ໄດອາຣີ່ຂອງ kong - ພັນລາວ.ຄອມ

ຂຽນເມື່ອ: ກ.ຍ.. 12, 2008 | ມີ 1 ຄຳເຫັນ ແລະ 0 trackback(s)

ຶ       ນ້ອງຈາກບ້ານນາົ                ໄປຫາງານທຳໃນເມືອງຫລວງ
ຈາກຄົນຮັກທ່ີແຫນຫວງ               ຈາກດວງໃຈຜູ້ເປັນພໍ່ແມ່
ໄປຮຽນຕັດຫຍິບ                        ລ້ຽງຊີບດ້ວຍຄວາມເຕັມໃຈ
ຢູ່ເມືອງຫລວງສີວິໄລ                  ເປັນຈັ່ງໃດໃຫ້ສົ່ງຂ່າວມາ
       ນ້ອງບອກອ້າຍວ່າ               ເບ່ືອເຮັດນາ ແລະ ທຳສວນ
ມີຄົນມາຊັກຊ້ອນ                        ນ້ອງກໍເລີຍຕັດສິນໃຈ
ໄປຈາກບ້ານນາ                           ບໍ່ຄິດຫາຄົນທ່ີຫ່ວງໄຍ
ຈາກອ້າຍໄປແສນໄກ                     ຄິດເຫັນໃຈອ້າຍແດ່ເປັນຫຍັງ
       ອ້າຍຫວັງ, ອ້າຍຄອງ               ຫວັງຈະເຫັນນ້ອງຄືນມາ
ກັບມາເປັນດອກຫຍ້າ                     ຢູ່ຕາມທົ່ງນາເຫນືອນເດີມ
ນ້ອງໄປປະດັບ                           ຢູ່ເມືອງຫລວງ, ອ້າຍຄິດຫ່ວງໄຍ
ຢ້ານເຂົາຫລອກຊາມໄວ                   ອ້າຍຄິດນ້ອຍໃຈຕະຫລອດເວລາ
       ອ້າຍອະທິຖານ                     ຂໍສິ່ງສັກສິດຄຸ້ມຄອງ
ບໍ່ໃຫ້ໃຈຂອງນ້ອງ                         ຕິດຄາລົມຄົນລວງ
ອ້າຍຫວງອ້າຍຮັກ                         ຈ່ຶງພິທັກຮັກໄວ້ໃນດວງໃຈ
ຈາກຄົນທ່ີຫ່ວງໄຍ                        ນ້ອງຈົ່ງຕັດໃຈເຖີດຫນາ ຄົນດີ.

ອິນທິຍານສອນລູກ

ຂຽນເມື່ອ: ກ.ຍ.. 12, 2008 | ມີ 1 ຄຳເຫັນ ແລະ 0 trackback(s)

ໜວດໝູ່: ກາບກອນ

        ເຂົາກ່ໍແຊວໆທ້ວງ                              ນາຍພານບາບ່າວ
    ຕັ້ງຫາກມາຊ່າງໄດ້                                 ແລນແທ້ຊູ່ວັນ ແທ້ນໍ
    ມັນກ່າວຕ້ານ                                       ຈາຕໍ່ຝຸ່ງເຂົາ
    ກໍຫາກຮຸນແຮງຜີ                                 ກໍຈິ່ງເອົາມັນໄດ້
       ຕັ້ງຢູ່ສູງຜອກພົ້ນ                              ແວນຍິງແສນຖະຫນັດ
    ເຮົາກໍພາງານຍິງ                                    ທົ່ວຄີງແດງເຂັ້ມ
    ເຂົາກໍແຊວໆຮ້ອງ                                 ຄົນເຮືອນກະດຸຸມພືດ
    ເຂົາກ່າວຍ້ອງຍໍ                                     ທ້າວວ່າຫນານ ແທ້ນໍ
       ມັນກໍຫົວຍ່ີຍຸ້ມ                                 ເມືອເຮືອນສັ່ນເກົ່າ
    ທຸກຄ່ຳເຊົ້າ                                          ທຳພ້ຽງດັ່ງຫລັງ

ສຽງຈາກດິນລາວ

ຂຽນເມື່ອ: ສ.ຫ.. 25, 2008 | ມີ 1 ຄຳເຫັນ ແລະ 0 trackback(s)

