ຄຸນຄ່າຂອງ “ຫວ້ານຫາງແຂ້” ມີຫຼາຍໃນເລື່ອງຂອງຄວາມງາມ ເຊິ່ງຈະຊ່ວຍເຮັດໃຫ້ຜິວພັນຜຸດຜ່ອງ ກຳຈັດສິວ ແລະ ລົບຮອຍດ່າງດຳໄດ້ ເຊິ່ງເຮົາສາມາດໃຊ້ຫວ້ານຫາງແຂ້ເພື່ອບຳລຸງຜິວໂດຍກົງ ໂດຍໃຊ້ແຕ່ເມືອກວຸ້ນສີຂາວໃສທີ່ຢູ່ພາຍໃນ

ແຕ່ກ່ອນຈະໃຊ້ຄວນທົດສອບອາການແພ້ເສຍກ່ອນ ໂດຍໃຊ້ນ້ຳຈາກວຸ້ນສີຂາວໃສ ທາບໍລິເວກົກຫູ ແລ້ວປະໄວ້ໜ້ອຍໜຶ່ງ ຖ້າບໍ່ເກີດເປັນພື່ນແດງ ກໍ່ສາມາດໃຊ້ໄດ້ເລີຍ

ນອກຈາກນີ້ ຍັງສາມາດໃຊ້ຫວ້າງຫາງແຂ້ທາບໍລິເວຫົວສິວ ເພື່ອເຮັດໃຫ້ສິວແຫ້ງໄວ ແລະ ຍັງຊ່ວຍຫຼຸດຄວາມມັນຂອງໃບໜ້າໄດ້ ໂດຍບໍ່ເຮັດໃຫ້ຜິວໜ້າແຫ້ງຕຶງນຳອີກ

ຂີ້ໝິ້ນສົດ ມີສານ Curmin ແລະ ມີນ້ຳມັນຫອມລະເຫີຍ ເຊິ່ງສາມາດຊ່ວຍຍັບຍັ້ງການຈະເລີນເຕີບໂຕຂອງເຊື້ອແບັກທີເລຍ ແລະ ເຊື້ອຣາ ຫຼາຍຊະນິດ, ຊ່ວຍບຳລຸງຜີວໜ້າໃຫ້ສົດໃສອ່ອນໄວ ແລະ ຊ່ວຍໃຫ້ສິວຫຍຸບໄວ ລອງໃຊ້ຂີ້ໝິ້ນສົດເລັກນ້ອຍມາປັ່ນລວມກັບ ດິນສໍພອງ ແລະ ນ້ຳໝາກໜາວໜຶ່ງໜ່ວຍ ປັນຈົນເປັນສ່ວນພະສົມດຽວກັນ ທາໃຫ້ທົ່ວໃບໜ້າທີ່ສະອາດ ປະໄວ້ປະມານ 15 - 20 ນາທີ ແລ້ວລ້າງອອກ ດ້ວຍນ້ຳສະອາດ ເຮັດເປັນປະຈຳ ອາທິລະ 2 ຄັ້ງ ພຽງເທົ່ານີ້ທ່ານກໍ່ຈະມີຜິວໜ້າທີ່ອ່ອນໃສແລ້ວ

(ສາວໆລອງເອົາສູດນີ້ໄປໃຊ້ລອງເບິ່ງ ຮັບຮອງວ່າໄດ້ຜົນດີແນ່ນອນ)

ຂ້າພະເຈົ້າມີບາງພຶດຕິກຳຂອງສາວໆ ທີ່ໜຸ່ມໆບໍ່ມັກໃຫ້ປະຕິບັດກັບໂຕເອງມາຝາກ

• ໂທນຳຈິກຕະຫຼອດເວລາທີ່ບໍ່ໄດ້ຢູ່ນຳກັນ: ປະມານວ່າ ຖ້າແຍກຈາກກັນຕອນໃດ ເປັນຕ້ອງໂທມາຖາມວ່າ ”ຢູ່ໃສ?“ ”ເຮັດຫຍັງຢູ່?” ”ຢູ່ກັບໃຜ” “ເຮັດຫຍັງຢູ່ໃສ?” ຫຼືບາງທີ່ກໍ່ອາດຈະບອກໃຫ້ຄົນລອບຂ້າງມາຢືນຢັນວ່າແທ້ບໍ່

