ໄດອາຣີ່ຂອງ 42 42: ລະບອບການເມືອງ ການປົກຄອງໃດດີທີ່ສຸດໃນໂລກ?

ຂຽນເມື່ອ: ກ.ພ.. 11, 2010 | ມີ 3 ຄຳເຫັນ ແລະ 0 trackback(s)

ລະບອບການເມືອງ ການປົກຄອງໃດດີທີ່ສຸດໃນໂລກ?
ຄຳຖາມຄຳນີ້ສ້າງຄວາມສົນໃຈ ແກ່ທ່ານທັ້ງຫລາຍຜູ້ສົນໃຈ ຝັກໃຝ່ ໃນການເມືອງ
ແຕ່ລະຄົນອາດຈະມີຄຳຕອບທີ່ແຕກຕ່າງກັນ ກະເປັນເລື່ອງຄວາມຄິດເຫັນແຕ່ລະຄົນ ຊຶ່ງຂ້າພະເຈົ້າກໍເຄົາລົບໃນຄວາມເຫັນເຫລ່ານັ້ນ ໃນທີ່ນີ້ ຂ້າພະເຈົ້າຈະຕອບຄຳຖາມນີ້ພໍ
ຫອມປາກຫອມຄໍນໍ
ຄຳຕອບ ທີ່ຂ້າພະເຈົ້າຄິດວ່າ ດີທີ່ສຸດ ຄື ທຸກລະບອບການປົກຄອງ ໃນໂລກນີ້ ທຸກລະບອບຍ່ອມມີທັ້ງຂໍ້ດີແລະຂໍ້ເສີຍ ແຕ່ທີ່ແຕກຕ່າງກັນຄືວ່າ ລະບອບໃດດີນ້ອຍ ແລະລະບອບ
ໃດດີຫລາຍ
ໃນໂລກນີ້ ມີຫລາຍຮ້ອຍປະເທດ ແຕ່ລະປະເທດ ມີລະບອບການປົກຄອງທີ່ແຕກຕ່າງກັນ ແຕ່ປະເທດສ່ວນຫລາຍໃນໂລກນີ້ຍົກຍ້ອງຊົມເຊີຍລະບອບປະຊາທິປະໄຕ ວ່າເປັນລະບອບການປົກຄອງທີ່ດີທີ່ສຸດ ແຕ່ລະບອບການປົກຄອງສັງຄົມນິຍົມ ຄອມມິວນິດ ບໍ່ຄ່ອຍມີ ໃນໂລກນີ້ ປະເທດທີ່ປົກຄອງລະບອບຄອມມິວນິດ ມີ ຫ້າ ປະເທດ ຄື : ປະເທດວຽດນາມ, ລາວ, ຈີນ, ເກົາຫຼີ່ເໜືອ ແລະ ຄິວບາ
ນອກຈາກນັ້ນກໍປົກຄອງລະບອບປະຊາທິປະໄຕໝົດ
ສິ່ງເຫລົ່ານີ້ເປັນການສະແດງບົງບອກເຖິງຄວາມນິຍົມ ແລະຍອມຮັບວ່າ ລະບອບປະຊາທິປະໄຕດີທີ່ສຸດໃນໂລກ ເປັນຫຍັງຈັງວ່າຈັງຊັ້ນ ເພາະປະເທດໃນໂລກນີ້ ປົກຄອງລະບອບນີ້ຫລາຍທີ່ສຸດ ເພາະສະນັ້ນຈຶງເກິດ“ຄຳຖາມວ່າ ຄອມມິວນິດເດລະ ມັນບໍ່ດີບໍ ຈຶງບໍ່ຄ່ອຍມີຄົນນເອົາໄປໃຊ້
ຄຳຕອບຂອງຂ້າພະເຈົ້າໃນຖານະທີ່ເປັນຜູ້ຂຽນບົດຄວາມນີ້ ຕອບໄດ້ເຕັມປາກເລີຍວ່າ : ທຸກໆລະບອບການປົກຄອງໃນໂລກນີ້ລ້ວນມີທັ້ງຂໍ້ດີ ແລະຂໍ້ພົກພ່ອງໃນຕົວມັນເອງ ເພາະວ່າລະບອບຫນຶ່ງດີໃນປະເທດນີ້ ອາດຈະບໍ່ດີໃນປະເທດອື່ນກະມີຄືກັນ ເພາະວ່າແຕ່ລະປະເທດມີປະຫວັດສາດ,ພູມສາດ ອຸປະນິໄສໃຈຄໍ ແລະຄ່ານິຍົມຂອງຄົນໃນສັງຄົມນັ້ນແຕກຕ່າງກັນເພາະສະນັ້ນສິ່ງເຫລົ່ານີ້ ເປັນຕົວການສຳຄັນໃນການກຳໝົດຮູບແບບການປົກຄອງ ໃນປະເທດນັ້ນໆ
ຕໍ່ໄປຂ້າພະເຈົ້າຈະວິເຄາະຂໍ້ດີແລະຂໍ້ເສີຍ
ລະຫວ່າງປະຊາທິປະໄຕແລະຄອມມິວນິດ

ຂໍ້ດີຂອງຄອມມິວນິດ
໑.ສັງຄົມມີຄວາມຫມັ້ນຄົງ
໒.ລັດຖະບານມີສະຖຽນນະພາບ
໓.ໃຫ້ຄວາມສະເໝີພາບໃນໝູ່ປະຊາຊົນ

