ເມື່ອທ່ານກ້າວໄປຂ້າງຫນ້າ ໃນລະຫວ່າງທາງທ່ານອາດຈະລົ້ມລົງ ແລ້ວທ່ານຈະເຮັດແນວໃດດີໃນເວລາທີ່ລົ້ມລົງ ລຸກຂື້ນແມ່ນບໍ່ ທຸກຄົນຮູ້ວ່າຕ້ອງລຸກຂື້ນ ແລ້ວກ້າວຕໍ່ໄປບໍ່ຊັ້ນຄົງໄປຮອດໃສ

ແຕ່ມີບາງຄັ້ງໃນຊີວິດ ທີ່ທ່ານລົ້ມລົງ ແລ້ວທ່ານຮູ້ສຶກສາທ່ານບໍ່ມີກຳລັງທີ່ຈະລຸກຂື້ນ ທ່ານຄິດວ່າທ່ານມີຄວາມຫວັງບໍ່ທີ່ຈະເຖິງເປົ້າຫມາຍໃນຊີວິດ

ຂ້າພະເຈົ້າລົ້ມລົງຢູ່ບ່ອນນີ້ ກົ້ມຫນ້າຢູ່ບ່ອນນີ້ ຂ້າພະເຈົ້າບໍ່ມີແຂນຂາ ເບິ່ງເຫມື່ອນວ່າເປັນໄປບໍ່ໄດ້ທີ່ຂ້າພະເຈົ້າຈະລຸກຂື້ນໄດ້ ແຕ່ກົງກັນຂ້າມ ທ່ານຮູ້ບໍ່ ຂ້າພະເຈົ້າຊິພະຍາຍາມເປັນຮ້ອຍຄັ້ງ ເພື່ອທີ່ຈະລຸກຂື້ນ ທຸກຄັ້ງທີ່ຂ້າພະເຈົ້າລົ້ມລົງ

ຖ້າຂ້າພະເຈົ້າລົ້ມ ແລ້ວຍອມແພ້ ທ່ານຄິດວ່າຂ້າພະເຈົ້າຈະລຸກຂື້ນໄດ້ບໍ່ ແນ່ນອນຕ້ອງບໍ່ໄດ້

ແຕ່ຖ້າຂ້າພະເຈົ້າພະຍາຍາມຢູ່ເລື້ອຍໆ ມັນຈະບໍ່ແມ່ນຈຸດຈົບ ມັນສຳຄັນ ວ່າທ່ານຈະສີ້ນສຸດແນວໃດ

ຖ້າທ່ານຈະຜ່ານມັນໄປຢ່າງເຂັ້ມແຂງ ທ່ານຕ້ອງອາໄສກຳລັງໃຈທີ່ຈະລຸກຂື້ນ ແລ້ວເປົ້າຫມາຍຂອງທ່ານກໍ່ຈະບໍ່ໄກເກີນກວ່າທ່ານຈະໄປເຖິງ.

www.youtube.com/watch

ຍີ້ມປຽບເຫມືອນພາສາສາກົນ ບໍວ່າຄົນເຮົາຈະເດິນທາງໄປໃສ ທີ່ມຸມໃດຂອງໂລກ ຫລືຢູ່ໃນສະຖານທີ່ທີ່ມີຂໍ້ກີດ ຂວາງທາງວັດທະນະທຳແລະພາສາ ຍີ້ມສາມາດໃຊ້ເປັນພາສາທີ່ສື່ສານແລະເຂົ້າໃຈງ່າຍທີ່ສຸດ ເປັນພາສາທີ່ບໍ່ຕ້ອງການ ຄຳອະທິບາຍ ບໍ່ຕ້ອງອາໄສເວລາຮໍ່າຮຽນຝຶກຝົນ ເພາະທຸກຄົນຕ່າງເຂົ້າໃຈຄວາມຫມາຍແງ່ບວກທີ່ສື່ອອກ ໄປແນ່ນອນ

ຍີ້ມຄືແມ່ເຫລັກດູດເພື່ອນມິດສະຫາຍ ທຳມະດາ ແມ່ເຫລັກດູດສິ່ງຂອງທີ່ມີປະຈຸຕ່າງກັນແລະຍູ້ສິ່ງທີ່ມີປະ ຈຸຕ່າງກັນ ຍີ້ມກໍ່ເຊັ່ນກັນເປັນຕົວດູດຄົນດີໃຫ້ເຂົ້າມາໃກ້ ຍາມທີ່ເຮົາຕ້ອງການຈະເລີ່ມບົດສົນທະນາ ຫລືຢາກ ຮູ້ຈັກເພື່ອນໃຫມ່ພຽງແຕ່ສົ່ງຍີ້ມ ແຫ່ງມິດຕະພາບໄປ ບໍ່ພໍເທົ່າໃດວິນາທີທ່ານກໍ່ຈະໄດ້ຮັບຮອຍຍີ້ມແບບດຽວກັນ ກັບມາ ອານຸພາບແຫ່ງຍີ້ມພຽງແຕ່ໃຊ້ເວລາສັ້ນໆກໍ່ນຳມາເຊິ່ງເພື່ອນແທ້ ທີ່ຈະຢູ່ກັບທ່ານໄປຕະຫລອດຊີວິດ

ຍີ້ມເປັນຢາຊູກຳລັງ ເມື່ອຄົນເຮົາເກິດຄວາມເສົ້າ ທໍ້ແທ້ເປັນອາການປ່ວຍທາງຈິດ ຢາປະຕິຊີວະນະຂະຫນາດ ໃດໆກໍ່ບໍ່ສາມາດຮັກສາໄດ້ ຖ້າວ່າຫາກມີໃຜຈັກຄົນຍ່າງເຂົ້າມາ ດ້ວຍຄວາມຈິງໃຈພ້ອມມອບຮອຍຍີ້ມເຫັນອົກ ເຫັນໃຈໃຫ້ ແມ່ນບໍ່ມີຄຳປອບປະໂລມໃດໆແຕ່ເຮັດໃຫ້ໃຈທີ່ມືດມົນເກິດຫົນທາງສະຫວ່າງຂຶ້ນໄດ້ ປຽບກັບຢາຊູ ກຳລັງໃຈຄົນເສົ້າຫມອງໃຫ້ມີພະລັງ ກັບມາຢືນຢັດສູ້ກັບປັນຫາອີກຄັ້ງ

ຍີ້ມຍັງເປັນຢາອາຍຸວັດທະນະ ໃຜກໍ່ກໍ່ຕາມທີ່ມີອາລົມດີເປັນນິໄສ ຍາມໃດໃບຫນ້າກໍ່ມີແຕ່ຮອຍຍີ້ມ ຈະເປັນຜູ້ທີ່ມີສະພາບຈິດດີແລະອາຍຸຢືນ ເພິ່ນວ່າ "ໃຈເປັນນາຍກາຍເປັນບ່າວ" ເມື່ອໃຈເຊິ່ງເປັນນາຍຂອງກາຍດີ ກໍ່ຈະເຮັດໃຫ້ຮ່າງກາຍມີພະລານາໄມແຂງແຮງ ສົ່ງຜົນໃຫ້ມີອາຍຸຍືນຍາວຕາມໄປດ້ວຍ ໃນທາງຈິດຕະວິທະຍາ ກ່າວໄວ້ວ່າ ບໍ່ມີໃຜສາມາດໂກດ (ຄວາມຣ້າຍ) ໄດ້ຈິງໃນຂະນະທີ່ເວົ້າຄຳວ່າ "ຍີ້ມ" ແບບທົດສອບງ່າຍໆໃຫ້ລອງເຮັດຫນ້າໃຫ້ຫນ້າບູດບຶ້ງທີ່ສຸດ ຄຽດທີ່ສຸດ ແລ້ວເວົ້າຄຳວ່າ "ຍີ້ມ" ຈັກສີ່ຫ້າຄັ້ງ ບໍ່ມີທາງເລີຍວ່າ ທ່ານຈະບໍ່ເຜີຫລຸດຍີ້ມອອກມາໃນທີ່ສຸດ

ຂໍຂອບໃຈກັບ

campus.sanook.com/925953/%E0%B8%AD%E0%B8%B2%E0%B8%99%E0%B8%B8%E0%B8%A0%E0%B8%B2%E0%B8%9E%E0%B9%81%E0%B8%AB%E0%B9%88%E0%B8%87%E0%B8%A3%E0%B8%AD%E0%B8%A2%E0%B8%A2%E0%B8%B4%E0%B9%89%E0%B8%A1/

ພະ​ໄຕ​ປິ​ດົກ​ແມ່ນຫຍັງ?

