ພັນລາວ.ຄອມ
ຊອກຫາ:
ຊອກຫາແບບລະອຽດ
ໜ້າທຳອິດ
ສົ່ງບັດເຊີນ
ໄດອາຣີ່
ແບບສຳຫຼວດ
ອັລບັ້ມພາບ
ຄລິບ
ເວັບບອດ
ເກມ
ລິ້ງ
ອື່ນໆ...
 
ສະໝັກສະມາຊິກ
ລັອກອິນ
ຄວາມຮູ້ຮອບຕົວມາອີກແລ້ວເດີ້!!
ຂຽນເມື່ອ ຂຽນເມື່ອ: ທ.ວ.. 4, 2008 | ມີ 14 ຄຳເຫັນ ແລະ 0 trackback(s)
ໜວດໝູ່: ຄວາມຮູ້ທົ່ວໄປ

alt

   ມາອີກແລ້ວທ່ານຜູ້ອ່ານ...ຂ້າພະເຈົ້າເອົາຄວາມຮູ້ຮອບໂຕມາຝາກ....

ເຊິ່ງຄັດມາຈາກປຶ້ມທີ່ຂ້າພະເຈົ້າກຳລັງອ່ານຢູ່.....ອ່ານໄວ້ບໍ່ເສຍຫາຍເດີ້

 

alt

 

 

 

 

alt

Heart

 

ຮູ້ບໍ່ວ່າຫົວໃຈເປັນອະໄວຍະວະທຳອິດທີ່ມີການປ່ຽນຖ່າຍໃຫ້ກັນ    ໃນປີ 1967ສາດສະດາຈານ Christian Barnardແພດຊາວແອຟຣິກາໃຕ້ໄດ້ປ່ຽນຫົວໃຈຂອງຄົນປ່ວຍທີ່ຕາຍແລ້ວມາໃຫ້ Louis Washkansky ເຊິ່ງເຮັດໃຫ້ລາວມີຊີວິດຢູ່ຕໍ່ໄດ້ອີກ 18ມື້

 

 

alt

The grand central

 

ອາເມລິກາແມ່ນປະເທດທີ່ມີສະຖານີລົດໄຟທີ່ໃຫຍ່ທີ່ສຸດໃນໂລກ  The Grand central Terminal ໃນ New York ສ້າງຂຶ້ນໃນປີ 1903-1913 ມີເນື້ອທີ່ 192.000 km ມີ2ຊັ້ນ  ຊັ້ນເທິງມີ 41 ລາງ ແລະຊັ້ນລຸ່ມມີ 26 ລາງ ແຕ່ລະມື້ມີລົດໄຟເຂົ້າອອກ 550ຂະບວນ.

 

 

alt

ພາບປະກອບທາງອິນເຕີເນັດ

ໃນປີ 1980 ທີ່ນອກເມືອງ Lyon ປະເທດ France ເຄີຍມີເຫດການລົດຕິດຍາວທີ່ສຸດໃນໂລກ ຍາວກ່ວາ 170 ກິໂລແມັດ ແລະມີລົດຕິດ ຢູ່ ປະມານ 44.000ຄັນ

 

 

 

alt

china

 

ປະເທດຈີນເປັນປະເທດທີ່ມີຊາຍແດນຕິດກັບປະເທດອື່ນຫຼາຍທີ່ສຸດໃນໂລກ ມີເຖິງ 16ປະເທດ ປະກອບມີ ປະເທດອັຟການິສຖານ; ປະເທດພູຖານ; ປະເທດຮົ່ງກົງ; ປະເທດອິນເດຍ; ປະເທດຄາຊັສສະຖານ; ປະເທດເຄີກີສະຖານ; ປະເທດມົງໂກເລຍ ; ປະເທດລາວ; ປະເທດມາເກົ້າ ; ປະເທດພະມ້າ ປະເທດເນປານ ;ປະເທດເກົາຫຼີເໜືອ; ປະເທດປາກີສະຖານ; ປະເທດລັດເຊຍ ; ປະເທດທາຈິກີສະຖານ ແລະ ປະເທດຫວຽດນາມ

 

alt

The congress library

 

ຫ້ອງສະໝຸດສະພາ Congress ທີ່ Washington DC ປະເທດ USA ແມ່ນຫ້ອງສະໝຸດ ທີ່ໃຫຍ່ທີສຸດໃນໂລກ ມີໜັງສື 29ລ້ານຫົວ

 

 

alt

ມ້ານ້ຳກຳລັງປະສົມພັນ

 

ມ້ານ້ຳຕົວຜູ້ເປັນຜູ້ໃຫ້ກຳເນີດລູກ ມັນຈະມີໄຂ່ຢູ່ກະເປົ໋າໜ້າທ້ອງ ແລະ ລ້ຽງໄຂ່ເຫຼົ່ານັ້ນດ້ວຍເລືອດຂອງມັນຈົນກ່ວາໄຂ່ຈະຟັກອອກມາເປັນໂຕ

 

 alt

The Angel water fall

 

ນ້ຳຕົກ Angel  ໃນປະເທດ Venezuela ແມ່ນນ້ຳຕົກທີ່ສູງທີ່ສຸດດດໃນໂລກ ມີຄວາມສູງ 978ແມັດ ມັນຖືກຄົ້ນພົບໃນປີ 1935 ແລະ ຖືກເອີ້ນຊື່ຕາມຜູ້ຄົ້ນພົບທີ່ມີຊື່ວ່າ Jimmy Angel.

