ການເລີ່ມຕົ້ນຂອງຄວາມຮັກຄັ້ງນີ້ຂອງຂ້ຶອຍມັນຊິເປັນຈັ່ງໄດ໋ກະຍັງບໍ່ຮູ້,ໃນເມື່ອຂ້ອຍເລືອກທີ່ຈະກ້າວເຂົ້າມາສ່ຽງໃນເສັ້ນທາງນີ້ອີກຄັ້ງຂ້ອຍກໍ່ຈຳເປັນຕ້ອງໄດ້ຮັບມັນ,.ເຖິງຂ້ອຍຊິບໍ່ໝັ້ນໃຈວ່າກາຍຈະເປັນຄົນໆນັ້ນ,ທຸກຄົນຮູ້ບໍວ່າໃນຕອນນີ້ກາຍເປັນພຽງຄົນໜຶ່ງທີ່ເຮັດໃຫ້ຂ້ອຍໃຈເຕັ້ນແຮງເວລາທີ່ຈັບມືກັນເທົ່ານັ້ນ,,ຂ້ອຍຍັງບໍ່ທັນໄດ້ຫຼວມຕົວຮັກກາຍເຕັມຫົວໃຈແນ່ນອນ,,ແຕ່ໃນເມື່ອເຂົາເປັນພຽງຄົນດຽວທີ່ເຮັດໃຫ້ເຮົາໃຈເຕັ້ນແຮງເວລາຈັບມືມັນກະພຽງພໍແລ້ວທີ່ເຮັດໃຫ້ຂ້ອຍພ້ອມຈະສ່ຽງ,ເພາະຂ້ອຍຄິດວ່າເມື່ອເວລາທີ່ເຂົາປ່ອຍມືຈາກເຮົາໄປ,ເຮົາຊິຮູ້ສຶກໜາວຫຼືກະວົນກະວາຍສ່ຳໃດ…ນີ້ແຫຼະແມ່ນເຫດຜົນທີ່ຂ້ອຍບໍ່ຢາກປະຕິເສດກາຍ..
“ກາຍ…”
“ຫຶມ..” ຕອນນີ້ຂ້ອຍຢູ່ເຂື່ອນໄຟຟ້າ,ຢູ່ໂພນໂຮງ,,ຂ້ອຍກັບກາຍພາກັນອອກມາຂີ່ລົດຫຼິ້ນ,,ຢ່າຄິດວ່າຂ້ອຍໃຈງ່າຍປານນັ້ນເດີຊາຍ,ເຈລະກະຕິນ່າກະມາ,ແລະຕອນນີ້ຂ້ອຍກັບກາຍພາກັນມາຍ່າງເບີ່ງຕາເວັນຕົກດິນ2ຄົນ,ພວກນັ້ນຂະເຈົ້ານັ່ງປິ້ງປາກັນຢູ່ຂ້າງເຂື່ອນພຸ້ນນະ
“ອາທິດໜ້າ,ມີງານຮັບນ້ອງຢູ່ຄະນະຂ້ອຍນຳແຫຼະ”
“ຮູ້ແລ້ວ”
“ຮູ້ໄດ້ແນວໄດ” ຂ້ອຍສົງໄສ
“ບໍ່ມີຫັຍງທີ່ຂ້ອຍບໍ່ຮູ້ດອກ” ກາຍຢຸດແລ້ວຈັບມືຂ້ອຍໃຫ້ນັ່ງລົງໂງ່ນຫີນໃຫຍ່ທີ່ຢູ່ແຄມນ້ຳເພື່ອເບິ່ງຕາເວັນຕົກດິນ
“ໂຫ…ຂີ້ໂມ້”
“ເບິ່ງຫັ້ນນະ”ກາຍຊີ້ໄປທີ່ຂອບຟ້າພ້ອມກັບລົມໜາວທີ່ພັດຜ່ານໄປຢ່າງເບົາໆ
“ງາມດີແຮະ,,ເອົາກ້ອງມາຖ່າຍໄວ້ດຸ”
“ບໍ່ຕ້ອງ”
“ອ້າວ,,ເປັນຫຍັງ”
