“ນ້ຳຕານ..ອ້າຍເຫັນເຮົານັ່ງເສົ້າມານີ້ສອງມື້ລະໄດ໋” ອ້າຍຂ້ອຍຍ່າງຖືແກ້ວກາເຟມານັ່ງຂ້າງໆຂ້ອຍທີ່ສວນໜ້າບ້ານ”ຫຼືວ່າ…ປວດຂີ້”
“ໂຫຍ,,ອີ່ຫຍັງ,,ສົກກະປົກບໍ່ຕ້ອງມາເວົ້າໄປໃສກະໄປໄປ ຊິວໆ”
“ນີ້,,ໄລ່ອ້າຍເປັນໝາເລີຍຫວະ,,ເອີໄປກະໄດ້ເວີຍ,,ຫື,,ເຮັດສ່ຳບໍ່ເຄີຍຂີ້ມາເວົ້າວ່າສົກກະປົກ”
“ໂອ໋ຍ,,,”ອ້າຍຂ້ອຍກໍ່ຍ່າງຫາຍວິວເຂົ້າໄປໃນເຮືອນ,,ເຮີຍ,,ມື້ນີ້ມັນວັນເສົາ,ປົກກະຕິຖ້າບໍ່ຜິດກັນຂ້ອຍກະຕ້ອງໄປນັ່ງໝົກຢູ່ຮ້ານຊາຍແລ້ວ,,ເຮີ,,,ເລື່ອງມັນເສົ້າ,ຫະ..ຮ້ານຊາຍຫວະ..ຮື,,ກາຍ,ຖ້າກ່ອນເດີ,,
“ສະບາຍດີ..ອາໂຣມາກາເຟຍິນດີຕ້ອນຮັບ” ພະນັກງານຮ້ານຊາຍກ່າວຕ້ອນຮັບ
“ຕານ,,ຄິດດີລະຫວະ”ຕິນ່າຖາມຂຶ້ນ
“ບໍ່,,ແຕ່ຄິດອອກແຕ່ສ່ຳນີ້ແຫຼະ..ຈັ່ງໄດ໋ກະຕ້ອງເວົ້າກັນ”
“ອ້າວ,,ນ້ຳຕານ” ຊາຍຍົກມືທັກ
“ຊາຍ,,ໝູ່ຈອມໂຫດເຈົ້າຢູ່ບໍ” ຂ້ອຍຖາມ
“ຫຶ,,ໝູ່ຈອມໂຫດ?”
“ອໍ,,ກາຍ,,ໝາຍເຖິງ..ກາຍ” ຊາຍບໍ່ຕອບແຕ່ແນມໄປທີ່ຫ້ອງຊ້ອມດົນຕີທີ່ເຄີຍນັ່ງຢູ່ປະຈຳ
“ໃນຫ້ອງນັ້ນຫວະ..ຮູ້ລະ,ຂອບໃຈເດີ,,”ຂ້ອຍຍ່າງໄປຫ້ອງນັ້ນທັນທີ
“ເອີຍ,,ດ໋ຽວ,ນ້ຳຕານ,,”
ແອ໊ດ,,,(ສຽງປະຕູ,,ບ້ານນອກ) ຂ້ອຍຕ້ອງຕົກໃຈອີກຄັ້ງເມື່ອເຫັນພາບທາງໜ້າ,,ທີ່ກາຍນັ່ງກອດກັບຜູ້ສາວຢູ່..
“ໂທດສ່ຽວ,,ພະຍາຍາມແລ້ວ,ຫ້າມໄວ້ບໍ່ທັນ” ຊາຍກຸມຫົວເວົ້າກັບກາຍ
“ໂຮະ..ທີ່ແທ້ກະຈັ່ງຊີ້ນິເອງ..ຂໍໂທດທີ່ມາຂັດຈັງຫວະ”
“ໃຜ..ກາຍ” ຜູ້ສາວຂອງກາຍຖາມຂຶ້ນ
“ຄົນຮູ້ຈັກ..” ຫະ..ຄົນຮູ້ຈັກຫວະ,,,ຫຶ,,ກາຍ,,ເຈົ້າຫຍາມໜ້າຂ້ອຍເກີນໄປແລ້ວ
“ມີວຽກຫຍັງບໍ່..” ກາຍຖາມຂ້ອຍ”ຖ້າບໍ່ມີ,,ກະຕ້ອງຂໍໂທດນຳຫຼາຍໆ,,ຂ້ອຍຄາກິດຈະກຳຈຳເປັນຢູ່,ເຊີນ”ກາຍຜາຍມືໄປທີ່ໜ້າປະຕູຮ້ານ
