![ຂຽນເມື່ອ](./images/icons/wrote.png) ຂຽນເມື່ອ: ມ.ນ.. 23, 2012
| ມີ
6 ຄຳເຫັນ
ແລະ
0 trackback(s)
ສະບາຍດີໝູ່ເພື່ອນອ້າຍເອື້ອຍນ້ອງທູກຄົນວ່າງບໍ່ດົນມານີ້ຢູ່ທີ່ລັດມິນີໂຊຕ້າ ສະຫະລັດອາເມລິກາ ໄດ້ມີປະກົດການທີ່ເຮັດໄຫ້ຄົນລາວແລະຄົນເອເຊຍທີ່ດຳລົງຊີວິດຢູ່ທີ່ນັ້ນມີຄວາມພາກພູມໃຈທູກທົ່ວໜ້າເມື່ອນາງສາວນິຕະຍາ ປານມະໄລທອງໄດ້ຮັບມົງກູດນາງງາມມິນິໂຊຕ້າ ເຊິ່ງເປັນຄົນເອເຊຍຄົນທຳອິດທີ່ໄດ້ຮັບມົງກູດນີ້ແລະຕໍ່ໄປແມ່ນນາງຈະເຂົ້າຮ່ວມການປະກວດນາງງາມສະຫະລັດອາເມລິກາເພື່ອຍາດສິດໄນການເປັນຕົວແທນນາງງາມສະຫະລັດເຂົ້າຮວ່ມການປະກວດນາງງາມຈັກກະວານ ເຮົາໃນຖານະຄົນລາວຄວນພາກພູມໃຈເພາະມັນເຮັດໄຫ້ຊາວໂລກໄດ້ຮູ້ວ່າສາວລາວງາມບໍ່ແພ້ຊາດໄດໄນໂລກ ຜູ້ໄດສົນໃຈເຊີນເຂົ້າຊົມທີ່ເວັບໄຊ້ www.youtube.com,ແລະເຊີດຫາທີ່ miss minisota USA 2012 ຂອບໃຈ
|
![ຂຽນເມື່ອ](./images/icons/wrote.png) ຂຽນເມື່ອ: ມ.ນ.. 8, 2012
| ມີ
6 ຄຳເຫັນ
ແລະ
0 trackback(s)
ການອານາໄມເຮືອນຊານບ້ານຊ່ອງ ອາດຈະເຮັດໃຫ້ເກີດອຸບັດຕິເຫດ ແລະ ເກີດບາດແຜໄດ້ ຖ້າຫາກຮັກສາບາດແຜບໍ່ດີກໍ່ພາໃຫ້ເກີດພະຍາດແຊກຊ້ອນໄດ້ ເຊັ່ນ: ບາດແຜເປັນ ໜອງ ຈາກການຕິດເຊື້ອແບກທີເລຍ ຖ້າຫາກເປັນດົນນານຊີ້ນ ບໍລິເວນບາດແຜອາດເນົ່າເປື່ອຍ ອາດຕ້ອງຕັດອະໄວຍະວະສ່ວນນັ້ນຖີ້ມໄປ ຫຼື ອາດເສຍຊີວິດໄດ້ ແລະ ຫາກຕິດເຊື້ອໂລກ ບາດທະຍັກເຂົ້າສູ່ຮ່າງກາຍທາງບາດແຜ ອາດເຮັດໃຫ້ເສຍຊີວິດໄດ້ເຊັນດຽວກັນ. ດັ່ງນັ້ນຈຶ່ງ ຄວນໄດ້ຮັບການ ຊັກຢາວັນຊິນກະຕຸ້ນ ເພື່ອປ້ອງກັນເຊື້ອໂລກບາດທະຍັກທຸກໆ 10 ປີ ແລະ ຕ້ອງຄິດຢູ່ສະເໝີວ່າ ບໍ່ວ່າບາດແຜຈະນ້ອຍ ຫຼື ໃຫ່ຍຫາກເປິເປື້ອນຈາກເຊື້ອໂລກ ອາດກໍ່ໃຫ້ເກີດເປັນບາດທະຍັກໄດ້ ຄວນຂໍຄຳແນະນຳຈາກແພດ ເລື່ອງສັກວັນຊິນເພື່ອກັນບາດ ທະຍັກ. ການປະຕິບັດເມື່ອເກີດບາດແຜ
1. ບາດແຜທີ່ບໍ່ເລິກຈະມີເລືອດອອກເລັກນ້ອຍ ແລະ ເຊົາໄດ້ເອງ ບາດແຜຈໍາພວກນີ້ບໍ່ ຄ່ອຍເປັນອັນຕະລາຍ ໃຫ້ອານາໄມບາດແຜໂດຍໃສ່ຢາຂ້າເຊື້ອເຊັ່ນ: ເບຕາດິນ ບໍ່ຈຳ ເປັນ ຕ້ອງປິດບາດແຜ ແລະ ບາດແຜກໍ່ຈະເຊົາເອງ 2. ບາດແຜເປັນຮອຍກ້ວາງ ເປັນບາດແຜທີ່ເກີດຈາກການກະທົບທີ່ຮຸນແຮງ ຫາກເປັນວັດຖຸທີ່ບໍ່ມີຄົມບາດ ແຜມັກເປັນຮອຍກ້ວາງ ບາດແຜຊະນິດນີ້ເຮັດ ໃຫ້ເນື້ອເຍື້ອຖືກທຳລາຍ ແລະ ມີໂອກາດຕິດເຊື້ອຫຼາຍ ຄວນອານາໄມບາດແຜໃຫ້ສະອາດ ຖ້າບາດແຜເລິກຫຼາຍຄວນນຳສົ່ງໂຮງໝໍ ເພາະຄົນເຈັບອາດ ໄດ້ຮັບອັນຕະລາຍຈາກການຕິດເຊື້ອໂລກໄດ້. ການອານາໄມບາດແຜ - ລ້າງມືໃຫ້ສະອາດກ່ອນເຮັດບາດແຜ ເພື່ອຊ່ວຍຫຼຸດຈຳນວນເຊື້ອໂລກຢູ່ມື.
- ໃຊ້ສຳລີສະອາດຈູ່ມນໍ້າຢາລ້າງ (ແອລກໍຮໍ) ເຊັດຮອບໆບາດແຜໂດຍເຊັດຈາກທາງ ໃນວົນມາທາງ ນອກທາງດຽວ ບໍ່ຕ້ອງເຊັດລົງໃນບາດແຜ
- ໃສ່ຢາຂ້າເຊື້ອເຊັ່ນ: ເບຕາດິນ ລົງໃນບາດແຜ ເພື່ອບໍ່ໃຫ້ເກີດການຕິດເຊື້ອ
- ປິດບາດແຜດ້ວຍປລາສເຕີ ບໍ່ໃຫ້ໃຊ້ສຳລີປິດບາດແຜ ເພາະເມື່ອບາດແຜແຫ້ງແລ້ວຈະຕິດ ກັບສຳລີ ເຮັດໃຫ້ດຶງອອກຍາກເກີດຄວາມເຈັບປວດ ແລະ ອາດເຮັດໃຫ້ເລືອດໄຫຼອອກໄດ້ ອີກ.
