ໄດອາຣີ່ຂອງ Tomtom Xaysombath

ຂຽນເມື່ອ: ມ.ນ.. 28, 2010 | ມີ 8 ຄຳເຫັນ ແລະ 0 trackback(s)

ຄໍລຳພວກເຮົາເຄີຍຍົກບັນຫາການເກັບມ້ຽນຂີ້ເຫຍື້ອຂຶ້ນມາເວົ້າຫຼາຍເທື່ອ ແຕ່ໃນຄວາມເປັນຈິງພວກເຮົາກໍຕ້ອງຍອມຮັບນຳກັນວ່າ: ການແກ້ໄຂພົບຄວາມ ຫຍຸ້ງຍາກສົມຄວນ.

ອີງຕາມຂໍ້ມູນຈາກ ອ.ພ.ບ ໃຫ້ຮູ້ວ່າ: ສະເລ່ຍມື້ໜຶ່ງຂີ້ເຫຍື້ອຢູ່ນະຄອນຫຼວງວຽງຈັນ ເກີດຂຶ້ນຈາກທຳມະຊາດ ແລະ ຄົນ ແມ່ນປະມານ320-350 ໂຕນ ແຕ່ການເກັບປະຕິບັດໄດ້ພຽງແຕ່ເຄິ່ງໜຶ່ງທໍ່ນັ້ນ ຄືປະມານ 150-200 ໂຕນ ເຊິ່ງແມ່ນກອງບໍລິການລົດຂົນສົ່ງຂີ້ເຫຍື້ອນະຄອນຫຼວງວຽງຈັນ 43% ແລະ ບໍລິສັດເອກະຊົນ 6 ບໍລິສັດຮັບຜິດຊອບ 57%.

ສ່ວນການສ້າງທາງຈຳນວນ 23 ເສັ້ນທາງສຳຄັນນັ້ນ ການລ້າງຄັ້ງໜຶ່ງຈະຕ້ອງລ້າງປະມານ 200-300 ຖ້ຽວລົດ ຫຼື ຕົກເປັນເງິນປະມານ 40-60ລ້ານ ກີບຕໍ່ຄັ້ງ ຢາກໃຫ້ວຽງຈັນສະອາດສົດໃສ ຕ້ອງໃຊ້ງົບປະມານ 300 ລ້ານກີບຕໍ່ເດືອນ.

ຟັງຂໍ້ມູນນີ້ແລ້ວ ຫຼາຍທ່ານຈະພໍເຂົ້າໃຈວ່າ ສະເພາະເກັບມ້ຽນຂີ້ເຫຍື້ອ ແລະ ລ້າງທາງກໍຕົກເປັນເງິນເດືອນໜຶ່ງ 300 ລ້ານກີບແລ້ວ ດັ່ງນັ້ນ ຜູ້ຜະລິດ ຂີ້ເຫຍື້ອທັງຫຼາຍກໍຄວນຄຳນຶງວ່າ ຕົນຜະລິດໜ້ອຍຫຼາຍຊ່ຳໃດ໋!.

ຫຼາຍປີຜ່ານມາຄຽງຄູ່ກັບຄວາມຈະເລີນຮຸ່ງເຮືອງ ແລະ ການພັດທະນາທີ່ວ່ອງໄວຂອງນະຄອນຫຼວງພວກເຮົາ ບັນຫາຂີ້ເຫຍື້ອກໍເປັນເງົາຕາມຕົວ ແກ້ບໍ່ ຕົກຮ້ອຍສ່ວນຮ້ອຍ... ກໍເຄີຍມີຫຼາຍຮູບແບບ ຈົນມີເຖິງທະນາຄານຂີ້ເຫຍື້ອ ແຕ່ກໍແກ້ໄຂເປັນບາງຄັ້ງບາງຄາວ ເມື່ອບັນຫາເຖິງຂັ້ນນີ້ແລ້ວ ການຈັດຕັ້ງທີ່ ກ່ຽວຂ້ອງ ເປັນຕົ້ນ ອ.ພ.ບ ຄວນໄດ້ຄິດເຖິງການສ້າງຕັ້ງບໍລິສັດທຳຄວາມສະອາດຂຶ້ນມາ ໂດຍມອບໃຫ້ເອກະຊົນຂາດຕົວ 100% ຫຼືວ່າມີລັດຖືຫຸ້ນ ຖ້າບໍ່ ດັ່ງນັ້ນ ການເກັບມ້ຽນຂີ້ເຫຍື້ອຄົງແກ້ບໍ່ຕົກ ໂດຍສະເພາະແມ່ນມື້ບຸນ ມື້ງານສຳຄັນຂອງຊາດຫຍັບມໍ່ເຂົ້າມາທຸກເວລາ.

