ນີ້ເປັນເລື່ອງລາວຂອງໝູ່ຂ້ອຍທີ່ລາວມາເລົ່າໃຫ້ຂ້ອຍຟັງ ຂ້ອຍເອງກໍ່ບໍ່ສາມາດທີ່ຈະໃຫ້ຄຳຕອບກັບລາວໄດ້ ຈິ່ງມາຂຽນລົງພັນລາວເພື່ອຖາມຄຳເຫັນຂອງເພື່ອນໆວ່າຈະເຮັດແນວໃດດີ ?

ເລື່ອງກະມີຢູ່ວ່າ:..........ໝຸ່ຂອງຂ້ອຍລາວມີແຟນ ( ເຂົາເຈົ້າເປັນຜູ້ຍິງທັງສອງ..ຢ້ຳວ່າເປັນຍິງທັງສອງ ) ພວກເຂົາຄົບກັນມາດົນແລ້ວ ແລະ ກໍ່ຮັກກັນຫລາຍ ແຕ່ຄອບຄົວຂອງທັງສອງບໍ່ມີໃຜຮູ້ ແບບວ່າແອບ ຄົບກັນ...ຢ່າງທ່ີບອກພວກເຂົາຮັກກັນຫລາຍ ແລະ ຕ້ອງການຢູ່ນຳກັນແລ້ວ ແຕ່ກໍ່ບໍ່ຮູ້ວ່າຈະເຮັດແນວໃດດີ ເພາະວ່າພວກເຂົາຢ້ານພໍ່ແມ່ຫ້າມບໍ່ໃຫ້ຄົບກັນ ແລະ ບໍ່ໃຫ້ຢູ່ນຳກັນ.

ປະເດັນທີສອງແມ່ນຕ່າງຝ່າຍຕ່າງກໍ່ມີຄອບຄົວທີ່ຕ້ອງເບິ່ງແຍງ..ຜູ້ໜຶ່ງຕ້ອງຢູ່ກັບພໍ່ ( ເປັນລູກສາວຫລ້າຕ້ອງຢູ່ນຳພໍ່, ອ້່າຍເອືື້ອຍສ້າງຄອບຄົວ ແລະ ອອກເຮືອນໝົດແລ້ວ )...ອີກຜູ້ໜຶ່ງກໍ່ເປັນລູກສາວຫລ້າ ຕ້ອງໄດ້ຢູ່ກັບແມ່.( ຕ້ອງໄດ້ລ້ຽງແມ່ວ່າຊັ້ນສາ.. ) ເອື້ອຍອ້າຍກໍ່ສ້າງຄອບຄົວແລ້ວ...

ເພື່ອນໆພັນລາວມີຄວາມເຫັນແນວໃດກະຊ່ວຍແນະນຳໃຫ້ແນ່ເດື້....ພວກເຂົາກະໜ້າສົງສານຢູ່ໃດ໋......

ທຸກໆຄົນໃຜໆກໍຄົງຈະມີຄວາມຝັນກັນທັງນັ້ນ ຂພຈ ເອງກໍມີຄວາມຝັນ. ຂພຈ ຝັນທີ່ຢາກຈະເປັນ ໄອຍະການ. ອາຊີບນີ້ເປັນອາຊີບທີ່ຂ້ອຍຮັກ ແລະ ມັກທີ່ສຸດ ແຕ່ຂ້ອຍກໍຮູ້ດີວ່າສິ່ງທີ່ຂ້ອຍຝັນນັ້ນ ມັນເປັນໄປໄດ້ຍາກຫລາຍ.....ເພາະມີຫລາຍປັດໄຈທີ່ບໍ່ສາມາດເຮັດໃຫ້ເປັນໄປໄດ້

ສິ່ງໜຶ່ງທີ່ວົນວຽນຢູ່ໃນສະໝອງແມ່ນເຮົາຕັ້ງໃຈຮຽນແຕ່ເຮົາກັບບໍ່ໄດ້ເປັນດັ່ງທີ່ເຮົາຫວັງ ແລະ ຕັ້ງໃຈ. ດວ້ຍເຫດຜົນທີ່ຖານະຄອບຄົວບໍ່ສາມາດສະໜັບສະໜູນບາງຢ່າງໄດ້.