ໜວດໝູ່: ກາບກອນ

    ໋ ຂ້ອຍເປັນພຽງແຜ່ນພ້ືນ                                ກວ້າງໃຫຍ່ໄພສານ
ແຫລ່ງຜະລິດອາຫານ                                     ເຄ່ືອງທານຂອງໃຊ້
ໃນນຳ້ມີປາປ້ອນ                                            ໃນດົງມີປ່າ
ງາມທົ່ງນາໂຄກຄ້ອຍ                                        ທະເລຂ້ອຍແມ່ນບໍ່ມີ
    ໋ ເຊ້ືອຊາລາວຢູ່ນີ້                                         ນັບແຕ່ຂຸນບໍລົມ
ຂຸນລໍ ທັງຂຸນເຈືອງ                                           ແຕ່ງແປງເມືອງບ້ານ
ໄດ້ຢູ່ບົນຕົວຂ້ອຍ                                             ເປົ່າແຄນປູກຫວ່ານ
ແປງເຮືອນຮ້ານຢູ່ສ້າງ                                         ບໍ່ຕົວະຕົ້ມຊາດອ່ືນໃດ
    ໋ ໃນສະໄຫມຕໍ່ສູ້                                          ຝູງຫມູ່ຈັກກະພັດ
ຂ້ອຍກໍມີພູຜາ                                                ຖຳ້ປີວໃຫ້ຄົນຊົ້ນ
ເພ່ືອໃຫ້ຊົນລາວໄດ້                                           ຫລົບໄພລີ້ຊ່ອນ
ຮ່ວມຫວຽດນາມເພ່ືອນສູ້                                    ຍົກທຸງກູ້ແຜ່ນດິນ
    ໋ ສາມັກຄີ ລາວຫວຽດນີ້                                  ມີແຕ່ເດີມດາ
ໄຊອົງເຫວ້ ໄຊອົງບຸນ                                         ຮ່ວມກັນຫລາຍດ້ານ
ອະນຸວົງປາງນັ້ນ                                             ຂານເປັນຕາຍຊ່ວຍ
ຈົນມາຮອດມ້ືນີ້                                             ທະວີຫມັ້ນຮັກແພງ
    ໋ ຂໍແດ່ສອງຊາດສ້າງ                                       ສືບຕໍ່ພົວພັນ
ແຜ່ນດິນລາວ                                                ວຽກເດີນງານສ້າງ
ຈົ່ງໄດ້ວິໄຈໄວ້                                                ສ້າງແນວໃດມີປະໂຫຍດ
ົຢ່າກ່າວໂທດໃສ່ຂ້ອຍ                                        ວ່າດິນນີ້ຝຸ່ນບໍ່ງາມ.

ຜະຫຍາຍອຍ

ຂຽນເມື່ອ: ສ.ຫ.. 25, 2008 | ມີ 1 ຄຳເຫັນ ແລະ 0 trackback(s)

ໜວດໝູ່: ກາບກອນ

` ຫອບກັນມາແລ້ວພັດໄລຖ້ິມ      -      ແຫນງຫມາງໃຈຈະດີກວ່າ
ຄຽງຄູ່ກັນແລ້ວຢ່າຮ້າງ                     ລະທົມແຄ້ນຊົ່ວຊີວັງ ພຸ້ນແລ້ວ `

` ໂມ້ບໍ່ດີ                -        ມີບໍ່ອົ່ງ
ໂລ່ງຈ່ຶງເຮັດ            -        ສຳເລັດແມ່ນຜົນງານ
ຊ່ືນບານແມ່ນເຮົາ        -        ຢ່າເວົ້າເລ້ຶອງຄົນອ່ືນ `

ເງິນກີບເງິນລາວ

ຂຽນເມື່ອ: ສ.ຫ.. 15, 2008 | ມີ 2 ຄຳເຫັນ ແລະ 0 trackback(s)

