* ດ້ານຊ້າຍ  ໃຜບາງຄົນບອກວ່າຮູບແບບບໍ່ເຂົ້າທ່າ   * ສ່ວນດ້ານຂວາ  ນີ້ຄືສີ່ງທີ່ດີທີ່ສຸດສຳຫລັບເຂົາ

* ໃຜບາງຄົນບອກວ່າ  ບໍ່ຢາກໄປຮຽນຫນັງສື    * ສຳຫລັບພວກເຂົາ  ນີ້ຄືໂອກາດສຸດທ້າຍທີ່ຈະໄດ້ຮຽນ

* ບາງຄົນຫລັບແລ້ວ  ຂີ້ຄ້ານທີ່ຈະຕື່ນ    * ແຕ່ກັບໃຜບາງຄົນແລ້ວ ບໍ່ຮູ້ວ່າຈະໄດ້ຕື່ນຫລືບໍ່ ຫລັງຈາກຫລັບ

*ບາງຄົນຖືກໂອບອູ້ມ ດ້ວຍພໍ່ແມ່                *  ແຕ່ບາງຄົນຍາກຍິ່ງແທ້  ຈະຫາພໍ່ແມ່ມາໂອບອູ້ມ

* ໃຜບາງຄົນ  ອ້ວນຈົນຍາກທີ່ຈະຈ່ອຍ                 * ແຕ່ໃຜບາງຄົນ  ກໍ່ຍັງບໍ່ພ້ອມທີ່ຈະອ້ວນ

* ບາງຄົນກິນຫລາຍ  ຈົນເປັນໂລກເບື່ອອາຫານ   *  ແຕ່ກັບບາງຄົນເຂົ້າຈະກີນກໍ່ຍັງບໍ່ມີ

* ບາງຄົນຈົ່ມວ່າ ບໍ່ມີຂອງຫລີ້ນໃຫ່ມໆ            * ແຕ່ກັບບາງຄົນ ກໍ່ບໍ່ມີຫຍັງ  ພໍທີ່ຈະໃຫ້ຫລີ້ນ

                            *   ຮູ້ສືກວ່າ.............ຕົວເອງເກີດມາ ໂຊກຮ້າຍແທ້

                            *   ຮູ້ສືກວ່າ.............ຕົວເອງເກີດມາ ດ້ອຍຄ່າແທ້

                            *   ຮູ້ສືກວ່າ.............ຕົວເອງເກີດມາ ຍາກຈົນແທ້

                            *   ຮູ້ສືກວ່າ............. ຕົວເອງ ເປັນຫຍັງບໍ່ມີໂອກາດດີດີ ມີເງິນຫລາຍໆ

                            *   ຮູ້ສືກວ່າ............. ຕົວເອງ ອິດສາຄົນອື່ນ  ທີ່ລວຍກ່ວາແທ້

* ຫາກທ່ານເກີດຄວາມຮູ້ສຶກເຫລົ່ານີ້   ຫລືອີກຫລາຍໆຄວາມຮູ້ສຶກ  ທີ່ເຂົ້າມາໃນເວລາທີ່ທ່ານທໍ້ແທ້  ຜິດຫວັງ ເສຍໃຈ ຫລືຫມົດກຳລັງໃຈ ຈົນຄິດວ່າໂລກນີ້  ຊ່າງບໍ່ຍຸດຕິທຳແທ້  ຈົ່ງຍຸດຄິດໃຫ່ມ  ແລ້ວຫັນໄປເບີ່ງຮອບຮອບຕົວ   ຮອບຮອບຂ້າງວ່າ  ທ່ານແມ່ນຄົນທີ່ສົມຄວນ   ຜີດຫວັງ ຫລືທໍ້ແທ້   ຫລືບໍ່   ທ່ານແມ່ນຄົນທີ່ໂຊກຮ້າຍແທ້ບໍ່

