ຕົ້ນກຳເນີດຂອງນົກໂຕໜຶ່ງ ອາດຈະບໍ່່ສຳຄັນເທົ່າ ນົກທີ່ເກີດມາແລ້ວສາມາດບິນຜ່ານຜ່າ ພະຍຸລົມແດງ ແລະ ມີຊີວິດຢູ່ຢ່າງປອດໄພ.

ນົກບາງໂຕອາດຈະເກີດໃນເຮືອນຮັງທີ່ອົບອຸ່ນ ມີອາຫານ ການກິນພຽງພໍ ແຕ່ເມື່ອບິນອອກໄປປະເຊີນໜ້າ ກັບອຸປະສັກ ແລະ ສິ່ງທ້າທາຍຂ້າງນອກ ອາດຈະເອົາຕົວບໍ່ລອດ ແຕ່ວ່າ ນົກບາງຕົວເກີດໃນສະພາບແວດລ້ອມທີ່ຂາດເຮືອນຮັງ ຂາດຄວາມອົບອຸ່ນ ແຕ່ສາມາດບິນອອກໄປປະເຊີນກັບສິ່ງທ້າທາຍ ແລະ ສາມາດມີຊີວິດຢູ່ໄດ້ຢ່າງສະບາຍ ນີ້ເປັນສິ່ງທີ່ໜ້າຍົກຍ້ອງ

ຕົ້ນກຳເນີດຂອງຄົນເຮົາກໍ່ເຊັ່ນກັນ ຄົນເຮົາອາດຈະເລືອກເກີດບໍ່ໄດ້ ແຕ່ ອາດຈະເລືອກສິ່ງທີ່ຢາກເປັນໄດ້ ຖ້າທ່ານມີຄວາມປາດຖະໜາຢ່າງແຮງກ້າ ແລະ ທຸ່ມເທຢ່າງເຕັມທີ່