vv

ຜົນງານການສຳຫຼວດຄັ້ງນີ້ແມ່ນ ເຮັດຕາມຄຳສະເໜີຂອງສາວໆເດີ ເພາະຜ່ານມາ ພວກເຮົາເຄີຍສຳຫຼວດຄວາມຄິດເຫັນ ຂອງສາວໆກ່ຽວກັບ "ຜູ້ຊາຍທີ່ຍິງມັກ" ເຂົາເຈົ້າຢາກໃຫ້ຖາມຜູ້ຊາຍແດ່ ວ່າຊັ້ນ!

ຜົນການສຳຫຼວດອອກມາວ່າ: ພວກຜູ້ຊາຍສ່ວນໃຫຍ່ພາກັນມັກຜູ້ສາວລຸ້ນດຽວກັບເຂົາເຈົ້າ ໂດຍກວມເອົາ 47 ສ່ວນຮ້ອຍ, ຮອງລົງມາ ແມ່ນຕ້ອງການຄົບກັບຍິງທີ່ມີອາຍຸໜຸ່ມກວ່າເຂົາເຈົ້າ ປະມານ 5 ປີ, ແຕ່ວ່າມີເຖິງ 80 ຄົນທີ່ຕ້ອງການຜູ້ຍິງທີ່ ອາຍຸນ້ອຍກວ່າຕົນຫຼາຍເທົ່າໃດຍິ່ງດີ. ມີພຽງ 36 ຄົນ ເທົ່ານັ້ນທີ່ມັກຜູ້ຍິງທີ່ມີອາຍຸແກ່ກວ່າ.

ສ່ວນດ້ານຜິວພັນນັ້ນ ແມ່ນພາກັນມັກຜິວສອງສີຫຼາວກວ່າໝູ່ ໂດຍກວມເອົາ 28 ສ່ວນຮ້ອຍຂອງຜູ້ຖືກສຳຫຼວດ, ຮອງລົງມາ ແມ່ນ "ຂາວນຽນ". ດ້ານຮູບຮ່າງ ສ່ວນໃຫຍ່ພາກັນມັກສາວ ຮ່າງພຽວ, ບໍ່ສູງບໍ່ເຕ້ຍ ແລະ ສາວຫຸ່ນພຽວ. ໜ້າຕາສາວໆ ທີ່ຜູ້ຊາຍໝາຍປອງຫຼາຍທີ່ສຸດ ແມ່ນ "ໜ້າຮັກ" ຊົງຜົມທີ່ຖືກໃຫ້ຄະແນນຫຼາຍກວ່າໝູ່ ແມ່ນຊົງໃດກໍໄດ້, ຜູ້ຊາຍ 44 ສ່ວນຮ້ອຍ ຕ້ອງການຜູ້ຍິງທີ່ບໍ່ຈຳເປັນຕ້ອງທຳສຳອາງຫຼາຍ.

ມາເບິ່ງດ້ານຄວາມສາມາດແລ້ວ ເຖິງແມ່ນວ່າ: ຍຸກນີ້ຈະແມ່ນທັງຍິງ ແລະ ຊາຍ ຫາເງິນຊ່ວຍກັນກໍຕາມ ແຕ່ວ່າ, ຜູ້ຊາຍ ສ່ວນໃຫຍ່ກໍຍັງຢາກໄດ້ຍິງທີ່ເກັ່ງວຽກເຮືອນການຊານຢູ່ ໂດຍມີເຖິງ 113 ຄົນ ໝາຍເອົາຄຳຕອບນີ້ ແລະ ອີກ 68 ຄົນ ບອກວ່າ ຕ້ອງການຜູ້ຍິງທີ່ "ເກັ່ງແຕ່ງກິນ". ເມື່ອຖາມວ່າ: "ສິ່ງໃດທີ່ເຈົ້າກັງວົນໃນຫຼາຍ ຖ້າເຈົ້າຈະແຕ່ງງານກັບຜູ້ຍິງໃດ ໜື່ງ" 198 ຄົນ ບອກວ່າ "ຢ້ານນິໄສໃຈຄໍຂອງຜູ້ຍິງ ບໍ່ເປັນຄືຕອນທີ່ຍັງບໍ່ທັນໄດ້ແຕ່ງງານກັນ" ຮອງລົງມາແມ່ນ: "ຢ້ານຜູ້ຍິງ ບໍ່ສາມາດເປັນແມ່ທີ່ດີຂອງລູກ" ໂດຍມີ 85 ຄົນ ໝາຍເອົາຄຳຕອບນີ້.

ໃນການປະສົມອາຫານ ເຮັດໃຫ້ອອກລົດອອກຊາດ ສົ່ງກິ່ນຫອມເປັນໜ້າຢາກຮັບປະທານ ບໍ່ວ່າແຕ່ ປິ້ງ, ຂົວ, ຈືນ, ຕຳແຈ່ວ ເຮັດປະເພດ ສົ້ມປາ, ຊີ້ນ, ຕຳໝາກຮຸ່ງ, ໝາກຖົ່ວ, ໝາກແຕງ... ລ້ວນແຕ່ການໃຊ້ບໍລິການຫົວຜັກທຽມທັງນັ້ນ ທາງດ້ານການຮັກສາສຸຂະພາບກໍເຊັ່ນກັນ ບໍ່ວ່າຈະເປັນມະເຮັງ ການສ້າງພູມຄຸ້ມກັນ ຄວາມງາມ ຫຼື ແມ່ນແຕ່ເລື່ອງ ສະໝອງ ແລະ ເສັ້ນປະສາດທັງຫຼາຍ ກໍຍັງກ່າວເຖິງຄວາມດີຂອງ ຫົວຜັກທຽມ ຫົວຜັກທຽມເປັນອາຫານ ແລະ ຢາພື້ນ ເມືອງຢ່າງດີ ປຽບເໝືອນເປັນຍາອາຍຸວັດທະນະທີ່ມີລາຄາຖືກຊອກງ່າຍ ການພິສູດຂອງລາຄາຖືກ ແຕ່ຄຸນນະພາບດີ ໃນໂລກນີ້ ຄົງມີແຕ່ຫົວຜັກທຽມ ພືດພື້ນບ້ານຂອງເຮົານີ້ແຫຼະ.