*  ຄົນເຮົາເຖິງຊີວິດຈະລໍ້າບາກ  ມີຄຽດບ້າງ  ຄວາມວຸ້ນວາຍໃນຊີວິດບ້າງ  ແຕ່ເຮົາບໍ່ຍຸດທີ່ຈະກ້າວເດີນຕໍ່ສູ້ກັບຄວາມຍາກຈົນ ຄວາມຮູ້ສຶກອິດສາ ຄວາມຮູ້ສຶກຂີ້ຄ້ານ  ຕໍ່ສູ້ກັບການແຂ່ງຂັນ ແລ້ວປ່ອຍວາງ   ພັກຜ່ອນຄາຍຄຽດແດ່

 *  ຖ້າທຳໄດ້ທ່ານຈະຮູ້ສືກວ່າ  ແທ້ທີ່ຈິງແລ້ວໂລກນີ້ຍັງມີສີ່ງສວຍງາມ ແລະຍຸດຕິທຳກັບທ່ານ ຂໍພຽງບໍ່ນ້ອຍໃຈກັບສີ່ງທີ່ເຮົາມີ ແລະເປັນຢູ່ ທຸກຢ່າງກໍ່ບໍ່ໄດ້ໂຫດຮ້າຍເກີນໄປ  ເພາະທຸກຄົນກໍ່ມີສີ່ງທີ່ຕ້ອງປະເຊີນ   ຄືກັນກັບມິຄວາມໂຊກດີໂຊກຮ້າຍຕ່າງໆກັນ   ຄົນລວຍອາດຈະບໍ່ມິຄວາມສຸກເທົ່າຄົນຈົນກໍ່ເປັນໄດ້..ຈິງຫລືບໍ່..

* ຢາກໃຫ້ທ່ານຄິດວ່າ  ຈົ່ງພໍໃຈໃນສິ່ງທີ່ຕົນມີ  ແລະຢາກໃຫ້ຄດວ່າ  ຄົນເຮົາເຖີງແມ່ນເລືອກເກີດບໍ່ໄດ້  ແຕ່ທຸກຄົນສາມາດເລືອກດຳເນີນຊີວິດໄດ້ ເລືອກພໍໃຈໃນສິ່ງທີ່ຕົນເອງມີ  ແບະມີຄວາມສຸກກັບສິ່ງນັ້ນ   ຢ່າໄປອິດສາຄົນອື່ນ   ພຽງເພາະເຂົາເກີດມາໂຊກດີ ເພາະຫາກທ່ານມົວແຕ່ໄປອີດສາຄົນອື່ນ   ຄົນທີ່ບໍ່ມີຄວາມສຸກເລີຍ  ກໍ່ຄືຕົວທ່ານເອງ ...

**  ທຸກຄົນມີ  24 ຊົ່ວໂມງເທົ່າກັນ  ຈົ່ງບໍລິຫານຄວາມສຸກ ໃຫ້ໄດ້ຫລາຍທີສຸດໃນແຕ່ລະວັນ  ຖ້າທຳໄດ້ຊີວິດທ່ານຈະເປັນທີ່ຫນ້າອິດສາທີ່ສຸດ   ກໍ່ວ່າໄດ້.........

