄດ້ຫຼັ່ງໃຫຼກັນມາຊົມ (ເບິ່ງ) ການແຂ່ງຂັນເຮືອບິນທີ່່ຄວບຄຸມ (ບັງຄັບ) ດ້ວຍວິທະຍຸ ໃນມື້ວັນເສົາ ທີ່ບ້ານໜອງບົວທອງ ເມືອງສີໂຄດ ນະຄອນຫຼວງວຽງຈັນ

competition (n) ການແຂ່ງຂັນ

aeroplane (n) ຍົນ ຫຼື ເຄື່ອງບິນ

held ອະດີດຂອງ hold

ຕົວຢ່າງ: Conference on groundwater was held in Vientiane ກອງປະຊຸມກ່ຽວກັບນ້ຳບາດານໄດ້ຖືກຈັດຂຶ້ນທີ່ວຽງຈັນ (ເປັນປະໂຫຍກ Passive voice ມີຄວາມໝາຍວ່າ ກອງປະຊຸມໄດ້ຖືກຈັດຂຶ້ນໂດຍຄົນເຮົາ)

Phrasal verbs ແມ່ນຄຳກິລິຍາທີ່ (verb) ກັບ ຄຳອື່ນສ່ວນໃຫຍ່ແມ່ນຄຳຫຸພະບົດ (preposition)

turn out (phrasal verb) ຫຼັ່ງໃຫຼກັນມາຊຸມນຸມ

turn on / turn off (phrasal verb)  ເປີດ/ປິດ (ໃຊ້ກັບພວກທີ່ໃຊ້ກະແສໄຟ ຫຼື ພະລັງງານ ເຊັ່ນ: ເປີດໄຟ, ເປີດພັດລົມ, ໂທລະທັດ, ເຕົາແກັສ, ນ້ຳປະປາ)

ຄັນໄປເວົ້າວ່າ: Please open the light (open ໃຊ້ກັບປະຕູ ຫຼື ຕູ້ເຊັບ) ເຈົ້າຂອງພາສາເຂົາຊິຫົວຂວັນເດີ ຕ້ອງເວົ້າວ່າ: Please turn the light on.

turn left/right (phrasal verb) ລ້ຽວຊ້າຍ/ລ້ຽວຂວາ

turn in (phrasal verb)  ເຂົ້ານອນ

ຕົວຢ່າງ: The new spouses are turning in in their room ຄູ່ສົມລົດໃໝ່ກຳລັງຊິເຂົ້າໄປນອນ (ເຮັດໃຫ້ຄົນບາງຄົນບາງຄົນຜິດຫັວງ ນ້ຳຕາຊຶມ)

ຄຳວ່າ  ແຫ

ແຫ (ຄຳນາມ) ແປວ່າ ອຸປະກອນທີ່ໄຊ້ຈັບປາ

ຕົວຢ່າງ: ພໍ່ຕູ້ສີຫວ່ານແຫຖືກປາຂໍ່ໃຫຍ່ ແຕ່ວ່າປາຂໍ່ໃຫຍ່ນັ້ນພັດອອກທາງຮູແຫຂາດ. ພໍ່ຕູ້ສີຈຳເປັນຕ້ອງເອົາແຫກັບໄປຝູງທີ່ເຮືອນ ເພາະວ່າຂຶນຫວ່ານຕໍ່ໄປອາດຈະໄດ້ແຕ່ປາກະເດີດ.

ຝູງ ອາດຈະເປັນພາສາພື້ນບ້ານ ແປວ່າ ສ້ອມແຊມສ່ວນທີ່ຂາດ

ແຫ (ຄຳກິລິຍາ) ແປວ່າຍາກທີ່ຈະຈັບ ຫຼື ຍາກທີ່ຈະເອົາມາຄອບຄອງ

ຕົວຢ່າງ: ທ້າວສົມດີ ດີໃຈຫຼາຍ ເນື່ອງຈາກວ່າມີຜູ່ສາວມາຢາມລາວ ລາວຄິດວ່າຈະຕົ້ມໄກ່ສູ່ຜູ່ສາວກິນ ແຕ່ໄກ່ຂອງລາວແຫຫຼາຍ ຈິ່ງບໍ່ສາມາດຈັບເອົາໄດ້. ສຸດທ້າຍ ເລີຍເຮັດແຈ່ວປາແດກສູ່ຜູ່ສາວກິນ