 

 

alt

Phenite

 

 

Phenite ເປັນອັນຍະມະນີທີ່ມີຄ່າຫຼາຍທີ່ສຸດ ແລະ ຫາຍາກທີ່ສຸດໃນໂລກ ຈົນບໍ່ສາມາດປະເມີນຄ່າໄດ້ ແຮ່ທາດຊະນິດນີ້ຖືກຂຸດພົບພຽງແຕ່3ກ້ອນໃນປະເທດພະມ້າ

 

alt

Edmund Hillary


Edmund Hillary ເປັນຄົນທຳອິດຂອງໂລກທີ່ສາມາດປີນໄປຈຸດສູງສຸດຂອງພູເຂົານ້ຳກ້ອນ Everest ສຳເລັດໃນເດືອນ ພຶດສະພາ ປີ 1953

 

 

alt

Château Lafité


château Lafité (ອ່ານວ່າ ຊສາໂຕ້ ລາຟີ່ເນ່) ເປັນ Wine ທີ່ແພງທີ່ສຸດໃນໂລກ ຜະລິດທີ່ເມືອງ château ຂອງປະເທດ ຝລັ່ງ ແລະ ຖືກປະມູນ ໄປໃນລາຄາ 105.000 ປອນ (ໄປໄລ່ເອົາເອງເດີ້)

 

 

alt

Humming bird

 

ນົກ Humming Bird  ເປັນນົກທີ່ມີຂະໜາດນ້ອຍທີ່ສຸດໃນໂລກ ຂະໜາດໂຕຂອງມັນເທົ່າກັບໜ່ວຍຕາຂອງນົກກະຈອກເທດເຊິ່ງເປັນນົກທີ່ໃຫຍ່ທີ່ສຸດໃນໂລກ

 

 

 

alt

Penny Black

 

ປະເທດອັງກິດເປັນປະເທດທີ່ມີການໃຊ້ສະແຕ໋ມເປັນປະເທດທຳອິດຂອງໂລກ  ໂດຍສະແຕ່ມດວງທຳອິດຂອງໂລກນັ້ນມີຊື່ວ່າ Penny Black ອອກໃຊ້ເດືອນ ພຶດສະພາ ປີ 1840

 

 

 

 

alt

 

ຮຽບຮຽງໂດຍ angelala

ຂໍ້ມູນອ້າງອິງຈາກປຶ້ມ "ຮູ້ຮອບຕອບໄດ້"

 
ສິ່ງເຫຼົ່ານີ້ທີ່ທ່ານອາດຈະຫາກໍ່ຮູ້
ຂຽນເມື່ອ ຂຽນເມື່ອ: ທ.ວ.. 1, 2008 | ມີ 25 ຄຳເຫັນ ແລະ 0 trackback(s)
ໜວດໝູ່: ຄວາມຮູ້ທົ່ວໄປ
alt


ມື້ນີ້ຂ້າພະເຈົ້າເອົາຄວາມຮູ້ມາຝາກທ່ານຜູ້ອ່ານອີກແລ້ວ .... ຂ້າພະເຈົ້າຮວບຮວມຈາກການອ່ານມາຈາກ ຫຼາຍໆເວັບຫຼາຍໆພາສາແລ້ວເກັບມາແປແລະຂຽນຍາວໆໆໆ ບາດດຽວມາແບ່ງປັນກັນອ່ານ.... ບໍ່ຢາກຂຽນເທື່ອລະໜ້ອຍດຽວເພິ່ນສິວ່າເຮົາມີຈຸດປະສົງແອບແຝງ (ນັ້ນກໍ່ຄືປ້ຳເງິນ).... ເຖິງໃຈຈິງຢາກຈະເຮັດກໍ່ຕາມແຕ່ຈັ່ງໃດກົດລະບຽບກໍ່ຕ້ອງມາກ່ອນ...ຮ່າໆໆໆ ຫຼາຍຄົນອາດຈະເຄີຍອ່ານມາແລ້ວແຕ່ຫຼາຍຄົນກໍ່ອາດຈະບໍ່ເຄີຍຮູ້ມາກ່ອນ.... ສະນັ້ນກໍ່ຂໍໃຫ້ອ່ານໂດຍໃຊ້ວິຈາລະນະຍານຕາມສົມຄວນດ້ວຍ... ຜິດພາດປະການໃດກໍ່ຂໍອະໄພນຳເດີ້....ຫຼື


ຈະເມັ້ນມາບອກກໍ່ໄດ້....ຂ້າພະເຈົ້າກໍ່ຈະແກ້ໄຂຕາມສົມຄວນ..... ເຂົ້າເລື່ອງເລີຍເນາະ...ຫຸໆ >.,<

alt

V

V

V

altປາທີ່ອາໃສຢູ່ນ້ຳເລິກກ່ວາ 800 ແມັດຈະບໍ່ມີຕາ

 

altເພງທີ່ຄົນຮ້ອງຫຼາຍທີ່ສຸດແມ່ນ ເພງ Happy birthday

 

altເປັນໄປບໍ່ໄດ້ທີ່ຄົນເຮົາຈະຈາມໂດຍບໍ່ຫຼັບຕາ

 

alt

 

altໂຕຮິບໂປ ຕົດທາງປາກ

altຄົນເຮົາບໍ່ສາມາດຂ້າໂຕຕາຍໂດຍການກັ້ນຫາຍໃຈໄດ້

altຫໍອຽງທີ່ປະເທດອີ່ຕາລີ້ ຈະອຽງໄປທາງທິດໃຕ້

altຜູ້ຍິງທີ່ເກາະຮາວາຍ ຖ້າເໜັບດອກໄມ້ທີ່ຫູຊ້າຍ ແປວ່າມີຜົວແລ້ວ

altຍຸງບິນດ້ວຍຄວາມໄວ 8ກິໂລແມັດຕໍ່ຊົ່ວໂມງ

altກົງຫັນທົ່ວໂລກຈະໝຸນທິດທາງທີ່ກົງກັນຂ້າມກັບເຂັມໂມງ ຍົກເວັ້ນກົງຫັນທີ່ປະເທດໄອແລນ

altຮູ້ບໍ່ວ່າເວັບ google ນອກຈາກຈະເປັນບ່ອນໃຫ້ເຮົາຊອກຫາຂໍ້ມູນແລ້ວຍັງເປັນເຄື່ອງຄິດເລກອີກ (ລອງເອົາ 5+5 ແລ້ວກົດ search ເບິ່ງ)

altຄົນທີ່ລຶ້ງເບື້ອງຂວາ ມີອາຍຸສະເລ່ຍຍືນກ່ວາຄົນລຶ້ງເບື້ຶງຊ້າຍ 9ປີ

altນອກຈາກມະນຸດແລ້ວ ໝີຂົ້ວໂລກ ແລະ ຈິ້ງໂຈ້ກໍ່ຈູບເປັນຄືກັນ ແລະ ລິງ ຊິມແປນຊີແມ່ນສາມາດຈູບແບບ french kiss ໄດ້

