.ອ່ານຫົວເລື່ອງກໍ່ຄົງຈະຮູ້ແລ້ວວ່າຂ້າພະເຈົ້າຈະຂຽນຫຍັງຕໍ່ໄປ ...ແນ່ນອນລະ ກໍ່ຂຽນເລື່ອງ..ປົມດ້ອຍ ເພື່ອນຫລາຍໆຄົນກໍ່ຄົງຈະມີເພື່ອນໆຫຼືຄົນຮອບຂ້າງທີ່ມີນິໃສມັກເປັນຫນຶ່ງໃນສະມາຄົມ ...ນັກນິນທາ ..ມັກສັນຫາເລື່ອງຂອງຊາວບ້ານຊາວເມື່ອງມານິນທາໄດ້ສາມວັນສາມຄືນບໍ່ຊ້ຳເລື່ອງເກົ່າ ...ໂອ!..ຈອດມັນສຸດຍອດ...ອີຫລີ່!. ຂໍໃຫ້ເພື່ອນໆຮູ້ໄວ້ວ່າ ຄົນພວກນີ້ ເປັນຄົນມີປົມດ້ອຍ ຫຼື ເປັນຄົນທີ່ບໍພໍໃຈໃນຕົວເອງ..
ແລະບຸກຄົນເຫຼົ່ນີ້ມັກເປັນຕົວປ່ວນ ມັກກໍ່ບັນຫາ!
ແລ້ວໂດຍທົ່ວໄປຄົນທີ່ຄິດວ່າຕົນເອງຕ່ຳຕ້ອຍດ້ອຍຄ່າມັກຈະມີນິດໃສດັ່ງນີ້:
ກ. ມັກວິຈານ(ດ່າ)ຄົນອື່ນ...ອີຫລີ...ອີ່ຫລໍ
ຂ. ມັກວິຈານ(ດ່າ)ຕົວເອງເປັນປະຈຳ
ກ.ພວກນີ້ມັກຈະວິຈານຄົນອື່ນ ເພາະຄິດວ່າການວິຈານຄົນອື່ນຈະເຮັດໃຫ້ຕົວເອງຮູ້ສຶກດີຂື້ນ ຈະຂໍຍົກຕົວຢ່າງໃຫ້ເບິ່ງຫນຶ່ງຕົວຢ່າງ....ທ້າວ ເທວະດາ ຮູ້ສຶກວ່າຕົວເອງມີປົມດ້ອຍ ລາວຄິດວ່າລາວມີດັ່ງໃຫຍ່ ແລະຕາຕີ່ໆ ແລະຮູ້ສຶກວ່າຕົວເອງເປັນຄົງໂງ່ອີກດ້ວຍ
ວິທີການຂອງ ທ້າວເທວະດາທີ່ເຮັດໃຫ້ລາວຮູ້ສຶກດີຂື້ນຄືພະຍາມຍາມຕັ້ງຊື່ໃຫ້ເພື່ອນໆ (ທີ່ພະຍາຍາມບົ່ງບອກເຖິງປົມດ້ອຍຂອງເພື່ອນ) ວ່າ ມິສເຕີ ຫົວແບນ, ມິສເຕີ ຫົວໄກ່, ມິສເຕີ ສະຫມອງຫມາ, ມິສເຕີ ປັນຍາຄວາຍ ເປັນຕົ້ນ ແລະເມື່ອມີຄົນໃດເຮັດຜິດພາດປະການໃດ ລາວຈະປ່າວປະກາດໃຫ້ທຸກຮັບຮູ້(ທັງທີ່ຈິງ ທ້າວ ເທວະດາຂອງເຮົາບໍ່ຮູ້ຕົວດ້ວຍຊ້ຳວ່າລາວມັກວິຈານຄົນອື່ນຫຼືເປັນຫຍັງລາວຈິງເຮັດແນວນັ້ນ)
ຫາກເພື່ອນໆມີຄົນຮອບຂ້າງມີນິດໃສໃຈຄໍແບບນີ້ ໃຫ້ຮູ້ໄວ້ເລີຍວ່າ ພວກເຂົາມີບັນຫາພາຍໃນ....(ທີ່ບອກໃຜບໍ່ໄດ້...ຕິເນາະ..ອິອິ)
ຂ. ພວກທີ່ມັກວິຈານຕົວເອງ...ເປັນການໃຊ້ຈິດວິທະຍາສວດກັບ....
ລອງເບິງກໍລະນີຂອງ ນາງ ຟ້າ ເປັນຕົວຢ່າງ ຫາກນາງ ຟ້າ ເວົ້າກັບເຈົ້າວ່າ ” ເຈົ້າ ນ່າຮັກກວ່າຂ້ອຍ ເຈົ້າສະຫລາດກວ່າຂ້ອຍອີກ ບໍ່ມີໃຜມັກຂີ້ຫນ້າຂ້ອຍເລີຍ” ນາງ ຟ້າກຳລັງຫວັງວ່າເຈົ້າຈະຕອບລາວກັບໄປວ່າ ”ບໍ່ດອກ ....ເຈົ້າເປັນຄົນສະຫລາດແລະເຈົ້າກໍ່ເປັນຄົນງາມຄົນຫນຶ່ງລະ” ພໍລົມກັນໄປນານເຂົ້າ...ເຈົ້າຈະຮູ້ສຶກວ່າ ນາງ ຟ້າ ນີ້ ຊ່າງກວນ....ຕ...ສະລະ ອີນ ອີຫລີ...
ສະຫລຸບແລ້ວ...ກໍຄື:
ເມື່ອເຮົາບໍ່ພໍໃຈຕົວເອງ ນອກຈາກເຮົາຈະເຮັດໃຫ້ຄົນອື່ນລຳຄານແລ້ວ ເຮົາຍັງເຮັດໃຫ້ຕົວເອງຄຽດນຳອີກ ຫາກເຮົາຍອມຮັບຫຼືພໍໃຈໃນຕົວເອງເພີມຂື້ນອີກ ເຮົາກໍ່ບໍ່ຕ້ອງມານັ່ງຫຼິ້ນເກມກວນປະສາດແບບນີ້ອີກລະ...