ແນ່ນອນຄັນມີບໍລິສັດເອກະຊົນ ຫຼື ຮ່ວມທຶນ ມັນກໍຕ້ອງເວົ້າເຖິງກຳໄລຈຶ່ງຈະຢູ່ລອດ ສະນັ້ນ ການເກັບຄ່າບໍລິການຂີ້ ເຫຍື້ອມັນກໍຕ້ອງສູງຂຶ້ນຢ່າງ ຫຼີກລ້ຽງບໍ່ໄດ້... ແຕ່ຫາກມີການຄຸ້ມຄອງດີ ໃຫ້ລາຄາເໝາະສົມ ບໍ່ສູງເກີນໄປ ແລະ ຈັດໃຫ້ເປັນຫຼາຍລະດັບ ເຊັ່ນ: ຄອບຄົວທົ່ວໄປ ທຸລະກິດ ໂຮງແຮມ ຮ້ານອາຫານ ຄິດວ່າຄົງເປັນໄປໄດ້.

ການປຸກລະດົມໃຫ້ສັງຄົມມີສ່ວນຮ່ວມໃນການກຳຈັດຂີ້ເຫຍື້ອ ແຍກຂີ້ເຫຍື້ອໂດຍຮູບການຕ່າງໆຜ່ານມານັ້ນແມ່ນດີຫຼາຍ ສະນັ້ນ ຕ້ອງໄດ້ສືບຕໍ່ເຮັດ ແລະ ປຸກລະດົມເອກະຊົນຜູ້ທີ່ມີຄວາມສາມາດລົງທຶນລົງຮອນເຂົ້າໃສ່ເລື່ອງນີ້ ຄິດວ່າເປັນທາງອອກທີ່ດີຍິ່ງ ເພາະຖ້າອາໄສເບື້ອງລັດກໍຕ້ອງຍອມຮັບໃນເລື່ອງ ຂອງງົບປະມານທີ່ມີຂໍ້ຈຳກັດ.

ຢາກໃຫ້ໝົດທຸກຄົນເອົາໃຈໃສ່ເລື່ອງການກຳຈັດຂີ້ເຫຍື້ອ ເພື່ອຄວາມສະອາດຈົບງາມຂອງນະຄອນຫຼວງ ທັງບັນລຸເປົ້າໝາຍ 6 ສ ທີ່ການຈັດຕັ້ງ ວາງອອກ.

ກີລານັກຮຽນປີນີ້ ມ.ສ ວຽງຈັນ ໄດ້ຄອງເຈົ້າຫຼຽນຄຳ

ຂຽນເມື່ອ: ມ.ນ.. 28, 2010 | ມີ 1 ຄຳເຫັນ ແລະ 0 trackback(s)

ສຳລັບການແຂ່ງຂັນກີລານັກຮຽນ ສາຍສາມັນສຶກສາ ທົ່ວນະຄອນຫຼວງວຽງຈັນ ປະຈຳສົກຮຽນ 2009-2010 ນີ້ ໂຮງຮຽນ ມ.ສ ວຽງຈັນ ສາມາດຍາດໄດ້ ເປັນເຈົ້າຫຼຽນຄຳ ຄືຍາດມາໄດ້ 9 ຫຼຽນຄຳ 10 ຫຼຽນເງິນ ແລະ 10 ຫຼຽນທອງ.

ການແຂ່ງຂັນກີລານັກຮຽນ ສາມັນສຶກສາ ປະຈຳສົກຮຽນນີ້ ແມ່ນໄດ້ເລີ່ມແຂ່ງຂັນ ມາແຕ່ວັນທີ 9-19 ມີນາ ຊຶ່ງປະກອບມີການແຂ່ງຂັນ ກີລາບານເຕະ ບານສົ່ງ ກະຕໍ້ ແລ່ນ-ລານ ເຕັ້ນຍາວ ເຕັ້ນສູງ ໂຍນນ້ຳໜັກ ແກ່ວງຈານ ແລະ ຊັດຫຼາວ.