ສາດສະຫນາ​ທຸກ​ສາດສະຫນາ ມີ​ຄຳ​ພີຫລື​ຕຳ​ລາ​ທາງ​ສາດສະຫນາ​ເປັນ​ຫລັກ​ໃນ​ການ​ສັ່ງ​ສອນ ແມ່ນ​ເດີມ​ຈະ​ບໍ່ໄດ້​ຂີດ​ຂຽນ​ເປັນ​ລາຍ​ລັກ​ອັກສອນ ແຕ່​ເມື່ອ​ມະນຸດ​ຮູ້​ຈັກ​ໃຊ້​ຕົວ​ຫນັງສື ກໍ​ໄດ້​ມີ​ການ​ຂຽນ ການ​ຈາ​ລຶກ​ຄຳ​ສອນ​ໃນ​ສາດສະຫນາ​ນັ້ນໆໄວ້ ເມື່ອ​ໂລກ​ຈະເລີນ​ຂຶ້ນ​ເຖິງ​ກັບ​ມີ​ການ​ພິມ​ຫນັງສື​ເປັນ​ເຫລ້ມໆໄດ້ ຄຳ​ພີສາດສະຫນາ​ເຫລົ່າ​ນັ້ນ​ກໍ​ມີ​ຜູ້​ພິມ​ເປັນ​ເຫລ້ມ​ຂຶ້ນ​ໂດຍ​ລຳ​ດັບ

ພະ​ໄຕ​ປິດົກ ຫລື​ທີ່​ຮຽກ​ໃນ​ພາສາ​ບາ​ລີ​ວ່າ ຕິ​ປິ​ດົກ​ຫລື​ເຕ​ປິ​ດົກ​ນັ້ນ ເປັນ​ຄຳ​ພີຫລື​ຕຳ​ລາ​ທາງ​ພະ​ພຸ​ດ ທະ​ສາດສະຫນາ​ເຊັ່ນ​ດຽວ​ກັບ​ໄຕ​ເວດ ເປັນ​ຄຳ​ພີຂອງ​ສາດສະຫນາ​ພາ​ມ ໃບ​ເບີ້ນ​ຂອງ​ສາດສະຫນາ​ຄິດ ອັນກຸນ​ອານ​ຂອງ​ສາດສະຫນາ​ອິດ​ລາມ

ກ່າວ​ໂດຍ​ຮູບ​ສັບ ຄຳ​ວ່າ "ພະ​ໄຕ​ປິດົກ" ແປ​ວ່າ ໓ ຄຳ​ພີ ເມື່ອ​ແຍກ​ເປັນ​ຄຳໆ ວ່າ ພະ+ໄຕ+ປິດົກ ຄຳ​ວ່າ ພະ ເປັນ​ຄຳ​ສະແດງ​ຄວາມ​ເຄົາລົບ​ຫລື​ຍົກ​ຍ້ອງ ຄຳ​ວ່າ ໄຕ ແປ​ວ່າ ໓ ຄຳ​ວ່າ ປິດົກ ແປ​ໄດ້ ໒ ຢ່າງ ຄື​ແປ​ວ່າ ຄຳ​ພີຫລື​ຕຳ​ລາ​ຢ່າງ​ໜຶ່ງ ແປ​ວ່າ ກະຖາດ​ຫລື​ກະຕ່າຢ່າງ​ໜຶ່ງ ທີ່​ແປ​ວ່າ​ກະຖາດ​ຫລື​ກະຕ່າ ໝາຍ​ຄວາມ​ວ່າ ເປັນ​ທີ່​ລວບລວມ​ຄຳ​ສັ່ງ​ສອນ​ຂອງ​ພະ​ພຸ​ດທ​ະເຈົ້າ​ໄວ້​ເປັນ​ຫມວດ​ໝູ່ ບໍ່​ໃຫ້​ກະ​ຈັດ​ກະ​ຈາຍ ຄ້າຍ​ກະຖາດ​ຫລື​ກະຕ່າ​ອັນ​ເປັນ​ພາ​ຊະນະ​ໃສ່​ຂອງ​ສະ​ນັ້ນ

ພະ​ໄຕ​ປິ​ດົກ​ແບ່ງ​ອອກ​ເປັນ​ຫຍັງ​​ແນ່?

ເມື່ອ​ຮູ້​ແລ້ວ​ວ່າ ຄຳ​ວ່າ ພະ​ໄຕ​ປິດົ​ກ ແປ​ວ່າ ໓ ຄຳ​ພີ ຫລື ໓ ປິດົກ ຈຶ່ງ​ຄວນ​ຮູ້​ຕໍ່ໄປ​ວ່າ ໓ ປິດົ​ກ ນັ້ນ​ມີ​ຫຍັງ​ນຳ ແລະ​ແຕ່​ລະ​ປິ​ດົກ​ນັ້ນ ມີ​ຄວາມຫມາຍ​ຫລື​ໃຈ​ຄວາມ​ຢ່າງໃດ ປິດົ​ກ ໓ ນັ້ນ​ແບ່ງ​ອອກ​ດັ່ງ​ນີ້

໑. ວິ​ໄນ​ປິດົກ ວ່າ​ດ້ວຍ​ວິ​ໄນ​ຫລື​ສິນ​ຂອງ​ພິກ​ສຸ ພິກ​ສຸ​ນີ

໒. ສູດ​ຕັນ​ຕະ​ປິດົ​ກ ວ່າ​ດ້ວຍ​ພະ​ທຳ​ເທດ​ສະນາ​ທົ່ວ​ໆ ໄປ

໓. ອະ​ພິ​ທຳ​ມະ​ປິດົ​ກ ວ່າ​ດ້ວຍ​ທຳມະ​ລ້ວນໆ ຫລື​ທຳມະ​ທີ່​ສຳຄັນ

 

ຄຳຖາມຂອງສຸພັດທະກ່ຽວກັບເຈົ້າລັດທິຕ່າງໆ

ຂ້າແຕ່ພຣະໂຄດົມຜູ້ຈະເລີນ ສະມະນະພຣາມເຫລ່ົ່າໃດ ເປັນເຈ້ົາຫມູ່ ເປັນເຈ້ົາຄະນະ ເປັນຄະນາຈານ ມີຊື່ສຽງ ມີຍົດ ເປັນເຈ້ົາລັທທິ (ສາດສະຫນາ) ຊົນເປັນອັນມາກຕ່າງເຂ້ົາໃຈວ່າເປັນຄົນດີ ສະມະນະພຣາມເຫລ່ົານັ້ນທັ້ງຫມົດຕຣັສຣູ້ແລ້ວຕາມປະຕິນຍາຂອງຕົນ ຫລືທັງຫມົດບໍ່ໄດ້ຕຣັສຮູ້ ຫລືວ່າບາງພວກຕຣັສຮູ້ ບາງພວກບໍ່ໄດ້ຕຣັສຮູ້ ຂ້າພຣະອົງຢາກຊາບຄວາມເປັນສະມະນະຂອງເຈ້ົາລັທທິເຫລ່ົານີ້ ຂໍພຣະອົງໂປຣດໃຫ້ຄວາມກະຈ່າງດ້ວຍ”

ພຣະຜູ້ມີພຣະພາກເຈ້ົາຊົງເຫັນວ່າ ປັນຫານີ້ບໍ່ຄວນພະຍາກອນ ເພາະຈະເປັນໄປເພື່ອຄວາມບໍ່ສະຫງົບໃຈ ຈຶ່ງໄດ້ຕຣັສຫ້າມວ່າ “ຢ່າເລີຍສຸພັທທະ ຄຳຖາມນີ້ຢຸດໄວ້ກ່ອນເຖິດ ເຮົາຈະສະແດງທັມແກ່ທ່ານ ທ່ານຈົ່ງຕັ້ງໃຈຟັງທັມນັ້ນໂດຍເຄົາລົບ ຈົ່ງຕັ້ງໃຈຟັງໃຫ້ດີເຖິດ”

ສຸພັທທະປຣິພາຊົກ ທູລຮັບພຣະດຳຣັສຂອງພຣະຜູ້ມີພຣະພາຄເຈ້ົາແລ້ວ

ພຣະພຸທທອົງຈຶ່ງຕຣັສວ່າ... “ດູກ່ອນສຸພັທທະ ສາດສະຫນາໃດບໍ່ມີອຣິຍະມັຄອັນປະກອບດ້ວຍອົງ ໘ ປະການ ສະມະນະຜູ້ສະຫງົບກໍ່ບໍ່ມີໃນສາດສະຫນານັ້ນ ຫາກພິກສຸຫລືໃຜກໍ່ຕາມ ປະຕິບັດຕາມມັກອັນເປັນທາງປະເສີດ ໂລກກໍ່ຈະບໍ່ວ່າງຈາກພຣະອໍລະຫັນ”

ມັກມີີອົງແປດແມ່ນຫຍັງ?