ຄືດັ່ງເຮົາຮູ້ກັນດີແລ້ວວ່າ ຫົວຜັກທຽມ ບໍ່ວ່າຈະເປັນກີບນ້ອຍກີບໃຫຍ່ ຜັກທຽມໂທນ ກໍດີມີລິດເດດຄືກັນ ຄືມັນມີສານຕ້ານ ອະນຸພູມອິດສະຫຼະ ຢ່າງມີປະສິດທິພາບເຮັດໃຫ້ສະໜອງໄດ້ຮັບການປ້ອງກັນຈາກສານພິດຕ່າງໆ ຖ້າວ່າກິນເປັນປະຈຳ ແລະ ກິນຖືກຕ້ອງ.

ຫົວຜັກທຽມ ນອກຈາກມີສານຕ້ານອະນຸມູນອິດສະຫຼະແລ້ວ ຍັງມີສານໄປກະຕຸ້ນໃຫ້ສະໝອງສ້າງສານເຊໂຣໂທນີນ ຊຶ່ງ ຈະຊ່ວຍເຮັດໃຫ້ອາລົມຂອງຄົນເຮົາຢູ່ໃນພາວະປົກກະຕິ ບໍ່ເຄັ່ງຄຽດ ເຄັ່ງຕຶງ ຫຼື ອາລົມຊຶມເສົ້າ ແລະ ສິ່ງສຳຄັນຍັງຊ່ວຍ ປ້ອງກັນສະໝອງເສື່ອມໄດ້ອີກດ້ວຍ ໂດຍສານໃນຜັກທຽມຈະໄປຊ່ວຍເຮັດໃຫ້ຝາຜະໜັງຂອງແຊນປະສານເສື່ອມຕົວ ຊັກຊ້າ ລົງກວ່າເກົ່າ ຜູ້ສູງອາຍຸ ຫຼື ອາຍຸຫຼາຍໆ ຖ້າກິນຜັກທຽມປະຈຳຈະຈື່ຈຳເລື່ອງລາວຕ່າງໆໄດ້ດີ ທັງຄວາມຊົງຈຳ ໃນໄລຍະຍາວ.

ການທີ່ພວກເຮົາຈະກິນຜັກທຽມໃຫ້ໄດ້ຮັບຜົນດີ ແລະ ມີປະສິດທິພາບສູງນັ້ນ ແມ່ນຕ້ອງກິນດິບ ຄື ບໍ່ໃຫ້ຜັກທຽມສຸກ ດ້ວຍຄວາມຮ້ອນ ຊຶ່ງເຊື່ອກັນວ່າ ການກິນຜັກທຽມສົດ ສານອາຫານທີ່ມີຢູ່ໃນນັ້ນ ຍັງຢູ່ ແລະ ເຮັດວຽກຢ່າງມີ ປະສິດທິພາບຫຼາຍກວ່າຜັກທຽມຈຽວ ຫຼື ສຸກແລ້ວ ດັ່ງນັ້ນ ທາງທີ່ດີຄວນກິນຜັກທຽມສົດໆກັນດີກວ່າ ຈະກິນຍາມໃດນັ້ນ ແລ້ວແຕ່ກາລະເທສະຄວາມເໝາະສົມອື່ນໆ ເພາະຜັກທຽມດິບຈະສົ່ງກິ່ນບໍ່ໂສພາໄປສູ່ຜູ້ອື່ນ ອັນເຮັດໃຫ້ເສຍມາລະຍາດ ຖ້າບໍ່ລະວັງ ແລະ ຄວນມີວິທິການແກ້ກິ່ນນັ້ນຈະເປັນການດີ ແລະ ຖືກວ່າຮອບຄອບທີ່ສຸດ.

ຄົນເຮົາອາດຈະສາມາດສັງເກດໄດ້ວ່າ: ຄົນຫຼາຍຄົນ ທີ່ບໍ່ຢາກເຂົ້າຫາ, ຂະນະທີ່ຍັງມີອີກຫຼາຍຄົນ ທີ່ຢາກຄົບຄ້າສະມາຄົມ ແລະ ເຮົາຈະເຮັດໄດ້ແນວໃດເພື່ອໃຫ້ເປັນຄົນທີ່ມີບຸກຄະລິກກະພາບໃນແບບທີ່ຄົນອື່ນໆ ຢາກຈະຄົບຄ້າສະມາຄົມເປັນມິດທີ່ດີຕໍ່ກັນ

1. ເປີດການສົນທະນາ: ການທັກທາຍຄົນອື່ນກ່ອນແມ່ນເປັນເລື່ອງທີ່ດີ ເພາະເຂົາຈະຮູ້ວ່າທ່ານພ້ອມທີ່ຈະໃຫ້ເຂົາເປັນຜູ້ ຮ່ວມສົນທະນາ ແລະ ການສົນທະນາກັນກໍ່ຈະເລີ່ມຂື້ນ

ເຊິ່ງເລີ່ມຕົ້ນເວົ້າກ່ອນດ້ວຍຄຳສຸພາບ ນຸ້ມນວນ ມີສຳມາຄາລະວະ ຖືກຕາມກາລະເທສະ ອາດຈະເປັນການຕັ້ງຄຳຖາມ ຫຼື ຊວນລົມເລື່ອງໃກ້ຕົວ ທີ່ອາດຈະກ່ຽວຂ້ອງກັນ ເຊັ່ນ: ເບຍລົດຊາດດີເນາະ, ນ້ຳດື່ມເຢັນຊື່ນໃຈ, ເຮັດວຽກຢູ່ບ່ອນນີ້ບໍ? ຫຼື ບ້ານເຈົ້າຢູ່ແຖວນີ້ບໍ?

2. ໜ້າຕາຮັບແຂກ: ຄົນທີ່ມີບຸກຄະລິກແບບເປີດກ້ວາງ ເບິ່ງງ່າຍທີ່ສຸດຈາກສີໜ້າແວວຕາ, ຄົນບາງຄົນມັກເຮັດໜ້າຫຍຸ້ງ, ໜ້າງໍ ຄົນພວກນີ້ບໍ່ມີໃຜຢາກເຂົ້າໃກ້ ເພາະພຽງແຕ່ເຫັນສີໜ້າກໍ່ຮູ້ແລ້ວວ່າເຂົາບໍ່ເປີດປະຕູຮັບໃຜເລີຍ ຫຼື ບໍ່ຢູ່ໃນອາລົມທີ່ຈະ ສື່ສານກັບຄົນອື່ນ

ດັ່ງນັ້ນ, ຄວນຍິ້ມແຍ້ມແຈ່ມໃສ ມີທ່າທີ່ຜ່ອນຄາຍ ທັງສີໜ້າ, ແວວຕາ ແລະ ອາກັບກິຣິຍາ ຊຶ່ງເປັນພາສາກາຍທີ່ຈະສື່ສານ ໃຫ້ຄົນທີ່ຢູ່ຮອບຂ້າງຮູ້ວ່າທ່ານບໍ່ປິດກັ້ນການເຂົ້າມາຂອງເຮົາ

