ມຶ້ນີ້ແມ່ນວັນ X-mas ໃຜໄດ້ຮັບຂອງຂວັນຫຍັງ ຫລື ເອົາຫຍັງໃຫ້ໃຜບອກແດ່ດຸຫັ້ນ

ເພາະວ່າຂ້າພະເຈົ້າເອງຍັງບໍ່ທັນໄດ້ຫຍັງເທື່ອ ແລະ ກະຍັງບໍ່ຮູ້ຊິເອົາໃຫ້ໃຜ

ຫລັງຈາກທີ່ຜ່ານການພລີເຊັ້ນມາແລ້ວ 11 ຄັ້ງໃນເດືອນທັນວາ ແຕ່ກໍ່ຍັງບໍ່ຈົບ ວັນທີ 25 ນີ້ກໍ່ຈະເປັນເທື່ອສຸດທ້າຍແລ້ວ.

ດີໃຈແຮງເພາະວ່າໄກ້ຈະໄດ້ເວລາພັກຜ່ອນ, ແລະ ກໍ່ມີ 2 ເທດສະການທີຈະໃຊ້ເວລາອັນໜັກໜ່ວງທີ່ຜ່ານມານັ້ນ ມາພັກຜ່ອນກັບການສະຫລອງວັນຄຣິດສ໌ມາດ ແລະ ປີໃໝ່ສາກົນ 2009 ທີ່ຈະມາເຖິງນີ້.

ແຕ່ວ່າອາກາດຊ່ວງນີ້ໜາວແຮງ ຈົນບໍ່ຢາກອອກໄປໃສ ແຕ່ກໍ່ຍັງດີທີ່ຮິມະຍັງບໍ່ທັນຕົກເທື່ອ, ຄືຊິອອກໄປສະຫລອງຢູ່ກຽວໂຕ, ໂອຊາກາ, ໂກເບ, ນາຣະ, .............. ໃຜຢາກໄປນຳລະມາເດີ ຍັງບໍ່ທັນມີໝູ່ໄປທ່ຽວເທື່ອ ຍິນດີເດີ້.

ຫລັງຈາກພັກປີໃໝ່ມາ ແລ້ວກໍ່ຕ້ອງມາລຸຍກັບການຮຽນໜັງສີຕໍ່ ເພື່ອຊາດ-ບ້ານເມືອງ ຂອງເຮົາ ສູ້ ສູ້ ສູ້ ຕາຍ.......................

ທຸກຄົນອາດຈະຄິດວ່າພໍຮອດເດືອນ 12 ແລ້ວກໍ່ຄົງຈະດີເພາະວ່າຈະໝົດປີເກົ່າ ວຽກງານຄົງຈະເບົາໆລົງ ເພາະວ່າຈະຕ້ອງໄດ້ສະຫລຸບວຽກທ້າຍປີແລ້ວກໍ່ພັກຜ່ອນ.

ແຕ່ສຳລັບຂ້າພະເຈົ້າເອງ ເດືອນ 12 ປີນີ້ແມ່ນໜັກໜ່ວງຫລາຍທາງດ້ານການຮຽນ ບໍ່ເຄີຍເຈີຈັກເທື່ອວ່າພາຍໃນ 4 ອາທິດ ມີ ພລີເຊັ້ນເຖິງ 12 ຄັ້ງ ແລະ 3 ບົດລາຍງານ.

ແຕ່ເຖິງຢ່າງໃດກໍ່ຕາມການຮໍ່າຮຽນເຖິງວ່າມັນຈະຫຍຸ້ງຍາກ ຫລື ໜັກໜ່ວງປານໃດກໍ່ຕາມ ເຮົາກໍ່ຕ້ອງໄດ້ຕັ້ງໃຈເຮັດໃຫ້ດີທີ່ສຸດເທົ່າທີ່ຈະເຮັດໄດ້..... ກະດີແບບໜຶ່ງຫລຸດນ້ຳໜັກໄດ້ໜ້ອຍໜຶ່ງ.