“ສິ່ງທີ່ໜ້າຈົດຈຳ,ຄວນເກັບເອົາໄວ້ໃນຈິດສຳນຶກ..ຖ້າມັນຢູ່ໃນນັ້ນເຮົາຈະບໍ່ມີວັນລືມ,,ແຕ່ຖ້າຖ່າຍຮູບໄວ້,ແຕ່ເລືອກທີ່ຈະລືມມັນມັນກະເປັນພຽງແຕ່ເສດເຈ້ຍໃບໜຶ່ງເທົ່ານັ້ນ”
“ໂຫ…ເດິກາຍເວົ້າແບບນີ້ກະເປັນເສີຍຫວະ” ຂ້ອຍແນມໜ້າກາຍແລ້ວຍິ້ມແບບຈົງໃຈເຍາະເຍີ້ຍ
“ໂຫຍ..ມັນກະຕ້ອງມີແນ່ລະນໍ,,ຊິໃຫ້ເຖື່ອນຕະຫຼອດເວລາຫັ້ນຫວະ,ຫຼືເຈົ້າມັກແນວນັ້ນ”ເວົ້າແລ້ວກາຍກໍ່ຈັບແຂນຂ້ອຍໄວ້ພ້ອມກັບຫຍັບໜ້າເຂົ້າມາທັນທີ
“ຢຸດດດ!!,,“ຂ້ອຍເອົາມືຍູ້ໜ້າກາຍໄວ້“ພໍເລີຍ,,ເປັນຄົນດີຫັ້ນລະດີແລ້ວ“ ກາຍຍິ້ມແລ້ວຖອຍອອກໄປນັ່ງໃນທ່າເກົ່າ..ຮູວວ,,ນຶກວ່າຊິເສຍໂຕອີກລະ..ແຮະໆ,,ບຶດໜຶ່ງກາຍກໍ່ຈັບມືຂ້ອຍໄວ້
“ນ້ຳຕານ,,”
“ຫຶ,,”
“ຢ່າໃຫ້ອະໄພຂ້ອຍເດີ”
“ຫະ??ເຈົ້າເວົ້າຫຍັງເກາະ??ເຈົ້າໄປເຮັດຫຍັງຜິດ,ເຈົ້າກຳລັງຊິບອກຫຍັງຂ້ອຍກາຍ”
“ຢ່າໃຫ້ອະໄພຂ້ອຍ,ເຖິງແມ່ນວ່າຈະເປັນການກະທຳຜິດພຽງຄັ້ງດຽວກະຕາມ,”
“ຖ້າຂ້ອຍບໍ່ໃຫ້ອະໄພເຈົ້າແລ້ວສະແດງວ່າຖ້າເຈົ້າເຮັດຜິດເຮົາກໍ່ຈະບໍ່ມີວັນໄດ້ຄືນດີກັນເລີຍ?”
“ຫຶ້…”ກາຍແກວ່ງຫົວ“ເພາະຂ້ອຍຈະບໍ່ມີວັນເຮັດຜິດຕໍ່ເຈົ້າແມ້ແຕ່ຄັ້ງດຽວ”
“ໂຫ…ປາກຫວານໄດ໋ນິ”
“ຈິງຈັງໄດ໋”
“ອະໆ…ໂອເຄໂອເຄ,,ຂ້ອຍຈະບໍ່ມີວັນໃຫ້ອະໄພເຈົ້າເດັດຂາດ..ເຖິງຈະແມ່ນຄວາມຜິດຄັ້ງດຽວຂ້ອຍກໍ່ຈະບໍ່ໃຫ້ອະໄພເຈົ້າ”
“ສັນຍາ”
“ໂອ໋…ແພງ,,,ບໍ່ຕ້ອງຂະໜາດນັ້ນດອກ…”ຂ້ອຍຍິ້ມພ້ອມກັບໂອ໋ເຂົ້າໄປກອດກາຍພໍດີເປັນເວລາທີ່ທ້ອງຟ້າຖືກປົກຄຸມໄປດ້ວຍສີສົ້ມ…ຂ້ອຍຍິ້ມພ້ອມທັງກອດກາຍ,,ອ້ອມກອດທີ່ອົບອຸ່ນທີ່ຂ້ອຍຈະບໍ່ມີວັນລືມ
ອາທິດຕໍ່ມາ,,ພິທີຮັບນ້ອງມະຫາວິທະຍາໄລສຸຂະພາບ