- ອານາໄມບາດແຜເປັນປະຈຳທຸກຯມື້ ຫຼີກລຽງບໍ່ໃຫ້ບາດແຜເປິເປື້ອນ ຫຼື ປຽກນໍ້າເພາະ ອາດ ເຮັດໃຫ້ບາດແຜເກີດການອັກເສບເປັນໜອງ ແລະ ເຮັດໃຫ້ບາດແຜນານເຊົາ
- ສັງເກດການອັກເສບຂອງບາດແຜເຊັ່ນ: ໄຄ່, ແດງ, ຮ້ອນ, ສີຜີວຂອງບາດແຜປ່ຽນໄປ ມີໜອງ ຄວນຟ້າວໄປພົບແພດເພື່ອຮັກສາຕໍ່ໄປ.
- ປຶກສາແພດເພື່ອປະເມີນວ່າຈຳເປັນຕ້ອງຮັບການສັກຢາວັກຊິນປ້ອງກັບບາດທະຍັກ ຫຼື ບໍ່
|
![ຂຽນເມື່ອ](./images/icons/wrote.png) ຂຽນເມື່ອ: ທ.ວ.. 3, 2011
| ມີ
12 ຄຳເຫັນ
ແລະ
0 trackback(s)
ຕາມທີ່ໄດ້ຕິດຕາມໂຄງການປະກວດນາງສາວລາວປະຈຳປີ 2011 ເຫັນວ່າຜົນຕອບຮັບແມ່ນດີຫຼາຍ ໂດຍສະເພາະນາງສາວທີ່ໄດ້ຄົ້ວອັນດັບໜື່ງໄປນັ້ນງາມຈົນຕອ້ງຕານານາປະເທດແລະທູກຄົນໄຜໄຜກໍ່ຢາກເຫັນນາງສາວລາວຂື້ນແຂ່ງຂັນເທິງເວທີສາກົນບໍ່ວ່າຈະເປັນນາງງາມໂລກ ນາງງາມຈັກກະວານ ເພາະຖ້າຄວາມງາມແລ້ວແມ່ນບໍ່ແພ້ຊາດໄດໄນໂລກຕາມຄວາມຄິດເຫັນຂອງຕົນແລ້ວຢາກເຫັນວັນໜື່ງທີ່ນາງສາວລາວໄດ້ອວດໂສມເທິງເວທີສາກົນເຊື່ອແນ່ວ່າຄວາມງາມທີ່ເປັນເອກະລັກຕຳແໜ່ງນາງງາມຈັກກະ ກະວານຄົງບໍ່ໄກເກີນຝັນ
|
![ຂຽນເມື່ອ](./images/icons/wrote.png) ຂຽນເມື່ອ: ພ.ຈ.. 13, 2011
| ມີ
10 ຄຳເຫັນ
ແລະ
0 trackback(s)
* ນັກວິໄຈທາງການແພດ ພົບວ່າ ອາການເລືອດແຂງຕົວເປັນກ້ອນຂອງຄົນເຈັບທີ່ມີອາການໃກ້ຈະ ເສຍຊີວິດລາຍຫນຶ່ງມີສາ ເຫດມາ ຈາກການທີ່ໃຊ້ເວ ລານັ່ງ ເຮັດວຽກຢ່າງຕໍ່ເນື່ອງກັບຄອມພິວເຕີດົນນາເກີນໄປ ໂດຍບໍ່ໄດ້ມີການເຄື່ອນເຫນັງຮ່າງກາຍ ຫລື ລຸກອອກໄປ ທາງ ໃດເລີຍ ທັງນີ້ກໍ່ເພາະວ່າ ຄອມພິວເຕີ ສາມາດ ເຮັດ ໃຫ້ຄົນຕາຍໄດ້, ແຕ່ກໍບໍ່ໄດ້ຫມາຍເຖິງນັກຫລິ້ນເກມ ທີ່ຕາຍຕໍ່ຫນ້າເຄື່ອງຄອມ ພິວ ເຕີຫລັງຈາກອົດອາຫານແລະນ້ຳຕໍ່ເນື່ອງເປັນເວລາຫລາຍວັນ,ແຕ່ຫມາຍ ເຖິງຜູ້ໃດກໍຕາມ ທີ່ຈະໄດ້ຮັບ ຜົນກະທົບຈາກ ການ ໃຊ້ເວ ລາຫລາຍຊົ່ວໂມງ ຢູ່ຕໍ່ຫນ້າໂຕະຄອມພິວເຕີ. ນັກວິໄຈ ປະເທດນິວຊີແລນ ພົບເຫັນວ່າການນັ່ງເຮັດວຽກກັບຄອມພິວເຕີເປັນເວລາ ຫລາຍ ຊົ່ວໂມງ ອາດຈະເຮັດໃຫ້ເລືອດແຂງຕົວ ເປັນກ້ອນ ຊຶ່ງເປັນອັນຕະ ລາຍແລະ ສາ ມາດ ເສຍຊິວິດໄດ້ ຊຶ່ງມີລັກສະນະຄ້າຍຄືກັນກັບການເກີດອາການທີ່ເອີ້ນກັນວ່າ DEEP VEIN THROMBOSIS ທີ່ເກີດຈາກການນັ່ງເຮືອບິນ ໃນໄລຍະທາງໄກໆໂດຍ ສະ ເພາະ ຊັ້ນທີ່ນັ່ງມີລາຄາປະຢັດບາງທີ ເອີ້ນອາການນີ້ ວ່າ ECONOMY CLASS SYSDROME. ຄວາມເປັນຈິງກ່ຽວກັບເລື່ອງນີ້ ຖືກ ຄົ້ນພົບໂດຍ ນັກວິໄຈທີ່ໄດ້ຂໍ້ມູນວ່າ ຜູ້ຊາຍໃນໄວອາຍຸ 32 ປີ ຄົນຫນຶ່ງ ຊຶ່ງໄດ້ນັ່ງເຮັດວຽກຢູ່ຕໍ່ຫນ້າຄອມພິວເຕີປະມານ 18 ຊົ່ວໂມງຕໍ່ວັນ ຊຶ່ງມີອາການບໍ່ຮູ້ສຶກຕົວ ເນື່ອງຈາກເກີດມີອາການເລືອດ ແຂງຕົວເປັນກ້ອນໂດຍກ້ອນເລືອດທີ່ເກີດຂຶ້ນນີ້ຈະຢູ່ໃນບໍລິເວນຂາ ຂອງລາວເອງ ກ່ອນທີ່ ຈະ ແຕກກະຈາຍ ແລະ ແລ່ນໄປໃສ່ ປອດທັງສອງເບື້ອງຂອງລາວອີກເທື່ອຫນຶ່ງ ຊຶ່ງອາການນີ້ເອີ້ນວ່າ DEEP VEIN THROMBOSIS, ທັງນີ້ ຈະເກີດ ຂຶ້ນເມື່ອເວລາມີ ເລືອດ ຂຸ້ນຢູ່ໃນເສັ້ນເລືອດດຳ ຊຶ່ງມັນຈະຄ່ອຍໆ ປ່ຽນຕົວມັນເອງໄປເປັນກ້ອນເລືອດ. ຈະສາມາດສັງເກດເຫັນໄດ້ຢ່າງຈະແຈ້ງຄື: ຂາຈະເລີ່ມມີອາການບວມ, ສ່ວນອາການທີ່ອັນຕະລາຍຈະເກີດຂຶ້ນ ເມື່ອມີເລືອດແຕກ ອອກ ແລະ ແລ່ນໄປເຖິງ ຫົວ ໃຈ ຫລື ອະໄວຍະວະພາຍໃນທີ່ສຳຄັນ ຂອງຮ່າງກາຍ ຊຶ່ງອາການດັ່ງກ່າວນີ້ບໍ່ສາມາດຄາດຄະເນ ຫລື ເດົາເອົາໄດ້. ມີຂໍ້ແນະນຳຂອງທາງການແພດ ຊຶ່ງນອກຈາກທີ່ຈະບໍ່ຄວນນັ່ງເຮັດວຽກ ຫລື ຫລິ້ນຄອມພິວເຕີດົນນານຈົນເກີນໄປແລ້ວ, ຖ້າຫລີກ ເວັ້ນ ບໍ່ໄດ້ ໃນຂະນະ ທີ່ຮູ້ສຶກ ວ່ານັ່ງດົນນານແລ້ວ ໃຫ້ພະຍາຍາມ ເຫນັງຕີງ ແລະ ເຄື່ອນໄຫວຂໍ້ຕີນຂໍ້ມື ພ້ອມທັງດື່ມນ້ຳ , ແຕ່ບໍ່ຄວນດື່ມ ເຫລົ້າ. ນອກຈາກນີ້, ຜູ້ທີ່ໃຊ້ຄອມພິວເຕີທີ່ນັ່ງດົນນານ ກໍຄວນຈະລຸກຂຶ້ນ ແລະ ຢຽດຂາ ເທື່ອລະຊົ່ວໂມງ. ການນັ່ງເຮັດວຽກດ້ວຍຄອມ ພິວເຕີ ຢູ່ໃນທ່າທາງທີ່ຖືກຕ້ອງ ຈະເຮັດໃຫ້ສາມາດຫລຸດຜ່ອນຄວາມສ່ຽງລົງໄດ້, ແຕ່ຊ່ຽວຊານບາງທ່ານຍັງໃຫ້ຂໍ້ສັງເກດວ່າ ຜູ້ທີ່ນຳ ໃຊ້ຄອມພິວເຕີໂນດບຸກ ຈະມີຄວາມສ່ຽງຕໍ່ອາການຜິດປົກກະຕິ 2 ເທື່ອໂດຍສະເພາະຜູ້ທີ່ຕ້ອງ ໄດ້ນັ່ງເຮັດວຽກ ດ້ວຍໂນດ ບູກໃນຊັ້ນທີ່ນັ່ງ ລາຄາປະຢັດຢູ່ເທິງເຮືອບິນ./.
|
![ຂຽນເມື່ອ](./images/icons/wrote.png) ຂຽນເມື່ອ: ກ.ພ.. 25, 2011
| ມີ
6 ຄຳເຫັນ
ແລະ
0 trackback(s)
ຜົນການສຶກສາຄົ້ນຄວ້າ ໃນ ປະເທດ ອັງກິດ ພົບວ່າ ໂດຍທົ່ວ ໄປແລ້ວການກິນຜັກມັກມີຄວາມ ສ່ຽງເປັນມະເຮັງຫນ້ອຍກວ່າ ຜູ້ກິນ ຊີ້ນສັດ ແຕ່ພັດມີຄວມສ່ຽງ ເປັນ ພະຍາດມະເຮັງລຳໄສ້ເທົ່າກັັນ ແລະ ເປັນພະຍາດມະເຮັງປາກມົດລູກ ເພີ່ມຂຶ້ນ.
ວາລະສານພະຍາດມະເຮັງ ໄດ້ລົງພິມຜົນການສຶກສາຄົ້ນຄວ້າ ຂອງນັກວິທະຍາສາດ ມະຫາວິທະຍາໄລ ຂອງ ອັງກິດ ແລະ ນິວຊີ ແລນ ວ່າ ຈາກການຕິດ ຕາມ ການສຶກສາ ກັບຊາຍ-ຍິງ ອັງກິດ ລວມມີ 61.566 ຄົນ ປະກອ ບດ້ວຍຜູ້ກິນ ຊີ້ນສັດ, ຜູ້ກິນປາ ແຕ່ບໍ່ກິນຊີ້ນ ສັດອື່ນໆ ແລະ ຜູ້ກິນແຕ່ຜັກ ໂດຍ ລວມແລ້ວ ຈະມີ ຄົນເປັນ ມະ ເຮັງ 33 ໃນ 100 ຄົນ ເມື່ອແຍກພະ ຍາດມະເຮັງ ພົບວ່າ ຜູ້ທີ່ເປັນພະຍາດ ມະເຮັງຕ່ອມນ້ຳເຫລືອງ ແລະ ມະເຮັງ ຫລອດເລືອດຫນ້ອຍກວ່າ ຜູ້ ກິນຊີ້ນ ສັດ ເຖິງເຄິ່ງຫນຶ່ງເປັນມະ ເຮັງເມັດເລືອດຂາວ ຊະນິດມັນ ຕິເພິໄມອິໂລມາ ຫນ້ອຍກວ່າ ຜູ້ກິນຊີ້ນສັດ ເຖິງ 3/4. ສ່ວນຜູ້ກິນປາ ບໍ່ພົບວ່າ ມີຄວາມສ່ຽງເປັນພະ ຍາດມະເຮັງເຫລົ່ານີ້ ຫລຸດລົງ ຫລາຍກວ່າ. ສັນຕິຖານວ່າ ກົນໄກ ບາງຢ່າງເຊັ່ນ ເຊື້ອໄວຣັດ ແລະ ຢີນກາຍພັນ ອາດ ເຮັດໃຫ້ຊີ້ນສັດ ມີສານ ສ້າງມະເຮັງ ຫລືບໍ່ ກໍອາດ ເກີດ ຈາກການທີ່ຜັກມີສານປ້ອງກັນ ພະຍາດມະເຮັງ. ນັກວິໄຈພົບອີກວ່າ ຜູ້ມັກກິນຜັກ ແລະ ກິນປາ ມີ ຄວາມສ່ຽງເປັນມະເຮັງ ກະ ເພາະອາຫານ ພຽງ 1/3 ຂອງຜູ້ກິນຊີ້ນສັດ ຄາດວ່າ ເປັນເພາະສານອຸນຫະພູມສູງ ຫລາຍອາດເຮັດໃຫ້ເກີດສານກໍ່ພະຍາດມະເຮັງ. ຂະນະດຽວກັນ ຜູ້ມັກກິນຜັກ ພັດມີຄວາມສ່ຽງ ເປັນມະເຮັງລຳໄສ້ ບໍ່ຕ່າງຈາກຜູ້ກິນຊີ້ນສັດ ແລະມີ ຄວາມສ່ຽງເປັນ ພະຍາດມະເຮັງ ປາກມົດລູກ 2 ເທົ່າ ຂອງຜູ້ ກິນຊີ້ນສັດ ເຊັ່ນດຽວກັນກັບຜູ້ກິນປາ ເຊິ່ງສັນນິຖານວ່າ ປັດໄຈດ້ານໂພຊະນາການ ອາດ ມີຜົນຕໍ່ເຊື້ອໄວຣັດ ທີ່ເປັນສາເຫດ ຂອງມະເຮັງ ປາກມົດລູກ. ຢ່າງໃດກໍ ຕາມ ຄະນະວິທະຍາສາດ ຂໍໃຫ້ຢ່າຟ້າວຫາຂໍ້ສະຫລຸບ ຈາກຜົນການສຶກສາຄົ້ນ ຄວ້າ ສະບັບນີ້ ເພາະເປັນພຽງຜົນການສຶກສາດຽວ ຈະຕ້ອງສ້າງການສຶກສາເພີ່ມ ຕື່ມ ແລະ ຂໍໃຫ້ຜູ້ທີ່ກິນ ອາຫານໄດ້ສົມດຸນຢູ່ແລ້ວ ຢາຟ້າວ ປ່ຽນ ແປງຮູບແບບ ການກິນອາຫານ./.