ແນວທາງດຳເນິນອັນປະເສີດຂອງຊີວິດຫລືກາຍ ວາຈາ ໃຈ ເພື່ອຄວາມຫລຸດພ້ົນຈາກທຸກ ເອີ້ນວ່າ ອະຣິຍະມັຄ ແປວ່າທາງອັນປະເສີດ ເປັນຂໍ້ປະຕິບັດທີ່ມີຫລັກບໍ່ອ່ອນແອ ຈົນເຖິງກັບຕົກຢູ່ໃຕ້ອຳນາດ ຄວາມຢາກແຫ່ງໃຈ ແຕ່ກໍ່ບໍ່ແຂງຕຶງຈົນເຖິງກັບເປັນການທໍລະມານກາຍໃຫ້ເຫືອດແຫ້ງຈາກຄວາມສຸຂທາງກາຍ ເພາະສະນັ້ນຈິ່ງໄດ້ເອີ້ນວ່າມັຊຊິມາປະຕິປະທາ ຄືທາງດຳເນິນສາຍກາງ ບໍ່ຍານບໍ່ຕຶງ ແຕ່ພໍເຫມາະເຊ່ັນສາຍດົນຕຣີທີ່ທຽບສຽງໄດ້ທີ່ແລ້ວ

ຄຳວ່າມັຄ ແປວ່າທາງ ໃນທີ່ນີ້ຫມາຍເຖິງທາງເດິນຂອງໃຈ ເປັນການເດິນຈາກຄວາມທຸກໄປສູ່ຄວາມເປັນອິດສະຫລະຫລຸດພ້ົນຈາກທຸກເຊິ່ງມະນຸສຫລົງຢຶດຖືແລະປະກອບຂຶ້ນໃສ່ຕົນດ້ວຍອຳນາດຂອງອະວິຊຊາ

ມັຄມີອົງແປດ ຄືຕ້ອງພ້ອມເປັນອັນດຽວກັນທັງແປດຢ່າງປຽບເຊືອກຟັ້ນແປດກຽວ

ອົງແປດຄື

1. ສັມມາທິດຖິ ຄືຄວາມເຂ້ົາໃຈຖືກຕ້ອງ

2. ສັມມາສັງກັປປະ ຄືຄວາມໃຝ່ໃຈຖືກຕ້ອງ

3. ສັມມາວາຈາ ຄືການເວົ້າຈາຖືກຕ້ອງ

4. ສັມມາກັມມັນຕະ ຄືການກະທຳຖືກຕ້ອງ

5. ສັມມາອາຊີວະ ຄືການດຳລົງຊີບຖືກຕ້ອງ

6. ສັມມາວາຍາມະ ຄືຄວາມພາກພຽນຖືກຕ້ອງ

7. ສັມມາສະຕິ ຄືການລະລຶກປະຈຳໃຈຖືກຕ້ອງ

8. ສັມມາສະມາທິ ຄືການຕັ້ງໃຈຫມັ້ນຖືກຕ້ອງ

ການປະຕິບັດທັມທຸກຂັ້ນຕອນ ລວມລົງໃນມັຄອັນປະກອບດ້ວຍອົງແປດນີ້ ເມື່ອຫຍໍ້ລວມກັນແລ້ວເຫລືອພຽງ 3 ຄື ສີລ - ສະມາທິ - ປັນຍາ ສະຫລຸບສັ້ນໆ ກໍ່ຄື ການປະຕິບັດທັມ(ສີລ-ສະມາທິ-ປັນຍາ)ກໍ່ຄືການເດິນຕາມມັຄ

 

 

 

ຍາມເມື່ອລູກຍັງນ້ອຍ ສຳອອຍເອີ້ນຫາແມ່
ຫນາວມາໃຫ້ແມ່ຕຸ້ມ ຄຸມຜ້າແລ້ວກ່ອມນອນ
ຍາມເມື່ອຕົນຕົວຮ້ອນ ກໍ່ວິງວອນໃຫ້ແມ່ຊ່ອຍ
ຍາມເມື່ອຢາກເຂົ້ານ້ຳ ຫວານສົ້ມໃຫ້ແມ່ຫາ
ແມ່ບໍ່ຂີນຂັດເຈົ້າ ຕາມໃຈຖະຫນອມລູກ
ຄັນເຈົ້າກິນອີ່ມແລ້ວ ຊ້ຳລົງຫລີ້ນແລ່ນຫນີ
ລູກຫາເມົາຄວາມຫລີ້ນ ແລງງາຍບໍ່ເຕື້ອງຕໍ່
ພໍ່ແມ່ເຮວເຮັ່ງຮ້ອນ ຕາມເອີ້ນຢ້ານເພິ່ນງານ
ທັງຢ້ານໄປຫລີ້ນນ້ຳ ຕົກບວກວັງຫນອງ
ທັງຢ້ານງົວຄວາຍຊົນ ຫ່ວງນຳບໍ່ມີແລ້ວ
ທັງສົງສານຢ້ານຫີວເຂົ້າ ອົດສານຳຈົນໃຈຂຸ່ນ
ຄັນວ່າໄປພົບພໍ້ ສຽງຮ້າຍວ່າຊິຕີ
ແຕ່ແມ່ຫລຽວຫາແສ້ ຈັບຮຽວໃດມີແຕ່ໃຫຍ່
ຄັນວ່າບາຍໄດ້ແສ້ນ້ອຍໆ ກໍ່ຕີກົ້ນສົ່ງຂື້ນເຮືອນ
ຄວາມທີ່ຮັກລູກນີ້ ຫນຽວຫນ່ວງແສນກະດັດ
ບໍ່ອາດເອົາອັນໃດ ມາຊັ່ງຊາທຽມໄດ້
ປານວ່າເອົາສາຍໂສ້ ພັນຄໍໃວ້ສອງພາກ
ຈາກກັນແຕ່ລະນ້ອຍ ໃຈລະຫ້ອຍຈົ່ມຫາແທ້ແລ້ວ
 

