ທັງສາມພາກບໍ່ໄດ້ຕັ້ງໃຈຂຽນສ້າງພາບຕິດລົບໃຫ້ແມ່ຍິງ
ແຕ່ສະແດງໃຫ້ເຫັນອີກມູນໜຶ່ງທີ່ກ້ວາງອອກໄປ
ຊົ່ວທີ 3 ( ຄົນທີ່ເປັນເຈົ້າຂອງ )
ຂ້ອຍເປັນຄົນໜຶ່ງທີ່ເຊື່ອໃນເລື່ອງຂອງເນຶ້ອຄູ່ ແຕ່ບາງເທື່ອຂ້ອຍອາດເຊຶ່ອແບບນັ້ນ
ຫຼາຍຈົນເກິນໄປ ຂ້ອຍຈຶ່ງເສຍຄົນທີ່ຂ້ອຍຮັກໃຫ້ຄົນອື່ນໄປຕະຫຼອດມາ ຂ້ອຍເຊື່ອສະເໝີ
ວ່າສິ່ງໃດທີ່ມັນເປັນຂອງຂອງເຮົາຫາກມັນຜ່ານເຂົາມາແລ້ວຫາຍໄປມັນກໍ່ຈະກັບຄືນມາ ແຕ່ຂ້ອຍຄິດ
ວ່າຕອນນີ້ຂ້ອຍບໍ່ຈໍາເປັນອີກແລ້ວທີ່ຈະຍອມປ່ອຍໃຫ້ສິ່ງທີ່ຂ້ອຍຄິດວ່າມັນເປັນຂອງຂ້ອຍລຸດມື
ຈາກໄປໄສອີກ………………………
ຂ້ອຍເປັນຜູ້ຍິງຄົນໜຶ່ງທີ່ໃຊ້ຊີວິດປົກກະຕິເຮັດວຽກຫ້ອງການຕາມທີ່ພໍ່ແມ່ຢາກ
ໃຫ້ເຮັດ(ສາວທະນາຄານ) ຂ້ອຍບໍ່ເຄີຍຮູ້ແນ່ນອນນວ່າຂ້ອຍຕ້ອງການສິ່ງໃດ ? ແຕ່ມີເລື່ອງ
ໜຶ່ງທີ່ຄິດໄວ້ໃນໃຈຕະຫຼອດ ແລະ ຄິດວ່າຜູ້ຍິງທຸກຄົນຈະຕ້ອງຄິດຄືກັນກັບຂ້ອຍກໍ່ຄືການທີ່ຈະ
ມີໃຜຄົນໜຶ່ງທີ່ດີເຂົ້າມາຄ່ອຍເບິ່ງແຍງ ແລະ ເອົາໃຈໃສ່ເປັນຜູ້ນໍາເຮົາໃນຍາມທີ່ເຮົາເບິ່ງບໍ່ເຫັນ
ທາງທີ່ຈະໄປ ແລະ ຍອມອ່ອນຂໍ້ໃຫ້ເຮົາໃນຍາມທີ່ເຮົາຕ້ອງການທີ່ຈະເປັນຜູ້ນໍາໃນບາງເລື່ອງ
ແຕ່ມັນຊ່າງຢາກຫຼາຍທີ່ຈະເບິ່ງອອກວ່າໃຜເປັນຄົນໆນັ້ນ ທີ່ດີ ແລະ ເໝາະສົມກັບເຮົາທີ່ສຸດ
ຂ້ອຍບໍ່ເຄີຍສົນຫວັງໃນຄວາມຮັກເລີຍຈົນເລີ່ມທີ່ຈະຖອນໃຈຢູ່ຄົນດຽວແລ້ວ.