ຈາກ  ທຳດີ   ຫນຸ່ມ

ເຮີ້ຍ .........ບັກດຳ  ມຶງເຮັດຫຍັງ   ຫຍຸດດຽວນີ້

 ໄອ້ຫມາດຳ  ມຶງຕາຍຄາວນີ້ .. ບອກບໍ່ຟັງວະ...ຮຶຮຶບັກດຳ

ກູຂໍສູ້ຕາຍເຫວີ້ຍ

 ແຫ້ວ  ໄອ້ດຳໄດ້ແຕ່ແນມ ..ແຮແຮ  ຊວຍຊວຍມື້ນີ້

*  ຊ້ວງນີ້ເຫັນຫລາຍໆທ່ານ  ເວົ້າເຖິງແມ່  ຄິດຮອດແມ່ຄືກັນ  ກໍ່ເລີຍນຳເອົາບົດກະວີນີ້ຝາກໃຫ້ເພື່ອນໆທີ່ຫ່າງໄກແມ່  ຄິດຮອດແມ່   ຮັກແມ່   ເປັນຫ່ວງແມ່   ມາຝາກ  ສ່ວນພໍ່ແລະແມ່ທີ່ຢູ່ທາງບ້ານ  ກໍ່ຄອຍຮັບລູກ  ກັບໄປຫາເພີ່ນຄືກັນ   ເພີ່ນຮັກແລະເປັນຫ່ວງເຮົາສະເຫມີ  ແລະບໍ່ເຄິຍທຳໃຫ້ເພີ່ນ ນໍ້າຕາຕົກເພາະເຮົາຈັກເທື່ອ  ທີ່ຜ່ານມາເຮົາອາດຈະພາດຈະພັ້ງ ເພາະຮູ້ເທົ່າບໍ່ເຖິງການ ທຳໃຫ້ເພີ່ນເສຍໃຈ  ແຕ່ບໍ່ເຖິງກັບວ່ານໍ້າຕາຕົກເພາະເຮົາ  ຕໍ່ໄປລູກຈະເປັນຄົນດີ ລູກຈະຕັ້ງໃຈຮຽນ (ສ່ວນຄວາມເສຍໃຈທີ່ພໍ່ແມ່ທຸກໆຄົນຈະເສຍໃຈກັບລູກນັ້ນມີຢູ່  3  ປະການຄື)

