ກັລຍານະມິຕຕັດຕາ ແປວ່າ: ເພື່ອນທີ່ດີ ມິດຜູ້ປ່ຽມລົ້ນດວ້ຍຄຸນຄວາມດີໃນທາງສີນລະທໍາ, ເນື້ອຫາສາລະຂອງຄວາມເປັນເພື່ອນທີ່ດີ, ມັນຢູ່ທີ່ການມີໃຈປາຖນາຕໍ່ກັນ, ເມດຕາຕໍ່ກັນ, ເອື້ອເຟື້ອເພື່ອແຜ່ຊ່ວຍເຫຼືອກັນໃນຍາມຕົກທຸກໄດ້ຍາກ.

  ຈາກຄວາມໝາຍທີ່ກ່າວມາ ຈະເຫັນໄດ້ວ່າ ເພື່ອນບໍ່ໄດ້ຈໍາກັດຢູ່ພຽງແຕ່ບຸກຄົນທີ່ມີຄວາມສະໜິດສະໜົມກັນເທົ່ານັ້ນ, ແຕ່ອາດຈະເປັນໃຜກໍ່ໄດ້ທີ່ມີຄຸນສົມບັດຂອງຄວາມເປັນເພື່ອນ ມີຄວາມບໍລິສຸດໃຈທີ່ຈະຊ່ວຍຊີ້ແນະແນວທາງແຫ່ງຄຸນງາມຄວາມດີທັງຫຼາຍ ເພື່ອໃຫ້ຮູ້ຈັກດໍາເນີນຊີວິດ ຢູ່ຢ່າງຖຶກຕ້ອງຕາມທໍານອງຄອງທັມ ເພື່ອຄວາມສຸກ ຄວາມຈະເລີນໃນຊີວິດຂອງຕົນເອງ ຄອບຄົວ, ສັງຄົມ, ປະເທດຊາດ ແລະ ສັງຄົມໂລກ :)

                                       ອັນເພື່ອນດີມີໜື່ງເຖິງຈະໜ້ອຍ

                                       ຍັງດີກວ່າຮ້ອຍເພື່ອນຄິດລິດສະຫຍາ

                                       ເໝືອນເກືອດີມີໜ້ອຍເຖິງຈະດ້ອຍລາຄາ

                                       ຍັງມີຄ່າກວ່ານາໍ້ເຄັມເຕັມທະເລ...

ຄວາມສຸກອັນເກີດຈາກສີ່ງພາຍນອກ

ສຸກບຶດດຽວໆກະຈາກເຮົາໄປ ແລ້ວເຮົາກະກັບມາທຸກອີກ

ຄວາມສຸກອັນເກີດຈາກການຝຶກຈິດໃຈຂອງເຮົາ

ໃຫ້ເປັນບຸນ ເຂົ້າໃຈກັບເຫດການ

ທີ່ກໍາລັງເກີດຂື້ນກັບເຮົາ ໂດຍມີສະຕິ

ເປັນເຄື່ອງຄວບຄຸມກັບສີ່ງທີ່ເກີດ

ແລ້ວເຮົາຈະມີຄວາມສຸກແບບດົນນານ ແລະ ຕະຫຼອດໄປ...

1. ການກໍານົດຈິດໃຈຂອງໂຕເອງ ໃຫ້ສົດຊື່ນເບີກບານ

    ແບບສະເໝີຕົ້ນສະເໝີປາຍ

2. ການກໍານົດຄວາມຮູ້ສຶກຂອງໂຕເອງ ໃຫ້ປອດໂປ່ງ

    ເບົາສະບາຍຢູ່ຕະຫຼອດເວລາ

3. ການບໍ່ປ່ອຍຈິດໃຈໃຫ້ໄປຍຶດຕິດກັບສີ່ງໃດສີ່ງໜຶ່ງ

                                 ( ທິດສະດີ 3 ປະການໂດຍຫຍໍ້ນີ້ ຄືທີ່ມາຂອງຄວາມສຸກປະຈໍາວັນ )

