ລອງຂຽນຫຼີ້ນໆ  ເປັນແນວໃດຊ່ວຍແນະນຳແດ່ເດີ  ຊິໄດ້ປັບປຸງໃນໂອກາດໜ້າ

           ຮັກສາວພັນລາວ

        ໂດຍ: ສ. ຄົນຊົນນະບົດ

• ຮັກສາວພັນລາວ              ຜູ້ແກ້ມຂາວຄົນນັ້ນອີຫຼີ

ຮັກດ້ວຍຄວາມປານີ                      ຮັກບໍ່ໜ່າຍໜີຜູ້ສາວຄົນນັ້ນ

ນ້ອງງາມແທ້ນາ                           ເໝືອນເທວະດານັ້ນລົງມາປັ້ນ

ອ້າຍຈົນຫຼົງແຍງນ້ອງທຸກວັນ          ສາວພັນລາວຄົນນີ້ລະນາ

• ອ້ານຮັກນ້ອງແຮງ            ແກ້ມແດງຄົນນີ້ແທ້ນໍ

ຮັກແມ່ນວນລະອໍ                         ຫວັງມາຮ່ວມກໍ່ກັບນ້ອງການດາ

ໄດ້ມາຮັກນ້ອງ                            ຖືວ່າເປັນບຸນວາດສະໜາ

ຮັກນ້ອງນາງເທົ່າຟ້າ                    ສາວໂສພາຈົ່ງຈຳເອົາໄວ້

• ຊ່ວຍຕອບຂໍ້ຄວາມ          ທາງຫຼັງໄມໄດ້ບໍ່ນ້ອງນາງ

ສົ່ງມາພຽງວັນລະຄັ້ງ                   ເພື່ອເປັນການຖາມຂ່າວທັກທາຍ

ຂໍພຽງສ່ຳນີ້                               ຄົງຊິບໍ່ເປືອງເວລາເກີນໄປ

ນີ້ລະຄືກຳລັງໃຈ                         ຊ່ວຍໃຫ້ອ້າຍມີແຮງສູ້ງານ

• ຮັກສາວພັນລາວ            ຜູ້ແກ້ມຂາວຄົນນັ້ນອີຫຼີ

ຈົ່ງເຫັນໃຈອ້າຍເຖີດຄົນດີ              ສາວໂສພີຜູ້ຍິ້ມຫວານໆ

ອ້າຍຮັກນ້ອງແທ້                        ຊິບອກພໍ່ແມ່ໄປຫາຢູ່ບ້ານ

ເພື່ອນພັນລາວຊ່ວຍເປັນພະຍານ    ວ່າອ້າຍນັ້ນຮັກນ້ອງສ່ຳໃດ