ສະເພາະເອື້ອຍນ້ອງຍິງເທົ່ານັ້ນ

           ລອງຕອບຄຳຖາມເຫຼົ່ານີ້ເບິ່ງ( ຫ້າມແອບເບິ່ງຄຳຕອບກ່ອນເດັດຂາດ

" ດຽວຈະບໍ່ແມ້ນ " )

1. ເຈົ້າມາທີ່ທະເລ ແລະ ກຳລັງນອນຢູ່ໃຕ້ຄັນຮົ່ມກັນແດດ, ນອກເໜືອຈາກຄັນ

ຮົ່ມກັນແດດຂອງເຈົ້າແລ້ວ ເຈົ້າຄິດວ່າ: ຄັນຮົ່ມກັນແດດກາງຢູ່ຊາຍຫາດມີຈັກອັນ

2. ນອນຢູ່ບຶດ1ກໍ່ມີປູໄຕ່ຂຶ້ນມາ ເຈົ້າຄິດວ່າ: ມີປູຈັກຕົວທີ່ໄຕ່ຂຶ້ນມາ

3. ຕອນນີ້ເຈົ້າກຳລັງຫຼັບຕາຢູ່ຫ້ອງທີ່ມືືດ ເມື່ອເຈົ້າລືມຕາຂຶ້ນມາ ເຈົ້າຈະເຫັນທຽນຈັກເຫຼັ້ມ

4. ເຈົ້າລອງເຮັດໜ້າຂະນະທີ່ເຈົ້າກຳລັງກິນປາເຄັມລອງເບິ່ງ

5. ລອງທຽບຜູ້ຊາຍທີ່ຢູ່ໃກ້ເຈົ້າກັບລະດູການເບິ່ງ ລະຫວ່າງ: ລະດູໃບໄມ້ປົ່ງ, ລະດູຮ້ອນ,

ລະດູໃບໄມ້ຫຼົ່ນ ແລະ ລະດູໜາວ

|

|

|

|

|

|

|

|

|

       ສະເຫຼີຍ

1. ຈຳນວນຄັນຮົ່ມຄື: ຈຳນວນຜູ້ຊາຍທີ່ເຈົ້າມັກຢູ່ໃນຕອນນີ້

2. ຈຳນວນປູຄືື: ຈຳນວນຜູ້ຊາຍທີ່ມາມັກເຈົ້າຢູ່ໃນຕອນນີ້

3. ທຽນທີ່ເຫັນຄື: ຈຳນວນຄົນທີ່ມາຮັກເຈົ້າ

4. ນັ້ນຄື: ສີໜ້າຕອນທີ່ເຈົ້າກຳລັງຈູບຄັ້ງແລກ

5. ທຽບຜູ້ຊາຍທີ່ຢູ່ໃກ້ເຈົ້າ ກັບ ລະດູການ:

- ລະດູໃບໄມ້ປົ່ງຄື: ຜູ້ຊາຍທີ່ເປັນຮັກແລກ

- ລະດູຮ້ອນຄື: ຄົນທີ່ຢາກອອກເດດນຳ ແມ່ນວ່າຄັ້ງດຽວກະຍັງດີ

- ລະດູໃບໄມ້ຫຼົ່ນຄື: ຄົນທີ່ຮັກເຈົ້າຕະຫຼອດການ

-ລະດູໜາວຄື: ຄົນທີ່ຢາກແຕ່ງງານກັບເຈົ້າ

 ( ເປັນແນວໃດລະເພື່ອນໆ ກະແມ້ນຢູ່ຫວາ? )

ໄດ້ຂໍ້ມູນມາຈາກ http/horoscope.kapook.com/view 18228.html

          ທີ່ງານດອງ, ພໍແຕ່ຂ້ອຍກ້າວບາດຍ່າງເຂົ້າມາຫວິດປະຕູ ແລ້ວຮັບເອົາເຫຼົ້າຄໍ້າ-ເຫຼົ້າຄູນຂອງ

ຄູ່ບ່າວ-ສາວ( ຄູ່ສົມລົດໃໝ່ ); ວ່າທີ່ເຈົ້າບ່າວພໍແຕ່ແນມເຫັນຂ້ອຍກໍ່ສັກສາຍຕາມາໃສ່ ແລ້ວຫຼຽວ

ຜ່ານຂ້າມຫຼັງຂ້ອຍໄປ ຈາກນັ້ນກໍ່ຫັນກັບມາເຮັດຍິ້ມນ້ອຍ-ຍິ້ມໃຫຍ່ໃຫ້ແກ່ຂ້ອຍ, ໃຜຫັ້ນຕຸ່ນ?

ແຟນຫວະ? ຫຼືວ່າ: ແມ່ນກິ໋ກ? ພໍແຕ່ຂ້ອຍຕອບໄປວ່າ: ບໍ່ແມ່ນທັງ2, ແມ່ນນ້ອງຊາຍຂອງຕຸ່ນເອງ,

ສີໜ້າທີ່ຍິ້ມແຍ້ມຫວ່າງ1ນີ້ກໍ່ປ່ຽນມາເປັນຜິດຫວັງທັນທີ ຄືວ່າ: ເອົາແຕ່ນ້ອງຊາຍມາຕະຫຼອດແທ້

ຊັ້ນນະ? ຄືບໍ່ຊວນແຟນມານຳຊັ້ນນ່າ? ອ້າວ.......! ລະມາເວົ້າຈັ່ງຊີ້ຫວາ ໝູ່ຂ້ອຍເອີ່ຍ!! ເຫັນວ່າໄດ້

ເມຍລະກະດາຍ ( ຄືວ່າ: ວ່າທີ່ເຈົ້າບ່າວ ແມ່ນໝູ່ຢູ່ຫ້ອງການດຽວກັນກັບຂ້ອຍນີ້ເອງ ) ພໍແຕ່ຍ່າງ

ຜ່ານເຈົ້າບ່າວເຂົ້າມາໃນງານແລ້ວ ຂ້ອຍກໍ່ບໍ່ລໍຊ້າຮີບມຸ່ງໜ້າໄປຫາໂຕະທີ່ມີໝູ່ຫ້ອງການດຽວກັນ

ກັບຂ້ອຍນັ່ງຢູ່ກ່ອນແລ້ວທັນທີ, ພໍມາຮອດໂຕະຍັງບໍ່ທັນຮອດຊິນັ່ງຕັ່ງ ເພື່ອນຍິງຂອງຂ້ອຍກໍ່ຖາມ

ແຊກອອກມາກ່ອນແລ້ວວ່າ: ແມ່ນໃຜຕຸ່ນ? ແຟນຫວະ?(ເອົາອີກແລ້ວ!ຖາມຄຳຖາມຄຳນີ້ອີກແລ້ວ!)

ບໍ່ດອກນີ້ແມ່ນ: ນ້ອງຊາຍຂອງຕຸ່ນເອງ; ເບິ່ງສຽງແຊວໆຂອງເພື່ອນຍິງຂອງຂ້ອຍຖາມກັບມາວ່າ:

ແມ່ນນ້ອງຊາຍແທ້ຫວະ?ບໍ່ແມ່ນແຟນຫວະ?ຊັ້ນ.....ໝູ່ຊິຈີບເອົາເດີ!ຫຼໍ່ໆແບບນີ້?ເຮີ.....ໝູ່ຂ້ອຍເອີ່ຍ!

ນັ່ງໄດ້ບຶດ1ຫຼຽວໆໄປກໍ່ເຫັນນ້າສາວ-ນ້າເຂີຍນັ່ງຢູ່ໂຕະມໍ່ໆກັນ, ຂ້ອຍເລີຍຂໍຕົວກັບໝູ່ເຂົ້າໄປທັກ

ທາຍນ້າ ພໍແຕ່ນ້າສາວຂ້ອຍຫຼຽວເຫັນຂ້ອຍກໍ່ທັກວ່າ: ຕາຕຸ່ນກະມາຫວະ? ແມ່ນແລ້ວເຈົ້າບ່າວແມ່ນ

ໝູ່ຢູ່ຫ້ອງການດຽວກັນກັບຕຸ່ນເອງ ຂ້ອຍຕອບນ້າໄປ, ແລ້ວຍາມໃດຊິພຽນໂຕລະ?( ນ້າສາວ-ນ້າເຂີຍ

ຖາມອອກມາ )<< ເອົາອີກແລ້ວ! ຄຳຖາມເດີມໆອີກແລ້ວ >> ຍັງເທື່ອ......ໃຫ້ໝູ່ເຂົາເອົາກ່ອນກະໄດ້

ຕຸ່ນບໍ່ໄດ້ຟ້າວ ຂ້ອຍຕອບກັບໄປ ແລ້ວຮີບຂໍຕົວກັບທັນທີ; ບໍ່ໄດ້ມີແຕ່ໝູ່ເພື່ອນ-ພີ່ປ້າ-ນ້າ-ອາວ-ອາ

ແມ່ນແຕ່ແມ່ຂອງຂ້ອຍ-ແມ່ເຖົ້າຂ້ອຍກໍ່ຖາມແບບນີ້ຄືກັນ: ຍາມໃດຊິທີໂຕ.

         ໂທ້........!!!!!!! ແຟນຂ້ອຍເອີ່ຍ! ເຈົ້າຢູ່ແຫ່ງຫົນໃດເດ່ນໍ? ຮີບມາໄວແດ່!! ເບິ່ງດູວ່າ: ເຂົາໂຈມຕີ

ຕຸ່ນຂະໜາດໃດ? 

ເປັນຫຍັງໃນທຸກໆປີເຮົາຕ້ອງມາ? ມາເພື່ອຫຍັງກັນລະ? ມາເພື່ອມາຟັງພວກເພື່ອນໆເຂົາແຊວ

ກັນຈັ່ງຊັ້ນຫວະ? ວັນເກີດເຮົາແຕ່ລະປີ ຈຳເປັນດ້ວຍຫວະ ທີ່ເຮົາຈະຕ້ອງຈັດ? ຈັດເພື່ອຫຍັງກັນ

ລະ?ຈັດເພື່ອປະຈານຕົນເອງວ່າ: ເຮົາບໍ່ມີແຟນຊັ້ນຫວະ?ແລ້ວທີ່ພວກເພື່ອນໆເຂົາມາກັນລະ,

ເຂົາພາແຟນເຂົາມານຳບໍ່ແມ່ນຫວະ? ແລ້ວຄົນທີ່ເປັນເຈົ້າພາບຢ່າງເຮົາ ຕ້ອງມາຄົນດຽວເພື່ອສະ

ຫຼອງວັນເກີດໃຫ້ກັບຕົນເອງຈັ່ງຊັ້ນຫວະ? ລະມັນເປັນຈັ່ງໃດລະ, ຕ້ອງມານັ່ງຟັງຄຳຖາມຊໍ້າໆວ່າ:

ຢູ່ໃສແຟນນະ? ແຟນບໍ່ມານຳຫວະ? ແລ້ວເຮົາກໍ່ເອົາແຕ່ຍິ້ມຮັບ ທັງໆທີ່ໃນໃຈເຈັບປວດຈະຕາຍ,

ເອ່.....ເພື່ອນເຮົານິ໋! ຮູ້ກໍ່ຮູ້ດີນີ້ນ່າວ່າເຮົາບໍ່ມີແຟນ ຊິມາຕອກຊໍ້າຫຍັງກັນເອົາແທ້ເອົາວ່າ? ຕ້ອງ

ເປັນແບບນີ້ປີແລ້ວປີເລົ່າທີ່ຕ້ອງເຈີກັບຄຳຖາມແບບນີ້; ເພື່ອນຊາຍບາງຄົນກໍ່ແຊວກັນວ່າ: ລະວັງ

ເດີດຽວຈະຂຶ້ນຄານເລືອກຫຼາຍນະ! ເຮົາກໍ່ໄດ້ແຕ່ຍິ້ມຮັບແລ້ວຕອບໄປວ່າ: ຊໍ່າຊິເອົາເນາະແຟນ

ຫັ້ນນະ 28 ປີແລ້ວຄ່ອຍຄິດກະຍັງບໍ່ສາຍ; ແລ້ວປີນີ້ຊິເຮັດຈັ່ງໃດລະ? ປີນີ້ກໍ່ຄົງເໝືອນກັນກັບ

ທຸກໆປີທີ່ຜ່ານມາຕ້ອງມານັ່ງຟັງຄຳຖາມເດີມໆທີ່ວ່າ: ຢູ່ໃສແຟນນະ?ບໍ່ເອົາແຟນມານຳແດ່ຫວະ?

ຊິຕ້ອງມາທົນຟັງກັບຄຳຖາມແບບນີ້ໄປເຮັດຫຍັງກັນ?( ຮູ້ສຶກນ້ອຍໃຈເຫຼືອເກີນທີ່ບໍ່ມີແຟນຄືໝູ່ ),

ຊິຈັດດີບໍ່ນໍ! ວັນເກີດປີນີ້? ຄັນຊິບໍ່ຈັດ ພວກເພື່ອນໆກໍ່ຖາມເປັນໄນໆມາແລ້ວວ່າ: ປີນີ້ຮ້ານໃດດີ?

ຢູ່ໃສດີລະເພື່ອນ? ຄັນຊິຈັດແລ້ວໃຜລະຊິໄປນຳເຮົາ? ນ້ອງຊາຍກໍ່ບໍ່ຄ່ອຍຈະຢາກໄປນຳ ເທົ່າໃດ,

ແລ້ວຊິໃຫ້ເຮົາອອກຈາກບ້ານໄປຮ້ານຄົນດຽວເພື່ອເອີ້ນເພື່ອນໆເຂົາມາສະຫຼອງວັນເກີດກັນຊັ້ນ

ຫວະ? ບໍ່ເຂົ້າໃຈຕົວເອງເລີຍ ເຮົາເຮັດແບບນີ້ໄປເພື່ອຫຍັງກັນ? ແຕ່ໃຈຈິງຂອງເຮົາລະແມ່ນຢາກເຈີ

ເພື່ອນໆ ຢາກເມົ້າສຸກ-ທຸກກັນກັບເພື່ອນໆ, ຢາກໃຫ້ຄວາມສຳພັນຂອງເຮົາກັບເພື່ອນໆແໜ້ນ

ແຟ້ນບໍ່ຈືດຈາງໄປ. ແຕ່.......ເປັນຫຍັງເຮົາຈິ່ງອາພັບຄົນຮັກແບບນີ້? ພວກເພື່ອນໆເຂົາມາກັນ

ເຂົາກໍ່ຈະເອົາແຟນເຂົາມານຳສະເໝີ, ແລ້ວເປັນຫຍັງຂ້ອຍຈິ່ງຕ້ອງນັດເພື່ອນໆອອກມາ ໃຫ້ເຂົາ

ມາເມົ້າກັນວ່າ: " ຂ້ອຍບໍ່ມີແຟນ "; ຂ້ອຍຍັງຫາຄຳຕອບທີ່ຊັດເຈນໃຫ້ກັບຕົວເອງບໍ່ໄດ້ເລີຍວ່າ:

ຂ້ອຍຈັດວັນເກີດໄປ ເພື່ອຫຍັງກັນແທ້?

ຂ້ອຍຂີ້ລ້າຍຫຼາຍເລີຍຫວະ? ຂ້ອຍນິໄສບໍ່ດີແທ້ໆນີ້ຫວະ? ຂ້ອຍບໍ່ງາມ-ຂ້ອຍນິໄສບໍ່ດີຫຼາຍເລີຍຫວະ

ຈິ່ງເຮັດໃຫ້ຊີວິດຂ້ອຍບໍ່ມີແຟນ? ຈົນປານນີ້ແລ້ວຂ້ອຍຍັງບໍ່ມີແຟນເລີຍ! ແມ່ນແລ້ວຂ້ອຍເປັນຄົນຂີ້ລ້າຍ

ຫຼາຍ ຂ້ອຍຂໍຍອມຮັບຄວາມຈິງຂໍ້ນີ້, ແຕ່ເລື່ອງນິໄສ-ໃຈຄໍຂ້ອຍກໍ່ບໍ່ໄດ້ຂີ້ລ້າຍໄປກັບໜ້າຕານີ້ນ່າ! ແລ້ວ

ເປັນຫຍັງຂ້ອຍຈິ່ງບໍ່ມີແຟນປານນີ້? ຫຼືວ່າ: ຜູ້ຊາຍສະໄໝນີ້ເຂົາຕັດສິນກັນທີ່ໜ້າຕາຫຼາຍກວ່າບໍ່? ເຮົາ

ທີ່ມີໜ້າຕາຂີ້ລ້າຍ ແຕ່ນິໄສດີ-ໃຈດີ ກໍ່ເລີຍຖືກເບິ່ງຂ້າມ; ຈົນປານນີ້ແລ້ວ ອາຍຸກໍ່ຈະ 24 ປີແລ້ວ ແຕ່ກັບ

ບໍ່ມີແຟນ, ເຮີ......!!ຕະຫຼົກຫຼາຍເລີຍແມ່ນບໍ່? ຄັນວ່າເຄີຍມີແຟນ-ຄົບໃຜຈິງຈັງມາກ່ອນ ແລ້ວອົກຫັກມາ

ມັນຄົງບໍ່ຕະຫຼົກຂະໜາດນີ້ດອກ! ແຕ່ນີ້........ຕັ້ງແຕ່ສະໄໝຮຽນມັດທະຍົມຕົ້ນ ຈົນມາເຖິງ ມັດທະຍົມ

ປາຍ ບໍ່ວາຍຮຽນວິຊາຊີບຈົນມາເຮັດການແລ້ວຂ້ອຍຍັງບໍ່ເຄີຍມີແຟນເລີຍຈັກຄົນ; ຂ້ອຍບໍ່ເຄີຍຮູ້ຈັກຄຳວ່າ:

ການທີ່ເຮົາໄດ້ຢູ່ກັບແຟນ( ຄົນຮັກ )ໄດ້ໃກ້ຊິດສະໜິດສະໜົມກັນນັ້ນ ມັນມີຄວາມສຸກຂະໜາດໃດ, ການ

ທີ່ໄດ້ມີເວລາໃຫ້ແກ່ກັນ ແລະ ກັນ-ໄດ້ໄປທ່ຽວນຳກັນ ມັນມີຄວາມຮູ້ສຶກພິເສດຊໍ່າໃດ ເພາະວ່າຂ້ອຍບໍ່ເຄີຍ

ມີແບບນັ້ນ; ຄັນຊິວ່າ: ບໍ່ມີຄົນມາຈີບແທ້ໆກະຫາກບໍ່ແມ່ນ, ເພາະວ່າ: ຄົນທີ່ເຂົາເຂົ້າມາຈີບຂ້ອຍ ຂ້ອຍພັດ

ບໍ່ມັກ, ຄົນທີ່ຂ້ອຍຄິດມັກ ເບິ່ງເຂົາກັບບໍ່ສົນໃຈຂ້ອຍ ມັນເປັນແບບນີ້ໆແຫຼະ! ຈິ່ງເຮັດໃຫ້ຂ້ອຍບໍ່ມີແຟນຄື

ໝູ່ເຂົາຈັກເທື່ອ. ເອ່........ນີ້........ຫຼືວ່າ.......ທີ່ເປັນແບບນີ້ ມັນເປັນເພາະຄຳທີ່ຂ້ອຍເຄີຍຂໍພອນໄວ້ບໍ່?

