ວັນນີ້ຄື         ທີແປດ     ຂອງເດືອນສາມ

ງາມສະຫງ່າ ຜ່າເຜີຍ     ວັນແມ່ຍິງ

ທົ່ວໂລກາ     ຍອມຮັບ    ຈາກໃຈຈິງ

ພອນທຸກສິ່ງ ທີ່ລ້ຳເລີດ  ເກີດແດ່ທ່ານ

ຮຽມຂໍນ້ອມ   ດ້ວຍໃຈ   ບໍລິສຸດ

ມີທູບທຽນ    ພ້ອມດ້ວຍ ດວງມາລາ

ຂໍເທີດທູນ    ບຸນທ່ານ     ໄຫວ້ບູຊາ

ແປດມິນາ    ຈະຂໍຈຳ      ຕະຫຼອດໄປ

ຂໍອວຍພອນ   ມາຍັງ        ທ່ານຊາຕຣີ

ຄວາມສຸຂີ      ສະບາຍໃຈ     ພ້ອມດ້ວຍກາຍ

ຄວາມເສົ້າໝອງ  ພ້ອມພະຍາດ  ຂໍຈົ່ງຫາຍ

ສ່ວນໂຣກໄພ  ສິ່ງບໍ່ດີ   ໜີໄກຫ່າງ

ອາຍຸທ່ານ     ຢູ່ໄດ້     ຫລາຍພັນສາ

ສ່ວນວັນນະ  ຂໍໃຫ້    ງາມຜ່ອງໃສ

ສຸຂະນັນ      ຈົ່ງໄດ້   ມີເຫຼືອຫຼາຍ

ພາລະໄມ    ສົມບູນ  ພູນເປັນສຸກ