ໄລຍະນີ້ມີລູກຄ້າຄົນໜຶ່ງເຂົ້າມາຕິດຕໍ່ພົວພັນວຽກທີ່ພະແນກຂອງຂ້ອຍເປັນປະຈໍາ
ເປັນຜູ້ຊາຍອາຍຸປະມານ 30 ຕົ້ນໆກໍາລັງມີສະເໜ່ແລະຮ້ອນແຮງໃນສາຍຕາຂອງໝູ່ຮ່ວມງານ
ຂອງຂ້ອຍ ແຕ່ສໍາຫຼັບຂ້ອຍຫວາ ? ອືມ…………..….ກະຖືວ່າໃຊ້ໄດ້ໃນເລື່ອງຂອງໜ້າຕາ
ທຸກຄັ້ງລາວມັກທີ່ຈະຍ່າງເຂົ້າມາຖາມສະບາຍດີຂ້ອຍຢູ່ເປັນປະຈໍາ ຈົນໝູ່ໃນພະແນກດຽວກັນສັງ
ເກດໄດ້ວ່າລາວເຂົ້າມາຈີບຂ້ອຍ ຂ້ອຍກໍ່ຮູ້ຕົວຄືກັນຈາກສາຍຕາຂອງລາວທີ່ແນມມາມັນພິເສດ
ແຕ່ຈັ່ງໃດລະນິໃສຂອງຜູ້ຍິງມັນກໍ່ຕ້ອງຍິ່ງໄວ້ກ່ອນ ແຕ່ບໍ່ຊ້າບໍ່ນານໃຈຂ້ອຍເລີ່ມອ່ອນກັບ
ຮັກຍິ້ມຫວານໆຂອງລາວທຸກຄັ້ງທີ່ລາວເຂົາມາຕິດຕໍ່ພົວພັນວຽກ ເຮົາຕັດສິນໃຈຄົບກັນ.
ລາວເປັນຄົນທີ່ມີລະບຽບໃນການດໍາລົງຊີວິດໂດຍສະເພາະໃນຊ່ວງເວລາທີ່ລົມກັນການໄປການ
ມາທີ່ເປັນໂມງເປັນຍາມຂອງລາວແລະໃນຊ່ວງເວລາທີ່ຄົບກັນມາໄດ້ໜຶ່ງເດືອນແລ້ວບໍ່ເຄີຍ
ເຫັນຜູ້ຊາຍຄົນໃດເລີຍທີ່ຈະໃສ່ໃຈທຸກໆລາຍລະອຽດຂອງຂ້ອຍປານນີ້ ຮູ້ວ່າຂ້ອຍບໍ່ມັກອັນໃດ,
ມັກກິນອີ່ຫຍັງ , ມັກໄປສະຖານທີ່ແບບໃດ, ເປັນຫ່ວງເປັນໃຍຕະຫຼອດເວລາທີ່ລາວເຮັດໄດ້
ຄວາມຮັກມັນກໍ່ເປັນແບບນີ້ລະ ! ຂ້ອຍລືມຄິດໄປເລີຍວ່າມັນອາດເປັນຊ່ວງຕົ້ນໆເທົ່ານັ້ນ !
ຜ່ານມາໄດ້ 4-5ເດືອນແລ້ວຂ້ອຍຍິ່ງຮູ້ສຶກວ່າຜູ້ຊາຍຄົນນີ້ເປັນຜູ້ຊາຍທີ່ມີຄວາມອົບອຸ່ນທີ່ສຸດ
ເທົ່າທີ່ຂ້ອຍເຄີຍຄົບມາຂ້ອຍແພ້ໃນຄວາມດີ ແລະ ຄວາມສະເໝີຕົ້ນສະເໝີປາຍຂອງລາວທີ່ມີໃຫ້
ຂ້ອຍຕະຫຼອດມາ ຂ້ອຍມີຄວາມສຸດຫຼາຍ ແລະ ອາດຫຼາຍຈົນເກີນໄປຊໍ້າ ຖ້າຫາກຂ້ອຍຕ້ອງເຈັບ
ຕອນນີ້ກະຄືສິ່ງເຈັບຫຼາຍເທົ່າກ່ວາຄົນກ່ອນໆອີກ !
ຢູ່ມາວັນໜຶ່ງລາວຫາຍໄປເປັນອາທິດພ້ອມກັບຟາກຂໍ້ຄວາມໄວ້ເທິງມືຖືຂອງຂ້ອຍວ່າຈະໄປເຮັດວຽກ
ຢູ່ຕ່າງແຂວງ1ອາທິດເປັນເທື່ອທໍາອິດທີ່ລາວບໍ່ໂທລະສັບມາບອກວ່າຈະໄປໃສລາວອາດມີເຫດຜົນຂອງລາວຂ້ອຍເຊື່ອແບບນັ້ນ !