ປະໂຫຍດທີ່ຈະໄດ້ຣັບຈາກການທຳພິທີ ວັນອອກພັນສາ ຈະມີດັງຕໍ່ໄປນີ້ 

• ເຕືອນສະຕິເຮົາວ່າເວລາທີ່ຜ່ານພ້ົນໄປອີກພັນສາຫນຶ່ງແລ້ວໄດ້ກືນກິນຊີວິດມະນຸດ ໃຫ້ຜູ້ຄົນນັ້ນດຳລົງຢູ່ໃນຄວາມບໍ່ປະຫມາດແລະຫັນມາສ້າງບຸນກຸສົນ
•    ການທຳບຸນອອກພັນສາຈະເປິດໂອກາດໃຫ້ຜູ້ອື່ນຊຳລະຄວາມຜິດຂອງຕົນໄດ້ ຄືຫລັກປະວາຣະນາ ປົກກະຕິຄົນເຮົາຄົບກັນນານໆ ກໍ່ຈະເຜີຍ "ສັນດານ" ທີ່ແທ້ອອກມາ ອາດຈະບໍ່ດີເທົ່າໃດ ແຕ່ຕົນເອງບໍ່ຮູ້ຕົວແລ້ວເບິ່ງບໍ່ເຫັນ ແຕ່ຜູ້ຢູ່ຂ້າງໆ ເບິ່ງເຫັນແຕ່ບໍ່ກ້າເຕືອນ ດັ່ງນັ້ນຕົນເອງຕ້ອງປະວາຣະນາຕົວໃຫ້ຜູ້ອື່ນຊີ້ແນະໄດ້ ຄວາມສັມພັນກໍ່ຈະດີຂຶ້ນແລະຢັ່ງຢືນ
• ໄດ້ຂໍ້ຄິດທີ່ວ່າ ຄົນເຮົາສ່ວນໃຫຍ່ມັກຈະລຳອຽງເຂ້ົາຂ້າງຕົນເອງເປັນຝ່າຍຖືກ ຄວາມຜິດຂອງຄົນອື່ນເຫັນງ່າຍສ່ວນຕົນເອງນັ້ນຄວາມຜິດນັ້ນເຫັນຍາກ ນີ່ແຫລະສັນຊາດຕະຍານຂອງຄົນເຮົາ
• ເປັນການໃຫ້ຮູ້ເຖິງການມີມະນຸດສຳພັນທີ່ດີໃນການເປິດໃຈເຊິ່ງກັນແລະກັນ ໂດຍບໍ່ມີເລ້ຫລ່ຽມລັບລົມຄົມໃນໃດໆ ຕໍ່ໃນການຄົບຫາຫລືຢູ່ຮ່ວມກັນຢ່າງມີຄວາມສຸກ

ດັງນັ້ນໃຜທີ່ຢາກຈະປ່ຽນນແປງຕົວເອງ ວັນອອກພັນສາ ຈິ່ງນ່າຈະເປັນຊ່ວງເວລາທີ່ເຫມາະສົມ ສຳລັບການຢ້ອນມອງເບິ່ງຕົວເອງວ່າໄດ້ທຳສິ່ງໃດຜິດພາດປະການໃດຫລືບໍ່ ເພື່ອທີ່ຈະໄດ້ປັບປຸງແລະບໍ່ທຳຜິດຊ້ຳໃນເລື່ອງເດິມອີກ

 

ວັນອອກພັນສາ ເປັນອີກງານບຸນວັນຫນຶ່ງຂອງລາວທີ່ມີຢູ່ໃນຮີດສິບສອງ ຄອງສິບສີ່ ຊຶ່ງຖືເປັນການສິ້ນສຸດໄລຍະການຈຳພັນສາ ຫລືອອກຈາກການຢູ່ປະຈຳທີ່ວັດໃນຊ່ວງລະດູຝົນຕະຫລອດ 3 ເດືອນຂອງພຣະພິກສຸສົງ ໂດຍ ວັນອອກພັນສາ ກົງກັບວັນຂຶ້ນ 15 ຄ່ຳ ເດືອນ 11 ຂອງທຸກປີ ຊຶ່ງເອີ້ນອີກຢ່າງວ່າ "ວັນມຫາປະວາຣະນາ" ຄຳວ່າ "ປະວາຣະນາ" ນັ້ນແປວ່າ ອະນຸຍາດຫລືຍອມໃຫ້

ໂດຍໃນປີນີ້ ວັນອອກພັນສາ ກົງກັບວັນທີ່ 12 ຕຸລາ 2011  ວັນອອກພັນສາ ພຣະສົງຈະປະກອບພິທີທຳສັງຄະກັມໃຫຍ່ທີ່ເອີ້ນວ່າ ມະຫາປະວາຣະນາ ໃນວັນອອກພັນສາ ຊຶ່ງເປັນການເປິດໂອກາດໃຫ້ພິກສຸວ່າກ່າວຕັກເຕືອນຊຶ່ງກັນແລະກັນໄດ້ ເນື່ອງຈາກໃນລະຫວ່າງທີ່ເຂົ້າພັນສາຢູ່ດ້ວຍກັນ ພຣະສົງບາງທ່ານອາດຈະມີຂໍ້ບົກພ່ອງທີ່ຕ້ອງແກ້ໄຂ ແລະການໃຫ້ຜູ້ອື່ນວ່າກ່າວຕັກເຕືອນກໍ່ຈະເຮັດໃຫ້ຣູ້ຂໍ້ບົກພ່ອງຂອງຕົນ ອີກທັງຍັງເປິດໂອກາດໃຫ້ຖາມຂໍ້ສົງໄສຊຶ່ງກັນແລະກັນໄດ້ ພຣະຜູ້ໃຫຍ່ກໍ່ກ່າວຕັກເຕືອນພຣະຜູ້ນ້ອຍໄດ້ ແລະພຣະຜູ້ມີອາວຸໂສນ້ອຍກໍ່ສາມາດຊີ້ແນະຖຶງຂໍ້ບໍ່ດີຂອງພຣະຜູ້ໃຫຍ່ໄດ້ເຊ່ັນກັນ ແມ່ນພຣະຜູ້ໃຫຍ່ຈະມີອາວຸໂສກວ່າ ເພື່ອເປັນເຄື່ອງມືຊີ້ໃຫ້ເຫັນວິທີການຄອຍສັງວອນ ຄື ຕາມລະວັງ ບໍ່ປະຫມາດ ບໍ່ຍອມໃຫ້ຄວາມທີ່ບໍ່ດີເກິດຂຶ້ນໄດ້ ເຫມືອນລ້ອມຣັ້ວໄວ້ກ່ອນທີ່ງົວຈະໄປ

ກິດຈະກຳຕ່າງໆ ທີ່ພຸດທະສາສນິກະຊົນຄວນປະຕິບັດໃນວັນອອກພັນສາ

1. ທຳບຸນຕັກບາດອຸທິດສ່ວນກຸສົນໃຫ້ແກ່ຍາດຜູ້ລ່ວງລັບໄປແລ້ວ

2. ຟັງພຣະທັມມະເທສນາ ຮັກສາສີລ ຖວາຍສັງຄະທານ ຖວາຍພັດຕາຫາຣ ຫລືຈັດດອກໄມ້ ທູບ ທຽນ ໄປບູຊາທີ່ວັດ ແລະຟັງພຣະທັມມະເທສນາ

3. ຣ່ວມກຸສົລທັມ "ຕັກບາດເທໂວ"

6. ວຽນທຽນ ໄຫລເຮືອໄຟ

 