ຄືວ່າ: ຕອນຊ່ວງທີ່ຂ້ອຍຮຽນຢູ່ມັດທະຍົມປາຍມີຄົນມາຈີບຂ້ອຍຫຼາຍເລີຍ, ເອີ້ນວ່າ: ສະເໜ່ມາແຮງໃນ

ຊ່ວງນັ້ນກໍ່ວ່າໄດ້ ຂ້ອຍກັບບໍ່ໄດ້ສົນໃຈໃຜເລີຍ ຂ້ອຍຮູ້ສຶກຫງຸດຫງິດ-ອຶດອັດ-ມຸດມັດຈິດໃຈ ບໍ່ໄດ້ຮັກໃຜ

ແທ້ໆ( ສາບານໄດ້ )ແມ້ກະທັ້ງມາຮຽນຢູ່ວິທະຍາໄລ ກະມີຄົນມາມັກຄືກັນ, ແຕ່ຄ້າຍກັບວ່າ: ໃຈຂ້ອຍມັນ

ແມ່ນກ້ອນຫີນນີ້ແຫຼະ ຂ້ອຍພັດບໍ່ຮູ້ມັກ-ບໍ່ຮູ້ຮັກໃຜເລີຍ, ເວລາທີ່ຂ້ອຍໄດ້ທຳບຸນຕັກບາດ-ຢາດນໍ້າຢູ່ວັດໃດ

ຂ້ອຍກໍ່ມັກຈະຂໍພອນຈາກພະເຈົ້າໃຫ້ປະທານພອນໃຫ້ແກ່ຂ້ອຍ ຂໍໃຫ້ຂ້ອຍຢ່າໄດ້ຮັກໃຜເລີຍໃນຊ່ວງນີ້,

ເພາະຂ້ອຍຄິດວ່າ: ຄົນອາຍຸຊໍ່າຂ້ອຍ ບໍ່ຄວນທີ່ຈະຮັກໃຜໃນທາງຊູ້ສາວເທື່ອຂ້ອຍຍັງເປັນເດັກນ້ອຍຢູ່,

ຖ້າຂ້ອຍຈະເຈີຄົນທີ່ຂ້ອຍຮັກ ແລ້ວເຂົາກໍ່ຮັກຂ້ອຍ ຂໍໃຫ້ເປັນຊ່ວງອາຍຸ 25-26 ປີ, ຂໍສຶກສາເບິ່ງໃຈກັນປະ

ມານ 2-3 ປີ ອາຍຸກໍ່ຕົກຢູ່ປະມານ 27-28 ປີ ຈິ່ງຈະສ້າງຄອບຄົວໄດ້; ເອ່ນີ້.....!! ຫຼືວ່າ ພະເຈົ້າເພິ່ນ

ຈະປະທານພອນໃຫ້ກັບຂ້ອຍ ໃຫ້ຂ້ອຍສົມຫວັງໃນສິ່ງທີ່ຂ້ອຍຂໍໄປບໍ! ຈິ່ງເຮັດໃຫ້ຂ້ອຍບໍ່ມີແຟນເທື່ອ?  

            ແຕ່ວ່າ.........ໃນຕອນນີ້, ໃຈເລິກໆພັດຮູ້ສຶກເຫງົາ-ດຽວດາຍ ເມື່ອເຫັນເພື່ອນໆຂອງຂ້ອຍເຂົາ

ພາກັນມີແຟນກັນໝົດທຸກຄົນ, ແລ້ວ my birth day, internatoinal new year day, valentine day,

international women day....... ຂ້ອຍກໍ່ຄົງຈະສະຫຼອງກັບຕົວເອງຕາມເຄີຍ, ເພາະວ່າວັນສຳຄັນແບບ

ນີ້ເພື່ອນໆຂອງຂ້ອຍເຂົາມັກຈະໄປສະຫຼອງກັບຄົນຮັກຂອງເຂົາ ແລ້ວລືມຄົນທີ່ເປັນໝູ່ຢ່າງຂ້ອຍ

                                               ( ເຫງົາເຫຼືອເກີນ )

ປະກາດເຖິງບັນດາທ່ານສາມີ ທີ່ມີສີພັນລະຍາທັງຫຼາຍ ແລະ ບັນດາທ່ານ

ຊາຍທຸກໆທ່ານກະດີເນາະລອງສຶກສາເບິ່ງເດີ

⇔ ຮັກເມຍຕ້ອງອົດທົນ                        ຕ້ອງເປັນຄົນເຄົາລົບເມຍ

ຮັກເມຍຕ້ອງສົ່ງເສຍ                            ຢ່າໃຫ້ເມຍຕ້ອງສົງໄສ

ຮັກເມຍຕ້ອງຮັກດຽວ                           ຢ່າທ່ຽວໄປຮັກໃຜ

ຮັກເມຍຕ້ອງທຳໃຈ                             ເຖິງແນວໃດເຂົາກໍ່ເມຍ

⇔ ຮັກເມຍຢ່າຂີ້ເຫຼົ້າ                           ຖ້າເມຍເຫງົາເຮົາຈະເສຍ

ຮັກເມຍຢ່າອ່ອນເພຍ                           ຄົນຮັກເມຍຕ້ອງແຂງແຮງ

ຮັກເມຍຢ່າຮຸນແຮງ                             ຄ່ອຍໆແຊງຢ່າຂັບໄວ

⇔ ຮັກເມຍຕ້ອງຍອມເມຍ                     ເພາະວ່າເມຍບໍ່ຍອມໃຜ

ຮັກເມຍຕ້ອງເຂົ້າໃຈ                            ບໍ່ມີໃຜໃຫຍ່ກວ່າເມຍ

ຮັກເມຍຢ່າຖຽງເມຍ                            ຄຳເວົ້າເມຍໃຫຍ່ກວ່າໃຜ

ຊາດໜ້າມີສັນໃດ                               ຈົ່ງຈຳໄວ້ຢ່າມີເມຍ

   ( ອິອິອິ ເວົ້າຫຼິ້ນເດີ ເຖິງແນວໃດກະຢ່າຊູ່ຟ້າວຫຼາບ-ຟ້າວຈື່ກັນເທື່ອເດີ )

                           ໄດ້ຂໍ້ມູນມາຈາກໜັງສືພິມວຽງຈັນໃໝ່ເດີ

ເພື່ອນໆລະມີຄວາມເຫັນກັນແນວໃດ, ວ່າມາເບິ່ງ?

►ແມງວັນວ່າ:

" ວຽງຈັນຄວນອາບເອ້              ແສນສິ່ງສົກກະປົກງາມໃດ໋

ທຸກຢ່າງຄວນມີຄົບ                   ຊະຊາຍຊຸມເປື້ອນ

ດິນຄວນອຸດົມດ້ວຍ                  ຂອງຄາວແນວເນົ່າ

ພ້ອມພໍ່າກອງຂີ້ເຫຍື້ອ               ຄວນໃຫ້ຫຼາກຫຼາຍ "

►ຍຸງລາຍວ່າ: 

" ຄວນໃຫ້ມີບວກນໍ້າ                ຕາມເດີ່ນຮຽງເຮືອນ

ຂອງເສດຊຸ່ມປ໋ອງໂປະ             ຕົ່ງຝົນຂັງນໍ້າ

ແຄມທາງຄວນມີຫຍ້າ               ຍາວສູງແສນແຫ່ງ

ໃນເຮືອນອຸແອ່ງນໍ້າ                 ຂັງໄວ້ຊູ່ວັນ "

► ໜູວ່າ:

" ຕາມເຮືອນຊານກໍ່ໃຫ້             ຈັດແຈ່ງຄືກັນ

ເຮັດໃຫ້ມັນລຸງລັງ                   ຢັ່ງຢາຍຂອງໃຊ້

ເຄື່ອງຂອງເຮືອນເຮົາໃຫ້           ກອງກັນຂີນໄຂວ່ 

ໃນແຈກັນຮົກເຮື້ອ                  ໂຮມໄວ້ແປດປົນ "

► ແມງມູມວ່າ:

" ບໍ່ຕ້ອງປັດກວດພື້ນ               ຝາຝໍ່າເພດານ

ປ່ອຍໃຫ້ມັນມົວໝອງ                ດ່າງດາວດຳເປື້ອນ

ຈຶ່ງບໍ່ເປືອງເງິນຊື້                    ສີທາ-ຟອຍກວດ

ງາມເພາະຝອຍຝຸ່ນເອ້              ໄຍຫຍຸ້ງຍາບຍອຍ "

► ຄົນເອີ່ຍ!......

" ຄວາມຄິດເຈົ້າ                     ມີດັ່ງໃດເດ່?

ເຫັນສົມຄວນຄືເຂົາ                  ບໍ່ນໍແນວນັ້ນ?

ຄັນບໍ່ເຫັນດີດ້ວຍ                     ຄືເຂົາກອຍກ່າວ

ເຊີນຄົນລຸກຂຶ້ນເວົ້າ                  ໃນທີ່ປະຊຸມ ເບິ່ງດູ! "  

►ຮູ້ຈັກຕົນ ແລະ ທີ່ຕັ້ງ                      ຖານະຂອງຕົນເດີທ່ານ

ເປັນຄົນກຶກກອງຄັກ                         ຮອບໂຮມໃຫ້ເຫັນກ້ຽງ

ຈະຄິດຫຍັງ ຫຼື ຈະເວົ້າ                      ຈະທຳຫຍັງໃຫ້ໃສສ່ອງ

ສອດຄ່ອງທັງຖືກຕ້ອງ                       ເໝາະສົມໃນໜ້າທີ່ແລ້ວ ຕົນເຈົ້າຈຶ່ງກະທຳ!

►ການບໍ່ຄິດໃຄ່ຮູ້                            ເຫັນເລື່ອງຂອງຕົນ

ຕີລາຄາຕົນຜິດ                               ເກັ່ງກາຍເກີນພົ້ນ

ເຂົ້າກະທໍຍໍກົ້ນ                                ຕົນຍໍມັນບໍ່ແມ່ນ

ຕົນເປັນແລນບອກຄົນອື່ນວ່າ: ແຂ້          ກະແຕນ້ອຍອະເຫີ່ຍຫົວ ແລ້ວນໍ!

" ຢາກໃຫ້ເພື່ອນໆທຸກຄົນ ຢ່າເຮັດໃຫ້ແມ່ຂອງຕົນເອງເສຍໃຈ, ຮັກແມ່ຕ້ອງເຮັດໃຫ້ແມ່

ຂອງເຮົາມີຄວາມສຸກ ຈົ່ງຢ່າເຮັດໃຫ້ແມ່ເປັນທຸກຍ້ອນເຮົາ "

⇒ ຫົວອົກແມ່ແສນແສບຮ້ອນ                    ນອນນັ່ງບໍ່ເປັນສຸກ

ອຸກອັ່ງໃນຫົວໃຈ                                 ຂື່ນຂົມຄາແຄ້ນ

ແໜ້ນອົກທວງທົງສະບັ້ນ                        ຄືນວັນແສນໂສກ

ໂລກຫົວໃຈຕັນຕີບແໜ້ນ                        ນໍ້າຕາຍ້ອຍຍ່າວໄຫຼ

⇒ ພໍເມື່ອຮູ້ຂ່າວໄດ້                               ວ່າລູກອ່ອນໄປຕິດຢາ

ຮ່າງກາຍາໂຊຜອມ                              ລ່າເຫຼືອງໂຕລ້າ

ບໍ່ມາເຮືອນໄປຫາຫຼິ້ນ                            ກິນສຸລາເສບຢາຕໍ່

ສູບຢາມ້າ-ກິນຢາມ້າຍັງບໍ່ພໍ                     ຍັງເດີນເລິກໄປສູ່ມື້

                                                                ເປັນໜ້າເວດທະນາ ແທ້ນໍ!

