ຂຽນເມື່ອ: ກ.ລ.. 9, 2010
| ມີ
5 ຄຳເຫັນ
ແລະ
0 trackback(s)
ໃນໂອກາດສະເໜີກົດໝາຍໃໝ່ ວ່າດ້ວຍສະຖິຕິ ຊຶ່ງເປັນກົດໝາຍສະບັບສຸດທ້າຍ ໃນຈຳ ນວນ 3 ສະບັບ ທີ່ນຳເຂົ້າຜ່ານ ການພິຈາລະນາ ຕໍ່ກອງປະ ຊຸມ ສະໄໝສາມັນເທື່ອທີ 9 ຂອງສະພາແຫ່ງຊາດ ໃນຕອນເຊົ້າວັນທີ 28 ມິຖຸນາ 20210, ທ່ານ ສິນລະວົງ ຄຸດໄພທູນ ລັດຖະມົນຕີວ່າການກະຊວງແຜນການ ແລະ ການລົງທຶນໄດ້ຍົກໃຫ້ເຫັນເຖິງຜົນປະໂຫຍດ ອັນຕົ້ນຕໍ ທີ່ຈະໄດ້ຮັບຈາກກົດໝາຍ ວ່າ ດ້ວຍສະຖິຕິ ເປັນຕົ້ນກົດໝາຍສະບັບດັ່ງກ່າວ ເປັນບ່ອນອີງທີ່ໜັກ ແໜ້ນ ໃຫ້ແກ່ ການເຄື່ອນໄຫວ ແລະ ຄຸ້ມຄອງວຽກງານສະຖິຕິແຫ່ງຊາດ, ເປັນການຍົກລະດັບທາງດ້ານນິຕິກຳ ກ່ຽວກັບ ວຽກງານ ສະຖິຕິໃຫ້ສູງຂຶ້ນ ໃນລະດັບທີ່ແນ່ນອນແລະໜັກແໜ້ນ, ເປັນບ່ອນອີງໃນການ ປັບປຸງ ກົງຈັກການຈັດຕັ້ງ ແຕ່ສູນກາງລົງ ຮອດທ້ອງຖິ່ນໃຫ້ເປັນລະບົບ ທີ່ມີປະສິດທິພາບ ແລະ ປະສິດ ທິ ຜົນ, ເປັນ ບ່ອນອີງໃນການປັບປຸງ ແລະ ສ້າງຄວາມ ເຂັ້ມແຂງໃຫ້ແກ່ລະ ບົບການປະສານ ງານສາຍຕັ້ງ ແລະ ສາຍຂວາງຂອງວຽກງານສະຖິຕິ, ເປັນພື້ນຖານໃນການ ເຊື່ອມໂຍງລະບົບ ສິຖິຕິແຫ່ງຊາດ ເຂົ້າກັບພາກພື້ນ ແລະ ສາກົນ, ເປັນບ່ອນອີງໃຫ້ແກ່ການລະດົມທຶນ ສະໜັບສະໜູນ ຈາກອົງ ການຈັດ ຕັ້ງສາກົນຕ່າງໆ ບວກ ກັບງົບປະມານຂອງລັດ ເພື່ອບັນລຸເປົ້າໝາຍ ຂອງ ວຽກງານສະຖິຕິ ແລະ ຈະໄດ້ຮັບຂໍ້ມູນທີ່ຖືຕ້ອງ, ຊັດເຈນ ແລະ ເປັນລະບົບ ເພື່ອນຳໃຊ້ ເຂົ້າໃນແຜນພັດທະນາ ເສດຖະກິດ-ສັງຄົມລະ ດັບຊາດ ແລະ ຂະແໜງການ, ການຕັດສິນບັນຫາທີ່ສຳຄັນ ທາງດ້ານເສດຖະ ກິດ-ສັງຄົມ ດ້ວຍການນຳໃຊ້ຂໍ້ ມູນ ທາງດ້ານສະຖິຕິ.
