ມີການປະພຶດຢ່າງໜຶ່ງທີ່ຄົນຄົນບາງຄົນມັກເຮັດຄືການປັ້ນນ້ຳເປັນໂຕ ໄດ້ແກ່ປັ້ນເລື່ອງຂຶ້ນມາເພື່ອປະໂຫຍດບາງຢ່າງ ເຊັ່ນເພື່ອຍົກຕົວເອງ ເພື່ອທຳລາຍຄົນອື່ນ ຫລື ເພື່ອໃຫ້ຄົນອື່ນແຕກແຍກກັນ ເຊິ່ງເລື່ອງເຫລົ່ານີ້ເປັນເລື່ອງທີ່ບໍ່ຈິງ ບໍ່ເປັນໄປຕາມຄວາມຈິງ ແຕ່ຜູ້ເວົ້ານັ້ນມີວິທີການເວົ້າຊັກຈູງໃຫ້ຄົນອື່ນເຊື່ອຖືດີ ຫລື ບາງຄັ້ງຜູ້ປັ້ນເລື່ອງນັ້ນເປັນຄົນມີຖານະ(ຍົດ) ຈິ່ງເຮັດໃຫ້ຄຳເວົ້ານັ້ນມີນ້ຳໜັກໜ້າເຊື່ອຖືໄດ້ ທັ້ງໆທີ່ເລື່ອງນັ້ນບໍ່ອາດພິສູດ ຫລື ໜ້າເຊື່ອຖືໄດ້ວ່າເປັນເລື່ອງຈິງ ກາຍເປັນວ່າຜູ້ຮັບຟັງເຊື່ອຄົນເວົ້າເປັນສຳຄັນ ເມື່ອເຊື່ອຄົນເວົ້າແລ້ວ ເລື່ອງທີ່ເຂົາເວົ້າອອກມາກໍ່ພອຍເປັນໜ້າເຊື່ອຖືໄປນຳ(ຜູ້ໃຫຍ່ເວົ້າຫຍັງກໍ່ຄື) ການປັ້ນນ້ຳໃຫ້ເປັນໂຕນີ້ໄດ້ທຳລາຍຄົນມາຫລາຍຕໍ່ຫລາຍແລ້ວ ໝູ່ສະໜິດຕ້ອງແຕກກັນ ສາມີພັນລະຍາຕ້ອງມາຜິດຖຽງກັນ ຫລື ແຍກທາງກັນໄປ ເຈົ້ານາຍກັບລູກນ້ອງຕ້ອງບດໝາງກິນໃຈກັນ ຄົນຢູ່ນຳກັນເບິ່ງໜ້າກັນບໍ່ໄດ້ ເຫລົ່ານີ້ສ່ວນໜຶ່ງກໍ່ມາຈາກການປັ້ນນຳ້ໃຫ້ເປັນໂຕນີ້ເອງ