“ເອົາລະນໍລຸ້ນນ້ອງທຸກຄົນ..ມື້ນີ້ກະເປັນມື້້ຕ້ອນຮັບພວກນ້ອງໆຢ່າງເປັນທາງການ” ລຸ້ນອ້າຍປີ3ທີ່ໜ້າຕາເກີອບຈະ30ເຂົ້າໄປແລ້ວ,ປີ3ຫວະນິບໍ່ໜ້າເຊື່ອ..“ເຮົາກໍ່ຈະມີກິດຈະກຳອົບອຸ່ນອົບອຸ່ນເພື່ອສ້າງສຳພັນທະໄມຕີອັນດີງາມລະຫວ່າງລຸ້ນອ້າຍແລະລຸ້ນນ້ອງເຮົານໍ”
ຮູວວວວວວ…ຕຶງ,,ຕຶງຕຶງຕະລຶງຕຶງຕຶງໂປະຕຶງຕຶງໂປະຕຶງ,,,ໂອຍສາລະພັດສຽງໂຫ່ສຽງເຮວ,,ຫຼັງຈາກທີ່ລຸ້ນອ້າຍເວົ້າແລ້ວ,,ເຮີ,,,ຮັບນ້ອງມາເກືອບເຄິ່ງມື້,,ໜ້າຕາເບິ່ງບໍ່ໄດ້ເລີຍເຮົາຖືກຂີດໜ້າຂີດຕາອຶກກະທຶກ..ໂຮະ!ຖ້າຂີດເປັນຮູບໂຕໝາໂຕແມວຄືຊາວບ້ານເຂົາຂ້ອຍກະສິບໍ່ວ່າດອກ,,ອັນນີ້ແຕ້ມເປັນຮູບຕັບໄຕໄສ້ພຸງເອົາໃຫ້ຮູ້ກັນໄປໂລດນະວ່າມັນຮຽນອານາໂຕມີມາແລ້ວ..ເອົາສາຕູເປັນປອບເລີຍນະ,ເຮິ,ອາໜາດໃຈ!
“ເອົາລະນໍ,,ພໍກ່ອນພໍກ່ອນ”ສຽງໂຫ່ເຮວງຽບລົງ“ອ້າຍເຊື່ອວ່ານ້ອງໆຄົງຈະຍັງບໍ່ຮູ້ຈັກລຸ້ນອ້າຍເຮົາໝົດທຸກຄົນນໍແຕ່ກະບໍ່ເປັນຫຍັງເອົາໄປທຳຄວາມຮູ້ຈັກກັນພາຍຫຼັງກະໄດ້ນໍ,ແຕ່ວ່າ,,ມີຄົນໜຶ່ງທີ່ອ້າຍຢາກບອກວ່າບໍ່ຮູ້ຈັກບໍ່ໄດ້ນໍ,ມັນເປັນໂຕຕັ້ງໂຕຕີງານນີ້ເລີຍນໍ,,ແຖມຍັງເປັນຊາຍໃນຝັນຂອງສາວຫຼືກະເທີຍຫຼາຍໆຄົນເລີຍນໍ”
ເຮວວວວວ…ກຣິ໊ດດດດດດ….
“ນ້ຳຕານ,,ນ້ຳ” ພູຜາຍື່ນນ້ຳດື່ມມາໃຫ້ແລ້ວນັ່ງລົງຂ້າງໆ
“ຂອບໃຈ” ຂ້ອຍຈັບເອົາແລ້ວຫັນໄປຈົດຈໍ່ກັບການປະກົດໂຕຂອງລຸ້ນອ້າຍສຸດເພີເຟັກທີ່ເຂົາລ້ຳລືກັນມັນຊິສ່ັ້ຳໄດ໋ຫວະ
“ເອົາລະນໍ,,ຂໍສຽງຕົບມືຕ້ອນຮັບ,,ກາຍະກອນ ພົມພັກມີໄຊນະບັດນີ້”
ຮູວວວວວວວວ,,,,ເມື່ອຂ້ອຍເຫັນຄົນທີ່ວ່າຍ່າງອອກມາຈາກຫຼັງເວທີຂ້ອຍກໍ່ຕ້ອງອຶ້ງ,ທຶ້ງ,ໄປຊົ່ວຄະນະ,,ກາຍ,ກາຍຮຽນແພດຫວະ,ເປັນຫຍັງລາວບໍ່ເຄີຍບອກຂ້ອຍເລີຍ