ຄິດເລື່ອງນີ້ມາຄັ້ງໃດ ນ້ຳຕາ...ມັນ....ຈະໄຫລທຸກຄັ້ງ...

ການເຮັດວຽກໃນແຕ່ລະມື້ນັ້ນ ບາງມື້ກໍ່ມີວຽກຫລາຍ ບາງມື້ກະເກືອບບໍ່ມີວຽກເລີຍ.

ໃນແຕ່ລະມື້ຂອງການເຮັດວຽກຂ້ອຍກະພະຍາຍາມເຮັດໃຫ້ດີທີ່ສຸດແລ້ວ ແຕ່ມັນກະຍັງບໍ່ດີເທົ່າທີ່ຫົວໜ້າຕ້ອງການ. ຄວາມຕ້ອງການຂອງຫົວໜ້າບາງທີກໍ່ກາຍເປັນຄວາມກົດດັນຂອງເຮົາ ເຮັດໃຫ້ເຮົາເບື່ອ ແລະ ບໍ່ຢາກເຮັດວຽກຢູ່ບ່ອນນີ້ອີກແລ້ວ. ແຕ່ອີກດ້ານໜຶ່ງ ການຊອກວຽກໃຫມ່ເຮັດມັນກໍ່ມີຄວາມສ່ຽງສູງເພາະວ່າດຽວນີ້ວຽກຊອກຍາກຫລາຍ ຂ້ອຍຈຶ່ງຈຳເປັນຕ້ອງໄດ້ເຮັດວຽກຢູ່ບ່ອນນີ້ອີກ. ບ່ອນທີ່ຂ້ອຍເຮັດນັ້ນ ພາຍນອກເບິ່ງຄືສະບາຍ ແຕ່ໃນຄວາມຮູ້ສຶກຂ້ອຍ ຂ້ອຍບໍ່ມັກປານໃດ ມັນຂາດຄວາມເປັນຕົວຂອງຕົວເອງ. ເຖິງຢ່າງໃດກໍດີ ເມື່ອຂ້ອຍເລືອກແລ້ວ ຂ້ອຍກໍຕ້ອງເຮັດໃຫ້ດີທີ່ສຸດ ແລະ ຂ້ອຍເຊື່ອວ່າຂ້ອຍເຮັດດີທີ່ສຸດແລ້ວ.....

ການທີ່ໄດ້ຮັກໃຜຄົນໜຶ່ງກໍເປັນຄວາມສຸກທາງດ້ານຈິດໃຈ, ການມີຄົນຮັກກໍເຮັດໃຫ້ເຮົາມີຄວາມສຸກ ແລະ ສຸກໃຈ ແຕ່ຖ້າຫາກວ່າຮັກກັນແລ້ວ ປ່ອຍໃຫ້ຄົນຮັກເຫງົາໃຈ, ຂາດຄວາມເອົາໃຈໃສ່ ກໍບໍ່ຈຳເປັນຕ້ອງ ຮັກກໍໄດ້.

ເປັນເລື່ອງທີ່ໜ້າເສົ້າຖ້າຫາກຄົນຮັກບໍ່ຫວ່ງໃຍ, ບໍ່ສົນໃຈ, ບໍ່ແຄກັນເລີຍ ປາກບອກວ່າຮັກ ແຕ່ການກະທຳບໍ່ເປັນດັ່ງທີ່ເວົ້າ. ໂທຫາບໍ່ຮັບສາຍ, ສົ່ງຂໍ້ຄວາມຫາບໍ່ຕອບ, ບໍ່ມີເວລາໃຫ້ກັນເລີຍ.

ທັງເຫງົາ ແລະ ເສົ້າໃຈ