“ບໍ່ຕ້ອງໄລ່ດອກ,,ຂອບໃຈ,ທີ່ເຮັດໃຫ້ຂ້ອຍບໍ່ຕ້ອງຖະຫຼຳເລິກໄປຫຼາຍກວ່ານີ້,”ຂ້ອຍດຶງສ້ອຍຄໍເສັ້ນນັ້ນອອກຈາກຄໍ,,ແລ້ວຍື່ນມັນໃຫ້ຊາຍ”ຝາກສົ່ງລົມຫາຍໃຈຄືນໃຫ້ເຈົ້າຂອງເຂົາແນ່” ແລ້ວຂ້ອຍກໍ່ຫັນຫຼັງຍ່າງອອກມາ
“ຕານ,,ຖ້າແນ່,,”ສຽງຕີນ່າໄລ່ຕາມຫຼັງມາ
ມື້ຕໍ່ມາທີ່ມະຫາໄລ
ຂ້ອຍຍ່າງອອກມາອັດເອກະສານຮຽນຢູ່ໜ້າມະຫາໄລ
ດິງດິງດອງດາດາດິງດິງດອງ
“ຮາໂຫຼ,,”
(ຢູ່ໂຮງຮຽນຫວະ) ຕິນ່າໂທມາ
“ອືມ,,ມີຫຍັງ”
(ມາຫ້ອງຮຽນດ່ວນ,ສອງໜຸ່ມໂຫດມາຫາ,ໄວເດີ) ແລ້ວນ່າກໍ່ວາງສາຍໄປ
ເຮີ,,ມີອີ່ຫຍັງອີກລະນໍບາດນີ້,,ສອງຄົນນັ້ນມາບຸກແພດສາດລະມັນຊິເກີດຫຍັງຂຶ້ນລະບາດນີ້,ຂ້ອຍຍ່າງກັບຫ້ອງທັນທີ,,ຂ້ອຍໄດ້ຍິນສຽງໂວຍວາຍດັງມາຈາກຫ້ອງຮຽນຂ້ອຍ,,ເມື່ອຂ້ອຍກ້າວເຂົ້າຫ້ອງປຶບ
“ຊາຍ,,ຢຸດ” ພາບທາງໜ້າທີ່ຂ້ອຍກຳລັງເຫັນແມ່ນຊາຍກຳລັງຈະຊົກໜ້າພູຜາ”ມັນເກີດຫຍັງກັນຂຶ້ນນີ້,,ນ່າມັນເລື່ອງຫຍັງນີ້” ຂ້ອຍຫັນໄປຖາມຕິນ່າທີ່ມາກັບຊາຍແລະເຈ,ມັນມານຳກັນໄດ້ຈັ່ງໄດ໋ຫວະ,ຈັ່ງໄດ໋ກະຕາມເລື່ອງນັ້ນເອົາໄວ້ກ່ອນ
“ເບິ່ງຮູບນັ້ນສະກ່ອນ,,ຈຶ່ງຖາມວ່າມັນເກີດຫຍັງຂຶ້ນ”ອາເຈເວົ້າ,ຂ້ອຍຈັບຮູບນັ້ນຂຶ້ນມາເບິ່ງ ມັນເປັນຮູບຂ້ອຍກັບພູຜາໃນທ່າທີ່ ເອີ່ ຄົນເບິ່ງຕ້ອງເຂົ້າໃຈວ່າຂ້ອຍກັບພູຜາກຳລັງຈູບກັນຢູ່ ແຕ່ມັນບໍ່ແມ່ນໄດ໋ສາບານໄດ້ມັນເປັນມຸມກ້ອງ ສາວນ້ອຍໃສຊື່ບໍລິສຸດຄືຂ້ອຍບໍ່ມີວັນຈູບໃຜມົ້ວຊົ້ວດອກ ວ່າແຕ່ຮູບນີ້ມັນມາແຕ່ໃສ
“ບັກນີ້ມັນຖ່າຍແລະສົ່ງໄປໃຫ້ບັກກາຍເບິ່ງ,,ມັນຕັ້ງໃຈຊິເຮັດໃຫ້ເຈົ້າກັບບັກກາຍຜິດໃຈກັນ” ເຈອະທິບາຍໃນສິ່ງທີ່ຂ້ອຍກຳລັງຢາກຮູ້
“ບໍ່ແມ່ນໄດ໋ຕານ,ເຂົາຊິເຮັດແບບນັ້ນໄປເພື່ອຫຍັງ”ພູຜາຫັນມາອະທິບາຍທັນທີ
“ກຼູເຊື່ອມັນເລີຍເຈ,,ບັກໝາລອບກັດເອີຍ”ຊາຍເວົ້າຂຶ້ນ