“ສະບາຍດີນ້ອງໆທຸກຄົນ,ອ້າຍຂໍຄວາມສະຫງົບແປັບໜຶ່ງນໍ”ສຽງກຣີ໊ດກ໊າດໄດ້ງຽບລົງ“ອ້າຍດີໃຈທີ່ໄດ້ມາຕ້ອນຮັບນ້ອງໆທຸກຄົນໃນມື້ນີ້,,ຫຼັງຈາກທີ່ອ້າຍໄດ້ມຸດໃບໜ້າອັນຫຼໍ່ເຫຼົາຂອງອ້າຍໄວ້ຕັ້ງບັກດົນໆນໍສຸດທ້າຍກະອົດບໍ່ໄດ້ຈົນໄດ້ຂຶ້ນມາສະເໜີໜ້າກາງງານແບບນີ້” ບໍ່ໄຫວເລີຍກາຍ,ເຈົ້າເຮັດເອົາສະຂ້ອຍຕັ້ງໂຕບໍ່ທັນເລີຍ,,ເປັນຫຍັງເຈົ້າບໍ່ເຄີຍບອກຂ້ອຍເລີຍ,,ຕົກໃຈໄດ໋ນິ“ເອົາລະນໍ,,ກ່ອນຈະຈາກກັນໄປໃນມື້ນີ້ອ້າຍກໍ່ຈະມີເກມມາໃຫ້ຫຼິ້ນກັນ
“ເກມຫຍັງອ້າຍກາຍສຸດຫຼໍ່” ມີນັກສຶກສາສາວຄົນໜຶ່ງຍົກມືຂຶ້ນຖາມດ້ວຍທ່າທາງສະດີດສະດິ້ງ
“ເຮັດຕາມຄຳສັ່ງລຸ້ນອ້າຍທຸກຍ່າງ” ໂຫ,,ທ້າວຄຳກາຍເຈົ້າກະຊິໄດ້ນ້ອຍໜ້າບໍ່ສົ່ງສາຍຕາຫວານຊຶ້ງຕຶງໃຈໄປໃຫ້ສາວນ້ອຍນັ້ນຢູ່,,ເຊິ“ອັອດ,,ອະທິບາຍກະຕິກາ” ກາຍຍື່ນໄມໃຫ້ອ້າຍໜ້າເຖົ້າເວົ້າຕໍ່
“ກະຕິກາມີຢູ່ວ່ານໍນ້ອງໆ,,ໃນກ່ອງໃສນີ້ມີຊື່ລຸ້ນນ້ອງທຸກຄົນຖ້າອ້າຍກາຍຈົກຖືກຊື່ໃຜຜູ້ນັ້ນຈະໄດ້ຂຶ້ນມາຫຼິ້ນເກມເຂົ້າໃຈນໍ”
“ຫື,,ຢາກຂຶ້ນໄປຫຼິ້ນເກມກັບອ້າຍກາຍນະ”
“ຄືກັນຄືກັນ”
“ສາທຸຂໍໃຫ້ເປັນຊື່ເຮົາເດີ“ ຕາຍລະ,,ໜ່າຍເດ,ກາຍເຈົ້າຕຽມຕົວຕາຍໂລດນະ
“ຈົກມາໄດ້ລະນໍ,,ນ້ອງຜູ້ໂຊກຮ້າຍຄົນນັ້ນແມ່ນ,,,,ແທ່ນໆໆ,,,ນ້ອງນ້ຳຕານ ຫ້ອງບີ5ນໍ
”ຫະ..??” ມັນເປັນຊື່ເຮົາໄດ້ຈັ່ງໄດ໋ຫວະ
“ນ້ຳຕານ,,ຊື່ເພິ່ນຂຶ້ນໄປແມ”ພູຜາບອກຂ້ອຍໃຫ້ຂຶ້ນໄປປະກົດໂຕຕໍ່ໜ້າປະຊາຊົນ,,ໂອຍ..ຂ້ອຍລຸກຂຶ້ນຈາກພື້ນແລ້ວຍ່າງຂຶ້ນເທິງເວທີດ້ວຍທ່າທາງເກີ້ໆ,,ໂດຍທີ່ມີຮອຍຍິ້້ມແລະສາຍຕາຂອງກາຍຈ້ອງມາຢູ່ຕະຫຼອດເວລາ..ເຖິງຊິເປັນແຟນກັນແລ້ວມັນກະຍັງເຂີນຢູ່ຄືກັນໄດ໋