3. ແລກປ່ຽນຄວາມຄິດເຫັນໄດ້: ຄົນເຮົາທຸກຄົນຍອມມີຄວາມຄິດເຫັນເປັນຂອງຕົນເອງ ແລະ ມັກຈະສະແດງອອກມາ ຈະເປັນການດີ ເມື່ອຄົນໜື່ງເປີດຮັບການສະແດງອອກຂອງເຮົາ

ດັ່ງນັ້ນ ໃນການສານຄວາມສຳພັນທີ່ດີລະຫວ່າງ ບໍ່ພຽງແຕ່ເຮົາເປີດເຮັບເຂົາຜ່ານສີໜ້າທ່າທາງ ແລະ ຜ່ານການທັກທາຍ ສົນທະນາເທົ່ານັ້ນ ເຮົາຍັງຄວນຈະສານຕໍ່ຄວາມສຳພັນນັ້ນໃຫ້ໜຽວແໜ້ນ ແລະ ໝັ້ນຄົງຕໍ່ໄປ ໂດຍການໃຫ້ໂອກາດອີກຄົນໜື່ງເວົ້າ ແລະ ເປີດໂອກາດໃຫ້ຄົນທີ່ໄດ້ເວົ້າຮັບຟັງຄວາມຄິດເຫັນຂອງທ່ານນຳ

4. ໃສ່ໃຈ ແລະ ຈິງໃຈ: ຫຼັງຈາກທີ່ຄວາມສຳພັນຂອງຄົນເຮົາໄດ້ພັດທະນາເຖິງຂັ້ນທີ່ສາມາດເວົ້າລົມກັນໄດ້ຢ່າງສະນິດ ແລະ ເຮົາຍັງຕ້ອງມີວິທີຫຼໍ່ລ້ຽງຄວາມສຳພັນນັ້ນໄວ້ໃຫ້ດົນອີກດ້ວຍ, ຄົນທີ່ຮູ້ຈັກໃສ່ໃຈຕໍ່ກັນ ແລະ ຈິງໃຈ ມັກມີຄວາມສຳພັນທີ່ໝັ້ນຍືນ ເປັນຫມູ່ເພື່ອນມິດສະຫາຍທາງການຄ້າ ເປັນໝູ່ເພື່ອນທີ່ຄ່ອຍຊ່ວຍເຫລືອໃນເຮັດວຽກງານ ແລະ ອາດເຖິງຂັ້ນເປັນເພື່ອນຕາຍໄດ້

ຈົ່ງໃສ່ໃຈທັງສຸກ ແລະ ທຸກຂອງອີກຝ່າຍ ໃຊ້ການເປີດໃຈກວ້າງຂອງເຮົາໃຫ້ເລິກຊຶ່ງຂື້ນ ລະຫວ່າງການຄົບຫາ, ການເອົາໃຈໃສ່ຕໍ່ກັນໃນເລື່ອງຂອງຄວາມຄິດ ອຸປະສັກ ບັນຫາຊີວິດ ຄວາມສຸກ ຄວາມຍິນດີ ແລະ ອື່ນໆ, ຕ້ອງມີ ຕ້ອງເກີດ ແລະ ຕ້ອງປະຕິບັດຢ່າງຈິງໃຈ ອອກມາຈາກໃຈ ເຊັ່ນ: ຖາມເຖິງສຸກທຸກ ແບ່ງປັນຊ່ວຍເຫຼືອເຊິ່ງກັນ ແລະ ກັນ ໃນຍາມຕົກທຸກໄດ້ຍາກ

5. ບໍ່ເປັນຄົນປອກລອກ: ຄົນບາງຄົນເວົ້າແນວໜື່ງ ໃນໃຈເປັນແນວໜື່ງ, ເວົ້າອອກໄປທັງທີ່ບໍ່ໄດ້ຮູ້ສຶກແນວນັ້ນເລີຍ ແມ່ນບໍ່ດີ

ການບໍ່ເປັນປອກລອກ ເຮັດໄດ້ຕັ້ງແຕ່ເລີມຕົ້ນການທັກທາຍປາໃສ ຮອຍຍິ້ມທີ່ມອບໃຫ້ກັນຕ້ອງອອກມາຈາກໃຈຈິງ ທຸກຄຳເວົ້າຜ່ານມາຈາກຄວາມຄິດ ຄວາມຮູ້ສຶກ ແລະ ການກັ່ນກອງ ການປະຕິບັດດີຕໍ່ກັນກໍ່ອອກມາຈາກຄວາມຮູ້ສຶກແທ້ໆ ບໍ່ແມ່ນເຮັດແບບຕົວະ ເພື່ອຫວັງຜົນປະໂຫຍດຕອບແທນ

ການບໍ່ຫຼອກຕົ້ມ ຖືເປັນການໃຫ້ກຽດກັນທີ່ລ້ຳຄ່າຫຼາຍຂອງຄວາມເປັນຄົນ ເພາະບໍ່ແມ່ນເປັນການໃຫ້ກຽດກັບຄົນອື່ນໆ ເທົ່ານັ້ນ ແຕ່ຍັງເປັນການໃຫ້ກຽດແກ່ຕົນເອງຢ່າງສູງຊົງ ອີກດ້ວຍ.

ໃນໄລຍະນີ້ອາກາດຢູ່ບ້ານເຮົາມັກປ່ຽນແປງຕະຫລອດ ບຶດໜື່ງຝົນກະຕົກລະແດດກໍ່ອອກ ຈຶ່ງເຮັດໃຫ້ຜິວໜ້າອັນອ່ອນແອ ເປັນເຫດໃຫ້ເກີດ ສິວ ໄດ້ງ່າຍ ດັ່ງນັ້ນ ເພື່ອຜິວສວຍງາມໜ້າໃສຈະໄດ້ຢູ່ກັບເຮົາຕະຫລອດໄປ

ສາເຫດການເກີດສິວ:

1. ປັດໄຈພາຍໃນ
- ຈາກພັນທຸກຳ (ຈາກເຊື້ອສາຍ)
- ພາວະຮ່າງກາຍຜິດປົກກະຕິ ເຊັ່ນ: ຄຽດ, ອາລົມບໍ່ດີ, ພັກຜ່ອນບໍ່ພຽງພໍ, ທ້ອງຜຸກ
- ຮໍໂມນຕ່າງໆ ທັງຮໍໂມນເພດຊາຍ ທີ່ກະຕຸ້ນຕ່ອມໄຂມັນໃຫ້ຂັບໄຂມັນອັນເປັນສ່ວນເກີນອອກມາຈົນເຮັດໃຫ້ອຸດຕັນ ແລະ ຮໍໂມນເພດຍິງທີ່ປ່ຽນແປງໃນໄລຍະກ່ອນການມີປະຈຳເດືອນ