“ຊາຍ,ມັນຫຼາຍໂພດລະໄດ໋,,ພູຜາເປັນໝູ່ຂ້ອຍຊິເວົ້າຫຍັງກະລະວັງແນ່,ລະທີ່ພວກເຈົ້າໃສ່ຮ້າຍວ່າລາວເປັນຄົນເຮັດເລື່ອງທັງໝົດນີ້ຂ້ອຍກະບໍ່ເຫັນວ່າຊິມີອັນໃດມາພິສູດຊ້ຳ”
“ກຼູເຊື່ອເລີຍ,,ຊື່ບື້ຂະໜານແທ້ເລີຍຜູ້ຍິງຂອງບັກກາຍນິ”ເຈເວົ້າ
“ໂອເຄໂອເຄ,ໃນເມື່ອພວກຂ້ອຍບໍ່ມີຫຼັກຖານຊິເອົາຜິດບັກນີ້ໄດ້,,ພວກຂ້ອຍກະຊິໄປ,,ແຕ່ບໍ່ໄດ້ໄປເລີຍໄດ໋ ໄປຫາຫຼັກຖານ”,,ແລ້ວທັງສາມຄົນກໍ່ຍ່າງອອກໄປ
“ຕານ,,ກຼູໄປເດີ..ລະເຈິກັນ”ຕິນ່າຫັນມາສັ່ງຂ້ອຍ ໝູ່ຂ້ອຍກາຍໄປເປັນຜູ້ຕິດຕາມພວກນັ້ນໄດ້ຈັ່ງໄດ໋ຫວະ
……
ປະມານ6ໂມງແລງຂ້ອຍຍ່າງອອກມາມິນິມາກໜ້າບ້ານ(ມາລັກອ່ານດວງ),
“ຄົນທີ່ທ່ານລໍຄອຍກຳລັງເດີນທາງມາຫາ” ແວະ,,,ດວງຂີ້ຕວົະ,ຂ້ອຍອັດໜ້າປຶ້ມແລ້ວຍ່າງກັບບ້ານ,ແຕ່ວ່າ,,ຂ້ອຍເຫັນເບ໊ນສີດຳຈອດຢູ່ໜ້າບ້ານ,,ໜ້າບ້ານ,,ເບ໊ນສີດຳ,,ກາຍ,ເຂົາລົງມາຈາກລົດ
“ກາຍ,,ເຈົ້າຊິ..”ຂ້ອຍເວົ້າບໍ່ທັນຈົບປະໂຫຍກ,ກາຍກໍ່ດຶງຂ້ອຍຂຶ້ນລົດທັນທີ”ເຈົ້າຊິພາຂ້ອຍໄປໃສ”
“ເອົານີ້,,ໃສ່ມັນຄືນດຽວນີ້”ກາຍຍື້ນສ້ອຍຄໍເສັ້ນນັ້ນໃຫ້ຂ້ອຍ
“ບໍ່,,ຂ້ອຍສົ່ງເຈົ້າຄືນແລ້ວ”ຂ້ອຍຫັນໜ້າໜີ
ອ໋ຽດ,,ກາຍຈອດລົດທັນທີ
“ຊິໃສ່ດີໆຫຼືຊິໃສ່ດ້ວຍນ້ຳຕາ” ໂຮະ,,ມາໃນໂມດຂູ່ອີກລະ
“ຂ້ອຍບໍ່ໃສ່ ເທື່ອນີ້ເຈົ້າບັງຄັບຂ້ອຍບໍ່ໄດ້ດອກກາຍ” ຂ້ອຍຍັງຢືນຢັນຄຳເດີມ,,ພ້ອມທັງກອດເອິກແລ້ວສະບັດໜາໜີທັນທີ..
“ເຮີຍ!!” ຢູ່ດີໆກາຍກໍ່ຢັບມາໃກ້ໆແລ້ວເອົາມືທັງສອງມາຄ້ອງຄໍຂ້ອຍໜ້າເຮົາສອງຄົນໄກກັນບໍ່ຮອດຄືບຊ້ຳ
“ຈະ…ເຈົ້າຊິເຮັດຫຍັງ” ຂ້ອຍຖາມສຽງສັ່ນ ແຕ່ກາຍບໍ່ຕອບ ເຂົາຄ່ອຍໆຢັບໜ້າເຂົ້າມາໃກ້ເລື້ອຍໆ ຂ້ອຍຫຼັບຕາລົງທັນທີ ແລ້ວກໍ່ຮູ້ສຶກເຖິງລົມຫາຍໃຈອຸ່ນໆທີ່ຢູ່ຕົ້ນຄໍ ວ໋າຍຍ ຂົນລຸກ!!