“ອາ,,ນ້ອງນ້ຳຕານ,,ແນະນຳໂຕກັບໝູ່ໆທຸກຄົນກ່ອນນໍ” ອ້າຍອັອດຍື່ນໄມມາໃຫ້ ຂ້ອຍກຳລັງຈະຈັບເອົາແຕ່ກາຍກໍ່ດຶງໄມນັ້ນໄປກ່ອນ
“ບໍ່ຕ້ອງແນະນຳໂຕໃຫ້ເສຍເວລາ..ກາຍວ່າເຮົາມາຫຼິ້ນເກມກັນເລີຍດີກວ່າ..”ກາຍຍິ້ມໃຫ້ຂ້ອຍ
“ເຈົ້າຍັງມີຄວາມຜິດຕິດໂຕຢູ່ກາຍ,,ບໍ່ຕ້ອງມາເຮັດໜ້າແນວນີ້ໃສ່ຂ້ອຍດອກ”
“ຄຳຖາມທຳອິດ..ນ້ອງນ້ຳຕານມີແຟນແລ້ວບໍ່” ກ້າຖາມນໍໄດ້ດ໋ຽວຊິຕອບໃຫ້
“ຍັງບໍ່ມີເທື່ອ,,ຕອນນີ້ນ້ຳຕານຮັບສະໝັກແຟນຢູ່..ໃຜສົນໃຈ..“
“ຢຸດ..ຜິດກະຕິກາ..ຕອບເກີນຄຳຖາມ,,ຕ້ອງຖືກລົງໂທດ”
“ອີ່ຫຍັງຂອງເຈົ້າເກາະ”ຂ້ອຍຫັນກັບໄປຂຶງຕາໃສ່ກາຍ..ເຈົ້າກຳລັງຫຼິ້ນຫຍັງຂອງເຈົ້າຢູ່ນິ
“ໃຫ້ໄປຄາບປາເສັ້ນຟິດໂຊມາເສັ້ນໜຶ່ງ..ຄາບຢ່າງດຽວຫ້າມຫຍ້ຳ,,ປະຕິບັດ”ຂ້ອຍກົ້ມລົງໄປຄາບເສັ້ນປາຟິດໂຊທີ່ລຸ້ນອາຍໄດ້ຕຽມໄວ້ດ້ວຍທ່າທາງຫງຸດຫງິດສຸດຂີດ
“ດີຫຼາຍ,,ຕໍ່ໄປ..ເອົາເສັ້ນທີ່ຄາບຢູ່ໃນປາກຫັ້ນມາປ້ອນ,,ອ້າຍ…ໂດຍທີ່ບໍ່ໃຫ້ໃຊ້ມືຈັບ” ຫາ?!!!ເຈົ້າເວົ້າບ້າຫຍັງຂອງເຈົ້າກາຍ..ຂ້ອຍຄາຍເສັ້ນປານັ້ນຖິ້ມທັນທີ
“ຂ້ອຍບໍ່ມີທາງເຮັດຫຍັງທີ່ໜ້າອາຍນັ້ນດອກ..ຝັນເອົາ”
“ກົດກໍ່ຕ້ອງເປັນກົດໄດ໋ນ້ອງ,“ອ້າຍອັອດອຶງແຂນຂ້ອຍໄວ້ກ່ອນທີ່ຂ້ອຍຈະຍ່າງລົງເວທີ
“ຖ້າບໍ່ດັ່ງນັ້ນກໍ່ຈະບໍ່ໄດ້ຜ່ານຂັ້ນຕອນການຮັບນ້ອງແລະ..ຕໍ່ໄປນ້ອງອາດຈະເດືອດຮ້ອນໄດ້“ ໂອຍຍຍຍ,,ຮັບນ້ອງໂຫດຊັດໆ,ຊິຟ້ອງລັດຖະບານ,,ຂ້ອຍຫັນໄປແນມເບິ່ງກາຍທີ່ນັ່ງທຳທ່າເຂັງຂຶມຢູ່ຕັ່ງ,ຂ້ອຍຈັບເສັ້ນປາມາຄາບຕາມເດີມແລ້ວຍ່າງໄປຫາກາຍທີ່ນັ່ງຢູ່,,ຂ້ອຍກົ້ມໜ້າລົງ,ກາຍອ້າປາກແລ້ວຄາບເອົາອີກສົ້ນໜຶ່ງຂອງເສັ້ນປານັ້ນໄວ້,,,ແລ້ວກັດຕາມເສັ້ນນັ້ນມາດ້ວຍຄວາມໄວ,,ແຕ່ຂ້ອຍກໍ່ປ່ອຍເສັ້ນປານັ້ນໄດ້ທັນກ່ອນທີ່ປາກເຮົາຈະເຂົ້າມາປະກົບກັນ,,ມັນບໍ່ສຳເລັດດອກກາຍ,,
