ມີຫລາຍຄົນກ່າວວ່າ ຄັ້ງຫນຶ່ງທີ່ໄດ້ເກີດມາເປັນມະນຸດນັ້ນແສນຍາກລຳບາກ ແຕ່ບາງຄົນນັ້ນກັບເປັນຜູ້ທຳລາຍຊີວິດດ້ວຍມືຂອງໂຕເອງ ໂດຍບໍ່ໄດ້ຟັງແມ້ແຕ່ສຽງຫ້ອງໄຫ້ ຫລືໄດ້ເຫັນສາຍຕາອ້ອນວອນຂໍຊີວິດນ້ອຍໆ ທີ່ໂຕເອງທຳລາຍເລີຍ ດ້ວຍຄວາມເກງວ່າອາດຈະເຮັດໃຫ້ໂຕເອງເດືອດຮ້ອນຈາກການທີ່ຖືກຜູ້ອື່ນເວົ້ານຶນທາເປັນຈຳນວນຫລາຍ
ອົງພຣະສຳມາສຳພຸທເຈົ້າໄດ້ສອນໄວ້ວ່າ ( ກິດໂສ ມະນຸສະ ປະຕຶພາໂພ ) ຫມາຍຄວາມວ່າກາຮເກີອເປັນມະນຸດນັ້ນແສນຍາກ ເພາະສະນັ້ນການທີ່ມະນຸດ (ທຳແທ້ງ) ກໍ່ຊ່ຳກັບວ່າເປັນການຂ້າຫລືອທຳລາຍມຊີວຶດຄົນນັ້ນເອງເຖຶງແມ່ນວ່າຜູ້ທີ່ທຳລາຍນັ້ນຈະເປັນແມ່ ພໍ່ຜູ້ໃຫ້ກຳເນີດກໍ່ຕາມລ້ວນແຕ່ຕົກມາເປັນຫຸ້ນສ່ວນຂອງກຳອັນຮ້າຍແຮງມະຫັນຮ່ວມກັນບໍ່ແມ່ນວ່າໃຜຜູ້ຫນຶ່ງເປັນຜູ້ຮັບກຳ
ນີ້ໄປທັ້ງເບຶດເພາະວ່າເປັນການຂາດຄວາມຮັບຜິດຊອບທາງດ້ານຂອງກາຍະກຳ ວະຈີກຳ ແລະມະໂນກຳ
ເຫດເກີດຈາກການມັກມາກໃນກາມາລົມ ດ້ວຍເຫັນວ່າເປັນຂອງສະຫນຸກສະຫນານແລະບໍ່ໄດ້ຄຳເນິງເຖິງຜົນຮ້າຍທີ່ຈະຕາມມາ
ດັ່ງຄຳທີ່ເວົ້າວ່າບາບ ຜູ້ທີ່ເຮັດກຳຈະໄດ້ຮັບໂທດຫນັກທີ່ສຸດນັ້ນມີຢູ່ 5 ປະການອັນໄດ້ແກ່ 1ການຂ້າພໍ່ 2 ການຂ້າແມ່ 3 ການຂ້າພຣະອໍຣະຫັນ 4 ການເຮັດໃຫ້ພຣະຄະນະສົງເກີດຄວາມແຕກແຍກ ແລະ 5 ການເຮັດໃຫ້ພຣະວຣະກາຍຂອງພຣະພຸທະເຈົ້າຫໍ້ໂລຫິດ(ເລືອດ) ເປັນຕົນ
ສຳຫລັບການທຳແທ້ງນັ້ນຫາກປຽບກັບໂທດທີ່ສົ່ງຜົນຮ້າຍແຮງມະຫັນທັ້ງ 5 ປະການນີ້ແລ້ວກໍ່ຊ່ຳກັບວ່າໄດ້ (ຂ້າພຣະອໍຣະຫັນ) ເພາະວ່າເດັກນ້ອຍທີ່ຢູ່ໃນທ້ອງນັ້ນຍັງບໍ່ທັນໄດ້ມີໂອກາດໄດ້ສ້າງກຳອີຫຍັງເລີຍແລະບໍ່ມີເຫກປັດໃຈອີຫຍັງໃນການເຮັດບາບດັ່ງນັ້ນຊີວິດຂອງເດັກນ້ອຍທີ່ຢູ່ໃນທ້ອງກໍ່ປຽບໄດ້ກັບພຣະອໍຣະຫັນ ນັ້ນເອງ
ສ່ວນເລື່ອງຜົນຂອງກຳທີ່ເກິດຈາກການທຳແທ້ງອົງພຣະສຳມາສຳພຸທະເຈົ້າໄດ້ເວົ້າໄວ້ວ່າຜູ້ທີ່ເຄີຍທຳແທ້ງໃນເມື່ອທີ່ໂຕເອງຍັງມີຊີວິດຢູ່ກໍ່ຈະໄດ້ຮັບຜົນກຳຈາກພະຍາດຮ້າຍຫລາຍໆຢ່າງຫລືປ່ວຍຫນັກ ຫລືອາຍຸສັ້ນ ຫລືຖືກຂັດຂວາງບໍ່ໃຫ້ມີຄວາມສຸກ
ຫລືມີຄວາມຈະເລີນຢ່າງຫາສາເຫດບໍ່ໄດ້ (ປ່ວຍແບບບໍ່ມີເຫດຜົນ) ເມື່ອຕາຍໄປຕົກນາຮົກ(ລົກ)ກໍ່ຍັງຕ້ອງຮັບກຳຢູ່ແບບນີ້
ວົນວຽນໄປເລື້ອຍໆບໍ່ມີມື້ຈັກຈົບສິ້ນຈົນກວ່າວິນຍານບໍລິສຸດ (ເດັກທີ່ຖືກທຳແທ້ງ) ນັ້ນຈະອະໂຫສິກຳໃຫ້
ສຸດທ້າຍນີ້ຖ້າຫາກວ່າທ່ານບໍ່ຢາກຮັບຜົນກຳຫນັກອັນຮ້າຍແຮງຈັ່ງຊີ້ຕິດໂຕໄປທ່ານກໍ່ຕ້ອງຮູ້ຈັກຫ້າມໃຈບໍ່ໃຫ້ເຮັດຜິດໃນກາມ
ຫລົງສະຫນຸກມັກມ່ວນເປັນຄົນມັກມາກໃນກາມາລົມ ຫລືພະຍາຍາມຢິດຖືສີນຂໍ້ທີ່ 3 ເດີທີ່ເວົ້າວ່າ ກາເມສຸມິດສາຈາລາເວລະມະນີ (ເວັ້ນຈາກການເຮັດຄວາມຜິດໃນກາມ) ຈຳເອົາໄວ້ໃຫ້ໄດ້ກະພໍແລ້ວເພາະນອກຈາກຈະບໍ່ເປັນການເຮັດບາບໃຫ້ກັບໂຕເອງແລ້ວຍັງຖືໄດ້ວ່າບໍ່ເປັນການເຮັດບາບກັບຄົນອື່ນອີກເດີ
ຂໍຄວາມຈະເລີນໃນທຳ

ຈະເລີນພອນ