|
![ຂຽນເມື່ອ](./images/icons/wrote.png) ຂຽນເມື່ອ: ກ.ພ.. 15, 2011
| ມີ
7 ຄຳເຫັນ
ແລະ
0 trackback(s)
ໃນປະຈຸບັນການປຸງແຕ່ງອາຫານທຸກຊະນິດບໍ່ວ່າຈະເປັນການປຸງແຕ່ງ ອາຫານພາຍໃນຄອບຄົວ ຫລື ຕາມຮ້ານຂາຍອາຫານຕ່າງໆ ມັກຈະໃຊ້ແປ້ງນົວເພາະ ເຊື່ອວ່າຈະເພີ່ມລົດຊາດຂອງອາຫານ ຫລາຍຄົນໃຫ້ເຫດຜົນງ່າຍໆວ່າຕິດໃຈໃນລົດ ຊາດຂອງອາຫານ ທີ່ໃສ່ ແປ້ງ ນົວເລີຍເຮັດໃຫ້ຕົນເອງກາຍ ເປັນຄົນທີ່ຕິດ ແປ້ງນົວ ໄປຢ່າງບໍ່ຮູ້ສຶກຕົວ. ການໃຫ້ຄວາມສຳຄັນຕໍ່ແປ້ງນົວໃນການປຸງ ແຕ່ງອາຫານ ທຸກ ເທື່ອຈົນເບິ່ງຄືວ່າແປ້ງນົວກາຍເປັນປັດໄຈຫລັກທີ່ ເຮັດໃຫ້ອາຫານ ນັ້ນ ແຊບ ແຕ່ມີໃຜຄິດບໍ່ວ່າແປ້ງນົວມີປະໂຫຍດຕໍ່ຮ່າງກາຍ ເຮົາ ແທ້ບໍ່?. ແປ້ງນົວເປັນສານປຸງແຕ່ງອາຫານປະເພດໜຶ່ງທີ່ຜະລິດຈາກແປ້ງມັນ ຕົ້ນ ຫລື ກາກນ້ຳຕານ. ແປ້ງນົວຈະມີ 3 ປະເພດຄື: ແປ້ງນົວແທ້ ທີ່ມີລັກສະນະເປັນເມັດສີ ຂາວຂຸ່ນມີລົດຊາດຄ້າຍຄືຊີ້ນຕົ້ມເມື່ອນຳລົງໄປປະສົມອາຫານຈະ ຊ່ວຍໃຫ້ອາຫານນັ້ນນົວຂຶ້ນ. ນອກນັ້ນຍັງມີແປ້ງນົວແບບປະສົມ ແລະ ແປ້ງນົວຊະນິດຝຸ່ນ ອີກ. ໂດຍທົ່ວໄປແລ້ວປະໂຫຍດຂອງແປ້ງນົວແມ່ນ ມີພຽງແຕ່ຊ່ວຍເພີ່ມລົດ ຊາດຂອງອາຫານເທົ່ານັ້ນ, ແຕ່ພວກມັນບໍ່ແມ່ນສິ່ງຈຳເປັນສຳລັບຮ່າງກາຍເລີຍ; ໃນທາງກົງກັນຂ້າມຖ້າຮ່າງກາຍໄດ້ຮັບແປ້ງ ນົວ ຫລາຍເກີນໄປກໍ່ຈະເປັນອັນຕະລາຍໄດ້. ອັນຕະລາຍຈາກການກິນແປ້ງນົວໃນປະລິມານຫລາຍນັ້ນຈະເຮັດ ໃຫ້ ຜູ້ ກ່ຽວມີອາການປວດຮາກ, ເຈັບຫົວ, ອ່ອນເພຍ ແລະ ອາດເຮັດໃຫ້ລະບົບບາງສ່ວນຂອງປະສາດໂດຍສະເພາະປະສາດກ່ຽວກັບຄວາມ ຮູ້ສຶກປະຕິບັດໜ້າທີ່ຜິດ ພາດ ຊຶ່ງເກີດຜົນບໍ່ດີຕໍ່ສຸຂະພາບ ແຕ່ອາການນີ້ອາດຈະເປັນກັບບາງຄົນເທົ່ານັ້ນທີ່ຮ່າງກາຍມີຄວາມ ຮູ້ສຶກໄວຕໍ່ສານປະເພດນີ້. ອາຫານຖ້າຈະກິນໃຫ້ແຊບນັ້ນແມ່ນຕ້ອງຂຶ້ນກັບການຄົວກິນ, ການປຸງແຕ່ງ ແລະ ການເລືອກຊື້ອາຫານທີ່ສົດໃໝ່ບໍ່ວ່າຈະເປັນຜັກ ຫລື ຊີ້ນ. ຄວາມແຊບແບບ ທຳມະ ຊາດເຮັດໃຫ້ອາຫານຊວນກິນ ແລະ ປອດໄພ , ແຕ່ບໍ່ແມ່ນຂື້ນຢູ່ກັບແປ້ງນົວຊະນິດໃດຊະນິດໜຶ່ງຢ່າງດຽວ. ສຳລັບບາງຄອບຄົວທີ່ຢາກເຊົາກິນແປ້ງນົວ ກໍ່ຄ່ອຍໆຫລຸດຜ່ອນປະລິມານລົງ ແລ້ວຄ່ອຍໆກ້າວສູ່ການເຊົາກິນຂາດຕົວ. ຢ່າງໃດກໍ່ດີ່ຖ້າຈຳເປັນຕ້ອງຊື້ ແລະ ບໍລິໂພກແປ້ງນົວກໍຄວນພິຈາລະນາໃຫ້ຄັກ ແນ່, ຖົງທີ່ບັນຈຸແປ້ງນົວຍັງຢູ່ໃນສະພາບດີ ຫລື ບໍ່, ບໍ່ຖືກຈີກຂາດ, ມີສະ ຫລາກບອກຊື່ຂອງແປ້ງນົວ, ສ່ວນປະກອບໃນການຜະລິດ, ວັນເດືອນປີທີ່ຜະລິດທີ່ຍັງ ຮັບປະ ກັນວ່າບໍ່ທັນໝົດ ອາຍຸການນຳໃຊ້ ແລະ ສຳຄັນແມ່ນເຄື່ອງໝາຍຮັບຮອງຄຸນນະພາບຈາກອາຫານ ແລະ ຢາ ຂອງປະເທດທີ່ຜະລິດ./.