ການແຂ່ງຂັນເຫັນວ່າ ສົກຮຽນນີ້ ແມ່ນໂຮງຮຽນ ມ.ສ ວຽງຈັນ ໄດ້ຄອງເຈົ້າຫຼຽນຄຳ ຮອງເຈົ້າຫຼຽນຄຳ ແມ່ນເມືອງສີໂຄດຕະບອງ ຍາດໄດ້ 7ຫຼຽນຄຳ 6 ຫຼຽນເງິນ ແລະ 4 ຫຼຽນທອງ ອັນດັບ 3 ແມ່ນເມືອງປາກງື່ມ ຍາດໄດ້ 7 ຫຼຽນຄຳ 5 ຫຼຽນເງິນ ແລະ 7 ຫຼຽນທອງ.

ເປົ້າໝາຍໃນການຈັດແຂ່ງຂັນກີລານັກຮຽນ ແມ່ນເຮັດໃຫ້ນັກຮຽນ ໄດ້ມີໂອກາດສະແດງຄວາມສາມາດຂອງຕົນ ໃນການເຄື່ອນໄຫວວຽກງານກີລາ ເປັນການເສີມສ້າງ ເຮັດໃຫ້ການປະຕິບັດ 5 ຫຼັກມູນການສຶກສາ ຢູ່ໃນໂຮງຮຽນມີລັກຊະນະຄົບຖ້ວນ ແລະ ເດັ່ນຂຶ້ນ ນອກນັ້ນ ກໍເພື່ອເປັນການພັດທະນາ ຄວາມກ້າວໜ້າທາງດ້ານພື້ນຖານ ການກີລາຂອງພວກເຮົາ ໃຫ້ສູງຂຶ້ນ ເຮັດໃຫ້ນັກຮຽນ ນັກກີລາ ມີພະລະນາໄມທີ່ເຂັ້ມແຂງ ສົມບູນ ມີນ້ຳໃຈສາມັກຄີ ມິດຕະພາບ ມີລະບຽບວິໃນ ມີສະຕິຕໍ່ການຈັດຕັ້ງ ແລະ ຫ່າງໄກຈາກສິ່ງເສບຕິດ.

ໃນມື້ປິດການແຂ່ງຂັນ ຢູ່ທີ່ເດີ່ນກີລາບານເຕະເຈົ້າອະນຸວົງ ວັນທີ 19 ມີນາ ຜ່ານມານີ້ ທ່ານ ຊົມພູ ແກ້ວປັນຍາ ຫົວໜ້າພະແນກສຶກສາທິການ ນະຄອນຫຼວງວຽງຈັນ ກໍໄດ້ໃຫ້ກຽດມອບຫຼຽນຄຳ ໃຫ້ນັກກີລາບານເຕະ ຄືທິມເມືອງໄຊເຊດຖາ ທີ່ເອົາຊະນະທິມເມືອງສີສັດຕະນາກໄປ 2-1.

ຂ່າວຈາກ

http://www.vientianemai.net/news.php?col=4&id=1132

ຖະ ແຫລ ງການຂອງໂຄສົກ ກະຊວງການ ຕ່າງປະ ເທດກ່ຽວກັບ ສິດທິ ມະນຸດ

ຂຽນເມື່ອ: ມ.ນ.. 28, 2010 | ມີ 0 ຄຳເຫັນ ແລະ 0 trackback(s)

Pasaxon – 23-03-2010

ຖະ ແຫລ ງການຂອງໂຄສົກ ກະຊວງການ ຕ່າງປະ ເທດກ່ຽວກັບ ສິດທິ ມະນຸດ

ໃນວັນທີ 11 ມີນາ 2010 ແລ້ວນີ້ ກະຊວງການຕ່າງ ປະເທດ ສະຫະລັດໄດ້ນຳອອກເຜີຍແຜ່ບົດລາຍງານ ກ່ຽວກັບ ການປະຕິບັດສິດທິມະນຸດປະຈຳປີ 2009 ຢູ່ບັນດາປະເທດໃນ ທົ່ວໂລກ ຊຶ່ງໃນນັ້ນກໍ່ລວມມີ ສປປ ລາວ.