   ນັກວິທະຍາສາດຫວຽດນາມ ງົງກັບຕ້ົນກ້ວຍຍັກທີ່ເກິດຂຶ້ນມາເອງຢ່າງບໍ່ມີປີ່ໃຜປູກໃນຫລາຍແຂວງຂອງປະເທດ ແລະກຳລັງສຶກສາສາເຫດຄວາມເປັນມາແລະເປັນໄປຂອງເລື່ອງນີ້ ຂະນະທີ່ຫລາຢຝ່າຍສົງໃສວ່າ ປະກົດການນີ້ກ່ຽວວຂ້ອງກັບການໃຊ້ສານເຄມີຂອງກອງທັບອາເມລິກາ ໃນຄາວສົງຄາມຫລືບໍ່ ໃນຂະນະດຽວກັນ ການກະເສດໃນຫລາຍແຂວງເລີ່ມນຳ “ກ້ວຍຣ້ອຍຫວີ” ພວກນີ້ໄປຂະຫຍາຍພັນແລະປູກກັນຕ່ໍ່ໆ ໄປ ໂດຍທີ່ຍັງບໍ່ມີກົດລະບຽບໃດອອກມາຄວບຄຸມ ຫນັງສືອພິມໃນຫວຽດນາມລາຍງານ
ຫນັງສືເຫງື່ອຍລາວດົງ (Người Lao Động) ຫລື “ຄົນງານ” ລາຍງານການພົບກ້ວຍຣ້ອຢຫວີຕ້ົນລ່າສຸດໃນເຂດເຮືອນຂອງລຸງຄົນຫນຶ່ງໃນຄອມມູນລອງໄຮ (Long Hải) ເມືອງ.ຟຸກວີ໋ (Phú Quý) ແຂວງ.ບີ່ງທວນ (Bình Thuận) ທີ່ມີລຳຕ້ົນໃຫຍ່ໂຕແຂງແຣງແລະໃຫ້ຜົລເຖິງ 176 ຫວີ ເຊິ່ງເຮັດໃຫ້ມີຜູ້ຄົນສົນໃຈເດິນທາງໄປຊົມຢ່າງຫລວງຫລາຍ ເດືອນທີ່ແລ້ວກໍ່ມີອີກຄອບຄົວຫນຶ່ງໃນ ແຂວງ.ກວ໋າງຫງາຢ (Quảng Ngãi) ໃນພາກກາງກໍ່ພົບມີຕ້ົນກ້ວຍຂະນາດສູງ 2.5 ແມັດ ໂຜ່ຂຶ້ນມາໃນສວນຫລັງບ້ານ ແລະໃຫ້ຫມາກເຖິງ 150 ຫວີ ເຫນືອຂຶ້ນໄປໃນ ແຂວງ.ຫ່າຕີ໋ງ (Hà Tĩnh) ຄອບຄົວຫນຶ່ງກຳລັງຂະຫຍາຢພັນຕົ້ນກ້ວຍຍັກສູງ 2.5 ແມັດ ຫລັງຈາກພົບຕ້ົນທຳອິດກຳລັງໃຫ້ຜົນເຖິງ 151 ຫວີ ຫນັງສືພິມສະບັບນີ້ລາຍງານອີກວ່າປີທີ່ແລ້ວພົບກ້ວຍຣ້ອຍຫວີໃນອີກຫລາຍແຂວງທີ່ຮາບປາກແມ່ນ້ຳຂອງ ຕົ້ນປີນີ້ຍັງພົບຫມາກນັດປະຫລາດ ທີ່ມີລຳຕົ້ນງອກຂື້ນສູງກວ່າ 20 ແມັດ

ຫນຸ່ມຟິລິປປິນບ້າ "ຊູບເປີ້ແມນ" ລົງທຶນສັນຍາກຳໃບຫນ້າ ໃຫ້ຄ້າຍກັບຊູບເປີ້ຮີໂຣ້ໃນດວງໃຈ...

 

 

ສຳນັກ ຂ່າວຕ່າງປະເທດ ລາຍງານເມື່ອ ວັນທີ 8 ຕຸລາ ວ່າ ເອອຣ໌ເບິຣ໌ຕ ຊາເວຊ ຫນຸ່ມຟິລິບປິນ ອາຍຸ 35 ປີ ເປັນຜູ້ທີ່ມັກ "ຊູບເປີ້ແມນ" ເປັນຢ່າງຢິ່ງ ລົງທຶນສັນຍະກຳຜ່າຕັດໃບຫນ້າ ເພື່ອປັບໂສມຕົວເອງໃຫ້ຄ້າຍຄືຕົວລະຄອນໃນຫນັງໃຫ້ຫລາຍທີ່ສຸດ

ໂດຍ ເມື່ອປີ 1998 ຊາເວຊ ເລີ່ມຜ່າຕັດຕົກແຕ່ງໃບຫນ້າເປັນຄັ້ງທຳອິດ ແລະເສີມຄາງບຸ໋ມ ເສີມດັງໃຫ້ເຫມືອນກັບ "ຄຣິສໂຕເຟີ້ ຣີຟ" ນັກສະແດງຊາວອະເມລິກາຜູ້ຣັບບົດເປັນຍອດມະນຸດຮັກສາໂລກ ນອກຈາກນີ້ຍັງສີດຊິລິໂຄນໃຫ້ຮີມປາກອວບ ປູກກ້າມເນື້ອຕ້ົນຂາ ແລະດູດໄຂມັນຫນ້າທ້ອງ ເພື່ອໃຫ້ສົມເປັນຮູບຮ່າງຂອງມະນຸດຜູ້ແຂງແຮງດັ່ງເຫລັກກລ້າ

ຊາເວຊ ຜູ້ຫົລງໄຫລ "ຄລາກ ເຄນທ໌" ຕັ້ງແຕ່ຍັງນ້ອຍ ເຜີຍວ່າ ເປັນແຟນຊູເປີ້ແມນມາດົນນານ ທີ່ເຮືອນຂອງເຂົາໃນເມືອງຄາລັມບາ ມີຫຸ່ນຈຳລອງຂະຫນາດເທ່ົາຕົວຈິງ ເຄື່ອງແຕ່ງກາຍ ຫນັງສືກາຕູນ ແລະໂປສເຕີ້ ທີ່ສະສົມມານານກວ່າ 20 ປີ ປັດຈຸບັນເຂົາເປັນທີ່ຣູ້ຈັກໃນນາມ "ມິສເຕີ້ ຮີໂຣ່ " ຕອນນີ້ມີອາຊີບເປັນເທຣນເນີ້ໃຫ້ກັບນາງງາມ

ຢ່າງໃດກໍ່ດີ ນັກຈິດຕະເວດ ສະແດງຄວາມກັງວົນວ່າ ຊາເວຊ ອາດຈະປະສົບປັນຫາປ່ວຍຈາກໂຣຄ "body dysmorphic disorder" ຫລືໂຣຄຫມົກມຸ່ນກັບຄວາມບໍ່ສົມປະກອບຂອງຣູປຣ່າງຫນ້າຕາ ຫມາຢຄວາມວ່າເຂົາຖືກການສັນຍະກຳຄອບງຳ ເຊິ່ງຕົວເຂົາເອງກໍ່ຍັງບໍ່ມີແຜນຢຸດການຜ່າຕັດປ່ຽນແປງຮ່າງກາຍ ແລະອາດຈະເກິດຂຶ້ນໄດ້ອີກໃນອະນາຄົດ.

 

ເດວິດ ມອຣ໌ຣິສັນ (David Morrison) ນັກວິທະຍາສາດນາຊ່າ (NASA) ເປິດເຜີຍເຖິງຂ່າວທີ່ກຳລັງແຜ່ສະພັດໄປທົ່ວອິນເຕີເນັດທີ່ວ່າ ໂລກຈະເຖິງຄາວສິ້ນສຸດລົງໃນປີ 2012 ດ້ວຍເຫດຜົນທາງດາລາສາດ ເປັນພຽງແຕ່ "ຂ່າວລື" ເທົ່ານັ້ນ ໂດຍດັອກເຕີ້ມອຣ໌ຣິສັນ ບອກວ່າ ອາການ "ວິຕົກຈັກກະວານ" (cosmophobia) ຖືກຢັດຢຽດ ໂດຍເວັບໄຊວິທະຍາສາດ "ປລອມ" ແລະ ຜູ້ທີ່ພະຍາຍາມຈະຫາເງິນ ຈາກຄວາມບໍ່ຮູ້ຂອງສາທາລະນະຊົນ