“ອາ,,ແລ້ວໆ”
“ຫຶ..”ຂ້ອຍຟ້າວມືນຕາທັນທີ ແລະເຫັນວ່າກາຍເອົາໂຕຂອງລາວກັບໄປນັ່ງໃນທ່າເດີມແລ້ວ
“ມັນງາມຕອນທີ່ຢູ່ຄໍເຈົ້ານີ້ແຫຼະ” ກາຍແນມເບິ່ງຄໍຂ້ອຍແລ້ວກໍ່ຍິ້ມ
“ຂ້ອຍບໍ່ໃສ່,”ຂ້ອຍພະຍາຍາມຈະດຶງມັນອອກ
“ນ້ຳຕານ..ເຮົາກັບໄປເປັນຄືເກົ່າສາ”
“ງ່າຍໄປເບາະ,,ເຈົ້າເວົ້າກັບຂ້ອຍເອງໄດ໋ວ່າຢ່າຍົກໂທດໃຫ້ເຈົ້າຖ້າເຈົ້າເຮັດຜິດ”
“ໃຜວ່າຂ້ອຍເຮັດຜິດແຫຼະ,,ເຈົ້າກະມີສ່ວນຜິດຄືກັນ” ອ້າວ ຢາກມີເລື້ອງຫວະ
“ຂ້ອຍຜິດບ່ອນໄດ໋,,ເຈົ້າເອງທີ່ຍອມສະຫຼະໂອກາດນັ້ນໄປ ມື້ທີ່ຂ້ອຍຊິໄປອະທິບາຍເຈົ້ານັ່ງກອດກັບຜູ້ສາວແບບສະບາຍໃຈຢູ່” ມັນເຫຼືອອົດລະໄດ໊
“ຖ້າມື້ນັ້ນເຈົ້າບໍ່ຢືນກອດກັບບັກພູເບ້ຍນັ້ນຂ້ອຍກະບໍ່ຄຽດຈົນຕ້ອງຫາທີ່ລະບາຍດອກ” ໂອໂຫ ທີ່ລະບາຍເປັນກາຍລະບາຍທີ່ມີຄວາມສຸກສຸດຍອດ“ຍັງບໍ່ເບິດ,,ເຈົ້າໄປຈູບກັບມັນອີກ ເຈົ້າຊິໃຫ້ຂ້ອຍອົດໄດ້ຫວະ”
“ຈູບ,,??” ກັບໃຜຫວະ ໂອ໋ ຮູບ “ກັບພູຜາຫັ້ນຫວະ”
“ໂອ ຖາມມາໄດ້ໜ້າຕາເສີຍ ເຈັບປວດໄດ໋ນີ້,,,ເອີ”
“ຮຽນແພດ ແຕ່ເປັນຫຍັງຄືໂງ່ດັກດານໄດ້ເຖິງຂະໜາດນີ້”
“ນ້ຳຕານເຈົ້າຢາກຕາຍຫວະ”
“ຢຸດເລີຍ ບໍ່ຕ້ອງມາທຳທ່າຂຶ້ນສຽງກັບຂ້ອຍ ມັນເປັນຮູບມຸມກ້ອງ ໝູ່ເຈົ້າເອົາມາໃຫ້ຂ້ອຍເບິ່ງແລ້ວ”
“ມຸມກ້ອງ ບໍ່ໜ້າເຊື່ອ”
“ເຫັນບໍ່ ແຕ່ສ່ຳນີ້ເຈົ້າຍັງບໍ່ຄິດຊິເຊື່ອໃຈຂ້ອຍ ລະເຮົາຊິຄົບກັນໄປໄດ້ອີກສ່ຳໄດ໋ກາຍ”
“ແຕ່ວ່າ ໂອຍ,,ເຈົ້າກະຮູ້ວ່າຂ້ອຍຫວງ ທຸກຢ່າງມັນໂຫມເຂົ້າມາ ”
“ກາຍ ”
“ບໍ່ຕ້ອງມາເຮັດສຽງຫວານເລີຍ”
“ກາຍ! ຕໍ່ຈາກນີ້ໄປ ຫັດເຊື່ອໃຈຂ້ອຍແນ່ດຸ ແຕ່ເຈົ້າຂ້ອຍກະຍັງເຊື່ອໃຈ ຂ້ອຍຮູ້ໄດ໋ມື້ໄດ໋ທີ່ຂ້ອຍບໍ່ຫວ່າງອອກໄປເຈິເຈົ້າບໍ່ໄດ້ເຈົ້າກັບໝູ່ເຈົ້າກະສຸມຫົວກັນນັ່ງກິນເຫຼົ້າກອດກັບຜູ້ສາວ ແຕ່ວ່າຂ້ອຍກະບໍ່ເຄີຍທີ່ຈະຄຽດເຈົ້າຍ້ອນຂ້ອຍຮູ້ວ່າມັນເປັນສັນດານຂອງຜູ້ຊາຍ”
“ເຈັບໜັກເລີຍ ຖືກເດັກນ້ອຍດ່າ”
“ຖ້າຊິກັບໄປຄົບກັນຄືນນີ້ ຕ້ອງປ່ຽນເດີ ຄວາມຄິດລະແວງນີ້”
“ໂດຍຍຍ,,,ບໍ່ລະແວງອີກແລ້ວ ແຕ່ຂໍຢ່າງໜຶ່ງໄດ້ບໍ່” ຂ້ອຍເຮັດໜ້າຕາສົງໄສ“ຢຸດຄົບກັບບັກພູເບ້ຍນັ້ນສະ”
“ພູຜາ”
“ເອີນັ້ນແລະ ຮູ້ວ່າຕ້ອງເຊື່ອໃຈ ແຕ່ຂ້ອຍບໍ່ໄວ້ໃຈມັນ ມັນພະຍາຍາມທີ່ຈະເຮັດໃຫ້ເຮົາຜິດກັນ ມັນເປັນຄົນສົ່ງຮູບມາ ຂ້ອຍຢ້ານຂ້ອຍອົດບໍ່ໄດ້ທີ່ຈະຂ້າຄົນ”