⇒ ເມື່ອກ່ອນລູກແມ່ຕຸ້ຍ                         ສຸຂະພາບແຂງແຮງດີ

ພ້ອມພໍ່າທັງສີສັນ                                ສະຫງ່າງາມນິຍົມຍ້ອງ

ໃຈປອງດອງສັນສ້າງ                           ເຮືອນຊານກັບພໍ່ແມ່

ສາມັກຄີອ້າຍ-ເອື້ອຍ-ນ້ອງ                     ເຮືອນຢ້າວຊຸ່ມເຢັນ

⇒ ບັດນີ້ລູກເລາະຫຼິ້ນ                          ນຳໝູ່ກິນສຸລາ

ຮອດບໍ່ກັບມາເຮືອນ                            ຮ່ວມນຳຄອບຄົວຊໍ້າ

ແມ່ແລ່ນນຳຫາຄຳແກ້ວ                        ບຸດຕາລູກແມ່ ແພງເອີຍ!

ລູກພັດແວເຊື່ອງໜ້າ                           ບໍ່ມາເວົ້າຕໍ່ແມ່ຄິງ

⇒ ຈິດແມ່ຄິດກ່ອມກິ້ງ                          ຄະນິງແຕ່ບຸດຕາ

ກັບຄືນມາສາແພງຂວັນ                        ພໍ່-ແມ່ຄອຍທາງບ້ານ

ການກິນຢູ່ໃນເຮືອນຢ້າວ                       ແມ່ບໍ່ເຄີຍປະປ່ອຍ

ແມ່ລ້ຽງເຈົ້າແຕ່ນ້ອຍ                           ຈົນເຈົ້າໃຫຍ່ມາ

⇒ ບໍ່ໄດ້ປະໃຫ້ລູກແກ້ວ                        ອຶດຢາກແນວໃດ

ທຸກຫຼືມີບໍ່ເຄີຍໄລ                                ຫ່າງເຫີນບຸດແກ້ວ

ແນວບໍ່ດີໃຫ້ເຊົາທ້ອນ                          ແມ່ຂໍວອນໃຫ້ກັບຕ່າວ

ແມ່ຮຽກເອີ້ນລູກຈົ່ງຟ້າວ                       ໃຫ້ມາທ້ອນລູກແມ່ເອີຍ!                                         

ຂ້ອຍຜິດຫຼາຍຫວະທີ່ຂ້ອຍບໍ່ໄດ້ຮັກເຈົ້າ?

ເຈົ້າຮັກຂ້ອຍແລ້ວຈຳເປັນດ້ວຍຫວະ ທີ່ຂ້ອຍຈະຕ້ອງຮັກເຈົ້າຕອບ?

ຖ້າມັນຕ້ອງເປັນແບບນັ້ນ.......ຂ້ອຍກໍ່ຄົງຈະບໍ່ຢູ່ເປັນໂສດມາຈົນເຖິງທຸກວັນນີ້ດອກ

ເພາະຖ້າຫາກຂ້ອຍຕ້ອງຮັກທຸກຄົນທີ່ມາຮັກ-ມາສົນໃຈຂ້ອຍ¯¾­-­ນນີ້®Ò-Á´È­-¢Éº¨-´ó-Á³­ນ»º©

10-£ö­ນ-Áìɸ-¹¸½?À¥í¾-´ñ¡-«¾´-¢Éº¨-¦½-ÀÏó¸È¾: ¢Éº¨-´ó-Á³­-Áìɸ-®Ò? ¢Éº¨-¨ñ¤¦ö¤--ĦµøÈ-Àìó¨-¸È¾:

¡¾­-ນê†-¢Éº¨-®Ò-´ó-Á³­ນ-Àꈺນ-­˜­ນ ´ñ­ນ-¥¿-À¯ñ­ນ-©É¸¨-¹¸½-¸È¾: ¢Éº¨-¥½-ªÉº¤-À¯ñ­ນ-Á³­ນ¡ñ®-À¥í¾?

Áì½-íນນາທີນ-š¢Éº¨-ªûº¤¢ð-ªº®--À¥í¾Ä¯-¸È¾: ” ¢Éº¨-´ó-Á³­-Áìɸ “꘤Åê†-£¸¾´-À¯ñ­ນ-¥ò¤-Áìɸ-

¢Éº¨-¨ñ¤-®Ò-êñ­ນ-´ó-ð-µøÈ-íນ-Ã¥, -ÁªÈ-À²ˆº-ªñ©-®ñ­ນ¹¾-êñ¤Ïö©¢Éº¨-¥‡¤-ªÉº¤-ªº®-À¥í¾-į-Á­ນ¸ນ-­˜­ນ.

¢Éº¨-µ¾¡-®º¡-À¥í¾-ùÉ-»øÉ-ĸÉ-¸È¾: ®Ò-Ä©É-´ó-ÁªÈ-À¥í¾-ê†-´¾®-º¡»ñ¡-¢Éº¨, -ÁªÈ-¢Éº¨-¡Ò-®Ò-À£ó¨-»ñ®-»ñ¡-

ð-Àìó¨ ¢Éº¨-Ä©É-¯½ªò-À¦©-²¸¡-À¢ö¾-À쉾-­ນັ້ນį -À²¾½-¢Éº¨-£ò©-¸È¾: ¢Éº¨-¨ñ¤-À¯ñ­-ນÀ©ñ¡­ນɺ¨-µູ່

¢Éº¨-®Ò-²Éº´-ê†-¥½-´ó-Á³­-ນÀꈺ. Áì½-íນ-´œ­ນšê†-À¥í¾-Ä©É-´¾®-º¡»ñ¡-¢Éº¨, ¢Éº¨-ªÉº¤-¢ð-Âê©À¥í¾

;¨Å ê†-´œ­ນš¢Éº¨-ªÉº¤-¯½ªò-À¦©-À¥í¾, ¢Éº¨-¢ð-Âê© ê†-¢Éº¨-®Ò-Ä©É-»ñ¡-À¥í¾, -µ¾¡-ùÉ-À¥í¾-Ä©É-»ñ®-»øÉ-¸È¾:

¢Éº¨-À¦¨-Ã¥ê†-¢Éº¨-®Ò-¦¾´¾©-»ñ¡-ເ¥í¾-Ä©É À¹©°ö­-ນ©¼¸ê†-À»ñ©-ùÉ-¢Éº¨-¯½ªò-À¦©-À¥í¾ນັ້ນ¡Ò-£õ:

¢Éº¨-®Ò-Ä©É-»ñ¡-À¥í¾, ¢ûº¨®Ò-´ó-Ã¥-ùÉ-¡ñ®-À¥í¾-Àìó¨; ¨ö¡-Âê©-ùÉ-¢Éº¨-Á©È- ¢Éº¨-¥½-µøÈ-ìð«É¾¥ö­-ນ¡¸È¾-

¢Éº¨¥½-À¥ó-£ö­ນ-Å­ນ˜­ນ £ö­ນê†-¢Éº¨-£ò©-¸È¾: -Á´È­-ນ£ö­ນê†-Á´È­ນ-¦¿ìñ®-¢Éº¨, ¢Éº¨-ªÉº¤-¢ð-Âê©-À¥í¾Í¾¨Å

ê†-´œ­šນີ້¢Éº¨ªÉº¤-¯½ªò-À¦©-À¥í¾, ¢Éº¨-¢ð-Âê©-ê†-¢Éº¨-®Ò-Ä©É-»ñ¡-À¥í¾, -À¥í¾-À¢í¾-Ã¥-¢Éº¨-Á´È­-ນ®Ò? Áì½Ã­-ນ

´ື້ນີ້¢ûº¨µ¾¡-«¾´-À¥í¾-¸È¾:¢Éº¨-°ò©Íõ®Ò, ê†-¢Éº¨-®Ò-Ä©É-»ñ¡-À¥í¾?  

¢Éº¨-°ò©Íõ®Ò -ê†--í-ນ´œ­šນີ້¢Éº¨-ªÉº¤¢ð-¯½ªò-À¦©-À¥í¾-ºó¡-£ö­ນ? ”-

ຫວັງວ່າຄວາມເປັນເພື່ອນທີ່ດີຂອງເຮົາທີ່ມີຕໍ່ກັນຍັງຈະຄົງຢູ່ຄືເກົ່າແມ່ນບໍ່?