altແຂ້ວຂອງແມງສາບແມ່ນຢູ່ໃຕ້ທ້ອງ


alt


altໜັງ Animation ເລື່ອງ " South park" ໄດ້ຖືກຈົດລົງໃນ ກິເນສບຸກ ວ່າເປັນເລື່ອງ Animationທີ່ບໍ່ສຸພາບທີ່ສຸດໃນໂລກ ເນື່ອງຈາກວ່າ ໃຊ້ຄຳບໍ່ສຸພາບ 399 ຄຳ ພຶດຕິກຳຮຸນແຮງ ອີກ 221 ເທື່ອ ແລະສະແດງທ່າທີ່ຖ່ອຍ 128 ເທື່ອ

altໂຕກະຕູນ Donald duck ( W. disney) ຖືກແບນທີ່ປະເທດຟິນແລນ ເພາະບໍ່ໄດ້ໃສ່ສະຫຼິບ

altຫຼຸຍຊາ ແອລເມໂດວາ ໄວ 19 ປີ ໄດ້ສ້າງສະຖິຕິຈູບດົນທີ່ສຸດໃນໂລກ 30ຊົ່ວໂມງ 59 ນາທີ 27 ວິນາທີ ກັບແຟນໜຸ່ມຂອງລາວທີ່ຊື່ ຣີຊ ແລງເລ ໄວ 22ປີ

altການໃສ່ຫູຟັງພຽງ1ຊົ່ວໂມງ ກໍ່ສາມາດເພີ່ມເຊື້ອ ແບັກທີ່ເຮຍ 700ເທົ່າໃນຫູ

altແຕ່ລະນ້ຳຂອງໄພ້ສະແດງເຖິງກະສັດທີ່ຍິ່ງໃຫຍ່ໃນປະຫວັດສາດ ເກີ ສະແດງເຖິງ ກະສັດ ຊາລ ເລີ ມານ ບິດ ສະແດງເຖິງ ກະສັດ ເດວິດ ໂລ ສະແດງເຖິງ ກະສັດ ຈູລຽສ ຊີຊາລ ຈ່ວນ ສະແດງເຖິງ ກະສັດ ອາເລັກແຊນເດີ

altຮ່າງກາຍຂອງຄົນເຮົາມີກ້າມຊີ້ນ 650 ມັດ

altສະຫຼຸບແລ້ວ ໃນປີໜຶ່ງຄົນເຮົາຈະກິນສັດຈຳພວກ ເຫັບ ໄລ ລິ້ນ ໂດຍບໍ່ໄດ້ຕັ້ງໃຈ 430 ຕົວຕໍ່ຄົນ

altຄົນປະເທດຝລັ່ງ ກິນເຫັດຫຼາຍທີ່ສຸດໃນໂລກ ໂດຍສະເລ່ຍ 3.17 ກິໂລ ຕໍ່ຄົນຕໍ່ປີ

altປະເທດຈີນແມ່ນປະເທດທີ່ມີຄົນນັບຖືສາດສະໜາພຸດຫຼາຍທີ່ສຸດໃນໂລກ


alt

alt ຈິງໂຈ້ເປັນສັດລ້ຽງລູກດ້ວຍນົມຊະນິດດຽວທີ່ບໍ່ສາມາດຍ່າງຖອຍຫຼັງໄດ້

altດາວເຄາະທີ່ຮ້ອນທີ່ສຸດແມ່ນດາວສຸກ

alt ຮູ້ບໍ່ວ່າໝາເປັນສັດຊະນິດທຳອິດທີ່ຖືກນຳຂຶ້ນອາວາກາດເປັນຄັ້ງທຳອິດ ມັນມີຊື່ວ່າໄລກ້າ ເປັນເພດແມ່ ເຊິ່ງເສຍຊີວິດຢູ່ອາວະກາດໃນປີ 1957


alt


ແປແລະຮຽບຣຽງໂດຍ angelala

ນ້ຳດື່ມທີ່ແພງທີ່ສຸດໃນໂລກ
ຂຽນເມື່ອ ຂຽນເມື່ອ: ກ.ຍ.. 4, 2008 | ມີ 14 ຄຳເຫັນ ແລະ 0 trackback(s)
ໜວດໝູ່: ຄວາມຮູ້ທົ່ວໄປ
alt   alt
 




Iskilde ລິດລະ 144.585 ກີບ


alt


ນ້ຳດື່ມຕຸກນີ້ມາຈາກປະເທດແດນມາກ..ເປັນນ້ຳແຮ່ທີ່ຫາກະຖືກຄົ້ນພົບທີ່ເຂດສະຫງວນ Messo  ເຊິ່ງມັນສະອາດແລະບໍລິສຸດຫຼາຍ..ວິທີການໄດ້ນ້ຳຕຸກນີ້ມາແມ່ນຕ້ອງເຈາະລົງໄປໃຕ້ດິນ50ແມັດ ນ້ຳແຮ່ຊະນິດນີ້ເໝາະແກ່ການກິນຮ່ວມກັບສະເຕັກ


Finé ລິດລະ 334.560 ກີບ


alt

ນ້ຳດື່ມຕຸກນີ້ສູບມາຈາກໃຕ້ພູເຂົາໄຟຟູຈິ600ແມັດ ໂດຍແຫຼ່ງນ້ຳນີ້ຈະມີບາງສ່ວນເປັນນ້ຳພຸຮ້ອນ....ເຊື່ອກັນວ່ານ້ຳຕຸກນີ້ແມ່ນອຸດົມໄປດ້ວຍຊິລິກາ ເຊິ່ງຊ່ວຍເລື່ອງຄວາມງາມຂອງຜົມ ເລັບ ແລະຊ່ວຍໃຫ້ຮ່າງກາຍສາງຄໍລາເຈັ້ນເຊິ່ງເປັນຕົວຊ່ວຍຢັບຢັ້ງຄວາມແກ່ອີກດ້ວຍ..ມັນເໝາະແກ່ການກິນກັບຊູຊິ...ວ່າກັນສ່າລົດຊາດມັນຈະອອກຫວານໆ