“ວູວວວວວ,,,ວາວວວວວ”ວ“ສຽງຕົບມືແລະສຽງເຮດັງຂຶ້ນອີກຄັ້ງ,,ກາຍຈັບໄມຂຶ້ນມາເວົ້າດ້ວຍໃບໜ້າທີ່ຍິ້ມແຍ້ມ
“ ຖືວ່ານ້ຳຕານເຮັດພາລະກິດອັນທີ່ໜຶ່ງສຳເລັດແລ້ວ,,ຕໍ່ໄປໃຫ້ນ້ຳຕານເອົາກະແຈລູກນີ້ທີ່ກາຍຖືຢູ່ນີ້ໄປເປີດກ່ອງນັ້ນໃຫ້ໄດ້”
ກາຍຊີ້ໄປທີ່ກ່ອງໆໜຶ່ງທີ່ຕັ້ງຢູ່ເທິງໂຕະ,,ໂອຍ,,ສະບາຍສ່ຳໄຂກ່ອງລ້າໆ,ຂ້ອຍຈັບເອົາກະແຈໃນມືກາຍແລ້ວຍ່າງໄປໄຂກ່ອງນັ້ນ..
ແກຣັ້ກ..ກະແຈໜ່ວຍນັ້ນຖືກປົດລັອກອອກໃນທີ່ສຸດ,,ແລ້ວຂ້ອຍກໍ່ເຫັນສ້ອຍຄໍເສັ້ນໜຶ່ງເຊິ່ງມີແມ່ສາຍສ້ອຍເປັນຕົວໂນ໊ດດົນຕີວາງຢູ່ໃນນັ້ນ
“ຈັບມັນອອກມາແມນ້ຳຕານ” ກາຍຍິ້ມແລ້ວບອກຂ້ອຍໃຫ້ຈັບສ້ອຍເສັ້ນນັ້ນອອກມາ,ຂ້ອຍບໍ່ຮູ້ວ່າເປັນຈະເກີດຫຍັງຂຶ້ນແຕ່ຫົວໃຈກຳລັງເຕັ້ນແຮງຜິດປົກກະຕິ..ຂ້ອຍຈັບສ້ອຍຄໍເສັ້ນນັ້ນອອກມາ,ແລ້ວກາຍກໍ່ຍ່າງມາຫາຂ້ອຍ,,
“ສ້ອຍຄໍເສັ້ນນີ້ສຳລັບຄົນທີ່ພິເສດທີ່ສຸດຂອງກາຍ,,“ແລ້ວກາຍກໍ່ຈັບສ້ອຍເສັ້ນນັ້ນແລ້ວກົ້ມລົງມາສວມໃສ່ຄໍຂອງຂ້ອຍ
“ກາຍເຈົ້າເຮັດຫຍັງຂອງເຈົ້າ” ກາຍຍິ້ມແລ້ວເວົ້າຂຶ້ນ
“ສ້ອຍເສັ້ນນີ້..ຈະເປັນສິ່ງທີ່ບອກວ່າຜູ້ຍິງຄົນນີ້ເປັນຂອງຂ້ອຍ..2ຢ່າງທີ່ກາຍຂາດບໍ່ໄດ້ໃນຊີວິດກໍ່ແມ່ນອາກາດແລະດົນຕີ..ໂນ໊ດດົນຕີຕົວນີ້ເປັນສິ່ງທີ່ມີຄ່າທີ່ສຸດໃນຊີວິດຂອງກາຍເພາະສະນັ້ນຄືຊິບໍ່ໃຫ້ບອກວ່າຜູ້ທີ່ໃສ່ມັນຢູ່ມີຄ່າສ່ຳໃດສຳລັບກາຍ..ຫາກຂາດລາວໄປ,,ລົມຫາຍໃຈຂອງກາຍກໍ່ຄົງຈະເຫຼືອພຽງແຕ່ເຄິ່ງດຽວ,,ນ້ຳຕານຈົ່ງເກັບຮັກສາລົມຫາຍໃຈຂອງຂ້ອຍໄວ້ໃຫ້ດີທີ່ສຸດໄດ້ບໍ່”