ສິ່ງທີ່ຂຽນໄປອາດຈະເປັນພາສາພື້ນບ້ານ ຂຽນເພື່ອຄວາມສະໜຸກສະໜານ ເພື່ອຫວນຄືນເຖິງວິຖີຊີວິດບ້ານນາ

ຖ້າຜິດພາດຂໍອະໄພ ບໍ່ຄວນເອົາອ້າງອີງໃນເອກະສານທາງວິຊາການ 

ໂຄງສ້າງພາຍໃນຂອງໂລກ ປະກອບດ້ວຍ ຊັ້ນ:

Crust  ຊັ້ນນອກສຸດ ເປັນທາດແຂງ

Mantle ຊັ້ນຖັດລົງໄປ ເປັນທາດແຫຼວ

core ມີສອງຊັ້ນ ຊັ້ນໃນສຸດເອີ້ນວ່າ inner core ເປັນທາດແຂງ ສ່ວນຊັ້ນອກສຸດເອີ້ນວ່າ  outer core ເປັນທາດແຫຼວ

ພາສາລາວບໍ່່ຮູ້ວ່າເພິ່ນແປແນວໃດ?

Northern Mekong bridge takes shape ຂົວແມ່ນ້ຳຂອງທາງພາກເໜືອຂອງລາວສ້າງເປັນຮູບຮ່າງແລ້ວ

The foundations of the Thadeua-Pakkhon Mekong Bridge linking Luang Prabang and Xayaboury provinces are being laid, with the whole structure set for completion in 2013.

The bridge is part of a road construction project linking the two provinces under the Northern Greater Mekong Sub-region Transport Network Improvement Project (ADB11).

ພຶ້ນຖານຂອງຂົວຂ້າມນ້ຳຂອງ ທ່າເດື່ອ ປາກຄອນ ທີ່ເຊື່ອມຕໍ່ລະຫວ່າງ ແຂວງຫຼວງພະບາງ ແລະ ແຂວງໄຊຍະບູລີ ກຳລັງຖືກວາງໂຄງສ້າງ ເຊິ່ງໂຄງສ້າງທັງໝົດ ຕັ້ງເປົ້າໝາຍໃຫ້ສຳເລັດໃນປີ 2013

ຂົວດັ່ງກ່າວ ແມ່ນພາກສ່ວນໜຶ່ງ ຂອງໂຄງການກໍ່ສ້າງເສັ້ນທາງ  ທີ່ເຊື່ອມຕໍ່ລະຫວ່າງສອງແຂວງ ພາຍໃຕ້ ໂຄງການ the Northern Greater Mekong Sub-region Transport Network Improvement Project (ADB11).

ADB= Asian Development Bank ທະນະຄານພັດທະນາອາຊີ

link  ເຊືອມຕໍ່

laid  ອະດີດຂອງ  lay ວາງ

foundation ພຶ້ນຖານ

construction (n)  ການກໍ່ສ້າງ

ໝາຍເຫດ: ຖ້າຢາກອ່ານໜັງສືພິມ ຫຼື ບົດຂຽນພາສາອັງກິດໃຫ້ເຂົ້າໃຈ ຈະຕ້ອງເຂົ້າໃຈໂຄງສ້າງຂອງປະໂຫຍກ  ເຊິ່ງປະໂຫຍກອາດຈະລົດຮູບຮ່າງໃຫ້ສັ້ນລົງ

ໂດຍທົ່ວໄປຈະຕ້ອງປະກອບດ້ວຍ  Subject+Verb+Object   or Subject+Verb+Complement  ໃນປະໂຫຍກໃດໜຶງ  ຖ້າວ່າທ່ານບໍ່ຮູ້ Subject, verb, object or complement  ທ່ານກໍ່ອາດຈະອ່ານບໍ່ເຂົ້າໃຈຫຼື ເຂົ້າໃຈປະໂຫຍກນັ້ນຜິດໄປ

The foundations of the Thadeua-Pakkhon Mekong Bridge linking Luang Prabang and Xayaboury provinces are being laid, with the whole structure set for completion in 2013.  ລົດຮູບຮ່າງມາຈາກ The foundations of the Thadeua-Pakkhon Mekong Bridge that links Luang Prabang and Xayaboury provinces are being laid, with the whole structure set for completion in 2013.

