ໃນໂລກນີ້ກລມີຜູ້ຄົນເປັນຈຳນວນຫຼວງຫຼາຍ ເຊິ່ງຕ່າງຄົນກໍເຕີບໃຫຍ່ມາຈາກຄົນລະທີ່ ແລະ ຖືກລ້ຽງດູມາຄົນລະແບບ ແນ່ນອນດ້ານນິໄສ ໃຈຄໍກໍຍ່ອມຈະແຕກຕ່າງກັນ. ແຕ່ຈະດ້ວຍເຫດຜົນໃດກໍຕາມຄົນເຮົາກໍຍັງມີຈຸດທີ່ຄ້າຍຄືກັນ ແລະ ເປັນທີ່ຖືກອົກຖືກໃຈກັນ, ຖວາມຖືກອົກຖືກໃຈອັນນີ້ເປັນຄວາມຮູ້ສຶກທີ່ສວຍງາມຍິ່ງກວ່າສິ່ງອື່ນໃດໃນໂລກ ເຊິ່ງວ່າຖ້າຫາກຜູ້ໃດໄດ້ສຳຜັດແລ້ວຈະຮູ້ສຶກມີຄວາມສຸກເບີກບານແຈ່ມໃສ. ຄົນເຮົາທຸກຄົນກໍເພຶ່ງປາຖະໜາທີ່ຈະໄດ້ມີຄວາມສຸກໃນຮູບແບບທີ່ຕົນເລືອກ, ຄວາມຮັກເຮັດໃຫ້ຄົນເຮົາມີຄວາມສຸກກໍຈິງ ແຕ່ຄວາມຮັກກໍເຮັດໃຫ້ຄົນເຮົາຮ້ອງໄຫ້ ເຈັບປວດທໍລະມານໃຈໄດ້ເຊັ່ນກັນ. ບາງຄົນທີ່ໄດ້ຕົກຫຼຸມຮັກໄປແລ້ວກໍບໍ່ສາມາດຖອນຕົວອອກຈາກຮັກນັ້ນໄດ້ ເມື່ອເກີດການບໍ່ເຂົ້າໃຈກັນ ຫຼື ຝ່າຍກົງກັນຂ້າມຫາກນອກໃຈກັນ, ບາງຄົນກໍເລີກໃຫ້ເດັດຂາດຍອມເຈັບປວດພຽງຄັ້ງດຽວເຖິງແມ່ນວ່າມັນຈະເຈັບປວດຫຼາຍປານໃດກໍຕາມ ແຕ່ກໍຍັງອີກບາງຄົນທີ່ບໍ່ຍອມໃຫ້ຕົນເອງທໍລະມານໃຈທີ່ຕ້ອງຂາດເຂົາເພາະການທີ່ຍັງມີໂອກາດຢູ່ໃກ້ເຂົານັ້ນແລ້ວມີຄວາມສຸກ ກົງກັນຂ້າມຕົນເອງຕ້ອງມານັ່ງທໍລະມານໃຈທີ່ເຂົາບໍ່ສົນໃຈ ແລະ ຊ້ຳບໍ່ພໍເຂົາຍັງຊິລັກມີຄົນອື່ນອີກ......ເຮີ.......ແສນລຳບາກໃຈ. ດັ່ງນັ້ນເຮົາຈິ່ງປຽບຕວາມຮັກເປັນດັ່ງມີດສອງຄົມທີ່ເຮັດໃຫ້ຂີວິດຂອງມະນຸດເຮົາໃຫ້ມີຂຶ້ນມີລົງໄດ້, ມີຮັກກໍມີໄດ້ທັງສຸກ ແລະ ທຸກ ຂຶ້ນກັບວ່າແຕ່ລະຄົນຊິເຈິແບບໃດເທົ່ານັ້ນ. ນີ້ລະເພິ່ນຈິ່ງວ່າ "ສັດໂລກຍ່ອມເປັນໄປຕາມກັມ"

