ຄັນຢາກໄດ້ຄູ່ຊ້ອນ                                  ໃຫ້ຫາບ່ອນປຶກສາ

ໃຫ້ຄ່ອຍຈາດອມຂຸນ                                 ໝູ່ພົງພັນເຊື້ອ

ໃຫ້ປຶກສານຳເຖົ້າ                                       ລຸງຕາພໍ່ແມ່

ຄັນຫາກເພິ່ນບໍ່ພ້ອມ                                  ເຊົາທ້ອນຢ່າສູ່ເອົາ

ອັນວ່າຝູງຄົນເຖົ້າ                                        ຜ່ານຊີວິດມານານ

ເພິ່ນຮູ້ຄອງເຮືອນຊານ                                 ເບິ່ງເຂີຍຊອມໃພ້

ຄັນໃຜໝາຍໃຈສ້າງ                                    ຄອງເຮືອນໃຫ້ໝັ້ນແກ່ນ

ຄັນເຖົ້າແກ່ຮາກບ້ານ                                   ເຫັນດີແລ້ວຈຶ່ງຄ່ອຍເອົາ ແທ້ເນີ !

• ອັນວ່າຄຳປາກເວົ້າ                     ຈາມ່່ວນຊວນຟັງ

ໃຜກໍສັນລະເສີນນຳ                   ແຕ່ຄຳຈາຕ້ານ

ປາກດີຢາກຟັງເລື້ອຍ                 ບໍ່ມີຍາມເປີດໜ່າຍ

ມີແຕ່ຊົມຊື່ນຍ້ອງ                        ຄຳເວົ້າມ່ວນຫູ

• ຜູ້ເພິ່ນເວົ້າໂຍກນັ້ນ                   ເວົ້າໜ້ອຍກໍຜິດຫູ

ເຂົາບໍ່ໄດ້ດ່າເຮົາ                        ແຕ່ຫາກຟັງດູຮ້າຍ

ລາງເທື່ອຄວາມລົມນັ້ນ              ໂຄມພູໂຄມປ່າ

ລົມໄປຫຼາຍໜ່າຍຊ້ຳ                  ບໍ່ຢາກພໍ້ພົບເຫັນ.

<!--[if gte mso 9]><![endif]--><!--[if gte mso 10]>/* Style Definitions */table.MsoNormalTable{mso-style-name:ตารางปกติ;mso-tstyle-rowband-size:0;mso-tstyle-colband-size:0;mso-style-noshow:yes;mso-style-priority:99;mso-style-qformat:yes;mso-style-parent:"";mso-padding-alt:0cm 5.4pt 0cm 5.4pt;mso-para-margin-top:0cm;mso-para-margin-right:0cm;mso-para-margin-bottom:10.0pt;mso-para-margin-left:0cm;line-height:115%;mso-pagination:widow-orphan;font-size:11.0pt;mso-bidi-font-size:14.0pt;font-family:"Calibri","sans-serif";mso-ascii-font-family:Calibri;mso-ascii-theme-font:minor-latin;mso-fareast-font-family:"Times New Roman";mso-fareast-theme-font:minor-fareast;mso-hansi-font-family:Calibri;mso-hansi-theme-font:minor-latin;}<![endif]-->

                        ມາ​ເຖິງ​ເດືອນ​ຫົກ                         ຝົນຕົກ​ຟ້າຮ້ອງ

                        ​ໃຜ​ກະ​ວ່າ​ຄ່ອງ                                         ຄອງ​ເຄົ້າ​ບູຮານ

                        ຖື​ມາ​ແຕ່​ນານ                                           ​ເປິ​ງປາງ​ກີ້​ກ່ອນ

                        ຕົກ​ມາ​ຮອດ​ບ່ອນ                                      ​ເດືອນ​ຫົກ​ພໍດີ

                                    ​ເຖົ້າ​ແກ່​ກະ​ມີ                                ບ່າວ​ສາວ​ຊ່ຳນ້ອຍ

                        ຈິດ​ໃຈ​ຊື່​ນຊ້ອຍ                                        ອ້ອຍ​ອິ່ມ​ຍິນ​ສຽງ

                        ໝົດ​ທົ່ວທັງ​ເມືອງ                                     ​ໃຜ​ມັນ​ຕາມ​ແຕ່

                        ຄົນ​ໄດ້​ມາ​ແວ່                                           ​ແຫ່​ເຊີ້ງ​ບັ້ງ​ໄຟ

                                    ມີ​ເຫຼົ້າ​ໂທ​ໄຫ                                ​ແຈກ​ຢາຍ​ອ້າຍ​ພີ່​

                        ທັງ​ສຽງ​ແຄນ​ບີ່                                        ຕີ​ຄ້ອງ​ອງ​ຍາວ

                        ມີ​ຫົວ​ດຳ​ຂາວ                                          ຍົກ​ມື​ແຂນ​ຟ້ອນ

                        ​ເບິ່ງ​ແອວ​ກະ​ອ່ອນ                                     ຟ້ອນ​ໃສ່​ສຽງ​ແຄນ

                                    ລາຍ​ສຸດສະ​ແນນ                          ຟ້ອນ​ດີກ​ວ່າ​ໝູ່

                        ​ໃຜ​ກະ​ບໍ່​ຢູ່                                               ປະ​ເຮືອນ​ປະຊານ

                        ຍ່າ​ເຖົ້າ​ປະ​ຫຼານ                                       ຮ້ອງ​ໄຫ້​ຢູ່​ອູ່​

                        ຟ້າວ​ໄປ​ນຳ​ໝູ່                                          ຟ້ອນ​ມ່ວນ​ໄປ​ເລີຍ

                                    ລືມ​ຮອດ​ລູກ​ເຂີຍ                           ຟ້ອນ​ກ້ຽວ​ແມ່​ເຖົ້າ

                        ມ່ວນ​ບໍ່​ໝູ່​ເຈົ້າ                                           ຟ້ອນ​ກ້ຽວ​ລູກ​ເຂີຍ

                        ນີ້​ລະ​ລູກ​ເຂີຍ                                           ຂາຍໜ້າ​ແມ່​ເຖົ້າ

                        ມາ​ມາ​ເດີ​ເຈົ້າ                                           ຟ​້ອນ​ເຊີ້ງ​ບັ້ງ​ໄຟ…