The bridge is part of a road construction project linking the two provinces under the Northern Greater Mekong Sub-region Transport Network Improvement Project (ADB11). ລົດຮູບຮ່າງມາຈາກ  The bridge is part of a road construction project that links the two provinces under the Northern Greater Mekong Sub-region Transport Network Improvement Project (ADB11).

ບາງຄົນອາດຈະເຂົ້າໃຈຜິວເຜີນເລື່ອງຄອມພິວເຕີວ່າ ມັນສາມາດອຳນວຍຄວາມສະດວກ ແລະເຮັດໄດ້ຕາມຄຳສັ່ງເກືອບທຸກຢ່າງ ອັນນັ້ນ ແມ່ນເປັນຄວາມຈິງ ແຕ່ວ່າ ຖ້າທ່ານສັ່ງໄປໃນທາງທີ່ຜິດ ໂດຍເກີດມາຈາກຄວາມບໍ່ຕັ້ງ ໃຈຫຼື ວ່າບໍ່ຮູ້ ທ່ານຈະໄດ້ຣັບຜົນແບບຜິດພາດ ຫຼື ຂາດປະສິດທິພາບ. ທີ່ສຳຄັນທ່ານຕ້ອງເຂົ້າໃຈເນື້ອໃນ ຫຼື ເນື້ອຫາທີ່ທ່ານຕ້ອງການ ທ່ານຕ້ອງມີຄວາມເຂົ້າໃຈແຕ່ລະພາຣາມີເຕີ ຫຼື ອາດເອີ້ນວ່າ ປັດໃຈຕ່າງໆ (Parameters)ໃນສູດ 

ຕົວຢ່າງ: ຖ້າທ່ານຕ້ອງການໃຊ້ ຕຳລາທາງສະຖິຕິໃນ excel ຫຼື SPSS ເຊັ່ນ mean, median, T-test, F-test, Factor analysis ແລະ ອື່ນໆ ທ່ານຕ້ອງຮູ້ເລື່ອງສະຖິຕິ ເຊັ່ນ: ແຕ່ລະຟັງຊັນ ໃຊ້ເພື່ອເຮັດຫຍັງ? ມີສົມຜົນ ຫຼື ສູດຄິດໄລ່ ແບບໃດ? ບັນດາຕົວປ່ຽນເຫຼົ່ານັ້ນ ພົວພັນກັນແບບໃດ? ຄວາມຈິງ excel ກໍໄຊ້ໄດຢ່າງຫຼວງຫຼາຍ ແຕ່ຖ້າເລື່ອງແຕ້ມເສັ້ນສະແດງຕ້ອງຍົກໃຫ້ OriginLab ຫຼື Grapher   

ຕົວຢ່າງ: ຖ້າທ່ານຕ້ອງການໃຊ້ ໂປຣແກມທາງດ້ານ GIS ເຊັ່ນ ArcGIS, MapInfo, Surfur ແລະ ອຶ່ນໆ ເພື່ອສ້າງແຜນທີ່ຄອນທົວ (contour map) ຖ້າທ່ານຕ້ອງການສ້າງ Grid ທ່ານຈະໃຊ້ວິທີໃດ? ເຊັ່ນ: Kriging, Natural neighbor, minimum curvature ເພາະວ່າແຕ່ລະວິທີມັນຈະໃຫ້ຜົນແຕກຕ່າງກັນ. ແຕ່ຖ້າເລື່ອງ Grid ແລະ contour ແລ້ວ ໂປແກຣມ Surfer 8 or Surfer 9  ນັບວ່າຍອດຍ້ຽມ  