2. ປັດໄຈພາຍນອກ
ມົນລະພາວະທີ່ເຮົາຕ້ອງໄດ້ພົບໃນແຕ່ລະມື້ ທັງຂີ້ຝຸ່ນ, ຄວັນພິດ ຫລື ສານເຄມີຕ່າງໆ ທີ່ໃຊ້ໃນຊີວິດປະຈຳວັນ ເຊັ່ນ: ສະເປຍ໌ສີດຜົມ, ຢາຂ້າແມງໄມ້, ລວມທັງຄາບເຄື່ອງສຳອາງທີ່ທຳຄວາມສະອາດບໍ່ໝົດ ເຮັດໃຫ້ຮູຂຸມຂົນອຸດຕັນຈົນເກີດເປັນສິວ

ວິທີຮັກສາຜິວ:

1. ຄວາມສະອາດເປັນສິ່ງປ້ອງກັນສິວ ດັ່ງນັ້ນ ກ່ອນລ້າງໜ້າສາວໆ ຄວນລ້າງຄາບເຄື່ອງສຳອາງ ແລະ ສິ່ງເປີະເປື້ອນທີ່ໄດ້ພົບພໍ້ໝົດມື້ ດ້ວຍນ້ຳມັນເນື້ອເຈລທີ່ມີ Bi ? Continuous ເຊິ່ງຊ່ວຍທຳຄວາມສະອາດຜິວ ແລະ ສານທີ່ຕົກຄ້າງໃນຮູຂົນໄດ້ຢ່າງດີ, ຖ້າມີສ່ວນ ປະສົມຂອງ Ac Control Oil ແລະ Tricocaban ຈະຊ່ວຍບັນເທົາອາການອັກເສບ ພ້ອມຄືນຄວາມຊຸ່ມຊື່ນໃຫ້ແກ່ຜິວໄດ້ອີກ

2. ລ້າງໜ້າດ້ວຍສະບູທີ່ບໍ່ເຮັດໃຫ້ຜິວໜ້າແຫ້ງ ຫລື ມັນ ຈົນເກີນໄປ ດ້ວຍວິທີງ່າຍໆ ພຽງແຕ່ຖູສະບູລົງໃສ່ຝາມືໃຫ້ເກີດຟອງນຸ່ມໆ ແລ້ວ ເອົາຟອງນັ້ນມາລ້າງໜ້າແບບເບົາມື ແລະ ຄວນຈື່ໄວ້ວ່າ: ການລ້າງໜ້າແບບຮຸນແຮງຈະເຮັດໃຫ້ເກີດອາການລະຄາຍເຄືອງຈົນສິວ ລຸກລາມໄດ້ງ່າຍ

3. ຫລັງຈາກລ້າງໜ້າ ຜິວອາດສູນເສຍຄວາມຊຸ່ມຊື່ນໄປແນ່ ຈຶ່ງຄວນເຊັດຜິວດ້ວຍໂລຊັ້ນ ເພື່ອປັບສົມດູນ ແລະ ເອີ້ນຄວາມຊຸ່ມຊື່ນກ່ອນ ການບຳລຸງຜິວໃນຂັ້ນຕອນຕໍ່ໄປ

4. ເພີ່ມຄວາມຊຸ່ມຊື່ນ ແລະ ປ້ອງກັນສິວ ດ້ວຍການເລືອກໂລຊັ້ນບຳລຸງຜິວຊະນິດ Oil ? Free ຊ່ວຍໃຫ້ຜິວນຽນນຸ່ມ ແລະ ລຸດການທັບ ຖົມຕົວຂອງເຊລຜິວ ເສື່ອມສະພາບທີ່ຈະກໍ່ໃຫ້ເກີດການແພ່ຕົວຂອງແບ໊ກທີເຣຍ ອັນເປັນສາເຫດຂອງສິວ

5. ສຸດທ້າຍ ເພື່ອປ້ອງກັນບໍ່ໃຫ້ສູນເສຍຄວາມຊຸ່ມຊື່ນໃນການນອນຢູ່ຫ້ອງແອ ຈຶ່ງແນະນຳໃຫ້ເກັບກັກຄວາມຊຸ່ມຊື່ນດ້ວຍ ແປ້ງຖະໜອມຜິວ ທີ່ມີ Sulfer ຊ່ວຍລຸດການກໍ່ຕົວຂອງສິວ ແລະ Hydrophobic Coating Powder ຊ່ວຍດູດຊັບເອົາສ່ວນເກີດ ແລະ ເອນໄຊມ໌ ຕ່າງໆ ທີ່ອອກມາທຳລາຍຜິວໃນຍາມນອນ

ນັກວິໄຈຂອງມະຫາວິທະຍາໄລເຟເດຣິໂກ 2 ເມືອງເນເປິລ ຄົ້ນຄວ້າພົບວ່າ ໝາກແອບເປິລມີສານທີ່ມີປະໂຫຍດຊ່ວຍປົກປ້ອງກະເພາະອາຫານໄດ້ຢ່າງດີ ເພາະມັນຊ່ວຍປົວແປງຄວາມເສຍຫາຍອັນເກິດຈາກພວກອະນຸມູນອິດສະຣະ ຊຶ່ງເປັນເຫດໃຫ້ເກິດຄວາມແກ່ຊະລາ ແລະ ເນື້ອຮ້າຍໃນກະເພາະຂື້ນໄດ້
ທີມນັກວິໄຈທີ່ມີຄາມິລໂລ ເດຊ ເວກຊິໂອ ບຣັງໂກ ເປັນຫົວໜ້າ ພົບເຫັນວ່າສານສະກັດຈາກແອບເປິລ, ທີ່ອຸດົມໄປດ້ວຍສານທີ່ມີສັບພະຄຸນເປັນຕົວລ້າງພິດ ເຊັ່ນ: ພວກຄາເຕຊົນ ແລະ ກົດໂຄຣໂຣຈີນິກ ສານສະກັດຈາກແອບເປິລກັບກົດໂຄລໂຣຈີນິກ ໄດ້ສະແດງໃຫ້ເຫັນວ່າຂັດຂວາງການເຕິບໃຫຍ່ຂອງເຊລມະເຮັງ ກະເພາະອາຫານໄດ້.
ລາຍງານການສຶກສາຊຶ່ງສະເໜີຢູ່ໃນວາລະສານວິທະຍາສາດວ່າດ້ວຍກະເພາະອາຫານ ແລະ ລຳໄສ້ ກ່າວແຈ້ງວ່າ ຂັ້ນຕໍ່ໄປຈະໄດ້ທົດລອງກັບຄົນ ເພື່ອວັດທົດສອບລິດຄວາມແຮງຂອງສານປະກອບຂອງແອບເປິລ ທີ່ເຮັດໜ້າທີ່ເປັນສານປ້ອງກັນກະເພາະ ແລະ ລຳໄສ້ຕໍ່ໄປ