ຄັດຈາກປື້ມ ຄໍາສອນໃນດວງໃຈ

ຕ້ອງມີຄາດໝາຍຂອງຊີວິດທີ່ຈະໄປເຖິງ

ຍີ້ມແຍ້ມແຈ່ມໃສຢູ່ສະເໝີ

ຮູ້ແບ່ງປັນຄວາມສຸກໃຫ້ຜູ້ອື່ນ

ກຽມພ້ອມຊ່ວຍເຫຼືອທຸກຄົນ

ເປັນກັນເອງຢູ່ສະເໝີ

ຮູ້ວິທີປະສົມປະສານກັບທຸກຄົນທີ່ມີແບບດໍາລົງຊີວິດທີ່ແຕກຕ່າງກັນ

ຮັກສາຄວາມມ່ວນຊື່ນລື່ນເລີງຢູ່ສະເໝີ

ທຸ່ນທ່ຽງເມື່ອມີບັນຫາໃດໜື່ງເກີດຂື້ນແບບສຸກເສີນ

ຮູ້ວິທີໃຫ້ອະໄພແກ່ຄົນອື່ນ

ຄວນມີເພື່ອນທີ່ດີ

ເຮັດວຽກດ້ວຍຈິດໃຈຮ່ວມໝູ່

ຖືການຮ່ວມຊີວິດໃນຄອບຄົວເປັນສີ່ງທີ່ສໍາຄັນໃນທຸກສຽ້ວວິນາທີ

ຈົ່ງມີຄວາມໝັ້ນໃຈ ແລະ ພູມໃຈໃນຕົວເອງ

ເຄົາລົບຜູ້ທີ່ອອ່ນແອກວ່າ

ຄວນຮູ້ຂໍ້ມູນຂ່າວສານແດ່ເລັກນ້ອຍ

ຈົ່ງເຮັດວຽກດ້ວຍຄວາມຂະຫຍັນ

ຮູ້ຍອມຮັບການທົດສອບ

ຢ່າໄຝ່ຝັນຫາແຕ່ເງີນຄໍາ

ຕ້ອງກ້າຫານເມື່ອປະເຊີນໜ້າກັບສັດຕູ

ເຖີ່ງວ່າຊີວິດເຮົາຈະຕົກຢູ່ໃນສະພາບແບບໃດກໍ່ຕາມເຮົາກະຄວນເປັນຕົວຂອງຕົວເອງ

( ພຽງເທົ່ານີ້ພວກເຮົາກໍ່ມີຄວາມສຸກ )