1 ພໍ່ແມ່ຈະເສຍໃຈ  ເມື່ອພໍ່ແມ່ບໍ່ມີລູກ

2 ພໍ່ແມ່ຈະເສຍໃຈ ເມື່ອລູກຕາຍ

3 ພໍ່ແມ່ຈະເສຍໃຈ  ເມື່ອລູກເປັນຄົນຊົ່ວ

* ພໍ່ແລະແມ່              ມີຄ່າ                    ມະຫາສານ

ພໍ່ແລະແມ່                ເປັນຄຳຫວານ         ຍາມຂານຫາ

ພໍ່ແລະແມ່                ມີສອງຄົນ              ໃນໂລກາ

ພໍ່ແລະແມ່                ຄວນບູຊາ               ຄ່ານໍ້ານົມ

* ແມ່ລໍໍ້າບາກ             ກາກກຳ                 ທຸກຄໍ່າເຊົ້າ

ຫນັກກໍ່ເອົາ                ເບົາກໍ່ສູ້                 ບໍ່ຮູ້ຫນີ

ແມ່ອິດເຫມື່ອຍ           ເຫມື່ອຍລ້າ             ທຸກຕາປີ

ແມ່ຍອມພີ                ຊີວິດ                     ອີກຈິດໃຈ

* ກໍ່ເພື່ອລູກ               ຜູກພັນ                  ກະສັນຫາຍ

ແມ່ນດວງຕາ             ທີ່ແມ່ຮັກ                ຄວັກໃຫ້ໄດ້

ເມື່ຶອເຈົ້າໂສກ              ແມ່ເລົ່າ                  ຍີ່ງເສົາໃຈ

ທົ່ວແດນໄກ                ບໍ່ມີໃຜ                   ທີ່ດີເກີນ

* ລູກເຈັບໄຂ້               ແມ່ກໍ່ໃຫ້                 ການຮັກສາ

ລູກໃຫ່ຍມາ                ພໍ່ກໍ່ສົ່ງ                    ຮຽນຫນັງສື

ລູກຕ້ອງການ              ຕຳລາ                     ແມ່ຫາຊື້

ລູກປຶກສາ                  ຫາລື                      ເພີ່ນຍິນດີ

* ນໍ້າຕາແມ່                ລິນໄຫລ                  ເມື່ອລູກຮ້າຍ

ນໍ້າຕາພໍ່                    ເປັນສາຍ                 ເມື່ອລູກຫມິ່ນ

ນໍ້າຕາແມ່                  ຫລັ່ງລົງ                   ລົ້ນແຜ່ນດິນ

ເມື່ອໄດ້ຍິນ                 ລູກເສເພ                 ເນລະຄຸນ

* ແມ່ບໍ່ມີ                   ເງິນທອງ                 ຈະກອງໃຫ້

ຈົ່ງຕັ້ງໃຈ                   ພາກພຽນ                ຮຽນຫນັງສື

ຫາວີຊາ                     ຄວາມຮູ້                  ເປັນຄູ່ມື

ເພື່ອຍຶດຖື                  ມີເອົາໄວ້                  ໄດ້ລ້ຽງກາຍ

* ພໍ່ກັບແມ່                ມີແຕ່                     ຈະແກ່ເຖົ້າ 

ຈະລ້ຽງເຈົ້າ                 ຈົນຕາຍ                  ນັ້ນຢ່າຫມາຍ

ໃຊ້ປັນຍາ                   ຊ່ວຍຕົນເອງ             ໄປຈົນຕາຍ

ລູກສະບາຍ                 ພໍ່ກັບແມ່                 ກໍ່ດີໃຈ

*  ຍາມແກ່ເຖົາ            ຫວັງເຈົ້າ                 ເຝົ້າຮັບໃຊ້

ຍາມປ່ວຍໄຂ້                ຫວັງເຈົາ                 ເຝົ້າຮັກສາ 

ຍາມເມື່ອເຖິງ               ວັນຕາຍ                 ວາຍຊີວາ

ຫວັງລູກຊ່ວຍ               ປິດຕາ                   ເມື່ອສິ້ນໃຈ......

*  ດ້ວຍຄວາມປຣາຖະຫນາດີ       ຈາກ...ຫນຸ່ມ....

ແລະທ່ານຜູ້ຮູ້ທັງຫລາຍ

ຄວາມຮັກເປັນສິ່ງທີ່ດີ ແລະ ເປັນຂອງຄູ່ກັນກັບຄວາມກຽດຊັງ  ແຕ່ຖ້າຮັກແບບເຫັນແກ່ຕົວ ..ໂອກາດອົກຮັກກໍ່ມີຫລາຍ... ເພາະຄວາມສຸກຂອງຄົນຫນື່ງແຕ່ພັດເປັນຄວາມທຸກຂອງອີກຄົນຫນື່ງ  ດັ່ງນັ້ນ ຄວາມຮັກຕ້ອງບໍ່ເຫັນແກ່ຕົວເກີນໄປ.. ຮູ້ຈັກໃຫ້ອະໄພ  ຮູ້ຈັກຂົ່ມໃຈຕົວເອງ  ຮູ້ຈັກປ່ອຍວາງ  ແລະຮູ້ຈັກໃຊ້ປັນຍາ ຮູ້ເທົ່າທັນໃນຄວາມຮັກ   ກໍ່ຈະບໍ່ທຳໃຫ້ຜິດຫວັງເສຍໃຈ  ໃນພາຍຫລັງ  ໃຫ້ຄິດວ່າບາງຄັ້ງເຮົາເອງກໍ່ຍັງບັງຄັບຈີດໃຈເຮົາບໍ່ໄດ້..ພາສາຫຍັງເຮົາຈະໃຫ້ຄົນອື່ນມາ ໄດ້ດັ່ງໃຈເຮົາ...ເພື່ອຮັບປະກັນບໍ່ຢາກໃຫ້ຜິດຫວັງ   ຕ້ອງຫມັ່ນຈົ່ມຄາຖາ   6 ຄຳນີ້ ແລ້ວຈະທຳໃຫ້ທ່ານມີແຕ່ຄວາມສຸກ  ບໍ່ມີທາງຜີດຫວັງ   ຄາຖາມີດັ່ງນີ້ .....ສັກ...ວັນ..ມັນ...ຕ້ອງ...ຖິ້ມ...ກູ...ບໍ່ວ່າຍິງຫລືຊາຍ  ຢູ່ນຳກັນໄປ ຈັກຫນ່ອຍເກີດແຕກແຍກກັນຂື້ນ  ເຮົາກໍ່ສາມາດຫົວເລາະໄດ້ເລີຍ.... ກູວ່າແລ້ວ...ມັນຕ້ອງຖີ້ມກູ.. ແລ້ວເຮົາກໍ່ຈະສະບາຍໃຈ ບໍ່ຜິດຫວັງ    ເພາະເຮົາຮູ້ລ່ວງຫນ້າແລ້ວວ່າ   ມັນບໍ່ທ່ຽງ...ມີຮັກຕ້ອງມີຮ້າງ..ບໍ່ຮ້າງຕອນຫນຸ່ມ  ກໍ່ຈະຮ້າງຕອນຕາຍ...ດັ່ງນັ້ນຕອນທີ່ເຮົາຍັງມີລົມຫາຍໃຈຢູ່ນີ້   ໃຫ້ເຮົາທຳຫນ້າທີ່ຕົນເອງໃຫ້ດີທີ່ສຸດ  ທຸກຄົນທີ່ມາປະຕິສຳພັນກັບເຮົາ   ໃຫ້ເຂົາຮູ້ສືກດີກັບໄປ  ເພາະຄົນໃດຖ້າເຂົາຮັກເຮົາເຂົາກໍ່ຄິດຈົນຕາຍ   ຖ້າຄົນໃດເຂົາຊັງເຮົາເຂົາກໍ່ຊັງຈົນຕາຍຄືກັນ  ຍີ່ງຄົນທີ່ເຮົາຮັກເຮົາຢູ່ນຳຕ້ອງດູແລໃຫ້ດີດີ   ຈາກ   ຫນຸ່ມ              