​ເພື່ອ​ສຸຂະ ພາບ​ມື້ນີ້ ຂໍ​ຍົກ​ເອົາ ໝາກ​ເລັ່ນ ມາ​ເປັນ​ຕົວຢ່າງ​ໃຫ້​ຮູ້​ວ່າ ມັນ​ມີ​ປະ​ໂຫຍດຕໍ່​ຮ່າງກາຍ​ຄົນ​ເຮົາ​ຄື​ແນວ​ໃດ.
ໄດ້​ມີ​ການ​ວິ​ໄຈ ​ໄດ້ຜົນ​ອອກ​ມາ​ວ່າ ຖ້າ​ເຮົາ​ກິນ​ໝາກ​ເລັ່ນ​ພຽງ​ແຕ່​ມື້ລະ 1-2 ໜ່ວຍ ມັນ​ຈະ​ໃຫ້​ປະ​ໂຫຍດ ຕໍ່​ຮ່າງກາຍຫລາຍ​ແນວ ​ເຊັ່ນ: ຕ້ານ​ພະຍາດ​ຄວາມດັນ​ເລືອດ​ສູງ, ບຳລຸງ​ສາຍຕາ, ບຳລຸງ​ດວງ​ຕາ, ບັນ​ເທົາ​ອາການ​ຍ່ຽວ​ຂັດ, ບຳລຸງ​ເຫືອກ ​ແລະ ​ແຂ້ວ, ປ້ອງ​ກັນ ​ເລືອດ​ກ້າມ, ປົບ​ພະຍາດ​ເລືອດ​ອອກ​ຕາມ​ເຟັນ​ແຂ້ວ, ປ້ອງ​ກັນ​ບໍ່ໃຫ້​ເປັນຫວັດ​ງ່າຍ, ​ແກ້​ອາການ​ທ້ອງ​ເບັງ, ບຳ ລຸງ​ຜິວ​ພັນ ​ແລະ ອື່ນໆ. ໄລຍະ​ຜ່ານ​ມາພວກ​ເຮົາ ກໍ່​ມັກ​ຖືກ​ລະດົມ​ໃຫ້​ກິນ​ໝາກ​ເລັ່ນ ​ເປັນຕົ້ນ​ເວລາ​ຍັງ​ເຍົາ​ໄວ ວ່າ​ມັນ​ດີ​ຕໍ່ຮ່າງ ກາຍ ​ໃຫ້​ຜິວ​ພັນ​ເຄັ່ງ ​ເບັງ​ບານ ​ເຊັ່ນ​ດຽວ​ກັບ ການ​ລະດົມ​ໃຫ້​ກິນ​ຜັກບົ້ງ ວ່າ​ບຳລຸງ​ສາຍຕາ​ເຮັດ​ໃຫ້​ຕາ​ຫວານ ​ເຊິ່ງ​ໃນ​ແງ່​ຂອງ​ວິທະຍາສາດ​ນັ້ນ ຖື​ວ່າ ສິ່ງ​ທີ່​ຜູ້​ໃຫຍ່​ສະ ​ເໜີ​ໃຫ້​ເມື່​ອກ່ອນ​ນັ້ນ ລ້ວນ​ແຕ່​ເປັນຄວາມ​ຈິງ ​ເພາະ​ໄດ້​ມີ​ການຄົ້ນ ຄວ້າ​ວິ​ໄຈ​ຫລາຍ​ລົບ​ຫລາຍ​ຕ່າວ ຈຶ່ງ​ເຫັນ​ຜົນ ​ແລະ ມີ​ ການ​ເຜີຍ​ແຜ່​ຂໍ້​ມູນ​ອອກ​ສູ່​ສັງຄົມ ​ໃນ​ທຸກ​ວັນນີ້. ຢ່າງ​ໃດ​ກໍ່​ດີ ເຖິງ​ແມ່ນ​ວ່າ ພືດ​ຜັກ​ບ້ານ​ເຮົາ ມີ​ຫລາຍ, ​ແຕ່​ການ​ຄົ້ນຄວ້າ​ວິ​ໄຈ​ ຜົນ​ຢູ່​ບ້ນ ​ເຮົາ​ນັ້ນ ຍັງ​ມີ​ຈຳກັດ ຈຶ່ງ​ໄດ້​ແຕ່​ເພິ່ງ​ພາ​ອາ​ໄສ ຂໍ້​ມູນ​ຈາກ​ຕ່າງປະ​ເທດ ທີ່​ເພິ່ນ​ຈະ​ເລີ​ນກວ່າ ​ໄປ​ກ່ອນ​. ຜັກ ທຸກ​ຊະນິດ ມີ​ປະ​ໂຫຍ​ດຕໍ່​ຮ່າງ ກາຍ ດັ່ງນັ້ນຄວນ​ກິນ​ໃຫ້​ສະ ໝ່ຳສະ​ເໝີ ຈະ​ດີ​ໜັກ​ແລ./.

ທີ່ຫ້ອງປະຊຸມໃຫຍ່ຄະນະກຳມະການໄອທີ ຮ່ວມກັບຄະນະຮັບຜິດຊອບສ້າງເວັບໄຊທ໌ ຊີເກມ ຄັ້ງທີ 25, ບໍລິສັດ ມະຫາສານດ໋ອທຄອມ ແລະ ບໍລິສັດ WSL ຈາກປະເທດມາເລເຊຍ, ໄດ້ເປີດກອງປະຊຸມ ໂຕະມົນ ເພື່ອປຶກສາຫາລື ແລະ ກະກຽມ ການອອນລາຍໃນໄວໆນີ້ ໂດຍມີຜູ້ຕາງໜ້າຈາກກຳມະການໄອທີ ແລະ ໂທລະຄົມ, ຈາກຄະນະຮັບຜິດຊອບໄອທີ ຂອງ ຄ.ກ.ຊ ແລະ ຈາກບໍລິສັດທັງ 2 ແຫ່ງ.