ຄົບໜຶ່ງອາທິດຕົກແລງມາສຽງໂທລະສັບດັງຂຶ້ນເປັນສາຍຂອງລາວ ແລະ ລາວກໍ່ຢືນຢູ່ປະຕູໜ້າ
ບ້ານຂ້ອຍຮຽບຮ້ອຍແລ້ວ ຂ້ອຍດີໃຈຫຼາຍແລງນັ້ນລາວພາຂ້ອຍອອກໄປນັ່ງກິນ
ເຂົ້າຢູ່ທີ່ຮ້ານອາຫານ Moon The Night ປົກກະຕິລາວຈະບໍ່ມັນກສະຖານທີ່ຄົນຫຼາຍໆແບບນີ້
ໂຕະບ່ອນນັ່ງຊັ້ນເທິງຕິດຂອບກັບແຄມຂອງໝາຍເລກໂຕະ 302 ນັ່ງໄປໄດ້ຈັກໜ້ອຍສຽງຕົບ
ໂຕະດັງມາຈາກທາງດ້ານຫຼັງຂອງຂ້ອຍຄູ່ໜຸ່ມສາວຄູ່ໜຶ່ງຜິດກັນ ແລະ ຜູ້ຍິງຄົນນັ້ນກໍ່ໄດ້ເອົາແຕ່ນັ່ງ
ໃຫ້ ຊ່າງເປັນພາບທີ່ບາດໃຈຜູຍິງນໍາກັນທີ່ໄດ້ພົບເຫັນແບບນັ້ນ ! ຖ້າຈະບອກເລີກກັນ
ກະຂໍໃຫ້ເປັນບ່ອນອື່ນທີ່ບໍ່ມີຄົນຫຼາຍຂະໜາດນີ້ຊະ !
ການສົນທະນາໃນສະຖານທີ່ງາມໆອາຫານແຊບໆກັບຄົນທີ່ເຮົາຮັກສິ່ງໃດສິມີຄວາມ
ສຸກໄປກ່ວານີ້ອີກແລ້ວແຕ່ຂ້ອຍບໍ່ຮູ້ໂຕມາກ່ອນເລີຍວ່າເວລາແຫ່ງຄວາມສຸກນັ້ນມັນຈະຢູ່ດົນປານ
ໃດ ? ຂ້ອຍສັງເກດເຫັນສີໜ້າຂອງລາວເສົ້າໆ ຂ້ອຍຮູ້ວ່າລາວມີຄວາມໃນໃຈທີ່ຈະບອກແຕ່
ຂ້ອຍກໍ່ບໍ່ຢາກຮູ້ດອກ ! ແຕ່ລາວຫງຽບ ແລະກົ່ມໜ້າລົງຈົນເບິ່ງເປັນຕາໜ້າຢ້ານ ຂ້ອຍຈຶ່ງບອກ
ລາວອອກໄປວ່າ :
ເຈົ້າມີສິ່ງໃດເຈົ້າກໍ່ບອກອອກມາໂລດຂ້ອຍຍິນດີຮັບຟັງໝົດທຸກຢ່າງ ເຈົ້າຮູ້ບໍ່ວ່າຊີວິດ
ຄູ່ມີໄວ້ເພື່ອຫຍັງ ? ຫາກສິ່ງໃດທີ່ເຈົ້າມີຄວາມສຸກເຈົ້າເຮັດໂລດບໍ່ຕ້ອງເກງໃຈຂ້ອຍດອກ !
ຂ້ອຍເວົ້າອອກມາທັງທີ່ໃຈສັ່ນໆ ຄ້າຍກັບຮູ້ໄດ້ເຖິງລາງທີ່ບໍ່ດີ ລາວຢືນມືມາຈັບມືຂອງ
ຂ້ອຍແຕ່ສາຍຕາຂອງລາວກັບກົ່ມລົງໄປທີ່ພື້ນແລ້ວເວົ້າວ່າ
ຂ້ອຍຂໍໂທດເຈົ້າເດີ້ ! ຂ້ອຍຢາກບອກວ່າເຮົາຄືສິໄປກັນບໍ່ໄດ້ແລ້ວຢ່າຖາມຂ້ອຍໄດ້ບໍ່
ວ່າເປັນຫຍັງ ຮູ້ໄວ້ແຕ່ພຽງວ່າຂ້ອຍຮັກເຈົ້າສຸດຫົວໃຈຂອງຂ້ອຍ…………….