ຕໍ່ບົດລາຍດັ່ງກ່າວ, ທ່ານ ເຄນທອງ ນວນທະສິງ, ໂຄສົກ ກະຊວງການຕ່າງປະເທດເຫັນວ່າສະເພາະບົດລາຍງານກ່ຽວ ກັບ ສາທາລະນະລັດ ປະຊາທິປະໄຕ ປະຊາຊົນລາວ ນັ້ນ, ກໍ່ ຄືກັບຊຸມປີທີ່ຜ່ານມາ, ເປັນບົດລາຍງານທີ່ປະກອບດ້ວຍຂໍ້ມູນ ຂ່າວສານອັນເກົ່າທີ່ບໍ່ສອດຄ່ອງ ກັບສະພາບຄວາມເປັນຈິງຢູ່ ສປປ ລາວ ແລະ ມີເປົ້າຫມາຍ ທີ່ແນໃສ່ເພື່ອໃສ່ຮ້າຍປ້າຍສີ ແລະ ຕຳນິວິຈານຫລາຍກວ່າ.

ໃນຄວາມເປັນຈິງແລ້ວ, ພາຍໃຕ້ການນຳພາຂອງພັກ ປະ ຊາຊົນ ປະຕິວັດລາວ ເປັນເວລາເກືອບ 4 ທົດສະວັດ, ການ ພັດທະນາເສດຖະກິດ – ສັງຄົມຢູ່ໃນ ສປປ ລາວ ໄດ້ປະສົບ ຜົນສຳເລັດເປັນກ້າວໆມາ, ຊີວິດການເປັນຢູ່ຂອງປະຊາຊົນ ລາວໄດ້ຮັບການປັບປຸງແກ້ໄຂ ນັບມື້ນັບດີຂຶ້ນ, ອັນໄດ້ສ້າງພື້ນ ຖານຫນັກແຫນ້ນ ແລະ ປະຖົມປັດໄຈສຳຄັນໃຫ້ປະຊາຊົນມີ ຄວາມເພິ່ງພໍໃຈ ຕໍ່ການດຳລົງຊີວິດ ແລະ ທຳມາຫາກິນຢູ່ໃນ ສັນຕິພາບ ພາຍໃຕ້ລະບອບການປົກຄອງຂອງ ສປປ ລາວ, ຕະຫລອດຮອດຊາວລາວ ຢູ່ຕ່າງປະເທດຈຳນວນຫລວງຫລາຍ ກໍ່ຍັງໄດ້ສະຫມັກໃຈກັບຄືນມາຕັ້ງຖິ່ນຖານຢູ່ໃນ ສປປ ລາວ, ທັງມາຢ້ຽມຢາມ ແລະ ດຳເນີນທຸລະກິດອີກດ້ວຍ ການປະຕິ ບັດສິດທິມະນຸດ ແລະ ເສລີພາບຂັ້ນພື້ນຖານໃນ ສປປ ລາວ ກໍ່ມີການຮັບປະກັນ ແລະ ໄດ້ຮັບການປັບປຸງດີຂຶ້ນເລື້ອຍໆ ແລະ ລັດຖະບານລາວ ກໍ່ໄດ້ເອົາໃຈໃສ່ເສີມຂະຫຍາຍລະ ບອບປະຊາທິປະໄຕ ປະຊາຊົນຂອງຕົນ ເພື່ອສ້າງ ສປປ ລາວ ໃຫ້ເປັນລັດແຫ່ງກົດຫມາຍເທື່ອລະກ້າວ.

ເພື່ອປົກປ້ອງ ແລະ ສົ່ງເສີມ ສິດທິຂອງປະຊາຊົນລາວ ບັນດາເຜົ່າ, ໃນປີຜ່ານມາ ລັດຖະບານລາວກໍ່ໄດ້ໃຫ້ສັດຕະຍາ ບັນແກ່ສົນທິສັນຍາສາກົນຕົ້ນຕໍດ້ານສິດທິມະນຸດອີກສອງສະ ບັບ ແລະ ກຳລັງດຳເນີນວຽກງານຫລາຍຢ່າງ ເພື່ອຈັດຕັ້ງປະຕິ ບັດ ບັນດາສົນທິສັນຍາສາກົນດັ່ງກ່າວ ໃຫ້ມີປະສິດທິຜົນ. ນອກຈາກນັ້ນ, ລັດຖະບານລາວ ກໍ່ກຽມພ້ອມສະເຫນີເພື່ອສືບ ຕໍ່ປຶກສາຫາລື ແລະ ສົນທະນາກັບຕ່າງປະເທດ ແລະ ອົງການ ຈັດຕັ້ງສາກົນກ່ຽວກັບບັນຫາສິດທິມະນຸດ.

