ໄດອາຣີ່ຂອງ Seng ປ່ຽນແຟນຫຼາຍຫົນບໍໄດ້ແປວ່າເປັນຄົນຫຼາຍໃຈ@ @ການກັບມາ: ແປ້ງນົວ ເພີ່ມລົດຊາດອາຫານແທ້ບໍ ?

ຂຽນເມື່ອ: ກ.ພ.. 15, 2011 | ມີ 7 ຄຳເຫັນ ແລະ 0 trackback(s)

ໃນປະຈຸບັນການປຸງແຕ່ງອາຫານທຸກຊະນິດບໍ່ວ່າຈະເປັນການປຸງແຕ່ງ ອາຫານພາຍໃນຄອບຄົວ ຫລື ຕາມຮ້ານຂາຍອາຫານຕ່າງໆ ມັກຈະໃຊ້ແປ້ງນົວເພາະ ເຊື່ອວ່າຈະເພີ່ມລົດຊາດຂອງອາຫານ ຫລາຍຄົນໃຫ້ເຫດຜົນງ່າຍໆວ່າຕິດໃຈໃນລົດ ຊາດຂອງອາຫານ ທີ່ໃສ່ ແປ້ງ ນົວເລີຍເຮັດໃຫ້ຕົນເອງກາຍ ເປັນຄົນທີ່ຕິດ ແປ້ງນົວ ໄປຢ່າງບໍ່ຮູ້ສຶກຕົວ. ການໃຫ້ຄວາມສຳຄັນຕໍ່ແປ້ງນົວໃນການປຸງ ແຕ່ງອາຫານ ທຸກ ເທື່ອຈົນເບິ່ງຄືວ່າແປ້ງນົວກາຍເປັນປັດໄຈຫລັກທີ່ ເຮັດໃຫ້ອາຫານ ນັ້ນ ແຊບ ແຕ່ມີໃຜຄິດບໍ່ວ່າແປ້ງນົວມີປະໂຫຍດຕໍ່ຮ່າງກາຍ ເຮົາ ແທ້ບໍ່?.
ແປ້ງນົວເປັນສານປຸງແຕ່ງອາຫານປະເພດໜຶ່ງທີ່ຜະລິດຈາກແປ້ງມັນ ຕົ້ນ ຫລື ກາກນ້ຳຕານ. ແປ້ງນົວຈະມີ 3 ປະເພດຄື: ແປ້ງນົວແທ້ ທີ່ມີລັກສະນະເປັນເມັດສີ ຂາວຂຸ່ນມີລົດຊາດຄ້າຍຄືຊີ້ນຕົ້ມເມື່ອນຳລົງໄປປະສົມອາຫານຈະ ຊ່ວຍໃຫ້ອາຫານນັ້ນນົວຂຶ້ນ. ນອກນັ້ນຍັງມີແປ້ງນົວແບບປະສົມ ແລະ ແປ້ງນົວຊະນິດຝຸ່ນ ອີກ. ໂດຍທົ່ວໄປແລ້ວປະໂຫຍດຂອງແປ້ງນົວແມ່ນ ມີພຽງແຕ່ຊ່ວຍເພີ່ມລົດ ຊາດຂອງອາຫານເທົ່ານັ້ນ, ແຕ່ພວກມັນບໍ່ແມ່ນສິ່ງຈຳເປັນສຳລັບຮ່າງກາຍເລີຍ; ໃນທາງກົງກັນຂ້າມຖ້າຮ່າງກາຍໄດ້ຮັບແປ້ງ ນົວ ຫລາຍເກີນໄປກໍ່ຈະເປັນອັນຕະລາຍໄດ້. ອັນຕະລາຍຈາກການກິນແປ້ງນົວໃນປະລິມານຫລາຍນັ້ນຈະເຮັດ ໃຫ້ ຜູ້ ກ່ຽວມີອາການປວດຮາກ, ເຈັບຫົວ, ອ່ອນເພຍ ແລະ ອາດເຮັດໃຫ້ລະບົບບາງສ່ວນຂອງປະສາດໂດຍສະເພາະປະສາດກ່ຽວກັບຄວາມ ຮູ້ສຶກປະຕິບັດໜ້າທີ່ຜິດ ພາດ ຊຶ່ງເກີດຜົນບໍ່ດີຕໍ່ສຸຂະພາບ ແຕ່ອາການນີ້ອາດຈະເປັນກັບບາງຄົນເທົ່ານັ້ນທີ່ຮ່າງກາຍມີຄວາມ ຮູ້ສຶກໄວຕໍ່ສານປະເພດນີ້.
ອາຫານຖ້າຈະກິນໃຫ້ແຊບນັ້ນແມ່ນຕ້ອງຂຶ້ນກັບການຄົວກິນ, ການປຸງແຕ່ງ ແລະ ການເລືອກຊື້ອາຫານທີ່ສົດໃໝ່ບໍ່ວ່າຈະເປັນຜັກ ຫລື ຊີ້ນ. ຄວາມແຊບແບບ ທຳມະ ຊາດເຮັດໃຫ້ອາຫານຊວນກິນ ແລະ ປອດໄພ , ແຕ່ບໍ່ແມ່ນຂື້ນຢູ່ກັບແປ້ງນົວຊະນິດໃດຊະນິດໜຶ່ງຢ່າງດຽວ. ສຳລັບບາງຄອບຄົວທີ່ຢາກເຊົາກິນແປ້ງນົວ ກໍ່ຄ່ອຍໆຫລຸດຜ່ອນປະລິມານລົງ ແລ້ວຄ່ອຍໆກ້າວສູ່ການເຊົາກິນຂາດຕົວ. ຢ່າງໃດກໍ່ດີ່ຖ້າຈຳເປັນຕ້ອງຊື້ ແລະ ບໍລິໂພກແປ້ງນົວກໍຄວນພິຈາລະນາໃຫ້ຄັກ ແນ່, ຖົງທີ່ບັນຈຸແປ້ງນົວຍັງຢູ່ໃນສະພາບດີ ຫລື ບໍ່, ບໍ່ຖືກຈີກຂາດ, ມີສະ ຫລາກບອກຊື່ຂອງແປ້ງນົວ, ສ່ວນປະກອບໃນການຜະລິດ, ວັນເດືອນປີທີ່ຜະລິດທີ່ຍັງ ຮັບປະ ກັນວ່າບໍ່ທັນໝົດ ອາຍຸການນຳໃຊ້ ແລະ ສຳຄັນແມ່ນເຄື່ອງໝາຍຮັບຮອງຄຸນນະພາບຈາກອາຫານ ແລະ ຢາ ຂອງປະເທດທີ່ຜະລິດ./.

