ພໍ່ ແລະ ແມ່     ຄຳນີ້                         ມີຄວາມໝາຍ

ມີພຣະຄຸນ             ມາກມາຍ                  ຫລາຍສະຖານ

ພໍ່ກັບແມ່                ເປັນໄດ້                     ຫລາຍປະການ

ເປັນດວງມາລຍ໌      ເປັນພຣະພຣົມ          ເປັນຮົ່ມໄຊ

ເປັນຜູ້ໃຫ້               ກຳເນີດ                      ເກີດລູກຮັກ

ເປັນຜູ້ໃຫ້               ທີ່ພັກ                         ເພິ່ງອາໄສ

ເປັນຜູ້ໃຫ້               ຄວາມກະຣຸນາ            ອຸ່ນກາຍໃຈ

ເປັນຜູ້ໃຫ້               ສິ່ງໃດໆ                     ບໍ່ປ່ອຍມື

ໂອ້ ແມ່ ເອີຍ !         ພຣະຄຸນແມ່                ແຜ່ປົກຫົວ

ໂອ້ ພໍ່ ເອີຍ !           ຜູ້ເຝົ້າ                          ເຂົ້າເກື້ອຫນູນ

ໂອ້ ແມ່ ເອີຍ !         ຜູ້ເມດຕາ                     ແລະກາຣຸນ

ໂອ້ ພໍ່ ເອີຍ !           ຜູ້ຄ້ຳຈຸນ                       ບໍ່ຫ່າງໄກ

ດວງໃຈແມ່             ສະອາດແທ້                 ກວ່າສິ່ງໃດ

ດວງໃຈພໍ່               ສະອາດຍິ່ງ                  ກວ່າສິ່ງໃດ

ດວງໃຈທ່ານ           ມີໄວ້                            ໃຫ້ລູກ ເອີຍ !