ສະນັ້ນ, ກະຊວງການຕ່າງປະເທດ ແຫ່ງ ສປປ ລາວ ເຫັນວ່າບົດລາຍງານດັ່ງກ່າວບໍ່ເປັນທີ່ຮັບເອົາໄດ້ເພາະເປັນ ການກະທຳຂອງຝ່າຍດຽວຕາມລຳພັງ ຊຶ່ງຂັດກັບຫລັກການ ຂອງກົດຫມາຍ ແລະ ການພົວພັນສາກົນ ແລະ ເປັນການບໍ່ສົ່ງ ເສີມຄວາມເຂົ້າໃຈຊຶ່ງກັນ ແລະ ກັນລະຫວ່າງສອງປະເທດທີ່ມີ ການພົວພັນດີນຳກັນ.

ຂ່າວຈາກ

http://www.vimalao.de/laos/?p=2208

ປະລິມານນ້ຳໃນເຂດລຸ່ມແມ່ນ້ຳຂອງຫນ້ອຍລົງບໍ່ແມ່ນຍ້ອນຈີນ

ຂຽນເມື່ອ: ມ.ນ.. 28, 2010 | ມີ 3 ຄຳເຫັນ ແລະ 0 trackback(s)

ໜວດໝູ່: ຂ່າວສານບ້ານເມືອງ

ຕາມຂ່າວCRI: ນັບແຕ່ທ້າຍປີກາຍນີ້ເປັນຕົ້ນມາ, ເຂດລຸ່ມແມ່ນ້ຳຂອງໄດ້ປະສົບກັບສະພາບແຫ້ງແລ້ງຮຸນແຮງຕໍ່ເນື່ອງ, ບາງສື່ມວນຊົນຂອງໄທລາຍງານວ່າ, ການທີ່ຈີນກໍ່ສ້າງເຂື່ອນໃຫຍ່ຢູ່ຍ່ານເຫນືອແມ່ນ້ຳຂອງແມ່ນສາເຫດຕົ້ນຕໍທີ່ເຮັດໃຫ້ລະດັບນ້ຳຂ ຫຼຸດຕ່ຳລົງ. ຕໍ່ເລື່ອງນີ້, ວັນທີ11 ມີນານີ້, ສະຖານທູດຈີນປະຈຳໄທໄດ້ຖະແຫຼງຂ່າວຢູ່ນະຄອນຫຼວງບາງກອກ,ເພື່ອແຈ້ງສະພາບລະອຽດກັບລະດັບນ້ຳຂອງແມ່ນ້ຳຂອງຫຼຸດຕ່ຳລົງໃນຫວ່າງມໍ່ໆມານີ້. ທ່ານເສີນເຕີໄຫ, ທີ່ປຶກສາພະແນກການເມືອງແລະຖະແຫຼງຂ່າວຂອງສະຖານທູດຈີນປະຈຳໄທ ກ່າວວ່າ, ປະລິມານນ້ຳໃນເຂດລຸ່ມແມ່ນ້ຳຂອງ ຫຼຸດຕ່ຳລົງບໍ່ແມ່ນຍ້ອນການກະທຳຂອງຈີນ.

ໃນກອງປະຊຸມຂ່າວ, ທ່ານເສີນເຕີໄຫ ກ່າວວ່າ, ລະດັບນ້ຳແມ່ນ້ຳຂອງສາຍຫຼັກໃນປະຈຸບັນຫຼຸດຕ່ຳລົງແມ່ນຍ້ອນພາກເຫນືອຂອງໄທແລະລາວເກີດໄພແຫ້ງແລ້ງ, ແຂວງຢຸນນານທີ່ຢູພາກຕາເວັນຕົກສຽງໃຕ້ຂອງຈີນກໍ່ໄດ້ປະສົບກັບໄພແຫ້ງແລ້ງຮຸນແຮງທີ່ບໍ່ເຄີຍພົບໃນຮອບ60 ປີ. ພ້ອມກັນນັ້ນ, ຈີນໄດ້ຈັດຕັ້ງປະຕິບັດຍຸດທະສາດພັດທະນາແບບຍືນຍົງຢ່າງຕັ້ງຫນ້າຕະຫຼອດມາໃນການພັດທະນາໄຟຟ້ານ້ຳຕົກຢູ່ແມ່ນ້ຳລ້ານຊ້າງເຊິ່ງເປັນຢູ່ຍ່ານເຫນືອແມ່ນ້ຳຂອງ, ເພື່ອເອົາໃຈໃສ່ຢ່າງເຕັມທີ່ເຖິງຄວາມເປັນຫ່ວງຂອງປະເທດຕ່າງໆຢູ່ຍ່ານໃຕ້ແມ່ນ້ຳຂອງ.