ຖ້າທ່ານຢາກໃຊ້ສິ່ງທີ່ເວົ້າມາ ແລະ ບໍ່ເຂົ້າໃຈສິ່ງເຫຼົ່ານັ້ນ ທ່ານກໍບໍ່ສາມາດໄຊ້ໄດ້ຢ່າງມີປະສິດທິພາບ ເຖິງແມ່ນວ່າ ທ່ານຈະຮຽນຈົບຄອມພິວເຕີມາກໍຕາມ

ຕົ້ນກຳເນີດຂອງນົກໂຕໜຶ່ງ ອາດຈະບໍ່່ສຳຄັນເທົ່າ ນົກທີ່ເກີດມາແລ້ວສາມາດບິນຜ່ານຜ່າ ພະຍຸລົມແດງ ແລະ ມີຊີວິດຢູ່ຢ່າງປອດໄພ.

ນົກບາງໂຕອາດຈະເກີດໃນເຮືອນຮັງທີ່ອົບອຸ່ນ ມີອາຫານ ການກິນພຽງພໍ ແຕ່ເມື່ອບິນອອກໄປປະເຊີນໜ້າ ກັບອຸປະສັກ ແລະ ສິ່ງທ້າທາຍຂ້າງນອກ ອາດຈະເອົາຕົວບໍ່ລອດ ແຕ່ວ່າ ນົກບາງຕົວເກີດໃນສະພາບແວດລ້ອມທີ່ຂາດເຮືອນຮັງ ຂາດຄວາມອົບອຸ່ນ ແຕ່ສາມາດບິນອອກໄປປະເຊີນກັບສິ່ງທ້າທາຍ ແລະ ສາມາດມີຊີວິດຢູ່ໄດ້ຢ່າງສະບາຍ ນີ້ເປັນສິ່ງທີ່ໜ້າຍົກຍ້ອງ

ຕົ້ນກຳເນີດຂອງຄົນເຮົາກໍ່ເຊັ່ນກັນ ຄົນເຮົາອາດຈະເລືອກເກີດບໍ່ໄດ້ ແຕ່ ອາດຈະເລືອກສິ່ງທີ່ຢາກເປັນໄດ້ ຖ້າທ່ານມີຄວາມປາດຖະໜາຢ່າງແຮງກ້າ ແລະ ທຸ່ມເທຢ່າງເຕັມທີ່ 

ສົມມຸດວ່າ:  ທ່ານໄປຮ່ວມລາຍການແລ່ນມາລາທອນ  ເມື່ອທ່ານແລ່ນຈົນໝົດແຮງ ແລະຄິດວ່າຈະບໍ່ສາມາດແລ່ນຕໍ່ໄປແລ້ວ

 ແຕ່ວ່າ   ບັງເອີນມີໝາວໍ້ໂຕໜຶ່ງແລ່ນເຂົ້າມາຫາ ເພື່ອຈະກັດ  ຖາມວ່າ ທ່ານຈະແລ່ນຕໍ່ໄປໄດ້ບໍ ຫຼື ທ່ານຢຶນໃຫ້ໝາວໍ້ກັດ?

ຂ້າພະເຈົ້າຄິດວ່າ ບໍ່ມີໃຜທີ່ຈະຢືນໃຫ້ໝາວໍ້ກັດເດັດຂາດ ແນ່ນອນຕ້ອງສາມາດແລ່ນຕໍ່່ໄປໄດ້ອີກ

ດັ່ງນັ້ນ ຈຶ່ງມີຄຳຖາມວ່າ ທ່ານເອົາແຮງມາຈາກໃສ? ຄຳຕອບກໍຄືເອົາມາຈາກໂຕທ່ານເອງນັ້ນແລ້ວ ບໍ່ມີໃຜເອົາມາໃຫ້ດອກ

ນັ້ນຄືແຮງບັນດານໃຈ ຜູ້ທີ່ມີແຮງບັນດານໃຈ ຄືຜູ້ທີ່ມີຈິດໃຈເຂັ້ມແຂງ ເພາະສະນັ້ນເຂົາຈຶ່ງມີພະລັງຢ່າງແຮງກ້າ ມີຄວາມອົດທົນສູງ ສາມາດຜ່ານຜ່າອຸປະສັກຫຍຸ້ງຍາກໄດ້ 