ຂໍ້ເສີຍຂອງຄອມມິວນິດ
໑.ບໍ່ຄ່ອຍໃຫ້ຄວາມເຄົາລົບສິດທິມະນຸດຊົນ
໒.ກົດກັ້ນສິດທິເສລີພາບຂອງປະຊາຊົນທີ່ຄວນໄດ້ຮັບ
໓.ເປີດໂອກາດໃຫ້ຜູ້ນຳໂກງໃນລະດັບສູງ
໔.ເຮັດໃຫ້ລັດຖະບານຜູກຂາດອຳນາດລັດ

ຂໍ້ດີຂອງປະຊາທິປະໄຕ
໑. ປະຊາຊົນມີສິດເສລີພາບເຕັມທີ
໒. ເປີດໂອກາດໃຫ້ຄົນ ເກັ່ງ ມີຄວາມສາມາດ ເຂົ້າມາເຮັດວຽກ
໓.ເຄົາລົບສິດມະນຸດຊົນ
໔.ອຳນາດບລິຫານ ນິຕິບັດ ແລະຕຸລາການ ເປັນຂອງປະຊາຊົນ
ຂໍ້ເສີຍຂອງປະຊາທິປະໄຕ
໑.ມັກເຮັດໃຫ້ສັງຄົມປັ່ນປ່ວນຕະຫຼອດ
໒.ມັກປ່ຽນຜູ້ນຳ
໓.ລັດຖະບານຂາດສະຖຽນນະພາບ (ສະເພາະລັດຖະບານປະສົມ)
໔.ຕັດສິນໃຈເຮັດວຽກຊັກຊ້າ
ຂໍສະຫຼຸບກ່ອນເດີພີ່ນ້ອງ ລະບອບການປົກຄອງທີ່ດີທີ່ສຸດນັ້ນ ບໍ່ມີລະບອບໃດໃນໂລກນີ້ສົມບູນແບບໄປທຸກຢ່າງ ລະບອບທີ່ດີທີ່ສຸດນັ້ນ ຕ້ອງຄຳນຶງເຖິງຜູ້ນຳເປັນຫລັກເພາະຜູ້ນຳ
ຕາມທັດສະນະ ພຮະພຸດສາດສະນານັ້ນມີ ໓ ປະເພດ
໑.ຜູ້ນຳແບບ ອັດຕາທິປະໄຕ
໒.ຜູ້ນຳແບບ ໂລກາທິປະໄຕ
໓.ຜູ້ນຳແບບ ທຳມາທິປະໄຕ
ສ່ວນລາຍລະອຽດໃນສ່ວນ ໓ ປະເພດນີ້ ຂ້າພະເຈົ້າຈະບໍ່ອະທິບາຍ ເອົາໄວ້ເທື່ອຫນ້າກ່ອນເດີພີ່ນ້ອງ
ແຕ່ຊິຂໍບອກວ່າຜູ້ນຳທີ່ດີທີ່ສຸດນັ້ນ ຄື ຜູ້ນຳຂໍ້ທີ່ ໓ ທຳມາທິປະໄຕນັ້ນເອງ ຄື ຜູ້ນຳເກັ່ງ ດີ ມີຄຸນທັມ ແລະຈະລິຍະທັມ
ໂອກາດຫນ້າ ຂ້າພະເຈົ້າຈະໄດ້ ວິເຄາະ ຜູ້ນຳ ໓ ປະເພດຕໍ່ໄປນໍ ສຳຫລັບມື້ນີ້ຂໍລາໄປກ່ອນເດີ
ບົດຄວາມນີ້ຜິດພາດປະການໃດ ຂໍອະໄພໄວ້ ນະ ທີ່ນີ້ດ້ວຍ

ສະບາຍດີ
ຈາກ : ພະສົມໃຈ ແພງສີ
ຄະນະ ລັດຖະສາດ
ມະຫາວິທະຍາໄລ ຈຸລາລົງກອນ

ກັບໄປໄດອາຣີ່ຂອງ 42 42

ແຈ້ງເນື້ອຫາບໍ່ເໝາະສົມ

42 42

ເບິ່ງທັງໝົດ

ອ່ານຄືນຫຼັງ

2010 (23)

ໝວດໝູ່

ໝາຍເຫດ: ບົດຄວາມ, ຂໍ້ຂຽນ, ຄຳເຫັນຕ່າງ ໆ ທີ່ມີໃນໜ້ານີ້ ຖືກສົ່ງເຂົ້າມາໂດຍສາທາລະນະຊົນ ແລະຖືກເຜີຍແຜ່ໂດຍອັດຕະໂນມັດ ບໍ່ໄດ້ຜ່ານການກວດສອບຈາກທີມງານ ດັ່ງນັ້ນ ຈຶ່ງຂໍໃຫ້ທ່ານຜູ່ອ່ານຈົ່ງໃຊ້ວິຈາລະນະຍານ ແລະຖືຄະຕິ ກາລາມະສູດ : ພິຈາລະນາກ່ອນເຊື່ອ ໃນການຮັບຮູ້ຂໍ້ມູນຕ່າງ ໆ ທີ່ມີໃນໜ້າເວັບນີ້ ຫາກທ່ານພົບວ່າມີຂໍ້ຄວາມໃດທີ່ບໍ່ເໝາະສົມ ຫຼືຜິດຕໍ່ລະບຽບກົດໝາຍ ທ່ານສາມາດແຈ້ງເນື້ອຫາບໍ່ເໝາະສົມໄດ້ ຫຼືຕິດຕໍ່ທີມງານພັນລາວໂດຍກົງ ຂໍຂອບໃຈ.