ກ້າວທຳອິດທີ່ພາດພັ້ງ             ຄືກ້າວຫລັງທີ່ຫມັ້ນໃຈ

ກ້າວຫນື່ງທີ່ພາດໄປ                ຄືກ້າວໃຫ່ມທີ່ຫມັ້ນຄົງ

ທຸກຄົນເກີດມາໃນໂລກໃບນີ້  ບໍ່ມິໃຜທີ່ບໍ່ພົບກັບຄວາມລົ້ມເຫລວ   ແຕ່ຖ້າເຮົາລົ້ມແລ້ວ ບໍ່ຍອມທີ່ຈະລຸກຂື້ນມາສູ້ຕໍ່ໄປ  ຊີວິດຂອງເຮົາກໍ່ຈະຜ່າຍແພ້  ແລະລົ້ມເຫລວຕະຫລອດໄປ  ... ດັ່ງນັ້ນເມື່ອໃດກໍ່ຕາມ   ທີ່ພັບກັບຄວາມຜ່າຍແພ້ ..ລົ້ມເຫລວໃນຊີວິດ .. ໃຫ້ຖືວ່າມັນໄດ້ໃຫ້ບົດຮຽນແກ່ເຮົາ  ການຄົ້ນຫາຂໍ້ຜີດພາດແລະຂໍ້ບົກຜ່ອງ   ຈະທຳໃຫ້ເຮົາໄດ້ປະສົບການ  ແລະສາມາດລຸກຂື້ນສູ້ຊີວິດ ...ຈົນໃນທ້າຍທີ່ສຸດ ກໍ່ຈະໄດ້ພົບກັບໄຊຊະນະຈາກການຕໍ່ສູ້ນັ້ນ   ຫາກເຮົາຄິດໃນທາງສ້າງສັນ   ຄວາມລົ້ມເຫລວ  ຍັງທຳໃຫ້ເຮົາມີສະຕິປັນຍາ   ຄິດໄຕ່ຕອງຫາເຫດຜົນ ຫລາຍຍີ່ງຂື້ນ   ມີກຳລັງໃຈທີ່ເຂັ້ມແຂງ ມີຄວາມເຊື່ອຫມັ້ນ   ເຂົ້າໃຈໃນຄວາມທຸກ  ແລະມິຄວາມອົດທົນຫລາຍຍີ່ງຂື້ນອີກດ້ວຍ    ຖ້າເຮົາຄິດໄດ້ແນວນີ້     ເຮົາກໍ່ຈະມີແຮງລຸກຂື້ນ   ສູ້ຕໍ່ໄປໄດ້ອີກຢ່າງແນ່ນອນ.....

