ລອງອ່ານເບິ່ງເນາະ.......................................

 ບໍ່​ແມ່ນ​ສີ​ແສດ​ສິ້ວ      ​          ເຕີມ​ແຕ່ງ​ແດງ-​ເຫຼືອງນັ້ນ​ໄດ໋

ບໍ່​ແມ່ນ​ສີ​ບົວ​ອິດ                    ມຸ່ຍ​ຄາມ​ງາມ​ເອ້

ໝາຍ​ແມ່ນ​ສີ​ຊັນ​ຊ້ອນ                ພອນ​ສະຫວັນ​ວາງ​ວາດ

ສີປາກ​ຍາມ​ຍ່າວ​ຍິ້ມ                 ຈາ​ເວົ້າ​ວາດ​ຫົວ​ຫັ້ນ​ນ່າ

 ສີປາກ​ຍາມ​ພົບ​ພໍ້                 ຕິດ​ຕໍ່​ພົວພັນ

ລົມ​ລັ່ນ​ວາງ​ວາຈາ                   ອ່ອນ​ຫວານ​ປານ​ອ້ອຍ

ອອຍ​ອິ່ນ​ສຳນວນ​ຍິ້ມ                 ຄວນ​ເພງ​ເພີນ​ມ່ວນ

ຂັບ​ກ່ອມ​ຊວນ​ຊາບ​ຊຶ້ງ                ​ເຕີມ​ຊ້ອນ​ຕື່ມ​ແຖມ

 ບາງ​ສາວ​ມີ​ແຕ່​ແຕ້ມ               ເຕີມ​ແຕ່ງ​ສີສັນ

ທາ​ປາກ​ແດງ​ປານ​ຂຽນ               ແຜ່ນ​ແພ​ພວມ​ແຕ້ມ

​ແນມ​ເບິ່ງ​ຕອນ​ຈາ​ເວົ້າ                ພໍ​ປານ​ຟ້າ​ລັ່ນ

ຍິງ​ນັ້ນ​ສີປາກ​ຄື​ວ່າ​ໄວ້​                ເທິງ​ຫັ້ນ​ແມ່ນ​ບໍ່​ມີ

 ສີປາກ​ເປັນ​ເຄື່ອງ​ເອ້               ຕົບ​ແຕ່ງ​ກາຍາ

ພາ​ໃຫ້​ດຶງ​ດູດ​ໃຈ                    ເພື່ອນ​ແພງ​ພົງ​ເຊື້ອ

​ໃຜ​ກໍ່​ພໍ​ພະ​ໄທ​ແທ້                   ຊົມ​ເຊີຍ​ຮັກ​ຫໍ່

ສັງຄົມ​ຍໍ​ຍົກຍ້ອງ                   ປະສົງ​ພໍ້​ພົບ​ພານ ຫັ້ນ​ແລ້ວ!!