OGO ລິດລະ 385.560 ກີບ

alt

ນ້ຳຕຸກນີ້ມາຈາກປະເທດເນເທີແລນ ດິນແດນແຫ່ງດອກທິວລິບ ນ້ຳຕຸກນີ້ໄດ້ຮັບການຮັບຮອງ ວ່າມີປະລິມານອອກຊີເຈັ້ນຕາມທຳມະຊາດສູງກ່ວານ້ຳດື່ມທົ່ວໄປ ດື່ມແລ້ວໃຫ້ຄວາມສົດຊື່ນດີອີ່ຫຼີ່ ສ່ວນຄຳວາ່ OGO ແມ່ນມາຈາກ ຄຳວ່າ Oxigen To Go


 


Mahalo Deep Sea Water ລິດລະ 449.820ກີບ


alt

ນ້ຳຕຸກນີ້ມາຈາກຮາວາຍ ຄວາມເດັ່ນຂອງມັນຢູ່ທີ່ມັນເປັນນ້ຳຈືດຈາກໃຕ້ທະເລ ນ້ຳຊະນິດນີ້ເີກດຈາກພູເຂົານ້ຳແຂງທີ່ລະລາຍໂຕລົງໄປໃນທະເລ ແລ້ວດ້ວຍຄວາມໜາແໜ້ນທີ່ຕ່າງກັນຫຼາຍ ຈຶ່ງເຮັດໃຫ້ນ້ຳຈືດຊະນິດນີ້ບໍ່ປົນກັບນ້ຳທະເລແຕ່ນອນກັນຢູ່ໃຕ້ທະເລແທນ
 


Berg ລິດລະ 481.950 ກີບ

alt


ນ້ຳຕຸກນີ້ມາຈາກການາດາ ມາຈາກທານນ້ຳແຂງໂບຮານຢູ່ກຮີນແລນ ແຕກຕົວແລ້ວລອຍຂ້າມມະຫາສະໝຸດມາໃຫ້ການາດາລະລາຍໃສ່ຕຸກ ທານນ້ຳແຂງນີ້ມີອາຍຸປະມານ 15000 ປີ ແລະຕ້ອງໄປສະກັດຕອນທີ່ມັນຍັງບໍ່ຮອດຝັ່ງອີກເຊິງແມ່ນຍາກຫຼາຍ




420 Volcanic ລິດລະ 803.250ກີບ

alt

ນ້ຳຕຸກນີ້ມາຈາກນິວຊີແລນ ມາຈາກພູເຂົາໄຟ Tai Tapu ໂດຍເປັນນ້ຳໃຕ້ດິນທີ່ຜ່ານການຮອງຈາກຫິນພູເຂົາໄຟແລ້ວຝັງໂຕລຶກລົງໄປ 200 ແມັດ



Bling H2O ລາຄາເລີ່ມແຕ່ 173000 - 4152000 ກີບຕໍ່ຕຸກ

alt

ນ້ຳຕຸກນີ້ໄດ້ຮັບການຍອມຮັບວ່າແພງທີ່ສຸດໃນໂລກ...ມັນບໍ່ໄດ້ມີຄວາມພິເສດຄືກັບນ້ຳດື່ມໂຕອຶ່ນທີ່ຜ່ານມາ ແຕ່ຄວາມພິເສດຂອງມັນຢູ່ທີ່ຕົວຕຸກປະດັບດ້ວຍຄສິດຕໍ ຊະວາກີ້ ແລະຈຸກໄມ້ກ໋ອກແທ້ ແລະເຮັດດ້ວຍຊາຍຊະນິດພິເສດ ພ້ອມດ້ວຍສະໂລແກນທີ່ວ່າ
 "ຕຸກນ້ຳທີ່ເຈົ້າຖືແລ້ວສະແດງຄວາມເປັນໂຕເອງ"


alt


alt

Bling H2O - Crimson 375ml   ລາຄາ 173.000 ກີບ


alt


 Limited Edition "Paris PINK" 750 ml Bling H2O 12 bottle ( CASE) ລາຄາ 4.152.000 ກີບ


ຖ້າຢາກເຫັນ ຫຼາຍກ່ວານີ້  http://www.blingh2o.com/store/index.php?cPath=21




ຂໍຂອບໃຈ ຂໍ້ມູນຈາກເວັບໄທ
ຮູບພາບແລະຂໍ້ມູນເພີ່ມເຕີມ ຈາກ Doggie
alt alt
10ອັນດັບປິດສະໜາຂອງໂລກ
ຂຽນເມື່ອ ຂຽນເມື່ອ: ສ.ຫ.. 7, 2008 | ມີ 10 ຄຳເຫັນ ແລະ 0 trackback(s)
ໜວດໝູ່: ຄວາມຮູ້ທົ່ວໄປ
alt   alt
 
alt

1. ແຈັກ ເດິ ຣິປເປີ

ມັນຍັງຄົງເປັນປິດສະໜາຕໍ່ໄປ ແລະເປັນຕາຢ້ານທີ່ສຸດ ປິດສະໜາອັນດັບໜຶ່ງ ທີ່ຍັງຄາໃຈເຮົາ....ຂ້າຕະກອນຕໍ່ເນື່ອງ "ແຈັກ ເດິ ຣິປເປີ"...ອາດຊະຍາກອນລະດັບໂລກທີ່ຍັງຈັບໂຕບໍ່ໄດ້ ການສັງຫານຜູ້ເຄາະຮ້າຍຢ່າງໂຫດຮ້າຍຫຼາຍລາຍຕິດຕໍ່ກັນ ຖືກກ່າວຂານເຖິງ.....ແຖວອີສຕເອນທຂອງລອນດອນໄດ້ສ້າງຊື່ເຖິງຄວາມໜ້າຢ້ານ ບໍ່ພຽງແຕ່ບໍ່ມີວີ່ແວວຂອງຂ້າຕະກອນ ແຕ່ການພິສູດແລະການທົດລອງ ດ້ານນິຕິວິທະຍາສາດຍັງບໍ່ພັດທະນາເທົ່າທີ່ຄວນ
ຈຶ່ງບໍ່ມີເຫດຜົນຫຼືຫຼັກຖານໜັກແໜ່ນໃນການມັດໂຕຄົນຮ້າຍ ຈາກຄະດີຂ້າຕະກຳທີ່ໂດ່ງດັງ ເຮັດໃຫ້ມີຜູ້ຕ້ອງສົງໃສເກີດຂຶ້ນຫຼາກຫຼາຍ ຫຼັກຖານສຳຄັນຕ່າງໆຖືກຂຸດຂຶ້ນມາພາຍຫຼັງ  ຈະເປັນໄປໄດ້ບໍ່ທີ່ຈະສືບຫາຂ້າຕະກອນຕົວຈິງໄດ້ ແມ້ວ່າຂ້າຕະກອນຜູ້ນັ້ນຄືສິບໍ່ມີຊີວິດຢູ່ໃຫ້ຈັບແລ້ວ ແຕ່ກໍ່ຍັງດີທີ່ໄດ້ຮູ້ວ່າຕົວຈິງແມ່ນໃຜ??