“ກາຍ,,,” ຂ້ອຍບໍ່ຮູ້ຊິເວົ້າຫຍັງລະເດີທ່ານຜູ້ຊົມ,ປະກາດຄວາມເປັນເຈົ້ັ້າຂອງກັນແບບນີ້ເລີຍຫວະ
“ອີກຢ່າງ..ຖ້າໃຜຄິດທີ່ຈະມາຫຍຸ້ງກັບຜູ້ຍິງຄົນນີ້,ຂໍບອກວ່າ..ອາດຈະໄດ້ເຈິຫຍັງທີ່ບໍ່ຄາດຄິດ”ແລ້ວກາຍກໍ່ສົ່ງສາຍຕາອຳມະຫິດໄປຫາພູຜາທີ່ນັ່ງຢູ່ແລະພູຜາກໍ່ແນມມາທີ່ກາຍດ້ວຍແວວຕາດຽວກັນ,,ແວວຕາທີ່ເປັນຕ່ຢານເຊິ່ງຂ້ອຍບໍ່ເຄີຍເຫັນໃນໂຕພູຜາມາກ່ອນ
…..
“ເຮີຍ,,ຖາມດຸ”
“ຖາມມາ” ຂ້ອຍແລະກາຍພາກັນມາຍ່າງຫຼິ້ນແຄມຂອງຕອນຕາເວັນໃກ້ຈະຕົກດິນພໍດີ
“ເຮັດຫຍັງໄປມື້ນີ້ຮູ້ໂຕບໍວ່າບ້າ”
“ໃຜແຄ,,ບໍ່ດີຫວະ,,ນ້ອຍໃຈໄດ໋ນິຄົນເຂົາອົດສາເຮັດໃຫ້”
“ປັນຍາອ່ອນບໍ່ຮູ້ຈັກອາຍຂະຈົ້າ”
“ບໍ່ອາຍ,,ເຈົ້າກະຮູ້ວ່າຂ້ອຍເຮັດຫຍັງກະດູດີໄປໝົດ,ເຈົ້າຮູ້ບໍຕອນນີ້ເຈົ້າເປັນຜູ້ຍິງທີ່ໜ້າອິດສາທີ່ສຸດໃນມະຫາໄລ”
“ບໍ່ພູມໃຈເລີຍຈັກໜ໋ອຍໜຶ່ງ”
“ເວົ້າດີໆໄດ໋,ເປັນແຟນຂ້ອຍນີ້ມັນບໍ່ໜ້າພູມໃຈບ່ອນໄດ໋ຫະ,,”
“ນີ້,,ຊິຮ້ອງເຮັດຫຍັງເວົ້າຄ່ອຍໆກະໄດ້ຍິນແລ້ວ”
“..ມັນເປັນຕ່ຢາກຮ້າຍເດຊັ້ນ,,ມີແຟນຫຼໍ່ປານນີ້ລະຍັງບໍ່ພູມໃຈອີກ“
“ກາຍ,,,ຂ້ອຍຄຽດເຈົ້າລະໄດ໋“
“ເຊີນ”
“ດີ,,ຂ້ອຍກັບເດີ,,ຢ່າມາງໍ້ກະແລ້ວກັນ,,ຊິ!“ ຂ້ອຍຍ່າງໄປໄວໆ
“ນ້ຳຕານ,,ຢຸດ,,ນ້ຳຕານ,,ເຈົ້າກ້າຍ່າງໜີຂ້ອຍຫວະ..ນິ້,,,ເຮີຍ”ຂ້ອຍບໍ່ສົນສຽງຂອງກາຍ;;ແລະຂ້ອຍກໍ່ໄດ້ຍິນສຽງແລ່ນຕາມຫຼັງມາແລ້ວກາຍກໍ່ມາຢືນຂວາງໜ້າຂ້ອຍໄວ້
“ຂໍໂທດ” ຂ້ອຍບໍ່ເວົ້າຫຍັງ“ໃຫ້ເຮັດຫຍັງກະໄດ້”
“ໃຫ້ຂ້ອຍຂີ່ຫຼັງເຈົ້າກັບບ້ານ”
“ຫະ??”