“ຮູ້ໄດ້ຈັ່ງໄດ໋ວ່າພູຜາເປັນຄົນສົ່ງມາ ເຈົ້າມີສັດຕູເຕັມເມືອງໄປໝົດ ຢ່າໃສ່ຮ້າຍຄົນອື່ນ”ກາຍເຮັດໜ້າບູດນີ້ຫວະຫົວໜ້າແກ໊ງຊື່ດັງ ຢາກໃຫ້ຄົນອື່ນມາເຫັນໜ້າລາວຕອນນີ້ເດ ຂໍບອກວ່າຄືໝານ້ອຍຫິວເຂົ້ານິແຫຼະ
“ອະ ໂອເຄໂອເຄ ຊິພະຍາຍາມຢູ່ຫ່າໆໄວ້ກະໄດ້”
“ດີຫຼາຍທີ່ຮັກ ໄປ ເຖິງເວລາທົດແທນສິ່ງທີ່ຂາດຫາຍໄດ້ແລ້ວ”
“ໄປໃສ”
“ໄປຫຼິ້ນນນນນ”
………………..
“ນ່າ ມື້ວານໄປກັບສອງຄົນນັ້ນໄດ້ຈັ່ງໄດ໋”
(ໂອຍ ອ້າຍຊາຍໄປຮັບຢູ່ມ.ຊແລະໃຫ້ເລົ່າເລື່ອງທີ່ມຼຶງຜິດກັນກັບອ້າຍກາຍໃຫ້ຟັງລະກະລາກກຼູໄປໂຮງຮຽນມຼຶງຫັ້ນເດ)
“ໂຫ ປານນັ້ນເລີຍຫວະ”
(ເອີ,,ເຈັບໃຈອ້າຍບັກຊາຍ ຕອນເມືອຜິດກັນເລື່ອງມຼຶງຫັ້ນແຫຼະ ທ່ານຊາຍລາວຈອດລົດໃຫ້ກຼູຍ່າງເມືອເບິງແມເວົ້າມາລະເຈັບໃຈ)
“55ຕົກລົງຊິອ້າຍຫຼືຊິບັກ ເຮີ ເປັນຄືກັນເບິດແກ໊ງ ທຳໃຈຖ້າຢາກເປັນແຟນລາວນະ”
(ແຕ່ກີ້ກະຢາກເປັນຢູ່ໄດ໋ ຜູ້ຊາຍອີຫຍັງຫຼໍ່ໆດີໆ ແຕ່ຕອນນີ້ເລີມຈະຮັບບໍ່ໄດ້ລະ)
“ນ້ຳຕານ ຕອນແລງນີ້ຫວ່າງບໍ”
(ໃຜ)
“ອໍ ພູຜາ ເອີຊັ້ນທໍ່ນີ້ເດີນ່າ ລະຊິໂທຫາໃໝ່” ຂ້ອຍວາງໂທລະສັບແລ້ວເວົ້າກັບພູຜາພະຍາຍາມບໍ່ເຂົ້າໃກ້ລະໄດ໋ແຕ່ລາວມາຫາເອງ“ມີຫຍັງບໍ”
“ຕອນແລງນີ້ຫວ່າງບໍ ເຂົາວ່າຊິຊວນເພີ່ນໄປງານລ້ຽງສົ່ງລຸ້ນອ້າຍ ບັງເອີນວ່າລາວຊິໄປຮຽນຕໍ່ຕ່າງປະເທດ”
“ຫວະ ເຂົາຂໍໂທດເດີ ແຕ່ຄົງຈະໄປບໍ່ໄດ້ດອກ”
“ອືມມ ແມ່ນຕິນໍດຽວນີ້ ເຂົາກາຍປັນຄົນທີ່ໄວ້ໃຈບໍ່ໄດ້ໄປແລ້ວ ເພາະວ່າເປັນຜູ້ຕ້ອງຫາທີ່ເຮັດໃຫ້ເພີ່ນກັບແຟນຜິດກັນ ເຂົາຂໍໂທດທີ່,,,”
“ມັນບໍ່ແມ່ນແນວນັ້ນໄດ໋..” ເຮີຍເອົາຈັ່ງໄດ໋ດີຫວະ ບໍ່ຢາກເຮັດໃຫ້ໃຜເສຍຄວາມຮູ້ສຶກ
“ຢ່າແຫຼະເຂົາບໍ່ລົບກວນເພິ່ນດອກ” ພູຜາກຳລັງຊິຍ່າງໜີ
“ເອີ,,ພູຜາ ເຂົາມາຄິດເບິ່ງແລ້ວມັນກະໜ້າສົນໃຈຢູ່..ໄດ໋”
“ຫວະ??ນ້ຳຕານຢາກໄປຫວະ ງານມັນເປັນແບບວ່າງານລ້ຽງລຸ້ນ ເປັນພວກທີ່ຮຽນນຳກັນສະໄໝມັດທະຍົມລະກະເປັນການລ້ຽງສົ່ງລຸ້ນອ້າຍເລີຍລາວຈະໄປຮຽນຕໍ່ແພດຢູ່ຝລັ່ງ”
“ໂຫ..ເກັ່ງແທ້ ເຂົາຢາກເຫັນໜ້າລາວເດ ”
“ໄດ້ເຫັນແນ່ນອນຖ້າເພິ່ນໄປນະ ລາວໃຫ້ຄຳແນະນຳດີໆແລະ ໄປນໍ” ຮືໆ ຊະຂະໜາດນີ້ແລະກຼູຍັງຊິປະຕິເສດໄດ້ອີກຢູ່ຫວະ
“ອຶມ ໄປກະໄປ ”
….
