ຖ້າເຈົ້າຜ່ານເຂົ້າມາອ່ານ ກໍ່ຮູ້ໄວ້ເດີ້ວ່າຂຽນກໍາລັງຂຽນເຖິງເຈົ້າ ຂ້ອຍບໍ່ເຄີຍຄິດວ່າສິເຮັດແບບນີ້

                                  ຂ້ອຍພະຍາຍາມທີ່ຈະຮັກເຈົ້າ ແຕ່ເຈົ້າເຂົ້າໃຈບໍ່ວ່າ ຄົນທີ່ເຮົາບໍ່ຮັກມັນກະຄືບໍ່ຮັກ

                                   ຂ້ອຍຮູ້ວ່າເຈົ້າອຶດອັດໃຈເທົ່າໃດ ແຕ່ຂ້ອຍກໍ່ບໍ່ຕ່າງຫຍັງກັບເຈົ້າດອກ

                       ຂ້ອຍນັ່ງຟັງສິ່ງທີ່ເຈົ້າເວົ້າແລະບອກຕໍ່ຂ້ອຍແລ້ວ ແຕ່ຂ້ອຍກໍ່ເຮັດໄດ້ແຕ່ຮັບຟັງເທົ່ານັ້ນ

                ຂ້ອຍປ່ອຍໃຫ້ເຈົ້ານັ່ງຖ້າທັງທີ່ບໍ່ຮູ້ວ່າເມື່ອໃດທີ່ຂ້ອຍຈະມາ

                                                ແຕ່ຂ້ອຍກໍ່ມາ ແຕ່ມັນເປັນຄວາມຮູ້ສຶກຮັບຜິດຊອບເທົ່ານັ້ນບໍ່ໄດ້ມີຫຍັງເກີນເລີຍ

                                       ຂ້ອຍເຊົາຫຼາຍໃຈຕາມທີ່ເຈົ້າບອກແລ້ວ ແຕ່ບໍ່ແມ່ນຍ້ອນເຈົ້າ

                                                             ແຕ່ເພື່ອຕົວຂອງຂ້ອຍເອງ ເພາະວັນໃດວັນໜຶ່ງຖ້າຂ້ອຍບໍ່ຢຸດ

                                ຂ້ອຍກໍ່ສິກາຍເປັນຄົນທີ່ບໍ່ມີຄຸນຄ່າຖ້າວ່າຂ້ອຍໄດ້ພົບກັບຄົນທີ່ຂ້ອຍຮັກແລະຢູ່ນໍາເຂົາ

                                                                      ຂ້ອຍບໍ່ຢາກໃຫ້ເຈົ້າເປັນແບບຂ້ອຍ

                                                          ຢ່າໄດ້ໜົດຫວັງໃນຄວາມຮັກ ຕອນນີ້ເຈົ້າອາດຈະໂຊກຮ້າຍ

                                                ຄືກັບທີ່ຂ້ອຍເຄີຍພົບມາກໍ່ໜັກກ່ວາເຈົ້າຫຼາຍ ຢ່າໄດ້ເຮັດໃຫ້ໃຜເຈັບຄືກັບທີ່ເຈົ້າເຄີຍເຈັບ

                                                           ຂ້ອຍບໍ່ຮູ້ວ່າເຮົາສິມາໄກຈົນຮອດປານນີ້

                                                        ຄໍາສຸດທ້າຍຖ້າມັນຈະເຮັດໃຫ້ຕັດໃຈງ່າຍຂຶ້ນມັນອາດຈະເຈັບແດ່ໜ້ອຍໜຶ່ງແຕ່ກໍ່ຕ້ອງຍອມຮັບເດີ້

                                       ຕັ້ງແຕ່ເຈົ້າເຂົ້າມາຫາຂ້ອຍ ຂ້ອຍເຄີຍສະແດງອາການວ່າຮັກເຈົ້າບໍ?  ຂ້ອຍເຄີຍບອກຄໍາວ່າຮັກ

                                                     ເຈົ້າແລ້ວຫຼືຍັງ ?

                                                                     ຂ້ອຍຈະບໍ່ຂໍໂທດເຈົ້າຈັກຄໍາ ຕໍ່ໃຫ້ຕອນນີ້ຄົນທັງໂລກເບິ່ງວ່າຂ້ອຍຜິດກໍ່ຕາມ

                                          ແຕ່ຂ້ອຍຄິດມາຕັ້ງແຕ່ດົນແລ້ວວ່າມັນຖືຕ້ອງທີ່ຈະເຮັດແບບນີ້ 2 ເດືອນ ກັບ 26 ມື້

                                                       ມັນອາດຈະມີລາຍລະອຽດຫຼາຍຈົນຢາກທີ່ຈະລືມ

                                                                        ແຕ່ຂ້ອຍກໍ່ບໍ່ໄດ້ບອກໃຫ້ເຈົ້າລືມ

                                                     ສ່ວນນໍ້າຕາທີ່ເສຍໄປຫັ້ນ ໃຫ້ຖືວ່າຄືຄວາມໂງ່ທີ່ມັນຈະບໍ່ມີວັນເກີດຂຶ້ນອີກ

                                                                          ຂ້ອຍຈະຢຸດເຈົ້າກໍ່ຄວນຢຸດຄືກັນ

                                            ຂ້ອຍຈະບໍ່ຍິ້ມໃຫ້ເຈົ້າເພາະຖ້າເຈົ້າເຫັນຮອຍຍິ້ມນັ້ນຂອງຂ້ອຍເຈົ້າຄືສິເຈັບ

                                                                ຂ້ອຍຈະບໍ່ລົມກັບເຈົ້າແຕ່ຂ້ອຍຈະຮັບຄໍາດາຂອງເຈົ້າໂດຍບໍ່ຖຽງຈັກຄໍາ

                                                        ຮັກໃຫ້ເປັນຄືຮັກຕົນເອງພ້ອມ ແລະ ຢ່າດີແຕ່ເວົ້າຈົນສິ່ງທີ່ເວົ້າອອກມາ

                                                                    ມັນບໍ່ມີຄຸນຄ່າຫຍັງເມື່ອຕອນທີ່ຄົນອື່ນຟັງ !