ຖ້າທ່ານທໍາຕົວແຂງກັບສັງຄົມ

ທາງແຫ່ງຄວາມຫຼົ້ມຈົມກໍາລັງຕາມມາ

ຖ້າທ່ານເຮັດວຽກເຫັນແກ່ໜ້າ

ທ່ານຈະພົບບັນຫາເລື້ອຍໄປ

ຖ້າທ່ານຢ້ານຈົນເກີນໄປ

ທ່ານຈະເຮັດຫຍັງບໍ່ໄດ້

ຖ້າທ່ານຂາດຄວາມພໍດີ

ທ່ານຈະເປັນໜີ້ເຂົາຕະຫຼອດໄປ

ຖ້າທ່ານຫວັງແຕ່ຄວາມສະນຸກ

ທ່ານຈະເປັນທຸກມະຫາສານ

ຖ້າທ່ານຂາດຄວາມຢັ້ງຄິດ

ຊີວິດທັ້ງຊີວິດຈະໝົດຄວາມໝາຍ

ຖ້າທ່ານເຮັດໃຫ້ຫົວໃຈສະຫງົບ

ທ່ານຈະພົບກັບຄວາມສຸກທີ່ແທ້ຈິງ

  ໃນເມື່ອໃຜຫຼາຍຄົນມັກຈະເລີ້ມຕົ້ນຊີວິດໃຫ່ມທີ່ກ້າຫານ ແລະ ສົດໃສຫຼາຍຂື້ນກວ່າໃນມື້ເກົ່າ ຖ້າເຮົາບໍ່ຕີຄວາມຂອງຄໍາວ່າ ( ອົກຮັກ ) ໃຫ້ມີຄວາມໝາຍຢູ່ໃນແງ່ຮ້າຍ ບາງເທື່ອເຮົາອາດຈະຕົບມືສະແດງຄວາມຍີນດີໃຫ້ກັບຕົວເອງດ້ວຍຊໍ້າ ເພາະອົກຮັກໃນມື້ນີ້ນີ້ ແລະ ທີ່ຈະໃຫ້ບົດຮຽນສອນໃຫ້ເຮົາຮູ້ຈັກຄິດ ຮູ້ຈັກຮັກ ຫຼາຍຂື້້ນ. ແລ້ວຕໍ່ໃຫ້ຕ້ອງອົກຮັກຈັກພັນຄັ້ງບໍ່ຈໍາເປັນຕ້ອງເປືອງນໍ້າຕາ ຄວາມຮັກທີ່ບໍ່ສົມຫັວງມັນກໍ່ຄ້າຍໆ ຄືມີດບາດ ຕອນທໍາອິດນັ້ນເຈັບແສບສຸດຈະທົນຈົນນໍ້າຕາຫຼັ່ງ ແຕ່ພໍເວລາຜ່ານດົນໄປ ມັນກໍ່ກາຍເປັນແປ້ວ ທີ່ເຕືອນໃຫ້ເຮົາມີສະຕິລະວັງຕົວຂື້ນກວ່າເກົ່າ ແຕ່ບໍ່ໄດ້ເຮັດໃຫ້ຮູ້ສຶກວ່າເຮົາເຄີຍເຈັບ ຖ້າຜິດຫວັງແລ້ວມົວແຕ່ຕອກຢໍ້າຊໍ້າເຕີມຕົວເອງມັນຈະຊ່ວຍຫັຍງໃຫ້ດີຂື້ນ. ປ່ອຍໃຫ້ຄວາມທໍ້ຖອຍມາທໍາຮ້າຍຫົວໃຈຕົວເອງໃຫ້ທຸກທໍລະມານ ເຈົ້າຄວນປອບໂຍນຕົວເອງດ້ວຍຖ້ອຍຄໍາຂອງຕົວເອງ, ໂອບກອດຕົວເອງດ້ວຍສອງແຂນຕົວເອງ, ເຊັດນໍ້າຕາຂອງຕົວເອງດ້ວຍສອງມືຂອງຕົນເອງ, ຖ້າຫາກບໍ່ມີໃຜຮັກ ກໍ່...ຮັກຕົວເອງດ້ວຍຫົວໃຈຂອງຕົນເອງເຊັ່ນກັນ. ເວລາຄົນເຮົາປ່ວຍໄຂ້ຍັງຈໍາເປັນຕ້ອງປິ່ນປົວ ການປ່ວຍທາງດ້ານຈິດໃຈກໍ່ເຊັ່ນດຽວກັນມັນບໍ່ມີມື້ຈະຫາຍດີດອກຖ້າເຮົາບໍ່ຄິດຈະປິ່ນປົວຕົວເອງ ຈົ່ງຢ່າມົວແຕ່ຮ້ອງໄຫ້ ແລະ ຄໍ້າຄວນ, ທໍາຮ້າຍຕົວເອງ ລອງເປີດໂອກາດໃຫ້ຕົວເອງໄດ້ອອກໄປພົບກັບຄວາມສົດໃສຂອງໂລກພາຍນອກເບີ່ງ ເພາະໃນໂລກໜ່ວຍນີ້ຍັງມີຫຼາຍອັນທີ່ຈະພ້ອມເປັນເພື່ອນຄອຍຖ້າຮັບຟັງບັນຫາຂອງເຮົາຫຼວງຫຼາຍ.

( ເປັນກໍາລັງໃຈໃຫ້ເດີ ສູ້ຕໍ່ໄປ ຈັກວັນໜື່ງກໍ່ຈະດີເອງ )