ແລະເຖິງແມ່ນວ່າເຈົ້າຈະບໍ່ເຂົ້າໃຈຂ້ອຍ ຈະບໍ່ເວົ້ານຳຂ້ອຍໆກໍ່ຄົງຕ້ອງຍອມຮັບມັນ

                                 ( ຂ້ອຍຂໍໂທດ ຂ້ອຍເສຍໃຈທີ່ຂ້ອຍຮັກເຈົ້າບໍ່ໄດ້ )

ຂ້ອຍຮູ້ດີວ່າ: ເຈົ້າຮັກຂ້ອຍ

ເຈົ້າຮັກ ແລະ ເປັນຫ່ວງຂ້ອຍ

ເຈົ້າດູແລ-ເທັກແຄຣຄວາມຮູ້ສຶກຂອງຂ້ອຍ

ເຈົ້າດີຕໍ່ຂ້ອຍທຸກຢ່າງ

ເຈົ້າຍອມເຮັດທຸກສິ່ງເພື່ອໃຫ້ຂ້ອຍພໍໃຈ, ເຖິງແມ່ນວ່າສິ່ງໆນັ້ນຈະຂັດໃຈເຈົ້າກໍ່ຕາມ

ເຈົ້າເຮັດທຸກສິ່ງ-ເຈົ້າຍອມທຸກຢ່າງ ເພື່ອທີ່ຈະໃຫ້ຂ້ອຍເລືອກເຈົ້າ

ເຈົ້າຮັກຂ້ອຍ ຕອນທີ່ຂ້ອຍຢູ່ ມ.6, ບໍ່ດອກເຈົ້າບໍ່ໄດ້ບອກຮັກຂ້ອຍຕົງໆເພາະເຈົ້າເປັນຄົນຂີ້ອາຍ

ເຈົ້າບອກຮັກຂ້ອຍໂດຍຜ່ານໝູ່ສະໜິດຂອງຂ້ອຍ

ຂ້ອຍຮູ້ວ່າເຈົ້າຮັກຂ້ອຍໂດຍຜ່ານໝູ່ຂອງຂ້ອຍ

ເຈົ້າໄດ້ຂຽນຈົດໝາຍຫາຂ້ອຍ( ບໍ່ດອກເຈົ້າບໍ່ໄດ້ເປັນຄົນເອົາມາໃຫ້ຂ້ອຍໂດຍກົງ ເພາະເຈົ້າເປັນຄົນຂີ້ອາຍ )

ເຈົ້າຝາກຈົດໝາຍນຳນ້ອງໝູ່ຂອງຂ້ອຍໃຫ້ເປັນຄົນເອົາມາໃຫ້ຂ້ອຍ ຂ້ອຍຮູ້ຂ້ອຍໄດ້ອ່ານມັນແລ້ວ, ແຕ່ຂ້ອຍຍັງຄົງ

ເຮັດເສີຍຢູ່ເຊິ່ງມັນໄດ້ເຮັດໃຫ້ເຈົ້າຂ້ອງຄາໃຈຫຼາຍ, ສຸດທ້າຍເຈົ້າຕັດສິນໃຈຂຽນຈົດໝາຍສະບັບທີ່2ມາຫາຂ້ອຍອີກ

ເຊິ່ງມັນໄດ້ເຮັດໃຫ້ຂ້ອຍຕົກໃຈຫຼາຍເມື່ອມີສະບັບທີ່1-2ຕໍ່ໄປກໍ່ຄົງຈະເປັນ3-4,

ບໍ່ໄດ້ເສຍແລ້ວ ຂ້ອຍຈະເຮັດເສີຍທຳທ່າບໍ່ຮູ້-ບໍ່ເຫັນບໍ່ໄດ້ອີກແລ້ວ ດຽວພໍ່ແມ່ຂ້ອຍຮູ້ຂ້ອຍຈະບອກກັບເພິ່ນວ່າຈັ່ງໃດ

ຂ້ອຍໄດ້ຕັດສິນໃຈຂຽນຈົດໝາຍຕອບໄປຫາເຈົ້າ

ຂ້ອຍຂໍໂທດ ທີ່ຂ້ອຍຕ້ອງປະຕິເສດຄຳບອກຮັກຂອງເຈົ້າໄປ ເພາະຂ້ອຍຍັງເປັນເດັກນ້ອຍຢູ່,

ທຸກມື້ນີ້ຂ້ອຍຍັງຫຼິ້ນເຕັ້ນຢາງ-ຍິງກວາງ, ໝາກໄລ່.........ຢູ່; ແລ້ວຂ້ອຍຊິເປັນຜູ້ໃຫຍ່ໄດ້ຈັ່ງໃດກັນ

ຂ້ອຍຂໍໂທດ ຂ້ອຍຍັງນ້ອຍ-ຍັງໄຮ້ດຽງສາເກີນກວ່າຈະເຂົ້າໃຈຄວາມໝາຍຂອງຄຳວ່າ: ຮັກ

ສິ່ງນັ້ນທີ່ຂ້ອຍໄດ້ບອກເຈົ້າໄປ, ວັນເວລາໄດ້ຜ່ານໄປ1ມື້2ມື້3ມື້ ເຈົ້າເປັນໄຂ້ບໍ່ມາການນອນຢູ່ຫໍພັກ

ເຈົ້າເສຍໃຈຫຼາຍເພາະນີ້ແມ່ນຮັກຄັ້ງແລກຂອງເຈົ້າ ນີ້ແມ່ນສິ່ງທີ່ຂ້ອຍໄດ້ຍິນ-ໄດ້ຟັງຈາກໝູ່ຂອງຂ້ອຍ

ແລະແລ້ວຈາກມື້ນັ້ນມາ ເວລາກໍ່ຜ່ານໄປ-ຜ່ານໄປ ແລະ ຜ່ານໄປໄດ້5-6ປີແລ້ວ

ຂ້ອຍຮຽນວິຊາຊີບກໍ່ຈົບແລ້ວ, ເຮັດວຽກກໍ່ເຮັດແລ້ວ ໂຊກຊະຕານຳເຮົາໃຫ້ມາພົບກັນອີກ

( ແມ່ນຫຍັງກັນ ໂຊກຊະຕາຫຼິ້ນຕະຫຼົກຫຍັງກັບຂ້ອຍນິ໋? ).

ຂ້ອຍໄດ້ເຫັນແວວຕາຂອງເຈົ້າ, ທ່າທາງຫ່ວງຫາອາທອນ-ມີເຍື້ອໃຍຕໍ່ຂ້ອຍ

ເຈົ້າໄດ້ເບີໂທຂອງຂ້ອຍຈາກໝູ່ຂອງຂ້ອຍ ເຈົ້າໂທຫາຂ້ອຍເກືອບທຸກມື້-ສົ່ງຂໍ້ຄວາມຫາຂ້ອຍເກືອບທຸກວັນ

ເວລາໄດ້ຜ່ານໄປ ຜ່ານໄປຈາກ1ມື້2ມື້, 1ອາທິດ2ອາທິດ-1ເດືອນ; ສຸດທ້າຍເຈົ້າກໍ່ບອກຮັກຂ້ອຍອີກ

ຂ້ອຍຮູ້ດີວ່າ: ຂ້ອຍບໍ່ໄດ້ຮັກເຈົ້າແບບຄົນຮັກ, ຂ້ອຍນັບຖືເຈົ້າຄືອ້າຍຄົນ1ເທົ່ານັ້ນ

ຂ້ອຍໄດ້ຕັດສິນໃຈບອກເຈົ້າອອກໄປວ່າ: "ຂ້ອຍມີແຟນແລ້ວ"

ແຕ່ເຈົ້າກັບບອກກັບມາວ່າ: ເຈົ້າຍອມເປັນຄົນທັດໄປ, ເຈົ້າຍອມເປັນຕົວສຳຮອງ, ເຈົ້າຂໍເປັນຕົວເລືອກຂອງຂ້ອຍ

ອີກຄົນ1 ຫາກວັນໃດຄົນທີ່ຂ້ອຍຮັກເຂົາຫາກເຮັດໃຫ້ຂ້ອຍເຈັບ ກໍ່ຈົ່ງກັບມາຫາເຈົ້າ, ເຈົ້າຈະຍັງຢູ່ບ່ອນເກົ່າເພື່ອ

ລໍຖ້າຂ້ອຍ; ຂ້ອຍໄດ້ຄິດໄປຄິດມາ-ຫຼາຍຫຼົບຫຼາຍຕ່າວ ແລະ ຂ້ອຍກໍ່ຮູ້ດີວ່າ: ເລື່ອງລະຫວ່າງເຮົາມັນບໍ່ມີທາງເປັນ

ໄປໄດ້ ຂ້ອຍບໍ່ຮູ້ສຶກມີໃຈໃຫ້ເຈົ້າ ແລະ ຂ້ອຍກໍ່ບໍ່ຢາກຝືນຫຼອກໃຈຕົວເອງໃຫ້ຮັກເຈົ້າໄດ້ ແລະ ຂ້ອຍກໍ່ບໍ່ຢາກ

ເຫັນແກ່ຕົວໃຫ້ເຈົ້າຄອຍຖ້າຂ້ອຍ ທັ້ງໆທີີ່ຂ້ອຍກໍ່ຮູ້ດີວ່າ: "ຂ້ອຍບໍ່ສາມາດຮັກເຈົ້າໄດ້" ຂ້ອຍຕັດສິນໃຈບອກເຈົ້າ

ໄປວ່າ:  "ຂ້ອຍມີແຟນແລ້ວ ແລະ ຂ້ອຍກໍ່ຮັກແຟນຂອງຂ້ອຍຫຼາຍ, ເຈົ້າຢ່າເສຍເວລາຄອຍຖ້າຂ້ອຍເລີຍ ຂໍໃຫ້ເຈົ້າ

ລອງເບິ່ງຄົນອື່ນເຂົາອາດດີກວ່າຂ້ອຍ" ທັ້ງໆທີ່ຂ້ອຍກໍ່ຮູ້ດີແກ່ໃຈວ່າ: "ຂ້ອຍຍັງບໍ່ທັນມີໃຜໃນໃຈຂອງຂ້ອຍ"

ທີ່ຕ້ອງບອກເຈົ້າອອກໄປແບບນັ້ນກໍ່ເພື່ອທີ່ຈະໃຫ້ເຈົ້າຕັດໃຈຈາກຂ້ອຍໄດ້ໄວຂຶ້ນ.ຂ້ອຍຂໍໂທດ ທີ່ເຮັດໃຫ້ເຈົ້າເສຍໃຈ

ແຕ່ຂ້ອຍຈຳເປັນຕ້ອງບອກເຈົ້າໄປແບບນັ້ນກໍ່ເພື່ອທີ່ຈະບໍ່ໃຫ້ເຈົ້າຕ້ອງເຈັບໄປກວ່ານີ້, ເພື່ອທີ່ຈະບໍ່ໃຫ້ເຈົ້າຕ້ອງຫວັງ

ລົມໆແລ້ງໆໃນສິ່ງທີ່ມັນບໍ່ມີທາງເປັນໄປໄດ້; ຂ້ອຍຂໍໂທດຈາກໃຈແທ້ໆທີ່ຕ້ອງເຮັດໃຫ້ເຈົ້າເສຍໃຈອີກຄັ້ງ1

                         ( ຫວັງວ່າເຈົ້າຄົງຈະເຂົ້າໃຈຂ້ອຍ ຄວາມຮັກມັນບັງຄັບກັນບໍ່ໄດ້ )

ຂ້ອຍ​ຮູ້​ວ່າ​ເຈົ້າ​ຮັກ​ຂ້ອຍ​ຊໍ່າ​ໃດ

ຂ້ອຍ​ຮູ້​ວ່າ​ເຈົ້າ​ຫ່ວງ​ໃຍ​ໃສ່​ໃຈ​ໃນ​ໂຕ​ຂ້ອຍ

ຂ້ອຍ​ຮູ້​ວ່າ​ເຈົ້າ​ຮັກ ​ແລະ ​ແຄ​ຣຂ້ອຍ​ຊໍ່າ​ໃດ

​ແລະ ຂ້ອຍ​ກໍ່​ຮູ້​ວ່າ ​ເຈົ້າ​ເປັນ​ຄົນ​ດີ

​ເຈົ້າ​ເປັນ​ຄົນ​ທີ່​ຈິງ​ໃຈ - ຈິງ​ຈັງ​ຕໍ່​ຂ້ອຍ​ພຽງ​ໃດ

ຂ້ອຍ​ຮູ້​ຈາກ​ການ​ໄດ້​ເບິ່ງ​ໃນ​ສາຍຕາ​ຂອງ​ເຈົ້າ……....