ອີງຕາມຂໍ້ມູນ ຈາກຄະນະຮັບຜິດຊອບເວັບໄຊ ຊີເກມ,  ໃນການປະຊຸມຄັ້ງນີ້ ທ່ານ ໂຈຮັນ ຫົວໜ້າທີມງານຈາກບໍລິສັດ WSL ໄດ້ນຳສະເໜີໜ້າຕາຂອງເວັບໄຊ ແລະ ຂັ້ນຕອນຕ່າງໆ ຂອງການອັບເດດຂໍ້ມູນຂ່າວສານ, ຮູບພາບ, ການລາຍງານຜົນການແຂ່ງຂັນ, ສະຖານທີ່ແຂ່ງຂັນ, ສະຖານທີ່ທ່ອງທ່ຽວຂອງ ສປປ ລາວ, ແລະ ອື່ນໆ ທີ່ກ່ຽວຂ້ອງ ກັບງານມະຫາກຳກິລາຊີເກມ ຄັ້ງ 25 ນີ້.

ແຫຼ່ງຂ່າວດຽວກັນ ຍັງໃຫ້ຮູ້ອີກວ່າ ເວັບໄຊຂອງຄະນະກຳມະການຈັດງານຊີເກມ ໄດ້ແບ່ງເປັນ 2 ຂັ້ນຕອນ ເຊິ່ງຂັ້ນຕອນທຳອິດ ເປັນເວັບໄຊຂອງຄະນະກຳມະການຈັດງານ ໃສ່ຊື່ວ່າ: www.laosoc.com ໂດຍເວັບໄຊນີ້ ຈະເນັ້ນ ສະເພາະເພື່ອເປີດໃຫ້ບັນດາປະເທດ ທີ່ຈະເຂົ້າຮ່ວມການແຂ່ງຂັນ "ວຽງຈັນເກມ" ໄດ້ຕິດຕໍ່ພົວພັນກັບແຕ່ລະຄະນະກຳມະ ການ ແລະ ອະນຸກຳມະການຝ່າຍຕ່າງໆ ລວມທັງບັນດາສະຫະພັນກິລາຕ່າງໆທີ່ກ່ຽວຂ້ອງ ເຊິ່ງມາຮອດປັດຈຸບັນ ໄດ້ອອນລາຍເປັນທີ່ຮຽບຮ້ອຍແລ້ວ.

ສ່ວນຂັ້ນຕອນທີ 2 ຈະເປັນເວັບໄຊທົ່ວໄປຊື່ວ່າ: www.laoseagames2009.com ເຊິ່ງເວັບໄຊທ໌ດັ່ງກ່າວຈະຄືກັບ ເວັບໄຊທ໌ທົ່ວໆໄປ ຄືນອກຈາກຈະນຳສະເໜີກ່ຽວກັບຂໍ້ມູນການແຂ່ງຂັນຕ່າງໆແລ້ວ ຍັງນຳສະເໜີຄວາມຫຼາກຫຼາຍ ຂອງກິດຈະກຳ ທີ່ປິ່ນອ້ອມການແຂ່ງຂັນ ເຊັ່ນ: ການອັບເດັດຂ່າວປະຈຳວັນ, ສະຫຼຸບຫຼຽນລາງວັນ, ຮູບພາບນິ້ງ ແລະ ເໜັງ ແລະ ອື່ນໆ ເຊິ່ງຄາດວ່າ ໃນເດືອນເມສາ ໜ້ານີ້ ກໍສາມາດອອນລາຍໄດ້.