ໃນເວລາຕົ້ນໆທີ່ຮັກກັນເຂົາອາດຈະບອກວ່າຮັກເຮົາທີ່ສຸດໃນຊີວິດ ເຂົາສາມາດເຮັດໄດ້ທຸກໆສີ່ງໃຫ້ເຮົາປະທັບໃຈ, ເຮັດທຸກສິ່ງຢ່າງເພື່ອຕາມໃຈເຮົາ ແລະ ບໍ່ຍອມທີ່ຈະແນມເບິ່ງຍິງຄົນອື່ນທັງໆທີ່ເຂົາເຈົ້າໜ້າສົນໃຈຂະໜາດນັ້ນ ເຂົາເຮັດທຸກສິ່ງຢ່າງເພື່ອໃຫ້ໄດເຄວາມເຊື່ອໃຈຈາກເຮົາ. ແຕ່ເມື່ອເຂົາໄດ້ຮັບຄວາມເຊື່ອໃຈນັ້ນແລ້ວ ເຂົາຊ້ຳພັດບໍ່ເຫັນຄຸນຄ່າຂອງໄລຍະເວລາທີ່ຜ່ານມາແຫ່ງຄວ່ມຍາກລຳບາກທີ່ຕົນໄດ້ຜ່ານມັນມາ ແລະ ກວ່າຈະໄດ້ຮັກກັນມັນກໍມີອຸປະສັກກີດກັ້ນນາໆປະການ ຈົນເກີນທີ່ຈະພັນລະນາ. ເຂົາເຄີຍບອກເຮົາທຸກມື້ວ່າ"ຮັກເຈົ້າທີ່ສຸດ" ແລະ ກໍຢ້ຳຕະຫຼອດວ່າ"ເລວາຈະເປັນເຄື່ອງພິສູດໃຈຂອງຂ້ອຍ ແລະ ຢາກໃຫ້ເຈົ້າເບິ່ງຢູ່ທີ່ການກະທຳຂອງຂອ້ຍ". ທຸກໆຄຳເວົ້າປະກອບດ້ວຍການກະທຳ ແລະ ສະຖານະການມັນໜ້າເຊື່ອຖື ແຕ່ພໍເວລາຜ່ານໄປບໍ່ຮອດປີ ເຂົາກໍລືມຄຳເວົ້າຂອງຕົນເອງ ແລະ ກໍໄດ້ທຳລາຍຄວາມຮັກ, ຄວາມເຊື່ອຖືທີ່ເຄີຍມີໃຫ້ກັນລົງ ໂດຍການນອກໃຈ ໄປມີຄົນໃໝ່ ໂດຍທີ່ບໍ່ໄດ້ຄິດເຖິງຄວາມຮູ້ສຶກຂອງຄົນໆໜື່ງທີ່ຕົນເຄີຍບອກວ່າ"ຮັກ" ສຸດທ້າຍຄວາມຮັກທີ່ເຄີຍເບັ່ງບານສົດໃສ ແລະ ເປັນທີ່ໜ້າອິດສາໃນສາຍຕາຄົນອື່ນ ກໍກາຍເປັນພຽງເສດແກ້ວທີ່ແຫຼກລະອຽດ. ດັ່ງນັ້ນ, ເຮົາຄວນທີ່ຈະຄິດໃຫ້ກວ້າງໆກ່ອນທີ່ຈະເຊື່ອໃຜຄົນໜຶ່ງ ເພື່ອບໍ່ໃຫ້ເສຍໃຈຕາມຫຼັງ, ບົດກະວີສອນໃຈທີ່ພວກເຮົາເຄີຍໄດ້ຍິນກັນນັ້ນກໍມີຄຸນຄ່າຖ້າຫາກເຮົາກ້າທີ່ຈະຄິດໃຫ້ກວ້າງ ບໍ່ແມ່ນກ້າທີຈະຢາກຮັກເຂົາພຽງຢ່າງດຽວ. ດັ່ງກັບຄຳທີ່ວ່າ "ຢ່າເຊື່ອຟ້າຍາມຝົນ ຢ່າເຊື່ອຄົນຍາມຮັກ".

ຫວັງວ່າເພື່ອນໆຫຼາຍຄົນຄົງຈະຄິດໃຫ້ກວ້າງເຊັ່ນກັນເພື່ອບໍ່ໃຫ້ເສຍໃຈຕາມຫຼັງ.