ມັນ​ມີ​ແຕ່​ຄວາມ​ຈິງ​ໃຈ,ອ້ອນວອນ,ຫ່ວງ​ຫາ - ຮັກ​ຂ້ອຍ​ຊໍ່າ​ໃດ

ຂ້ອຍ​ຮູ້ຈາກ​ການ​ກະທຳ​ຂອງ​ເຈົ້າທີ່​ມີ​ຕໍ່​ຂ້ອຍ

ຂ້ອຍ​ຮູ້ຈາກ​ການ​ສາລະພາບ​ບອກ​ຮັກ​ຂອງ​ເຈົ້າ​ຕໍ່​ກັບ​ຂ້ອຍ

​ແລະ ຂ້ອຍກໍ່​ຮູ້ອີກ​ວ່າ​: ເຈົ້າ​ເວົ້າ​ແທ້ -​ ເຈົ້າ​ບໍ່​ໄດ້ຕົວະຫຼືເວົ້າ​ຢອກ​ຂ້ອຍຊື່ໆ

​ເຊິ່ງ​ໃນ​ເມື​ອ່ກ່ອນ​ທີ່​ເຈົ້າ​ເຝົ້າ​ຮັກ-ຫ່ວງ​ໃຍ-​ແທັກ​ແຄຣ-​ໃສ່​ໃຈ​ຂ້ອຍ​ຕັ້ງ​ແຕ່​ຕອນ​ທີ່​ຂ້ອຍຮຽນ​ຢູ່​ມັດທະຍົມ​

ປາຍ​ ໃນ​ຄັ້ງ​ນັ້ນ "ຂ້ອຍ​ໄດ້​ປະຕິ​ເສດ​ຄວາມ​ຫວັງ​ດີ​ຂອງ​ເຈົ້າ​ທີ່​ມີ​ຕໍ່​ຂ້ອຍ”

ຈົນ​ມາ​ບັດ​ນີ້…..​..ເວລາ​ກໍ່ໄດ້​ລ່ວງ​ເລີຍ​ມາ5-6ປີ​ແລ້ວ

​ໂຊກ​ຊະ​ຕາ​ນຳ​ທາງ​ໃຫ້​ເຮົາ​ມາ​ພົບ​ກັນ​ອີກ

​ແຕ່…….​ເຈົ້າ​ກໍ່​ຍັງ​ບໍ່​ປ່ຽນ​ແປງ-ປ່ຽນ​ໄປ, ​ເຈົ້າ​ຍັງ​ຄົງ​ລໍຄອຍ​ຂ້ອຍ……

​ເຈົ້າ​ຍັງ​ບໍ່​ຍອມ​ມີ​ຄົນ​ອື່ນ,​ເຈົ້າ​ຍັງ​ຄົງ​ລໍຄອຍ​ຄວາມ​ຮັກ - ຄວາມ​ເຫັນ​ໃຈ​ຈາກ​ຂ້ອຍ

​ເຈົ້າ​ໂທ​ຫາ​ຂ້ອຍ​ທຸກ​ມື້ - ສົ່ງ​ຂໍ້ຄວາມ​ຫາ​ຂ້ອຍ​ທຸກ​ວັນ

ຂ້ອຍ​ກໍ່​ຍອມຮັບ​ວ່າ​ຂ້ອຍ​ກໍ່​ເຫັນ​ຄວາມ​ດີ - ຄວາມ​ຈິງ​ໃຈ​ຂອງ​ເຈົ້າທີ່​ມີ​ຕໍ່​ຂ້ອຍ

ຂ້ອຍ​​ໃຫ້​​ໂອກາດ​ເຈົ້າ, ລອງສຶກສາ​ໃຈ​ເຈົ້າ​ງຽບໆ​ໂດຍ​ທີ່​ບໍ່​ໃຫ້​ເຈົ້າ​ຮູ້

ຂ້ອຍ​ຍອມ​ອອກ​ເດດ​ກັບ​ເຈົ້າ​ຄັ້ງ​ແລກ - ຄັ້ງ​ຕໍ່​ມາ​ ແລະ​ ຕໍ່​ມາ…….

​ແຕ່……​ປາກົດ​ວ່າ​ເຈົ້າ​ບໍ່​ແມ່ນ​ຄົນ​ທີ່​ຂ້ອຍ​ຄອຍຖ້າ, ເຈົ້າ​ບໍ່​ແມ່ນ​ຄົນ​ທີ່​ຂ້ອຍ​ຕາມ​ຫາ

​ຂ້ອຍ​ຂໍ​ໂທດ…….​ທີ່​ຂ້ອຍ​ບໍ່​ໄດ້​ຄິດ​ຫຍັງ​ກັບ​ເຈົ້າ​ເກີນ​ເລີຍ​ໄປ​ກວ່າ​ເພື່ອນ​ຄົນ1

ຂ້ອຍ​ຜິດ​ຫຼາຍ​ແມ່ນ​ບໍ່.........ທີ່​ຂ້ອຍ​ບໍ່​ຍອມຮັບ​ຮັກ​ຄົນ​ດີໆຢ່າງ​ເຈົ້າ?

ຂ້ອຍ​ເຄີຍ​ເບິ່ງ TV ທີ່​ກ່ຽວກັບ​ລະຄອນ​ທີ່​ຄົນ1​ໄປ​ຮັກ​ຄົນ1​ແຕ່​ອີກ​ຄົນ1​ກັບ​ໄປ​ຮັກ​ອີກ​ຄົນ

ຂ້ອຍ ​ຍັງ​ເວົ້າ​ຕະຫຼອດ​ເວລາ​ວ່າ​ເປັນ​ຫຍັງ​ຄົນ​ຜູ້​ນັ້ນ​ຈຶ່ງ​ບໍ່​ຍອມຮັບ​ຮັກ​ ຄົນ​ທີ່​ຮັກ​ລາວ​ສຸດ​ຫົວ​ໃຈ,ຍອມ​ເຮັດ​ທຸກ​ສິ່ງ​ທຸກ​ຢ່າງ​ເພື່ອ​ລາວ ​

ແຕ່​ກັບ​ໄປ​ຮັກ​ອີກ​ຄົນ​ເຊິ່ງຄົນໆນີ້​ກັບ​ໄປ​ມີ​ໃຈ​ໃຫ້​ອີກ​ຄົນ​ທີ່​ບໍ່​ແມ່ນ​ລາວ

ຂ້ອຍ​ຄິດ​ວ່າ​ຖ້າ​ເປັນ​ຂ້ອຍ ຂ້ອຍ​ຈະ​ເລືອກ​ຮັກ​ຄົນ​ທີ່​​ເຂົາຮັກ​ຂ້ອຍ,​ເຮັດ​ທຸກ​ສິ່ງ​ທຸກ​ຢ່າງ​ເພື່ອ​ຂ້ອຍ

​ແຕ່…….​ໃນ​ຄວາມ​ເປັນ​ຈິງ​ກັບ​ບໍ່​ງ່າຍ​ດັ່ງ​ທີ່​ເຮົາ​ຄິດ,​ເມື່ອວັນ1​ມັນ​ໄດ້​ເກີດ​ຂຶ້ນກັບ​ຂ້ອຍ​ເອງ

ຂ້ອຍ​ເລືອກ​ຮັກ​ຄົນ​ທີ່​ເຂົາ​ຮັກ​ຂ້ອຍ​ບໍ່​ໄດ້ ​ເພາະວ່າ​ຄົນ​ທີ່​ເຂົາ​ຮັກ​ຂ້ອຍ​ບໍ່​ແມ່ນ​ຄົນ​ທີ່​ຂ້ອຍ​ມີ​ໃຈ

ຄວາມ​ຮັກ​ມັນ​ກໍ່​ເປັນ​ແບບ​ນີ້ໆ​ແຫຼະ

ຮັກ​ບໍ່​ມີ​ຮູບ​ແບບ​ຕາຍ​ຕົວ,ຄວາມ​ຮັກ​ເປັນ​ເລື່ອງ​ທີ່​ເຂົ້າ​ໃຈ​ຍາກຫຼາຍ

ຂ້ອຍ​ຂໍ​ໂທດ…….​ທີ່​ຂ້ອຍບໍ່​ສາມາດ​ມີ​ໃຈ​ໃຫ້​​ເຈົ້າ​ໄດ້

ຂ້ອຍ​ຂໍ​ໂທດ…….​ທີ່​ຂ້ອຍບໍ່​ສາມາດ​ຮັກ​​ເຈົ້າ​ເພາະ​ເຫັນ​ວ່າ​ເຈົ້າ​ຮັກ​ຂ້ອຍ​ໄດ້

ຂ້ອຍ​ຂໍ​ໂທດ…….​ທີ່​ຂ້ອຍຮັກ​ເຈົ້າ​ຍ້ອນ​ຄວາມ​ເຫັນ​ໃຈ​ ຫຼື ຍ້ອນ​ຄວາມສົງສານບໍ່​ໄດ້

ຖ້າ​ຂ້ອຍ​ຈະ​ຮັກ​ໃຜ​ຈັກ​ຄົນ ກໍ່​ຂໍ​ໃຫ້​ເປັນຍ້ອນຄວາມ​ຮູ້ສຶກ ຫຼື ​ໃຈຂ້ອຍ​ສັ່ງ​ໃຫ້​ຮັກ