“ອາຫະ”
“ເຈົ້າວ່າໂຕເຈົ້າເບົາຫວະ”
“ຕາມໃຈ..ຕາມສະບາຍ,,ບໍ່ຕ້ອງໄດ້ຍິນສຽງຂ້ອຍຈັກສອງອາທິດ”
“ເຮີຍຍຍຍ,,,ໄດ້ຈັ່ງໄດ໋“
“ວ່າຈັ່ງໄດັ່ລະ“
“ເອີ,,,!”
“ສຽງບໍ່ເຕັມໃຈ,,ຟາວ”
“ນີ້,,,”ຂ້ອຍກຶ້ງຕາໃສ່”ໂດຍ”
“ເວຣີກູ໊ດ” ຂ້ອບຂີ່ຫຼັງກາຍ,,ຍ່າງເບີ່ງຕາເວັນຈົມລົງໄປກັບຫາດຊາຍກາງນ້ຳຂອງ,,ມັນເປັນພາບທີ່ແສນຈະສວຍງາມດດຫາຢູ່ໃສບໍ່ໄດ້ອີກແລ້ວນອກຈາກເມືອງລາວ,,
“ກາຍ,,“
“ຫຶ..“
“ຂອບໃຈເດີ“
“ເລື່ອງອີ່ຫຍັງ”
“ທຸກເລືອງ,,ທຸກເລື່ອງທີ່ເຮັດໃຫ້ຍິ້ມໄດ້“
“ຮຶ,,ມັນແນ່ນອນຢູ່ແລ້ວ”
“ຢູ່ນຳກັນດົນໆເດີ..ຢ່າຟ້າວໄປໃສ”
“ບໍ່ມີວັນ..ມັນຈະບໍ່ມີວັນນັ້ນ,,ບໍ່ມີວັນທີ່ຂ້ອຍຈະໄປໃສ”
“ຂອບໃຈ,,ຂອບໃຈ”
ກາຍ,,ຂ້ອຍຮູ້ດີບໍ່ຊ້າກະໄວວັນນັ້ນມັນກະຕ້ອງມີ,,ເຮົາບໍ່ສາມາດຈະຢູ່ນຳກັນໄປໄດ້ຕະຫຼອດດອກ..ເຈົ້າຍັງເປັນພຍງຄົນໆໜຶ່ງທີ່ຢາກໄດ້ຫຍັງກໍ່ຕ້ອງໄດ້ຈົນບາງຄັ້ງເຈົ້າອາດຈະບໍ່ເຫັນຄຸນຄ່າຂອງມັນ..ເຈົ້າຍັງເປັນຜູ້ຊາຍຜູ້ໜຶ່ງທີ່ໝັ້ນໃຈໃນຄວາມຄິດຂອງຕົນເອງຈົນບໍ່ຄິດເຫັນສີ່ງທີ່ມັນອາດຈະເກີດຂຶ້ນໃນພາຍພາກໜ້າ,,ສິ່ງທີ່ຈະປ່ຽນທັງໃຈຂ້ອຍແລະເຈົ້າ,,ໄດ້ແຕ່ຫວັງວ່າເວລານັ້ນອາດຈະມາຊ້າກວ່າປົກກະຕິ..ຂໍພຽງໃຫ້ຊ່ວງເວລາທີ່ມີຄວາມສຸກນີ້ຍືດອອກໄປ..ໃຫ້ໄດ້ດົນທີ່ສຸດເທົ່ທີ່ຈະເປັນໄປໄດ້
“ກຳລັງຄິດຫຍັງທີ່ຈະເຮັດໃຫ້ຂ້ອຍເຈັບຊ້ຳນ້ຳໃຈຢູ່ແມ່ນບໍນີ້”
“ບໍ່ບອກ…ຍ່າງໄປດີໆໂລດ,,ບໍ່ຕ້ອງຖາມ”
…..
ຂຽນເມື່ອ: ພ.ຈ.. 12, 2009
| ມີ
ໜວດໝູ່:
ກັບໄປໄດອາຣີ່ຂອງ Liitaa Arch CluB, 'user_report.php?return_url=http%253A%252F%252Fpunlao.com%252Fblog.php%253Fuser%253DUnnameS%2526blogentry_id%253D9353&TB_iframe=true&height=300&width=450', '', './images/trans.gif');){kind=spacer}
ແຈ້ງເນື້ອຫາບໍ່ເໝາະສົມ