• ຢຸດຄຳຕອບທີ່ວ່າ “ແລ້ວແຕ່ເຈົ້າ”: ເພາະວ່າເປັນກາງເກີນໄປ ການທີ່ສາວໆຢາກຈະເອົາໃຈໜຸ່ມໆດ້ວຍການຍອມຕາມໃຈເຂົາທຸກຢ່າງກໍ່ບໍ່ແມ່ນ ເລື່ອງດີ ເພາະບາງຄັ້ງໜຸ່ມເຂົາກໍ່ບໍ່ຢາກຮູ້ສຶກວ່າ ກຳລັງເວົ້າຢູ່ກັບຫຸ່ນຍົນ ທາງທີ່ດີເມື່ອເຂົາຖາມຫຍັງ ກໍ່ພະຍາຍາມອອກຄວາມຄິດເຫັນແນ່ກໍ່ດີ

• ບ້າ Shopping ແບບບໍ່ມືນຫູມືນຕາ: ບໍ່ວ່າມີເຄື່ອງຂາຍຢູ່ບ່ອນໃດກະຂໍໃຫ້ແຕ່ໄດ້ໄປນຳເຂົາ ແຖມຍັງເປັນພວກທີ່ມີຄວາມສາມາດພິເສດ shop ໄດ້ຕັ້ງ ໑໐ ຊົ່ວໂມງຄື ແຕ່ເຊົ້າເທົ້າຄ່ຳ ສາວໆກໍ່ບໍ່ຫວັ່ນ ອັນນີ້ໜຸ່ມໆເຂົາຮັບບໍ່ຄ່ອຍໄດ້

• ຢ່າຄາດຫວັງກັບເລື່ອງໂຣແມນຕິກໃຫ້ຫຼາຍຈົນເກີນໄປ: ແມ່ນຢູ່ທີ່ວ່າຜູ້ຊາຍບາງຄົນກໍ່ແສນຈະໂຣແມນຕິກ ຮູ້ຈັກເອົາໃຈຜູ້ຍິງຂອງເຂົາດ້ວຍວິທີ່ການ ທີ່ແສນຈະໜ້າຮັກສາລະພັດ ແຕ່ກໍ່ເປັນບາງຄົນເທ່ົານັ້ນ ບໍ່ແມ່ນວ່າຜູ້ຊາຍຈະເປັນຄືກັນໝົດ ດັ່ງນັ້ນສາວໆຢ່າໄປຄາດຫວັງໃຫ້ເຂົາໂຮແມນຕິກເກີນໄປ ຫຼາຍ ເພາະພວກເຂົາຄິດວ່າ ຖ້າມາຈາກໃຈຂອງພວກເຂົາຈະດີກວ່າທີ່ພວກເຂົາຕ້ອງເຮັດເພາະທ່ານຢາກໃຫ້ເຮັດ

• ຈົ່ມໄດ້ທຸກເລື່ອງ: ແຫ່ງຈົ່ມຕອນທີ່ນັ່ງຢູ່ໃນລົດນຳກັນແລ້ວ ໜຸ່ມໆແຫ່ງເຊັງໄປກັນໃຫຍ່ ເພາະເວລາຂັບລົດເຂົາເອົາກໍ່ຕ້ອງການສະມາທິຄືກັນ ພຽງແຕ່ຂັບລົດຢ່າງດຽວກໍ່ຈະບໍ່ໄຫວແລ້ວ ຍັງຈະຕ້ອງໃຫ້ເຂົາມານັ່ງທົນຟັງທ່ານຈົ່ມໃສ່ຫູເຂົາອີກນຳຫວາ!

• ຄົນລົ້ມຢ່າຂ້າມ: ເມື່ອເຂົາເຮັດຜິດກໍ່ຢ່າຊ້ຳເຕີມກັນເລີຍ ແມ່ນຢູ່ທີ່ວ່າຜູ້ຊາຍເປັນປະເພດທີ່ເຊື່ອໝັ້ນໃນຄວາມຄິດຂອງໂຕເອງສູງ ບາງຄັ້ງການທີ່ເຂົາຈະເຮັດຫຍັງຈັກຢ່າງ ເຂົາຈຶ່ງກ້າວໜ້າຢ່າງບໍ່ມີຖອຍ ເຖິງແມ່ນວ່າທ່ານຈະເຄີຍເຕືອນເຂົາແລ້ວກໍ່ຕາມ ແຕ່ຖ້າເມື່ອໃດທີ່ເຂົາເຮັດຜິດພາດແລ້ວ ທ່ານແຫ່ງໄປຊ້ຳເຕີມເຂົາວ່າ “ຂ້ອຍບອກແລ້ວເຈົາກໍ່ບໍ່ເຊື່ອ” ”ເປັນຈັ່ງໃດໄດ້ເລື່ອງເລີຍ” ຫຼືອີ່ຫຍັງປະມານນີ້ ເຖິງແມ່ນວ່າຈະເບິ່ງຄືບໍ່ຮຸນແຮງສຳລັບທ່ານ ແຕ່ສຳລັບເຂົາໃນອາລົມນັ້ນແມ່ນແຮງເອົາເລື່ອງເລີຍລະ