ໜວດໝູ່: ກາບກອນ

    ພົງເຜົ່າພັນຊາດເຊື້ອ            ແນວຫນໍ່ຕະກຸນລາວ ເຮົານາ
ຢ່າໄດ້ລືມໄລປະ                  ຄ່າເງິນເດີມເຄົ້າ
ເງິນກີບລາວເຮົາໃຊ້               ເປັນເງິນປະຈຳຊາດ
ໂລກປະກາດຮັບຮູ້                  ເປັນເຈົ້າແມ່ນລາວ
    ຍາມເມ່ືອເຮົາຈ່າຍໃຊ້           ຊື້ເຄ່ືອງຂອງຂາຍ
ທຸກລາຍການຈົ່ງຕິດ         ຄ່າຂອງສິນຄ້າ
ທັງລາຄາວາງໄວ້                     ໃຫ້ເປັນເງິນກີບ
ປວງຊົນລາວຮີບຟ້າວ            ຊົມໃຊ້ຈ່າຍເງິນ ລາວທ້ອນ !
    ກະແສສຽງຮຽນເອີ້ນ            ບອກປ່າວເຕືອນມາ
ຍຸກນີ້ຄົນລາວປະ                     ກີບເງິນເຄີຍໃຊ້
ໄປຫລົງໄຫລໃຈປຳ້                  ນຳເງິນສະກຸນອ່ືນ
ເຂົາຊິກຶນຮາບກ້ຽງ                   ຍັງບໍ່ຮູ້ເມ່ືອຄີງ ສາແລ້ວ !
    ເງິນກີບ ບໍ່ແນ່ນິ້ງ               ປຶດຕ່ຳດຽວສູງ ນັ້ນນາ
ປັ່ນຂຶ້ນລົງລາຍວັນ                  ໄລ່ລຽງເຫຍືອງຫຍັງ
ຍ້ອນວ່າລຸງອາວປ້າ                  ແລກເງິນຕາຜິດທີ່
ຈ່ຶງເຊີນຊວນພ່ີນ້ອງ                   ນຳໃຊ້ໃຫ້ຖຶກທາງ ແດ່ເນີ.

( ເອົາກອນມາຝາກໃນມ້ືນີ້ )

ຜະຫຍາຍ່ອຍ

ຂຽນເມື່ອ: ສ.ຫ.. 14, 2008 | ມີ 3 ຄຳເຫັນ ແລະ 0 trackback(s)

ໜວດໝູ່: ກາບກອນ

ມີປາກໄດ້ແຕ່ເວົ້າບໍ່ເຕື້ອງຕໍ່ກະທຳຈິງເປັນລືທ່ີສັງຄົມຍໍຍົກ
ແມ່ນການກະທຳບໍ່ແມ່ນພຽງຄຳເວົ້າ

ຄວນຂຽນ                                                            ບໍ່ຄວນຂຽນ
- ກິທາ (ຫມາຍເຖິງ) ກິລາປະເພດ ແລ່ນ ແລະ ລານ
- ກິລາເຕະບານ                              =                        - ກິລາບານເຕະ
- ບຸນນະມັດສະການ                         =                        - ງານບຸນນະມັດສະການ
- ແຕ່ງດອງ - ວິວາຫາມົງຄົນ                 =                        - ແຕ່ງງານ
- ຊ່ວງເຮືອ                                   =                        - ແຂ່ງເຮືອ - ແຂ່ງຂັນເຮືອ

kong

ເບິ່ງທັງໝົດ

ອ່ານຄືນຫຼັງ

2008 (18)

ໝວດໝູ່

ໝາຍເຫດ: ບົດຄວາມ, ຂໍ້ຂຽນ, ຄຳເຫັນຕ່າງ ໆ ທີ່ມີໃນໜ້ານີ້ ຖືກສົ່ງເຂົ້າມາໂດຍສາທາລະນະຊົນ ແລະຖືກເຜີຍແຜ່ໂດຍອັດຕະໂນມັດ ບໍ່ໄດ້ຜ່ານການກວດສອບຈາກທີມງານ ດັ່ງນັ້ນ ຈຶ່ງຂໍໃຫ້ທ່ານຜູ່ອ່ານຈົ່ງໃຊ້ວິຈາລະນະຍານ ແລະຖືຄະຕິ ກາລາມະສູດ : ພິຈາລະນາກ່ອນເຊື່ອ ໃນການຮັບຮູ້ຂໍ້ມູນຕ່າງ ໆ ທີ່ມີໃນໜ້າເວັບນີ້ ຫາກທ່ານພົບວ່າມີຂໍ້ຄວາມໃດທີ່ບໍ່ເໝາະສົມ ຫຼືຜິດຕໍ່ລະບຽບກົດໝາຍ ທ່ານສາມາດແຈ້ງເນື້ອຫາບໍ່ເໝາະສົມໄດ້ ຫຼືຕິດຕໍ່ທີມງານພັນລາວໂດຍກົງ ຂໍຂອບໃຈ.