ການສະເໜີຮ່າງກົດໝາຍສະບັບນີ້ ຕໍ່ທີ່ປະຊຸມ ພາຍໃຕ້ການເປັນປະທານຂອງທ່ານນາງ ປານີ ຢາທໍຕູ້, ຮອງປະທານ ສະພາແຫ່ງຊາດ ໃນຕອນເຊົ້າຂອງວັນ ດັ່ງ ກ່າວ. ທ່ານລັດຖະມົນຕີວ່າການກະຊວງແຜນການ ແລະ ການລົງທຶນ ຍັງໄດ້ເນັ້ນອີກວ່າ: ກົດໝາຍວ່າສະຖິຕິ ແມ່ນມີຄວາມຈຳເປັນທີ່ສຸດ ທັງເປັນ ຄວາມຮຽກ ຮ້ອງຕ້ອງການອັນຮີບດ່ວນ ສຳລັບປະເທດເຮົາ ເພາະເປັນເຄື່ອງມືທາງດ້ານນິຕິກຳ ທີ່ເປັນບ່ອນອີງອັນໜັກແໜ້ນ ໃນການສ້າງຂໍ້ມູນສະຖິຕິ ເພື່ອຢັ້ງຢືນ ຜົນສຳ ເລັດຢ່າງເປັນເອກະພາບ ຂອງການ ຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ 5 ປີຄັ້ງທີ VII, ການບັນລຸສະຫັດສະວັດດ້ານການພັດ ທະນາໃນປີ 2015 ແລະ ຫລຸດພົ້ນອອກຈາກປະເທດດ້ອຍພັດທະນາໃນປີ 2020. ຮ່າງກົດໝາຍວ່າດ້ວຍສະ ຖິຕິປະກອບມີ 10 ພາກ 67 ມາດຕາ ໃນນັ້ນພາກທີ I ໄດ້ລະບຸໄວ້ ເຖິງ ບັດບັນຍັດທົ່ວໄປ, ພາກທີ II ປະເພດສະຖິຕິ, ພາກທີ III ການສ້າງສະຖິຕິ, ພາກທີ IV ການເຜີຍແຜ່ ແລະ ການນຳໃຊ້, ພາກທີ V ການຈັດຕັ້ງ ສະຖິແຫ່ງຊາດ, ພາກທີ VI ຂໍ້ທ້າມ, ພາກທີ VII ການຄຸ້ມຄອງ ແລະ ການກວດກາວຽກງານສະຖິຕິ, ພາກທີ VIII ແຫລ່ງ ທຶນ, ເຄື່ອງ ໝາຍ, ເຄື່ອງແບບ ແລະ ຕາປະທັບ, ພາກທີ IX ນະໂຍບາຍຕໍ່ຜູ້ມີຜົນງານ ແລະ ມາດຕາການຕໍ່ຜູ້ລະເມີດ ແລະ ພາກທີ X ບົດບັນຍັດສຸດທ້າຍ.
ເຖິງຢ່າງໃດກໍດີ ໃນກການຄົ້ນຄວ້າ ພິຈາ ລະນາຮ່າງກົດ ໝາຍສະບັບນີ້ ທ່ານປະທານກອງປະຊຸມ ໄດ້ໃຫ້ຄຳເຈາະຈີ້ມ ຕໍ່ເນື້ອໃນຂອງຮ່າງກົດໝາຍໂດຍສະເໜີໃຫ້ບັນດາສະມາຊິກສະພາທຸກເຂດເລືອກຕັ້ງ ໄດ້ດຳເນີນ ການຄົ້ນຄວ້າຕາມ ລະບຽບການ, ຂັ້ນ ຕອນການຄົ້ນຄວ້າ ແລະ ສ້າງນິຕິກຳ ຕາມລະບຽບການຮ່າງກົດໝາຍທີ່ສະພາວາງອອກ, ເນື້ອໃນຂອງຮ່າງກົດໝາຍ ສະ ບັບ ດັ່ງກ່າວ ໂດຍພື້ນຖານມີຄວາມຄົບຖ້ວນສົມບູນ, ກົມກຽວ ແລະ ສອດຄ່ອງກັບສະ ພາບ ແລະ ລະດັບການພັດທະນາເສດຖະກິດ- ສັງ ຄົມ ຂອງປະ ເທດ ເຮົາໃນປະຈຸບັນ ແລະ ຕໍ່ໜ້າ ແລະ ໃນໂອກາດດຽວກັນ ທ່ານລັດຖະມົນຕີກະຊວງດັ່ງກ່າວ ໄດ້ສະເໜີໃຫ້ບັນດາທ່ານສະມາຊິກສະພາ ແຫ່ງຊາດຈົ່ງຊ່ວຍປະ ກອບ ຄຳຄິດຄຳເຫັນ ເພື່ອເຮັດໃຫ້ກົດໝາຍສະ ບັບນີ້ ຄົບຖ້ວນສົມບູນ ແລະ ຖືກພິຈາລະນາຮັບຮອງເອົາໃນຂັ້ນຕໍ່ໄປ.
ທີ່ມາ ; www.Mahasan.Com
ໜວດໝູ່:
