ໄດອາຣີ່ຂອງ ຍັນ ສຸດທ້າຍຄືອ້າຍເຈັບ

ແດ່ ລູກໆ

ຂຽນເມື່ອ: ມ.ສ.. 20, 2012 | ມີ 3 ຄຳເຫັນ ແລະ 0 trackback(s)

ໜວດໝູ່: ກາບກອນ

ພໍ່ ກັບ ແມ່ ບໍ່ມີເງິນທອງ ຈະກອງໃຫ້

ຈົ່ງຕັ້ງໃຈ ພາກພຽນ ຮຽນໜັງສື

ຫາວິຊາ ຄວາມຮູ້ ເປັນຄູ່ມື

ເພື່ອຍຶດຖື ເປັນຫຼັກໜັ້ນ ຫຼໍ່ລ້ຽງກາຍ

ພໍ່ ກັບ ແມ່ ມີແຕ່ຈະແກ່ເຖົ້າ

ຈະລ້ຽງເຈົ້າ ເລີຍໄປ ນັ້ນຢ່າໝາຍ

ໃຊ້ວິຊາ ຊ່ວຍຕົນ ໄປຈົນຕາຍ

ເຈົ້າສະບາຍ ພໍ່ກັບແມ່ ກໍສຸກໃຈ ...ທ່ານ ລູກທັງຫຼາຍເອີບ.

ພັນລະຍາ 10 ປະການ( ຄວນອ່ານ )

ຂຽນເມື່ອ: ກ.ພ.. 24, 2011 | ມີ 16 ຄຳເຫັນ ແລະ 0 trackback(s)

ໜວດໝູ່: ກາບກອນ

ບັນຍັດພັນລະຍາ 10 ປະການ

1. ສາມີອອກບ້ານມາ ຢ່າຖາມວ່າໄປໃສ

ໃຫ້ຖາມຢ່າງເຕັມໃຈ ເອົາເງິນໃຊ້ ຫຼື ບໍ່ອ້າຍ.

2. ສາມີເຂົ້າບ້ານ ຢ່າໄດ້ຂານໄປໃສມາ

ໃຫ້ຖາມດ້ວຍຄຳວ່າ ໂອອ້າຍຈ໋າ ເມືອຍບໍ່ອ້າຍ.

3. ສາມີເຂົາດຸດາ ຢ່າທຳໜ້າເໝືອນເໝັນຄາວ

ຖ້າຖຽງກໍ່ເລື້ອງລາວ ຍອມຮັບຜິດແຕ່ໂດຍດີ.

4. ສາມີໂມໂຫມາ ໃຫ້ຮີບຈາກໄປທັນທີ

ກະວາສົມຄວນດີ ຮີບກັບມາຢ່າຊ້ານານ.

5. ສາມີເມົາເຫຼົ້າມາ ຢ່າໂກດວ່າດ່າລະລາມ

ຜ້າເຢັນ ແລະ ອາຫານ ຂອງຄາວຫວານຄວນເອົາມາ

6. ສາມີຂໍເງິນໃຊ້ ຫ້າມບໍ່ໃຫ້ໄຕຖາມຫາ

ເອົາໄປເຮັດຫຍັງໜາ ໃຫ້ຖາມວ່າເອົາເທົ່າໃດ.

7. ສາມີກັບບ້ານເດີກ ຢ່າທັກທຶກຖາມອັນໃດ

ຜ້າຜ່ອນທ່ອນສະໃບ ກຽມພ້ອມໄວ້ທັງເຂົ້າປາ.

8. ສາມີເງິນເດືອນອອກ ຢ່າໄດ້ບອກອອກປາກວ່າ

ຮັບໄດ້ຫຼາຍບໍ່ອ້າຍ ໃຫ້ຖາມວ່າພໍໃຊ້ບໍ່ອ້າຍ.

9. ສາມີຂໍຮ່ວມເພດ ປະຕິເສດຍ່ອມບໍ່ໄດ້

ຕ້ອງສະໜອງທຸກຄັ້ງໄປ ໄດ້ທຸກເມື່ອທຸກເວລາ.

10. ບັນຢັດ 10 ປະການ ໃຫ້ນົງຄານພັນລະຍາ

ຢຶດຖືເທິດບູຊາ ດຸດັ່ງວ່າຄອງຫົວໃຈ.

( ອ່ານແລ້ວຊ່ວຍໃຫ້ຄຳຄິດເຫັນແດ່ ເພື່ອຈະໄດ້ປັບປຸງ )

ຮັກເມຍ ຕ້ອງອ່ານ

ຂຽນເມື່ອ: ກ.ພ.. 22, 2011 | ມີ 11 ຄຳເຫັນ ແລະ 0 trackback(s)

ໜວດໝູ່: ກາບກອນ

ຮັກເມຍ !

· ຮັກເມຍຕ້ອງອົດທົນ ຕ້ອງເປັນຄົນເຄົາລົບເມຍ

· ຮັກເມຍຕ້ອງສົງເສຍ ຢ່າໃຫ້ເມຍຕ້ອງສົງໃສ

· ຮັກເມຍຕ້ອງຮັກດຽວ ຢ່າໄດ້ທ່ຽວໄປຮັກໃຜ

· ຮັກເມຍຕ້ອງຍອມເມຍ ເພາະວ່າເມຍບໍ່ຍອມໃຜ

· ຮັກເມຍຕ້ອງທຳໃຈ ເປັນແນວໃດຂ້ອຍກໍ່ເມຍ

· ຮັກເມຍຢ່າໄດ້ທ່ຽວເດິກ ກັບໄປເດິກຢູ່ກັບເມຍ

· ຮັກເມຍຕ້ອງທຳໃຈ ບໍ່ມີໃຜໃຫຍ່ເທົ່າເມຍ

ຮັກເມຍເປັນຂອງສ່ວນຕົວ

ຄະຕິເຕືອນໃຈ

ຂຽນເມື່ອ: ກ.ພ.. 21, 2011 | ມີ 5 ຄຳເຫັນ ແລະ 0 trackback(s)

ໜວດໝູ່: ກາບກອນ

ຄະຕິເຕືອນໃຈ

Ø ໃຜຮັກ ໃຜຊັງ ຊ່າງເຖີດ

Ø ໃຜເຊີດ ໃຜຊູ ຂອບໃຈ

Ø ໃຜດ່າ ໃຜຈົ່ມ ທົນເອົາ

Ø ໃຈເຮົາ ຮົ່ມເຢັນ ເປັນພໍ

Ø ສັດຕູຄືສັດຕີ ນາລີຄືຢາພິດ

Ø ສິ່ງທີ່ຄິດ ຄືເງີນຕາ

Ø ຍອດປາຖະໜາ ຄືຄວາມສຸກ

Ø ໝົດທຸກ ເມື່ອຕາຍ

Ø ສົມບັດສິ້ນສຸດທ້າຍ ຄືຫລຸມຝັງສົບ

Ø ເມົາລາບ ລືມຍົດ

Ø ເມົາຍົດ ລືມຕາຍ

Ø ເມົາກາຍ ລືມແກ່

Ø ເມົາຜົວເມຍ ລືມພໍ່ລືມແມ່

Ø ເມົາໄຮ່ເມົານາ ລືມປູ່ລືມຕາ

Ø ເມົາອຳນາດ ລືມສາສະໜາ

Ø ເມົາຕັນຫາ ຫູໜວກຕາບອດ

Ø ເມົາເພດ ໝົດລາຄາ

Ø ເມົາສຸລາ ໝົດຄວາມສຳຄັນ

Ø ເມົາການພະນັນ ໝົດຊັບສິນ

Ø ເມົານຳຄວາມຫລິ້ນ ພາໃຫ້ເຮືອນຮົ່ວ

Ø ເມົານຳຜູ້ຊົ່ວ ໝົດຄວາມເຫລື້ອມໃສ

Ø ເມົານຳການປູກຝັງລ້ຽງສັດ ພາໃຫ້ລ້ຳລວຍ

Ø ເມົານຳໄພ້ນຳຫວຍ ພາໃຫ້ຊວຍຕະຫລອດ.

o ອັນລ້ຳລວຍທີ່ສຸດຂອງຊີວິດ ຄືສຸຂະພາບທີ່ແຂງແຮງ

o ບາບກຳໃຫ່ຍຫລວງທີ່ສຸດຂອງຊີວິດ ຄືບໍ່ມີຄວາມກະຕັນຍູ

o ຄືໂງ່ທີ່ສຸດຂອງຊີວິດ ຄືເມົາຢາເສບຕິດໃຫ້ໂທດ

o ຄວາມຜ່າຍແພ້ໃຫ່ຍທີ່ສຸດຂອງຊີວິດ ຄືການອວດອົ່ງທະນົງຕົວ

o ສິ່ງມີຄ່າທີ່ສຸດຂອງຊີວິດ ຄືການໃຫ້ອະໄພ

o ຄວາມປາໄຊທີ່ສຸດຂອງຊີວິດ ຄືການຂົ່ມເຫັງຜູ້ອື່ນ

o ຄວາມພາດຝັ່ງໃຫ່ຍທີ່ສຸດຂອງຊີວິດ ຄືຕິດການພະນັນ

o ການລົ້ມລະລາຍທີ່ສຸດຂອງຊີວິດ ຄືຄວາມສິ້ນຫັວງ

o ຄວາມສຸກຫລາຍທີ່ສຸດຂອງຊີວິດ ຄືການຊ່ວຍເຫລືອຜູ້ອື່ນ”

ü ຮຽນຄິດແຕ່ດ້ານບວກ ແລ້ວຈະຮູ້ວ່າມີແຕ່ສິ່ງທີ່ເປັນໄປໄດ້

ü ຮຽນຝັນ ແລ້ວຈະຮູ້ວ່າໂລກນີ້ໜ້າຢູ່

ü ຮຽນເວົ້າແຕ່ດ້ານບວກ ແລ້ວຈະຮູ້ວ່າຍັງມີຄົນຫລາກຫລາຍທີ່ຮັກເຮົາ

ü ຮຽນຍິ້ມໄວ້ ແລ້ວຈະຮູ້ວ່າ ເຮົາຄືຄົນທີ່ເປັນຮັກ

ü ຮຽນຜ່າຟັນກັບອຸປະສັກ ແລ້ວຈະຮູ້ວ່າ ເຮົາຄືຄົນທີ່ເຂັ້ມແຂງ

ü ຮຽນພາກພຽນ ແລ້ວຈະຮູ້ວ່າ ເຮົາອົດທົນຍິ່ງກວ່າໃຜ

ü ຮຽນຄິດວ່າຕ້ອງຊະນະ ແລ້ວຈະຮູ້ວ່າ ເຮົາສາມາດເອົາຊະນະ ຕົນເອງໄດ້ບໍ່ຍາກ

ü ຮຽນຄິດໃໝ່ ແລ້ວຈະຮູ້ວ່າ ເຮົາມີຄວາມສາມາດ ຢ່າງປະຫລາດໃຈ

ü ຢ່ານຳເອົາຄວາມຜິດຫັວງໃນເມື່ອວານ ມາເຜົາຜານຄວາມຫັວງມື້ຕໍ່ໜ້າ

ü ໂລບຫລາຍຈະເປັນທຸກ ຜົນປະໂຫຍດຫລາຍຈະເປັນໄພ ຈົດຈຳໄວ້ເປັນການດີ!

ເປັນຫັຍງເຮົາຄືຢາກໄດ້ເງິນແທ້ໆໆໆໆໆໆໆໆໆໆ

ຂຽນເມື່ອ: ກ.ພ.. 21, 2011 | ມີ 12 ຄຳເຫັນ ແລະ 0 trackback(s)

ໜວດໝູ່: ກາບກອນ

ສຸພາສິດບອກວ່າ

ເງິນຊື້ໂມງຖືໄດ້ ແຕ່ຊື້ເວລາບໍ່ໄດ້

ເງິນໄປຫາທ່ານໝໍໄດ້ ແຕ່ຊື້ຊີວິດບໍ່ໄດ້

ເງິນຊື້ SEX ໄດ້ ແຕ່ຊື້ຄວາມຮັກບໍ່ໄດ້

ເງິນຊື້ເຮືອນໄດ້ ແຕ່ຊື້ທີຢູ່ທີອົບອຸ່ນບໍ່ໄດ້

ແຕ່ຖ້າຂາດເງິນເຮົາກໍ່ຢູ່ບໍ່ໄດ້ ແມ່ນບໍ່?

ມົງຄຸນຊີວິດ

ຂຽນເມື່ອ: ກ.ພ.. 16, 2011 | ມີ 10 ຄຳເຫັນ ແລະ 0 trackback(s)

ໜວດໝູ່: ກາບກອນ

ຖ້າຢາກເປັນຄົນງາມ ຢ່າວູ່ວາມຄຽດງ່າຍ

ຖ້າຢາກເປັນຄົນສະບາຍ ຢ່າເບື່ອໜາຍຄວາມພຽນ

ຖ້າຢາກເປັນຄົນມີ ຢ່າເປັນຄົນດີແຕ່ຈ່າຍ

ຖ້າຢາກເປັນຄົນທັນສະໃໝ ຢ່າທຳລາຍວັດທະນາທຳ

ຖ້າຢາກເປັນຄົນມີກຽດ ຢ່າຫຍຽດຫຍາມຜູ້ອື່ນ

ຖ້າຢາກມີຄວາມຮູ້ ຢ່າລົບລູ່ຄູອາຈານ

ຖ້າຢາກຫາຄວາມສຳລານ ຢ່າລ້າງຜານຊັບສົມບັດ

ຖ້າຢາກເປັນຄົນມີອຳນາດ ຢ່າຂາດຄວາມຍຸຕິທຳ

ຖ້າຢາກເປັນຄົນດັງ ຢ່າຫວັງຄວາມສະຫງົບ

ຖ້າທ່ານກະທຳຕົວແຂງກັບສັງຄົມ ທາງແຫ່ງຄວາມຫລົ້ມຈົມກຳລັງຕາມມາ

ຖ້າທ່ານເຮັດວຽກເຫັນແກ່ໜ້າ ທ່ານຈະພົບກັບບັນຫາເລື້ອຍໆໄປ

ຖ້າທຳຕົວເຫັນແກ່ໄດ້ ທ່ານຢ່າຫວັງນຳໃຈຈາກຜູ້ອື່ນ

ຖ້າທ່ານຢ້ານກົວຈົນເກີນໄປ ທ່ານຈະເຮັດຫຍັງບໍ່ໄດ້ຄວາມ

ຖ້າທ່ານກ້າຈົນເກີນໄປ ທ່ານໄປໃສຈະເດືອນຮ້ອນ

ຖ້າທ່ານຂາດຄວາມພໍດີ ທ່ານຈະເປັນໜີ້ເຂົາຕະຫຼອດໄປ

ຖ້າທ່ານຫາກຫວັງແຕ່ຄວາມສຸກ ທ່ານຈະທຸກມະຫາສານ

ຖ້າທ່ານຂາດຄວາມຄິດທີ່ຖີ່ຖ້ວນ ຊີວິດທັງຊີວິດຈະໝົດຄວາມໝາຍ

ຖ້າທ່ານທຳໃຈໃຫ້ສະຫງົບ ທ່ານຈະພົບກັບຄວາມສຸກທີ່ເຍືອກເຢັນ

v ຢ່ານອນຕື່ນສວາຍ ຢ່າອາຍທຳກິນ

v ຢ່າໝິ່ນເງິນນ້ອຍ ຢ່າຄອຍວາດສະໜາ

v ຢ່າຜ່າໄຟແດງ ຢ່າງແຊງທາງໂຄ້ງ

v ຢ່າໂກງເຈົ້າໜີ້

v ຢ່າເສວະນາຄົນຊົ່ວ ຢ່າມົວອະບາຍຍະມຸກ

v ຢ່າສຸກກ່ອນຫ້າມ ຢ່າພຶມພາມກ່ອນທຳ

v ຢ່າລຳກ່ອນເພງ ຢ່າຂົ່ມເຫັງຜູ້ນ້ອຍ

v ຢ່າຄອຍແຕ່ປະຈົບ ຢ່າຄົບແຕ່ເສດຖີ

v ຢ່າດີແຕ່ຕົວ ຢ່າຊົ່ວແຕ່ຄົນອື່ນ

v ຢ່າຟ່າຝຶນກົດລະບຽບ ຢ່າເອົາປຽບສັງຄົມ

v ຢ່າຊື່ນຊົນຄົນຜິດ ຢ່າຄິດເອົາແຕ່ໄດ້

v ຢ່າໃສ່ຮ້າຍຄົນດີ ຢ່າກ່າວຮາວີມຸສາ

v ຢ່ານິນທາພະເຈົ້າ ຢ່າໂງ່ເຂົາເມື່ອມີທຸກ

v ຢ່າສຸກຈົນລືມຕົວ ຢ່າເກງກົວງານໝັກ

v ຢ່າພິທັກທໍລະຊົນ ຢ່າລືມຕົນເມື່ອຮັ່ງມີ.

ຍັນ ສຸດທ້າຍຄືອ້າຍເຈັບ

ເບິ່ງທັງໝົດ

ອ່ານຄືນຫຼັງ

2012 (1)
2011 (6)

ໝວດໝູ່

ໝາຍເຫດ: ບົດຄວາມ, ຂໍ້ຂຽນ, ຄຳເຫັນຕ່າງ ໆ ທີ່ມີໃນໜ້ານີ້ ຖືກສົ່ງເຂົ້າມາໂດຍສາທາລະນະຊົນ ແລະຖືກເຜີຍແຜ່ໂດຍອັດຕະໂນມັດ ບໍ່ໄດ້ຜ່ານການກວດສອບຈາກທີມງານ ດັ່ງນັ້ນ ຈຶ່ງຂໍໃຫ້ທ່ານຜູ່ອ່ານຈົ່ງໃຊ້ວິຈາລະນະຍານ ແລະຖືຄະຕິ ກາລາມະສູດ : ພິຈາລະນາກ່ອນເຊື່ອ ໃນການຮັບຮູ້ຂໍ້ມູນຕ່າງ ໆ ທີ່ມີໃນໜ້າເວັບນີ້ ຫາກທ່ານພົບວ່າມີຂໍ້ຄວາມໃດທີ່ບໍ່ເໝາະສົມ ຫຼືຜິດຕໍ່ລະບຽບກົດໝາຍ ທ່ານສາມາດແຈ້ງເນື້ອຫາບໍ່ເໝາະສົມໄດ້ ຫຼືຕິດຕໍ່ທີມງານພັນລາວໂດຍກົງ ຂໍຂອບໃຈ.