ພໍແຕ່ຂ້ອຍໄດ້ຍິນຄໍາວ່າເຮົາໄປກັນບໍ່ໄດ້ແລ້ວຫູຂອງຂ້ອຍກໍ່ບໍ່ສາມາດໄດ້ຍິນຄໍາອື່ນ
ທີ່ລາວເວົ້າອອກມາອີກຕໍ່ໄປນໍ້າຕາຂອງລາວທີ່ໄຫຼອອກມາເປັນສາຍເບິ່ງແລ້ວເຕັມໄປດ້ວຍ
ຄວາມເຈັບປວດແຕ່ສໍາຫຼັບຂ້ອຍບໍ່ມີແມ້ແຕ່ຮ່ອງຮອຍຂອງນໍ້າຕາຂ້ອຍໄດ້ແຕ່ກໍາມືລາວໄວ້ແໜ້ນ
ແລ້ວຖອນຫາຍໃຈອອກມາສຸດແຮງ ! ມັນຄົງເປັນເລື່ອງຂອງເຫດຜົນອີກຫັ້ນລະ ແລະ ຂ້ອຍ
ກໍ່ບໍ່ຢາກຮູ້ແລ້ວເຖິງຢ່າງໃດມັນກໍ່ຄົງຈະຈົບລົງສາບ່ອນນີ້ !
ລາວກັບມາສົ່ງຂ້ອຍທີ່ບ້ານກ່ອນຂ້ອຍຍ່າງລົງຈາກລົດຂອງລາວຂ້ອຍເວົ້າຂຶ້ນວ່າ :
ຂ້ອຍຮູ້ວ່າເຈົ້າມີເຫດຜົນຂອງເຈົ້າ ແລະ ຖືກແລ້ວທີ່ເຈົ້າບໍ່ເວົ້າອອກມາໃຫ້ຂ້ອຍຟັງ
ແຕ່ໃຫ້ເຈົ້າຮູ້ໄວ້ຄືກັນເດີ້ວ່າຂ້ອຍກະຮັກເຈົ້າສຸດຫົວໃຈຂອງຂ້ອຍຄືກັນ ຫາກວັນໃດທີ່ເຈົ້າຢາກ
ຈະກັບມາກໍ່ໃຫ້ກັບມາຂ້ອຍຍັງຢູ່ບ່ອນເກົ່າບ່ອນນີ້ ແລະ ຈື່ໄວ້ສະເໝີເດີ້ວ່າຂ້ອຍເຮັດໄດ້ທຸກໆ
ສິ່ງເພື່ອເຈົ້າ !
ສຽງອັດປະຕູລົດເປັນສັນຍານເຕືອນເຖິງວ່ານີ້ເປັນເທື່ອສຸດທ້າຍທີ່ຂ້ອຍຈະໄດ້ນັ່ງຂ້າງໆ
ລາວໃນລົດຂັນນີ້ ! ຈາກນັ້ນພໍລົດລາວລັບຕາໄປ ນໍ້າຕາຂອງຂ້ອຍກໍ່ໄຫຼລົງເປັນສາຍຂ້ອຍກົ່ມ
ໂຕລົງນັ່ງທີ່ປະຕູໜ້າບ້ານ ! ແລ້ວປ່ອຍໃຫ້ນໍ້າຕາມັນໄຫຼອອກມາຕາມໃຈຂອງມັນຂ້ອຍບອກ
ໃຈໂຕເອງວ່າເອົາເລີຍໄຫຼອອກມາໃຫ້ໝົດສາຢູ່ໜ້າບ້ານນີ້ເພາະຂ້ອຍຈະບໍ່ເອົາເຈົ້າເຂົ້າໄປນອນ
ກອດນໍາໃນບ້ານດອກ !
ຈາກໜຶ່ງຄືນທີ່ບໍ່ຮູ້ວ່າຈະຫຼັບຕາຂ້າມຜ່ານມັນໄປແນວໃດສູ່ອີກໜຶ່ງອາທິດທີ່ຍາວນານ
ແລະ ໜຶ່ງເດືອນທີ່ສຸດແສນຈະທໍລະມານຂ້ອຍເລີ່ມຕັດໃຈອອກຫ່າງແລ້ວທັງທີ່ມີຄວາມຫວັງຢູ່
ຕະຫຼອດເວລາວ່າລາວຈະຕ້ອງກັບຄືນມາ ບໍ່ມີແມ້ແຕ່ໂທລະສັບຂໍ້ຄວາມ ທຸກຢ່າງຫ່ວາງເປົ້າ.