alt

2.ຍັກແຫ່ງເກາະອີສເຕີ


ເດີນທາງມາສຳຜັດເກາະປິດສະໜາທີ່ໂດດດ່ຽວກາງມະຫາສະໝຸດ ຮູບແກະສະລັກຫິນລຶກລັບທີ່ມີຂະໜາດມະໂຫລານ800ອັນ ຮຽງກັນຢູ່ຕາມຝັ່ງທົ່ວເກາະ ທັ້ງໆທີ່ບໍ່ມີຄົນຢູ່ ແຕ່ຮູບແກະສະຫຼັກນີ້ມາແຕ່ໃສແລະສ້າງຂຶ້ນມາໄດ້ຈັ່ງໃດ ອາດຈະແມ່ນຊາວໂພລີນີເຊຍຊົນພື້ນເມືອງທີ່ມາຕັ້ງຮາກຖານຢູ່ນີ້ ເມື່ອ ຄ.ສ 400 ເປັນຜູ້ສ້າງຂຶ້ນ ແຕ່ເປັນຫຍັງຄືສ້າງຢູ່ບໍໍລິເວນນີ້ໄດ້ ແລະເຮັດໄດ້ຈັ່ງໃດ ມັນຍັງຄົງເປັນປິດສະໜາດຳມືດ ດ້ວຍວິວັດທະນາການຄວາມຮູ້ຂອງຄົນໃນສະໃໝກ່ອນ ເປັນໄປບໍ່ໄດ້ທີ່ພວກເຂົາຈະຍົກຫິນທີ່ມີນ້ຳໜັກກ່ວາ75ຕັນມາໄວ້ແຄມຝັ່ງ ບໍ່ວ່າຈະດ້ວຍວິທີໃດກໍ່ຕາມ ຮູບແກະສະຫຼັກເຫຼົ່ານີ້ຍັງຄົງຖືກຖິ້ມໄວ້ໃຫ້ຄົ້ນຫາຄຳຕອບຕໍ່ໄປ..


alt



3.ຄຣອບເຊີເຄີລ



ວົງມົນປະຫຼາດ ຮູຍຮ່າງແປກໆທີ່ຍັງຄົງຕ້ອງການຄຳຕອບເຖິງທີ່ມາ ຊາວເມືອງເອຟເບີຣີ່ຄຸ້ນເຄຍກັບມັນດີ  ວົງຂະໜາດໃຫຍ່ ຍາວກ່ວາ200ແມັດ ກ້ວາງ40ແມັດ  ເກີດກະຈັດກະຈາຍໄປທົ່ວທົ່ງນາ ນຳຄວາມເສຍຫາຍປົນຄວາມສົງໃສມາສູ່ເຈົ້າຂອງທົ່ງນາບໍລິເວນນັ້ນ ມີທິດສະດີຫຼາຍອັນຖືກຕັ້ງຂຶ້ນມາເພື່ອຕອບຄຳຖາມຂອງ ຄຣອບເຊີເຄີລ..ມັນອາດຈະເປັນຂໍ້ຄວາມຫຼືພາສາທີ່ໃຊ້ຊື່ສານກັນລະຫວ່າງມະນຸດຕ່າງດາວ ຫຼືອາດຈະເປັນວົງມົນທີ່ສ້າງຂຶ້ນມາເພື່ອຮຽກຮ້ອງຄວາມສົນໃຈເທົ່ານັ້ນ..



alt


4.ສັດປະຫຼາດແຫ່ງບລ໋ອກເນສ


ໃນໂລກນີ້ຍັງມີເລື່ອງໃຫ້ພິສູດອີກຫຼາຍ ຄືກັບເຮົາກຳລັງຈະພາໄປຢ້ຽມຢາມ ສັດປະຫຼາດແຫ່ງທະເລສາບບລ໋ອກເນສໃນສະກ໋ອດແລນ ເລື່ອງເລົ່າທີ່ໂດ່ງດັງກ່ຽວກັບສັດຮູຍຮ່າງປະຫຼາດເນສຊີ້ ໂຕໃຫຍ່ປະມານ15-40ຟຸດ ມັກຈະໂພ່ຂຶ້ນມາໃຫ້ເຫັນເປັນບາງຄັ້ງ ຫຼາຍຄົນສົນໃຈຕິດຕາມຈັບພາບສັດປະຫຼາດໂຕນີ້ ແລ້ວບາງຢ່າງກໍ່ເປັນຈິງ ມີພາບຂອງວັດຖຸລຶກລັບເຄື່ອນໄຫວຢູ່ໃນທະເລສາບແຫ່ງນັ້ນ ແຕ່ບໍ່ສາມາດພິສູດໄດ້ວ່າມັນແມ່ນໂຕຫຍັງ ຖຶງຢ່າງໃດກໍ່ຕາມ ຄົນຫຼາຍຄົນຕ່າງກໍ່ເຊື່ອວ່າ ເນສຊີ້ ສັດປະຫຼາດແຫງບລ໋ອກເນສມີຮູບຮ່າງຄ້າຍຄືກັບໄດໂນເສົາຄໍຍາວ ມັນຈະມີຢູ່ແທ້ຫຼືບໍ່ນັ້ນຄົງຈະຕ້ອງຂຶ້ນກັບໂຕເນສຊີ້ເອງ..