ຜູ້ທີ່ມີຈິດໃຈເຂັ້ມແຂງ ມັກຈະເປັນຜູ້ທີ່ປະສົບຄວາມສຳເລັດສະເໝີ ສ່ວນວ່າ ຜູ້ທີ່ມີຈິດໃຈອອ່ນແອ ສ່ວນຫຼາຍມັກຈະເປັນຜູ້ຫຼົ້ມເຫຼວ  ກໍຄືຜູ້ທີ່ຍອມນັ່ງໃຫ້ໝາວໍ້ກັດນັ້ນເອງ

opium (n) ຟິ່ນ ຫຼື ຢາຟິ່ນ

Former ກອ່ນໜ້ານີ້

ex: former President ປະທານປະເທດຄົນກ່ອນໜ້າ, former Prime Minister ນາຍຍົກລັດຖະມົນຕີຄົນກ່ອນໜ້າ

farmers (n) ຊາວນາ ຫຼື ຊາວສວນ

rely (v)  ເພິ່ງພາ, ອາໃສໍ, ຂຶ້ນກັບ =depend on

Licit (adj)  ຖືກກົດໝາຍ

Crop (n)  ພືດພັນ

 Vietiane times only: Access: Jan.17,2011, http://www.vientianetimes.org.la/FreeContent/Free_Former.htm

Former opium farmers receive support ຊາວສວນປູກທີ່ເຄີຍປູກຢາຟິ່ນໃນເມື່ອກ່ອນ ໄດ້ຮັບເງິນສະໜັບສະໜູນ

More than 2,000 households in 35 villages that previously relied on opium production in Xamtai district of the northern Lao province of Huaphan will benefit from a 2.2 million euro project on ‘Increasing Food Security and Promoting Licit Crop Production and Small Farmer Enterprise Development'.

ຫຼາຍກວ່າ 2000 ຄົວເຮືອນ ພາຍໃນ 35 ບ້ານ ທີ່ເຄີຍຢຶດຖືອາຊີບປູກຟິ່ນ ໃນເມືອງຊຳເຕີ້ ເຊິ່ງຢູ່ແຂວງພາກເໜືອຂອງລາວ ແຂວງຫົວພັນ ຈະໄດ້ຮັບເງິນຈຳນວນ 2.2 ລ້ານຢູໂຣ ພາຍໄຕ້ໂຄງການ: ເພີ່ມຜະລິດຕະພັນອາຫານປອດສານພິດ ແລະ ສົງເສີມການປູກພຶດພັນທີ່ຖືກກົດໝາຍ   ແລະ ພັດທະນາວິສະຫະກິດ (ການປະກອບການ) ຂອງຊາວນາ (ຫຼື ຊາວສວນ) ຂະໜາດນ້ອຍ

ບົດແກ້ຟີຊິກ

1.  beat (v) past tense beat, past participle beaten = ເອົາຊະນະ ຫຼື ຊະນະ

ຫຼືຈະໃຊ້ win (v) past tense won, past participle won ກໍໄດ້

      ຕົວຢ່າງ:  Chelsea beat Blackburn Rovers 2-0.

              Chelsea won the match.

2.  lost (v) past tense lose, past participle lose = ເສຍ

ຕົວຢ່າງ: Blackburn Rovers lost/lose to Chelsea 0-2.

3.  draw (v)  past tense draw, past participle drawn = ສະເໝີ

ຕົວຢ່າງ: Our team drew 2-2. (ໝາຍເຫດ: ເວລາອ່ານຕ້ອງອານວ່າ two-all ບໍ່ອ່ານວ່າ two-two)

ຕົວຢ່າງ ຈາກຫົວຂໍ້ຂ່າວ Access: January 16, 2011 http://www.premierleague.com/page/Headlines/0,,12306~2267621,00.html

Chelsea 2-0 Blackburn Rovers: Chelsea finally stopped the rot to beat Blackburn Rovers and climb back into the top four. (ສຸດທ້າຍແລ້ວ Chelsea ກໍຢຸດຟອມການຫຼິ້ນທີ່ບໍ່ດີ ເອົາຊະນະ Blackburn Rovers ແລະ ຫຍັບຂຶ້ນມາເປັນອັນດັບທີ4)

rot ເນົ່າເປື່ອຍ, ບໍ່ດີ,....

climb ປິນ, ໄຕ່ເຕົ້້າ ເຊັ່ນ ປີນພູ, ປີນຕົ້ນໄມ້

ຈາກໜັງສືພິມ Vientiane times online http://www.vientianetimes.org.la/. Access: January 14, 2011

A new asphalt road leading to the Vat Phou Champassak World Heritage Site is set for completion in 2012 to boost tourism and development in rural areas.

ເສັ້ນທາງໃໝ່ ທີ່ຈະໄປ ແຫຼ່ງມໍລະດົກໂລກວັດພູຈຳປາສັກ ຄາດວ່າ (ຕັ້ງເປົ້າໝາຍໄວ້ວ່າ) ຈະສຳເລັດໃນປີ 2012 ເພື່ອ ເປັນການສົ່ງເສີມການທ່ອງທ່ຽວ ແລະ ການພັດທະນາ ໃນເຂດຊົນນະບົດ   

Heritage = ມໍລະດົກ

Site (n) = ແຫຼ່ງ ສະຖານທີ່ ທີ່ຕັ້ງ

World Heritage Site = ແຫຼ່ງມໍລະດົກໂລກ

asphalt road = ທາງປູຢາງ

set (v) = ວາງເປົ້າໝາຍ

boost (v) = ຊຸກຍູ້ ສົ່ງເສີມ (=  promote) 

rural area = ເຂດຊົນນະບົດ   ສ່ວນວ່າ   urban area = ເຂດໃນເມືອງ

Vientiane times online http://www.vientianetimes.org.la/. Access: January 14, 2011

fare (n) ແປວ່າ ຄ່າໂດຍສານ

 air fare= ຄ່າຍົນ.

 bus fare= ຄ່າລົດເມ.

train fare= ຄ່າລົດໄຟ.

ຕົວຢ່າງ: How much is the bus fare from Vientiane to Pakse ? ຄ່າລົດເມເທົ່າໃດຈາກວຽງຈັນ ໄປປາກເຊ?

           The cost of the air fare is higher than of the rail fare. ຄ່າຍົນ ແພງກວ່າຄ່າລົດໄຟ.                                                                                                       

 ຫົວຂໍ້ຂ່າວໃນພາສາອັງກິດ ສ່ວນໃຫຍ່ຈະບໍ່ໃສເວີບ be ເນື່ອງຈາກຕ້ອງການໃຫ້ມີຄວາມກະທັດຮັດ ເຊັ່ນ: 

1. Buddha images discovered in Khammuan province ຄວາມຈິງແມ່ນປະໂຫຍດ Pasive voice ບໍ່ແມ່ນ active voice ທີ່ຈິງປະໂຫຍກນີ້ມາຈາກ Buddha images are or were discovered in Khammuan province. ແຕ່ຕັດເວີບ be ອອກ. ດັ່ງນັ້ນ ຈຶ່ງແປວ່າ ພະພຸດທະຮູບຈຳນວນໜຶ່ງ ໄດ້ຖືກຄົ້ນພົບທີ່ແຂວງຄຳມ່ວນ.

ຖ້າຖືວ່າ active voice ຈະຕ້ອງແປວ່າພະພຸດທະຮູບຈຳນວນໜຶ່ງໄດ້ຄົ້ນພົບທີ່ແຂວງຄຳມ່ວນ ເຊິ່ງໝາຍຄວາມວ່າ: ພະພຸດທະຮູບໄປຄົ້ນພົບຢ່າງໃດຢ່າງໜຶ່ງທີ່ແຂວງຄຳມ່ວນ (ເຊິ່ງເປັນໄປບໍ່່ໄດ້ ພະພຸດທະຮູບ ຈະເປັນຜູ້ຄົ້ນພົບ ມີແຕ່ຄົນເຮົາ ຫຼືປະຊາຊົນ ເປັນຜູ້ຄົ້ນພົບພະພຸດທະຮູບ)

