ອ້າຍແສງແກ້ວ (ນາມສົມມຸດ) ມື້ໜື່ງມີເວລາຫວ່າງກໍ່ເລີຍຄິດແປງເຮືອນຄົວ ແຕ່ບໍ່ມີຄ້ອນຕີກະເລີຍເອີ້ນລູກຊາຍໄວ 11 ປີວ່າ:

ແສງແກ້ວ:  ຫຼ້າ!   ລູກໄປຢືມຄ້ອນຕີນຳຕູ້ສາໃຫ້ພໍ່ແດ່

ຈາກນັ້ນລູກຊາຍໄວ 11 ປີກໍ່ອອກໄປຫາເຮືອນຕູ້ສາດົນເຕີບແລ້ວກໍ່ກັບມາ

ຫຼ້າ: ພໍ່!​  ລາວບໍ່ໃຫ້ຢືມ

ແສງແກ້ວ: ຕາຍ! ຕູ້ນິ ຈັ່ງແມ່ນມັນຂີ້ຖີ່ ຢືມຄ້ອນຕີຊື່ໆກະບໍ່ໄດ້.. ອົດສາວ່າຢືມອັນອື່ນກະຍັງວ່າໃຄ ຄ້ອນຕີມັນເປັນເຫຼັກນ້າ... ມັນບໍ່ຫຼຸ້ຍບໍ່ຫ້ຽນດອກ... ເປັນຕາຊັງໃຫ້ມັນຮັ່ງມັນມີສະ!

ຢ່າແຫຼະລູກ.. ມັນບໍ່ໃຫ້ຢືມກະບໍ່ຕ້ອງຢືມໄປເອົາຄ້ອນຕີເຮົາມາກະໄດ້ ພໍ່ເອົາໄວ້ຢູ່ຫຼັງຕູ້ຫັ້ນ !!

ຫຼ້າ: ໃຜຂີ້ຖີ່ຫວະ!!

ແມ່ຕູ້ບົວວັນ (ນາມສົມມຸດ) ໄດ້ຍ້າຍມາຢູ່ວຽງຈັນກັບລູກສາວໄດ້ເກືອບຮອດປີແລ້ວ ມາມື້ໜື່ງລູກສາວ ແລະ ລູກເຂີຍຂອງຕົນໄດ້ອອກໄປເຮັດວຽກເຫຼືອແຕ່ແມ່ຕູ້ກັບຫຼານສາວຢູ່ບ້ານ

ເປັນທຳມະດາຂອງຜູ້ເຖົ້າທີ່ຈະຕ້ອງເຮັດນັ້ນເຮັດນີ້ຕະຫຼອດເວລາ ລາວບໍ່ມີຫຍັງເຮັດກະເລີຍອອກມາກວດຂີ້ເຫຍື້ອຢູ່ໜ້າປະຕູຮົ້ວ ພໍດີຈັກມີໝາ ມາແຕ່ໃສກະບໍ່ຮູ້ຍ່າງເຂົ້າມາໄກ້ແລ້ວສວບເອົາສົ້ນ ນ່ອງລາວເລືອດອອກໄຫຼເຕັມ ລາວຮ້ອງຂື້ນໝົດແຮງວ່າ:

- ຊ່ອຍແນ່ ໝາກັດກັນ

ທາງຫຼານສາວໄດ້ຍິນກໍ່ຮ້ອງມາໃສ່ວ່າ

- ຊ່າງຫົວມັນ ມັນຊິກັດກັນກະເລື່ອງຂອງມັນ ໃຫ້ມັນກັດກັນໂລດຕາຍໄດ້ຍິ່ງດີ ກັດກັນທຸກມື້ຢູ່.. ໜ້າເບື່ອ

ແມ່ຕູ້ໄດ້ຍິນແນວນັ້ນເຖິງຂັ້ນຫົວໃຈເກືອບຈະວາຍ..

ມີຄູ່ຮັກຄູ່ໜື່ງກຳລັງນັ່ງລົມກັນຢູ່ສວນສາທະລະນະແຫ່ງໜື່ງ

ຊາຍ: ເພິ່ນເຂົາຂໍຈັບມືເພິ່ນໃດ້ບໍ່?

ຍິງ: (ນັ່ງມິດ)

ຊາຍ:ແນ່! ບໍ່ໃຫ້ຈັບຫວາຊັ້ນ ເຂົາຂໍຫອມແກ້ມເພິ່ນໃດ້ບໍ່ ?

ຍິງ: (ອາຍບໍ່ປາກ)

ຊາຍ: ເອົ້າ! ເພິ່ນເຮົາຄົບກັນຫຼາຍປີແລ້ວຂ້ອຍຂໍກອດເຈົ້າຈັກຄັ້ງໄດ້ບໍ່ ?

ຍິງ: (ຍັງມິດຄືເກົ່າ)

ຊາຍ: (ໃຈຮ້າຍ)  ຫ້ວຍ! ເຈົ້າປາກກືກລະຫວາ ຄືບໍ່ຕອບຂ້ອຍຈັກເທື່ອເບາະ ຫະ!

ຍິງ: ຫ້ວຍ! ຊັ້ນເຈົ້າເປັນອຳມະພາດລະຫວາ ມີແຕ່ເວົ້າບໍ່ເຮັດຈັກເທື່ອ !!!!!!!!!!!!!!!!!!!!