ຮັກ​ເພາະ​ຮັກ ​ເຖິງ​ແມ່ນ​ວ່າ​ຄົນ​ທີ່​ຂ້ອຍ​ຮັກ​ເຂົາ​ອາດ​ຈະ​ບໍ່​ດີ​ເທົ່າ​ເຈົ້າ​ກໍ່ຕາມ ກໍ່​ເພາະວ່າ​ຮັກ​ເພາະ​ຮັກ

​ເພາະສະ​ນັ້ນ​ຂ້ອຍ​ຈະຂໍ​ຍອມຮັບທຸກ​ຢ່າງ​ກັບ​ສິ່ງ​ທີ່​ຂ້ອຍ​ໄດ້​ເລືອກ - ສິ່ງ​ທີ່​ຂ້ອຍ​ໄດ້​ຕັດສິນ​ໃຈ​ລົງ​ໄປ

ຖ້າ​ຫາກ​ວ່າ​ວັນ1​ຂ້າງໜ້າຄວາມ​ຮັກ​ຫາກ​ບໍ່​ເປັນ​ໄປ​ຕາມ​ດັ່ງ​ທີ່​ເຮົາ​ຄາດ​ຫວັງ​ຂ້ອຍ​ກໍ່​ຍັງ​ຄົງ​ຂໍ​ຢືນຢັນ​ຄຳ​ເດີມ​ວ່າ: ​ເພາະຂ້ອຍ​ຮັກ​

ເພາະ​ຮັກ

                     ຈົນມາເຖິງມື້ນີ້ໆເອງ ຂ້ອຍຈຶ່ງເຂົ້າໃຈຄຳວ່າ: ຄົນທີ່ດີ ກັບ ຄົນທີ່ຮັກ, ແມ່ນມັນຕ່າງກັນ( ທົດແທນກັນບໍ່ໄດ້ )

ລອງອ່ານກັນເບິ່ງເດີເພື່ອນໆ, ເປັນຈັ່ງໃດກະຊ່ວຍກັນວິພາກວິຈານແດ່ເດີ

* ພໍ່-​ແມ່​ຮັບ​ຂ່າວ​ຂໍ້                ຈາກ​ຄົນ​ອື່ນ​ຊີມ​ຊັບ ກັນນັ້ນ

ຄວາມ​ລັບ​ລົມ​ຂົມ​ໃນ               ​ເລື່ອງ​ຈິ¤​ບໍ່​ທັນ​ຮູ້

ພໍ່-​ແມ່ຟັງ​¹øຊ້າຍ                  ຫູ​ຂວາ”ກຸນ​ແຈ​”ໃສ່

ຄັນ​ຊິ​ໄຂ​ຂ່າວ​ໃຫ້                  ບໍ່​ທັນ​ແຈ້ງ​ແຈບ​ກະ​ໃຈ

* ພໍ່-​ແມ່ພຽງ​ແຕ່​ໄດ້               ຮັບ​ຮູ້​ຂ່າວ​ພໍ​ພາງໆ

ວ່າ​ອີ່​ນາງ​ຂອງ​ເຮົາ                ລູກຄິງຂວັນ​ຂ້ອຍ

ຈາກ​ຕູບ​ຕອງ​ເຮືອນ​ນ້ອຍ            ໜີດອຍ​ໄກ​ຖິ່ນ

​ໄດ້​ຍິນ​ເຂົາ​ກ່າວ​ເວົ້າ               ວ່າ​ຕົນ​ເຈົ້າ​ຕ່າງ​ແຕ່ຫຼັງ

* ບໍ່​ຄື​ຄາວ​​ເມື່ອ​ຄັ້ງ                ຢູ່​ດອມ​ແມ່​ມານ​ດາ

ລົມ​ຫາກ​ມາ​ລອຍ​ພັດ               ຝາກ​ເຖິງ​ຫູ​ພີ້

ດຽວນີ້​ເປັນ”ດາວ”​ເຕັ້ນ              ໂຊ”​ຂາ”​ຄື​ເຂົາ​ຊ່າ ຊັ້ນ​ບໍ?

ພໍ່-​ແມ່ຮູ້​ຂ່າວ​ຂໍ້                   ກໍ່​ເລີຍ​ມ້ອຍ​ເມື່ອຍ​ໃຈ

* ສິ້ນໝີ່-​ໄໝມອບ​ໃຫ້              ລູກ​ນຸ່ງ​ທົງ​ຖື

​ໃຫ້​ຄ່ອງ​ຄື​ນຳ​ເຂົາ                  ໜຸ່ມສາວ-ຊາວບ້ານ

ຍາມ​ເບິ່ງ​ຕະການໜ້າ               ງາມ​ເຂົາ​ຜູ້ຫຼຽວລໍ່າ

ຖືກ​ກັບ​ວັດທະນະທຳ                ຂອງ​ຍິງ​ລາວ​ແຕ່​ເຄົ້າ​

                              ບໍ່​ທັນ​ເສົ້າ​ເກົ່າ​ສະ​ໄໝ

* ລູກ​ພັດ​ໄປ​ແຫກ​ຂ້າງ              ເປັນ​ຈ່າງ​ປ່າງ​ເສຍ​ສູນ ​ແມ່ນ​ບໍ?

ຍັງ​ບໍ່​ທັນ​ພຽງພໍ                    ແຫກ​ຕື່ມ​ເຕີມ​ທາງ​ກົ້ນ

ມັນ​ຜິດ​ຄອງ​ຄົນ​ເຖົ້າ                 ຍາມ​ນາງ​ຍ້າຍ​ຍ່າງ

​ເບິ່ງ​ທ່າ​ທາງຄື​ດັ່ງ​ຟ້າ​ແມບ-​ເຫຼື້ອມ        ຍາມ​ຍ້າຍ​ຍົກ​ຂາ

​* ​ເບິ່ງ​ຈັງຫວະ​ວາດ​ຟ້ອນ             ບໍ່​ເຕື້ອງ​ຕໍ່​ຄອນ​ສະຫວັນ

ສາລະ​ວັນ-ລຳວົງ                  ວ່າບໍ່​ເຄີຍ​ຮຽນຮູ້

​ໄປ​ຮຽນດູ-ຮຽນ​ເຕັ້ນ                 ກໍ່​ເລີຍ​ເປັນຈັງ​ຫວະ​ໃໝ່

ຈັງຫວະ​ໄກ່​ລວກ​ນ້ຳຮ້ອນນ            ຕາຄ້າງເລືອກ​ກລົນ

* ອັນ​ນີ້ຄົນ​ກ່າວ​ເວົ້າ                 ມັນ​ແມ່ນ​ຄວາມ​ຈິງ ອີ່ຫຼີບໍ່?

ຖ້າ​ບໍ່​ເປັນຄວາມ​ຈິງ​ຢ່າ​ເອົາ​ຜີ​ມາ​ສິງ​       ຢູ່​ຈອມ​ໃຈ​ເຈົ້າ

ຢູ່​ໃນ​ຄົນ​ເຮົາ​ນີ້                     ມີ​ຕາ-ມີ​ປາກ

ຕາ​ເຫັນ-ປາກ​ໄຂ​ຂ່າວ​ຂໍ້               ໃນ​ເລື້ອງ​ເລື່ອງ​ເພິ່ນ​ເຫັນ

* ຄັນ​ບໍ່​ເປັນ​ດັ່ງ​ເວົ້າ                 ຍົກ​ໂທດ​ໂທສາ

ຢ່າ​ຖື​ຊາ​ຫາ​ສຽງ                    ຜູ້​ເພິ່ນ​ປອງ​ຜິ​ເວົ້າ

ກັບ​ມາ​ເຮືອນ​ເຮົາ​ທ້ອນ               ນອນ​ຢາມ​ພໍ່-​ແມ່

​ເຂົ້າ​ສຸກ​ເຫຼືອງ​ແກ່​ແລ້ວ               ຫອມ​ກຸ້ມ​ກ່ອມ​ໃສ່​ດັງ ​ແລ້ວ​ເດ! 

                                        ລອງອ່ານເບິ່ງເນາະ.......................................

 ບໍ່​ແມ່ນ​ສີ​ແສດ​ສິ້ວ      ​          ເຕີມ​ແຕ່ງ​ແດງ-​ເຫຼືອງນັ້ນ​ໄດ໋

ບໍ່​ແມ່ນ​ສີ​ບົວ​ອິດ                    ມຸ່ຍ​ຄາມ​ງາມ​ເອ້

ໝາຍ​ແມ່ນ​ສີ​ຊັນ​ຊ້ອນ                ພອນ​ສະຫວັນ​ວາງ​ວາດ

ສີປາກ​ຍາມ​ຍ່າວ​ຍິ້ມ                 ຈາ​ເວົ້າ​ວາດ​ຫົວ​ຫັ້ນ​ນ່າ

 ສີປາກ​ຍາມ​ພົບ​ພໍ້                 ຕິດ​ຕໍ່​ພົວພັນ

ລົມ​ລັ່ນ​ວາງ​ວາຈາ                   ອ່ອນ​ຫວານ​ປານ​ອ້ອຍ

ອອຍ​ອິ່ນ​ສຳນວນ​ຍິ້ມ                 ຄວນ​ເພງ​ເພີນ​ມ່ວນ

ຂັບ​ກ່ອມ​ຊວນ​ຊາບ​ຊຶ້ງ                ​ເຕີມ​ຊ້ອນ​ຕື່ມ​ແຖມ

 ບາງ​ສາວ​ມີ​ແຕ່​ແຕ້ມ               ເຕີມ​ແຕ່ງ​ສີສັນ

ທາ​ປາກ​ແດງ​ປານ​ຂຽນ               ແຜ່ນ​ແພ​ພວມ​ແຕ້ມ

​ແນມ​ເບິ່ງ​ຕອນ​ຈາ​ເວົ້າ                ພໍ​ປານ​ຟ້າ​ລັ່ນ

ຍິງ​ນັ້ນ​ສີປາກ​ຄື​ວ່າ​ໄວ້​                ເທິງ​ຫັ້ນ​ແມ່ນ​ບໍ່​ມີ

 ສີປາກ​ເປັນ​ເຄື່ອງ​ເອ້               ຕົບ​ແຕ່ງ​ກາຍາ

ພາ​ໃຫ້​ດຶງ​ດູດ​ໃຈ                    ເພື່ອນ​ແພງ​ພົງ​ເຊື້ອ

​ໃຜ​ກໍ່​ພໍ​ພະ​ໄທ​ແທ້                   ຊົມ​ເຊີຍ​ຮັກ​ຫໍ່

ສັງຄົມ​ຍໍ​ຍົກຍ້ອງ                   ປະສົງ​ພໍ້​ພົບ​ພານ ຫັ້ນ​ແລ້ວ!!