ຄວາມເຊື່ອ ທີ່ແຜ່ກະຈາຍຢູ່ໃນເນັຕ ທີ່ວ່າ ວັນທີ່ 21 ທັນວາ 2012 ຈະເປັນວັນໂລກາວິນາດ (doomsday) ເນື່ອງຈາກ ເຫດການບາງຢ່າງ ທີ່ເກິດຂຶ້ນໃນຈັກກະວານຈະທຳລາຍໂລກ ກາຍເປັນເລື່ອງຫລອກລວງ ໂດຍຄຳຢືນຢັນດັງກ່າວມາຈາກ ດັອກເຕີ້ເດວິດ ມອຣ໌ຣິສັນ ນັກວິທະຍາສາດນາຊ່າ ເຊຶິ່ງຂໍ້ສະຫລຸບຂອງຄຳອ້າງຕ່າງໆ ແລະການໂຕ້ຕອບຂອງນັກວິທະຍາສາດທີ່ມີຕ່ໍ່ເລື່ອງດັງກ່າວ ກຳລັງໄດ້ຣັບການເຜີຍແຜ່ໂດຍ ສະມາຄົມດາລາສາດແຫ່ງພາກພື້ນປາຊິຟິກ
ຫລາຍເດືອນທີ່ຜ່ານມາ ທາງນາຊ່າ ແລະ ນັກບິນອະວະກາດຫລາຍຄົນ ໄດ້ຣັບຈົດຫມາຍ ແລະອີເມລ໌ ສະແດງຄວາມວິຕົກກັງວົນ ຈາກຂ່າວສານທີ່ມີການເຜີຍແຜ່ໃນອິນເຕີ້ເນັດ ເຖິງຄວາມເປັນໄປໄດ້ທີ່ໂລກຈະເຖິງຄາວວິນາດ ແລະ ຄວາມສູນເສຍຂອງຊີວິດມະນຸດຫລວງຫລາຍ ໃນປີ 2012 ເຫດຜົນແລະເງື່ອນໄຂ ທີ່ຈະເຮັດໃຫ້ໂລກແຕກ ໄດ້ຣັບການນຳສະເຫນີ ຢ່າງຕໍ່ເນື່ອງ ບໍ່ວ່າຈະເປັນການຕຳກັນຂອງດາວເຄາະ ຊື່ວ່າ Nibiru ຈຸດດັບເທິງດວງຕາເວັນທີ່ເກິດຂຶ້ນຢ່າງຕໍ່ເນື່ອງ ຕຳແຫນ່ງໃຫມ່ຂອງການຈັດວາງສູນກາງກາແລັກຊີ່ ແລະອື່ນໆ ອີກສາລະພັດ ເດວິດ ມອຣ໌ຣິສັນ ບັນຍັດອາການຫວາດວິຕົກຕໍ່ເຫດການດັ່ງກ່າວວ່າ "cosmophobia" ເຊິ່ງເກິດຂຶ້ນກັບຜູ້ຄົນທົ່ວໂລກໃນວົງກວ້າງ
ດັອກເຕອຣ໌ ມອຣ໌ຣິສັນ ຜູ້ຊ່ຽວຊານລະບົບສຸລິຍະຈັກກະວານ (solar system) ທີ່ເປັນທີ່ຣູ້ຈັກທັ່ວໂລກ ແລະ ເປັນນັກວິທະຍາສາດທີ່ເຮັດຫນ້າທີ່ ເຜີຍແຜ່ຂ່າວສານຂອງນາຊ່າ ບໍຣິການ " Ask an Astobiologist " ໂດຍເຂົາຈະຕອບຄຳຖາມຕ່າງໆ ໃຫ້ກັບສາທາລະນະຊົນ ເຊິ່ງເຂົາໄດ້ຣັບຄຳຖາມຢ່າງຫລວງຫລາຍທີ່ກ່ຽວກັບ ປີ 2012 ໂລກາວິນາດ ຈົນຣູ້ສຶກວ່າເຂົາຕ້ອງສືບຫາຕ້ົນຕໍ ແລະ ຄວາມຈິງໃນເລື່ອງນີ້ ປະເດັນທີ່ເຂົາໃຫ້ຄວາມສົນໃຈຫລາຍທີ່ສຸດໃນການຄ້ົນຫາ ກໍ່ຄື ຜູ້ແຜ່ກະຈາຍຫລາຍຄົນ ເລີ່ມຕ້ົນຈາກຫນັງ " 2012 " ໂດຍການສ້າງເວັບໄຊວິທະຍາສາດ " ປອມ " ແລະ ກະຕຸ້ນໃຫ້ຜູ້ຄົນຄ້ົນຫາຄີເວິຣ໌ດ " 2012 " ໃນເວັບ ເຊິ່ງເວັບໄຊສ່ວນໃຫຍ່ທີ່ຄ້ົນພົບໄດ້ ຈະເຕັມໄປດ້ວຍຂ້ໍມູນໄຣ້ສາລະ ແລະ ຄວາມເຂ້ົາໃຈທີ່ຄາດເຄື່ອນ ໂດຍສະເພາະ ຜູ້ທີ່ຂຽນຫນັງສືກ່ຽວກັບຄວາມຫາຍະນະ ທີ່ພະຍາຍາມຈະຂາຍຫນັງສືຂອງພວກເຂົາ

ບົດຄວາມຂອງມອຣ໌ຣິສັນ ຈະຢູ່ໃນຣູບຂອງຄຳຖາມແລະຄຳຕອບ ຕາມດ້ວຍແນະນຳແຫລ່ງຂໍ້ມູນວິທະຍາສາດ ທີ່ຜູ້ອ່ານສາມາດຄ້ົນຫາກ່ຽວກັບເຫດຜົນທີ່ວ່າ ເປັນຫຍັງຈິ່ງບໍ່ມີການເວົ້າເຖິງເຫດການທີ່ຈະເກິດຄວາມຫາຍະນະ ໃນປີ 2012 ມັນມີເຫດຜົນຫລາຍຢ່າງທີ່ນ່າກັງວົນກ່ຽວກັບອະນາຄົດຂອງໂລກ ແຕ່ທີ່ແນ່ນອນ ບໍ່ມີເຫດຜົນ ຫລື ກຳນົດຊ່ວງເວລາທີ່ໂລກຈະແຕກໃນປີນັ້ນໆ ຕົວຢ່າງແຫລ່ງຂ້ໍມູນທີ່ແນະນຳ ເພື່ອສະແດງໃຫ້ເຫັນວ່າ ສິ່ງແປກໆ ຫລື ເຫດການປະຫລາດຕ່າງໆ ຈິ່ງເປັນເລື່ອງທີ່ຂີ້ຕົວະທັງຫມົດ

www.facebook.com/simproject

ເຈັດຕຸລາປະກາດກ້ອງ.................ສລອງມ່ວນວັນຄຣູ

ຜູ້ພາກພຽນສອນສິດ....................ບໍ່ຄິດແຄງແຫນງທໍ້
ມືຖືສໍຂາວແຕ້ມ.........................ຂຽນກະດານດຳຫມົ່ນ
ຄວາມມານະອົດທົນ......ແມ່ນຂັດສົນຍາກຍຸ້ງ......ກໍຫມາຍມຸ້ງຕໍ່ວິຊາ

ຄຣູພາກພຽນຕັ້ງຫນ້າ.................ຄົ້ນຄວ້າຕໍ່ບໍ່ເຄີຍຖອຍ
ຂໍພຽງຄອຍເຫັນສິດ...................ຮ່ຳຮຽນຂຽນໄດ້
ຈຸດມຸ້ງຫມາຍຄຣູຕັ້ງ..................ສຸມພະລັງເຂົ້າໃສ່
ຄຣູມີຄວາມຟັກໄຝ່......ສິດຈະເຣີນກ້າວຫນ້າ......ວິຊາຮູ້ສລາດຄົນ

ສອນໃຫ້ຮູ້ຄິດຄົ້ນ....................ຝຶກຝົນເຣື່ອງການຜລິດ
ສິດທຸກຄົນພຽນແພງ...............ດັ່ງດຽວສເມີດ້າມ
ຄຸນນະທັມສອນຊີ້...................ພົລເມືອງດີຂອງຊາຕ
ຄຣູສລາດປາດເປື້ອງ..............ເມືອງບ້ານຮຸ່ງຈະເຣີນ...ຈິງໃດ

ຮຽມຈຶ່ງຂໍປ່າວເອີ້ນ...............ເຊີນເພື່ອນນັກຮຽນລາວ
ເຮົາມາສັລເສີນຄຣູ...............ຮູ້ບຸນຄຸນຍ້ອງ
ສລອງຊັຍວັນຄຣູນີ້................ສະດຸດີຍິ່ງໃຫຍ່
ພ້ອມມາອ່ວຍພອຣຊັຍ.....ເອື້ອຍອ້າຍຄຣູທຸກທ່ານ.....ອາຈານພ້ອມຢູ່ສະບາຍ

ສິ່ງເປັນເຂັນເຄາະຮ້າຍ........ຈົ່ງປັດປ່າຍກາຍຫນີ
ສິ່ງໃດດີໄຫຼມາໂຮມ.............ຫອບໂຈມຈູນເຂົ້າ
ໃຫ້ຄຣູລາວພຽງພ້ອມ...........ກຳລັງໃຈເຕີມຕໍ່
ເງິນເດືອນນ້ອຍ....ຢ່າພາກັນຄຶດທໍ້.....ຣັຖບາລ..ໃຫ້ພາກັນຄິດພໍ້....ຂໍເພີ້ມໃຫ້ພວກຄຣູ