ແລງວັນໜຶ່ງຫຼັງເລີກການຂ້ອຍຂັບລົດກັບບ້ານຄືກັບທຸກໆມີແຕ່ພໍຂ້ອຍຂັບລົດມາໃກ້ໆກັບໜ້າ
ບ້ານຂອງຂ້ອຍຂ້ອຍແນມເຫັນລົດຄັນໜຶ່ງທີ່ຂ້ອຍຮູ້ຈັກດີຈອດຢູ່ຂ້າງບ້ານຂອງຂ້ອຍ
ໂຕຂອງຂ້ອຍເລີ່ມສັ່ນນັ້ນເປັນລົດຂອງລາວ ແລະພໍແຕ່ລາວເຫັນຂ້ອຍກັບມາລາວກໍ່ໄຂປະຕູລົດ
ອອກມາແລ້ວລາວກໍ່ຊວນຂ້ອຍອອກໄປລົມກັນທາງນອກກັບລາວ ຕະຫຼອດເວລາທີ່ລາວປ່ອຍ
ໃຫ້ຂ້ອຍຢູ່ແບບນີ້ມັນທໍລະມານເຫຼືອເກີນຂ້ອຍຄວນຕອບປະຕິເສດລາວແລ້ວອັດປະຕູໜ້າບ້ານ
ໃສ່ໜ້າຂອງລາວຊະ ! ບໍ່ຂ້ອຍເຮັດບໍ່ລົງຂ້ອຍອອກໄປກັບລາວ ແລະ ເຮົາກໍ່ນັ່ງລົມກັນທີ່ຮ້ານອາຫານ
ແຫ່ງໜຶ່ງທີ່ສຸດແສນຈະຫງຽບບໍ່ມີຄໍາເວົ້າໃດທີ່ເວົ້າໄດ້ໃນຕອນນີ້ທີ່ອອກມາຈາກປາກຂອງລາວຄືການຖາມວ່າ
ເປັນແນວໃດ ? ສະບາຍດີບໍ່ ?
ໃນໃຈຂ້ອຍຄິດເປັນຄໍາຖາມທີ່ໂງ່ທີ່ສຸດແຕ່ກໍ່ຢາກຟັງ ! ລາວເລີ່ມດື່ມເບຍຈອກທໍາອິດ
ຕາມດ້ວຍຈອກທີ່ສອງຢ່າໄວວາ ຂ້ອຍບໍ່ເຄີຍເຫັນລາວດື່ມເບຍຫຼາຍຂະໜາດນີ້ມາກ່ອນ.
ເວລາຜ່ານໄປເບຍຂອດທີ4ພ້ອມຄໍາຖາມຊໍ້າ5ຮອບແລ້ວ ເປັນແນວໃດ ? ສະບາຍດີບໍ່ ?
ຈົນຂ້ອຍເລີ່ມລໍາຄານຂ້ອຍບອກລາວສຽງແຂງວ່າ :
ເຈົ້າມີເລື່ອງຫຍັງກໍ່ໃຫ້ເຈົ້າເວົ້າອອກມາສາຕອນນີ້ເບຍມັນຊ່ວຍຫຍັງເຈົ້າບໍ່ໄດ້ດອກ !
ລາວກົ່ມໜ້າລົງແບບດຽວກັນກັບມື້ນັ້ນບໍ່ມີຜິດ ! ແລ້ວລາວກໍ່ເລີ່ມປ່ອຍອາລົມ:
ຂ້ອຍມີເລື່ອງຈະສາລະພາບເຈົ້າ ! ເຈົ້າຮູ້ບໍ່ວ່າຕອນນີ້ຂ້ອຍບໍ່ເຫຼືອໃຜແລ້ວ
ຂ້ອຍ…ຂ້ອຍ ຂ ..ຂ້ອຍແຕ່ງານມີລູກມີເມຍແລ້ວກ່ອນໜ້າທີ່ຂ້ອຍຈະມາຄົບກັບເຈົ້າ
ຂ້ອຍເສຍໃຈ ຂ້ອຍຂໍໂທດທີ່ບໍ່ໄດ້ບອກເຈົ້າ ຂ້ອຍບໍ່ຄິດວ່າຂ້ອຍສິຮັກເຈົ້າໄດ້ຫຼາຍປານນີ້ !
