ຂ້ອຍຄົບກັບຄົນໆໜຶງມາໄດ້ 3 ປີແລ້ວ ແລະ ຂ້ອຍໄດ້ບອກເລີກແລ້ວ ປ່ຽນສະຖານະຈາກແຟນມາເປັນໝູ່. ຂ້ອຍກະຮັກລາວຫຼາຍ ແລະ ລາວກໍຮັກຂ້ອຍເຊັ່ນດຽວກັນ. ແຕ່ຄວາມຮັກທີ່ຂ້ອຍມີໃຫ້ລາວໃນມື້ນີ້ແມ່ນຄວາມຮັກແບບໝູ່ເທົ່ານັ້ນ. ເຮົາບໍ່ໄດ້ຜິດຖຽງຫຍັງກັນເລີຍ ແຕ່ຢູ່ດີໆຂ້ອຍກໍຮູ້ສຶກກັບລາວແບບໝູ່ເທົ່ານັ້ນ.

ຂ້ອຍກໍບໍ່ຮູ້ຄືກັນວ່າເປັນຫຍັງຂ້ອຍຈຶ່ງຮັກລາວແບບຄົນຮັກບໍ່ໄດ້ອີກ ທັງໆທີ່ຂ້ອຍກໍບໍ່ໄດ້ມີໃຜເລີຍນອກຈາກລາວ.

ຄວາມຮັກ ເປັນເລື່ອງທຳມະດາ ທີ່ເກີດຂຶ້ນກັບທຸກຄົນ ແລະ ມັນກໍເປັນທຳມະດາອີກທີ່ຄົນເຮົາຈະມີຄວາມຮັກລະຫວ່າງ ເພດດຽວກັນ ຫລື ລະຫວ່າງ ຍິງ-ຊາຍ

ແຕ່ມັນກໍບໍ່ເປັນເລື່ອງທຳມະດາທີ່ມີັທັງຄົນເຫັນດີ ແລະ ຄົນບໍ່ເຫັນດີຕໍ່ກັບຄວາມຮັກນັ້ນໆ. ແຕ່ສິ່ງຫນຶ່ງທີ່ຢາກໃຫ້ຮູ້ ແລະ ເຂົ້າໃຈນັ້ນ ບໍ່ມີໃຜຢາກເປັນຄົນທີ່ຄົນອື່ນເບິ່ງດ້ວຍສາຍຕາແປກໆ ສະນັັ້ນ ຄິດວ່າຢາກໃຫ້ເບິ່ງວ່າຄວາມຮັກເປັນເລື່ອງທຳມະດາທີ່ເກີດຂຶ້ນໄດ້ກັບທຸກໆຄົນ.

ບໍ່ວ່າໃຜໆກໍຕາມ ຖ້າຫາກມີຄົນຮັກແລ້ວ ເຮົາກໍຕ້ອງການຢາກໃຫ້ຄົນທີ່ເຮົາຮັກເຂົ້າໃຈເຮົາ, ແຕ່ກໍເປັນທີ່ຮູ້ກັນດີອີກນັ້ນລະ ຄົນຮັກເຮົາບໍ່ສາມາດເຂົ້າໃຈເຮົາໄດ້ໃນທຸກໆເລື່ອງ ເພາະຄົນທີ່ເຂົ້າໃຈເຮົາດີທີ່ສຸດ ແມ່ນຕົວເຮົາເອງ.

ແຕ່ເຖິງຢ່າງໃດກໍຕາມ ເຮົາກໍຍັງຕ້ອງການໃຫ້ຄົນທີ່ເຮົາຮັກເຂົ້າໃຈເຮົາຢູ່ດີ, ໃນເວລາທີ່ເຮົາມີບັນຫາກໍຢາກມີເຂົາມານັ່ງຂ້າງ...ມາໃຫ້ກຳລັງໃຈເຮົາ....ເຖິງເຂົາບໍ່ໂທມາກໍສົ່ງຂໍ້ຄວາມມາຂໍ້ຄວາມໜຶ່ງເຮົາກໍຍິ້ມ ແລະ ດີໃຈແລ້ວ.

ແລ້ວເພື່ອນໆເດ ເຄີຍເປັນບໍ່ເວລາທີ່ມີຫຍັງບໍ່ສະບາຍໃຈ ເຮົາມັກຈະຖ້າຄົນໆນັ້ນ ຖ້າເຂົາໂທຫາ ຖ້າເຂົາສົ່ງຂໍ້ຄວາມຫາທຸກເວລາ ເຂົາຄົງຈະບໍ່ຮູ້ວ່າເຮົາຕ້ອງການໄດ້ຍິນສຽງເຂົາ, ຢາກເຫັນຂໍ້ຄວາມຂອງ ເຂົາ ແລະ ຢາກມີເຂົາມານັ່ງຂ້າງໆ ເຖິງແມ່ນວ່າເຂົາບໍ່ເວົ້າ, ບໍ່ປາກຫຍັງກໍຕາມ ຂໍພຽງແຕ່ໄດ້ເຫັນຫນ້າເຂົາເຮົາກໍຮູ້ສຶກອຸ່ນໃຈແລ້ວ.........

ການລໍຖ້າເປັນຄວາມຮູ້ສຶກທີ່ໂຫດຮ້າຍ ແລະ ທໍ້ໃຈສຸດລໆ ເພື່ອນໆເຄີຍເປັນບໍ່...ຖ້າໃຜເຄີຍເປັນເຄີຍຮູ້ສຶກກໍຢາກໃຫ້ມາແບ່ງປັນຄວາມຮູ້ສຶກນຳກັນ.

ຄວາມເຫົງ....ມັນຊ່າງເປັນໂລກທີ່ຮ້າຍແຮງຫຼາຍ ຖ້າຫາກວ່າໃຜຫາກຕິດພະຍາດນີ້ແລ້ວກໍໍອາດຈະເຮັດໃຫ້ກາຍເປັນຄົນທີ່ບໍ່ມີຊີວິດຊີວາ, ບໍ່ມີຮອຍຍິ້ມ ແລະ ສຽງຫົວ. ຍິ່ງເດືອນນີ້ເປັນເດືອນແຫ່ງຄວາມ ຮັກຍິ່ງເຮັດໃຫ້ເພີ່ມຄວາມເຫງົາເພີ່ມທະວີຂຶ້ນເລື້ອຍໆ ເມື່ອນັ່ງຢູ່ຄົນດຽວກໍມັກຈະຄິດຮອດຄົນທີ່ເຄີຍນັ່ງຂ້າງໆ, ເວລານັ່ງຟັງເພງຊື້ງໆນ້ຳຕາກໍ່ມັກຈະໄຫຼແບບບໍ່ຮູ້ໂຕ, ແມ້ກະທັ່ງນັ່ງກິນເຂົ້າກໍຍັງຄິດຮອດ ຄົນໆນັ້ນ ຄົນທີ່ເຄີຍລົມກັນເວລາກິນເຂົ້າ, ຄົນທີ່ເຄີຍຢອກໃຍ, ຄົນທີ່ເຄີຍເປັນຫ່ວງເວລາເຮົາບໍ່ສະບາຍ ແຕ່ມື້ນີ້ເຮົາກັບບໍ່ມີເຂົາຄົນນັ້ນອີກແລ້ວ ມີແຕ່ຄວາມເຫງົາເຂົ້າມາແທນທີ່ ຍິ່ງເຫງົາຍິ່ງເຮັດໃຫ້ໃຈ ເຢັນຊາ ຍິ່ງເຫງົາຍິ່ງເຮັດໃຫ້ກາຍເປັນຄົນທີ່ບໍ່ປາກ.....ຄວາມເຫງົາມັນຊ່າງໂຫດຮ້າຍແທ້ໆ.

ໃຜກໍຕາມທີ່ຍັງຄົງມີຄົນຮັກໃນຕອນນີ້ ກໍຂໍໃຫ້ເບິ່ງແຍງກັນ ແລະ ເອົາໃຈໃສ່ກັນໃຫ້ດີ ຢ່າປ່ອຍໃຫ້ເຂົາຈາກໄປ , ຖ້າບໍ່ດັ່ງນັ້ນ ຄວາມເຫົງາຈະເຂົ້າມາຫາທ່ານໂດຍບໍ່ຮູ້ເມື່ອ......