ຣັຖບາລ..ຄວນຍິ່ງການຊຸກຊູ້.....ໃຫ້ຄຣູຢູ່ເປັນພິມ
ຢ່າໄດ້ລືມການສຶກສາ............ກ້າວຫນ້າໄປກ່ອນຫຼາຍດ້ານ
ພັທນາເມືອງບ້ານ................ການສຶກສາຕ້ອງໄປກ່ອນ
ສິດຂໍຝາກບົດກອນ...ອ່ວຍພອຣຄຣູທົ່ວຫນ້າ......ຈະເຣີນກ້າຕລອດໄປ...ທ່ານເອີຍ

ເຣື່ອງບໍ່ດີທີ່ສິດໄດ້................ເຮັດໄປກ່ອນຫຼອນຄຳນຶງ
ຄວາມດື້ດຶງບາງເວລາ............ນົບຂະມາໃຫ້ສອນຊີ້
ຄຸນຄວາມດີຈົດຈຳໄວ້............ເຈືອຣະນັຍບຸນຄຸນທ່ານ
ຂໍໃຫ້ຄຣູແລະອາຈານ......ປອດພັຍມານພະຍາດຕ້ອງ.....ແນວປອງຮ້າຍໃຫ້ພ່າຍຫນີ....ສາທຸ

 

ຂອບໃຈບົດກອນມ່ວນໆຈາກທ່ານອາຈານຈຳປາແດງ ຈາກເວບໄບລານ

ມາສະເຫລີຍເລີຍເນາະ ວ່າໂຕເອງຕອບມາແລ້ວຜົນອອກມາຈະເປັນແນວໃດສະເຫລີຍ-ຈຳນວນກະແຈ ຄືຈຳນວນເພື່ອນແທ້ທີ່ມີຢູ່..-ປາສາດເກົ່າ - ບອກເຖິງຄວາມສຳພັນທີ່ຜ່ານມາລະຫວ່າງທ່ານກັບຄົນຮັກວ່າຈົ ບລົງບໍ່ຄ່ອຍຈະດີເທົ່າໃດ ແລະທ່ານເອງກໍ່ບໍ່ ຢາກຈະນຶກເຖິງມັນ.ໃຫມ່ - ຄວາມສຳພັນ ຄັ້ງໃຫມ່ສຸດຂອງທ່ານກັບຄົນຮັກເປັນໄປໃນທາງທີ່ດີ ເຖິງແມ່ນວ່າມັນຈະຈົບລົງໄປແລ້ວກໍ່ ຕາມ ແຖມທ່ານເອງກໍ່ຍັງມີຄວາມຮູ້ສຶກດີໆຫລົງເຫລືອຢູ່ ແລະຮູ້ສຶກດີທີ່ຄິດເຖິງມັນ.- ສ້ອຍຄໍເຄື່ອງປະດັບໃນບໍ່ນ້ຳຂຸ້ນຈັບ - ຂະຫນາດວ່າຄົນຮັກຢູ່ຂ້າງໆ ທ່ານກໍ່ຍັງແອບສົ່ງສາຍຕາໃຫ້ຄົນອື່ນຢູ່ສະເຫມີບໍ່ຈັບ - ເວລາທ່ານຢູ່ກັບຄົນຮັກ ທ່ານມັກຈະເບິ່ງແຕ່ເຂົາພຽງຄົນດຽວ ແລະໃຊ້ເວລາຢູ່ກັບເຂົາໃຫ້ຫລາຍທີ່ສຸດ- ເງິນໃນບໍ່ນ້ຳໃສ.ຈັບ - ແມ່ນເວລາຄົນຮັກບໍ່ໄດ້ຢູ່ໃກ້ໆ ທ່ານກໍ່ຍັງສົ່ງສາຍຕາໃຫ້ຄົນອື່ນຢູ່ເຫມືອນເດີມບໍ່ຈັບ - ເຖິງແມ່ນວ່າຄົນຮັກຈະບໍ່ໄດ້ຢູ່ຂ້າງໆທ່ານກໍ່ຍັງຊື່ສັດ ແລະພັກດີຕໍ່ເຂົາ ຈະບໍ່ເຜີປັນໃຈໃຫ້ຄົນອື່ນເດັດຂາດ- ຂະຫນາດກ່ອງໃຫຍ່ - ລະດັບ Eg ໃນຕົວທ່ານສູງຫລາຍກາງ - ລະດັບEgໃນຕົວທ່ານ ປານກາງນ້ອຍ - ລະດັບEgໃນຕົວທ່ານ ນ້ອຍ- ວັດສະດຸທີ່ໃຊ້ເຮັດກ່ອງເຫລັກ - ທ່ານມີຄວາມພາກພູມໃຈໃນຕົວເອງສູງ ຈົນບາງຄັ້ງເບິ່ງຂ້ອນຂ້າງ..ໄມ້/ເຈ້ຍ - ຖ່ອມຕົວ

ມາເລີ່ມທົດສອບກັນເລີຍ:ສົມມຸດວ່າ ທ່ານກຳລັງຍ່າງວົນວຽນຢູ່ໃນປ່າຫິມະ ແລ້ວຢູ່ໆກໍ່ເຫັນແສງວັບວິບວັບວິບຢູ່ເທິງພື້ນແຕ່ໄກ ເມື່ອຍ່າງເຂົ້າໄປໃກ້ໆ ປະກົດວ່າເປັນພວງລູກກະແຈຄຳ ທ່ານກົ້ມລົງໄປຈັບເອົາ**ທ່ານຄິດວ່າ ຈະມີກະແຈຄຳຢູ່ໃນພວງຈັກດອກ? (1-10)ຈາກນັ້ນກໍ່ຍ່າງໄປຕາມທາງເລື້ອຍໆ ຄາວຫນຶ່ງ ທ່ານກໍ່ເຫັນປາສາດຫລັງຫນຶ່ງ ຕັ້ງຢູ່ສູງສະຫງ່າ**ທ່ານຄິດວ່າ ປາສາດຫລັງນີ້ມີລັກສະນະແນວໃດ? (ເກົ່າ/ໃຫມ່)ເມື່ອທ່ານຍ່າງເຂົ້າໄປສຳຫລວດໃນປາສາດ ກໍ່ພົບບໍ່ນ້ຳຂຸ້ນໆຢູ່ 01 ບໍ່ ໃນນີ້ມີສ້ອຍຄໍ ເຄື່ອງປະດັບຢູ່ຫລາຍຢ່າງ ສ່ອງແສງປະກາຍແວວວາວ**ທ່ານຈະຈັບເຄື່ອງປະດັບເຫລົ່ານີ້ຫລືບໍ່? (ຈັບ/ບໍ່ຈັບ).ໃກ້ໆກັບບໍ່ນ້ຳຂຸ້ນ ມີບໍ່ນ້ຳໃສໆອີກບໍ່ຫນຶ່ງ ໃນນັ້ນມີເງິນຢູ່ຢ່າງຫລວງຫລາຍ**ທ່ານຈະຈັບເງິນນັ້ນຫລືບໍ່? (ຈັບ/ບໍ່ຈັບ).ທ່ານຍ່າງຕໍ່ໄປເລື້ອຍໆ ຄາວຫນຶ່ງ ສາຍຕາກໍ່ເຫລືອບໄປເຫັນປະຕູທາງອອກ ເມື່ອທ່ານຍ່າງອອກມາແລ້ວ ກໍ່ພົບກັບສວນຂະຫນາດໃຫຍ່ ພາຍໃນສວນມີກ່ອງຕັ້ງຢູ່ 01 ກ່ອງ**ທ່ານຄິດວ່າກ່ອງໆນີ້ມີຂະຫນາດເທົ່າໃດ? (ໃຫຍ່/ກາງ/ນ້ອຍ)**ເຮັດມາຈາກວັດຖຸຫຍັງ? (ເຫລັກ/ໄມ້/ເຈ້ຍ)ເຊີນທ່ານຜູ້ທີ່ເຂົ້າມາອ່ານແລ້ວຊ່ອຍຕອບຄຳຖາມທີ່ໃຫ້ມາ ໂອກາດຫນ້າຂ້າພະເຈົ້າຈະມາສະເຫລີຍໃຫ້ຂອບໃຈທີ່ອ່ານ