alt

 
5.ນັກຂ້າຮັດຄໍຈາກບອສຕັ້ນ



ຄະດີປິດສະໜາຂ້າຕະກຳອຳພາງ ເມື່ອຫຼາຍປີກ່ອນຖືກຄາຍລົງ ແຕ່ໄວໆນີ້ພັດຖືກນຳມາສອບສວນໃໝ່  ຂ້າຕະກອນທີ່ຈັບໄດ້ຈະແມ່ນໂຕແທ້ບໍ່ ຄະດີທີ່ໂດ່ງດັງໄປທົ່ວອ່າວແບັກເບໃນບອສຕັ້ນ ນັກຂ້າໃຈໂຫດ ຂົ່ມຂືນ ແລະຂ້າຮັດຄໍຜູ້ຍິງ11ຄົນຕາຍໃນບ້ານຕົວເອງ ຄະດີນີ້ປິດລົງໄປໂດຍການຍອມຮັບສາລະພາບຂອງ ອັລເບີດ ເດິຊາລໂວ ແຕ່ຕໍ່ມາຄະດີຂ້າຕະກຳເປັນພຽງແຕ່ຈຸດເລີ່ມຕົ້ນ ເມື່ອຄອບຄົວຂອງຜູ້ຍິງ 1ໃນຜູ້ຕາຍໄດ້ພົບຫຼັກຖານທີ່ມີແວວໜ້າສົງໃສ ການຮື້ຟື້ນຄະດີເປັນໄດ້ແຕ່ການບັງໜ້າຂອງຕຳຫຼວດ ບໍ່ມີຄວາມຮັບຜິດຊອບໃດໆເພີ່ມຫຼາຍຂຶ້ນ ເດິຊາລໂວຈະແມ່ນຂ້າຕະກອນຕົວຈິງບໍ່ ຫຼືວ່ານັກຂ້າຈອມໂຫດຜູ້ນີ້ຍັງຄົງລອຍນວນຕໍ່ໄປ ມາຮອດນີ້ກໍ່ຍັງຄົງເປັນປິດສະໜາ...





to be continued....


alt
ແປຈາກ www.teenee.com
alt


  
alt   alt
ຄວາມໝາຍຂອງຫີນສີແຕ່ລະເດືອນເກີດ
ຂຽນເມື່ອ ຂຽນເມື່ອ: ກ.ລ.. 31, 2008 | ມີ 4 ຄຳເຫັນ ແລະ 0 trackback(s)
ໜວດໝູ່: ຄວາມຮູ້ທົ່ວໄປ
alt alt alt
 

altaltaltaltaltaltaltalt
Diaryກ່ອນນີ້ໄດ້ນຳສະເໜີການເລືອກຫີນສີປະຈຳເດືອນເກີດ ແຕ່ໃຜຈະຮູ້ວ່າຫີນດັ່ງກ່າວນອກຈາກຈະມີຄວາມງາມແລະລາຄາແລ້ວ ມັນຍັງມີຄວາມໝາຍອື່ນແອບແຝງຢູ່^^
altaltaltaltaltaltaltalt


alt
GARNET

ມີຄຸນສົມບັດໃນການເສີມອຳນາດບາລະມີ
ກະຕຸ້ນການເຮັດວຽກຂອງສະໝອງ
ຊ່ວຍໃຫ້ເລືອດລົມໝູນວຽນດີ

alt

alt

Amethyst

ມີຄຸນສົມບັດໃນການນຳພາໂຊກລາກແລະຄວາມສົມບູນມາສູ່ເຈົ້າຂອງ ກະຕຸ້ນໃຫ້ທີຄວາມຮັກໃນສິລະປະແລະຊ່ວຍໃຫ້ອາລົມສຸນທະລີ ກຳຈັດຄວາມລຸ່ມຫຼົງມົວເມົາແລະນຳມາເຊິ່ງມິດຕະພາບແລະຄວາມຈິງໃຈ
ຊ່ວຍໃຫ້ມີຄວາມອ່ອນນ້ອມຖ່ອມຕົວ ແລະ ພາໃຫ້ເກີດຄວາມຫຍັ່ງຮູ້ເລິກເຊີ່ງ

alt

alt

Bloodstone


ມີຄຸນສົມບັດໃນການກະຕຸ້ນພະລັງໃຈແລະຊີວິດ 
ເສິມການເຮັດວຽກຂອງຫົວໃຈແລະລະບົບໄຫຼວຽນເລືອດ
 ຊ່ວຍໃຫ້ຈິດໃຈຜ່ອນຄາຍ

alt
alt
Diamond(ເພັດ)
ມີຄຸນສົມບັດໃນການນຳໂຊກດ້ານຄວາມຮັກ
ເປັນເຄື່ອງລາງປ້ອງກັນໄພອັນຕະລາຍແລະຝັນຮ້າຍ
ເສິມສະເໜ່ແລະດຶງດູດຄວາມຮັກແລະຊື່ນຊົມ
ກຳຈັດຄວາມວຸ້ນວາຍໃນໃຈ

alt

alt
Emerald(ມໍລະກົດ)

ມີຄຸນສົມບັດໃນການນຳໂຊກ ຄວາມສຳເລັດ ຄວາມສົມຫວັງແລະປາດຖະນາ
ກະຕຸ້ນໃຫ້ມີມະນຸດສະທຳແລະສາມັກຄີປອງດອງກັນ
 ຊ່ວຍໃຫ້ແມ່ເກີດລູກງາ່ຍ
ຊ່ວຍໃຫ້ຈິດໃຈມີຄວາມສະຫງົບສຸກ
ເສີມອຳນາດບາລະມີແລະການຍອມຮັບນັບຖື
ບຳບັດຮັກສາການເຈັບຫົວ

alt

alt

Pearl (ໄຂ່ມຸກ)


ມີຄຸນສົມບັດໃນການນຳໂຊກເລື່ອງຄວາມຮັກ
ປັບອາລົມໃຫ້້ດຸ່ນດ່່່່່່່່ຽງກຳຈັດອັກຄະຕິແລະຄວາມສັບສົນ ຮັກສາໂລກກ່ຽວກັບຄວາມຄິດແລະລະບົບທາງເດີນຫາຍໃຈ

alt
alt
Ruby(ທັບທິມ)