ໃນທີ່ສຸດຂ້ອຍກໍ່ມາຢືນຢູ່ໃນງານປາຕີ້ນີ້ຈົນໄດ້ ເຮີ ກາຍຂໍໂທດເດີການທີ່ເຫັນຄົນອື່ນຮູ້ສຶກຜິດນີ້ມັນເຮັດໃຫ້ຂ້ອຍບໍ່ສະບາຍໃຈເລີຍ ຢ່າຄຽດຂ້ອຍເລີຍເດີ
“ພ້ອມລະບໍ ”ພູຜາຖາມ
“ອຶມ,,” ຂ້ອຍສອງຄົນຍ່າງເຂົ້າໄປໃນງານ ,,ໂອໂຫ ງານລ້ຽງສົ່ງຫຼືເທັກນີ້
ຂ້ອຍນັ່ງເຊັງໃນປາຕີ້ນີ້ມາສາມສິບນາທີລະໄດ໋ ຢາກກັບບ້ານແລ້ວ,ພູຜາຕອນນີ້ອອກໄປເຕັ້ນກັບໝູ່ຂອງລາວ,,ເຮີ ຂ້ອຍຂີ້ຄ້ານກະເລີຍຂໍນັ່ງເບິ່ງດີກວ່າ ມັນຈັກໂມງລະຫວະນີ້ ດຽວກາຍໂທຫາລະຊວຍເລີຍ ຂ້ອຍລຸກໄປຫ້ອງນ້ຳເພື່ອຈະໜີໃຫ້ໄກຈາກສຽງເພງທີ່ມັນດັງລົບກວນເສັ້ນປະສາດຫູ,ເຮີ,,ໄຄແນ່ ພໍຊັບໜ້າຊັບຕາແລ້ວຂ້ອຍກໍ່ຍ່າງອອກມາຈາກຫ້ອງນ້ຳແຕ່ກໍ່ມີຜູ້ຊາຍສອງຄົນມາຢືນລັດຂ້ອຍໄວ້ຢູ່ໜ້າຫ້ອງນ້ຳ
”ແຟນບັກພູຕວົະນີ້” ຜູ້ຊາຍຄົນໜຶ່ງເວົ້າຂຶ້ນ
“ອຶມ,,ແຟນໝູ່ກະຄືແຟນເຮົາຫັ້ນແຫຼະ,ກຼູວ່າ..”ເວົ້າບໍ່ທັນຈົບຜູ້ຊາຍສອງຄົນນັ້ນກໍ່ຍ່າງເຂົ້າມາຫາຂ້ອຍແລ້ວຈັບມືຂ້ອຍໄວ້ທັງສອງຂ້າງ,
“ພວກເຈົ້າຊິເຮັດຫຍັງຂ້ອຍ,,ປ່ອຍດຽວນີ້”ຂ້ອຍພະຍາຍາມຟິດສອງຄົນນັ້ນອອກແຕ່ພວກມັນກໍ່ບໍ່ໄດ້ສະທ້ານຫຍັງໝົດ ຂ້ອຍຊິໄປສູ້ກຳລັງຜູ້ຊາຍໄດ້ຈັ່ງໄດ໋
“ຢ່າຝືນເລີຍ,ເມື່ອຍຊື່ໆ” ອືຫື ຢ່າມາເວົ້າໃກ້ຫຼາຍໄດ້ບໍ ເໝັນເຫຼົ້າພວກນີ້ຕ້ອງເມົາແນ່ນອນເລີຍ,,
“ຊ່ວຍແນ່,,,”ຂ້ອຍຕັດສິນໃຈຮ້ອງອອກໄປເພື່ອຫວັງໃຫ້ຄົນມາຊ່ວຍ”ຊ່ວຍແນ່“ຂ້ອຍໄດ້ຍິນສຽງຄົນແລ່ນມາແລ້ວ
“ນ້ຳຕານ!!”