ຢາກໃຫ້ເພື່ອນໆທັງຫຼາຍໄດ້ມາອ່ານບົດເລື່ອງນີ້ສາກ່ອນ ແລ້ວຄ່ອຍຕັດສິນວ່າ: ອັນວ່າ: ງາມຄົນ - ຄົນງາມນັ້ນແມ່ນເປັນແນວໃດກັນແທ້..............

⇔ ງາມ​ຄົນ​ບໍ່​ຢູ່​ບ່ອນ​ເບື້ອງ        ​ເຄື່ອງນຸ່ງ​ນຳ​ສະໄໝ

ງາມ​ຄົນ - ງາມພາຍ​ໃນ        ແກ່ນ​ໃຈ​ຈິງ​ນັ້ນ

100 ຫຼື 1000 ​ເຄື່ອງ​ເອ້        ແສນ​ສີ​ສວມ​ໃສ່

ຄຸນສົມບັດ​ບໍ່​ໃຫ້               ງາມ​ໄດ້​ບ່ອນ​ຈັ່ງ​ໃດ?

⇔ ສັນຍາ​ລັກ​ບອກ​ໄວ້           ໃນ-ນອກແນວ​ສະ​ນິດ​ຄົນ​ນັ້ນ

ງາມ​ໃຈ-ງາມ​ແນວ​ຄິດ          ວາດ​ກະທຳ​ທຽມ​ເນື້ອ

ງາມ​ກ່ອມ​ກັບ​ມູນ​ເຊື້ອ           ງາມ​ໃນ​ໃຜ​ກໍ່​ຊ່າ

ງາມ​ບໍ່​ເຫີ​ຍ​ເຫືອດ​ແຫ້ງ         ຝົນ​ແລ້ງ​ເລົ່າ​ບໍ່ມາຍ ​ແທ້​ໄດ໋!

 ຂໍເຊີນບັນດາທ່ານຍິງ ແລະ ທ່ານຊາຍທັງຫຼາຍ ຜູ້ທີ່ມີຈິດໃຈຮັກແມ່ຜູ້ໃຫ້ກຳເນີດເຮົາມາ - ພາເຮົາໃຫຍ່ໄດ້ມາອ່ານກັນ..................

►   ຮັກ​ຢູ່​ໃນ​ແຜ່ນ​ພື້ນ              ​ໂລກ​ລຸ່ມ​ໂລກາ

ຮັກ​ມານ​ດາ​ຂອງຮຽມ          ​    ແມ່​ຄິງຂອງ​ລູກ

ຮັກ​ໃນ​ດວງ​ໃຈ​ລໍ້າ                ບໍ່​ມີ​ຄຳ​ມາ​ປູນ​ປຽບ

ທຽບ​ແຜ່ນດິນ​ແລະ​ແຜ່ນ​ຟ້າ         ທາລາ​ກວ້າງ​ບໍ່​ເທົ່າ​ກັນ

►   ຮັກ​ລູກ​ແສນ​ຮັກ​ຍິ່ງ​ລໍ້າ           ບໍ່​ຮູ້ກ່າວຄຳວາຈາ

ຫາ​ຄຳ​ໃດ​ມາ​ກ່າວ​ຂານ             ປຽບປານ​ບໍ່​ມີ​ໄດ້

ຮັກ​ມານ​ດາຫຼາຍລົ້ນ              ພັນທະ​ວີ100​ເທົ່າ

ຮັກ​ບໍ່​ສູ​ນ​ເສື່ອ​ມ​ເສົ້າ             ພັນ​ມື້ບໍ່​ເສື່ອ​ມຄາຍ ​ແມ່​ເອີຍ!

ນີ້ແມ່ນຄະຕິເຕືອນໃຈ,  ຖ້າໃຜຢາກຮູ້ວ່າຕຸ່ນຂຽນກ່ຽວກັບຫຍັງກໍ່ເຂົ້າມາອ່ານກັນເອງ

► ຢ່າ​ຫງ່ຽງຫູ​ຮັບ​ຮູ້               ຄຳ​ກ່າວ​ຄົນ​ພານ

ຢ່າ​ພົບ​ພານ​ພຽນຫາ              ຮ່ວມ​ພົວພັນ​ດ້ວຍ

ຢ່າ​ເອົາ​ກາຍ-​ໃຈ​ໃກ້            ​   ໃຫ້ໜີກຸຍ​ໄກ​ຫ່າງ

ຍະ​ວ່າງ​ທາງ​ຍ່ານ​ເຍີ້ນ             ຢ່າ​ອອຍ​ເອີ້ນ-​ອຸ່ນພານ ​ແທ້​ເນີ

► ບູຮານ​ກ່າວ​ຕື່ມ​ໄວ້         ​     ໄຂ​ຂ່າວຄຳ​ຄະຕິ

ມີ​ຢູ່​ໃນ​ຜະຫຍາລາວ               ກ່າວ​ຈາ​ແຕ່​ເປິ​ງກີ້

ໜີຫຼີກໝູ-ໝານັ້ນ             ​    ໃຫ້​ມັນ​ໄກ​ເກີນ​ສອກ

ໜີຫຼີກລິງ(ວອກ)ນັ້ນ           ​    ໃຫ້​ໄກ​ເວັ້ນ​ວ່າງ​ວາ ​ແທ້ນາ

► ສ່ວນວ່າຫຼີກພວກ​ບ້າ             ພາລາໝູ່ຄົນ​ພານ

​ໃຫ້​ທ່ານ​ໄປ​ໄກ​ເກີນ                ຢ່າ​ຕ່າວ​ເວີນ​ມາ​ໃກ້

​ແສນ​ໂຍດ​ພຽນຊິ​ພອຍ​ພົ້ນ           ຢ່າ​ວົນວຽນມາ​ໃໝ່

​ໄປ​ໃຫ້​ຫວິດ​ວ່າງ​ມົ້ມ               ຢ່າ​ຍອມ​ກົ້ມ​ກ່ອມ​ພານ

► ການໜີ​ໄກ​ຫ່າງ​ເວັ້ນ          ​   ໄປ​ຈາກ​ຄົນ​ພານ

ບໍ່​ຄົບ​ຄຽນຄວາມ​ຮັກ               ຮ່ວມ​ພານ​ແນວ​ນັ້ນ

​ເປັນ​ມົງຄົນ​ຄົງ​ຄໍ້າ                 ຄູນ​ຄົນ​ແສນ​ປະເສີດ

ບຸນ​ເລີດ​ເຫຼືອຫຼັ່ງ​ໃຫ້              ​ ເຮົາ​ໄດ້​ຢູ່​ສະບາຍ ທ່ານ​ເອີຍ!

ເອົາບັນດາທ່ານຊາຍ ແລະ ທ່ານສາມີທັງຫຼາຍມາອ່ານທາງນີ້ໄວ ອິອິ

► ຜູ້​ເປັນ​ຜົວ​ທີ່​ແທ້                ​ ດີເດັ່ນອີ່ຫຼີ ຫັ້ນ​ນາ!

ມີຫຼັກການ​ປະຕິບັດ​ທຳ                ນັບ​ແຖມ​ເຖິງ5

⇒ ອັນ1: ຜົວ​ຍໍ​ຍ້ອງ                ເມ​ຍ​ແພງ​ຍົກ​ຍື່ນ

ນັບຖື​ເປັນ​ມິ່ງ​ເຫງົ້າ                  ເມຍ​ເຄົ້າ​ຜູ້ດຽວ

⇒   ອັນ2: ຢ່າ​ຍໍ່າຫຍໍ້                ຈາ​ປະ​ມາດ​ເມຍ​ຂວັນ

ຢ່າ​ໄດ້​ພາ​ໂລ​ຖື                     ຕໍ່າ​ດາຍດູ​ຮ້າຍ

⇒    ອັນ3: ຈິງ​ໃຈໝັ້ນ                ນຳ​ກັນ​ຮັກ​ຫໍ່

ບໍ່​ໄປ​ທ່ຽວ​ເລາະຫຼິ້ນ                  ເລງ​ລົ້ວ​ນອກ​ໃຈ

⇒ ອັນ4​: ມວນ​ມອບ​ໃຫ້              ອຳນາດ​ຄອງ​ເຮືອນ

​ເບິ່ງ​ແຍງ​ເງິນ​ຄຳ​ຂອງ                ​ເຄື່ອງ​ແນວ​ຄູນ​ຄຳ

ນັບ​ທັງ​ສົມບັດ​ພ້ອມ                  ນາໆສັບພະ​ສິ່ງ

ລ້ວນ​ແຕ່​ຍໍ​ຍົກ​ໃຫ້                   ​ເມຍ​ຄຸ້ມ​ຄວບ​ຄຸມ ຊອບ​ແລ້ວ

⇒ ອັນ5: ຫາ​ເຄື່ອງ​ເອ້               ອັນ​ງົດ​ງາມ​ສົມ

​ໃຫ້​ແກ່​ພັນ​ລະ​ຍາ​ຮັກ                 ​ໃສ່​ຄວນ​ຄື​ບ້ານ

ປະດັບ​ຕົນ​ຕົວ​ໃຫ້                    ພໍດີ​ສີສະ​ຫງ່າ

ຢ່າ​ໄດ້​ຂີ້ຖີ່​ພົ້ນ                      ​ແນວ​ນັ້ນ​ແມ່ນ​ບໍ່​ດີ ​ແທ້ນາ!

►ຈົບແລ້ວ, ມ່ວນບໍ່ທ່ານຊາຍ ແລະ ທ່ານສາມີທັງຫຼາຍ; ອ່ານແລ້ວກໍ່ຢ່າລືມ....

( ປະຕິບັດຕາມນະ )