ມີຄຸນສົມບັດໃນການເປັນເຄື່ອງລາງປ້ອງກັນໄພອັນຕະລາຍ
 ເພີ່ມພະລັງເຂັ້ມແຂງໃຫ້ຊີວິດ
ກະຕຸ້ນໃຫ້ມີຄວາມເດັດດ່ຽວໜັກແໜ້ນແລະກະຕືລືລົ້ນ
ເສີມຄວາມຊື່ສັດໝັ້ນຄົງ ແລະຄວາມສຸກໃຫ້ແກ່ຊີວິດ
ເພີ່ມຄວາມອົບອຸ່ນໃຫ້ຮ່າງກາຍ
ນຳໂຊກດ້ານຄວາມຮັກ

alt

alt

ພອຍສີຂຽວ

ມີຄຸນສົມບັດໃນການນຳໂຊກດ້ານຄວາມສົມຫວັງ ຄວາມສຸຂຸມ ເຢືອກເຢັນ
ຄວາມຈິງຈັງຕັ້ງໃຈ ການເຕີບໃຫຍ່ຂະຫຍາຍຕົວ ແລະການເລີ່ມໃໝ່

alt


alt

Blue sapphire (ໄພລິນ)

ມີຄຸນສົມບັດໃນການເສີມອຳນາດບາລະມີແລະຄວາມລ້ຳລວຍ
ກະຕຸ້ນໃຫ້ເກີດການຮຽນຮູ້
ຮັກສາໂລກທາງສະໝອອງແລະລະບົບປະສາດ

alt


alt

Opal

ມີຄຸນສົມບັດໃນການເພີ່ມພະລັງໃຈແລະຊີວິດ
ກະຕຸ້ນໃຫ້ມີຄວາມຄິດແປກໃໝ່
ຊ່ວຍລະນຶກເຖິງຄວາມສຸກແລະລົບລ້າງຄວາມທຸກໃນວັນວານ
ກຳຈັດຄວາມຫວັ່ນໄຫວໃນອາລົມແລະຄວາມທຸກເສົ້າໃນໃຈ
ເພີ່ມຄວາມຫວັງແລະຄວາມເຊື່ອໝັ້ນ

alt

alt

Topaz

ມີຄຸນສົມບັດໃນການນຳໂຊກລາກ
ເສີມຄວາມລ້ຳລວຍແລະສະເໜ່
ຊ່ວຍໃຫ້ມີໝູ່ຫຼາຍແລະເບິ່ງໂລກໃນແງ່ດີ
ກະຕຸ້ນໃຫ້ມີຄວາມເບີກບານໃຈ

alt


alt

Turquoise

ມີຄຸນສົມບັດໃນການນຳໂຊກລາກ
ຊ່ວຍໃຫ້ອາລົມດຸ່ນດ່ຽງໝັ້ນຄົງແລະສຸຂະພາບດີບໍ່ປ່ວຍງ່າຍ
ກະຕຸ້ນໃຫ້ມີຄວາມຄິດແປກໃໝ່ແລະມີຈິນຕະນາການກ້ວາງໄກ
ກຳຈັດຄວາມກົດດັນຕ່າງໆແລະຊ່ວຍໃຫ້ນອນຫຼັບສະບາຍ
ຊ່ວຍເຜີຍຄວາມຮູ້ສຶກຮັກແລະສະເນ່ຫາ
ເພີ່ມຄວາມຮຸ່ງເຮືອງ


alt
ການເລືອກຫີນສີປະຈຳເດືອນເກິດ
V
V
http://punlao.com/angelala/blog/520/

alt

ອີງຕາມຂໍ້ມູນຈາກປຶ້ມ "ຫີນສີນຳໂຊກ"

ແລະຮູບພາບຈາກ www.google.com


alt

  
alt alt alt
ການເລືອກຫີນສີປະຈຳເດືອນເກິດ
ຂຽນເມື່ອ ຂຽນເມື່ອ: ກ.ລ.. 29, 2008 | ມີ 10 ຄຳເຫັນ ແລະ 0 trackback(s)
ໜວດໝູ່: ຄວາມຮູ້ທົ່ວໄປ
Photobucket Photobucket Photobucket
 

alt

ເບິ່ງແຕ່ກອບກາຫຼູເລີດລະເນາະ ມື້ນີ້ເອົາຄວາມຮູ້ກ່ຽວກັບເພັດນິນຈິນດາມາຝາກ^^

alt

1.ເດືອນມັງກອນ: Garnet

alt

 

2.ເດືອນກຸມພາ: Amethyst

alt

3.ເດືອນມີນາ: Bloodstone

alt

 

 

4.ເດືອນເມສາ: Diamond(ເພັດ)

alt

5.ເດືອນພຶດສະພາ:Emerald(ມໍລະກົດ)

alt

6.ເດືອນມິຖຸນາ: Pearl (ໄຂ່ມຸກ)

alt

 

7.ເດືອນກໍລະກົດ: Ruby(ທັບທິມ)

alt

 

8.ເດືອນສິງຫາ: ພອຍສີຂຽວ

alt

9.ເດືອນກັນຍາ: Blue sapphire (ໄພລິນ)

alt

10.ເດືອນຕຸລາ: Opal

alt

11.ເດືອນພະຈິກ: Topaz

alt

12.ເດືອນທັນວາ: Turquoise

alt

alt

ອີງຕາມຂໍ້ມູນຈາກປຶ້ມ "ຫີນສີນຳໂຊກ" ແລະຮູບພາບຈາກ www.google.com

alt

  
Photobucket   Photobucket
ການຫຼິ້ນໄວໂອລີນສໍາຫຼັບມືໃໝ່
ຂຽນເມື່ອ ຂຽນເມື່ອ: ກ.ລ.. 7, 2008 | ມີ 9 ຄຳເຫັນ ແລະ 0 trackback(s)
ໜວດໝູ່: ຄວາມຮູ້ທົ່ວໄປ
alt   alt
 

alt

violin lesson 1

alt

1.ການຈັບໄມ້

ຫຼາຍຄົນທີ່ຫຼິ້ນviolinຈັບໄມ້ບໍ່ຖືກວິທີ....ວິທີທີ່ຖືກຕ້ອງແມ່ນ...