“ພູຜາ ຊ່ວຍເຂົາແນ່ ໝູ່ເພິ່ນນີ້” ພູຜາແລ່ນມາຊັດໜ້າໝູ່ລາວທັງສອງຄົນແລ້ວກໍ່ຈັບມືຂ້ອຍອອກມາຈາກບ່ອນນັ້ນ
“ເມົາແລ້ວກະເມືອນອນໄປ໋,,ພວກໝາ”ແລ້ວພູຜາກໍ່ພາຂ້ອຍຍ່າງເຂົ້າມາໃນງານຄືນ
“ຂໍໂທດເດີນ້ຳຕານຂໍໂທດອີ່ຫຼີ”
“ບໍ່ເປັນຫຍັງດອກ,ເຂົາບໍ່ທັນໄດ້ເປັນຫຍັງ ແຕ່ເຂົາຢາກກັບແລ້ວ,”
“ໂອເຄຊັ້ນ,,ເຂົາຊິໄປສົ່ງ” ຂ້ອຍຍິ້ມຮັບແລ້ວກໍ່ຍ່າງອອກມາຈາກງານທັນທີ,ພູຜາຂັບລົດໄປສົ່ງຂ້ອຍ,,ແຕ່ພໍມາຮອດເຄິ່ງທາງພູຜາກັບລ້ຽວໄປທາງທີ່ບໍ່ແມ່ນທາງກັບບ້ານຂ້ອຍ ຂ້ອຍເລີ່ມສົງໄສ
“ພູ,ເພິ່ນຊິໄປໃສນີ້,ມັນຄົນລະທາງກັບບ້ານເຂົາລະໄດ໋”
“ອໍ,,ເຂົາຂໍແວ່ຫາພີ່ນ້ອງແປັບໜຶ່ງເດີ,ເພິ່ນບໍ່ຟ້າວຕິ” ພູຜາມາຈອດຕໍ່ໜ້າສະຖານທີ່ແຫ່ງໜຶ່ງມັນຄ້າຍຄືກັບໂກດັງຫຼາຍກວ່າບ້ານຄົນ
“ເພິ່ນບໍ່ລົງໄປກັບເຂົາຫວະ” ພູຜາຖາມ
“ບໍ່ໄດ້ແລ້ວ,,ເຂົາຖ້າຢູ່ນີ້ກະໄດ້,,”
“ໂອເຄ,,ແຕ່ເຂົາຂໍມອດລົດເດີ,,ປະຢັດນ້ຳມັນ”
“ບໍ່ເປັນຫຍັງ,” ພູຜາຍ່າງລົງໄປດົນເຕີບ,ລະຫວ່າງນັ້ນຂ້ອຍກໍ່ເລີຍຕັດສິນໃຈໂທຫາຕິນ່າເພື່ອຂ້າເວລາ
“ນອນລະຫວະ” ຂ້ອຍອອກມາລົມຢູ່ນອກລົດ
(ຍັງ,,ມີຫຍັງບໍ່)
“ຫຶ,,ໂທມາຫຼິ້ນນຳເຊັງໆ,,ຕອນນີ້ມາງານລ້ຽງກັບພູຜາໄດ໋ນີ້”
(ເຮີຍ,,ຫາເລື່ອງຕາຍອີກລະໝູ່ກຼູ,ງານຢູ່ໃສ)
“ຢູ່ແຖວເຈົ້າຟ້າງຸ່ມ,,ແຕ່ອອກມາແລ້ວ,ພູຜາມາແວ່ຫາພີ່ນ້ອງໜ໋ອຍໜຶ່ງວ່າຊັ້ນແຖວໆນີ້ແຫຼະ”
(ແວ່ຫາພີ່ນ້ອງ,,ມັນໜ້າສົງໄສໄດ໋ນີ້)
“ກະວ່າຢູ່,,ຈັກແມ່ນເຮືອນອີ່ຫຍັງຄຶໂກດັງ,,,ວ໋າຍຍຍຍຍຍຍ” ຂ້ອຍຮູ້ສຶກມີຄົນເອົາຜ້າສີຂາວມາອັດດັງໄວ້,,ແລະຫຼັງຈາກນັ້ນທຸກຢ່າງກະຕົກຢູ່ໃນຄວາມມືດ,,ສະຕິສຳປະຊັນຍະດັບວູບລົງທັນທີ
ສິບຫ້ານາທີຜ່ານໄປ
ຂ້ອຍຕື່ນຂຶ້ນມາອີກຄັ້ງກໍ່ພົບວ່າຕົວເອງນອນຢູ່ພື້ນໄມ້ແຂງໆແລະກໍ່ເຫັນພູຜາຢູ່ຕໍ່ໜ້າ…ຊະນິດທີ່ວ່າລາວກຳລັງນອນຂວ້າມໂຕຂ້ອຍຢູ່..ເຖິງຂ້ອຍຊິຮູ້ສຶກໂຕແຕ່ຂ້ອຍກໍ່ຍັງບໍ່ມີແຮງພໍທີ່ຈະເຮັດຫຍັງຄົນຕໍ່ໜ້ານີ້ໄດ້