ຄວາມອົດທົນ             ເປັນສົມບັດຂອງນັກສູ້

ຄວາມຮອບຮູ້             ເປັນສົມບັດຂອງນັກປຣາດ         

                        ຈາກ  .....  ຫນຸ່ມ.

ມີຊາຍຄົນຫນື່ງ ຮຽນພາສາອັງກິດຢູ່ 3 ປີ  ໄດ້ 3 ຄຳ ຄື  ...  ແຍດ...    ໂນ...   ໂອເຄ ...ແຕ່ດ້ວຍຄວາມຫມັ້ນໃຈ ແລະຄວາມຢາກເວົ້າຂອງລາວ ..  ມື້ຫນຶ່ງລາວໄດ້ມີໂອກາດ  ໄປຕະຫລາດ  ໃນຄະນະທີ່ລາວຢ່າງໄປມາເພື່ອຫາຊື້ເຄື່ອງຢູ່ນັ້ນ    ບັງເອີນຢ່າງໄປຮ້ານທີ່ເຄື່ອງເຂົາເສຍພໍດີ...    ເຈົ້າຂອງຮ້ານກໍ່ເລີຍຖາມເຂົານັນວ່າ... ......ເຈົ້າບໍ່..ທີ່ລັກເຄື່ອງຂ້ອຍມື້ກີ້ນີ້ ........ຊາຍຄົນນັ້ນຢາກຈະໂຊຄວາມຮູ້ທາງພາສາແດ່.... ກໍ່ເລີຍຕອບໄປດ້ວຍຄວາມຫມັ້ນໃຈວ່າ...ແຍດສ...   ເຈົ້າຂອງຮ້ານກໍ່ເລີຍຖາມຕໍ່ໄປອີກວ່າ .... ເຈົ້າສິສົ່ງຂ້ອຍຫລືບໍ່ສົ່ງ....ຊາຍຄົນນັນຕອບອີກວ່າ......ໂນ......ເຈົ້າຂອງຮ້ານເວົ້າຕໍ່ໄປອີກວ່າ ....ບໍ່ດັ່ງນັ້ນຂ້ອຍສິຟ້ອງຕໍ່າຫລວດມາຈັບເຈົ້າ...  ຊາຍຄົນນັ້ນກໍ່ຕອບໄປດ້ວຍຄວາມຫມັ້ນໃຈອີກວ່າ....ໂອເຄ....ກໍ່ເລີຍໄດ້ຕິດຄຸກໄປຕາມລະບຽບ... ທັງທີ່ເຄື່ອງກໍ່ບໍ່ໄດ້ລັກ..ແຕ່ເພາະພາສາເປັນເຫດແທ້ໆ   5555555

 ຕັ້ງໃຈຮຽນ              ພຽນໃຫ້ແທ້              ຄຳແມ່ສັ່ງ

ຈຶ່ງເປັນດັ່ງ              ພະລັງໃຈ                  ໃຫ້ຝຶກຝົນ

ຮຽນເຖີດລູກ           ເພື່ອວັນຫນ້າ             ຄ່າຂອງຄົນ

ເຮົາຄົນຈົນ              ຮຽນໃຫ້ໄດ້                ຕາຍຢ່າມັນ

     ເຖິງຈະບໍ່ສູງ        ທຽບເທົ່າ                  ກັບຄົນອື່ນ

ຢ່າກັບຄືນ               ບ້ານເກົ່າ                  ໃຫ້ເຂົາຢາມ

ຈົ່ງຕັ້ງຫນ້າ              ຕັ້ງຕາ                     ພະຍາຍາມ

ໃຫ້ສົມຄວາມ            ປຣາຖະຫນາ            ມານດາຕົນ

          ............   ຈາກ.....ຫນຸ່ມ   ...........