• ດ້ານບຸກຄະລາກອນ: ປັດໄຈຕົ້ນຕໍ ທີ່ສຳຄັນອີກປັດໄຈໜຶ່ງ ໃນການຈັດການແຂ່ງຂັນຊີເກມສ໌ ກໍຄື “ບຸກຄະລາກອນ”. ດັ່ງນັ້ນ, ເນື່ອງຈາກ ສປປລາວ ຍັງບໍ່​ທັນມີປະສົບການ ໃນການເປັນເຈົ້າພາບ ຫລື ໃນການຈັດຊີເກມສ໌ ມາກອ່ນ. ລັດຖະບານ ຈຶ່ງໄດ້ເຫັນຄວາມສຳຄັນ ແລະ ເອົາໃຈໃສ່ໃນວຽກງານການສ້າງ​ບຸກຄະລາກອນ ຮອງຮັບງານຄັ້ງນີ້. ມາເຖິງປະຈຸບັນ, ຄະນະຮັບຜິດຊອບ ໄດ້ເລີ່ມແຜນງານ ຈາກການໄປທັດສະນະສຶກສາ ກັບປະເທດເພື່ອນບ້ານ ທີ່ເຄີຍເປັນ​ເຈົ້າພາບ ແລະ ມີປະສົບການມາກອ່ນ ເຊັ່ນ: ປະເທດຫວຽດນາມ, ໄທ ແລະ ອື່ນໆ. ພ້ອມດຽວກັນ ກໍໄດ້ມີການເຊື້ອເຊີນ ຜູ້ຊ່ຽວຊານ ຈາກມາເລເຊຍ, ຫວຽດນາມ, ​ໄທ ມາປະຖະກະຖາ ແລະ ຖອດຖອນບົດຮຽນໃຫ້ກັບບຸກຄະລາກອນ ທີ່ມາຈາກ ກຳມະການຝ່າຍຕ່າງໆ ທີ່ຈະຮັບຜິດຊອບ ຈັດການແຂ່ງຂັນຊີເກມສ໌ 25 ຂອງ​ລາວເຮົາ.
• ດ້ານທີ່ພັກນັກກິລາ: ຄະນະກຳມະການ ຈັດການແຂ່ງຂັນຊີເກມສ໌ ຄັ້ງທີ XXV ໄດ້ອີງໃສ່ ມາດຕະຖານ ແລະ ລະບຽບການ ຂອງສະຫະພັນຊີເກມສ໌, ຈະຕ້ອງ​ໄດ້ສ້າງບ້ານພັກນັກກິລາ ໃນລະດັບໜຶ່ງ ເປັນບ້ານພັກນັກກິລາ ຈະເຂົ້າຮ່ວມ ການແຂ່ງຂັນ ໄດ້ມີທີ່ພັກຢ່າງສະດວກສະບາຍ ແລະ ທັງຮັບປະກັນຄວາມປອດໄພ, ມີ​ສິ່ງແວດລ້ອມທີ່ດີ ແລະ ສິ່ງອຳນວຍຄວາມສະດວກຄົບຖ້ວນ. ດັ່ງນັ້ນ, ຈຶ່ງມີ ແຜນການ ກໍ່ສ້າງ ແລະ ສ້ອມແປງອາຄານ ເພື່ອຮອງຮັບ ຄະນະກິລາຈາກ 10 ປະ​ເທດອາຊຽນ ເຊິ່ງຄາດວ່າ ຈະມີຫລາຍກວ່າ 6.000 ຄົນ. ຫລັງຈາກໄດ້ຄົ້ນຄວ້າ ແລະ ສຶກສາຂໍ້ມູນ ລວມທັງສະຖານທີ່ທີ່ມີຢູ່, ຄະນະກຳມະການ ຈັດການແຂ່ງຂັນ ຈະຕ້ອງໄດ້ປຸກສ້າງອາຄານ ທີ່ພັກຂອງນັກກິລາ ຂຶ້ນຕື່ມ 300 ຫ້ອງ, ມີເນື້ອທີ່ 50 ​ເຮັກຕາ ໂດຍຈະຕ້ອງປຸກສ້າງ ໃຫ້ໃກ້ກັບສະໜາມແຂ່ງຂັນເພື່ອເປັນ​ການປະຢັດເວລາ ໃນການຂົນສົ່ງໄກສຸດບໍ່ເກີນ 25 ນາທີຈາກທີ່ພັກ.
• ​ໂຮງແຮມແລະທີ່ພັກ: ນະຄອນຫລວງວຽງຈັນ ເປັນໃຈກາງແລະ ສູນລວມ ຂອງ ການທ່ອງທ່ຽວ,ວັດທະນະທຳ, ເສດຖະກິດແລະ ພົວພັນ​ຕ່າງປະເທດ, ດັ່ງນັ້ນ ຕົວເມືອງວຽງຈັນຈຶ່ງມີ​ີທີ່ຕັ້ງດ້ານໂຮງແຮມ, ບ້ານພັກຫລາຍກວ່າໝູ່ ແລະ ກໍຍັງມີການບໍລິການ ທີ່ໄດ້ລະດັບມາດຕະຖານສາກົນ ເຊິ່ງປະຈຸບັນ ວຽງຈັນ ມີທັງໂຮງແຮມ ໃນລະດັບ 5 ດາວ, 4 ດາວແລະ 3 ດາວທັງໝົດກວ່າ 10 ແຫ່ງ ແລະ ເຮືອນພັກ ທີ່ໄດ້ລະດັບມາດຕະຖານ ອີກກວ່າ 50 ແຫ່ງ. ນອກຈາກ ໂຮງແຮມ ທີ່ມີຢູ່ຂ້າງເທີງນີ້ແລ້ວ, ໃນອະນາຄົດ ກອ່ນການແຂ່ງຂັນໃນປີ 2009 ລັດຖະບານ ກຳລັງປຸກສ້າງໝູ່ບ້ານເ ປັນລັກສະນະສະເພາະເພື່ອຮັບແຂກ ລັດຖະບານ ແລະ ກໍຍັງມີ ເຮືອນຮັບແຂກໄມຕີຈິດ ເພື່ອເປັນການ ຮອງຣັບແຂກໃນລະດັບປະມຸກລັດ.
• ການຂົນສົ່ງ: ສປປລາວ ກຽມຈັດສັນດ້ານການຂົນສົ່ງ ສະເພາະ ຮອງຮັບ ການແຂ່ງຂັນຊີເກມສ໌ XXV ເປັນ 2 ລະບົບ ຄື: ການຂົນສົ່ງທາງບົກ ແລະ ຂົນສົ່ງທາງ ອາກາດ.
• * ການຂົນສົ່ງທາງບົກ: ຈະມີດ່ານເຂົ້າ ສປປລາວ ໄດ້ຫລາຍຈຸດເຊັ່ນ: ດ່ານຊາຍແດນທີ່ຕິດກັບ ສສ ຫວຽດນາມ, ດ່ານບໍ່ເຕນ ແຂວງຫລວງນ້ຳທາ, ດ່ານ​ມິດຕະພາບ ລາວ-ໄທ ທີ່ນະຄອນຫລວງວຽງຈັນ ແລະ ສະຫວັນນະເຂດ, ດ່ານວັງເຕົາ-ຊ່ອງເມັກ ແຂວງຈຳປາສັກ.
• * ການຂົນສົ່ງທາງອາກາດ: ມີ 2 ຈຸດ​ສຳຄັນ ຄື: ສະໜາມບິນສາກົນວັດໄຕ ແລະ ສະໜາມບິນສາກົນ ແຂວງ ຫລວງພະບາງ ຄາດວ່າໃ ນໄລຍະການ​ແຂ່ງຂັນ ຄະນະກຳມະການ ຈະກຽມລົດຂົນສົ່ງ ຄະນະນັກກິລາ ແລະ ຄະນະນຳ ຈາກປະເທດຕ່າງໆ ທັງໝົດກວ່າ 400 ຄັນໃນນັ້ນ ເປັນລົດເກັງ 143 ຄັນ, ລົດຕູ້ 205 ຄັນ ແລະ ລົດບັສ 66 ຄັນ.
• ແນວໃດກໍຕາມ, ນອກຈາກ ການກະກຽມໃນໜ້າວຽກ ທີ່ກ່າວມາຂ້າງເທີງແລ້ວ, ໃນດ້ານອື່ນໆເຊັ່ນ: ໂທລະຄົມມະນາຄົມ, ໂຄສະນາ ປະຊາສຳພັນເປັນຕົ້ນ ກໍກຳລັງມີການກະກຽມຢ່າງຕັ້ງໜ້າ ທັງນີ້ ກໍເພື່ອຮັບປະກັນ ໃຫ້ກັບງານແຂ່ງຂັນໃນຄັ້ງນີ້ ເຊິ່ງເປັນຄັ້ງທຳອິດ ແລະ ຄັ້ງປະຫວັດສາດຂອງຊາດລາວ.
• ໃນການ ເປັນເຈົ້າພາບຊີເກມສ໌ ຄັ້ງທີ XXV ປີ 2009 ນີ້, ສປປລາວ ຈະຈັດການແຂ່ງຂັນປະມານ 22 ເຖິງ 25 ປະເພດໃນ 3 ແຫ່ງຄື: ນະຄອນຫລວງວຽງຈັນ, ແຂວງ ຫລວງພະບາງ ແລະ ແຂວງສະຫວັນນະເຂດ.