-ນິ້ວໂປ້: ເອົາງ່ຽງຂ້າງແລ້ວຈັບຢູ່ທາງກ້ອງໄມ້ ບີບເຂົ້າໜ້ອຍໜື່ງເພື່ອໃຫ້ໄດ້ແຮງແລະໝັ້ນຄົງ ເວລາຫຼິ້ນເຮົາຈະສາມາດບັງຄັບທິດທາງຂອງໄມ້ໄດ້ງ່າຍ

-ນິ້ວຊີ້: ເໜັ່ນລົງໃສ່ໄມ້ບ່ອນທີ່ເປັນເຫຼັກ ໃຊ້ພາກສ່ວນທີ່1ຂອງນິ້ວເປັນໂຕບີບແລະສໍາຜັດກັບໄມ້ ຄວນຈັບໃຫ້ກະຊັບກັບມືເພາະນິ້ວນີ້ເປັນຕົວຄວບຄຸມໄມ້ເຮັດໃຫ້ເຮົາສາມາດເຄື່ອນເໜັງໄມ້ໄດ້ຕາມຕ້ອງການ

-ນິ້ວກາງແລະນາງ:  ໃຊ້2ນິ້ວຈັບກັບສ່ວນທີ່ຍືນອອກມາທາງກ້ອງຂອງໄມ້ ໃຫ້2ນິ້ວຕິດໆກັນ ບໍ່ຊັ້ນມັນສິບໍ່ງາມເວລາຈັບ

-ນິ້ວກ້ອຍ: ເປັນນິ້ວທີ່ສໍາຄັນແລະຈັບຍາກທີ່ສຸດ ຜູ້ທີ່ມີເລັບມືນິຈັບບໍ່ໄດ້ດ໋ອກ ຕ້ອງໃຫ້ນິ້ວຈິກລົງໄມ້ສ່ວນປາຍສຸດທີ່ເປັນລ່ຽມໆຫັ້ນແຫຼະ ໃຫ້ນິ້ວຕັ້ງສາກກັບໄມ້

alt

tip: ຖ້າເຮົາຈັບຖືກວິທີຂ້າງເທິງນີ້ ຕອນທໍາອິດຈະຮູ້ສຶກເຈັບແລະບັງຄັບໄມ້ບໍ່ໄດ້ ຄືກັບມັນສິຕົກນີ້ແຫຼະ ຂໍແນະນໍາໃຫ້ໃຊ້ມືຊ້າຍຊ່ວຍປະຄອງໄມ້ໂດຍໃຫ້ປາຍໄມ້ສໍາຜັດກັບຝາມືເບົາໆ ມັນຈະຊ່ວຍຜ່ອນແຮງໃຫ້ເຮົາ ຄວນຝຶກຈົນກ່ວາຈະລຶ້ງແລະບໍ່ເຈັບ

 alt

2.ການຈັບຕົວviolin

ໃຊ້ຄາງໜີບກັບviolinບ່ອນຮອງໃຫ້ແໜ້ນ ແລະ ລະວັງຢ່າໃຫ້ອຸ້ງມືມາຕິດກັບviolin ພະຍາຍາມເຮັດມືໃຫ້ຕັ້ງສາກກັບບ່ອນຈັບໂນດ

alt 

tip: ຄວນທີ່ຈະຝືກໜີບviolinດ້ວຍຄາງລ້າໆໂດຍບໍ່ໃຊ້ມືຈັບກ່ອນ ເພາະໃນການຫິ້ນ ບ່ອນຄາງຈະເປັນຕົວຊົງໂຕviolinບໍ່ໃຫ້ຕົກ ເຮົາຈະບໍ່ຖິ້ມນໍ້າໜັກລົງມືເດັດຂາດ ມືຈະເປັນໂຕຈັບໂນດແລະຊ່ວຍປະຄອງຕົວviolinເທົ່ານັ້ນ ຖ້າໄປຖິ້ມນໍ້າໜັກລົງມືຈະເປັນປັນຫາໃນການສັ່ນມື

alt

3.ການສີ

ເວລາສີ ພະຍາຍາມໃຫ້ໄມ້ຕັ້ງສາກກັບເສັ້ນທັງ4 ແລະລົງນໍ້າໜັກມືຢ່າງສະໝໍ່າສະເໝີ

 alt

tip: ຄວນສີສາຍເປົ່າທັງ4ເສັ້ນກ່ອນ ສີເທື່ອລະເສັ້ນຈົນໝັ້ນໃຈວ່າສຽງviolinໝັ້ນຄົງ ບໍ່ຄ່ອຍບໍ່ດັງຈົນເກີນໄປ

alt

(ປລ ຖ້າຂໍ້ມູນໂຕໃດບໍ່ຖືກຕ້ອງກໍ່ຂໍອະໄພແລະຍິນດີແກ້ໄຂຕາມຄໍາແນະນໍາຂອງຜູ້ມີປະສົບການ)ຈົບກາລະບູນ

 alt

  
alt   alt
ໝາຍເຫດ: ບົດຄວາມ, ຂໍ້ຂຽນ, ຄຳເຫັນຕ່າງ ໆ ທີ່ມີໃນໜ້ານີ້ ຖືກສົ່ງເຂົ້າມາໂດຍສາທາລະນະຊົນ ແລະຖືກເຜີຍແຜ່ໂດຍອັດຕະໂນມັດ ບໍ່ໄດ້ຜ່ານການກວດສອບຈາກທີມງານ ດັ່ງນັ້ນ ຈຶ່ງຂໍໃຫ້ທ່ານຜູ່ອ່ານຈົ່ງໃຊ້ວິຈາລະນະຍານ ແລະຖືຄະຕິ ກາລາມະສູດ : ພິຈາລະນາກ່ອນເຊື່ອ ໃນການຮັບຮູ້ຂໍ້ມູນຕ່າງ ໆ ທີ່ມີໃນໜ້າເວັບນີ້ ຫາກທ່ານພົບວ່າມີຂໍ້ຄວາມໃດທີ່ບໍ່ເໝາະສົມ ຫຼືຜິດຕໍ່ລະບຽບກົດໝາຍ ທ່ານສາມາດແຈ້ງເນື້ອຫາບໍ່ເໝາະສົມໄດ້ ຫຼືຕິດຕໍ່ທີມງານພັນລາວໂດຍກົງ ຂໍຂອບໃຈ.

Punlao.com ©2008-2020 Punlao.com