2. Lao children to benefit from joint EU-UNICEF nutrition project  ແມ່ນປະໂຫຍດ active voice ມາຈາກ Lao children are to benefit from joint EU-UNICEF nutrition project  ບັນດາເດັກນ້ອຍລາວໄດ້ຮັບຜົນປະໂຫຍດຈາກໂຄງການອາຫານຮ່ວມລະຫວ່າງ  EU-UNICEF

 ຂໍ້ມູນຈາກໜັງສືພິມ Vientine Time ອອນລາຍ ວັນທີ January 11, 2011 http://www.vientianetimes.org.la/ access: January 11, 2011

ໂລກເຮົາມີອາຍຸຈັກປີ ໃຜຕອບໄດ້?

ເນື່ອງຈາກ ຄວາມແຮງດຶງດູດຂອງໂລກຫຼຸດລົງ ຫຼື ຄ່າອັດຕາເລັ່ງດຶງດູດຂອງໜ່ວຍໂລກ g ຕ່ຳລົງ ຍ້ອນອິດທິພົນຂອງດວງຈັນທີ່ ເຄື່ອນທີ່ມາຢູເບື້ອງດຽວກັບນ້ຳທະເລ . ອັນຄວາມຈິງແລ້ວທີ່ບອກວ່າ ຄ່າ g=9.81m/s2 ນັ້ນເປັນຄ່າສະເລ່ຍ ແຕ່ເມື່ອພິຈາລະນາລະອຽດແລ້ວ ຄ່າ g ຍັງປ່ຽນແປງຕາມເສັ້ນຂະໜານ ອີກຕາມສູດ g=GM/R^2. G ຕົວຄົງຄ່າຂອງການດຶງດູດຂອງຈັກກະວານ  M ມວນສານຂອງໂລກ  R ລັດສະໝີຂອງໂລກ. ໜ່ວຍໂລກບໍ່ໄດ້ເປັນໜ່ວຍມົນຢ່າງສົມບູນ ມັນເປັນຮູບຄ້າຍຄືໜາກອຶ ເຊິງລັດສະໝີຂອງໂລກທີ່ເສັ້ນສູນສູດ ຫຼາຍກວ່າ ລັດສະໝີຂອງໂລກທີ່ຂົ້ວໂລກ  ດັ່ງນັ້ນ ອີງຕາມສູດ ຢູ່ເສັ້ນສູນສູດ ຄ່າ g ຈະຕ່ຳກວ່າ g ທີ່ບໍລິເວນຂົ້ວໂລກ.

ໃນປະຈຸບັນໄດ້ມີເຄື່ອງມືວັດແທກ ຄ່າ g ຢ່າງລະອຽດສາມາດວັດແທກໄດ້ຫຼັງຈຸດໄປ 6 ຕົວເລກ ເຊັ່ນ g=9.81xxxx m/s2  ດັ່ງນັ້ນ ຈຶ່ງຖືກນຳໃຊ້ ເພື່ອຫາໂຄງສ້າງຂອງຂອງຊັ້ນດິນ ຫຼື ຊັ້ນຫີນ, ການສຳຫຼວດຫາບໍ່ແຮ່, ນ້ຳບາດານ ແລະອື່ນໆ   ໃນການສຳຫຼວດດ້ານ ການດຶງດູດຂອງໜ່ວຍໂລກ ຫຼືພາສາອັງກິດ ເອີ້ນວ່າ: Gravity exploration  ຫຼື Gravity investigation  ຫຼື Gravity survey ຊຶ່ງເປັນວິທີໜຶ່ງທາງດ້ານທໍລະນີຟີຊິກ.

ຕົວຢ່າງ: ບໍລິສັດຂຸດຄົ້ນບໍ່ຄຳເຊໂປນກໍໃຊ້ວິທີນີ້ ຮ່ວມກັບວິທີອື່ນໆ ເຊັ່ນ: Resistivity survey, Induced polarizatio (IP), Magnetic Survey ນອກຈາກນັ້ນ ຍັງໃຊ້ວິທີທາງທໍລະນີເຄມີອີກ

ທ່ານສາມາດຫາຂໍ້ມູນທົ່ວໄປໃນເວັບໄຊ