ສຳເລັດໄປແລ້ວ 8 ຄັ້ງ ແລະ ບົດລາຍງານ 2 ອັນ, ຍັງອີກພຽງແຕ່ພລີເຊັ້ນ 4 ຄັ້ງ ແລະ ບົດລາຍງານ 1 ອັນເທົ່ານັ້ນປີນີ້ກໍ່ຈະຈົບລົງດ້ວຍດີ...... ສູ້ ສູ້ ສູ້ເພື່ອອານາຄົດຂ້າງໜ້າ ແລ້ວທຸກຢ່າງຄົງຈະດີເອງ 5555
ເອົາລະມື້ນີ້ພໍເທົ່ານີ້ກ່ອນ ລະມື້ໜ່າສິມາຂຽນໃໝ່ເດີ

    ຫລາຍຄົນຄິດວ່າການທີ່ໄດ້ໄປສຶກສາຢູ່ຕ່າງປະເທດນັ້ນເປັນສິ່ງທີ່ີໜ້າພູມໃນໃຈ, ຂ້ອຍເອງກໍ່ຄິດວ່າມັນໜ້າຈະເປັນແບບນັ້ນຄືກັນ. ແລະແລ້ວກໍ່ໄດ້ມີໂອກາດມາສຶກສາທີ່ຍີ່ປຸ່ນ. ດີໃຈ ແລະ ພູມໃຈຫລາຍທີ່ໄດ້ຮັບໂອກາດດີໆແບບນີ້.

    ພໍມາຮອດຍີ່ປຸ່ນກໍ່ຮູ້ສຶກຕື່ນຕາຕື່ນໃຈ ທີ່ໄດ້ມາສຶກສາທີ່ປະເທດທີ່ມີການພັດທະນາທາງດ້ານເທັກໂນໂລຍີ ແລະ ມີວັດທະນະທຳອັນໜ້າສົນໃຈ.

    ຢູ່ມາໄດ້ປະມາ 5-6 ເດືອນກໍ່ເລື້ມຮູ້ສຶກວ່າການທີ່ໄປສຶກສາຢູ່ຕ່າງປະເທດນັ້ນເປັນສິງທີ່ໜ້າເບື່ອໜ່າຍຫລາຍຕ່າງກັບຢູ່ບ້ານເກີດເຮົາ ເພາະວ່າເຫງົາ ຄິດຮອດບ້ານ ຢາກກັບ້ານແລ້ວ. ແຕ່ຢ່າງໃດກໍ່ຕ້ອງໃດ້ຕັ້ງໃຈຮຽນໃຫ້ປະສົບຜົນສຳເລັດ ເພື່ອຈະໄດ້ກັນໄປພັດທະນາບ້ານເຮົາ.

ຄິດວ່າໝູ່ເພື່ອນຫລາຍຄົນອາດຈະຄິດຄືກັນແມ່ນບໍ່................

ຄິດຮອດບ້ານ  ຄິດຮອດບ້ານ  ຄິດຮອດບ້ານ ຄິດຮອດບ້ານ    ຄິດຮອດບ້ານ  ຄິດຮອດບ້ານ  ຄິດຮອດບ້ານ ເພາະວ່າຊິຢູ່ບ່ອນໃດມັນກະບໍ່ຄືຢູ່ບ່ານເຮົາ

ມານັ່ງຄອຍ ເມັ້ນເຈົ້າ       ຈັບເມົ້າ ເຝົ້າຈໍ

ແຕ່ເຈົ້າກໍ່ ບໍ່ມາ              ເມັ້ນກັບ ພໍໜ້ອຍ

ປ່ອຍໃຫ້ຄົນ ໂຕນ້ອຍ      ຄອຍເຝົ້າຫາ

ປານໃດໜາ ຄົນທີ່ເຝົ້າ     ຄອຍຖ້າຈະເມັ້ນກັບ

ຫາກມີກິກ       ຈົ່ງປົກປິດ         ໄວ້ໃນໃຈ

ຢ່າໄດ້ເອົາ         ມາທ້ອນໄວ້        ໃນພັນລາວ

ແຟນມາເຫັນ    ໃນຄອມເມັ້ນ       ເປັນເລື້ອງໃຫຍ່

ອາດຈະໄດ້       ປ່ຽນແຟນໃໝ່     ໃນພັນລາວ

ເຖິງບໍ່ໄດ້ພົບກັນ

ແຕ່ທຸກວັນຫວ່ງຫາ

ເຖິງບໍ່ໄດ້ພົບໜ້າ

ແຕ່ທຸກເວລາກໍ່ຄິດເຖິງ