ທ່ານເສີນເຕີໄຫ ກ່າວວ່າ, ຈີນກັບປະເທດແຄມຝັ່ງແມ່ນ້ຳຂອງ ລ້ວນແຕ່ ແມ່ນປະເທດບ້ານໃກ້ເຮືອນຄຽງທີ່ມີສາຍພູແລະແມ່ນ້ຳຕິດຕໍ່ກັນ,ການພັດທະ ນານ້ຳໃຊ້ຊັບພະຍາກອນນ້ຳຂອງແມ່ນ້ຳລ້ານຊ້າງ-ແມ່ນ້ຳຂອງແມ່ນສອດ ຄ່ອງກັບຜົນປະໂຫຍດລວມຂອງປະເທດຕ່າງໆໃນອະນຸພາກພື້ນ.

ຂາວສານຈາກ

http://laos.cri.cn/188/2010/03/12/1s132475.htm

ລະບາຍອາລົມ

ຂຽນເມື່ອ: ມ.ນ.. 20, 2010 | ມີ 13 ຄຳເຫັນ ແລະ 0 trackback(s)

ໜວດໝູ່: ເລື່ອງຈິງ/ສາລະຄະດີ

ສະບາຍດີມູ່ເພືອນໃນພັນລາວ

ມື້ນີ້ຂໍ່ລະບາຍອອກມາເລືອງ ຮຮ ທີກຳລັງຮຽນຢູ່ນີ່ລະ

ມັນບໍ່ໄດ້ເລືອງຈັກຢາງຮຮທີອາຈານດີແຕ່ເວົາແຕ່ບໍ່ເຮັດຫຍັງຈັກຢ່າງ

ມັນວ່າຄັນມີບັນຫາຫຍັງໃຫ້ໄປບອກມັນແລ້ວມັນຈະແກ້ໃຫ້

ແຕ່ບອກລາຍງານໄປແຕ່ດົນແລ້ວປາກົດວ່າເລືອງງຽບໄປເລີຍ

ມີແຕ່ເວົາແຕ່ບໍ່ເຮັດ

ເລືອງອາຫານການກີນເລືອງຄ່າຫໍ່ພັກເລືອງຄ່າໄຟກາຄື່ກັນ

ບໍ່ມີຄວາມໂປງໃສເລີຍຄ່າໄຟອອກມາເຮົາຖາມຫາບີນມັນກາບໍມີໃຫ້

ເລືອງອາຫານຄ່າກີນຢູ່ມັນວາ ມື້1 16ຢວນ

ບອກເລີຍວ່າໄດ້ແຕ່ຄາບດຽວ

ມື້1ໃຜຈະກີນເຂົ້າຄາບດຽວ

ມັນເວົາວ່າຮຮນີ້ ໃຊ້ຈາຍເງີນເດືອນ1ບໍ່ເກີນ300ຢວນ ແຕ່ໂຕຈີງ ຢ່າງຕຳປະມານ1400ຢວນຢ່າງຕຳ

ຍັງບໍ່ລວມຄ່າຫ້ອງ1600ຢວນຕໍ່ເດືອນ

ເລືອງເງີນມັນບໍ່ມີປັນຫາດອກ ແຕ່ມາແລ້ວມັນພັດເຮັດບໍ່ສົນໃຈສະພາບນັກຮຽນເລີຍ

ປອຍປະລະເລີຍນັກຮຽນໂດຍສະເພາະແມນນັກຮຽນລາວເບີງຄື້ຈະບໍ່ມີສິດສຽງເທົາປະເທດອືນປານໄດ

ຕັວຢ່າງນັກຮຽນປະເທດອືນຖ້າຢາກນອນຫໍ່ພັກກໍເລືອກໄດ້ຖ້າຫ້ອງນັ້ນບໍ່ມີຄົນຢູ່ກາສາມາດເຂົ້າໄປຢູ່ໄດ້

