ການທີ່ເຮົາຈະຮູ້ຄຸນຄ່າສຶ່ງໃດ ແມ່ນຕ້ອງໄດ້ເສຍສິ່ງນັ້ນແລ້ວຈຶ່ງຮູ້ຄຸນຄ່າ ເລື່ອງນີ້ກໍ່ເຊັ່ນດຽວກັນ      ຕອນເລີ່ມຕົ້ນກະຢາກໄດ້ເຂົາມາເປັນຄົນຮັກ ໂດຍຜ່ານຜ່າສິ່ງຕ່າງໆ ທັ໊ງໆທີ່ເຂົາມີແຟນແລ້ວກໍ່ຍັງຍາດເອົາມາ ແຕ່ເມື່ອໄດ້ມາບໍ່ດົນກໍ່ເລີ່ມມີການປ່ຽນແປງ ແລະ ເຫັນໝູ່ເພື່ອນ ຫລື ຄົນອື່ນດີກ່ວາ. ໂດຍບໍ່ໄດ້ຄິດວ່າ ກ່ອນເຂົາຈະຕົກລົງເປັນຄົນຮັກນຳເຮົານັ້ນຍາກປານໃດ. ແຕ່ຍິ່ງໄປກ່ວານັ້ນ ກໍ່ບໍ່ເອົາໃຈເຂົາ ແລ້ວຍັງໄປມີຄົນອື່ນທັ້ງໆ ທີ່ໃຈແມ່ນບໍເຄີຍປ່ຽນແປງ ຍັງຮັກຄືເກົ່າ    ແຕ່ການກະທຳຊ້ຳພັດເຮັດກົງກັນຂ້າມ ສະແດງອອກແບບ ເຂົາໝົດຄວາມຫມາຍ ຫລາຍຄັ້ງ ຫລາຍຫົນ ຈົນເຂົາທົນບໍ່ໄດ້ ແລ້ວກໍ່ຈາກໄປໃນທີ່ສຸດ. ແຕ່ພໍເຂົາຈາກໄປ ຈຶ່ງຮູ້ວ່າ ຄວາມເຫງົາ ແລະ ຄວາມເຈັບມັນເປັນແນວໃດ ຍິ່ງໄປກ່ວານັ້ນ ໂອກາດທີ່ຈະໄດ້ເຂົາຄືນມາກໍຫມົດໄປເຊັ່ນກັນ. ຖ້າຕອນນີ້ໃຜກຳລັງເປັນກໍ່ໃຫ້ພະຍາຍາມຢ່າເຮັດຕໍ່ໄປ ຍ້ານເພັດແທ້ຫລຸດມື້ ເຫລືອໄວ້ພຽງອາດີດ ແລະ ຄວາມຊົງຈຳທີ່ເຈັບປວດ.