ຕອນນີ້ຂ້ອຍບໍ່ເຫຼືອໃຜແລ້ວ ຢູ່ດີໆເມຍຂອງຂ້ອຍກໍ່ຂໍຢ່າກັບຂ້ອຍ ຂ້ອຍບໍ່ເຫຼືອໃຜແລ້ວ !
ເຈົ້າສິຢູ່ກັບຂ້ອຍໄດ້ບໍ່ ? ຂ້ອຍຂໍໂທດ….
ນໍ້າຕາທີ່ໄຫຼລົງເປັນສາຍຂອງລາວກັບຄໍາຂໍທີ່ເຫັນແກ່ໂຕທີ່ສຸດຂອງລາວບໍ່ໄດ້ສ້າງຄວາມ
ສັ່ນສະເທືອນໃຈໃຫ້ຂ້ອຍແຕ່ຢ່າງໄດ້ ! ຂ້ອຍຍືນມືອອກໄປກໍາມືຂອງລາວໄວ້ແໜ້ນແລ້ວຂ້ອຍ
ກໍ່ເວົ້າວ່າ :
ບໍ່ເປັນຫຍັງດອກ ! ເລື່ອງຮ້າຍໆມັນຜ່ານພົ້ນໄປແລ້ວເຮົາມາເລີ່ມຕົ້ນກັນໃໝ່ອີກຄັ້ງ
ໜຶ່ງກໍ່ໄດ້ຢ່າງທີ່ບອກຂ້ອຍຖ້າເຈົ້າຢູ່ບ່ອນນີ້ສະເໝີ ! ແຕ່ຂ້ອຍກໍ່ມີເລື່ອງທີ່ຈະສາລະພາບ
ກັບເຈົ້າຄືກັນ ເຫງີຍໜ້າຂຶ້ນມາເບິ່ງໜ້າຂອງຂ້ອຍກ່ອນແລ້ວຟັງຂ້ອຍເດີ້ ! ຂ້ອຍຮູ້ມາຕັ້ງ
ແຕ່ຕົ້ນແລ້ວວ່າເຈົ້າແຕ່ງງານມີເຈົ້າຂອງແລ້ວ ແຕ່ຂ້ອຍຮູ້ຕັ້ງແຕ່ທໍາອິດທີ່ເຈົ້າແນມເບິ່ງຕາ
ຂອງຂ້ອຍວ່າເຮົາເກີດມາເພື່ອເປັນເຈົ້າຂອງເຊິ່ງກັນແລະກັນ ຂ້ອຍຈຶ່ງບໍ່ສົນໃຈສິ່ງໃດອີກຕໍ່ໄປ
ຂ້ອຍເຮັດທຸກສິ່ງທຸກຢ່າງໄດ້ເພື່ອເຈົ້າ ບໍ່ວ່າຫົນທາງໃດທີ່ຂ້ອຍຈະໄດ້ເຈົ້າກັບຄືນມາຫາຂ້ອຍ ແລະ
ເຫດຜົນທີ່ເຈົ້າຕ້ອງເລີກກັບເມຍຂອງເຈົ້າກໍ່ແມ່ນຂ້ອຍເອງທີ່ເປັນຄົນເຮັດ ! ຂ້ອຍຂໍໂທດເຈົ້າຄືກັນ !
ແລະຕໍ່ຈາກນີ້ເຮົາຈະຢູ່ນໍາກັນເປັນເຂອງກັນ ແລະ ກັນຕະຫຼອດໄປແມ່ນບໍ່ ?
ຊົ່ວທີ 1 ( ຫ້ອງພັກເລກທີ 305 )..................ຂຽນເມື່ອວັນທີ 17/08/2010
ຊົ່ວທີ 2 ( ການທວງຄືນຂອງຄໍາສາບານ ).......ຂຽນເມື່ອວັນທີ 18/08/2010
ຂອບໃຈສໍາລັບຜູ້ທີ່ຕິດຕາມອ່ານທັງສາມເລື່ອງທັງສາມເລື່ອງ
ສ່ວນໜຶ່ງໄດ້ມາຈາກເລື່ອງແທ້ຂອງຄົນຮອບຂ້າງແລະຂອງຜູ້ຂຽນເອງ
ກະລຸນາໃຊ້ວິຈາລະນະຍານໃນການອ່ານແລະຕັດສິນບັນຫາ !
ຂຽນເມື່ອ: ກ.ຍ.. 20, 2010
| ມີ
ໜວດໝູ່:
