ບັນທຶກ ກາຍ
ຈັກໜ່ອຍໂທຫານ້ຳຕານກ່ອນ,,ຂ້ອຍນອນອ່ານໜັງສືໃນຫ້ອງນອນ
ຕະລະລຶງຕຶງໆ ອາວ ບັກຊາຍໂທມາ
“ຈັ່ງໄດ໋”
(ນ້ຳຕານກຳລັງຕົກຢູ່ໃນອັນຕະລາຍ)
“ຫະ..”
…..
ບໍ່ຮອດຫ້ານາທີຂ້ອຍກໍ່ມາຢືນຢູ່ຮ້ານບັກຊາຍແລະກະມີຕິນ່ານຳ
“ນ້ຳຕານຢູ່ໃສ”
“ນ່າບໍ່ຮູ້..ຕອນທີ່ລົມໂທສັບກັນດີໆ ນ້ຳຕານກໍ່ຮ້ອງຂຶ້ນຄືແບບເຈິເລື່ອງຕົກໃຈແຮງໆຈາກນັ້ນສາຍກໍ່ຕັດໄປນ່າກະເລີຍຟ້າວໂທຫາອ້າຍຊາຍນິ້ແຫຼະ”
”ອ້າຍຄິດວ່ານ້ຳຕານຢູ່ບ້ານ”
“ເອີ,,ນ້ຳຕານບອກວ່າໄປງານລ້ຽງກັບພູຜາ ກຳລັງຈະກັບແລ້ວພູຜາພາແວ່ຫາພີ່ນ້ອງ”
“ບັກພູຜາຫວະ”
“ເອີ!!,,ຕອນກ່ອນສາຍຈະຕັດນ້ຳຕານບອກວ່າບ່ອນນັ້ນມັນຄ້າຍໆໂກດັງ”
“ໂກດັງແຖວຟ້າງຸ່ມຫວະ..ຊາຍໄປ,ນ່າຖ້າຢູ່ນີ້ເດີ” ຂ້ອຍກັບບັກຊາຍຂັບລົດອອກນຳຫານ້ຳຕານທັນທີ,,ຕອນນີ້ຂ້ອຍຊິໃຈຂາດຕາຍລະ ຖ້ານ້ຳຕານເປັນຫຍັງໄປລະຂ້ອຍຊິເຮັດຈັ່ງໄດ໋
“ກາຍ,,ຊ້າລົງກະໄດ້ສ່ຽວ ມຼຶງຊິໄດ້ຕາຍກ່ອນໄປຊ່ວຍນ້ຳຕານແລ້ວນີ້” ຂ້ອຍບໍ່ໄດ້ຟັງສຽງໃຜທັງນັ້ນຕອນນີ້ໃຈຂ້ອຍມັນຊິລະເບິດອອກມາແລ້ວນີ້
“ກາຍໆ…ຮ່ອມນີ້” ຊາຍຊີ້ຮ່ອມນ້ອຍໆຮ່ອມໜຶ່ງໃຫ້ເບິ່ງມີແສງໄຟລົດສ່ອງມາຈາກຮ່ອມນຳ,ຂ້ອຍລ້ຽວລົດທັນທີແຕ່ເມື່ອລ້ຽວເຂົ້າໄປຂ້ອຍກໍ່ຕ້ອງໃຈຮ້າຍອີກຄັ້ງເມື່ອບໍ່ມີຕຶກໃດທີ່ເປັນໂກດັງເລີຍ..
“ຮ້ວຍເວີຍຍຍຍຍຍ” ເປ໊ບບບບບບບ ຂ້ອຍຮ້ອງອອກມາແລ້ວໃຊ້ມືທຸບພວງມາໄລລົດ
“ກາຍ..ດ໋ຽວຂະເຈົ້າກະອອກມາດ່າມຼຶງດອກເດິກແລ້ວ”
“ເປັນມຼຶງໆເຢັນໄຫວຫວະ ຖ້າມຼຶງຮູ້ວ່າຄົນທີ່ຮັກເປັນຫຍັງກະບໍ່ຮູ້ນິ”
“ກຼູບໍ່ເຄີຍມີແຟນ,,ມີໄປກະລຳຄານລ້າ”
ກ໊ອກໆໆ ມີຜູ້ຊາຍຄົນໜຶ່ງໃສ່ຊຸດຍາມຍ່າງມາເຄາະປະຕູລົດ ຂ້ອຍຄ່ອຍໆເລື່ອນແວ່ນລົງ
“ຂໍໂທດເດີ,,ເຂດນີ້ແມ່ນເຂດຫ້າມລົບກວນໃນຍາມວິການ ເຊິນອອກໄປໄດ້ແລ້ວ”
“ມຼຶງກ້າ ໄລ່…”
“ກາຍ…”ຊາຍຫ້າມຂ້ອຍໄວ້ ”ຂໍໂທດເດີອ້າຍພວກເຮົາຫຼົງທາງຄືວ່າພວກເຮົາມາຫາໂກດັງແຕ່ບໍ່ຮູ້ວ່າໄປທາງໄດ໋”
“ໂກດັງຫວະ..ແຖວນີ້ກະມີຢູ່ໂກດັງດຽວຫັ້ນແຫຼະ”
“ແມ່ນຫວະ..ມັນຢູ່ໃສບອກມາແມ..”ຂ້ອຍຖາມຂຶ້ນທັນທີ
“ລະພວກເຈົ້າຊິເຮັດຫຍັງກັບໂກດັງນັ້ນແຫຼະ”
“ໂອຍຍຍ,,ເຮັດຫຍັງກະເລຶ້ອງຂອງກຼູມຼຶງຊິບອກຫຼືບໍ່ຫະ..”ຂ້ອຍລົງຈາກລົດແລ້ວແລ່ນໄປດຶງຄໍເສື້ອຂອງຍາມນັ້ນ
“ບອກແລ້ວໆ..ມັນຢູ່ຮ່ອມຕໍ່ໄປ ແຕ່ວ່າ ມັນມີເສັ້ນທາງໜຶ່ງທີ່ຊອດໄປເລີຍ,,ທາງຫຼັງຕຶກນີ້ໄປກະແມ່ນແລ້ວ..” ຍາມນັ້ນເວົ້າດ້ວຍສຽງທີ່ສັ່ນ ຂ້ອຍຟ້າວປ່ອຍມືແລ້ວແລ່ນໄປຫຼັງຕຶກທັນທີ
“ອ້າຍ ຂອບໃຈເດີ,,ໝູ່ຂ້ອຍກະເປັນແນວນີ້ແຫຼະ,”ຊາຍເວົ້າພ້ອມຈົກເງິນໃຫ້ຍາມຄົນນັ້ນ
ນ້ຳຕານ,,ຖ້າກາຍກ່ອນ ຢ່າຟ້າວເກີດຫຍັງຂຶ້ນເລີຍ,,ຂ້ອຍແລ່ນມາຊອດອີກຮ່ອມໜຶ່ງແລະເຫັນລົດເກ໊ງຈອດຢູ່.. ຂ້ອຍແລ່ນໄປສ່ອງເບິ່ງແຕ່ກໍ່ບໍ່ເຫັນໃຜ,,ແລະຂ້ອຍກໍ່ຕ້ອງຕົກໃຈອີກຄັ້ງເມື່ອຂ້ອຍຫັນໄປເຫັນສ້ອຍຄໍຕົວໂນ໊ດດົນຕີຂອງນ້ຳຕານຕົກຢູ່ພື້ນ,,
“ກາຍຍຍຍຍຍຍຍຍຍຍຍຍຍຍຍ!!!” ນ້ຳຕານ,,ຂ້ອຍໄດ້ຍິນສຽງນ້ຳຕານດັງອອກມາຈາກ..ໂກດັງ..ແມ່ນແລ້ວ,,ນ້ຳຕານ
ເຕີ້ງ,,,ຂ້ອຍຖີບປະຕູໂກດັງທີ່ແສນຊຸດໂຊມນັ້ນເຂົ້າໄປທັນທີ,,ພາບທີ່ຂ້ອຍເຫັນຕໍ່ໜ້າມັນຄືມີດທີ່ພວມເຜົາໄຟມາແທງລົງຫົວໃຈຂ້ອຍ,,ວິນາທີນັ້ນນ້ຳຕາຂ້ອຍໄຫຼອອກມາແລ້ວຂ້ອຍກໍ່ແລ່ນໄປຖີບບັກພູຜາທີ່ມັນບັງອາດມາແຕະຕ້ອງຫົວໃຈຂອງຂ້ອຍ
“ກະ…ກາຍ” ສຽງນ້ຳຕານເອີ້ນຂ້ອຍ
ຂ້ອຍຊັດເຂົ້າໜ້າມັນອີກຫຼາຍເທື່ອຈົນມັນລົ້ມລົງໄປກອງ
“ກາຍ,,ດ໋ຽວກຼູຈັດການເອງໄປເອົານ້ຳຕານຫັ້ນກ່ອນ” ຊາຍທີ່ມັນນຳຫຼັງຂ້ອຍມາເວົ້າຂຶ້ນ
ຂ້ອຍແລ່ນເຂົ້າໄປຫານ້ຳຕານທັນທີ,,ນ້ຳຕາຂ້ອຍມັນແຮງໄຫຼອອກມາຕື່ມອີກ,,ເມື່ອເຫັນສະພາບຂອງລາວຕອນນີ້,ເສື້ອຜ້າທີ່ຂາດ,,ຮອຍຈ້ຳທີ່ຄໍ,ອາການສັ່ນໄປທັງໂຕ..ຂ້ອຍດຶງນ້ຳຕານເຂົ້າມາກອດທັນທີ,,ກອດຊັບນ້ຳຕາໃຫ້ລາວ,,ນ້ຳຕານຍິ້ມແລ້ວກອດຂ້ອຍຕອບ,,ຮູ້ສຶກໄດ້ເຖິງຢົດນ້ຳທີ່ໄຫຼລົງມາປຽກເສື້ອ,ຂ້ອຍພົມຈູບໄປທີ່ຫົວຂອງລາວ,,ນ້ຳຕານ,,ຂໍໂທດ,,ຂໍໂທດ
“ລຽບລ້ອຍ” ຊາຍເວົ້າຂຶ້ນຫຼັງຈາກທີ່ເຮັດໃຫ້ພູຜາລົງໄປນອນຈົມກອງເລືອດແລ້ວ
ຂ້ອຍຄ່ອຍໆໂອບນ້ຳຕານໃຫ້ລຸກຂຶ້ນ,,ແລ້ວກໍ່ຖອດເສື້ອມາຄຸມໂຕນ້ຳຕານໄວ້,,ຂ້ອຍຍ່າງໄປຫາພູຜາແລ້ວໃຊ້ຕີນຢຽບໜ້າເອິກມັນ
“ສ່ຳນີ້ມັນຍັງນ້ອຍເກີນໄປ..ຢ່າໃຫ້ກຼູເຫັນໜ້າມຼຶງອີກ..ເຂົ້າໃຈບໍ”
ຈາກນັ້ນຂ້ອຍກໍ່ພານ້ຳຕານມາບ້ານຕິນ່າ,ຖ້າພາລາວເມືອເຮຶອນຕອນນີ້ມີຫວັງຂ້ອຍໄດ້ຖືກຈັບເຂົ້າຄຸກແນ່ນອນ..ຕິນ່າຮັບເອົານ້ຳຕານພ້ອມກັບໄຫ້ອອກມາ
“ບໍ່ຕ້ອງໄຫ້ດອກ,,ໝູ່ເຈົ້າປອດໄພແລ້ວ”ຊາຍເວົ້າຂຶ້ນ
“ຄົນມັນຕົກໃຈ,,ເປັນຫ່ວງໝູ່ນິ..”ຊາຍບໍ່ເວົ້າຫຍັງມີແຕ່ຍິ້ມອອກມາ
“ກາຍ,,”ນ້ຳຕານເອີ້ນຂ້ອຍ,,ສຽງລາວຍັງສັ່ນຢູ່ເລີຍ,ຂ້ອຍຊັງສຽງລາວຕອນນີ້ທີ່ສຸດເລີຍ“ ຂໍໂທດ”
“ຂ້ອຍບອກເຈົ້າແລ້ວແມ່ນບໍ່...”ຂ້ອຍອົດທີ່ຈະຕໍ່ວ່າບໍ່ໄດ້,,ແຕ່ພໍເຫັນນ້ຳຕາຂອງລາວໄຫຼລົງມາຂ້ອຍກໍ່ຕ້ອງຢຸດປາກທັນທີ,,ແລ້ວກໍ່ຍ່າງເຂົ້າໄປປະຄອງໃບໜ້າເປື້ອນນ້ຳຕາຂອງລາວໃຫ້ຫັນມາສົບຕາຂ້ອຍ
“ໄປນອນສາ..ເຊົາໃຫ້ໄດ້ແລ້ວ”ຂ້ອຍເອົາມືເຊັດນ້ຳຕາອອກຈາກແກ້ມຂອງນ້ຳຕານ,,ລາວງຶກຫົວແລ້ວ,,ຍ່າງເຂົ້າໄປໃນເຮືອນຕິນ່າ,,
“ຖ້າກຼູໄປຊ້າກວ່ານີ້..”
“ເອົານາສ່ຽວ,,ທຸກຢ່າງໂອເຄແລ້ວ,,ມື້ນີ້ມຼຶງຊິນອນເຮືອນກູບໍ”
“ອືມ,,ບໍ່ຢາກຢູ່ໄກນ້ຳຕານ,ມັນຍັງອົດເປັນຫ່ວງບໍ່ໄດ້,,”
“ໂອເຄໂອເຄ”
ຈົບບັນທຶກ ກາຍ
………………………………
ຕອນເຊົ້າມື້ຕໍ່ມາ,ກາຍກໍ່ຂັບລົດກັບມາສົ່ງຂ້ອຍຮອດບ້ານ
“ນ້ຳຕານ,,ມື້ນີ້ບໍ່ຕ້ອງໄປໂຮງຮຽນເດີ ພັກຜ່ອນ” ກາຍບອກຂ້ອຍກ່ອນທີ່ຂ້ອຍຈະລົງຈາກລົດ
“ອຶມ,, ກາຍ “
“ຫຶມ??”
“ຂໍໂທດ..ລະກະຂອບໃຈ ” ເວົ້າຄຳນີ້ແລ້ວນ້ຳຕາຂ້ອຍມັນກະເລີ່ມຈະໄຫຼອອກມາອີກ
ກາຍເອົາມືມາຈັບແກ້ມຂ້ອຍໄວ້
“ບໍ່ເປັນຫຍັງ ຕາບໃດທີ່ຂ້ອຍຍັງບໍ່ຕາຍຂ້ອຍຈະບໍ່ຍອມໃຫ້ໃຜມາເຮັດຫຍັງເຈົ້າເດັດຂາດ” ແລ້ວກາຍກໍ່ເອົາມືມາເຊັດນ້ຳຕາທີ່ໄຫຼລົງມາອາບແກ້ມ“ເຂົ້າບ້ານໄດ້ແລ້ວ”
“ອຶມ,,”
“ຕານ...!!!!!” ຫຶ ອ້າຍຂ້ອຍ ຕາຍຫ່າມັນຍັງບໍ່ໄປໂຮງຮຽນອີກຫວະ
“ໂອ໋ຍ ຕາມຄ່ອຍໆ” ຕາມດຶງຂ້ອຍລົງມາຈາກລົດກາຍ
“ມຼຶງພານ້ອງກຼູໄປໃສມາ” ຕາມຍິງຄຳຖາມໃສ່ກາຍທັນທີ
“ຕານໄປນອນບ້ານນ່າມາແລ້ວ...” ຂ້ອຍຊິງຕອບກ່ອນ
“ຢຸດ ອ້າຍບໍ່ໄດ້ຖາມ” ແຕ່ລາວກະສະກັດດາວຣຸ່ງທັນທີ
“ໄປຮັບຕານຢູ່ບ້ານຕິນ່າແລ້ວພາມາສົ່ງ” ຫະ ກາຍເວົ້າກັບອ້າຍຂ້ອຍດີປານນີ້ພິຫວະບໍ່ໜ້າເຊື່ອ
“ຊຸດມື້ວານນີ້ໄປໃສຕານ ເປັນຫຍັງຄືນຸ່ງຊຸດນີ້ມາ”
“ເອີ່....ອໍ ຊຸດຕານປຽກກະເລີຍເອົາຊຸດຕິນ່າມາໃສ່”
“ອ້າຍບໍ່ເຊື່ອ,,ບັກກາຍ ມຼຶງຊິເອົາຈັ່ງໃດ ມຼຶງເຮັດຫຍັງນ້ອງກຼູມຼຶງກະບອກມາ ກ່ອນທີ່ກຼູຈະອົດໂດດໄປຂ້າມຼຶງບໍ່ໄດ້” ເອົາແລ້ວບາດນີ້ງານເຂົ້າລະ
“ຕານ ອ້າຍກະຢູ່ສ່ວນອ້າຍເດີ ບໍ່ຕ້ອງເອົາມາກ່ຽວກັບເລື່ອງຂອງເຮົາ” ເວົ້າແລ້ວກາຍກໍ່ລົງມາຈາກລົດທັນທີ
“ກາຍ ໃຈເຢັນ ຕາມຟັງນ້ອງອະທິບາຍກ່ອນດຸ” ທັງສອງຢືນປະຈັນໜ້າກັນ
“ເລື່ອງອື່ນ ກຼູອາດຈະຍອມມຼຶງໄດ້ແຕ່ການທີ່ມຼຶງມາເຮັດໃຫ້ນ້ອງກຼູເສຍໃຈນີ້ກຼູບໍ່ຍອມ” ອ້າຍຂ້ອຍ
“ຊິເອົາຈັ່ງໄດ໋ກະວ່າມາ” ໂອຍ ກາຍເອີຍ ຊິຢາກມີເລື່ອງເຮັດຫຍັງເກາະ
“ແຕ່ນີ້ຕໍ່ໄປຢ່າມາວົນກັບນ້ອງສາວກຼູອີກ”
“ຖ້າກຼູບໍ່ຕົກລົງ”
“ມຼຶງໄດ້ເຈິດີແນ່ນອນ...”
“ອັນຂອງດີທີ່ມຶງວ່ານິກຼູກະຢາກເຈິຄືກັນວະ”
“ຕາມ ”
“ອີ່ຫຍັງ ເຂົ້າໄປໃນກ່ອນໄປ”
“ບໍ່ ,ຟັງ!!“ ບໍ່ຍອມຫັນໜ້າມາອີກ “ຕາມ!!!!ຟັງງງງງ!!!!!” ຂ້ອຍຮ້ອງໃສ່ຫູອ້າຍຂ້ອຍຈົນລາວຕົກໃຈຫັນມາບັກໄວໆ
“ໂອຍ..ຫູຊິແຕກ”
“ຟັງນ້ອງ ມື້ຄືນນີ້ຕານໄປງານລ້ຽງກັບໝູ່ມັນເກີດເລື້ອງໜ໋ອຍໜຶ່ງ ລະກັບບ້ານບໍ່ໄດ້ກະເລີຍນອນເຮືອນຕີນ່າລະຕອນເຊົ້າກາຍກະໄປຮັບມາສົ່ງນິແຫຼະ”
“ລະເປັນຫຍັງຈັ່ງຕ້ອງໃຫ້ບັກກາຍນີ້ມາສົ່ງ”
“ຄົນເປັນແຟນກັນມາສົ່ງກັນມັນຜິດບ່ອນໃດ” ກາຍຕອບຄຳຖາມນັ້ນໃຫ້ອ້າຍຂ້ອຍທັນທີ
“ເຖິງຊິເປັນແຟ....ຫະ??ເປັນແຟນ” ອ້າຍຂ້ອຍຫັນມາເຮັດທ່າທາງງົງໃສ່ຂ້ອຍທັນທີ
ຂ້ອຍໄດ້ແຕ່ງຶກຫົວງຶກໆ ແລ້ວສົ່ງຍິ້ມໃຫ້ພ້ອມ ອ້າຍຂ້ອຍຫັນໜ້າໄປເຮັດທ່າທາງບໍ່ພໍໃຈໃສ່ກາຍແລ້ວກາຍກໍ່ຍິ້ມຕອບແບບວ່າກຼູຊະນະແລ້ວ
“ປັນຍາອ່ອນໄປແລ້ວນ້ອງກຼູ...ເຖິງຈັ່ງໄດ໋ກະຕາມ ກຼູກະຍັງບໍ່ໄວ້ໃຈມຼຶງຢູ່ດີ”
“ຊິເອົາຈັ່ງໄດ໋ ກະບອກມາໂລດ ນ້ອງເຂີຍຄືກຼູຮັບໄດ້ສະເໝີ” ແລ້ວຕາມກໍ່ຫັນຫຼັງຈາກໄປທັນທີ
“ກາຍ”
“55 ຫຶ??”
“ເທື່ອໜ້າຂ້ອຍຂໍແລະຢ່າພະຍາຍາມມີເລື່ອງກັບອ້າຍຂ້ອຍ,ມີເຫດຜົນແນ່ຢ່າໃຊ້ອາລົມ”
“ໂດຍຍຍ....”
ຫຼັງຈາກມື້ນັ້ນມາທີ່ມະຫາໄລຂ້ອຍກໍ່ບໍ່ເຫັນໜ້າພູຜາມາຮຽນອີກເລີຍຈົນເປັນອາທິດລະໄດ໋ນີ້ ແຕ່ກະດີລະແຫຼະບໍ່ເຫັນໜ້າກັນກະບໍຕ້ອງທຳໂຕລຳບາກອີກຢ່າງຖ້າຍັງເຫັນລາວຢູ່ຂ້ອຍກະຕ້ອງຈົດຈຳແຕ່ພາບນັ້ນ ມັນເປັນພາບທີ່ໂຫດຮ້າຍທີ່ສຸດໃນຊີວິດຂ້ອຍ ຂອບໃຈທີ່ຜ່ານໄປໄດ້ດ້ວຍດີ
ຕອນນີ້ຂ້ອຍອອກມາຕະຫຼາດກັບແມ່
“ນ້ຳຕານລູກເອົາຂອງໄປຖ້າຢູ່ລົດກ່ອນໄປ໋ ແມ່ຊິຊື້ໝາກໄມ້ກ່ອນ”
“ໂດຍ” ຂ້ອຍກັບໄປຖ້າແມ່ຢູ່ລົດແຕ່ລະຫວ່າງທາງຍ່າງກັບໄປລົດຂ້ອຍເຫັນໂປສເຕີອັນໜຶ່ງຕິດຢູ່ຂ້າງຝາຈຶ່ງຍ່າງເຂົ້າໄປເບິ່ງ
(ປະກວດຄູ່ຮັກແຫ່ງປີ ທີ່ໂຮງຮຽນນານາຊາດ SunS.E.O hight school ໃນວັນທີ26.12.20XX ຂອງລາງວັນແມ່ນທຣິບທ່ຽວທົ່ວລາວໜຶ່ງລາງວັນ)
ຫູ...ທ່ຽວທົ່ວລາວພຸ້ນນະ ອິໆເອົາເລື່ອງນີ້ໄປບອກກາຍ ກາຍຕ້ອງສົນໃຈແນ່ນອນ(ຫວະ) ອິໆ
“ສົນໃຈການແຂ່ງຂັນນີ້ຫວະ??” ມີສຽງຜູ້ຊາຍຄົນໜຶ່ງດັງມາຈາກທາງຫຼັງ ຂ້ອຍຫັນໜ້າໄປ
“ແມ່ນແລ້ວ ” ຂ້ອຍກໍ່ຕ້ອງປະຫຼາດໃຈເລັກນ້ອຍ
“ຊູກ້າ” ຜູ້ຊາຍຄົນນັ້ນຮ້ອງທັກຂ້ອຍດ້ວຍໃບໜ້າແຫ່ງຄວາມປິຕິຍິນດີ ຄືກັບວ່າລະຫວ່າງຂ້ອຍກັບລາວມັນບໍ່ເຄີຍມີຫຍັງເກີດຂຶ້ນ
“ເຣໂນ” ຜູ້ຊາຍຄົນທຳອິດທີ່ສອນໃຫ້ຂ້ອຍຮູ້ຈັກຄຳວ່າຮັກ ເມື່ອສອງປີກ່ອນຂ້ອຍເປັນແຟນກັບລາວ ເຮົາຄົບກັນຕັ້ງແຕ່ຕອນປິດພາກຮຽນມໍ5 ຈົນມາຮອດມື້ຈົບມໍ6 ມື້ຮັບໃບປະກາດລາວບໍ່ມາ ລາວຊິມາໄດ້ຈັ່ງໄດ໋ໃນເມື່ອລາວໄປອອັສເຕຣເລຍໃນມື້ທີ່ເສັງຈົບມໍ6ແລ້ວ ໄປໂດຍທີ່ບໍ່ບອກຂ້ອຍຈັກຄຳ ຂ້ອຍບໍ່ຮູ້ຫຍັງເລີຍ ຫຼັງຈາກທີ່ໄປອີເມວຈັກສະບັບກະບໍ່ມີ,ບໍ່ເຄີຍໂທມາ ບໍ່ຮູ້ຫຍັງທັງນັ້ນຈົນຂ້ອຍຄິດວ່າລາວຕາຍໄປຈາກໂລກນີ້ລະ ຈົນມື້ໜຶ່ງມີໝູ່ຂ້ອຍທີ່ຂະເຈົ້າເສັງເອົາທຶນໄປຮຽນຕໍ່ອອັສໄດ້ບອກຂ້ອຍວ່າລາວໄປຮຽນກົດໝາຍຢູ່ຫັ້ນ ເປັນຄົນເກັ່ງໜຸ່ມເອເຊຍຂວັນໃຈສາວໆ ແລະກະມີແຟນໃໝ່ເປັນລູກສາວເຈົ້າຂອງມະຫາໄລກົດໝາຍໄປແລ້ວ
“ວາ...my sweet ເຈິໜ້າໂນທັງທີບໍ່ເຫັນຍິ້ມເລີຍ” ລະກະອີກເລື່ອງໜຶ່ງ ໂນຈະມັກເອີ້ນຂ້ອຍຊູກ້າຫຼືບໍ່ກະ ມາຍ ສະວິດ ເຈົ້າຮູ້ບໍວ່າຂ້ອຍຊັງຊື່ນີ້ທີ່ສຸດໃນໂລກເລີຍ
ຂ້ອຍຝືນຍີ້ມກັບໄປ “ບໍ່ເຫັນດົນລະ ສະບາຍດີຢູ່ຫວະ”
“ກະໂອເຄ ຊູກ້າຮູ້ບໍວ່າໂນໄປຮຽນກົດໝາຍຢູ່ຊິດນີ ປີນີ້ປີ2ແລ້ວ”
“ຫວະ ..ເຂົາບໍ່ເຄີຍຮູ້ເລີຍໄດ໋ນິ,”
“ຊູກ້າ..”