ນັກວິໄຈໄດ້ເຕືອນເຖິງບັນດາຜູ້ຊາຍອາຍຸສູງໃຫ້ລະວັງການເສຍຊີວິດ ເພາະການກິນໄຂ່ອາທິດລະ 7 ໜ່ວຍ ຫລື ຫລາຍກວ່ານັ້ນ ເຊິ່ງເຮັດໃຫ້ ມີໂອກາດເສຍຊີວິດດ້ວຍສາເຫດຕ່າງໆ ເຖິງ 23% ແຕ່ສຳຫລັບຜູ້ຊາຍທີ່ເປັນໂລກເບົາຫວານນັ້ນ ການກິນໄຂ່ບໍ່ວ່າຈະຈັກໜ່ວຍກໍ່ ເພີ່ມຄວາມ ສ່ຽງທີ່ຈະເສຍຊີວິດໃນທຸກສາເຫດ

ໃນລະຍະຫລັງໄດ້ມີການເວົ້າໂຈດກັນວ່າ ການກິນໄຂ່ຫລາຍໜ້ອຍພຽງໃດກໍ່ຖືວ່າບໍ່ເປັນອັນຕະລາຍ ຈົນໄດ້ມີຜົນການວິໄຈຂັດແຍ້ງກັນຫລາຍອັນ ທີ່ໃຫ້ທັງຄຸນ ແລະໂທດຈາກການກິນໄຂ່ ເຊິ່ງເປັນອາຫານທີ່ມີຄໍເລສເຕີຣອລສູງ ປະມານ 220 ມິລິກັມ ຊຶ່ງອາດເຮັດໃຫ້ມີຄໍເລສເຕີຣອລ ສູງໃນເລືອດ ແລະ ສ່ຽງຕໍ່ການເປັນໂລກຫົວໃຈ

ຜູ້ຊ່ຽວຊານຫລາຍທ່ານໄດ້ເວົ້າວ່າ: ໄດ້ມີການຂະຫຍາຍເລື່ອງຄວາມສ່ຽງເຫລົ່ານີ້ຫລາຍເກີນຄວາມເປັນຈິງ ເພາະຄົນທີ່ມີສຸຂະພາບດີເກືອບ ທຸກຄົນ ສາມາດກຳຈັດທາດຄໍເລສເຕີຣອລຈາກອາຫານໄດ້ເອງຕາມທຳມະຊາດຢູ່ແລ້ວ ແຕ່ຢ່າງໃດກໍ່ຕາມ ດຣ. ລຸກ ຈູສ ແລະ ດຣ. ເຈ ໄມເຄິລ ກາເຊຍໂນ ຈາກໂຮງໝໍຍິງບຣິກແຣມ ແລະ ຄະນະແພດສາດ ມະຫາວິທະຍາໄລຮາຣ໌ວາດ ໄດ້ວິເຄາະຜົນການສຶກສາທາງການແພດ ຈາກຜູ້ຊາຍ ຈຳນວນ 21,327 ຄົນ ເປັນເວລາ 20 ປີ ແລະ ພົບວ່າປະລິມານການກິນໄຂ່ແມ່ນມີຜົນຕໍ່ສຸຂະພາບທີ່ດີໄດ້

ຄະນະນັກວິໄຈກ່າວໃນລາຍງານທີ່ຕີພິມໃນ ວ່າ: ການກິນໄຂ່ອາທິດລະ 6 ໜ່ວຍ ບໍ່ໄດ້ເພີ່ມຄວາມສ່ຽງຕໍ່ການເສຍຊີວິດດ້ວຍໂລກໃດໆ ແຕ່ການກິນໄຂ່ອາທິດລະ 7 ໜ່ວຍ ຫລື ຫລາຍກວ່ານັ້ນ ຈະເຮັດໃຫ້ມີໂອກາດເສຍຊີວິດເພີ່ມຂື້ນ ເຖິງ 23%

ຢ່າງໃດກໍ່ຕາມ ໃນກຸ່ມຜູ້ຊາຍທີ່ເປັນໂລກເບົາຫວານ ການກິນໄຂ່ຈະເພີ່ມໂອກາດເສຍຊີວິດໄດ້ທຸກສາເຫດ ແລະ ມີແນວໂນ້ມທີ່ຈະເຮັດໃຫ້ ເປັນໂລກຫົວໃຈ ແລະ ໂລກເສັ້ນເລືອດສະໝອງ, ນັກວິໄຈໄດ້ເນັ້ນວ່າ: ຜົນການສຶກສານີ້ບໍ່ໄດ້ໝາຍເຖິງປະຊາກອນທົ່ວໄປ ເພາະນັກວິໄຈ ບໍ່ຮູ້ວ່າ ພວກຄົນເຫລົ່ານັ້ນໄດ້ກິນອາຫານປະເພດໃດແດ່ ແລະ ມີວິທີການປຸງໄຂ່ແນວໃດ

ຕາມຂໍ້ມູນ ຜູ້ຊາຍກຸ່ມທີ່ກິນໄຂ່ຫລາຍທີ່ສຸດມັກຈະເປັນພວກທີ່ມີອາຍຸຫລາຍ, ຕຸ້ຍ, ດື່ມແອລກໍຮໍ, ສູບຢາ ແລະ ຂາດການກຳລັງກາຍ ປັດໄຈ ເຫລົ່ານີ້ລ້ວນເພີ່ມໂອກາດສ່ຽງຕໍ່ອາການຫົວໃຈວາຍ ແລະ ເສຍຊີວິດຕໍ່ຜົນວິໄຈດັ່ງກ່າວ, ນັກໂພຊະນາການ ວິຕໍເຣຍ ເທຍ໌ເລີຣ໌ ແຫ່ງມູນນິທິ ໂລກຫົວໃຈຂອງອັງກິດ ບອກວ່າ: ຂໍ້ຈຳກັດຂອງການສຶກສາເລື່ອງນີ້ກໍ່ຄື: ບໍ່ມີຂໍ້ມູນວ່າພວກໝໍທີ່ຖືກສຶກສານັ້ນ ກິນອາຫານຢ່າງອື່ນບໍ່? ສະນັ້ນ, ເຮົາຍັງຄົງຕ້ອງແນະນຳວ່າ ຄົນເຮົາສາມາດກິນໄຂ່ຫລາຍຊຳເທົ່າໃດກໍ່ບໍ່ຈຳກັດ, ເຮົາປະຊາສຳພັນໃຫ້ປະຊາຊົນຫລຸດການບໍລິໂພກໄຂມັນ ອິ່ມໂຕຫລາຍກວ່າຄໍເລສເຕີຣ໌ຣອລໃນອາຫານ.