|
![ຂຽນເມື່ອ](./images/icons/wrote.png) ຂຽນເມື່ອ: ມ.ກ.. 29, 2011
| ມີ
7 ຄຳເຫັນ
ແລະ
0 trackback(s)
ະນະນັກວິທະຍາສາດໃນ ສ.ອາເມລິກາ ໄດ້ສຶກສາຄົ້ນຄວ້າ ພົບວ່າ ການດື່ມກາເຟ 5 ຈອກຕໍ່ ວັນ ອາດຊ່ວຍຫລຸດບັນຫາດ້ານຄວາມຈື່ຈຳ ທີ່ເກີດຈາກພະ ຍາດຄວາມ ຈື່ຈຳເສື່ອມ(ອັນໄຊເມີໄດ້ດ້ານນັກ ວິໄຈ ອັງກິດ ພັດກ່າວເຕືອນ ວ່າ ຄົນເຈັບເປັນພະຍາດ ຄວາມ ຈຳ ເສື່ອມ ຍັງບໍ່ຄວນຫັນໄປດື່ມກາເຟ ເພື່ອຫວັງຜົນ ດັ່ງກ່າວນັ້ນ.
ຄະນະນັກວິທະຍາສາດ ຈາກມະຫາວິທະຍາໄລຟລໍຣິດາ ໄດ້ເຮັດການທົດລອງກັບຫນູຈຳນວນ 55 ໂຕທີ່ຖືກ ເຮັດ ໃຫ້ມີອາການ ຂອງ ພະຍາດສະຫມອງຄວາມ ຈຳເສື່ອມ ເຂົາເຈົ້າໄດ້ທົດລອງທາງພຶດຕິກຳ ກ່ອນ ເພື່ອໃຫ້ແນ່ໃຈ ວ່າ ຫນູ ມີ ບັນຫາດ້ານຄວາມຈຳ ເມື່ອ ອາຍຸ ໄດ້ 18-19 ເດືອນ ທຽບເທົ່າກັບ ຄົນອາຍຸ 70 ປີ ຈາກນັ້ນ ໃຫ້ຫນູ ເຄິ່ງຫນຶ່ງກິນນ້ຳປະສົມ ກາເຟອິນ ວັນລະ 500 ມິນລີ ກຣາມ ຫລື ເທົ່າກັບຄົນດື່ມກາເຟ 5 ຈອກ ຕໍ່ວັນ, ຫນູອີກ ເຄິ່ງຫນຶ່ງກິນນ້ຳ ລ້າໆ. ປະລິມານ ກາເຟອິນດັ່ງກ່າວ ທຽບເທົ່າກາເຟອິນ ໃນກາເຟປຸງ ແຕ່ງພິເສດເຊັ່ນ: ກາປູຊິໂນ ຫລື ອະລາເຕ 2 ຈອກ, ກາເຟອິນໃນຊາ 14 ຈອກ, ກາເຟອິນໃນນ້ຳອັດລົມ 20 ຈອກ ຜ່ານໄປ 2 ເດືອນທົດ ລອງ ອີກເທື່ອຫນຶ່ງ ພົບວ່າຫນູ ກິນນ້ຳປະສົມກາເຟອິນສ້າງແບບ ທົດລອງດ້ານຄວາມຈື່ຈຳ ແລະ ທັກສະການຄິດ ໄດ້ດີ ຂຶ້ນ ໄດ້ຜົນບໍ່ ຕ່າງຈາກ ຫນູໄວອາຍຸດຽວກັນທີ່ບໍ່ ມີອາການສະຫມອງເສື່ອມ. ສ່ວນ ຫນູ ທີ່ກິນນ້ຳລ້າໆຍັງຄົງສ້າງ ຄະ ແນນໄດ້ບໍ່ດີ. ນອກຈາກນີ້, ການທົດລອງ ຍັງພົບວ່າ ສະຫມອງຂອງຫນູ ທີ່ກິນນ້ຳປະສົມກາເຟອິນ ມີລະ ດັບໂປຣຕິນ, ເບຕາອະມິລອຍຫລຸດ ລົງເກືອບເຄິ່ງຫນຶ່ງ ຊຶ່ງຕາມ ປົກ ກະ ຕິສຳລັບຄົນເຈັບຄວາມຈື່ຈຳ ເສື່ອມ ຈະມີໂປຣຕິນນີ້ ຈັບຕົວເປັນ ກ້ອນຢູ່ໃນສະຫມອງ ແລະ ເມື່ອ ທົດລອງກໍ່ໄປພົບວ່າ ກາເຟອິນ ສົ່ງຜົນຕໍ່ການຜະລິດ ເອັນ ໄຊ ທີ່ຈຳເປັນຕໍ່ການຜະລິດໂປຣຕິນ ເບຕາອະມິລອຍນຳດ້ວຍ. ຄະນະ ນັກວິໄຈ ສັນນິຖານວ່າ ກາເຟ ອິນ ໄປກົດຜົນຂອງການອັກເສບ ໃນສະຫມອງທີ່ເຮັດ ໃຫ້ ລະດັບ ໂປຣ ຕິນສູງເກີນປົກກະຕິ. ກ່ອນ ຫນ້ານີ້ ພວກເຂົາ ເຈົ້າເຄີຍ ທົດລອງກັບ ຫນູ ອາຍຸນ້ອຍທີ່ມີອາການ ອັນ ໄຊເມີ ດ້ວຍການໃຫ້ກາເຟອິນ ເມື່ອເລີ່ມໃຫຍ່ ພົບວ່າ ຊ່ວຍປ້ອງ ກັນການເກີດ ບັນຫາດ້ານຄວາມຈຳໄດ້. ຄະນະນັກວິໄຈ ເຫັນ ວ່າ ຈະເລີ່ມທົດລອງກັບຄົນໄດ້ໃນບໍ່ຊ້ານີ້ ແຕ່ຍັງບໍ່ ແນ່ໃຈວ່າ ການໃຫ້ກາເຟອິນ ປະລິ ມານຫນ້ອຍຈະ ໃຫ້ຜົນເຊັ່ນດຽວກັນກັບຫນູ ຫລືບໍ່. ຄົນສ່ວນໃຫຍ່ ສາມາດຮັບທາດກາເຟອິນ ໄດ້ຢ່າງປອດໄພສູງສຸດ 500 ມິນລີ ກຣາມຕໍ່ວັນ; ແຕ່ສຳ ລັບ ແມ່ ຍິງຖືພາ ຫລື ແມ່ມານ ແລະ ຜູ້ມີພະຍາດຄວາມດັນເລືອດສູງ ຄວນ ກິນກາເຟຢ່າງຈຳກັດ. ດ້ານມູນນິທິວິໄຈ ພະຍາດຄວາມຈື່ຈຳສະຫມອງ ເສື່ອມ ເຫັນວ່າ ເຖິງວ່າເຫັນຜົນຈາກການທົດລອງ ກັບຫນູ, ແຕ່ໄວເກີນໄປ ທີ່ຈະ ແນະນຳໃຫ້ຄົນເຈັບ ຄວາມຈຳ ສະຫມອງເສື່ອມ ດື່ມກາເຟ ຫລື ກິນຜະລິດ ຕະພັນອາຫານເສີມປະເພດ ກາເຟອິນ ເພື່ອຫວັງເຮັດໃຫ້ ຄວາມ ຈື່ຈຳເສື່ອມດີຂຶ້ນ./.
