ເມື່ອຮັກນັ້ນ.......ກີດກັ້ນ.........ດ້ວຍເງິນຕຣາ

ຮັກຈຶ່ງລາ.........ເຫີນຫ່າງ......ໄປທາງອື່ນ

ຮັກທີ່ຫວານ.......ກັບຂົມ.......ຕົຣມສຸດຝືນ

ແສນຂົມຂື່ນ......ສະອື້ນ..........ກືນນໍ້າຕາ

ແສນເສຍດາຍ....ຮັກເຮົາ.........ເຝົ້າຖະໜອມ

ມາຕຣົມຕຣອມ..ຫາຍໄປ.........ໃຫ້ໂສກາ

ເຄີຍສາບານ.......ກັນໄວ້..........ຊົ່ວດິນຟ້າ

ຈະບໍ່ລາ............ຫ່າງຫັນ........ຈາກກັນໄປ

ດ້ວຍເຫດໃດ.....ຄຳເຮົາ..........ເວົ້າສາບານ

ບໍ່ຍືນນານ........ເໝືອນຄໍາ.......ທີ່ພໍ່າໄວ້

ບໍ່ໜ້າທໍາ.........ໃຫ້ອ້າຍ.........ຕ້ອງຮ້ອງໄຫ້

ແສນເສັຍໃຈ.....ເສຍດາຍ........ເຫຼືອຄະນາ

ກ່ອນຈາກໄປ.....ອ້າຍຂໍ............ອວຍພອນໄຊ

ໃຫ້ຂັວນໃຈ.......ສຸກຂີ..............ຊື່ນຊີວາ

ສ່ວນອ້າຍນີ້.......ຂໍໄປ...............ໄກສຸດຟ້າ

ໄວ້ຊາດໜ້າ.......ຖ້າມີ..............ຄ່ອຍຮັກກັນ