ນີ້ອາດຈະແມ່ນຄາຖາໃຈປ່ອງທີ່ແທ້ຈິງທີ່ທ່ານພຣະອາຈາຣຍ໌ມະຫາປາລ ອານັນໂທ ອະດີດເຈົ້າສຳນັກວັດໂສກປ່າຫລວງ, ສຳນັກວິປັສສນາກັມມະຖານ. ທ່ານພຣະອາຈາຣຍ໌ ໄດ້ເຄີຍແນະນຳລູກສິຕຍ໌ເອົາໄວ້ເພື່ອໃຫ້ມີຄວາມຈຳດີ ນັ້ນກໍ່ຄືການຝຶກສະມາທິ ວິປັສສນາຕາມຄວາມສາມາດ ດັ່ງຈະໄດ້ຍົກເອົາມາພໍເປັນແນວທາງການສຶກສາຄົ້ນຄ້ວາຕໍ່ໄປນີ້.ວິທີຝຶກຫັດຈິຕໃຫ້ຈື່ຈຳກອ່ນຈະນອນໃຫ້ໄຫວ້ພຣະວ່ານະໂມ ໓ ເທື່ອ ນຶກເຖິງຄຸນງາມຄວາມດີຂອງພຣະພຸດ ພຣະທັມ ແລະ ພຣະສົງຄ໌ ພໍສົມຄວນແລ້ວຕັ້ງຈິຕໃຈນອນ ບໍ່ໃຫ້ນຶກເຖິງເລື່ອງອື່ນ ອະດີດບໍ່ໃຫ້ກຳນົດ ອະນາຄົດບໍ່ໃຫ້ຄຳນຶງ ເພິ່ງກຳນົດແຕ່ປັດຈຸບັນຢ່າງດຽວ ໃຫ້ມີສະຕິລະນຶກຢູ່ວ່າ ກຳລັງຈະນອນຕລອດເຖິງຫລັບ. ເມື່ອຕື່ນຂື້ນແລ້ວ ກໍ່ໃຫ້ມີສະຕິໄຫວ້ພຣະວ່ານະໂມ ໓ ເທື່ອ ນຶກເຖິງຄຸນພຣະຣັຕຕະນະໄຕຣຕາມເຄີຍ ເມື່ອໝົດພິທີແລ້ວ ຖ້າເຮົາມີວຽກແນວໃດ ກໍ່ໃຫ້ເຮັດໄປຕາມໜ້າທີ່ຂອງຕົນ ເມື່ອເຖິງເວລາໃກ້ຊິນອນໄຫວ້ພຣະຕາມເຄີຍ ແຕ່ກ່ອນຈະຫລັບ ໃຫ້ມີສະຕິກຳນົດຫົນຫລັງວ່າ:໑. ມື້ເຊົ້າເຮົາລຸກເວລາຈັກໂມງ ໄດ້ເຮັດຫຍັງແນ່໒. ຕອນທ່ຽງ ໑໒ ໂມງ ເຮົາໄດ້ເຮັດວຽກຫຍັງແນ່໓. ກ່ອນເຂົ້ານອນ ໄດ້ນຶກ ໄດ້ຄຶດນຳວຽກສິ່ງໃດກ່ອນ ແລ້ວໃຫ້ນຶກໃຫ້ຄຶດກັບໄປກັບມາ ຈົນຈື່ຈົນຊຳນານຈິ່ງນອນ ຖ້າຊຳນານຄ່ອງຄ້ຽວແລ້ວ ໃຫ້ລະນຶກທະວີຂື້ນ ຄືສົມມຸຕວ່າເຮົາຕື່ນ ໕ ໂມງເຊົ້າ ກ່ອນຈະຫລັບໃຫ້ນຶກໄດ້ວ່າ ຕອນເຊົ້າເຮົາເຮັດຫຍັງ ເວລາ ໖ ໂມງເຮັດຫຍັງ, ເວລາ ໗ ໂມງເຮັດຫຍັງ ໃຫ້ລະນຶກຈື່ຈຳທຸກຊົ່ວໂມງ ເວລາເຂົ້າຫ້ອງໃຫ້ນຶກກັບໄປກັບມາ ເປັນອະນຸໂລມປະຕິໂລມໃຫ້ຊຳນານແລ້ວຈິ່ງນອນ. ຖ້າຜູ້ໃດເຝິກຝົນໄດ້ທຸກວັນ ດັ່ງກ່າວມານີ້ ຜູ້ນັ້ນ ຈະເປັນຜູ້ມີປັນຍາຈື່ຈຳດີ ຈະດຳເນີນໃນທາງຄະດີໂລກ ແລະ ຄະດີທັມ ກໍ່ຈະສຳເລັດຜົລຕາມຄວາມພະຍາມ.ສະຫລຸບຄວາມແລ້ວ, ຕາມເຈຕະນາຂອງເພິ່ນ ແມ່ນຢາກໃຫ້ເຮົາມີສະຕິກຳນົດທຸກການເຄື່ອນໄຫວ ຄືອິຣິຍາບົດ ຢືນ, ຍ່າງ, ນັ່ງ, ນອນ, ຢິບຈັບສິ່ງຂອງຕ່າງໆ ງວກຊ້າຍແລຂວາ ກໍ່ໃຫ້ຕາມຮູ້ທັນ. ແລະ ເວລາຕອນທ້າຍຂອງມື້ ຄືຕອນແລງ ກໍ່ໃຫ້ຄືນທົບທວນຄືນເຫດການທີ່ຜ່ານມາໃນມື້ນັ້ນ. ດວ້ຍການທົບທວນພາຍໃນມື້ໜຶ່ງ, ທົບທວນເຫດການສອງມື້ຄືມື້ນີ້ ກັບມື້ວານນີ້, ທົບທວນເຫດການສາມມື້ຄື ມື້ນີ້, ມື້ວານນີ້ ແລະ ມື້ຊືນ. ຈາກການທົບທວນແບບນີ້ ຈະເຮັດໃຫ້ເຮົາຈື່ເຫດການພາຍໃນ ມື້ໜຶ່ງ, ອາທິດໜຶ່ງ, ສອງອາທິຕ, ສາມອາທິດ, ເດືອນໜຶ່ງ…..ຄືນຫລັງ. ເປັນວິທີທີ່ທົບທວນຄວາມຈຳແບບການໃຊ້ສະມາທິລະນຶກຄືນ. ແຕ່ກໍ່ຂໍແນະນຳໃຫ້ເຮັດຕາມສົມຄວນ ໃຫ້ມີສະຕິຕິດຕາມຄວາມຄິດຕລອດເວລາ ບໍ່ໃຫ້ຫລົງເພີນໄປກັບຄວາມຄິດຮ້າຍຫລືດີໃນອະດີດ ເພາະວ່າຈະເຮັດໃຫ້ສັບສົນ.ຕາມຄວາມຄິດຂອງຜູ້ຂຽນ ຖ້າເຮົາມີສະຕິທຸກເວລາ ອາການເຄື່ອນໄຫວ ໂດຍການຝຶກວິປັດສະນາກັມມະຖານ ວິທີຝຶກຄວາມຈຳແບບຄຶດທົບທວນອາດີດ ກໍ່ບໍ່ຈຳເປັນ. ແຕ່ເປັນຫຍັງພຣະອາຈາຣຍ໌ ປາລ ເພິ່ນຈິ່ງແນະນຳເຊັ່ນນັ້ນ ຍ້ອນວ່າ ເພິ່ນແນະນຳເພື່ອຜູ້ທີ່ບໍ່ໄດ້ຝຶກສະມາທິ ຜູ້ທີ່ບໍ່ຮູ້ການຈະເລີນວິປັສສນາກັມມະຖານ.ທ່ານຜູ້ອ່ານທີ່ມີຄວາມຈຳສັ້ນ ລອງເອົາໄປນຳໃຊ້ເບິ່ງ ບາງທີອາດເກີດປະໂຫຍດ ເຮັດໃຫ້ຄວາມຈຳດີຂື້ນ ເຮັດໃຫ້ມີສະຕິດີຂື້ນກໍ່ເປັນໄດ້.