ຖ້າສາວໆຄົນໃດລອງອ່ານແລ້ວ ກໍ່ພະຍາຍາມລົດພຶດຕິກຳທີ່ກ່າວມາຂ້າງເທິງນີ້ ກ່ອນທີ່ໜຸ່ມໆຈະຫັນໜ້າໜີໄປກ່ອນ

ວິທີປອກຫົວຜັກບົ່ວບໍ່ໃຫ້ນ້ຳຕາໄຫລ ແມ່ນຕ້ອງກຳຈັດນ້ຳມັນລະເຫີຍ ການທີ່ເຮົາປອກ ຫລື ຊອຍຫົວຜັກບົ່ວແລ້ວນ້ຳຕາໄຫລ  ກໍຍ້ອນວ່າ ໃນຫົວຜັກບົ່ວມີນ້ຳມັນທີ່ລະເຫີຍໄດ້ ນ້ຳມັນທີ່ລະເຫີຍອອກມາມີກິ່ນແຫງຈັດ ເລີຍເຮັດໃຫ້ແສບຕາ ໂດຍສະເພາະຄົນທີ່ຕາບໍ່ແຂງແຮງ

ວິທີປອກຫົວຜັກບົ່ວບໍ່ໃຫ້ນ້ຳຕາໄຫລຄື: ໃຫ້ແຊ່ຫົວຜັກບົ່ວໃນນ້ຳຕົ້ມ ແລ້ວນຳໄປແຊ່ຕໍ່ໃນນ້ຳເຢັນຈັດທັນທີ ຈະເຮັດໃຫ້ປອກຫົວຜັກບົ່ວໄດ້ງ່າຍຂຶ້ນ ແລະ ບໍ່ເຮັດໃຫ້ນ້ຳຕາໄຫລ

ຜູ້ຍິງ ອາຍຸ 17 ປີ: ປຽບເໝືອນກິລາ ເຕະບານ ມີຄົນຍາດກັນຊາວກວ່າຄົນ ພໍ່ໄດ້ມາສົມໃຈແລ້ວກໍ່ເຕະສົ່ງຕໍ່ໃຫ້ໝູ່ (ໝູ່ກັນເອງຍັງຍາດກັນ)

ຜູ້ຍິງ ອາຍຸ 27 ປີ: ປຽບເໝືອນກິລາ ບານບ້ວງ (Basketball) ມີຄົນຍາດກັນສິບກວ່າຄົນ (ຫຼຸດລົງມາ) ກໍ່ຖືວ່າຍັງ OK ຢູ່ທີ່ຍັງມີຄົນຍາດ

ຜູ້ຍິງ ອາຍຸ 37 ປີ: ປຽບເໝືອນກິລາ ເຕະກະຕ້ໍ ມີຄົນຍາດກັນໜ້ອຍລົງ ໄດ້ມາລະກະເຕະໄປ ເຕະໄປເຕະມາ ຍາກໄດ້ແນ່ ບໍ່ຢາກໄດ້ແນ່

ຜູ້ຍິງ ອາຍຸ 47 ປີ: ປຽບເໝືອນກິລາ ຕີປິ່ງປ່ອງ ບໍ່ຢາກເກັບໄວ້ ມີແຕ່ຕີສົ່ງຕໍ່ໃຫ້ຝ່າຍກົງກັນຂ້າມ ຕີໄປຕີມາ

ຜູ້ຍິງ ອາຍຸ 57 ປີ: ປຽບເໝືອນກິລາ ຕີກ໋ອບ ຄືຕີໃຫ້ລົງຂຸມເລີຍ ຖ້າຕີບໍ່ລົງຂຸມແມ່ນນຳໄປຊຳ້ຈົນລົງຂຸມໃຫ້ໄດ້ ຄືບໍ່ຢາກເຫັນໜ້າອີກເລີຍ