ກັບໄປໄດອາຣີ່ຂອງ Seng ປ່ຽນແຟນຫຼາຍຫົນບໍໄດ້ແປວ່າເປັນຄົນຫຼາຍໃຈ@ @ການກັບມາ

ແຈ້ງເນື້ອຫາບໍ່ເໝາະສົມ

Seng ປ່ຽນແຟນຫຼາຍຫົນບໍໄດ້ແປວ່າເປັນຄົນຫຼາຍໃຈ@ @ການກັບມາ

ເບິ່ງທັງໝົດ

ອ່ານຄືນຫຼັງ

2012 (2)
2011 (7)
2010 (2)

ໝວດໝູ່

ໝາຍເຫດ: ບົດຄວາມ, ຂໍ້ຂຽນ, ຄຳເຫັນຕ່າງ ໆ ທີ່ມີໃນໜ້ານີ້ ຖືກສົ່ງເຂົ້າມາໂດຍສາທາລະນະຊົນ ແລະຖືກເຜີຍແຜ່ໂດຍອັດຕະໂນມັດ ບໍ່ໄດ້ຜ່ານການກວດສອບຈາກທີມງານ ດັ່ງນັ້ນ ຈຶ່ງຂໍໃຫ້ທ່ານຜູ່ອ່ານຈົ່ງໃຊ້ວິຈາລະນະຍານ ແລະຖືຄະຕິ ກາລາມະສູດ : ພິຈາລະນາກ່ອນເຊື່ອ ໃນການຮັບຮູ້ຂໍ້ມູນຕ່າງ ໆ ທີ່ມີໃນໜ້າເວັບນີ້ ຫາກທ່ານພົບວ່າມີຂໍ້ຄວາມໃດທີ່ບໍ່ເໝາະສົມ ຫຼືຜິດຕໍ່ລະບຽບກົດໝາຍ ທ່ານສາມາດແຈ້ງເນື້ອຫາບໍ່ເໝາະສົມໄດ້ ຫຼືຕິດຕໍ່ທີມງານພັນລາວໂດຍກົງ ຂໍຂອບໃຈ.