ແຕ່ນັກຮຽນລາວບໍ່ມີເລີຍໃຫ້ຢູ່ແຕ່ຊັ້ນ5-6ເທົານັ້ນ

ສວນເລືອງອືນກໍ່ແມນເລືອງສີງຂ້ອງພາຍໃນຫ້ອງຫາກເພເສຍຫາຍບໍ່ສາມາດໃຊງານໄດ້

ຖ້າເປັນເຄືອງທີປະຈຳຢູ່ໃນຫ້ອງຢູ່ແລ້ວໃຫ້ແຈ້ງໄປຍັງຜູ້ດູແລ

ແຕ່ຫ້ອງຂ້ອຍໄຟເພ,ພື້ນຫ້ອງນ້ຳແຕກ,ປະຕູກາເພ ແຈ້ງໄປເປັນເດືອນແລ້ວປາກົດວ່າບໍ່ມີຫຍັງເກີດຂື້ນເລີຍ

ແຕ່ບາດພວກປະເທດອືນບໍ່ວ່າຈະເປັນ ຢິປຸນ ເກົາຫລີ ແຈ້ງຕາມຫລັງເຮົາເຂົາເຈົ້າໄດ້ແປງແລ້ວ

ບາດຂ້ອຍໄປທວງມັນວ່າດຽວແຕ່ນັບແຕ່ມື້ທວງຜານມາໄດ້2ອາທິດແລ້ວກໍ່ຍັງບໍ່ມີແວວວ່າຈະມີຄົນມາແປງໃຫ້ເລີຍ

ບອກໄວ້ເລີຍຖ້າໃຜທີຄິດວາມາຮຽນຢູ່ໂຮງຮຽນນີ້ແລ້ວດີຂໍໃຫ້ຄິດໃໝ່

ຢູ່ບອນນີ້ບໍ່ສາມາດບອກຊື່ໄດ້ ແຕ່ຖ້າໃຜຢາກຮູ້ໃຫ້ສົ່ງຖາມຫລັງໄມເດີຫລື້ວາໄປເບີງຢູ່ໄຟ້ຂ້ອງຂ້ອຍກາໄດ້ມັນມີຂຽນໃສຢູ່

ບອນຢູ່ຂ້ອງຂ້ອຍ

ສູ້ຕໍ່ໄປ

ຂຽນເມື່ອ: ມ.ນ.. 18, 2010 | ມີ 16 ຄຳເຫັນ ແລະ 0 trackback(s)

ໜວດໝູ່: ຄວາມຮັກ

ເມືອວັນທີຄວາມເຈັບຊ້ຳມັນທຳລາຍຫົວໃຈ...............................................ເມືອວັນທີຄຳວາຮັກເຮັດໃຫ້ຂ້ອຍຕ້ອງລົ້ມລົງ

ວັນນັ້ນຂ້ອຍເຄີຍຄິດວາຊີວິດຂ້ອຍມັນຄົງໝົດຄວາມໝາຍ

ພໍ່ນ້ຳຕາມັນໄຫລຈົບບໍ່ມີເຫລືອຢູ່...............ພໍ່ຂ້ອຍໄດ້ຮຽນຮູ້ກ້າວຜານຄຳວາແພ້ພ້າຍ

ຄຳວາຮັກທີຂ້ອຍນັ້ນຄິດວາເຮັດໃຫ້ຂ້ອຍລົມລົງ..ທີແທ້...ບໍ່ແມນ.....

ມັນແຄ້ດັນໃຫ້ຂ້ອຍກ້າວເດີນຕໍ່ໄປ ອີກເທືອ1

ເມືອກອນເຄີຍຮັກຫລາຍເທົາໄດມັນກາຍັງຮັກຫລາຍເທົານັ້ນ

ແຕ່ຊີວິດມັນຕ້ອງເປັນໄປ

ເມືອກອນມັນຮັກເຈົາທີສຸດ ມັນຍັງຄົງຮັກເຈົ້າສຸດຫົວໃຈ

ບໍ່ເຄີຍເສຍດາຍທີຊີວິດເຄີຍຮັກເຈົ້າ

ຈົບເລືອງນີ້ແມນມາຈາກບົດເພງເດີ້ ເວົາມາຂຽນເປັນລາວ

ຈະເຮັດຈັງໄດດີ

ຂຽນເມື່ອ: ມ.ກ.. 2, 2010 | ມີ 19 ຄຳເຫັນ ແລະ 0 trackback(s)