|
![ຂຽນເມື່ອ](./images/icons/wrote.png) ຂຽນເມື່ອ: ມ.ກ.. 25, 2011
| ມີ
9 ຄຳເຫັນ
ແລະ
0 trackback(s)
* ນັກວິທະຍາສາດ ຈາກມະຫາວິ ທະຍາໄລ ອິສແອງເກລຍ ປະເທດ ອັງກິດ ຢືນຢັນວ່າ ດື່ມເຫລົ້າໃນປະລິມານເຫມາະສົມ ຫລື ພໍດ້າມພໍດີຊ່ວຍຫລຸດ ຄວາມ ສ່ຽງເປັນໜິ້ວໃນຖົງບີ ໄດ້. ຈາກການວິເຄາະຂໍ້ມູນຂອງ ການທົດລອງກັບຜູ້ຊາຍ ແລະ ຍິງ 25.000 ຄົນ ຊຶ່ງມີອາຍຸລະຫວ່າງ 45-74 ປີ ພົບວ່າ ການດື່ມເບຍ, ດື່ມເຫລົ້າແວງ 250 ມິນ ລີ ລິດຕໍ່ວັນ ຈະຊ່ວຍຫລຸດຄວາມສ່ຽງເປັນໜິ້ວ ໃນຖົງບີ ໄດ້ເຖິງ 1/3. ໜິ້ວໃນຖົງບີ ເປັນພະ ຍາດ ທີ່ ພົບໄດ້ ທົ່ວໄປ, ແຕ່ຈະ ມີຢູ່ 3 ໃນ 10 ຄົນ ເຈັບເປັນພະຍາດນີ້ ແລ້ວສົ່ງຜົນໃຫ້ເກີດອາການອື່ນ ແຊກ ຊ້ອນຂຶ້ນມາ ເຊັ່ນ: ອາການ ເຈັບຫົວຮຸນ ແຮງ, ຕິດເຊື້ອ ຫລື ອັກ ເສບ. ໜິ້ວຖົງບີ ເກີດຈາກປະລິມານ ໄຂມັນໃນຖົງບີ ຫລາຍເກີນໄປນັ້ນ ຈັບຕົວລວມກັນ ເປັນ ກ້ອນໜິ້ວ, ເຮັດໃຫ້ຄົນເຈັບມີອາການເຈັບ ທ້ອງ, ປວດຮາກ ແລະ ຮາກ ພົບ ຫລາຍ ໃນກຸ່ມ ຜູ້ອາຍຸສູງ. ສ່ວນ ແມ່ ຍິງ ຖືພາ, ຄົນຕຸ້ຍ ແລະ ຜູ້ທີ່ມີ ນ້ຳຫນັກຫລຸດລົງຢ່າງໄວວາ ຫລື ການ ໃຊ້ ຢາບາງຊະນິດກໍສົ່ງຜົນໃຫ້ ເປັນໜິ້ວຖົງບີ ໄດ້ເຊັ່ນ ດຽວກັນ. ຫລ້າສຸດນັກວິໄຈ ພົບວ່າ ການດື່ມເຫລົ້າ ຫລືປະເພດ ເຄື່ອງດື່ມມຶນເມົາ ໃນປະລິ ມານທີ່ເ ຫມາະສົມ, ພໍດ້າມ ພໍດີ. ນອກຈາກຈະ ຊ່ວຍ ເພີ່ມ ຄໍເລສເຕີໂຣນ ຊະນິດ ທີ່ມີຜົນດີຕໍ່ ສຸ ຂະພາບ ຊຶ່ງຈະຊ່ວຍ ປ້ອງກັນພະ ຍາດຫົວໃຈ ແລະ ຫລອດເລືອດແລ້ວ, ເຫລົ້າຍັງ ຊ່ວຍ ປັບປ່ຽນ ອົງ ປະກອບຂອງ ຄໍ ເລສເຕີໂຣນ ໃນ ຖົງບີ ຈິ່ງສົ່ງ ຜົນໃຫ້ກ້ອນໜິ້ວໃນຖົງບີ ມີຂະ ຫນາດ ນ້ອຍລົງ./.