“ພູຜາ,,ຢຸດ,,ຢຸດດຽວນີ້,,”ຂ້ອຍເວົ້າພ້ອມກັບນ້ຳຕາທີ່ໄຫຼອອກມາ,,ຕອນນີ້ພູຜາກຳລັງຈູບລົງມາທີ່ຊອກຄໍຂອງຂ້ອຍ
“ນ້ຳຕານ,ເຂົາຮັກເພິ່ນໄດ໋”
“ຢຸດ..ຢຸດແມຂໍຮ້ອງ ຮຶກໆ”ຂ້ອຍຮ້ອງມັນອອກມາດ້ວຍຄວາມເຈັບໃຈ ນີ້ຫວະຄົນທີ່ຂ້ອຍໄວ້ໃຈ
ຂ້ອຍໃຊ້ມືງົມຫາບາງຢ່າງຂ້າງໂຕທີ່ພໍຈະໃຊ້ເປັນອາວຸດໄດ້..ແລະຂ້ອຍກໍ່ຈັບຫີນໄດ້ກ້ອນໜຶ່ງ.ຂ້ອຍຕັດສິນໃຈທຸບມັນໃສ່ຫົວພູຜາທັນທີ ພູຜາລຸກອອກຈາກການນອນຂວ້າມຂ້ອຍທັນທີ
”ໂອ໋ຍ,,ນ້ຳຕານ,ເຂົາອ່ອນໂຍນກັບເພີ່ນສຸດໆລະໄດ໋”ພູຜາກຽມຈະຍ່າງເຂົ້າມາຫາຂ້ອຍອີກ
“ຢຸດ ບໍ່ຕ້ອງມາໃກ້ ,ຖ້າເຈົ້າເຂົ້າມາຂ້ອຍຊິ..ເອົາຫີນນີ້ທຸບໂຕເອງຕາຍ”
“ນ້ຳຕານ,ມັນບໍ່ມີປະໂຫຍດດອກ..ເຈົ້າບໍ່ກ້າດອກ” ພູຜາຍ່າງມາຫາຂ້ອຍເລື້ອຍໆ,,ຂ້ອຍຫຼັບຕາແລ້ວກຽມກະທຸບກ້ອນຫີນໃສ່ຫົວໂຕເອງ,,ຮື,,ຢ້ານເຈັບຄືກັນແຕ່ດີກວ່າຊິຍອມໃຫ້ມັນຂົ່ມເຫງຕາຍດີກວ່າ,,ແຕ່ຍັງບໍ່ທັນຈະໄດ້ທຸບ,ກໍ່ມີມືມາຈັບມືຂ້ອຍໄວ້ແລ້ວບິດຂໍ້ມືຂ້ອຍຈົນເຮັດໃຫ້ກ້ອນຫີນຕົກໄປດດເຈັບບບໂວຍຍຍ
”ບໍ່ມີປະໂຫຍດດອກຄົນງາມ”ພູຜາຈັບຂ້ອຍໃຫ້ນອນແລ້ວຂວ້າມຂ້ອຍໄວ້ຄືເກົ່າ
ຕອນນິ້ພູຜາກຳລັງແກ້ເສື້ອຂອງຂ້ອຍອອກຂ້ອຍຮູ້ສຶກໄດ້ເຖຶງຄວາມໜາວເຢັນເພາະຕອນນີ້ຮ່າງກາຍສ່ວນເທິງຂອງຂ້ອຍເຫຼືອພຽງແຕ່ເສື້ອຂາດໆກັບບຣາໂຕດຽວ
“ກາຍຍຍຍຍຍຍຍຍຍຍຍຍຍຍຍຍຍຍ!!!!!” ຄົນດຽວທີ່ຂ້ອຍຢາກເຫັນທີ່ສຸດແມ່ນກາຍ,,ມັນຊິບໍ່ມີປະຕິຫານເລີຍຫວະ,,,
ຂຽນເມື່ອ: ພ.ຈ.. 27, 2009
| ມີ
ໜວດໝູ່:
ກັບໄປໄດອາຣີ່ຂອງ Liitaa Arch CluB, 'user_report.php?return_url=http%253A%252F%252Fpunlao.com%252Fblog.php%253Fuser%253DUnnameS%2526blogentry_id%253D9626&TB_iframe=true&height=300&width=450', '', './images/trans.gif');){kind=spacer}
ແຈ້ງເນື້ອຫາບໍ່ເໝາະສົມ