“ໂນ ບໍ່ຕ້ອງເອີ້ນເຂົາແນວນັ້ນດອກເອີ້ນນ້ຳຕານນິ້ແຫຼະ ບໍ່ແມ່ນເດັກນ້ອຍແລ້ວ”
“ ຊູກ້າ ,,,ໂອເຄໂອເຄ ນ້ຳຕານ ໂນຮູ້ວ່ານ້ຳຕານຕ້ອງຄຽດທີ່ໂນໄປກະທັນຫັນແບບນັ້ນ ແຕ່ທີ່ໂນບໍ່ໄດ້ບອກຍ້ອນໂນທຳໃຈບໍ່ໄດ້ທີ່ຈະຕ້ອງບອກລາຄົນທີ່ໂນຮັກ”
“ຄິດວ່າມັນເປັນເຫດຜົນທີ່ໃຊ້ໄດ້ລະຫວະ”
“I’m sorry”
“ບໍ່ຈຳເປັນ ເຖິງຊິຟັງຂຶ້ນຫຼືຊິຟັງບໍ່ຂຶ້ນມັນກະບໍ່ໄດ້ມີຜົນຫຍັງຕໍ່ຄວາມຮູ້ສຶກເຂົາອີກຕໍ່ໄປ ໂຊກດີເດີ”
ແລ້ວຂ້ອຍກໍ່ຍ່າງໜີທັນທີ ໂອຍ ເສຍບັນຍາກາດ ເປັນຫຍັງຕ້ອງມາເຈິຫຍັງມື້ນີ້ ຮືໆໆໆໆໆ
……………………
ເທັກອາເຈ (ແຕ່ວ່າເປັນຕອນ5ໂມງແລງໄດ໋ລະ ເທັກຍັງບໍ່ເປີດ)
ຂ້ອຍນັ່ງເຮັດວຽກບ້ານຢູ່ຫ້ອງເຈ ເຊິ່ງເປັນຫ້ອງຂອງຜູ້ຈັດການຮ້ານຫັ້ນແຫຼະເປັນອີກບ່ອນໜຶ່ງທີ່ພວກແກ໋ງນີ້ມັກມານັ່ງຊຸມກັນ
“ກາຍຍຍຍ,,,,ອອກໄປໄກໆດຸບໍ່ມີສາມະທິເຮັດວຽກນະ” ທ້າວກາຍະກອນລາວມາກອດກ້ຽວຂ້ອຍຢູ່ນິເດ
“ກາຍ ອຶດອັດນະ..ໄວ..ຂໍຮ້ອງ ພລີສສສສ” ຍັງອີກຍັງບໍ່ອອກໄປອີກ
“ບໍ່ຕ້ອງເຮັດດອກວຽກບ້ານນະ ທິດໜ້າພຸ້ນສົ່ງ ກາຍຍາດສໍອອກຈາກມືຂ້ອຍ
“ບໍ່ໄດ້ ໃຜຊິຂີ້ຄ້ານຄືເຈົ້າ”
“ເຊື່ອຂ້ອຍນິນະ.. ຂ້ອຍເຮັດໃຫ້ກະໄດ້” ກາຍດຶງຂ້ອຍໃຫ້ລຸກຂຶ້ນຈາກໂຊຟາແລ້ວກອດຂ້ອຍຈາກດ້ານຫຼັງ
“ເອີກາຍ…” ຂ້ອຍຄິດເລື່ອງປະກວດຄູ່ຮັກແຫ່ງປີອອກ
“ໂດຍ”
“ອາທິດໜ້າ ມີປະກວດຄູ່ຮັກແຫ່ງປີຢູ່ໂຮງຮຽນນານາຊາດ ໄດ໋ຫັ້ນ”
“ແລ້ວຈັ່ງໄດ໋” ໂອຍ ທ້າວຜີບ້າເອີຍ ຈະແມ່ນສະຫຼາດນ້ອຍ ຂ້ອຍຍູ້ກາຍອອກ ແລ້ວນັ່ງລົງທີ່ໂຊຟາ
“ນ້ຳຕານ ນັ້ນມັນໂຮງຮຽນເດັກນ້ອຍໄດ໋ ເຮົາຊິໄປເຮັດຫຍັງຢູ່ຫັ້ນ”
“ແຕ່ຂະເຈົ້າບໍ່ໄດ້ຈຳກັດອາຍຸໄດ໋ ອີກຢ່າງຂອງລາງວັນກະເປັນທຣິບທ່ຽວທົ່ວລາວອີກ”
“ໄຣ້ສາລະ ຊ່ຳໄປທ່ຽວທົ່ວລາວຂ້ອຍພາເຈົ້າໄປກະໄດ້”
“ຄູ່ຮັກແຫ່ງປີນີ້ລົມຫຍັງກັນຢູ່ເກາະ” ເຈຍ່າງເຂົ້າມາໃນຫ້ອງ
“ແຟນກຼູຢາກໄປປະກວດງານຄູ່ຮັກແຫ່ງປີຢູ່ຊັນຊີໂອ ມຼຶງວ່າຕະຫຼັກບໍເຈ 55” ກາຍຮີບຟ້ອງເຈທັນທີ
“ໄອເດຍດີ…” ຫຶ? ” ເພາະທີ່ກຼູເຂົ້າມານີ້ກຼູກຳລັງຈະມາເວົ້າເລື່ອງນີ້ກັບມຼຶງນີ້ລະ”
“ໝູ່ກຼູເປັນບ້າໄປແລ້ວ” ກາຍແກວ່ງຫົວ
“ເຈກະຈະໄປປະກວດຫວະ” ຂ້ອຍຖາມດ້ວຍຄວາມກະຕືລືລົ້ນ
“55 ຕານ ຖາມບ້າໆບັກເຈມັນບໍ່ມີແຟນມັນຈະໄປປະກວດໄດ້ຈັ່ງໄດ໋” ຫຍາບຄາຍ
“ກຼູມີແລ້ວ” ເຈເວົ້າຂຶ້ນ
“ໃຜ???” ຂ້ອຍແລະກາຍຖາມຂຶ້ນພ້ອມກັນ
“ນ້ຳຕານ” ຫາ??? ຂ້ອຍນິ້ໄດ໋ ບ້າແລ້ວ
“ມຼຶງກຳລັງຢາກຕາຍເຈ”
“ອ້າວ ສ່ຽວ ໃນເມື່ອມຼຶງບໍ່ຢາກໄປ,ນ້ຳຕານກະບໍ່ມີຄູ່ ກຼູກະຊິຊ່ວຍອາສາປັນຄູ່ຊົ່ວຄາວໃຫ້ນ້ຳຕານ ບາງທີຄວາມຮັກຂອງກຼູກັບນ້ຳຕານມັນອາດຈະຫວານຈັບໃຈກຳມະການຈົນໄດ້ລາງວັນໄປທ່ຽວທົ່ວລາວສົມໃຈນ້ຳຕານກະເປັນໄດ້55” ເຈຫັນມາຂະຢິບຕາໃສ່ຂ້ອຍ
“ອືມ ແມ່ນໆ ເຮົາກະສະແດງເປັນຄູ່ຮັກປອມໆກະໄດ້ ເຈ ໂອເຄກາຍເຈົ້າບໍ່ຕ້ອງໄປກະໄດ້ຂ້ອຍບໍ່ກວນເຈົ້າແລ້ວ” ກາຍເວົ້າຫຍັງບໍ່ອອກມີແຕ່ເຮັດໜ້າຫຍຸ້ງຢ່າງດຽວ
“ຕານ ໃນງານນີ້ຄືຈັ່ງວ່າໃຫ້ສະແດງຄວາມຮັກຕໍ່ກັນແມ່ນບໍ ,ເຈວ່າມັນຕ້ອງມີ ຈັບມື ຫອມແກ້ມ ກອດ ຫຼືບໍ່ກະອາດຈະ ຈູບ ນໍວ່າບໍ”
“ບັກເຈ…”
“ແມ່ນຫຍັງກາຍ” ເຈເຮັດໜ້າກວນປະສາດກາຍ ອຸຍຍຍຍ ຕາຢ້ານນໍ
“ມຼຶງຫຸບປາກເນົ່າໆຂອງມຼຶງໄປໂລດ ,,” ກາຍເຮັດໜ້າຫຍຸ້ງແລະຫຼຽວມາທາງຂ້ອຍ ”ຂ້ອຍຊິເປັນຄູ່ປະກວດກັບເຈົ້າເອງ” 5555ສຳເລັດ
“ບັກລູກໝາເອີຍ” ແລ້ວເຈກໍ່ຍ່າງອອກຈາກຫ້ອງໄປ ຂ້ອຍຫັນໄປຍິ້ມໃຫ້ເຈ
“ລວມຫົວກັນລົງໄປ ..ສົມໃຈລະບໍທີ່ເຮັດໃຫ້ຂ້ອຍຕ້ອງຍອມໄປງານປັນຍາອ່ອນນັ້ນສຳເລັດ”
“ອາຫະ ພໍໃຈເປັນທີ່ສຸດເລີຍ” ເຮີ ລາກກາຍໄປນຳໄດ້ແລ້ວ ທຣິບທ່ຽວທົ່ວລາວກະຢູ່ບໍ່ໄກ ນ້ຳຕານເອີຍບຸນວາດສະໜາມີກະເປັນແນວນີ້ລະ ວ່າແຕ່ຊິຊະນະເກມນີ້ໄດ້ຈັ່ງໄດ໋ນໍ ປຶກສາກາຍດີກວ່າ ,,ໂອ,,ບໍ່ດີແນ່ນອນ ບໍ່ເປັນຫຍັງກັບໄປຄິດຢູ່ບ້ານ ”ເຊົາເຮັດໜ້າຫຍຸ້ງໄດ້ແລ້ວ ບໍ່ຫຼໍ່”
“ເຊີ”
ຂຽນເມື່ອ: ທ.ວ.. 30, 2009
| ມີ
ໜວດໝູ່:
ກັບໄປໄດອາຣີ່ຂອງ Liitaa Arch CluB, 'user_report.php?return_url=http%253A%252F%252Fpunlao.com%252Fblog.php%253Fuser%253DUnnameS%2526blogentry_id%253D10318&TB_iframe=true&height=300&width=450', '', './images/trans.gif');){kind=spacer}
ແຈ້ງເນື້ອຫາບໍ່ເໝາະສົມ