|
![ຂຽນເມື່ອ](./images/icons/wrote.png) ຂຽນເມື່ອ: ມ.ກ.. 8, 2011
| ມີ
7 ຄຳເຫັນ
ແລະ
0 trackback(s)
* ທ່ານຜູ້ອ່ານທັງຫລາຍຮູ້ກັນຫລືບໍ່ວ່າ ນ້ຳເຜິ້ງ ທີ່ເຮົາເຫັນທຸກມື້ທີ່ມີລົດຊາດຫວານໆນັ້ນ ມີຄຸນປະໂຫຍດຕໍ່ຮ່າງກາຍເຮົາຢ່າງຫລວງຫລາຍຊຶ່ງນອກຈາກຈະ ມີ ຄວາມ ຫວານແລ້ວກໍຍັງປະກອບດ້ວຍສານຕ່າງໆປະມານ 50 ຊະນິດ ແຕ່ທີ່ສຳຄັນກວ່າ ໝູ່ນັ້ນໄດ້ແກ່ນ້ຳຕານຄລູໂຄສ ແລະ ຟຣຸກໂຕດ ທີ່ຊ່ວຍໃນການບຳລຸງຮ່າງກາຍ ຊຶ່ງ ເໝາະ ສຳລັບຄົນເຈັບ ຫລື ຄົນທີ່ມີສຸຂະພາບອ່ອນເພຍ. ນ້ຳເຜິ້ງ ນອກຈາກມີສານສຳ ຄັນຕ່າງໆແລ້ວຍັງມີແຮ່ທາດຈຳພວກ ການຊີອອມ ໂປ ຕາຊີອອມ, ທາດເຫລັກ, ຟົດສະຟໍ , ວິຕາມິນ ຕ່າງໆ, ໂປຣຕິນ... ດັ່ງນັ້ນຈຶ່ງບໍ່ ໜ້າແປກ ໃຈວ່າ ເວລາທີ່ເຮົາຮູ້ສຶກເມື່ອຍໆເມື່ອດື່ມນ້ຳເຜິ້ງປະສົມກັບນ້ຳໝາກ ນາວ ຈະຮູ້ສຶກມີແຮງ ຂຶ້ນມາທັນທີ. ໃນຕົວຈິງແລ້ວບາງຄັ້ງເພິ່ນອາດໃຊ້ນ້ຳເຜິ້ງປິ່ນ ປົວບາດແຜໄດ້ ຫລື ບາງຄັ້ງ ກໍໃຊ້ໃນການດອງໝາກໄມ້ ເພື່ອເປັນການຮັກສາ ອາຫານ ເພື່ອແຮໄວ້ກິນດົນ ແລະ ທີ່ ມັກ ພົບເລື້ອຍໆກໍຄືໝໍຢາພື້ນ ເມືອງມັກຈະໃຊ້ ນ້ຳເຜິ້ງເພື່ອປະສົມກັບຢາພື້ນເມືອງຕ່າງໆ ເພື່ອໃຫ້ມີລົດ ຊາດຫອມ, ກິນງ່າຍແລະຍັງເປັນຢາອາຍຸບຳລຸງປະເພດໜຶ່ງອີກ. ນອກຈາກ ນີ້ໃນດ້ານເສີມຄວາມ ງາມ ນ້ຳ ເຜິ້ງກໍມີສ່ວນ ເຮັດໃຫ້ຜິວພັນ ກ້ຽງ ຜ່ອງໃສ ແລະ ງົດງາມ ແບບທຳມະຊາດໄດ້ອີກດ້ວຍ. ເມື່ອຮູ້ເຖິງຄຸນປະໂຫຍດຂອງນ້ຳເຜິ້ງເຊັ່ນນີ້ແລ້ວ ທ່ານຜູ້ອ່ານທັງຫລາຍຜູ້ທີ່ມີເງື່ອນໄຂກໍຄວນຫັນມາບໍລິໂພກ ນ້ຳເຜິ້ງມື້ລະເລັກ ມື້ລະໜ້ອຍ ເພື່ອສຸຂະພາບ ແລະ ຮ່າງກາຍຂອງຄົນເຮົາ ດີກວ່າໄປກິນສິ່ງທີ່ມຶນເມົາທີ່ມີຜົນຮ້າຍຕໍ່ສຸຂະພາບເຮົາເອງ. ແຕ່ການເລືອກຊື້ນ້ຳເຜິ້ງ ກໍຕ້ອງລະວັງ ເພາະໃນປະຈຸບັນນ້ຳເຜິ້ງແທ້ນັ້ນ ຫາ ຍາກພໍສົມຄວນ; ສະນັ້ນຈຶ່ງມີຜູ້ຂາຍບາງຄົນຜະລິດນ້ຳເຜິ້ງປະສົມນ້ຳຕານຂຶ້ນມາ ຊຶ່ງ ອາດຈະເປັນອັນຕະລາຍໄດ້ ສະນັ້ນຈຶ່ງຕ້ອງຮູ້ຈັກພິຈາລະ ນາໃຫ້ດີ ດ້ວຍ./.
|
![ຂຽນເມື່ອ](./images/icons/wrote.png) ຂຽນເມື່ອ: ທ.ວ.. 23, 2010
| ມີ
5 ຄຳເຫັນ
ແລະ
0 trackback(s)
ຜັກ 7 ສີ ເພື່ອສຸຂະພາບທ່ີດີ * ຜັກ ແລະ ຫມາກໄມ້ ເປັນອາຫານສຸຂະພາບທີ່ມີຄຸນປະໂຫຍດ ສູງຕໍ່ຮ່າງກາຍ ເພາະນອກຈາກວິ ຕາມິນຕ່າງໆແລ້ວ ຮ່າງ ກາຍ ຍັງຕ້ອງການແຮ່ທາດຕ່າງໆ ເພື່ອ ປົວແປງສ່ວນທີ່ເປ່ເພ ຄຽງຄູ່ກັນນັ້ນ ກໍສ້າງພູມຕ້ານທານໃຫ້ກັບຮ່າງກາຍ ແລະ ຍັງມີກາກ ໃຍອາຫານ ເພື່ອຊ່ວຍລະບົບການຍ່ອຍ ແລະ ຂັບຖ່າຍໄດ້ດີ ອີກດ້ວຍ. ຢູ່ໃນຜັກ ແລະ ຫມາກ ໄມ້ແຕ່ລະຊະນິດກໍມີວິຕາມິນ ແລະ ແຮ່ທາດທີ່ແຕກຕ່າງກັນໄປ ໂດຍສາມາດແບ່ງ ແຍກສີ ສັນ ຂອງພວກເຂົາເປັນ 7 ສີ ແລະ ຄຸນປະໂຫຍດຕໍ່ຮ່າງກາຍໄດ້ດັ່ງນີ້: ສີແດງ: ຜັກ ແລະ ຫມາກໄມ້ທີ່ມີສີສັນແຈດຕານີ້ ໄດ້ແກ່ ຫມາກເລັ່ນ, ຫມາກໂມ, ຫມາກກ້ຽງ ໃຫຍ່ສີບົວ (ຫມາກພຸກ) ຊ່ວຍໃນ ການ ບຳລຸງປອດ ແລະ ຍັງຊ່ວຍປ້ອງກັນ ພະຍາດມະ ເຮັງທີ່ ຫົວໃຈ. ສີສົ້ມ-ສີເຫລືອງ: ໄດ້ແກ່ ຫມາກກ້ຽງ, ຫມາກຫຸ່ງ ເຊິ່ງມີເນກທາຣີນ ທີ່ມີຄຸນປະໂຫຍດໃນການ ບຳລຸງຫົວໃຈ ແລະ ກະເພາະອາຫານ, ສຳລັບຜູ້ທີ່ມີບັນຫາ ໃນເລື່ອງການຂັບຖ່າຍ ຫລື ຍື່ງທ້ອງ ຜັກ ແລະ ຫມາກໄມ້ສີເຫລືອງ ແລະ ສົ້ມນີ້ ສາມາດຊ່ວຍໄດ້ ແລະ ຍັງມີວິ ຕາມິນເຊ ຊ່ວຍບຳລຸງ ລະບົບແຊນອີກດ້ວຍ. ສີແດງ-ມ້ວງ: ເຊັ່ນ: ລະແຊັງ ສີມ່ວງ, ສະຕໍເບີຣີ, ແອັບເປິນແດງ ພວກນີ້ຈະເຂົ້າໄປຊ່ວຍບຳລຸງການເຮັດວຽກຂອງແຊນສະຫມອງ, ໃຜຢາກເປັນອັດສະລີຍະ ກໍຕ້ອງຮັບປະທານຜັກ ແລະ ຫມາກໄມ້ຫມວດນີ້ຫລາຍໆ. ສີເຫລືອງ-ຂຽວ: ໄດ້ແກ່ຜັກຫົມ, ຫມາກອະໂວຄາໂດ, ຜັກກາດ, ສາລີ, ຖົ່ວດິນ ກຸ່ມນີ້ ຈະຊ່ວຍບຳລຸງຕັບຂອງເຮົາ ແລະ ຍັງຊ່ວຍ ກະ ຕຸ້ນລະບົບການ ຟອກ ຂອງ ເສດເຫລືອຕ່າງໆໃນຮ່າງກາຍ. ສີຂາວ-ສີຂຽວ: ກະທຽມ ໃບກະທຽມ ຫົວຫອມບົ່ວ ຕັ່ງສາຍ ຫມາກກຽງ ກຸ່ມນີ້ຊ່ວຍໃນການເຮັດວຽກຂອງລະບົບ ຫມູນວຽນ ຕ່າງໆ ພາຍໃນຮ່າງກາຍ ໂດຍ ສະເພາະຫົວໃຈ. ສີສົ້ມ: ສີສັນສົດໃສ ເປັນຕາແຊບໄດ້ແກ່: ກາລົດ, ຫມາກມ່ວງສຸກ, ຫມາກອຶ ... ເຫມາະສຳລັບແມ່ຍິງສຸຂະ ພາບດີທີ່ຢາກມີຜິວພັນ ນວນນຽນ ຜ່ອງໃສ ແລະ ຍັງຊ່ວຍບຳລຸງສາຍຕາອີກດ້ວຍ. ສີຂຽວ: ຜັກ ຫມາກໄມ້ ປະເພດນີ້ ໄດ້ແກ່ ດອກຜັກສີຂຽວ , ກະຫລ່ຳ, ຜັກກວາງຕຸງ, ຜັກບົ້ງ ເຊິ່ງມີວິຕາມິນຫລາຍ ຊ່ວຍໃນການບຳລຸງ ສາຍຕາໃຫ້ ມີສຸຂະ ພາບດີ ແລະ ເພີ່ມກາກໃຍຊ່ວຍໃນການຂັບຖ່າຍໄດ້ດີ./.
|
![ຂຽນເມື່ອ](./images/icons/wrote.png) ຂຽນເມື່ອ: ທ.ວ.. 22, 2010
| ມີ
12 ຄຳເຫັນ
ແລະ
0 trackback(s)
ນັກໂພຊະນາການຢືນຢັນວ່າ ຫມາກເຜັດ ເປັນພືດທີ່ມີປະໂຫຍດຈິງແທ້ ເພາະວ່າ ຄວາມເຜັດຂອງມັນ ມາຈາກສານ ແຄັບໄຊຊິນ ແລະ ແກ່ນຂອງ ມັນກໍ່ມີ ວິຕາມີນ ເອ, ຊີ, ແຄວຊຽມ ແລະ ທາດເຫລັກອີກດ້ວຍ. ຫມາກເຜັດ ຊຶ່ງມີຖິ່ນກຳເນີດ ໃນ ທະ ວີບ ອາເມລິກາໃຕ້ ຊຶ່ງ ມີຄົນຕ່າງປະເທດນຳເຂົ້າມາໃນຂົງເຂດອາຊີ ມາແຕ່ດົນນານ ແລ້ວ. ຫມາກເຜັດ ນັບທັງຫມາກເຜັດຂີ້ຫນູ, ເມື່ອກິນແລ້ວເຜັດຫລາຍນັ້ນ ພວກມັນມີປະໂຫຍດ ຫລາຍທີ່ ສຸດ ຊຶ່ງບໍ່ພຽງແຕ່ໃຫ້ຄວາມເຜັດແຕ່ຢ່າງດຽວ, ແຕ່ຍັງ ເພີ່ມສານ ແຫ່ງຄວາມສຸກ “ເອັນໂດຣຟີນ” ໃຫ້ ແກ່ ຜູ້ທີ່ມັກກິນເຜັດ. ນອກນັ້ນຍັງ ບັນເທົາອາການເຈັບປວດ, ໄຂ້ ຫວັດ, ຫລຸດຜ່ອນການມີນ້ຳມູກ. ຂະນະດຽວກັນຍັງສາມາດລະລາຍຂີ້ກະເທີ່ ນຳອີກ. ສຳ ລັບຄົນທີ່ ມີອາການຫອບຫືດ, ກິນຫມາກເຜັດແລ້ວຈະດີຫລາຍ ເພາະຈະເຮັດໃຫ້ຫ ລອດ ລົມຂະຫຍາຍຕົວໄດ້ດີ ແລະ ບໍ່ຫົດ-ເຄັ່ງ. ດັ່ງນັ້ນ, ຜູ້ໃດເປັນພະຍາດຫອບຫືດ, ມີອາການ ພູມ ແພ້ ຕ້ອງ ກິນຫມາກເຜັດເປັນປະຈຳຈະດີຂຶ້ນ. ຫມາກເຜັດ ຍັງສາມາດຫລຸດຜ່ອນປະລິມານ ຄໍເຣດສະເຕີຣອນ ໄດ້ອີກ ຊຶ່ງຈາກການ ວິໄຈ ຂອງນັກ ວິທະຍາສາດເຫັນວ່າ ຫມາກເຜັດ ສາມາດເພີ່ມອຸນຫະພູມໃນຮ່າງ ກາຍຂອງຄົນເຮົາ, ມີປະໂຫຍດໃນ ການຄວບຄຸມນ້ຳຫນັກ. ເມື່ອກິນຫມາກ ເຜັດ ຈະບໍ່ເຮັດໃຫ້ຄົນເຮົາຮູ້ສຶກ ຢາກເຄື່ອງຫວານ, ຂະນະດຽວກັນກໍຍັງສາມາດ ຫລຸດຜ່ອນຄວາມ ສ່ຽງໃນການ ເກີດ ພະຍາດມະເຮັງອີກດ້ວຍ./.ຈາກເວບwww.kplnet.net
|
|
|