ໜວດໝູ່: ຄວາມຮັກ

ສະບາຍດີເພືອນໆພັນລາວທຸກຄົນ

ເລືອງນີ້ແມນເລືອງຂອງທ້າວບໍ່ຫຼໍ່ ລາວໄປຫລົງມັກສາວຄົນ1 ແຕ່ທ້າວບໍ່ຫຼໍ່

ກັບນາງຄົນນັນຢູ່ໄກກັນຫລາຍ ທັງສອງຄົນຕິດຕໍ່ກັນທາງອີນເຕີເນັດ

ບໍ່ເຄຍພົບກັນມາກອນແຕ່ທ້າວບໍ່ຫຼໍ່ ບໍ່ຮູ້ຈະເຮັດຈັງໄດດີ ເພືອຈະໄດພົບເຫັນຍີງຄົນນັນ

ລາວກາເລຍຕ້ອງຖ້າຈົນກັວຈະມີໂອກາດ

(ໝົດແລ້ວຕໍ່ໄປຍັງແປບໍ່ອອກແລ້ວຈະມາຂຽນໃໝ່ເດີ ອິອິ)

ຄຳວາຮັກ

ຂຽນເມື່ອ: ມ.ກ.. 1, 2010 | ມີ 13 ຄຳເຫັນ ແລະ 0 trackback(s)

ໜວດໝູ່: ຄວາມຮັກ

ສະບາຍດີໝູ່ເພືອນພັນລາວທຸກຄົນ

ມື້ນີ້ຂໍ່ນຳສະເໜີຄວາມຄິດເຫັນຂ້ອງຄຳວ່າຮັກ

ຄຳວ່າຮັກ ມີໂຕສະກົດຄື້ ( ຮ ັ ກ ) ລວມເປັນ ຮັກ ເດີ

ຄຳວ່າຮັກນັນຄິດວ່າມີຫລາກຫລາຍຄວາມໝາຍ ຂື້ນນຳຊ້ວງເວລາທີເວົາ

ເວລາເວົາກັບໝູ່ກາຮັກແບບ1

ເວລາເວົານຳແຟນກາມີຄວາມໝາຍ1

ເວລາເວົານຳພໍ່ແມກາມີອີກຄວາມໝາຍ1

ແຕ່ເລືອງທັງໝົດນີທຸກຄົນຄົງຈະຮູ້ແລ້ວ

ແຕ່ທີລຶກໄປກົວນັນກັບຄຳວ່າຮັກ

ມັນມີອີກຄວາມໝາຍ3ຄວາມໝາຍ

ຊຶ່ງຄົນຂຽນກາບໍ່ຮູ້ຄື້ກັນ

ອິອິອິອິ

Tomtom Xaysombath

ເບິ່ງທັງໝົດ

ອ່ານຄືນຫຼັງ

2010 (8)
2009 (2)

ໝວດໝູ່

ໝາຍເຫດ: ບົດຄວາມ, ຂໍ້ຂຽນ, ຄຳເຫັນຕ່າງ ໆ ທີ່ມີໃນໜ້ານີ້ ຖືກສົ່ງເຂົ້າມາໂດຍສາທາລະນະຊົນ ແລະຖືກເຜີຍແຜ່ໂດຍອັດຕະໂນມັດ ບໍ່ໄດ້ຜ່ານການກວດສອບຈາກທີມງານ ດັ່ງນັ້ນ ຈຶ່ງຂໍໃຫ້ທ່ານຜູ່ອ່ານຈົ່ງໃຊ້ວິຈາລະນະຍານ ແລະຖືຄະຕິ ກາລາມະສູດ : ພິຈາລະນາກ່ອນເຊື່ອ ໃນການຮັບຮູ້ຂໍ້ມູນຕ່າງ ໆ ທີ່ມີໃນໜ້າເວັບນີ້ ຫາກທ່ານພົບວ່າມີຂໍ້ຄວາມໃດທີ່ບໍ່ເໝາະສົມ ຫຼືຜິດຕໍ່ລະບຽບກົດໝາຍ ທ່ານສາມາດແຈ້ງເນື້ອຫາບໍ່ເໝາະສົມໄດ້ ຫຼືຕິດຕໍ່ທີມງານພັນລາວໂດຍກົງ ຂໍຂອບໃຈ.