ມື້ໜື່ງຕູ້ແສງ (ນາມສົມມຸດ) ນັ່ງຫຼີ້ນກັບຫຼານຢູ່ໜ້າບ້ານບັງເອີນຫຼານໄວ 8 ປີຖາມຂື້ນວ່າ:

ຫຼານ: ພໍ່ຕູ້ ສົມມຸດມີນົກກະຈອກ 2 ໂຕກຳລັງຈັບເຂົາຄວາຍທັງສອງເບື້ອງແລະພໍ່ຕູ້ວ່າເຂົາຄວາຍມັນຈະໜັກໄປຂ້າງໃດ?

ພໍ່ຕູ້: ໜັກໃປຂ້າງເບື້ອງຂວາຕິເບາະ

ຫຼານ: ພໍ່ຕູ້ຮູ້ໃດ້ແນວໃດ ?

ທາງຝ່າຍພໍ່ຕູ້ກະຫົວຂື້ນ ແຕ່ຜູ້ເປັນຫຼານເວົ້າຕໍ່

ຫຼານ: ພໍ່ຕູ້ເປັນຄວາຍສະເບາະ ຈື່ງຮູ້ນິ

ພໍ່ຕູ້ເຖິງຂັ້ນໜ້າຈືດ.....

ສອງພໍ່ລູກນັ່ງລົມກັນຢູ່ຫົວຂັ້ນໃດ ມີຕອນໜື່ງພໍ່ເວົ້າວ່າ

ພໍ່:  ເອີ້ ! ລູກເອີຍເວລາທີ່ພໍ່ລົງໂທດລູກແລ້ວລູກເຄີຍຮູ໊ສຶກຊັງພໍ່ບໍ່  ?

ລູກ: ກະຊັງເປັນບາງເທື່ອ

ພໍ່: ແລະເວລາທີ່ລູກຊັງພໍ່ແລ້ວລູກມັກຈະເຮັດຫຍັງ ?

ລູກ : ລູກມັກເຂົ້າຫ້ອງນ້ຳ

ພໍ່: ເອົ້າ ! ລູກເຂົ້າໄປເຮັດຫຍັງ ?

ລູກ : ລູກມັກເຂົ້າໄປລ້າງຫົວວິດ

ພໍ່: ເຮັດແນວນີ້ແລະລູກຮູ້ສຶກດີຂື້ນຫວາ ?

ລູກ : ດີແທ້

ພໍ່: ເປັນຫຍັງລູກຈື່ງຮູ້ສຶກດີເວລາທີ່ຖູຫ້ອງນ້ຳ ?

ລູກ: ຍ້ອນວ່າເວລາທີ່ລູກຄຽດໃຫ້ພໍ່ລູກມັກຈະເອົາແປງສີແຂ້ວຂອງພໍ່ມາຖູຫົວວິດຕະຫຼອດພໍ່ບໍ່ຮູ້ສະເບາະ

(ຜູ້ເປັນພໍ່ທັງ ງົງທັງຢາກຮ້າຍແຕ່ເຮັດຫຍັງບໍ່ໄດ້ເພາະຕົນບໍ່ຮູ້ຈັກເທື່ອ)

ມີກຸ່ມຂີ້ເຫຼົ້າກຸ່ມໜື່ງນັ່ງກິນເຫຼົ້າຢູ່ໜ້າເຮືອນ ພໍດີຕອນຄ້າຍແລງໃດ້ແນມເຫັນຄັນຂາຍກະແລ້ມກຳລັງຊຸກລໍ້ກະແລ້ມມາ ກຸ່ມຂີ້ເຫຼົ້າດັ່ງກ່າວບໍ່ມີແນວເຮັດກະເລີຍຄິດກວນຄົນຂາຍກະແລ້ມ..

ຄົນຂີ້ເຫຼົ້າ: ກະແລ້ມ!! ກະແລ້ມຍັງບໍ່?

ຄົນຂາຍກະແລ້ມ: ຍັງ!!

ຄົນຂີ້ເຫຼົ້າ: ເອີ້! ຄັນຍັງແລະໄປຂາຍຕໍ່ ຮ້າ,ຮະ ຮ້າ... (ເວົ້າແລ້ວກໍ່ພາກັນຫົວຂື້ນຢ່າງແຮງ)

ຄົນຂາຍກະແລ້ມຊຸກລໍ້ຍ່າງໄປໜ້ອຍໜື່ງແລ້ວຫັນກັບມາ

ຄົນຂາຍກະແລ້ມ:ບໍ່ ຂ້ອຍຊິບໍ່ຂາຍຕໍ່

ຄົນຂີ້ເຫຼົ້າພາກັນແນມເບິ່ງໜ້າກັນແລ້ວເຮັດສີໜ້າຄືງົງໆ

ຄົນຂີ້ເຫຼົ້າ: ອ້າວເປັນຫັຍງຈື່ງບໍ່ຂາຍຕໍ່?

ຄົນຂາຍກະແລ້ມ:ຊິຂາຍເຮັດຫັຍງຕໍ່ ກະຂາຍກະແລ້ມຄືເກົ່າຫັ້ນແຫຼະ ຮະ ຮ້າ ຮ້າ...

ໃນກໍລະນີທີ່ປ່ຽນຊື່ເປັນພາສາລາວແລ້ວ ຈະບໍ່ມີຜົນກະທົບຫັຍງຕໍ່ຂໍ້ມູນທຸກຢ່າງຂອງໂປຼໄຟລ໌ ບໍ່?

ຕົວຢ່າງເຊັ່ນ: ໝູ່ຈະຍັງຢູ່ຄືເກົ່າບໍ່, ກຸ່ມເດະ?ຈະຍັງຄືເກົ່າທຸກຢ່າງບໍ່?

ໃຜຮູ້ຊ່ວຍຕອບແນ່